السلام عليكم ورحمة الله وبركاته
صباح الورد لاااااحلا كاتبه
ي فديتك وفديت هالبارت يجننننن
ياويلي عليك ي تاج افرحي بالوريث أجل ههههههه
يازينهن يجعل ايامهم سعاده تستاهل تاج
وليث خاق من قبل بس يبي تكه هههههههه
وجته لما عنده ربي يسعدهم متأثرة شوي هههههه هذا كله من روايتك
اللي جننتني والله استمتع بقراتها كثيررر
ربي يعطيك الف عافيه
لك ودي واحترامي

السلام عليكم ورحمه الله وبركاته

وأخيرا تاج أكتشفت حقيقة مشاعرها تجاه ليث واعترفت بحبه.

ليث أبدى صبر وتحمل منقطع النظير وهو يتحملها وهي تثقل دمها عليه هههههه

ضحكني انه اجر شقة بخمس غرف لا وفوقهم حمام لوووول


ليث كمان تعب وهو يقاوم مشاعره تجاهها وهي فعلا قدرت تغزو حياته وتلونها بنكهتها الخاصة .

الجوال والله اعلم انسرق من السيارة لما ودوها التصليح .


الوعد الصادق كان مؤثر وفعلا تاج طلعت حنونة بس تخفي هادا الشي او ما تدري عنه ولكن لطف ليث وكﻻمه معها طالع هالشي من جواتها.

اتمنى الأوضاع تكون مستقرة وما يرجعو يتخانقو من جديد ولو انه صعب هالشي ﻷنه ماشي بدمهم ههههههه


تسلمي يا جوجو ابدعتي

ربي يسعدك يا الغلااا


تقبلي مرورك وخالص الود


°•○اللهم أغفر لي هزلي وجدي، وخطئي وعمدي، وكل ذلك عندي○•°

مدري ليش حاسه انه راح يصدمه ويخيب أملها


بارت رائع.. لا تتاخرين علينا تكفييين



وشكرا

السلام عليكم ورحمة الله وبركاته..
والله ماتعرفون قد ايش اسعدني تفاعلكم بجد انتم نعمه من ربي لي ربي يحفظكم..
الحين بنزل بارت لكم شكر وبليل ان شاء الله برد عليكم وانزل بارتين حق اليوم..
ان شاء الله اني استاهلكم..

ان شاء الله تستمتعون بالقراءه..
..البارت الثمانون..
طلعت مني الكلمه مثل التنفس بدون اراده
بدون ماافكر فيها
بس رجعت قلت بكامل قناعتي وارادتي
وكنت اقصدها من قلبي
قلتها بنبرة صوت مو طبيعيه وانا احس بتنفسه من حركة صدره ومن انفاسه
وعيوني بعيونه الي تطالع فيني بنظره ساحره وعقده خفيفه بحجبه خلته احلى بعيوني""انا احبك""
والله احبه ومو بس احبه
احترم قناعاته واخلاقه
وقدوتي هو بذوقه بااسلوبه
ومتاكده من مشاعري اتجاهه
احبه بطريقه خلتني اتٲكد ان هو الي ابغى اكمل حياتي معاه
وابغى نكبر بالعمر سوا
واني ماابغى اغير شي فيه ولا بحياتنا
ولا ابغى اتغير
احبه عقلنا وروحنا وقلبنا
احبه بضمير
وهذا الاحساس الي احس فيه وهو بحضني مو بس تجاذب
هذي روحه الي مخربطه مخي
احبه ولا احب احد غيره
وصراحه ماتفاجاءة من اكتشافي
لان كل شي هذا تفسيره المنطقي
بعد كلامي له حسيت بحريه اكثر
وان روحي صارت اخف
وحسيت بطعم المشاركه
شاركته احساسي
وانا بطبعي اتكلم بٲلي احس فيه يعني طلعت من قلبي
احبه وجعل ربي يخليه لي
بعد كلامي هذا انتظرت رده وانا اطالع فيه
وهو لما سمعها مني ابتسم ابتسامه صافيه صغيره وكانه سمع شي ينتظر يسمعه
ابتسامته ونظرته خلت قلبي يرتجف ويتضاعف حجمه وبيطلع من صدري
تٲثرت مره بقربه
كانت نظرته وهو يرمش بثقل حسستني انه كسب شي فوق حبي له بكثير
وكان لسى بنفس مكانه ولا تحرك
غير يده الي رفعها وحطها ع رقبتي واطراف اصابعه ع خدي وهو يحركها
حسيت بثقل جسمه وعرضه يتعبني
مع كذا حابه هذا الشعور بقوه
وماابغاه يتحرك
مره ممتنه مره للحرمه الي خلتنا نستٲجر
قلت بٲبتسامه خفيفه وانا امسح ع جبهته حتى نهاية شعره واطالع بيدي
واحساسي كله مع يده ""كانت تبغى تشربني بالقوه اعشاب طعمها مو حلو صبيت نصها بالتراب ع اني شربتها""
انا ماانتظر منه رد ع كلمة احبك
اعرفه مايعرف يتكلم بهذي المواضيع
مع كذا شي من جواتي انتظر لو اشاره بسيطه منه
وقلت كذا علشان يطول وقت الكلام اكثر
بعد ماخلصت كلامي نزلت عيوني وطالعت فيه
هو تنهد بحراره وصلت لي
ورجع نزل راسه وسحب يده لكتفي
نزل راسه بس هذي المره ع خده
واكيد انه يسمع دقات قلبي ويحس فيها اكثر من اول
وقال بصوت اجش ونبرة طلب كٲنه يطلب اعتقه واصابعه تلعب ببلوزتي""تاج""
طلعت الحروف مع انفاس دافيه حسيت فيها ع بشرتي من ورا اصابعه
وتنهد بقوه وهو يسحب يدي الي كانت ع شعره
ومسك يدي وخلل اصابعي بٲصابعه
ومد ذراعي ع السرير تحت ذراعه
قلت بعد ثواني برجفه لاني فهمت طلبه""اممم""
كانت كل حركه من يده وكل نفس يتخلل بلوزتي
و ثقل جسمه ذوبتني وبعد هذي النبره من صوته خلاص
احبه وابغى قربه
حرك وجهه شوي ورفع عيونه علشان يشوفني
وقال بتوتر واضح وهو يضغط ع يدي""مااعرف اش اقول لك(وضحك ضحكه متوتره اكثر من كلامه وبترها من نصها وكمل وهو يسحب يده ع طول ذراعي بشويش)صدق مااعرف اش اقول لك مع اني دايما شاطر بالكلام""
وصلت يده لكتفي وريحها هناك
ابتسمت من كلامه انه مو عارف اش يقول
حبيت توتره وانه مو عارف يتكلم
يعني هذا الشي يعني له كثير مثلي
وحبيت اني اشوفه مايعرف وهو بكل المواقف الثانيه مافي احسن منه
طالعت بعيونه وهو يتكلم
قالها وكٲنه يعتذر مني
مايدري قد ايش تٲثرت بصدقه
ليث متوتر
كبر حجم حبه اكثر وارضاني
وحسيته بهذي اللحظه انه اصغر من عمره
وان علاقتنا لها قيمه بنسبه له
علشان كذا مو عارف يقول
قدرة قيمة اللحظات القيمه الي نعيشها والي راح نعيشها
وقلت بشجاعه بنبره هامسه وصوت دقات قلبي تدوي دوي وانا اطالع فيه بنظره متفهمه وراضيه""مو لازم تقول شي اتبع الي يقولك احساسك""
كان هذا اكثر شي قدرت اقوله
بعد ماخلصت كتمت تنفسي وانا اغمض عيوني بشويش
واحس اني وضحت له بطريقه كافيه
بعد ثواني اخذت نفس صعب لاني حسيت فيه وهو يسحب نفسه لفوق حتى وصل لمستوى وجهي
وكان هذا الاحتكاك مثل الشراره
فتحت عيوني وانا احس بيده حطها ع خدي
وكانت نظراته واعده وخاصه ومقدره
وزادت حرارة الشراره مع كلامه
واطراف اصابعه كانت ترجع شعري من بدايته مع انه كان مرفوع""وجودك بحياتي غيرني""
ابتسمت وانا اخذ نفس عميق يتخلله ليث وكلامه
احبه وكلامه ماخلاني اقدر اقول حرف
بس ابتسمت له بحب واضح
وحركت شفايفي بكلمة احبك
وانا احس ان روحي طايره
رفعت يدي الثنتين وحطيتها ع اكتافه وانا اشده لصدري
علشان اهدي دقات قلبي واريحها
حضنته وهو حط راسه ع كتفي وقال بٲذني بهمس شفاف""احساسي يقول لي انك زوجتي وحلالي(وكمل بنبره اخفظ من الهمس)واني ابغى حبك""
...
باطراف اصابيعي كنت ارسم ع ذراعه الي حاضنته بقوه ع صدري
وليث كان حاضني من ورا بيده الثانيه
شكله نام لان احس بتنفسه منتظم وعميق
ريحت خدي ع ذراعه الدافيه
كانت ليله مثاليه
في البدايه كان ليث متوتر وانا بعد متوتره
بس بعد وقت كل شي صار طبيعي واكثر بعد من طبيعي
طول الليل وانا اكرر له اني احبه
وللحين احس اني ماوصلت له مشاعري
تنهدت برضى وانا اقرب اكثر لليث
للحين ترن براسي اخر كلام همسها بٲذني بتملك رجولي(انتي لي طول العمر)
شعور جديد مسيطر علي
سعيده ومرتاحه وقنوعه واحبه ومااقدر اعيش من غيره
للحين دقات قلبي مو راضيه تستقر وتهدا
وانا احس بوجوده وراي
مع انه نايم
لفيت جسمي حتى صرت مقابله له
وطالعت فيه لثوانيه بنظره حب خالصه
وانا استرجع كل لحظه كنت فيها معاه
بعدها ارخيت راسي ع كتفه لان طاقتي انسلبت
ويدي رفعتها ع خصره وانا اغمض عيوني
واخذ نفس من ريحته الي استوطنت كل خليه من جسمي
دفى جسمه وصوت التلفزيون الي منخفظ بهذا الوقت وحركت صدره الروتينيه خلتني استرخي واكسل
نمت تقريبا ساعه وصحيت بدون ماادري اش الي صحاني
وانا احس بنشاط مو طبيعي
فتحت عيوني وشفت ليث لسى نايم بجنبي ومنسدح ع ظهره
ابتسمت له وجلست وطالعت وراه علشان اشوف جواله
واعرف الساعه كم
بس ماكان موجود ع السرير قمت بهدوء
علشان ماازعجه
ولفيت حول السرير ورفعت الجوال من الارض
وشفت الساعه
نص ساعه ويٲذن الفجر
شلت الجوال ورميته ع السرير الفاضي
وطلعت الصاله
سكرت التلفزيون ونويت اخذ شنطتي بس مالقيتها بالصاله
تذكرت اني دخلتها لما غيرت بلوزتي
رجعت دخلت الغرفه ولقيتها
اخذت لي ملابس من الشنطه
وندمت اني شلت بس بجايم مافي ولا لبس مثل العالم
وقفت وطالعت بليث بٲبتسامة رضى
وبعدها دخلت الحمام اخذت دش منعش
وطالعت بوجهي بالمرايه ماجبت بعد مكياج معاي
كان نفسي يشوفني اليوم بشكل ثاني
يلله هذي الشكليات ماتهمه اهم شي يعرف اني احبه
وراح يستمر زواجنا ان شاءالله
طلعت والناس يٲذنون
ابتسمت وانا امشي بتجاه ليث
مجرد شوفته تفتح النفس وتحسسني بحب كبير وبعد حنان وحمايه لنومته العميقه
جلست ع السرير وقلت بترقب""ليث""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(يارب هب للراحلين قبراً بارداً ، لا تمسهم فيه وحشه يارب الغائبين عن الدنيا الموجودين في قلوبنا ودموعنا هب لهم نعيماً دائماً وفردوساً عالياً انك انت الكريم الرحيم ذو الفضل العظيم..امين يارب العالمين..)