ان شاء الله تستمتعون بالقراءه..
..البارت السابع..
نزلت الجوال من ع اذني حسيت باحراج كبير مره وانا اطالع بالورقه
كانت نيتي اخذها واروح بدون مااتكلم بس لما حاولت اسحبها كان ماسكها لسى
نزلت يدي وانا ارفع عيوني اول ماجات عيوني بعيونه
قال ببطئ""اذا عندك اعتراض تعالي لي المكتب مو هنا في المستشفى""
حسيت بسخف تصرفي من كلامه حركت راسي بطريقة طيب بدون مااتكلم هذا صار رئيس الشركه يعني هذا جهاد
وبعد مو راضي بتصرفي ويقول لي تعالي المكتب اذا عندك اعتراض يعني يتحداني اني اروح
ومعاه حق لو رحت من اول ماشفت الانذار
بس بعد معاي حق ابوه هو الاساس واكيد بفكر فيه
بس بعد هذي الطريقه مااتوقع يتقبل مني كلام ان شاء الله انه مايفصلني من الشركه حتى لو علشان ابوه
اكيد ماكلمه الا لما شاف ان معاي حق عضيت ع شفايفي بتوتر وانا انزل الدرج بسرعه
قلت طيب اقصد بالمعنى طيب ان شاء الله مايعتبره اني رايحه منجد المكتب عنده اعترض
واذا مارحت يعني يطلع معاه حق بقراره ابغى يعرف اني معترضه بس متمسكه بوظيفتي اكثر
لما تعديت اول صف مواقف وقفت ورا السياره وانا ارفع الجوال بدق ع عبدالرحمن وينه هذا معقوله ماشافني واقفه
بس لقيت اتصال مفتوح تذكرت لما رفعت اتصل وجاء جهاد
رفعته بسرعه لاذني وقلت بعصبيه""ضيعت رصيدي ع الفاضي المفروض تسكره دام مااكلمك المهم وينك""
قال""شوفيني وراك""
لفيت ولما شفته سكرت الجوال وطالعت ببوابة المستشفى شكله راح عند ابوه اش بيقله اكيد ابوه بيعلمه هو اكبر منه ويفهم اكثر منه اساسا شركته راح يسمع كلامه هي فتره ويرجع ابو جهاد متى يجي هذا اليوم بس
قال لي خذي الورقه ومااخذتها واذا اخذتها اش بسوي فيها اول مافتحت الباب قال عبدالرحمن""مو الي كان واقف معاك امس دخل عند ابو جهاد وانتي موجوده""
شافه ولا جاء يوقف معاي
حركت راسي بطريقة ايوه ع باله تقدم بالخطوات
قلت""يقول لي لا تدخلين الشغل هنا""
قال وهو يطالع فيني بعدم صبر""قلت لك اولاده بيعرفون وبيكونون حوله اش بتسوين الحين وانتي خربتي كل شي"
بللت شفايفي بتفكير وقلت""ماكان يكلمني بحده كانه يعطيني خبر بس يعني كلماته كانت مختصره بزياده وهو تكلم بحترام حتى لما جاء عند ابوه وانا موجوده كان يمديه يطردني تعرف شلون نظرتهم هذول الناس بس هو قال لا تخلينا نٲخرك يعني هو اسلوبه كذا ماخربت شي""
ماني عارفه اريحه ولا اريح نفسي
قال وهو يطالع قدام بدون مايحرك السياره""ان شاء الله""
اخذت نفس يلله هذا الانذار ببلعه ماجات معاي صح ان شاء الله جهاد ينسى هذا الموقف
لما وصلنا البيت كان ابوي بالمسجد لصلاة العصر دخلت غرفتي ومثل العاده رميت عبايتي وشنطتي ع السرير واخذت من الدولاب الي تركته من الصبح مفتوح بجامه
انا احب البجايم وطول وقتي فيها وبعض الاحيان اروح فيها الدوام عبايتي طويله ومقفله ماراح ينشاف لبسي فاخذ راحتي اذا لزم الامر
دخلت اخذت دش ووضيت وطلعت ع طول صليت وطلعت من غرفتي كان الكل موجود
سلمت ع ابوي وجلست وانا اشوف امي توقف وتقول""بجيب الغدا لك ولعبدالرحمن""
سٲلت عن اخبار ابوي وهو سٲل عن دوامي كل الي قلته ان ابو جهاد في المستشفى واستلم ولده شغله والانظمه الجديده
قالت جدتي""ناقص الا تنامين عندهم ماعندك اهل انتي""
قال ابوي""كل الشركات الخاصه كذا نظامها بس هذي الي كانت غير""
قالت بصوت منخفظ بس يعني نسمعه كلنا""مااحسن من قراعا الا صلعا""
ابتسمت انا وابوي واحنا نسمع ضحك عبدالرحمن
حطت امي الغدا جلست ع الارض وانا اسمع ابوي يسٲل عن جيراننا الجدد وامي تسولف وجدتي شكل شدتها السالفه
قلت لعبدالرحمن بصوت منخفظ""ترا قال لي اذا عندك اعتراض تعالي لي المكتب وناداني باسمي تتوقع ينسى""
قال بعد مابلع""يعني من اهمية شغلك ولا من صغر الشركه ماراح يدري انتي تشتغلين بشركه اساسا ولا لا طبعا الا اذا لاحظ انك حاطه عينك ع ابوه""
طالعت فيهم بنظره سريعه لما تٲكدت انهم ماسمعوه
رجعت طالعت بعبدالرحمن وقلت بعصبيه""علي صوتك اكثر محد سمعك""
اخذت لقمه ع قد ماريحني كلامه حسسني اني منسدحه طول الوقت ولا اشتغل اساسا ان شاء الله بعد مااتزوجه راح اسوي شغل لي واكون فيه الكل بالكل
قلت بعد مابلعت""ع الاقل انا اشتغل الدور والباقي ع مين""
قال بابتسامه""طلعتي بس بهذا الكلام بعد هذا التفكير انا عارف قدر نفسي ماابغى اطلع من الجامعه الا كل شي ينتظرني يعني اخطط لنفسي""
قهرني كلامه وغروره ع ايش
قلت وانا اطالعه بطرف عيوني""عن طريقي واذا انا رفضت يابجداره ولا لا""
قال وهو يرجع يده لصحن بعد ماكانت قريبه من فمه""كفايه الفكره فكرتي واول خطوه فكرتي وطبعا كل شي يكون بفكرتي هذي اكثر من الجداره""
قلت بشويش وانا انطق حرف حرف""اذا كذا السالفه خلاص انا سحبت نفسي من خططك""
قال بصوت شوي اعلى من النبره الي كنا نتكلم فيها""انتي ليش شايفه نفسك انا قلت ابو جهاد لانه رجال كبير اما عياله مستحيل تقدرين عليهم""
وقفت وقلت""انت الي شايف نفسك مدري ع ايش لو انا مكانك مااطلع من غرفتي ابدا""
قالت جدتي بعصبيه""يابنت اش فيك خلاص انتهى الادب ماتحترمين احد هذا خالك شوف حسن هذي بنتك لاتطلع من البيت حتى نرجع نربيها مره ثانيه""
وقف عبدالرحمن وطلع الشارع بدون مايغسل يده حتى
طالعت جدتي فيني وقالت""اعجبك كذا يلله ارتاحي""
قالت امي بسرعه""عادي اخوان يتخاصمون ويتفقون هم بعمر بعض لا تكبرينها يمه يلله تاج روحي غرفتك لما تهدا بتجي تعتذر من اخوها""
قال ابوي""اول مره تصير ماقد شفتهم كذا""
مشيت لغرفتي وانا اسمع امي تقول""انت لو عايش معانا ماتسٲل هذا السؤال ابدا .......""
دخلت غرفتي وسكرت الباب وامي لسى تتكلم استغلت هذا الموقف مثل العاده دايما هذا الكلام ع لسانها لو ع التلفون
جلست ع طرف السرير اش الي بدا السالفه مااتذكر بس اتذكر زين كلامه
السياره الي طلع فيها الحين حقتي واغراض كثير في البيت انا اجيبها كيف يعني يحسني اني مااسوي شي وهو الي المفروض يحس كذا
يستغلني علشان اجيب له الفلوس بكل راحه بدون مايفكر اني انا الي اعطيه
اخذت نفس عميق ماراح اخليه يساعدني ويتمنن ع مجرد فكره بنتظر فتره طويله حتى اتٲكد انهم نسيو سالفة الشكوه وبرجع بطريقه ثانيه بفكر فيها اذا جاء وقتها
اهم شي الحين بشوف اش يسوي عبدالرحمن من غيري اذا اعتذر طبعا هذا شي ثاني
انسدحت ع طرف السرير
منجد شغلي مو ذاك الاهميه طيب جاتنا طلبات كثيره واستفسارات عن الاماكن الي نبيع فيها ومره طلب واحد يسوي بحث في الشركه وطبعا رفعنا الطلب لخالد وهو الي تصرف وبعد شكرنا بالصفحه يعني فيها فايده
خمس بنات نداوم ع الفاضي لا ابدا احنا نفيد التقدم واكيد فيه نسبة ربح منها واهم شي كان استفسار مهندس عن طلب كبير وافدناه وجاء للمكتب يعني هي اختصار لاشياء كثيره
جلست وانا احس بالثقه رجعت لي فتحت النت وشفت صفحات كثيره لاشياء معروفه اكيد وراها ناس مهتمين فيها ولا ماتنجح وتروج كذا اكيد
ماتٲثرت كذا الا لما حسيت بعدم التقدير من الشغل نفسه بهذا الانذار الا انا واثقه اني اسوي شي لعايلتنا واني مااقصر بعد بشغلي
وهو مهم بنسبه لي وانا صح مااقدر الفت نظر عيال ابو جهاد مثل ماقال مو علشان فيني نقص بشكلي ولا بشخصيتي لا علشان هم يطالعون فوق مره مهما كان حلوه تجنن تاخذ العقل لازم تكون من مستواهم
وبعدين يشوفون والدليل زوجاتهم من عايلات معروفه مره وهم متزوجين من الاساس
بس ابو جهاد مو متزوج وهو قدوتي
قلت اجرب ولما جلست معاها عرفت ان الامر اسهل من اول بمراحل لانه متواضع ومايهمه المستوى المادي
طالعت بالساعه بقي ساعه ونص ع المغرب عدلت المنبه وانسدحت ع السرير وانا اسحب عبايتي واحطها تحت المخده والشنطه بالارض غمضت عيوني وانا عارفه اني ماباخذ وقت كثير ع بال ماانام لاني حاسه اني تعبانه وكسلانه..
صحيت الساعه ثلاثه شبعانه نوم طلعت من غرفتي سويت لي اكل خفيف واخذته لغرفتي وانا اكل سمعت رساله بجوالي توقعتها اعلان بس بفتحها علشان ماتنبه كل شوي
سحبت الشنطه جنبي وفتحتها وطلعت الجوال بس طلعت الرساله من شوق كاتبه فيها(ليش ماقلتي لي ان احنا ببداية الشهر وانا قول بعد اربعه ايام اذا نزل الراتب تقولين ان شاء الله ضحك علي خالد لين قال بس)
وحاطه وجه معصب ابتسمت وانا اتذكر كلامها صح ماانتبهت لكلامها بالي بس انه ماراح يتٲثر بس شوفو قدرت بطريقه ثاني تقول ضحك علي لين قال بس كتبت(هو عارف ان مو وجهك وجه شغل فاحسن ماطلعتي كذابه بس لفتي نظره بطريقه ثانيه دامه تقولين ضحك يعني رجعتو تواصلتو المهم لا تغيرين كلامك نهاية الشهر معانا طلعه)
وحطيت وجه مبتسم وارسلتها احنا مانتواصل ع الجوال الا نادرا يعني اذا تعب احد فينا ولا في اجازه بس
لما اذن الفجر اخذت دش وصليت مشطت شعري ورفعته
تذكرت حبوب جدتي طلعتها من الشنطه وطلعت حطيتها بالدرج ورجعت طلعت عبايه من الدولاب عندي ست عبايات ابدل بينهم اخر ثلاثه الشهور هذي
تجهزت بغرفتي وطلعت ماكان عبدالرحمن موجود تنهدت بملل يعني ايش اعتذر وانا ماسويت شي مجرد دافعت عن نفسي
صبحت وسٲلت عنه مجبره كيف اروح الدوام قال ابوي""انا بوديك""
قلت""خلاص باخذ المفتاح""
سيارتي ولازم يتذكر بس قال ابوي""مايحتاج""
طلعت معاه بسيارته لما وقف قال""عندي شغل واحد طلبني يعني مسافر انتبهي لنفسك وللبيت ولا تزعلين من كلام جدتك""
قلت بابتسامه""اكيد ماازعل منها تعودت عليها كذا""
سكتنا شوي وقلت وانا الف واطالع فيه""كلمت امي انك رايح فرحت مره برجعتك مايمديها ليش ماتجلس اسبوع كذاوبعدها روح""
قال بابتسامه""ودي والله بس اذا وقفت شغل بعد كذا محد بيسٲل عني ولا احد بيتذكر يطلبني""
قلت بسرعه""مو لازم نفس الناس روح عند مواقف وشيل الن....""
قطع كلامي صوت البوري المزعج لان ابوي كان واقف قدام البوابه واكيد مسكر ع الرايحين قلت بسرعه وانا افتح الباب""يلله مع السلامه اكلمك بالجوال""
قال وهو يحرك""طيب""
لما لفيت ومشيت بس خطوتين سمعت ابوي ينادي علي بصوت عالي
لما اللتفت لقيته رافع الشنطه لي مع قزاز السياره
ضحكت وانا امشي بخطوات سريعه كان محرك السياره عن البوابه مسافه بسيطه اخذت الشنطه وانا اقول""مثل العاده""
حركت يدي له بطريقة باي لما لفيت بكامل جسمي
شفت جهاد طالع من السياره الي واقفه ورانا وبعيده شوي عن البوابه هو الي كنا مسكرين عليه
حرك ابوي وحرك السايق صرت امشي بخطوات بطيئه وانا افتح الشنطه ورافعتها فوق شوي ابغاه يدخل بدون مايشوف وجهي ابغاه ينسى مره
انتظرته حتى دخل نزلت الشنطه وسكرتها وثبتها ع كتفي اول مادخلت كان واقف مع واحد قريب من البوابه مشيت بخطوات حاولت تكون عاديه بدون شبهه وعيوني ع قسمي بس وقفت وانا اسمع صوت جهاد يقول""اخت تاج نص ساعه وتعالي مكتبي""

..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(ﻟِﻠﺴﻌَﺂﺩَﺓ ﺃﺳﺒَﺎﺏ ﻭَ ﺃﻭِﻟُﻬَﺎ يكمن في { ﺍﻟﺤَﻤﺪُ ﻟﻠﻪ ﺭﺏ ﺍﻟﻌﺎﻟﻤﻴﻦ }..)

ظهر الفل ،،


باجمال الاحداث
شكل ضغطنا بيرتفع من هالتاج ،،




غباء استغباء سذاجه
تاج فضيعه لهالدرجه تحسب الانذار على الدعاء
كلش ماعندها ذرة تفكير
ان الانذار على زيارتها
و الدعاء عذر واتوقع ماراح تكون حلوه ان درى الكل بروحتها
و هي تدري ممنوع ،،



جهاد
موهين
له اسلوب لبق
من بدايه معاهم تجاوزت حدودها
بطريقه مو حلوه بحقها
واكيد ماراح ينسى
و بيتفاهم معاها ،،



اول روحه لها لابوجهاد
كانت مرتبكه
و الثانيه سهالات
مثل شوق اول مكالمه
رسميه
والثانيه اختلت الرسميه
خطوات الشيطان
بدايتها تعطي قالب مقنع
ومع التكرار يصير التنازل
و تنمحي الحدود و المبادئ ،،



خالد سمع كلام شوق و شكله
بيعطيها جوها و بالنهايه بأدبها
و بصريح العباره شوق لعابه
ولان كل وحده تلعب على واحد بطريقتها
ماكو استنكار بينهم
تاج تبي الفلوس عن طريق زواج شايب مبين انها مو مقتنعه بحالها
رغم انه كل مره يقولها بنتي وبزلة السان و زيارتين فضحت عمرها ،،
شوق تحدي و بالنهايه تبي زواج تقليدي
ان هالتحديات ماخلتج بحالج و فضحتج عند اهلج شبكون حالج ؟!


الخال شكله يرسم على مستقبل
ضحيته تاج بس فضح نفسه
مو لله يودي و يفتح لها المجال
الظاهر الفلوس يغير النفوس ،،



الابو
العمر يخلص و الشغل
مايخلص لي متى هالغياب
اهلك أولى بوجودج
وانت الي ملزوم فيهم
ممكن تدور اي شغله بمدينتك
بدل لا تبعد عن اهلك
الواحد لي كبر لازم يرتاح
مو يشقي عمره بدون سبب ،،




دمت بطاعه

السلام عليكم ورحمة الله وبركاته

ياهلا والله بعجايب

نورت يا قمر...



نجي للبارت


مثل ما توقعت طلع جهاد ابن المدير ، وشكله شخص مسيطر ورزين والدليل عدم انفعاله الواضح حتى لتاج .

المسكينة اتخضت منه واتبلكمت وما طلع معاها حكي ..


طبعا عبد الرحمن استسخفتو كتير بسبب آراءه و وجهة نظره المقلوبة للأمور . يعني حتى تاج استغربت انه شاف الرجال يكلمها ولا حرك ساكن.

بصراحة هيك نوعية حسافة عليهم اﻷسم .


تاج مترددة وخايفة من تدخل جهاد أنه يفصلها او يعاقبها وقررت تهدي اللعب او تأجله حتى تهدى اﻷمور.


اللقاء مع أبوها والجلسة كانت حلوة وطبعا قمر المجلس جدتها المزيونة ههههههه عليها تعليقات تحفة يا ناس تجنننننن.


جلستهم ع الغداء ونقاشهم أكد لتاج أنه مجرد وسيلة وانو عبد الرحمن مستغل وجاحد إلها .

انا مع قرارها خليه يعرف قيمتها بس المشكلة انها محتاجاه بعد كل شي .


حبيت تهدئة أمها للوضع وأنهم مثل اﻷخوان وبرجعو يتصالحو بعد ما يهدوا... وطبعا امها ما فوتت الفرصة لما ابوها استغرب تصرفهم وطعنته أنه لو عايش معهم كان ما استغرب بس هادا دليل بعده عنهم.


تاج راجعت نفسها وشغلها هل هو مهم وعندهم فايدة واستنتجت انه عندهم دور في التسويق لا بأس به .

رسالة شوق وضحت أنها نفذت مخططها ولكن عندي شعور أنه رح ينطبش ع راسها وتتربى من وراه.


طبعا بتمنى تفضى وترتب اشياءها ولكن دائما مستعجلة وما بتلقى وقت للترتيب.


ابوها حل مشكلة روحتها و وصلها بطريقه ولكنه فاجأها بقرار سفره وهي حاولت تخليه يتراجع ولكن الزمور افسد عليها محاولتها .

طبعا موقفها محرج وهي ناسية شنطتها في السيارة.


والأدهى أنه السيارة اللي كانو مسكرين عليها طلعت لجهاد اللي آخر حدا بتتمنى تشوفه.

هههههه موقفها محرج وهي بتحاول تتلهى بالشنطة مشان تخليه يمر قبلها وما تشوفه .

بس كان بالمرصاد وطلبها لمكتبه ..


يا نهار أبيض زي اللبن يا جماعة ههههه أتوقع أنه بخصوص الشكوى وممكن يفهم غلط انها بتصاحب رجال كبار في السن مسكينة تاج موقفك سيء كتييير.


بس خلاص بطلنا دخل الساحة أخيرا متشوقة كتيير للي جاي


يسلمو أيديك يا عسل

وبإنتظارك أكيد


لك ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

الله على القفلة كنت منسجمة حرام عليك ‏


المهم ‏

روووو وبدأ اللعب الحقيقي بين جهاد وتاج ‏

عجبتني مواجهة تاج لعبد الرحمن وأخيرا حست إنه يستغلها ‏

أبو تاج ماني مرتاحه لغموضه قلبي ‏

قلبي يقول لي إنه بينه وبين أبو جهاد شي ‏


سلمت أناملك وفي انتظارك لا تتأخري عليا ‏


جبيت روايتك لتركيزها على الأبطال فقط وهذا عشقي في الروايات ‏
ههههه اناقد نفسي ‏


سلام يا حلوه ‏