صببباح الخييير عجووبه ..ياليت دايم 3 بارتات والله مانرتوي ببارتين

ولا وصيك بين فتره وفتره دلعينا ب4 او 5 بارتات :)

ابغير رأيي الحين ليث هو المتذبذب >> والدليل هالبوسه ههههههه اللي ع قوله تاج بيندم عليها

ويقول كنت شاك بيصير كذا

ليه يابابا تقرب منها ..قسم متذبذب بآرائه

هههههه بديت اقتنع بتفكير تاج ليث لازم احد يوجهه بكل خطوة

......

بس رحمت ليث امه وابوه منفصلين وهالشي اثر عليه ماحس بالراحه بصغره يبقى فاقد شعور

عشان كذا تعامله مع امه بارد نفس تعامل تاج مع ابوها <<طبعا نتكلم بمشاعرهم وبرغم هذا مانشجع تصرفهم

لآن احد ابواب الجنه رضا الوالدين ..يعني ابد مالهم عذر حتى لو والديهم ذبحوهم


.....

ليه القفله الاليمه ياجوجو ..تدلعينا ببارت زايد وتقفلي علينا القفله ذي


ننتظرك بشوووق ..واتوقع بيجاوب على تاج انو ماصار نصيب بينه وبين الجازي

لان واضح كلامه قليل وممكن يطنشها مثل مايطنش اغلب سواليفها

...

ويعطيك ربي الف عااافيييه ..وتكفين دلعينا ببارت زياده مع الويك اند

عسى المانع خير ي عمري 😿!

بانتظارك عجوبة

السلام عليكم ورحمة الله وبركاته..
اعتذر حبايبي ع التأخير مشغوله شوي والحين بنزل البارتين ان شاء الله ووقت ماافضى راح ارد عليكم..
ربي يعطيكم حتى يرضيكم ثم يزيدكم..

ان شاء الله تستمتعون بالقراءه..
..البارت الرابع والسبعون..
ابغى اعرف ليش طلقها
مااقنعني كلامه الاول انه مشغول عنها
اكيد فيه سبب مهم
طالعت فيه انتظره يجاوب
بس هو كمل ينشف يده ع اقل من مهله
ولما خلص لف علي وقال""ليش تسٲلين""
قلت وانا ارفع اكتافي""بس فضول""
قال بختصار بعد ماجلس ع الكرسي المقابل لي""مافي نصيب""
ليش يفكر كثير وبعدها يقول كلامه بختصار
قلت وانا احط يدي ع الطاوله""بس اكيد في سبب""
قال وهو يرجع ظهره""وليش الاهتمام""
ماابغاه يحس كذا ويطفش علشان كذا قلت""عبدالرحمن هو طلبني اسٲلك""
طالع فيني ثواني وبعدها قال بترقب واضح""ليش""
اش فيه يغار عليها وهي طليقته
الا حتى مو اسمها طليقته مايعرفها
طيب انا وش دراني انه مايعرفها يمكن كان بينهم شي
قلت وانا ارجع ظهري بعد""عاجبته""
تعمدت اقول هذا التعبير بالتحديد
وبنبرة صوت تزيد معنى الكلمه
علشان استفزه لانه قهرني باهتمامه بٲجابتي
قرب بجسمه من الطاوله وقال بعصبيه مكبوته""هذي البنت من اهلي عيب عليك تقولين كذا قدامي""
زاد قهري اضعافه
بس من اهلك
اش ناوي يرجع لها علشان يرضي امه الي ماتدري عنه
قلت وانا اعدل جلستي علشان اقطع امله""اش فيك قصده شريف يبغى يخطبها""
قال بنفس العصبيه""يبغى يخطبها يروح يكلم ابوها مو يقعد يقابلها ويتكلم معاها ويسأل""
بشويش ع قلبك
ليش هذا الاندفاع
قلت بعد ماضغطت ع اسناني لثواني""انت مو واثق بعبدالرحمن ولا بالجازي""
قال بنرفزه""تاج""
قلت بنفس النرفزه""ماادري عنك تقول لا يقابلها وين احنا ولا هي قبل الخطبه تقابلك علشان كذا ب....""
قاطعني وهو يطالع فيني بحده""حتى انتي قبل الخطبه قابلتيني""
طالعت فيه بصدمه
وانا معقده حواجبي لثواني لهذي الدرجه مايرضى بكلمه عليها
قلت وانا ماسكه نفسي بقوه وكان واضح من نبرة صوتي""متى قابلتك ان شاء الله""
لاني ضغطت ع الحروف بقوه
خير متى قابلته بحلمه
قال وهو ع نفس الجلسه""في المطعم""
قلت وانا اطالع فيه بعدم تصديق""في المطعم معاي عبدالرحمن ومو اسمه قابلتك""
قال وهو يحرك راسه بطريقة ايوه لنظرة عدم التصديق الي مني""ماجلس عبدالرحمن دقيقه وقام""
قلت بهمس وانا بهذي اللحظه ودي ادفه ويطيح هو وكرسيه
واذا يبغى بعد الطاوله وابلعه كلامه بالقوه""تشكك بٲخلاقي ليث""
قال بسرعه""طبعا لا بس لا تتكلمين عن الجازي""
عنده عادي يكلمني بهذي الطريقه وبهذي النبره
ولا اتكلم عن الجازي اوكي فهمتها
وقفت وقلت""ماراح تتكرر لانها بالنهايه بتكون زوجة خالي""
حابه اقهره
بس انا مقهوره لدرجة مالقيت الا هذي الكلمتين
ونويت اطلع انام لا ابغاه ولا ابغى اكله يشبع فيه
بس مشيت كم خطوه ووقفت لان ليث مسك يدي
وقفت من اختياري ابغاه يقولي كلام يرضيني مو يقول انا سهلة الارضاء طيب حاول
لفني عليه وقال بنبره هاديه""خلاص كان حوار وانتهى لا تزعلين""
رفعت عيوني وطالعت فيه
وقلت وانا لسى متنرفزه انا قابلته انا
حمل الكلمه اكثر من معناها""كان حوار بس ماانتهى عرفت نظرتك عني اساسا من عرفتك وانت تنتقد بشخصيتي وهذا مو شي جديد""
قال بعد مااخذ نفس""تاج لا تفهميني غلط انا مااشكك باخلاقك بس بداية زواجنا كلها كانت غلط""
سحبت ذراعي منه وتكتفت
وقلت بنرفزه اكثر""يعني ترجع تٲكد كلامك مااشكك باخلاقك بس الي سويتيه غلط""
انتظرته يعلق وانا اطالع فيه بحده
اش كلها غلط ندمان يعني
بس انا مو ندمانه ولو تكرر الزمن بسوي نفس الشي
ادري للحين مااستفدت شي بس لسى اقدر
قال بعد ثواني وهو يبغى يسكر السالفه""خلاص انسي كل الكلام هذا وانا اسف خلينا نتعشى""
طالعت فيه لثواني وقلت وانا اضغط ع الحروف""لازم تكون اسف""
لازم يتٲسف عليها ومره ثانيه علشان كذا قلت هذا الكلام
ورجعت جلست ع الكرسي
ومثل ماقلت مو شي جديد ينتقدني
وانا مايهمني رائيه فيني وتقريبا تعودت
والجازي بتكون زوجة عبدالرحمن ان شاء الله دامه مصر وهذا هدفه
يعني مايهم كلام ليث عنها
والعشى هذا باكله
مو منتظره هذا الوقت ورحنا السوبرماركت واخر شي انام جيعانه
انا اكفي نفسي ولا يهمني رائي احد فيني
اهم شي اكون انا راضيه
وطبعا ماراح اكون راضيه اذا طلعت ونمت بدون مااكل
وهذا كله مايدل اني سهلة الارضاء
صح مايهمني رائيه
بس طبعا ماراح اعديها الا بمزاجي
اخذت جوالي من ع الطاوله ورفعته اتصل ع امي وانا اسمعه يقول""وانا اسف""
صراحه بعد كلمته هذي خف زعلي منه كان واضح من نبرة صوته انه صادق
طالعت فيه وقلت""تمام""
وانا انتظر امي ترد
لما ماردت طالعت بليث لقيته يحرك الشوربه
مستحيل نجلس جلسه كامله بدون خصمه تعودت ع كذا معاه
واليوم السبب كله الجازي فتحت رساله وكتبت(ترا شاكه ان ليث بعد الطلاق يرجع الجازي تبغاها سرع شوي الخطه حقتك)
وارسلتها لعبدالرحمن اخر كلمتين كتبتها بمسخره
كل ماقلت شي قال هذي الخطه
وكذا ارتحت تماما من السالفه
احس عبدالرحمن يبغاها اكثر من ليث حتى لو مصلحه
وطبعا انا بصف عبدالرحمن علشان كذا ماابغاه يرجع لها ليث
حطيت الجوال ع الطاوله ووقفت وقربت منه اشوف الشكل قلت""شكلها خلاص جهزت""
وانا زاد جوعي لو ايش بٲكله ولو طبخها عدوي اكلتها ليث عادي
يعني بختصار انا استغلاليه
قال وهو يحركها""بقي تقريبا دقيقتين""
اختصارا للوقت صرت افتح الدواليب بطلع صحن مناسب
وقلت""احطها بصحنين ولا واحد كبير""
قال""لا واحد يكفي""
طلعته وحطيته عنده اخذ نظره عليه وقال""غسليه اول""
قلت وانا ارجع جسمي ع الدولاب واطالع فيه بعدم تصديق""ليث منجدك ليش كل هذي الوسوسه اكيد غسلوه قبل مايحطونه في الدولاب""
قال وهو يسكر النار""والله انتي الي مسلمه نفسك للامراض قد سويتي كشف عام""
قلت بمسخره وانا اخذ الصحن العميق""خلاص بغسله لا تسخن ولا ينكسر كفك وتقول علشان ماغسلته""
العمر واحد وانا ماشاء الله ماامرض كثير
اساسا قالوها الي يخاف من العو يطلع له
وهو من كثر اهتمامه بيمرض قبلي
سمعته قال وانا اغسل الصحن بنبرة صوت واضح فيه انه مااعجبه كلامي""تعرفين فايدتها ع المدا الطويل""
اعطيته الصحن العميق وفتحت درج الملاعق وانا اقول""وش دراك ان عمرك طويل نصيحتي استمتع ولا تعقدها""
غسلت الملاعق علشان يرتاح
قال وانا امشي وراه لطاوله""اش هذا التحطيم بعدين النظافه من الايمان وال....""
قاطعته بستخفاف وانا اجلس ع الكرسي""يعني جبته من الزباله انا""
قال وهو يجلس بعد ماحط الصحن بالنص""من قبل كلامك هذا وانا غاسل يدي منك بس الحين زياده""
ضحكت وانا اقوم واقول""بقي العصير علشان يصير اكثر من الزياده(مشيت وفتحت الثلاجه وكملت)انت اش تبغى""
قال""ولا شي""
اخذت عصيري وسكرت الثلاجه برجلي وسحبت الكرسي وحطيته جنبه وجلست
وسحبت الشوربه وقربتها منا
اخذت رشفه وقلت""اممم لذيذه""
قال بصوت واضح فيه الابتسامه وهو يقرب الملعقه""بالعافيه""
بعد ثواني سمعت صوت رساله بجوالي
مديت يدي واخذت الجوال وفتحت الرساله
كانت من عبدالرحمن وكاتب فيها(ماعليك ثبتت وانتي يا الغبيه جيبي له وريث)
طالعت بطرف عيوني ليث
اشوفه شاف الرساله وانا انزله ع الطاوله
بس ماشكله شافها
بعدين عبدالرحمن ماعنده الا هذي الكلمه
جيبي وريث
لان الحين مافي اولاد بالعايله
اخوه تو جاته بنت
وبعدين وش يعرفه اني بجيب ولد لو مثلا
وانا ماابغى اعلق نفسي بهذا الزواج
اعذب نفسي واعذبه واعذب الي بيجي
احنا بيننا اتفاق وبنستمر عليه
كملت اكل وقلت بعد وقت بطريقه عاديه""قد شفت بنت اخوك""
طالع فيني بستغراب من السؤال الي بدون مقدمات طيب عادي ابغى اعرفه اكثر
قال""لا""
قلت""افا هذا وانت عمها ليش ماتزوره""
قال بختصار""مشغول""
شكله مايبغى يتكلم بهذا الموضوع وعلاقته بكل بعايلته خفيفه
وخلاص انا بسكت بس هذا اخر سؤال
ابغى اعرف قلت وانا احط العصير ع الطاوله""طيب قبل مايتزوج كنت قريب منه""
قال""ايوه""
بكذا سكتت
خايف من ايش اعلم احد يعني
مايتكلم عن شي قدامي
بعد كذا دقيقة صمت واحنا ناكل سمعت صوت شكل رعد
قلت بٲبتسامه""ان شاء الله مطر""
لما ماعلق ع كلامي
رجعت ظهري ولفيت عليه شوي
اشوفه يأكل بهدوء احسه تعود ع الوحده مايتكلم معاي مايأخذ راحته
طالعت فيه ثواني بتركيز وهو شكله حس بنظراتي رفع عيونه يطالع فيني
قلت بهدوء""اش فيك""
قال وهو يرفع اكتافه""ولا شي شبعتي""
قلت""ايوه(ولما شفته مد يده يرفع الصحن مسكت يده وكملت
وانا احاول اوضح له صدق شعوري وانا لسى اطالع فيه وهو يطالع فيني بنظره وضحت انه بيستمع لي زين)انت ليش كذا منغلق ع نفسك صدقني ماراح اذيك بيوم بس ابغاك تكون مرتاح وتتكلم بدون ماتفكر اش الناتج ولا اش بفهم(وكملت بٲبتسامه)وتراني ماافهم شي كل شي اسمعه انساه خذ راحتك يعني""
مايعجبني حاله كذا ع طول بتركيزه ومشدود
خليه يٲخذ راحته مثلي هذي حياته اليوميه متى بيرتاح
لما ماعلق ع كلامي وكان لسى يطالعني بنفس النظره
وكٲنه ينتظرني اكمل كلامي
قلت بعد ماضغطت ع يده خفيف""تسلم يدك وطعمه مره حلو(وسحبت يدي ووقفت وكملت)خل الغسيل بعد مانرجع من السطح واساعدك""
قال وهويوقف بعد""مابطلع بنام""
قلت بعد تنهيده ماحاولت اوضحها""طيب من وين اطلع""
مشى قدامي بدون مايتكلم وفتح لي باب من ع زاويه
ووراه درج ع طول
استغربت مره توقعت من الدور الثاني مو من هنا
وبعد ورا باب مره مستغربه
بس ماسٲلته شكلي بزياده لصقة فيه
طلعت الدرج بحماس
احب اجرب اشياء جديده
كان منور بنور قوي علشان كذا ماخفت
فتحت الباب المقابل لي وطلعت لسطوح
رفعت عيوني اطالع بالسماء كان فيها برق والجو بارد
بس مكتم مره الشي الي مو حلو لان من الجهات الاربعه كلها جدارها مرتفع
مااشوف الا السماء
تميت امشي حول المكان وانا متكتفه
وبين وقت ووقت اسمع الرعد
بس شكله بعيد
تقريبا نص ساعه او اكثر لما حسيت اني بردت مره وكسلت
وان ليث ماراح يجي ويغير رائيه مثل ذيك المره
نزلت الدرج وانا متكتفه بقوه
سكرت الباب ومريت اشوف المطبخ
لقيت كل شي مثل ماهو
شكل لما مشى ووراني ع طول طلع فوق
معد رجع المطبخ
واستغربت مره لتصرفه هذا
لانه مو من طبعه ويقول مافيني شي
شلت الصحن ورجعت الباقي في القدر وغطيته
وغسلت الصحن العميق وصحن الخضار ومعاها كم ملعقه وسكينه
ورجعتها مكانه وبعض الاشياء حطيتها بالزباله
وعدلت الكراسي واخذت جوالي وطلعت من المطبخ
فتحت جوالي اشوف فيه شي
وانا طالعه الدرج لما وصلت الصاله سكرت جوالي
وشفت الاب حقي ع الكنبه بالصاله
رميت نفسي جنبه وفتحته شوي
احس صار نومي اقل علشان تكلمت عن ليث بنفسي كثير
صرت اكثر منه
بعد تقريبا كم دقيقه طفشت الا الصدق معد اشوف شي
سكرته وحطيته ع الطاوله جنب الجوال واعطيتهم ظهري وغمضت عيوني وانا اتكتف ومااخذت وقت الا وانا نايمه..
سمعت صوت يناديني وانا احس تو غمضت عيوني
قلت بعصبيه""اممم""
مافيني حتى اتكلم قالت سوناتا""الساعه وحده صلاة الظهر""
قالت كلامها مفرق بس فهمتها
وبنفس الوقت حسيت بصدمه من كلامها
فتحت عيوني وجلست ومخي لسى مشوش كيف الساعه وحده الظهر
وقلت باول فكره جات في بالي""والفجر والدوام""
قالت""قوم يصلي""
قلت""طيب""
من نبرة صوتها حسيت ان لها وقت تصحي وطفشت
للحين مستغربه من نومتي هذي
عدلت شعري بيدي وانا اوقف بعد مابعدت الغطى الثقيل هذا
الله كل هذا نوم واحس اني مانمت اساسا
قبل ماانام وانا افكر ان قل نومي شكل جاء وقت التعويض
دخلت وضيت وصليت الفجر والظهر بعد ماسلمت
رجعت طلعت الصاله ومالقيت سوناتا موجوده شكلها نزلت
انسدحت بنفس مكاني اعجبتني النومه فيه
وتغطيت وانا اتنهد وغمضت عيوني راح علي الدوام الساعه وحده اش بسوي يعني
رجعت نمت بعد كذا دقيقه
ولا حسيت بنفسي حتى سمعت صوت ليث يناديني اول مافتحت عيوني قال ليث بنبرة صوت قلقه""تحسين بشي يوجعك""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(مَا أجمَل القلُوب التي َلأ يجمعٌنا بهَا سّوى أحرفٌ بسّيطة ، ورغمَ ذلك تفرَح لِفرحنا ، وتحَزن لمِا يٌحزنا ،، وتفتقدَنا عِند الغيَاب..ربي يسعدكم ويحميكم)