السلام عليكم ورحمة الله وبركاته..
مشغوله شوي حبايبي بنزل البارتين الحين ان شاء الله والردود وقت ماافضى راح ارد عليكم..

ان شاء الله تستمتعون بالقراءه..
..البارت التسعون..
طالعت فيه لثواني حتى استوعب وقفته بهذا الوقت مستحيل الا فوق المستحيل يكون توه راجع
مايمديه ماقدرت اقول شي اعبر عن كمية الخيبه الي حسيت فيها
ع قد انتظاري واكثر ع قد كل ثانيه استعديت فيها
يعني من امس لليوم
وماقدرت ابعد عيوني عنه
احاول اوصل له ونظراتي الي تحولت من عدم الاستيعاب والجمود لتعب وانهزام
وهو بعد كان يطالعني بس نوع النظره مو قادره احددها لانه بعيد
تنهدت وبانسحاب غريب ع شخصيتي بعدت عن سوناتا
وبعدت عيوني عن ليث
ولفيت وطلعت من الباب وانا انزل نقابي
بعد مااستغفرت الله بصوت عالي
لكلام الشيطان الي يقول اني اسيب النقاب ومااتغطى لانه من ليث
بس انا مالبسته علشانه علشان الحين اسيبه
اخذ لي نقاب جديد اما اني اسيبه بعد مالبسته هذي ذنبها اعظم
مشيت وبعد كم خطوه سمعت الباب تسكر
مريت من عند سيارة ليث الي بالاول ماشفتها مره
مع اني بعد مريت من عندها قبل ماادق الباب
سياره واقفه ماشفتها ماادري وين عيوني
كان حافظة ع كرامتي ورجعت البيت بدل هذا الفصل الناقص
وليش ان شاء الله جايه لين بيته وبعطيه هديه وهو يرفضني
اش فيني
حسيت بقهر تفجر جواتي وانا افتح باب السياره
كان رميتها بالشارع ضروري ابين له اني كنت ادور له هديه مميزه يحبها
علشان الين قلبه واحننه علي ويرضى
احس اني ماعرفت ليث و حتى ماعاد عرفت نفسي
كيف اتصرف كذا
اش التفكير الماسخ التافه هذا
انا صح من تزوجنا وانا الي ابدا بالخطوه الاولى وامشي كل شي وانسى
بس هذي المره ماراح انسى وكفايه هذي الخطوه الكبيره الي ندمانه عليها
رجعت سكرت باب السياره بقوه
ورجعت امشي لباب البيت بخطوات سريعه غاضبه
خلاص وبطلنا غيرنا رائينا
معد ابغى اعطيه هديه
والسلسال بكره ببيعه واخذ فلوسه واشتري فيه تلفزيون لغرفتي
ولا عاد ابغى منه يتذكر اسمي حتى
دقيت الباب بيدي بحده اكثر من اول
انا عارفه من البدابه ان زواجنا لاشهر وخلاص يااختي تقلصت المده الا ان الموضوع واحد
خليه يطلق ابغى اتزوج رجال غيره
وهو ان شاء الله مايتزوج يتم طول عمره وحيد وندمان ع هذا القرار
انفتح الباب وكان هذي المره ليث مو سوناتا
قلت بصوت عالي""سوناتا""
وانا اتجاهله واطالع من فوق ذراعه الي ماسك الباب لسى
بتجاه المطبخ
ورجعت اناديها مره ثانيه قليل الذوق والاخلاق
للحين ماسك الباب يعني بهجم ع بيتك الي بكل زاويه فيه كنز مخبى
هذي المره ناديتها بصوت اعلى
قال ليث بٲنزعاج واضح من نبرة صوته""خفظي صوتك الناس نايمه""
حسيت طلع من قلبي حقد بلون اسود انتشر بدمي
شكرا مااحتاج تذكرني اني جايه متٲخر وواقفه ع باب بيتك
وانت حاط ذراعك سد قدام الباب
وماصدقت يقول لي شي علشان انفجر بوجهه
قلت بصوت اعلى بدون مااطالع فيه""انت بالذات لا تكلمني ماابغى اسمع صوتك""
وتٲففت بصوت عالي وانا اشوف سوناتا واقفه عند باب المطبخ وتطالع فينا
اعرفها من تشوف ليث تتحول لجماد لا كلام ولا حركه
وهذا......(سبه)للحين حاط يده ع الباب ينتظرني اروح
نزلت راسي تحت ذراعه ودخلت وقلت وانا متجهه لها""وين الي اعطيتك قبل شوي""
بس بدل ماترد علي سوناتا
رد علي ليث قال بنبرة صوت مغلفه بحرير""قصدك هذا""
اللتفت عليه وشفت العلبه بيده
لفيت عليه بكامل جسمي وقلت وانا امد يدي وامشي بتجاهه""ايوه اعطيني""
قال وهو يفتح فيها ويطالع فيها بستخفاف""مو كٲنها هديه لي""
بعد ماتعبت وانا ادور لشي يعجبه ورايحه بدون محد يدري
ومكلفه ع نفسي يطالع فيها بهذا الاستخفاف
وكٲني معطيته علبة الوان مو شي بنسبه لي فيه روح
فيه شي يدل ع ان كلامه ماانساه بذاكرتي ويدل ع السواليف الي قلناها سوا
و ع الحلم الي تٲثرت فيه وامنة فيه
يطالع فيها بهذي النظره
سحبتها من يده بكل قوتي بكل طاقتي بٲندفاع
ماراح تكون بيده اكثر من كذا
قلت وانا اضغط ع اسناني بقوه ولسى نقابي ع وجهي""غلطنا ومنك السماح""
حاولت استخف به وبالموقف وبالهديه
وطلعت من الباب وانا مااشوف شي
بس بعد خطوه وحده بس رميت الهديه بقوتي كلها
ارتفعت مسافه في السماء وبعدها طاحت ببيت احد من الجيران
اللتفت عليه وقلت بنبرة تكبر""يستاهل هديتي اكثر منك""
ضحك ضحكه قصيره وتكتف
وهو يقول""كل هذا العرض علشان ماجيت""
العرض
كبت تصرفاتي ومشاعري سماه عرض
وبكل قوة عين يقول علشان ماجيت
يرجع يقولها
اخذت نظره سريعه ع بيت الجيران غلطانه رميت الهديه بالسماء
كان رميتها بوجهه مثل ماسوا فيني
اش فيه ليش كل هذا
ماهدي مافكر بالسالفه
ورجعت طالعت فيه
وقلت وانا اتكتف""اش اسوي حبيت ارجع لك نفس العرض الي سويته قدام عبدالرحمن""
عرفت الحين ماراح نخلص من نبدا حوار مثل كذا
انا مستحيل اسكت واخلي اخر كلمه له
واتوقع هو نفس الشي
بس بعد ماسمع كلامي تحولت ملامحه من الاستمتاع بالموقف وكأنه مايخصه
للعصبيه المبالغ فيها
وكٲني ذكرت له احد متعدي ع بيتت وارضه
بس ع الاقل اختفت ملامح الاستمتاع وكٲنه عاجبه اني مجروحه بقوه
وقال من بين اسنانه وهو يتقدم خطوه تهديديه""ليش جايه مو ارسلت اغراضك ماابغى اشوف وجهك ابدا""
قريب من الكلام الي قاله لي ذاك اليوم
يعني للحين ع نفس الفكره
وشرحي برساله مااقنعه ماوضح له موقفي
هذي المره كم الي يصدني فيها
وانا انسى وابلع ماعندي عزة نفس ماعندي كرامه
وهو يجرح فيني وارجع له بكل سلاسه
قلت بهدوء خلي كل شي ينتهي خلاص مليت اتمسك فيه وهو يدف فيني""قلت لك غلطه وهذي اخر مره تشوف وجهي""
رجعت بعد للانسحاب مابردت قلبي ماريحت عقلي
بس حسيت اني مكسوره ومجروحه ومعد اقدر اتحمل اكثر
يمكن ماوضحت له شعوري وهذا احسن شي ع الاقل بالنهايه استوعبت انه قاصد كل حرف مو غضب هذا
مشيت لسياره بخطوات سريعه ودخلت وسكرت الباب وانا ضاغطه ع اسناني وشفايفي
علشان اوقف رجفة ذقني
بنام واذا صحيت فكرت بكل شي باستخفافه بالهديه بمسخرته ع انتظاري وباعتذاره الكاذب بحماسي للفكره وبتمسكي فيه وبكل شي
خلاص اكتفيت من ليث ومن تصرفاته الي مالها معنى
ليش كل هذا التجريح والحده
انا في البدايه عذرته بكل تصرف بس الحين ماله عذر ماله الا يتفاهم ونوصل لحل
وقبل مايتحرك التكسي انفتح بابي وقال ليث وهو منزل راسه""انزلي انا بوصلك""
بعد هذا كله يقول بيوصلني
ماابغى اكون معاه بسياره وحده بعد كلامه
ليش جاي يعني يبغى يتطمن ع وصولي البيت
علشان ضميره يرتاح
يعني مو هو السبب
بعدين قلت لسايق التكسي بصوت حاولت اخليه ثابت
بس ماطلع مثل ماابغاه كان فيه شوية رجفه""حرك الله يخليك""
محد يبغى كرمه ولا يضغط ع نفسه
مو انا كبيره كفايه علشان اعرف مصلحتي
يالله كٲن هذي الكلمه لها سنين
ماادري كيف جات ع بالي
قال ليث""خلاص""
وهو يدخل السياره
ولما شفته كذا وخرت له بدون شعور
بس بعد ثواني بعدت للباب الثاني وفتحته و
طلعت وانا اقول بدون تفكير
بطريقة اتهام صرفه وكٲني ابغاه يدافع عن نفسه ويسوي اي شي المهم يدافع ويقنعني""ماابغى اكون معاك ولا ثانيه بعد كلامك الي قبل شويه""
رجع فتح الباب الي بجهته وطلع من السياره
وقال بعد مااخذ نفس وكٲنه طفش من كل شي""بتطلعيني المذنب بعد كل تصرفاتك وكلامك""
قلت بٲندفاع لما حسيت ان في فرصه يسمعني""اعتذرت وشرحت وحاولت انت اش سويت""
قال وهو يسكر الباب بقوه""كلها ضعيفه مو قد الضرر""
قال سايق التكسي""يبغى الفلوس""
فتحت شنطتي بعصبيه حتى اعطيه بدون مااسٲله كم
وقلت بكل مشاعري""انت مااعطيتني فرصه كل شي تقابله بالصد""
قال ليث بنبره اوجعتني""مو قادر اسامحك شايل بقلبي عليك كثير""
نسيت ان وجهي مغطى كنت احاول احافظ ع ملامح وجهي جامده وامسك نفسي
وقلت بنبرة صوت يائسه""طيب مع الوقت يمك.....""
قاطعني سايق التكسي وقال""سكر الباب مدام""
سكرت الباب بدون تفكير
ورجعت اطالع في ليث واقول والسياره تتحرك بشويش فرجعت خطوه بعفويه ابعد عن السياره""يمكن مع الوقت تقدر تسامحني انا بنتظ....""
قاطعني هذي المره ليث قال وهو يحرك راسه بطريقة لا""مااقدر""
قالها بيقين
يعني كلامه هذا نقطه ع السطر ونهاية الصفحه مابعده شي
طالعت فيه ثواني
وبعدها لما فكرت ان وجودي ماله معنى هنا
لاحظت ان التكسي راح وتركني هنا قدام بيت ليث
وهو مايبغى يدخلني
مااعجبني كل هذا مااعجبني ان الامور وصلت لهنا
وانا مااعرف اتصرف
كيف مايقدر مو كنت وحده مايعرفها
تزوجت علشان فلوسه كيف قدر يتقبلها
بيتقبلني الحين اش الي اختلف
الله صار بيننا حب وايام الحين في سبب يتقبلني قلت وانا لسى واقفه مكاني""ليش تزوجتني طيب""
علشان اذكره
بس هو قال بطفش وكأنه يبغى يرجع لنفس السالفه""لاني كنت ابغى اتزوجك""
يعني يبغى يسمعني يبغى عذر
مشيت لليث ووقفت قدامه بمسافه بسيطه وقلت""نبدا من البدايه""
بعد ماقلت الكلام هذا الي طلع من قلبي مباشره
لاحظت اني لسى جالسه اترجاه وبقوه بعد
علشان يرضى علي علشان يتكرم علي اعيش معاه
لما قال نفس كلمته""مقدر""
رفعت شنطتي وظربته بها ع كتفه ورجعت ارفعها ع كتفي
وانا اقول""تعبت من جبنك وحصونك خلك كذا طول عمرك وحيد ولا تخلي احد يقرب منك علشانك جبان بس اشتغل حتى تموت ومحد يعرف عنك شي""
ابغى استفزه ابغاه يطلع كل الي بقلبه
وينتهي كل شي مو يضل بقلبه
كذا ماراح نتفاهم
مسك ذراعي بقوه وشدها لفوق وهو يقول بعصبيه""ايوه بضل طول عمري كذا ولا راح اعيد الغلطه هذي ابدا""
قلت بمسخره مو خايفه يتعقد اكثر من كذا الموضوع بس ابغاه يطلع الي بقلبه
حتى لو يضرب مو كذا احسه متباعد مره ورجع منغلق ع نفسه
مقدر ومقدر""شاطر تتعلم بسرعه""
هز ذراعي وشدها بتجاهه اكثر حتى قربت منه اكثر
وقال وهو يرمي الكلمات بوجهي رمي
وانا عاجبني الوضع ماابغى الصمت الاول
خليه يتكلم وبعد قربي منه عاجبني اكثر""الوحده افضل مليون مره من وجودك""
طالعت بعيونه الثنتين بتركيز علشان اتٲكد من كلامه
وكانت نظرة النفور واضحه بعيونه
بطريقه خلتني اتسٲل نفسي اعرف كيف شايف الموضوع من جهته
كيف شايف اصراري ومحاولاتي كيف شايف حالي
كيف قاعد يشحن نفسه بهذي السلبيه في المعامله بعد كل شي عشناه سوا
ليش هذا الكلام
انا ابغاه يطلع من نفسه من هذي القوقعه الي كان فيها ببداية زواجنا ومقفل ع نفسه
ولما بدا يطلع جاء ذاك الموقف وخلاه يرتب كل شي من جديد
والحين رجع اكثر من اول منغلق ع نفسه ولا يبغى حتى يفكر انه يسامحني ع شي مو موجود
اش فيه ماعنده الثقه بنفسه اني راح احبه بعد كل شي
طيب شفته معاه ماعنده ثقه بحبي وبكلامي بصدقي
قلت بصوت هامس اشتكي له
وانا اميل بجسمي عليه ويدي الثانيه لفيتها حول خصره وانا اطالع بعيونه""احبك ليث ولا اقدر اتخيل حياتي بدونك""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(في اواخر آل عمران : ﴿ربنا﴾ ١٩١ ﴿ربنا﴾ ١٩٢ ﴿ربنا﴾ ١٩٣﴿ربنا﴾ ١٩٤ النتيجة ﴿ فاستجاب لهم ربهم ﴾ -ألِحّ على الله بالدعاء وثق بالفرج-”.).

ان شاء الله تستمتعون بالقراءه..
..البارت الواحد والتسعون..
مو بس كنت ابغى اعبر عن شعوري ويوصله ويصدق
كنت بعد ابغاه يعرف بعد ان الي يحس فيه زعل مو كره
لما يتٲثر
اول ماخلصت كلامي ارتخت يده الي كان رافع ذراعي فيها
مافهمت اش رده لاني حسيت ان جسمه انشد من يدي الي حول خصره
وبعد ماحسيت انه تحرك ولا حركه وحده ولا تكلم وعيونه تطالع فيني بصمت بدون ولا تعبير
مو مصدق ولا ايش يعني يبغاني اقنعه
رجعت قلت بنبره منخفضه اكثر وعيوني لسى بعيونه""تعبت من غيابك""
ثواني بس ورجع خطوه ورا
وهو يترك ذراعي وبيده الثانيه يبعد يدي الي ع خصره وقال بعصبيه وهو يبعد عيونه عني""تاج لا تلعبين علي""
قلت بتعقيدة حواجب""مالعب عليك انت ماحسيت ان مكاني فاضي ماحسيت ان ودك تشوفني مثل ماحسيت""
اخر كلمها قلتها بعد اجزاء من الثانيه من الكلام الي قبله
سٲلته وانا بديت اشك
قال بسرعه وامر بنظره غريبه وكٲنه يختبرني""تستخدمين حبوب منع الحمل""
رجعت راسي شوي لورا حتى استوعب كلامه
بعد شوي فهمت معنى اختباره قصده الوريث الي تكلم عنه عبدالرحمن
قلت وكٲني ماتفاجاءة من تغييره للموضوع واسلوبه الغريب""اكيد""
لما قلتها بثقه نقل نظراته بين عيوني بتركيز لثواني
وبعدها لف وقال وهو يمشي بتجاه الطريق""خلاص بروح اخذها""
قصده من الصيدليه والحين وبهذا الجو رايح بلبسه هذا
تكتفت وطالعت فيه بظهره لثواني وبعدها ابتسمت وشوي اتسعت ابتسامتي اكثر
يعني هذي هي العقده الي واقفين عندها وخلاص انحلت
وانا ع بالي قصده ابوه
ماجاء في بالي هذا الشي ابدا
وراح الحين يجيب الحبوب يعني مشتاق لي
وليش كل هذا الوقت وماجاء المطعم
طنشت كل هذي الافكار
ووحده بس الي كانت موجوده وهي انه مشتاق لي
مشيت للبيت بخطوات سريعه
ودقيت الباب بنغم حتى فتحت الباب سوناتا
مافي وقت ماابغاه ياجي الا انا جهزت
دخلت البيت وفسخت النقاب وقلت وانا امشي بخطوات سريعه لدرج
وانا اطالع فيها""بكره اشوفك""
ضحكت لما شفت ملامح وجهها منصدمه
معاها حق اول شي تشوفني زعلانه ومكتٲبه وبعد شوي شافتني معصبه وثايره
والحين تشوفني طايره من الفرحه
لما فكرت فيها كذا عرفت ان حتى مزاجي يتغير ع حسب كلام وتصرفات ليث
اذا له كل هذا التٲثير علي ليش مايصدق
وللحين يبغى اثبات اني اخذ حبوب
اساسا ماقد فكرت بهذا الموضوع
بس حتى لو فكرت ماابغى اطفال الحين ابدا معاه حق خليني اتٲكد احسن
فسخت عبايتي وطرحتي ورميتهم ع الكنبه بالصاله ومعاهم شنطتي
كل شي مرتب مثل العاده
بس لما دخلت غرفة النوم وقفت في مكاني ثواني للحين مثل ماخليتهم للحين مكانهم لسى سريري لاصق بسريره
ابتسمت والله انه اشتاق لي غصب عنه
حتى لو ماتكلم انا عرفت
دخلت غرفة الملابس ووقفت قدام المرايه لقيت الكحل محتاس
طلعت للغرفه بسرعه واخذت مناديل ودخلت حاولت اعدله قد مااقدر
وبعدت شوي اتٲكد انه تمام
وبعدها فتحت شعري وعدلته بطريقه نويتها من اول
وبعدت اكثر عن المرايه اشوف نفسي بشكل عام
وانا اعدل السلسال الي اعطاني ليث
وبعفويه اللتفت لما سمعت باب الشارع يتسكر لان البيت هادي
سمعته
طلعت بٲبتسامه ووقفت عند نهاية الدرج اشوفه طالع وبيده كيس الحبوب
رفع راسه وطالع فيني
ماادري كيف اوصف احساسي كٲني احس بخجل ماادري كيف وش سببه
نزلت عيوني بالارض وانا احك رقبتي من ورا
وثواني ووخرت عن الدرج وجلست ع كنبه وانا اعدل ثوبي
ليش هذا الاحساس الغريب عني
يوم زواجي وذيك الليله ماحسيت بهذا الاحساس ليش الحين
ابتسمت بخفيف لما جلس ليث ع الكنبه وحط الكيس ع الطاوله
وبعدها ماطالعت فيه يعني كذا كل شي تمام وانتهينا من ذيك السالفه ولا بيرجع يفتحها
بس بصدق ماتوقعت يكون عصبيته وزعله صعب كذا بس الحين عرفته من كل النواحي وراح اتجنب زعله
وهو مايزعل بسرعه يعني مو صعبه اتجنبه بهذي السالفه الي انفتحت وغصب تسكرت
عرف اني احبه ومتمسكه فيه ومو السبب مادي ابدا
اختلفت عن زمان ع بالي ان الفلوس كل شي
ولما جيت هنا شفت اش ناقصه وعشت بعد بنفس الحاله الي كنت فيها قبل مااتزوجه
مع ان عنده فلوس وماحسيت ان في شي ناقصني
يمكن زمان كنت احس ان الفلوس كل شي علشان ماعندي احد اعتمد عليه
ماعندي ظهر ماكنت احس بالامان
ولما عرفت ليث غير عندي اهم قناعاتي
رفعت عيوني اطالع فيه لقيته يطالع فيني
حسيت بٲمتنان كبير لوجوده بحياتي ولمسامحته
والله من حقه كل الي سواه لازم يبرد قلبه دام انه كان زعل بس
وتٲكدت لما شفت سريري في مكانه
ابتسمت بخفيف وانا ابعد عيوني عنه
ماعندي شي اقوله له مع ان نفسي اسٲله عن الهديه الي من نصيب جاره
بس خلاص كل شي صار بنساه بنبدا بدايه جديده
رفعت عيوني لما سمعته يقول""تعشيتي""
ماابغى عشى بس علشان ابغى نتكلم ويكون الجو طبيعي بدل هذا الخجل الغريب الي احس فيه
قلت""لا""
وقف وانا رفعت راسي اطالع فيه وهو يقول""تبغين شي معين""
هو رسمي وانا خجوله اش هذا الجو
محد بيتحرك وبتم كذا لبكره
قلت بٲبتسامه وانا اوقف بحاول ارجع طبيعي""ايوه شوربة الدجاج بالخضار مدري العكس هي نسويها سوا""
قال بعدم استحسان وهو يبعد عيونه عني""قصدك اسويها انا""
ضحكت وانا اطالع فيه وهو ابتسم بعد ضحكتي
وطالع فيني وانا ضحكتي خفت تدريجيا حتى صارت لمحة ابتسامه
وقلت""كل شي عشناه سوا له طعم مختلف ماعرفت هذا الشي الا الايام الي راحت""
قلتها بكل صدق وحملتها كل المشاعر الي جواتي
وانا اميل راسي واطالع فيه بنداء يجي يحضني
غيرت رائي معد ابغى نتكلم ولا عشى
طالع فيني بنظره مليانه حنان وشكله فهم نظراتي
لانه مشى خطوه بتجاهي وانا ابغى اثبت له علشان كذا رفعت يدي وانا اقول""دقيقه""
وانا اخذ نظره ع الحبوب عارفه لو قرب بنسى كل شي
وانا ماادري صراحه لازم قبل ولا بوقت معين المهم اثبت له وبس
مشيت بسرعه للمطبخ اخذت كوب مويه
وطلعت وشفته جلس جلست انا بعد مااخذت الكيس وطلعت الحبوب واخذت وحده وانا اطالع بطرف عيوني اشوفه يتابع حركتي ولا لا
وشفت ان ايوه يطالع فيني
بلعتها وشربت مويه ورجعت الكيس ع الطاوله ومعاه الكوب
وعدلت جلستي وانا اطالع فيه الحين بنبدا من البدايه يعني
بس لا مابدينا من البدايه قام ومشى بتجاهي وانا ع طول وقفت برضى مو بس طلعت سهل الارضاء مثل مايقول وبس
الا اني ماازعل ابدا
بعد كل موقفه وكلامه وتطنيشه بصدق مو زعلانه ولا شايله ولا حتى في بالي
قرب مني ووقف بمسافه بسيطه ومسك بيده الثنتين يديني
وقال بصوت منخفظ""اشتقت لك""
قلت بفرح لانه قالها""تعرف تكتبها""
ابتسم بخفيف وهو ينقل نظراته الحانيه والواعده بين عيوني
شديت ع ايدينه وقلت بٲخلاص ووعد
وهذا الشي في بالي ماقدرت انساه""لما وعدتك اني مااذيك انا كنت صادقه بس انت حسيت بٲذيه مني راح اوعدك اني مااتركك ولا يخف حبك عندي(كملتها بٲبتسامه)هذي مضمونه صح""
رفع يدينه ومسح ع طول ذراعي بدون اي ردة فعل ع كلامي
وهو يبعد عيونه عن وجهي وانتبه لسلسال لانه رفع يده اليمين ولمس السلسال
ولما رفعه حسيت يده بارده ع بشرتي
لما مسك يدي ماحسيتها بارده
كان قلت بردان من طلعته بهذا الوقت لصيدليه
بس كل هذي الافكار تشوشت
لما رجع نزل السلسال ع صدري ومسح عليه بخفه
ونزل راسه وباس نهاية رقبتي ع السلسال بنعومه متعمده
وكٲنه تو يهديني اياه
حبيت السلسال اكثر الحين
رفعت يدي الثنتين لاكتافه احاوطهم وهو رفع راسه شوي
وحط ذقنه ع كتفي وهو يحاوط خصري
حسيت بشعرات ذقنه ع كتفي تنغرز ببشرتي
صار هذا الاحساس المفضل
وحسيت بدقات قلبه الهاديه حسيت بوجوده وبقربه وبحنانه واحتوائه
كبر حجم قلبي من الشعور الي تفجر جواتي
حب وانتماء وشوق
قلت بصدق وبهمس وانا اقربه مني اكثر لروحي الي متعلقه فيه
واتذكر كل الاوقات الي كنت فيها مبسوطه معاه وبوجوده
واحساسي الحين وعبرت عنها وانا احول اقرب""انت ماتدري اش مكانك بقلبي انت الفرحه انت كل امنياتي مجتمعه""
ولا قدرت اوصل له شعوري الحقيقي
مااعيش الا بوجوده
والسعاده الي احس فيها هو السبب
هو
انا لما قلتها شد ع يده الي حول خصري وهو يرفع راسه عن كتفي
بس لسى احس بٲنفاسه ع بشرتي يعني مابعد مره
سحبني له ورفعني عن الارض شوي
بسرعه وقوه ورشاقه
وانا رفعت يديني حول رقبته وانا احس برتفاع صدره ونزوله وبدقات قلبه سريعه
رجعت راسي ورا شوي علشان اشوف وجهه
واعرف احساسه دامه مايتكلم
بس هو حط يده اليسار تحت ركبي ورفع رجلي ومشى فيني بتجاه غرفة النوم
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
الصلاة أوسع باب لنيل البشارات (وأقيموا الصلاة وبشّر المؤمنين) (فنادته الملائكة وهو قائم يصلي في المحراب أن الله يبشرك)
حافضو ع الوتر والضحى

السلام عليكم.
عمممممري ليث وتاج اخخخخخيرا رضي عليها الحمدلله ياربي .. تاج مسكينه وعلى قولته سهله الارضاء الله يديم سعادتهم.. البارتات اللي كانو متفارقين فيها م قدرت ارد قلبي كان يوجعني عليهم :(
شكرا عجايب شكرا م تدرين قد ايش روايتك تاثر عليا اذا كان البارتات سعيده اكون سعيده واذا كان العكس اكون زعلانه .
الله يعطيك العافيه والصحه والسعاده والرضا ..

السلام عليكم ورحمه الله وبركاته



فعلا الموقف كان مؤلم وللحظات ما قدرت تعبر فيها عن مدى خيبة املها ويأسها

ولكن روحها المحاربة رجعت لها بسرعة وما رضيت تنسحب بدون ما تقاتل

استردت هديتها ورمتها على حوش جيرانهم هههههههه


بس ليث رغم كل شيء ما هانت عليه العشرة وما رضي تروح لحالها .

حبيتها وهي تقاوم وراعي التكسي بينهم يدور فلوسه ههههههه ابدعتي يا عسل


تاج احسنت بانها تفهمت انغلاقه وحجم جرحه كبرت بعيني كتير وهي تدعس على جرحها منه وكبريائها بس عشان ترجعه متل اول

ما استحت تعبر له عن شوقها وحبها وهو شكله بعاني اكتر منها بس بكابر

ما قدر يصدها وهو اكيد حس بصدقها . بس بعده خايف منها.


اثنينهم ما بفهمو بسالفة الحبوب اللي لازم تنأخذ ب5 يوم من العادة الشهرية

بس هي بدها تطمنه وترضيه الظاهر فمشته ع كيفه.

بس عندي شعور قوي انه ما رح تفيدها الحبوب و الوريث بالطريق ان شاء الله هههه


حبيت دخولها البيت ومسكينة سوناتا تلقيها مو فاهمة شي لوووول


ما اروعك وانت بتوصفي احاسيسها وفعلا رح يكون طعم الوصل بينهم غير ﻷنه كاد يكون ما في رجعة بينهم .

يا سلام حتى وهو زعلان مهتم فيها وبسألها تتعشى

و هي تتشرط عليه تبي شوربة الدجاج بالخضار يا عيني قال نعملها سوا قال هههههههه اصلا هو فاهمها وكل الشغل رح يكون عليه


يا رب تصير اﻷمور بينهم تمام وما يعود للخلاف بينهم مطرح



تسلم إيديك يا الغلااا


أبدعتي وما اقدر اوصفلك مدى سعادتي فيك وفي ابداعك وروعتك

دمت لنا بخير وعافية وما ننحرم منك يا رب



لك مني خالص الود


°•○اللهم أغفر لي هزلي وجدي، وخطئي وعمدي، وكل ذلك عندي○•°