ان شاء الله تستمتعون بالقراءه..
..البارت الثاني والتسعون..
لما رجعت راسي شوي ورا ماقدرت اشوف وجهه
لانه انحنى شوي علشان يرفع رجلي
لما شالني وعدل وقفته ومشى فيني بخطوات سريعه
شفت بعيونه نظرة اصرار واضحه
وعيونه مركزه ع باب الغرفه
ابتسمت بحب وانا اسحب ذراعي واحط كفي ع رقبته من ورا وامسح بٲبهامي ع بشرته
واطالع بوجهه القريب مني
وريحته تغلغلت بروحي
واحساس صلابة صدره تخدرني
رمشت بثقل وانا ماودي تختفي ملامحه ثانيه عن عيوني
مع انها مرسومه بقلبي قبل عقلي
نزلت يدي الثانيه وحطيتها ع صدره واصابعي ع كتفه
احبه والايام الي قضيتها عند اهلي علمتني اني احبه اكثر من مااتوقع
ابغى اعيش معاه طول حياتي
قربت جسمي منه وهو يدخلني مع باب الغرفه وسكر الباب برجله
نزلني ع سريره بشويش وعيونه بعيوني
وسحب يده سحب
واخذ نظره ع بالكامل من راسي لرجولي
وبعدها حط يده ع رجلي ويد ع ذراع ودفني شوي بدون رقه علشان يبغي ينسدح
ضحكت ع طريقته لانه ماقدر
طريقته غلط والبطانيه تحتي تجمعت
بعدت له وانا امدد البطانيه تحتي
وانسدحت ع جنب وقابلته
انسدح بعد مافسخ حذياته وانا اطالع فيه
مبسوطه وسعيده وفرحانه وش بعد كلمه لنفس المعنى
احس ان هنا مكاني هنا انتمائي
لما انسدح دفن يده تحت كتفي وسحبني له ورفعني فوق بخشونه وبسرعه
بس انا بسرعه اكثر وبعناد حطيت راسي ع صدره ويدي ع بطنه
وقلت بجديه مصطنعه""ماقلت لي اش لونك المفضل تصدق للحين مااعرف""
حابه كل لحظه حابه اني رجعت لطبيعتي
رجعت لروحي
كل ثانيه ثمينه عندي
حط يده اليسار ع فكي ورفع وجهي حتى صرت اطالع فيه
واشوف عيونه
بس اوجعتني رقبتي ووخرت يده
وحاولت اجلس بس هو منعني بيده وبعدني عن صدره وصرت منسدحه ع ظهري وهو الي منسدح ع جنب
ويطل علي
ضحكت بخفيف لما شفت نظراته وفمهته
ورفعت يدي ومسحت ع شوي من شعره واذنه وقلت بلطف مصطنع""دقيقه اول تقول اش لونك المفضل""
قال بسرعه وكٲنه يبغى يخلص
وهو يرجع شعري ورا اذني و ع المخده
ونظراته تنتقل بين ملامح وجهي""انتي""
ضحكت بقوه وقلت""ذوقك حلو""
ولما قرب وجهه
بسرعه حطيت يدي ع صدره اوقفه
وقلت باصرار اني اسولف مع صدق بٲحساسي""فرحانه اليوم وكٲنه عيد(كملت بضحكه)انا احب العيد والعيديه وين عيديت........""
سكتني بطريقته بدون مايعطيني فرصه
ولا تمنعه يدي الي كانت ع صدره
دخلت عالم ليث وحده
عالم جميل خيالي
عالم يدور حول ليث
عال اشتقت له
عالم بمعنى كلمة عالم خلاني انتفض مشاعر
بس بعد كم دقيقه تغير كل شي
تغير هذا العالم الرومنسي النابض بالحياه
وصار عنيف وبدون مشاعر
بطريقه خوفتني
حطيت يدي الثنتين ع اكتافه احاول ابعده عني بخرعه
وعيوني مفتوحه ع وسعها من صدمة التغيير الجذري
اش صار
وقلت بين انفاسه بخوف ورجفه""ليث وخر""
وكٲن طلبي زاده جنون
امتلت عيوني دموع ورعب
وحاولت ابعده عني بهستيريا
وضربت اكتافه بكل قوتي وانا اتحرك
بس ماوقف وحشيته
الا بعد دقيقه تقريبا بكيفه
مو من محاولاتي
وبعد عني ونزل رجوله بالارض وجلس
وانا بعدت عنه وانا اعدل ثوبي برجفه لنهاية سريري
وللحين اطالع فيه بصدمه
اش الي تغير
اش صار
اش فيه
والرؤيا مو واضحه من دموعي
لاول مره اخاف من ليث قال بصوت يرتجف وهو يمسح ع وجهه""استغفر الله العظيم""
حاسه ان للحين مارجع لي عقلي
اش فيه
ماقدرت ارد عليه بشي اتوقع ماعندي صوت هذي الثواني
للحين دقات قلبي سريعه
من الخوف مو من الحب
حطيت يدي ع قلبي اهدي نفسي وانا مركزه بحركاته ومحتاطه احاف يرجع يقرب
منجد خايفه
رجع قال بصراحه وهو يوقف""ماقدرت استغلك""
مافهمت كلامه
ماادري انا الي مااستوعب
ولا كلامه الي مو واضح
قلت بصوت منخفظ بعد مابلعت ريقي""ايش""
ابغى افهم سبب الي صار
لازم فيه سبب
لف علي وقال بحده وهو يطالع فيني وكٲنه يتهمني""كنت ابغى اصير بٲخلاقك استغلك مثل مااستغليتيني بس ماقدرت(ورفع يدينه ورجعهم مكانهم بقوه)ماقدرت قلت ع نفس اتفاقنا سبع شهور ماتفرق واستغل وجودك بس ماقدرت انا مو مثلك""
قالها وكٲنه يضربني بحروفه الحاده هذي جرحتني
يستغلني
غطيت وجهي بيديني وبكيت بحرقه
يعني كل شي صار من دخلت البيت كذب
وانا ع بالي كل شي صار تمام
واقول له اليوم عيد
رفعت رجولي ونزلت راسي عليهم
هو مافكر الا بالحبوب وروحته وجيته وبهذا الوقت كله بس انتقام
هو حقود لهذي الدرجه
والحين برجع بيت اهلي بعد ماجلست ساعه انتظره بالمطعم
وحول ساعه لي هنا في بيته
بعد ارجع البيت
ماقدرت اسبه ولا ارمي عليه شي ولا اقوم اضربه
حاسه اني تحطمت بقوه
بعد ماوصلنا لهذي المرحله يطلع كل شي انتقام
هو فكر فيها ولا جاته ع طبق من ذهب بجيتي
معد قدرت اطالع فيه
كرهته ع تصرفه هذا
حتى لو بعد عني قبل مايصير شي
واعترف بعد
وخرت يدي عن وجهي بدون ماامسح دموعي
ونزلت من السرير وسحبت البطانيه برجلي ورميتها بالارض
وانا امشي لصاله بلبس عبايتي ولا راح اجلس عنده ثانيه
للحين مو مصدقه
مو قادره ابلع كلامه
ولا الموقف
جالس بحلقي خانقني
لبست عبايتي وطرحتي
لما شفت النقاب جلست ع الكنبه ورجعت ابكي
بعد كل شي سويته وقلته له يكون هذا جزاتي
اعطاني لمحه لسعاده بوجودي جنبه
وغير رائيه
حقود قلبه اسود
اش بسوي بحياتي انا
ولا شي يجي معاي صح
وتعبت
لا البيت صار ملك لي
ولا زواجي صار حقيقي وتهنيت فيه
ولا شغلي استمر ونجحت فيه
ولا مشروعي بيتنفذ واكون نفسي
كل شي ضدي
كل شي
وزود كل هذي خسرت قلبي
وصرت مجروحه ومنبوذه
هذا الي كنت اخاف منه قبل الزواج
والحين كيف برجع البيت وحدي بهذا الوقت
انسدحت ع الكنبه ودفنت وجهي فيها اكتم شهقاتي
انا كل شي تجاوزت عنه
بس يوصل لكذا
لهذي المرحله
مو قادره اتحمل واسامح
هذي المره هو الي خسرني
هو الي بيكون السبب
تعبت وانا احاول وحدي انجح هذا الزواج
انا بعد عندي طاقة تحمل
لما سمعت صوت خطواته
قلت بصوت باكي بدون ماارفع راسي""ابغى اروح البيت""
يستغل حبي
يستغل عطائي
يستغل روحي الي سكنها
لما ماسمعت رده رجعت قلت بنبره اضعف ورجاء""ابغى اروح البيت الله يخليك""
..نهاية البارت..
..عافاكم..
..عجايب..
الحمدلله.




- أمي
وانّي اضعك في ودائع الرحمّن خوفا ان اعِيش يوما بدُونك

لاااااااااااااااااااااااااااااا وش ذا البارت

نطالب ببارت ثاني عجوبه عوديتنا ع البارتين بارت واحد والله مايسد شغف ||>ان شاء الله تنزلين بارت ثاني وعلق عليهم

جعل الله ماتكتبيه في ميزان أعمالك الصالحة

نبي بارت ثاني اشي يلي بصير و الله تاج تحزن 😢😢😢😢

عجاايب كم بااقي علي النهااية ؟؟؟