السلام عليكم ورحمة الله وبركاته..
اسفه حبايبي ع التأخير الي ماكان بيدي ماادري اش فيه انقطعت الشبكه حتى ماقدرت اعتذر والله حتى الردود للحين ماشفتها..
اعذروني والله اني متعشمه بقلبكم الكبير ومتأكده من طيبه..
وراح اضيف بارت امس واليوم الحين قبل الردود ان شاء الله علشان مااتأخر عليكم زود ولان الشبكه ضعيفه بأخذ راحتي بالردود..

وعليكم السلام ورحمة الله وبركاته

ولا يهمك حبيبتي الحمدلله انك بخير.


بإنتظارك يا عسل.



لك ودي

ان شاء الله تستمتعون بالقراءه..
..البارت الثامن..
طالعت فيه ماكان يطالع فيني عيونه بالاوراق
كٲني كنت اتوهم بس الي واقف معاه اكد لي انه كلمني لانه يطالع فيني بستغراب قوي
ياربي عرفني كملت مشي لمكتبي وانا ارفع يدي اطالع بالساعه
بعد نص ساعه يقول اروح مكتبه اكيد بيتكلم ع الانذار بس شلون بيقول معاي حق ولا لا
اخذت نفس اكيد بروح واخلص من هذا الموضوع الي طول بدون فايده تذكر
لما مريت من عند مكتب خالد شفته يكلم بالجوال
حقدت عليه اش معنى انا لما كنت اكلم بوقت الاستراحه قال شوفي شغلك وبعد مو عاجبها الانذار
دخلت وكانو كل البنات موجودين غريبه انا اخر وحده ولا علشان النظام الجديد
صبحت عليهم وانا اجلس ع مكتبي
وطالعت بساعة يدي وانا اسمع حنان تقول بضيق""ليتني معلمه هذا الدوام مره مايناسبني بنتظر اسبوع اذا مارجع ابو جهاد ولا غيرو النظام بدور غيره""
فتحت الجهاز و جوهره تقول""ابشرك سمعت ان احتمال يسافر ابو جهاد نقاها برا السعوديه يعني مطول""
قالت احلام بحسره""مو منجد وانا الي عندي امل""
قالت شوق وعيونها ع الجهاز""ماجربتو فتره وبعدين احكمو""
انا كنت اسمع واشوفهم بس كل لحظه اطالع بالساعه
طبعا ما راح اكلمهم اذا رجعت اشوف اقول ولا لا حسب نتائج هذا القاء
قالت اريج""صح نفس رايك ماجربنا""
قالت جوهره""انتي بيعجبك اكثر لو قالو ننام هنا علشان سالم الي ماقد شفته اعطاك وجه هذا النوع الي يكلم بالجوال و ع الحقيقه لا معروف نهايته""
وقفت اريج بدون ماتتكلم وراحت الحمام حسيت نفسي تٲثرت من سكوتها وهروبها
في ناس تخليك ضعيفه وناس تخليك قويه
قلت بعتب""لا تتكلمين عن هذا الموضوع جوهره تعرفين انه حساس""
طالعت جوهره بجهازها بدون ماترد
سكتنا شوي وخلال هذا الوقت طالعت بالساعه وانصدمت لما شفتها مرت عشر دقايق بس من دخلت المكتب
غصب يمر الوقت قالت احلام فجاءه""ها شوق اخبار التحدي""
قالت شوق بعد ضحك""احلى من توقعك امس سولفنا ع الجوال كثير بس لسى مصر اعتذر قدامكم وانا صرت اقوله مستعده اسوي اي شي يرضيك""
ورجعت تضحك هي واحلام معقوله غبي لهذي الدرجه ولا هم الرجال كذا
طيب حتى ابو جهاد بعد نفس الشي احس اني ماراح اتعب معاه
للحظه انصدمت من افكاري معقوله طلع ابو جهاد غبي وهو اسس هذي الشركه عادي في ناس اغبياء حياه بس شاطرين عمل ولا دراسه وهو من هذا النوع يمكن
طيب تقول جوهره مسافر يعني يلله انتظر بس انا من غير ناويه انتظر واشوف عبدالرحمن اش يسوي
طلعت اريج من الحمام و ع طول ع جهازها اشتغلت شوي وانا في بالي اشغل نفسي حتى تنتهي النص ساعه هذي الي مو ناويه تنتهي
قبل الوقت بثلاث دقايق وقفت ابغى ادخل مكتبه ع الوقت يعرف اني اقدر الوقت ويعرف انهم ظلموني
طلعت من المكتب بدون مايسٲلون مع احنا مانطلع مكتبنا الا نادرا
معقوله يدرون بس لما مريت من عند مكتب خالد قال""وين رايحه اخت تاج""
قلت وانا اكمل طريقي""المدير طالبني""
مجرد ولده وطالبني معطيني هذي القوه ارد فيها ع خالد وانا واثقه مستحيل اضيع ابو جهاد من يدي
وقفت عند سكرتير المدير وانا اقول له اسمي كان المكان كله قزاز اقدر اشوف جهاد من مكاني
بس ماطالعت فيه حتى اعطا خبر بالتلفون وسكر وقال""تفضلي هو ينتظرك""
اللتفتت وطالعت فيه كان مشغول باوراق مشيت ودقيت الباب المفتوح ودخلت بدون مايرفع راسه ووقفت شوي بعيد عن مكتبه قال""تفضلي اجلسي""
وهو يوقع بورق ومهتم فيها بقوه
جلست وانا احس برهبة المكان مكتب المدير ياليت ابو جهاد هو الي جالس هنا
تململت بمكاني لما سكر الملف واخذ غيره جنبه وبدا يوقع فيه شكله نسي اني موجوده
طالعت بالمكتب حولي اسلي نفسي حتى يخلص من اوراقه بس رجعت طالعت فيه وهو لسى مندمج
طالعت بملامح وجهه اقارنها بابوه يشبه له كثير بس واضح ان ابو جهاد اكبر بس يعني مو ابوه صراحه
لما دق التلفون اخترعت بقوه بس بدون صوت نقزت بس حمدت الله انه ماانتبه علي
رفعه وقال""نعم""
سمع الطرف الثاني وكان السكرتير اسمعه يتكلم بس ماادري اش يقول
ولما اللتفتت طلع صح رافع التلفون ويكلم بس ماكان موجد احد يعني ينتظر مقابلته
قال وهو يسكر الملف""تمام""
سكر التلفون ووقف ووقفت معاه بدون شعور
وشكل هذا الي ذكره بوجودي لانه طالع فيني لثانيه بستغراب
وبعدها تحولت نظرته لغير معنى وهو يحط الملفات فوق بعض
وعدل وقفته وانا لسى اطالع فيه انتظر كلامه
قال""غلط تحطين شي شخصي بصفحه اكترونيه خسرنا صفقه كانو يشتغلون عليها من شهور علشان اعلانك سحبوه مايبغون يخسرون لانهم مايثقون بغيره اتوقع كذا فهمتي الانذار ليش""
ومشى بتجاه الباب وكلامه لسى براسي
قلت بصوت منخفظ مدري سمعه ولا لا""اسفه""
طلع من مكتبه وانا لسى واقفه
حسيت اني غلطانه وهذا خلاني اغير نظرتي اكثر عن ابو جهاد اكيد يدري واعتبر ان معاي حق وكلم ولده
ابغى اشكره من اعماق قلبي ع نبله
طلعت من المكتب وجهاد واقف مع السكرتير ومشيت بتجاه مكتبي بس مادخلت حتى قررت اني اشكر ابو جهاد لانه اهتم بموظفه صغيره مثلي
راح اروح له المستشفى اذا طلع خلاص مو مشكله اهم شي اني لما عرفت ماسكتت
لو انا رحت واعترضت للمدير بدون مايكون عن طريق ابوه كان راح يكون اكيد اسلوبه مختلف الحين علشان ابوه قال لي بختصار وفهمت وخلاص
دخلت المكتب والبنات واقفين حول شوق قلت براحه""اش عندكم""
حاسه اني تطمنت ع مستقبلي مع ابو جهاد راح احاول لاخر رمق حتى يتزوجني
قالت احلام""شوفي الرساله الي ارسلها لها خالد""
قالت شوق بشوي عصبيه""بشويش احلام لايسمع""
وقفت ورحت عنهم اعطتني الجوال
بالرساله كان مكتوب(مشتاق لك)بس
قلت ""بتردين عليه""
قالت شوق وهي تاخذ الجوال""طبعا برد عليه""
رجعت كل وحده مكتبها وكملنا شغل حصل خلل واخذنا وقت حتى تعدل
وبفترت الاستراحه اتصلت ع البيت لاني شفت مكالمه بس ماسمعتها لانه كان بالشنطه
ردت امي ولما سٲلت ليش متصله قالت""بتتٲخرين اليوم""
قلت وانا في بالي اني بروح المستشفى""ايوه


العصر ان شاء الله ارجع البيت ليش""
قالت بعد سكوت شوي""ابوك سافر وعبدالرحمن طلع من بدري واتصل عليه مايرد ابغى اغراض للغدا""
قلت بابتسامه ع قلقها تقلق ع اشياء تافه وكل شي يشغلها""خلاص بتصل ع عبدالرحمن انا اش تبغين وارسله معاه""
قالت""اغراض كثيره والله كنت بكلم ابوك اليوم يجيبها بس اش اسوي""
قلت""خلاص اخلي عبدالرحمن يكلمك وكل شي تحتاجينه قوليه بعطيه الصرافه""
قالت بتسٲل بعد سكوت""انتي مو زعلانه منه وهو ماراح يرد عليك""
قلت بسرعه ماابغاها تشيل هم اكثر""ماعليك ماني داخله البيت الا كل شي معاي ان شاء الله""
قالت وواضح بصوتها انها متٲثره""الله يخليك لي يابنتي ماضيعتي تعبي فيك""
قلت بابتسامه واسعه""ويخليك لي يلله مع السلامه""
نزلت الجوال وانا اسمع شوق تقول""حاسدتك انا امي ماتدق علي""
قالت حنان بانفعال""وليش تدق عليك انتي امها انتي الي دقي عليها واسٲلي عنها هذا واجبك""
قالت شوق وهي تطالعها بطرف عيونها""انتي ماتدقين الا علشان تسٲلين عن عيالك اعترفي""
قالت حنان وهي تلف عليها بكامل جسمها""ادق عليها اسٲل عن اخبارها مع العيال ماابغاهم يتعبونها وبالبيت وبالاجازات ادق عليها يعني مو علشان مصلحه بس""
قالت شوق لما شافت انها تتكلم بقوه""خلاص طيب اقتنعت""
قالت احلام بضحكه""اخترعت""
ابتسمت ع الحوار الهادف وانا ادق ع عبدالرحمن
اوكي زعلانين من بعض بس هذا الشي خارج عن الموضوع رد بعد وقت""نعم""
قلت بصوت منخفظ""امي تبغى اغراض تعالي لي الساعه ثلاثه توديني المستشفى وتروح تجيب الاغراض وترجع لي خلاص""
قال""طيب""
وسكر بسرعه اذا في باله اعتذر مستحيل
رجعت الجوال الشنطه ورجعت لشغلي الساعه ثلاثه الا كم دقيقه طلعت من المكتب مع حنان
وطلعت السياره بدون كلام طلعت الصرافه من شنطتي ومسكتها بيدي علشان ماانسى
لما وصلني المستشفى قلت""كلم امي وشوف اش تبغى""
ومديت له الصرافه لما اخذها
طلعت من السياره وانا اتمنى ان ابو جهاد ماطلع امس بس اليوم ع الاقل ماراح اسٱل بشوف غرفته اذا هو فيها ولا شخص ثاني
كان باب الغرفه مفتوح طالعت وانا احاول اشوف مين جوا بدون مايشوفني الي جوه
كان ابو جهاد ومعاه رجال يشيل شنطه من ع السرير بس مو جهاد واحد ثاني شكل ولده الثاني انتظرت حتى طلع ولد ابو جهاد مع الشنطه وانا واقفه قريبه من غرفه ثانيه
اول ماراح دخلت غرفته وانا اقول بابتسامه من القلب فرحانه اني لقيته""جيت اودعك""
رفع راسه وطالعني وقال بعد ضحكه""اول زايره واخر زايره كيف تدخلين انتي ياكثر الي رجعوهم من عند باب المستشفى""
قلت وانا اشوفه يلبس ساعة يده""يعني حظي حلو ولا لا""
قال وهو يعدل في ساعته""انا الي حظي حلو""
ابتسمت انا الي حظي حلو الي قدرت اتعرف عليه اكثر
قلت""شكرا انك قلت لولدك يعيد النظر بالانذار انا ماكنت ادري ان سبب اعلاني خسرت صفقه ولا كان مااعترضت كذا""
قال وهو يطالع فيني بستغراب""اي صفقه""
قلت بعدم فهم""ماادري بس قال انكم خسرتوها لانهم مايثقون باحد غيرك وانت تعبان فسحبوها ماتدري انت""
حرك راسه بطريقة لا واللتفتت لما سمعت صوت من وراي يقول""يلله السياره جاهزه""
كان جهاد
ومعاه الرجال الاول الي كان موجود وهو الي تكلم وقال السياره جاهزه من متى ولده هنا يعني
قلت بابتسامة اعتذار وانا اشوف كيف ابو جهاد يفكر بعمق""مع السلامه""
حسيت اني حست الدنيا وش يعرفني انه مايدري كنت بشكره بس
مشيت بتجاه الباب وانا امشي بخطوات سريعه ماابغى اجلس هنا الهروب اسلم طريقه
اثنينهم بعدو عن الباب طلعت وكملت ع نفس سرعتي ياربي اكيد هذي المره فصل
صراحه استاهل رجال في المستشفى اكيد مابيكلمه عن الشغل
وهو جهاد لما اعطاني الورقه عند باب المستشفى وضح ذا الشي بقوه
بس كان احساس الامتنان مسيطر علي
وقفت بعيد شوي عن البوابه واعطيتها ظهري علشان يطلعون بدون مايشوفوني تو راح عبدالرحمن بيتٲخر اكيد
اتصلت ع امي وسٲلتها اذا كلمها عبدالرحمن وقالت ايوه تو الحين ماراح اجلس بالشمس الحاره هذي
بجلس بٲي مكان للانتظار حتى يرجع دخلت المستشفى واقرب مكان فيه كراسي جلست عليه
وتكتفت وانا اشوف الناس شفت جهاد واقف عند الاستقبال يتكلم وبعد كم ثانيه لف وجات عيونه بعيوني وقبل ماابعد عيوني هو الي شالها وطلع من المستشفى
طلعت جوالي من الشنطه وجلست اقلب فيه حتى حسيت ان في خطوات قربت مني رفعت راسي قال""ابوي يسٲل تبغين توصيل""
قالها وهو يطالع في الارض سحبت رجولي بطريقه عفويه
لما سحبتها رفع عيونه وقال""ينتظر ابوي""
ابتسمت لهتمام ابو جهاد وقلت""لا الحين بيجي اخوي وقوله شكرا""
ورجعت اطالع بجوالي لان اول ماخلصت كلامي لف ومشى
ان شاء الله يكون اكثر من اهتمام ابوي
شوي وقمت لاني مليت من الجلوس ودقيت ع عبدالرحمن ومارد
رجعت ادق عليه وانا اوقف عند البوابه وعيوني ع السيارات اش فيه لايكون في باله اني انتظر حتى يرجع وقت مايبغى
معروفه مااراح اطول مو اول مره يجيبني هنا
رجعت ادق عليه وبعد مايرد
لفيت وانا ارجع جوالي بالشنطه كنت راح اصدم بواحد رجعت خطوه باخر لحظه وهو يقول""بسم الله عليك""
حركت راسي بطريقة طيب وانا ابعد عن طريقه
قال قبل ماامشي""سلامتك اش جابك""
ع باله يعني اني بسولف معاه
بدون ماارد عليه دخلت المستشفى وجلست بنفس المكان
شفته جلس بالجهه الثانيه وهو يطالع فيني في البدايه طنشته وبعد شوي ماقدرت اطنش
طلعت جوالي وقلت""وينك،وين وقفت،خلاص انا جايه انتظرني عند البوابه""
ووقفت وطلعت من المستشفى اكيد ماراح يمشي وراي
طول مره طلعت ودخلت كذا مره بس الحين مستحيل عاد ادخل
وقفت بعيد شوي عن البوابه ورجعت دقيت ع عبدالرحمن رد وقال""اش فيك كل ثانيه تدقين خليني اخلص الاغراض وبجيلك لا تزعجيني""
وسكر بدون مااتكلم ضغطت ع اسناني وانا انزل الجوال هذا الشخص نحطه ع الرف
التفتت لما سمعت صوت ابو جهاد يقول""اذا بيتٲخر اخوك انا اوديك بيتك""
قلت بابتسامة فرح وانا اشوفه يوقف""لا شوي وجاي""
قال""خلاص اذا انتظر معاك هنا انتي اول زايره""وضحك
بس قبل مااتكلم سمعت جهاد وهو يقول لابوه""انت اجلس ارتاح وانا بنتظر هنا""
كان جاي بتجاهنا من مواقف السيارات
قال ابو جهاد بابتسامه""قبل شوي تقول لا وما...""
قال جهاد بختصار وهو يقاطعه""ادخل ارتاح""
حرك اكتافه ودخل السياره الي بالصف الثاني من المواقف طالعت فيه حتى سكر الباب وقلت""مايحتاج تنتظر ان....""
قاطعني كنت بقول بروح بتكسي بس قال وهو يعدل نظاراته""هذا طلب ابوي""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(خمس من الوعود الربانية سمع اللهُ لمن حمده ، لئن شكرتم لأزيدنكم فاذكروني أذكركم ، أدعوني استجب لكم وماكان الله معذّبهم وهم يستغفرون . حافظوا عليها*)

ان شاء الله تستمتعون بالقراءه..
..البارت التاسع..
طالعت فيه بنظره جانبيه قصده ان بس علشان طلب ابوه مو منه
خلاص غيرت رائي بنتظر عبدالرحمن
اساسا يكفيني اهتمام ابو جهاد فيني يعني هذا اهتمام ابوي ولا نوع ثاني ان شاء الله انه من النوع الثاني
رجعت طالعت بالسياره بس مظلله مااشوف شي تكتفت وانا الف عنه شوي واطالع بالطريق
انتظر رجوع عبدالرحمن ثواني وسمعت جوالي يدق فتحت شنطتي طلعت جوالي وانا اسمع جهاد يقول""الو""
طلع جواله الي يدق نفس رنتي
رجعت الشنطه ع كتفي والجوال بيدي كانت اذني معاه بدون شعور لانه سكت فتره طويله وبعدها قال""فهمت ساعه واجيك،يعني متى،مشغول برجع ابوي البيت،بالسياره،لا ماطلعنا،لا مااقدر ياشيخ،خلاص طيب فهمت""
وسكر في البدايه وانا اسمعه حسيت انه مشغول مره وبديت استوعب انه نفسه مدير الشركه الحالي
وواقفه معاه بس طبعا احساسي كان اعمق بمراحل وانا اوقف مع ابو جهاد
قلت وانا ارجع له كلامه""لا تخليني ااخرك""
بتكون بنفس معنى كلامه اذا قصده طرده ولا ذوق قال بعد تنهيده وعيونه ع سيارتهم""متى بيجي اخوك""
يعني ماكانت ذوق دام هذا رده قلت""بيتٲخر""
ماابغى كرمه انا اقدر انتبه لنفسي
قال وكٲنه سمع تفكيري""ماعندي وقت وانتي كبيره كفايه لتنتبهين ع نفسك وتفكرين بمستقبلك بعد""
رفعت عيوني وطالعت فيه وهو يمشي لسيارتهم فهمت الجزء الاول بس افكر بمستقبلي اش قصده مافهمت
طالعت بالسياره وانا اتمنى ينزل ابوجهاد مثل اول ويثبت لي انه مو بس اهتمام ابوي بس نزل القزاز وحرك يده بطريقة مع السلامه وتحركت السياره
اش قال له اكيد كذب ان اخوي جاء
ولا معقوله مايفكر فيني ابو جهاد مافي تقدم بس يعني علشاني جيت لزيارته اهتم بس الحين معد اقدر اشوفه حتى لو رجع الشركه ماراح اقدر ادخل عنده واتكلم معاه
كذا في المكتب كيف راح تتطور طيب بالجوال بس هو رجال كبير مااتوقع يناسبه هذا النوع يارب ماتكون كذا انتهت السالفه وانتهت كل احلامي
تنهدت وانا احس الامل ضعيف ياربي ابغى هذا الزواج اكثر من اي شي ثاني
لان بعده كل شي بيصير بيدي ماراح ايٲس اذكره فيني بالجوال اسٲل عن اخباره واذا طلع توقعي صحيح ماراح اتواصل كثير بس حتى ماينساني حتى يرجع الشركه وبعدها يجي الحل ان شاء الله والرقم بسٲل عند
و فكرت شوي عند مين عبدالرحمن لا وجوهره لا بعد اذا شفته راح اطلبه رقمه راح اتشجع
حسيت اني استحريت مره بسبب الشمس انتظرت خمس دقايق وبعدها شفت عبدالرحمن جاي بالطريق لسى طلعت من المواقف اقرب له حتى نستعجل تعبت انتظر
طلعت السياره وقلت"علي المكيف"وبعدها وصلنا بدون كلام بس طبعا غير لما طلبت الصرافه اعطاني بدون نفس
ليش ع باله بخليها عنده انا اعرف حبه لها
دخلت البيت و ع طول ع الحمام حتى رميت شنطتي عند باب الحمام والعبايه فسختها جوه اخذت دش ووضيت وانا اسمع اذان العصر
طلعت صليت وانا ميته جوع طلعت من الغرفه وانا اتذكر ان امي قالت ناقصه اشياء ضروريه للغدا يعني لسى ماسوت اذا كذا بطلب من المطعم
دخلت المطبخ وانا اشم ريحة اكل حلوه قلت وانا عند الباب""جاتك الاغراض ميته جوع""
اللتفتت علي قبل ماتشيل الصحن وقالت""لا تو جات سويت الي موجود""
قلت وانا امشي وراها""شكله لذيذ وين جدتي""
قالت وهي تحط الصحن""زعلانه مثل العاده انه راح حسن بدون مايسلم عليها""
ابتسمت وانا اقول""بروح اجيبها""
صح كلام جدتي قوي بس بنسبه لي عادي منها بس لو من احد ثاني مستحيل اتقبل مثل كذا راح اكرهها بس يمكن تعودت والا علشان ارد عليها بنفس مستوى كلامها وعارفه انها ماتشيل بقلبها
فتحت الباب وانااقول""يلله الغدا جاهز""
قالت بدون ماتطالع فيني""بعد ماشبعتي تذكرتيني شغلي التلفزيون واطلعي""
قلت وانا ادخل اكثر""دام ناديتك يعني بقيت لك يلله قومي""
ساعدتها تجلس ع الكرسي وطلعتها الصاله وهي تقول""محد عايش في هذاالبيت امك مشغوله في البيت وانتي تنامين بشغلك وعبدالرحمن المدرسه مشغلته كٲنكم راميني بالدار ماافرق عن ام اسماعيل""
ع كيفها بس عبدالرحمن الي عاذرته
قلت وانا اعدلها وابعد عنها""شغلي شاغلني علشان اجيب الفلوس بس ماعليك ان شاء الله اتزوج رجال غني واجيب الفلوس بدون شغل""
قلتها بضحكه وكٲني امزح بس ابغى اشوف ردة فعل امي الي جالسه ع السفره وجدتي الي بدت تٲكل قالت جدتي""محد بيطالع في بنت ماتجلس في بيت ابوها شوفي كم عمرك وانتي لسى جالسه جنب امك""
قالت امي""لسى صغيره الزمن تغير تصبر حتى يجيها رجال مايسافر ويتركها وحدها ومسؤلية كل شي عليها لا تصبر""
متعقده امي ومكبره السالفه دايما كذا كل شي تكبر حجمه مبالغه بس يمكن هذا الشي منجد مٲثر عليها
بس ناتج كلامها رجال غني ابوي مسافر لانه يشتغل ويصرف علينا طبعا هذا تفكيره
كذا دايما عند هذا الموضوع محد يتكلم طلع عبدالرحمن من غرفته وانا قربت اشبع حركات تافهه انه زعلانه مايٲكل وكذا
نادوه وجلس ياكل انا شبعت بس جلست شوي ماسويت نفس حركاته البايخه
شوي وقمت وانا مبتسمه لانه قام حتى قبلي تكفى يامسدود نفسك من زعلي
دخلت غرفتي وعدلتها لصلاة المغرب وتو غمضت عيوني سمعت امي تقول بصدمه""تاج اش هذي الحوسه""
قلت حرف حرف وانا مغمضه عيوني""مااشوف شي بنام""
مافيني تقول رتبي ولا طلعي الملابس الوسخانه وانا لسى مغمضه عيوني سمعت حوستها بالغرفه وهي تدعي لي بالهدايه
لما قمت لصلاة المغرب عدلت المنبه لصلاة العشى ورجعت نمت صحيت الساعه خمسه من المنبه ولسى كسلانه انسدحت نص ساعه وبعدها اخذت دش سريع ولبست بجامه مافيني حيل
ورفعت شعري مثل العاده ولبست عبايتي وانا متفاجاءه من الدولاب المرتب
صح لما صحيت لاحظت نظافة الغرفه بس ماجاء في بالي ان النظافه والترتيب بتدخل في الدولاب حتى
طلعت شكرت امي وانا افطر ع السريع وطلعت لما قالت امي انه بالسياره اول ماحركها
قال بصوت طبيعي وكٲنه قرر ينسى المشكله""اليوم تبغين تروحين المستشفى""
او قرر انه يعرف وين وصلنا قلت وتعمدت الاختصار""طلع""
حرك راسه بطريقة طيب شكله غير رايه بيكمل زعله دام مافي فايده
لانه سكت حتى وصلنا طلعت من السياره وانا ادور سيارة ابو جهاد اعرفها بس ماجاء اليوم للحين ع الاقل مريت وماكان موجود خالد ياسلام للحين ماداوم تٲخر
قلت بنصر""للحين ماداوم الاستاذ خالد""
قلت الاستاذ بمسخره قاهرني ادري اني استاهل الانذار بس اعرف السبب مو مثل ماهو قال
خليني اتزوج ابو جهاد اني لا اطلع سبب يغير يغير مكانه
قالت شوق الجوال بيدها""في الطريق""
تدافع عنه جلست ع الكرسي وجوهره تقول بضحكه""وصرنا نعرف اخباره بعد""
قالت شوق وهي تحط الجوال ع المكتب وتتكلم بصدق""تصدقون مره متفاجاءه من خالد امس في وقت متٲخر وانا اكلمه قلت نفسي بحلا بعد ماسكرت بعشر دقايق دق علي وقال الحلا عند الباب مره منصدمه منه شخصيته غير عن هنا""
وانا بعد تفاجاءة معقوله عند احساس هذا الشخص مو راكب كلامها ع خالد اقصد استاذ خالد
قالت احلام بصدمه مثلي""احلفي شوق منجدك والله""
قال بحماس وهي توقف""والله حتى مصورته بوريك""
قالت اريج""طيب شفتيه""
قالت شوق وهي تحكي بضمير""لا فتحت الباب ماشفت احد وسٲلته قال انه حطه وراح بس انا اتوقع طلب توصيل بس يعني انه يفكر غريبه""
قالت احلام""يلله تحمست اعرف ذوقه""
وبديت الشغل عن نفسي بس شوق واحلام بنفس الموضوع وجوهره تحكي خوفها انها تحمل الحين تبغى سنتين ع هذا الجو دخل الاستاذ خالد وقال""اخت تاج المدير طالبك""
فتحت فمي بعدم استيعاب وبعدها بعفويه طالعت بالجهاز تٲكدت من الصفحه ان مافيها اي اخبار ولا غيرتها حتى قلت علشان اتٲكد""انا""
قال خالد بعدم صبر""طلبك بالاسم""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(سكان القبور وحيدون ، اغلقت صحفهم وبدأت آخرتهم ، فلندعوا لهم بقدر حبهم وبقدر ماتفطرت قلوبنا حزناً على فراقهم . اللهم ارحم واغفر لـ ابوي واختي واسكنهم الجنه..امين يارب العالمين).