ان شاء الله تستمتعين بالقراءه..
..البارت السادس والسبعون..
صح كان ينور بجواله بس علشان يتٲكد
الا نور السياره الي قدام والي ورا منور المكان حولنا
قلت بستفسار""كيف مامعاك تٲكد""
الي اعرفه ان لازم يكون كفر بالشنطه
قال بعد ماتنهد وهو يطالع بالطريق شكله ينتظر سياره تمر""متٲكد قبل امس استخدمتها ولا اخذت غيره نسيت(طالع فيني وكمل كلامه)بس مو مشكله الحين اتصل ع واحد اعرفه قريب من هنا""
ليث نسي اخيرا
لازم امسكها عليه
ضحكت بقوه وبعدها قلت بٲبتسامه عريضه وانا امد يدي يعني اصافحه""نسيت اهلا فيك في عالم البشر""
ياما تتريق ع نسياني جاء وقته
قال وهو معقد حواجبه بدون مايمد يده يصافحني""مو خايفه انتي""
قلت بستنكار لكلامه وانا ارجع اتكتف""طبعا مو خايفه ليش اخاف""
هو معاي وواثقه انه بيتصرف
علشان كذا مااحس الا بالمغامره وان الجو حلو ومستمتعه من اول اليوم
قال وهو يٲشر ع السياره""اذا اطلعي السياره بروح لذيك البيوت الي شفناها يمكن القى مساعده اسرع من صاحبي""
قلت وانا ارجع راسي بتعجب قوي""تسيبني وحدي هنا""
قال بابتسامه""وتقول مو خايفه""
قلت بثقه""انا مو خايفه بس المفروض انت تخاف علي""
قال وهو يلف حول السياره علشان يوصل لمكانه""مااخاف عليك بتطلعين نفسك""
قلت وانا اشوفه يفتح الباب ويدخل السياره""ليش دخلت""
قال وهو يرفع الجوال""برد وانتي ادخلي""
حركت راسي بطريقة لا وهو يسكر الباب وقلت""بستغل الوقت""
هو اتصل ع صاحبه ووصف له المكان بٲكثر طريقه ممكنه
بس بعد ماتعب من الشبكه الضعيفه
وانا فتحت الباب واخذت من الكيس عصيري طبعا جابه بعد طلب مني
ورجع علشانه
سكرت الباب شفت حجر شوي كبير
وقفت فوقه علشان اقدر اطلع ع الشنطه ورا
حتى يجي صاحبه
وفتحت العصير ونزلت طرحتي استمتع بالعزله ويدخل الهواء شعري
سمعت صوت ليث يقول""تعالي بتمرضين""
قلت بٲبتسامه""تعال انت الجو مايتفوت(لما سمعته فتح الباب كملت)متى يقول بيجي صاحبك""
قال""هو مو قريب بيرسل واحد يعرفه""
قلت وانا اشوفه يطلع جنبي""خليهم يتٲخرون احسن""
قال بنبرة تعجب""غريبه ردة فعلك""
قلت بصدق بعد ماحطيت العصير جنبي من الجهه الثانيه مااعجبني طعمه وهو مو بارد""لانك معاي(لما حسيته اللتفت علي طالعت فيه وكملت بٲبتسامه)لو عبدالرحمن كانت بتكون ردة فعلي غير هو دايما يتصرف بٲنانيه بس انت غير طبعا""
ابتسم ورجع يطالع قدام
وانا لسى اطالع فيه استغربت انه ماعلق ع كلامي
ولا سٲل ع الاقل شلون بتكون ردة فعلي
هو اساسا ماقد سٲلني عن شي لا طفولتي ولا دراستي ولا اهلي
وانا دايما الي اسٲل مايبغى يتعرف علي اكثر
قلت بنفس الفكره الي جات في راسي لاني مااعرف اخبي شي دايما الي افكر فيه اقوله
وانا لسى اطالع بجهه من وجهه""ماقد سٲلتني ولا سؤال عن نفسي عادي بجاوبك بصراحه""
قال""ماعندي سؤال""
حسيت من رده انه اعتبرها لعبه
فكملت ع نفس فكرته قلت""طيب انا بسٲلك(لما حرك راسه واللتفت علي كملت)اش الي يعجبك فيني وش الي مايعجبك""
يمكن الجو هو الي اثر فيني
احساس العزله والهدوء وكٲننا الوحيدين الموجودين هنا
حبيت نتكلم عن نفسنا ويمكن علشان افتح سالفه
ويمكن فضول ويمكن منجد ابغى اعرف اش الي يعجبه وش الي مايعجبه فيني
المهم اني سٲلته
طالع فيني ثواني ورجع طالع قدام وقال وهو يرفع كتف""كيف مااعرف""ماعرف يرد يعني
قلت علشان اشجعه""خلاص طيب انا بقول لك اش يعجبني واش الي مايعجبني فيك وبعده دورك خلاص""
قال بنبرة فضول واضحه""خلاص""
لفيت بجسمي بتجاهه
وانا ارفع رجل بس بسرعه رجعت لجلستي الاولى لاني طيحت العصير
بسرعه وقفته وقلت بحماس""دقيقه""
اعجبتني اللعبه كثير
نزلت ودخلت السياره اجيب مناديل مسحتها وصبيت العصير بالارض
واخذت العلبه والمناديل وحطيتها بالكيس الي كنت اجمع فيه الاغراض
وقلت بٲبتسامه وانا اسكر الباب""حطيتهم بالكيس مارميتهم حفاضا ع البيئه""
سمعت ضحكته وانا اوقف ع الحجر
رجعت جلست في مكاني
بس طلع لسى في بلل وعبايتي فيها شوي والحين كملت
بس مااهتميت
قلت وانا اقرب من ليث شوي علشان ابعد عن العصير""بٲبدا في الي ماتعجبني اولا انتقادك الكثير لي وانك تحب تكون كامل وبعد مايعجبني تعقيداتك الكثير هذي ثلاث صح(حرك راسه بطريقة ايوه كملت)والحين اقول لك ثلاث صفات تعجبني وبعدين دورك(طالعت فيه ثواني امثل اني افكر وكٲني مو لاقيه شي لماابتسمت ماقدرت ابتسمت وقلت)مو بس يعجبني الا احب مره انك تتحمل المسؤليه بجداره طبعا ويعجبني لما تنسى شي ولا تغلط ويعجبني لما تاخذ راحتك مو ضروري تكون دايما تصرفاتك صح وكلامك موزون لا تضغط ع نفسك علشان احد(ابتسمت بٲمتنان وكملت)وحبيت لما اهتميت بٲهلي والعطر الي اعطيت امي مره حبته هذي اكثر من الثلاثه يلله دورك""
وطالعت فيه بتركيز واذن مفتوحه للاخر
ومنتظره رائيه مره لانه ماقد وضح شي ابدا
وماني عارفه كيف نظرته اقصد طبعا في الاشياء الي تعجبه
ومتحمسه اعرف
قال بعد ماطالع فوق ثواني ورجع طالع فيني""اول شي يعجبني فيك انك شجاعه وثانيا انك ماتخافين والثالثه تقررين بالي يعجبك""
قلت بٲحباط كبير وانااضربه ع كتفه بخفيف""ليث كلها نفس المعنى""
قال بضحكه""والله مااعرف وانتي تو تقولين مايعجبك اني اكون كامل هذا الموضوع مااعرف اتكلم فيه""
قلت بٲحباط وانا اطالع في رجلي الي احركها بالهواء""توك تقول بعد ماقلت انقلع""
والله اني تحمست مره لما بدا بالي يعجبه
واخر شي كذا
قال""طيب بحاول""
رفعت راسي وطالعت فيه وقلت بتٲنيب""مو مثل قبل شوي""
قال بٲبتسامه""قلت لك بحاول ي......""
سكت لما سمع الجوال يدق
فتح الخط ورد ع المتصل من كلامه
فهمت ان الرجال قرب لانه قال""ايوه تعدينا القريه""
عادي بكمل ذي السالفه في الطريق
مع اني حسيت بخيبة امل بسرعه قرب
عاجبني الجو والجلسه والسواليف
لما سكر قال وكٲنه ناسي السالفه كلها""هو قريب يلله ادخلي السياره""
قلت بعناد""مو قبل ماتحاول""
انا قلت له لازم يقول لي
كان في بالي اشجعه يتكلم
قال بنبرة صدق واضحه""والله مااعرف اتكلم بهذي الطريقه واعددها اذا جاء وقتها قلت بس تعجبني فيك اشياء كثيره""
قلت وانا اطالع فيه بنص عيون
مع ان والله اني صدقته واقتنعت بكلامه""يعني تقول كذا علشان ادخل السياره""
قال بضحكه""لا""
اخذت نفس وقلت وانا انزل""وانا بعد تعجبني فيك اشياء كثيره""
دخلت السياره وعدلت طرحتي
وهو جلس برا مادخل
فكرت بكلامنا يعني في اشياء تعجبه فيني
وقالها بصدق
كان نفسي يحددها علشان اعرفها
وانا والله يعجبني كله ع بعضه شكله اخلاقه اسلوبه وضميره
ويعاملني بطريقه محد قد عاملني فيها
منجد يعجبني
اول ماتزوجته ماعرفت انه كذا
كان بعيوني مغرور مايفكر الا بمصلحته ويهمه المظاهر
وشاكه باخلاقه ولا كنت اثق فيه ابدا
الحين تغيرت نظرتي له جذرينا
احس مافي احد بالكون مثله بمثاليته وقناعاته وقيمه
استرجعت الي اتذكره من زواجنا
سفرتنا الاولى لما خاصم ع الاغراض الي اشتريتها وقال انه بياخذها
ودوامي ومرضه وصرافته
وطبعا سفراته كانت كثيره تعودت ع هذي الحياه
مو كٲنها بس شهرين احسها عمر
كانت هذي الافكار تدور براسي وقاعده اقلبها
حتى لما شفت سياره وقفت عندنا
ونزل رجال منها وماوقفت هذي الافكار
وانا اشوف الرجال يمشي لورا السياره يتأكد
انتبهت لما ليث فتح الباب من جهتي وطالعت فيه وانا احس اني ماابغى هذا الزواج ينتهي بسرعه
قال""حتى الكفر الثاني متضرر بنوديك عند مرة اخوه ونصلح السياره وبرجعلك""
قلت""خلاص بس بسرعه""
قال""تبغين تغيرين لبسك""
استغربت اهتمامه بهذا الموضوع يعني انتبه للبسي
قلت""لا مابفسخ العبايه وانت لا تتٲخر علي""
لما نزلت رجلي علشان اطلع
قال ليث""غطي وجهك""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(كل ما يتّصل بالقرآن مبارك ..! الوقت الذي تبذله .. والصحبة التي تكوّنها .. والإنجازات التي تحققها .. ""كتاب أنزلناه إليك مبارك ""..)

ان شاء الله تستمتعون بالقراءه..
..البارت السابع والسبعون..
قالها بصوت منخفظ
رجعت رجلي مكانها
اول مره احد يطلب مني اغطي وجهي من سنوات من اول مايٲست امي مني
والفكره ذي مو بعيده عني بس مع كذا استغربت طلبه
يمكن علشان الرجال هذا
قلت""مامعاي نقاب""
قال وهو ياخذ نظره من القزاز الثاني وشكله حس انه تٲخر ع الرجال""بطرحتك""
قلت باستنكار""بس ماراح اشوف شي""
قال وواضح يحاول يقنعني ابدا ماكان امر""مو لازم تشوفين بس اركبي السياره""
قلت وانا اعدل طرحتي بدون ماانزلها من ع شعري علشان اقدر اغطي فيها وجهي""بمسك بيدك""
قال""طيب""
تغطيت فيها وصرت بجد مااشوف شي
وقفت ومسكت ذراع ليث
ومشيت جنبه وانا ماسكته بقوه
شوي واحضن ذراعه علشان مااتعثر
المكان كله حجران
اخذت نفس عميق براحه لما فتح لي باب السياره ركبت وسكر الباب وراي
تٲخر كم ثانيه وبعدها ركبو السياره
تغيرت مره خطة السفر
بقول له مايحسب من المغرب لين نطلع
ونعوضها مع ان انا الي قلت له يمشي بهذا الطريق
وانا الي اخرته بس ولا لثانيه حسسني اني الغلطانه والسبب
قلت لكم يعاملني بطريقه محد قد عاملني فيها
الحين بيروحون لطريق العام ويصلحونها ويرجعون ماادري كم ساعه بيٲخذون
وانا عند مرة اخو هذا الرجال
بعدين كلموها ولا بتتفاجاء
يلله بدخل اشوف وحده من هذي البيوت الي اعجبني شكلها من برا
لما وصلنا القريه الي بيوتها بعيده عن بعض
وقفنا عند باب واحد من البيوت
وطلع الرجال من السياره
بديت شوي اتعود ع الطرحه
وبعد نور الباب ونور السياره عرفت شكل البيت من برا
قلت وانا اطالع بالباب""لا تتٲخر علي ليث""
وقبل مايرد علي رجع الرجال
وقال""اهل محمد ينتظرون اهلك عند الباب""
انا اهله
اسمي زوجته
فتحت باب السياره ونزلت ولقيت باب الشارع مفتوح
دخلت ولقيت بنت شوي كبيره عند الباب
وماسكه بيدها طفل صغير واقف جنبها ورافع راسه فوق علشان يشوفني
ابتسمت وانا انزل الطرحه قالت بسرعه""ادخلي الرجال بيدخلون""
كيف بيدخلون ماراح يصلحون السياره
ماابغى يضيعون وقت اكثر
مشيت وراها حتى فتحت باب ودخلت
وانا وراها بعد مافسخت حذياتي برا لان الارض مفروشه
لما دخلت تركت يد الولد وسكرت الباب
كانت غرفه منفصله وحدها والجلسات ارضيه
سلمت علي بعد مانزلت الطرحه ع كتفي
وجلست وهي رجعت طلعت بعد ماسٲلتها عن القبله
والولد بعد طلع وراها شكله حلو ماشاء الله
وهو لابس كتله من الثياب صاير غصب يمشي
اول شي صليت المغرب الي اخرناه
وبعدها تمددت شوي بريح حتى ترجع الحرمه
الجو هنا دافي وقريب للكتمه
لان مافي شي شغال
شوي ورجعت معاها بطانيه ثقيله مبالغ فيها بنسبه لهذي الكتمه
وكوب فيه شي ساخن
قالت اول ماشافتني منسدحه""لا تقومين ارتاحي قال لي اخوي انك تعبانه ودايخه""
مين قال لها اني نويت اقوم لما شفتها
بعد ماانسدحت اعجبني
وبعدين ايش دايخه وتعبانه واخوها قال لها
قلت بستغراب وسؤال وانا اشوفها تتقدم""تعبانه ودايخه""
قالت بعد ماحطت البطانيه فوق رجولي بشويش والكوب ع الارض جنبي""ايوه شافو زوجك يساعدك""
ضحكت بقوه وقلت وانا بعد البطانيه عن رجلي""انا بخير الحمدلله(سكتت ثواني وكملت بعدها)انا تاج""
قالت وانا ام خالد
ماسٲلتها عن اسمها كيفها
طول الوقت مصره علي اشرب الكوب
كان فيه اعشاب ماقدرت ابلع شي منه استغفر الله طعمه ماادري كيف اوصفه
وريحته بعد وهي تقول مفيد لحالتي الي شخصوها وحدهم
وحتى بعد كم دقيقه اخذته ورجعت سخنته وجابته
وولدها وراها انحرجت من اصرارها وقلت""طيب ممكن مناديل""
قلت كذا بعد ماتٲكدت انه مو موجود بالغرفه
وقفت وهي تقول بطيبة قلب""حاضر""
والله ان روحها حلوه ومهتمه
بس ماابغى اشرب مو بالغصب
اول ماطلعت من الغرفه طلعت وراها بسرعه
وصبيت نصه بالتراب
ورجعت الغرفه قبلها وحطيت الكوب جنبي وانسدحت
كذا برتاح من ضغطها وهي تطمن
بعد تقريبا ساعه جابت عشى وخلال هذي الساعه كانت كلها في المطبخ وحدها
وانا صليت العشى ع وضوء العصر بعد ماسمعت صوت المسجد
يلله مابقي وقت كثير
لما رجعت الغرفه وبيدها صحن كبير
حسيت بالجوع
وقلت بٲبتسامه""ليش كلفتي ع نفسك بس صدق ريحته تشهي""
ابتسمت وهي تفرش السفره وقالت""ان شاء الله يعجب الرجال""
قلت وانا اجلس""زوجي رجع""
قالت""ابو خالد ماخلاه يروح واخوي راح يصلح السياره ويرجعها""
قلت""بيتٲخر""
قالت وهي تحط الصحن في السفره""انتم تعشو ونامو والصبح تسهلو""
لا ان شاء الله بنتسهل قبل
كانت طابخه لحم بطريقه غريبه بس طعمه لا يعلى عليه
ماقد ذقت مثله
مدحته مره وقالت اسمه وشرحت لي الطريقه قد سمعتها
بس لها اسم ثاني غير الي قالته بس مو متذكره
وهذي كانت اطول سالفه معاها
ماعرفتها زين بس احس اني ارتحت لها
بعد ماتعشيت
قلت""تسلم يدك يام خالد""
وقمت غسلت يدي في مغسله برا
ودخلت بعدها الحمام وطلعت وانا احس اني اكتفيت من السدحه
نفسي نطلع ماابغى اكون هنا
وليث هناك
فتحت باب الشارع اشوف سيارتنا موجوده والا لا
ولقيتها واقفه عند الباب
فرحت رجعت سكرت الباب واللتفت ع ام خالد وقلت""ممكن تقولين لزوجك اني ابغى مفتاح سيارتنا محتاجه منها اغراض""
ابغى الجوال برسل له نطلع من هنا
والله ان ام خالد مافي مثلها بس انا ابغى ليث قالت""طيب""
دخلت الغرفه وعدلت الطرحه
انتظرها تجيب المفتاح لما اعطتني طلعت لبست حذياتي وهي ورا
سلمت عليها وقلت لها قبل مااطلع""لازم تجين تزوريني""
وطلعت فتحت السياره ودخلت ادور لجوالي مالقيته مره
دورت بكل مكان هم حتى نظفو السياره من جوا
تنهدت ودقيت بوري السياره ورجعت عدلت جلستي
وغطيت وجهي علشان لو طلعو الرجال دامه طلب مني ليث
شوي وطلع رجال ورجع دخل
وبعدها طلع ليث
فتح باب السياره الي من جهتي وقال بستغراب وهو معقد حواجبه""اش فيك اش جابك هنا""
قلت وانا انزل الطرحه من ع وجهي""اطلع يلله نروح خلاص والسياره تمام""
قال بيٲس وشكله هو بعد يبغى يطلع""والرجال""
قلت بٱبتسامه""قول لهم اهلي يبغون المستشفى والا الصيدليه قالو لام خالد اني دايخه لانك مسكت يدي""
وضحكت هو ابتسم وقال""دقيقه""
وسكر الباب ودخل البيت وانا اطالع بليث
حاسه اني مااقدر اعيش بعيد عنه
وبدونه راح يكون مكانه واضح
واحس بعد ان مافي احد بينسجم معاي مثله
طلع من البيت وانا اطالع فيه حتى جلس مكانه وقال بضحكه""مشى الموضوع عليهم""
منجد غالي عندي بطريقه مايتخيلها كل تصرف وكل كلمه تعجبني منه
ولها روح ومعنى وكيف يقول ان سبع شهور كثيره والله انها ولا شي قصي......
قطع تفكيري صوت ليث يقول""اش فيك ساكته""
تناسيت كل هذا التفكير وطبيعتي طغت اني استمتع بيومي وماافكر كثير
قلت بٲبتسامه وانا اطالع قدام وهو يمشي بسرعه منخفظه""احمد ربك ولا ترا بقول لف عكس""
قال بصوت واضح فيه الابتسامه""قلت لك هذي السفره لك تبغينا نلف الله يعيننا نلف""
اللتفت عليه وشفت ابتسامته والله انه ذوق
قلت بابتسامه واسعه وانا امد يدي وامسك يده واشد عليها من فرحتي بكلامه""لا امزح ولا تعودني ع الدلال""
انتظرته ثواني يعلق بس ماقال شي ولا تحرك ولا حركه
سحبت يدي بشويش وقلت وانا اطالع قدام""بقي لنا كم""
رجعنا لطريق قدامنا مزارع وبعدين نوصل الخط العام
قال بتنهيده""حول ثلاث ساعات ونص""
قربنا يعني ثلاث ساعات يعني حول وحده
بس هو ماكان بنفس رائي
قال بعد ماوصلنا لطريق العام وواضح عليه ان خلال الطريق الاول كان مركز خايف يصير نفس الشي
وانا ماتكلمت اتفرج ونسيت حتى اسٲله عن جوالي الي مالقيته يمكن اخذه هو""اكلهم ثقيل احس اني مااشوف شي""
قلت لانها فرصتي صراحه""طيب نمر اي فندق ترتاح ونمشي الصبح ان شاءالله لان مابنحسب اليوم راح كله بدون مانطلع""
قال""هذا الي افكر فيه""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(هنيئا لمن قال لااله الاالله عند استيقاظه وطول يومه أهلُ التهليل.أهل اليقظة استيقظت قلوبهم من سُباتِ الغفلة فعمروا الأوقات. بأعظم الكلمات..لا اله الا الله..)

السلام عليكم ورحمه الله وبركاته

ما بلوم ليث لو حبك يا شيخة ... هههههه لا عن جد بتشيل الهم عن القلب .

ما قلتلكم ليث اكيد صايرله شي مو طبيعي بنوب بالمرة ...

واللعبة اللي صارت بينهم شكلها رح تنقلب جد ... حسيت تاج وحدة غير.

وهو كمان بقلها اشياء كتير بتعجبني فيك قمة الشاعرية لووول

قلبي رفرف انا اللي ما دخلني بالموضوع لما طلب تغطي وجها ... ياااي شو حلو الوحدة تحس باﻹهتمام .

حبيت ام خالد واهتمامها وفرطت ضحك لما قالتلها ارتاحي لانك تعبانة ودايخة هههههه

يا حلوها تاج وهي بتدلل . وكيف اتخلصت من شاي اﻷعشاب مو طبيعية هالبنت تكره كل شي صحي لووول


وين راح الجوال ؟!! يا خراتششششييييي

يا ويلك ويا ظلام ليلك يا تجتوج لو ضاع .

بس حبيت كيف اتآمروا لينفدوا من عند دار ابو خالد ههههههه

ورح يقضوا ليلتهم في فندق وبعديها رح يواصو سفرتهم .


متشوقة للجاي كتير

الله يسعدك وبشكرك على كلماتك الرقيقة والله يعلم محبتك قد شو بقلبي ولا بجاملك بحرف بل هي الحقيقة اللي فرضت نفسها علينا

انت رائعة بحق ربي يوفقك لمرضاته ويسعدك دووووم

لك مني خالص الود


°•○اللهم أغفر لي هزلي وجدي، وخطئي وعمدي، وكل ذلك عندي○•°

السلام عليكم
كيف حالك عجايب.....تصدقين وصلنا لمرحلة الادمان مع هالروايه
البارتين اليوم بعنوان المحبين من نقلب توالفو مع بعض حتى لو ليث ما بين....لكن واضح من يوم قال غطي وجهك كأنه قال احبك انا سمعتها كذا😍😍😍
مشكوره عجايب