ان شاء الله تستمتعين بالقراءه..
..البارت التاسع والستون..
كانت الحديقه مثل مااعرفها فاضيه مافيها احد وفيها جلسات جديده
بس انا جلست ع العشب مع ان مامعي شي افرشه بس مااهتميت المهم اني ماابغى هذي الجلسات لانها مقفله من فوق يعني بسقف
فسخت حذياتي وطلعت جوالي من الشنطه وحطيته فوق الشنطه
لاني كنت ناويه اتصل ع عبدالرحمن استعجله لان ريحة الاكل زادت جوعي بس شفت سيارته يوقفها
ماشاءالله اش هذي السرعه ولا هذي صفه جديده تعلمها علشان الاخت الجازي
والله انها بدت تعجبني هذي البنت اذا بتغيره
جلس مقابل لي وهو يقول بااعرض ابتسامه شفتها عليه""تحدينا ع ايش احنا""
قلت وانا اطلع الاكل من الكيس""ماراح تمر علي ماتحدينا وانا متٲكده من فتره طويله""
قال وهو يساعدني شكله هو بعد جيعان""مااقدر مره(حركت راسي بطريقة لا وهو كمل بغرور)اليوم ثبت وجودي""
قلت وانا بديت اكل""كيف""
قال بحماس وهو يتربع زين""اصبري خليني احكي لك من البدايه""
قلت بعد مااخذت نظره عليه بستخفاف""اسمعك""
قلت لكم من زمان اني احس فيه هرمونات انثويه كثير
رجعت قلت مره ثانيه بسرعه قبل مايتكلم بضحكه من تفكيري""منجد ناوي تتزوج""
طالع فيني ثواني وقال بعدها بستخفاف فيني""اذا انتي تزوجتي معد فيه شي غريب بعدها الا اذا جبتي عيال""
قلت بسرعه""انقلع""
اكل لقمه وقال بعدها""لما داومت اليوم لقيت ابو الجازي طالع من الشركه وكان شكله تعبان ومن حظي ان سواقه تٲخر مدري ليش عرضت عليه اخذه لبيته وهو طبعا وافق لان ا.....""
قاطعته وقلت بسرعه بضحكه""عادي ماقلت لك صير سواقه يعني فكرتي""
قال بعد مااخذ نظره علي ورجع يطالع بالاكل""سكري فمك المهم وديته البيت وبعد ساعدته يدخل المجلس وقلت له بجيب له دكتور لان طبعا هذي فرصتي وهو اعطاني رقم دكتوره واتصلت عليه مع ان مو تعبان مره بس يعني اني خايف وكذا و...""
قاطعته وقلت بعد مابلعت""بدون شعور الحين الرجال تعبان تستغل تعبه بمصلحتك كان اخترت موقف ثاني""
ضحك وبقوه وقال""ماعرفتك تاج مو انتي استغليتي بعد تعب ابو ليث علشان تروحين له""
الحين ليش يمحور الموضوع ويشوفه بهذي النظره
وطلعني شريره انا كنت اقصد افتح باب بس
وبعدين ليش في باله السالفه للحين ويختلف الموضوع انا رحت له المستشفى يعني بعد مااهتمو فيه الدكاتره وتحسن
قلت وانا اضرب يده اليمين الي ياكل فيها وقلت""قوم""
بعد يدي باليسار وهو يقول بحماس""ماكملت لك جاء الحين المهم بعد ماجاء الدكتور وكشف عليه بالمجلس وانا طلعت عند الباب انتظره احد من اهله اكيد بيعرفون اذا ام الجازي بستفيد واذا الجازي احلى مين تتوقعين جاء""
قلت بٲنتباه""الجازي""
قال""ايوه ورفضت اخليها تدخل مع ان الدكتور ماقال شي بس كذا ابين شخصيتي وهي شكلها توها صاحيه...""
قبل مايكمل قلت وانا اطالع فيه بنص عين""كيف عرفت بلله""
قال وهو ياخذ لقمه""لابسه بجامه وشعرها مرفوع(لما طالعت فيه بصدمه كمل)طبعا اكيد هي غير عنك مو طول الوقت كذا شكلها اتذكر لما جيت اخذتك من عند....""
قبل مايكمل قلت بصدمه""جاتك بدون عبايه""
قال بضحكه ع جنب""الي يسمعك مايعرفك المهم اني كنت في بيتهم اكيد بتطلع بدون عبايه بس لما شافتني راحت لبست عبايه وجات تبغى تدخل تشوف ابوها بس انا قلت تنتظر وكذا عاد هي خاصمت وسبت بس انا مارديت عليها""
قلت بضحكه""يااخلاق ماعرفتك""
كمل بغرور""دايما انا كذا المهم بعد ماطلع الدكتور وتطمنا عليه رحت جبت الدواء ولما رجعت دقيت الباب وحطيته بالارض ومشيت رايح يعني اني ماابغى اقابل احد ولما وصلت البوابه سمعت احد يناديني بٲسمي ولما اللتفت وشفت انها الجازي طلعت بدون ماارد عليها""
قلت بحماس من افكاره وطريقته الغريبه الي خلتها تنتبه له
يعني لو انا مكانها احد يتدخل في بيتنا بعد يحمد ربه اذا ماتشوت برا البيت
عاد تناديه ليش وهو يشتغل بشركة ابوها يعني يخدمه براتب مايحتاج شكر""وليش مارجعت لها""
قال بعد مااكل لقمه وبلعها وانا انتظره""هذي السياسه الي تمشي معاها لا تعطيها وجه واستصغرها وسوي لها خير بدون ماتتغير طريقة المعامله وتطيح المهم مو بس كذا استغربت انها تعرف اسمي بس مو كثر لما ارسلت ع رقمي""
قلت بصدمه""احلف""
قال بنصر""والله ارسلت ماادري من وين جايبه رقمي""
قلت""رديت عليها""
قال""ايوه بس بختصار ورسميه سلامة الوالد بس""
قلت""وش كاتبه هي""
قال وهو يغمز لي""لا اسرار خاصه""
قلت بٲبتسامه""كل شي قلته لي جات ع الرساله اسرار""
قال""كيفي""
قلت وانا الم الكل واحطه بالكيس لان شبعنا الحمدلله""انا عارفه ان لو هو شي حلو قلته""
قال بعد ضحكه""عارف اسلوبك بس بقول لك مو علشان اثبت لك انا من اول ناوي اقلك بس امزح""
قلت بانتباه""ايوه اش كاتبه""
قال وهو يوقف""تعتذر وتقول انها من خوفها ع ابوها تكلمت بدون تفكير""
قلت وانا اوقف بعد بٲستنتاج""يعني تحب ابوها""
قال بستغراب""اكيد تحبه في بنت ماتحب ابوها(واخذ نظره علي وسكت ثواني وكمل بعدها)غيرك طبعا""
قلت بحده""احب ابوي""
ومشيت احط الكيس بالزباله
ورجعت علشان البس حذياتي واروح الحمام اغسل يدي وعبدالرحمن سبقني
لما رجعت جلست بنفس مكاننا وانا اشوفه جالس ويطالع بالسماء
وقال اول ماانتبه لي""الجو حلو ليش ماتتصلين ع ليث ويجي هنا وتجلسون يغير جو ويقرب منك""
قلت وانا افسخ بحذياتي""مشغول طبعا واساسا امس يقول لي سبعه شهور كثير يعني بتنقص ماله داعي نقرب من بعض""
سمعته يقول وانا اجلس""ليش اش صار امس""
قلت وانا اعدل جلستي""تخاصمنا مثل العاده""
قال""خبله انتي وليش ماتحاولين تقربين منه توقعت ان الزواج بيكمل مو بينقص""
حسيت من طريقة كلامه بمعنى شوفي وتعلمي قلت بطفش""الي كنت مخططه له هو الي بسويه""
قال وهو يطالع فيني بحماس""تخيلي لو تجيبين للعايله وريث مو حلو""
قلت بخرعه وبسرعه""لا""
اخس فكره جات براسه
ع الاقل مااخسر كل شي بهذا الزواج
قال وهو يرفع اكتافه""بكيفك""
طبعا انه بكيفي
مرت لحظة صمت وانا اطالع بالسماء خفت الغيوم يمكن علشان الهواء القوي يبعدها
قرب العصر يٲذن وانا بصلي هنا ان شاء الله
لسى اعرف القبله وقبل المغرب بروح عند امي علشان وقت زيارة ليث اكون موجوده
قال عبدالرحمن بعد وقت""وين سواقك""
قلت""راح""
قال""خلاص طيب قومي اوصلك بيتك""
قلت بستغراب""رايح""
قال بضحكه""ليش ناويه تنامين هنا""
قلت"" قبل المغرب نطلع""
قال وهو يوقف""بكيفك انتي انا بروح""
قلت""روح""
قال بستغراب وهو يمسح ع بنطلونه""بتجلسين وحدك""
قلت بستغراب من استغرابه""ايوه عادي مو شي جديد وين بتروح بترجع البيت""
قال وشكل جات في راسه فكره تو""لا بطلع مع الشباب وش رايك اتصل ع ليث واقول له تعال تاج تعبانه ويجي هنا وانتي بكيفك مثلي انك تعبتي من الجو ولا انك ماتدرين وتستغربين من جيته وكذا يجلس معاك""
قلت بعد ضحكه لفكرته السخيفه""قلت لك مشغول لو تقول له ايش مايجي""
قال بتحدي وهو رجع يجلس""بيجي نجرب""
قلت بٲستغراب من ثقته""وليش متٲكد""
قال""تتذكرين يوم ابوك بالمستشفى واتصلت ع جوالك ومارديتي اتصلت ع ليث علشان اخذ رقم التلفون منه ولما سٲل قلت له وجاء قبلك المستشفى كيف لو اقوله ان انتي التعبانه وبرا البيت ووحدك وانا ماقدرت اجي لك لاني بعيد""
وانا كنت ابغى اعرف وش عرفه بمرض ابوي ومن الانساني انه بيجي لي مثل ما انا لما تعب انتبهت له يعني شي طبيعي
قلت بروقان""انا ابغى اجلس وحدي""
وقف وقال وهو يمشي طالع من الحديقه""لا تعبتي لا تدقين علي مشغول انا""
قلت بصوت عالي علشان يسمعني""وانت اذا احتجت مساعده لا تدق علي""
لما حرك سيارته وبعد وقفت وشلت الحذياه والشنطه بيدي وبعدت شوي علشان اقدر اخذ راحتي بدون مايكون في احتمال احد يشوفني
رجعت جلست ع العشب وحطيت الشنطه وراي ورجعت ظهري عليها اريح حتى سمعت صلاة العصر
دخلت وحده من الجلسات وصليت ورجعت جلست مكاني بعد مارجعت من الحمام بعد ثواني وقفت ومشيت حول الحديقه
ولقيت مرجيحه جربتها وكل نوع من النباتات احاول استنتج اش تطلع
بصراحه لو معاي احد كان تونست اكثر مع كذا مستانسه الحين من الجو واحساس ملمس العشب ع رجلي
بعد ماتعبت رجعت جلست مكاني وانا ناويه ارتاح شوي
وبعدها اتصل ع محمد يجي لي ع المشوار ليجي هنا
وبعدها ع بيت امي الا المغرب اذن تقريبا
فتحت شنطتي ادور للجوال مالقيته متٲكده اني حطيته بالشنطه لما كلمة عبدالرحمن بالسياره وانا طالعه من الدوام معقوله نسيته في السياره
ياليل مطولك هذي عقدتي انسى اغراضي بكل مكان ماادري وين تركيزي
احتياط دورت حولي اتٲكد اذا طاح من الشنطه وانا ماانتبهت له
وكان هذا املي بس لما يٲست اني القاه فكرت في مكاني الاول
قمت ورحت ادور حوله وانا جالسه ع عشب يعني اكيد دخل بينهم
بعد وقت لقيت جوالي لاني سمعته يدق والا والله صراحه ماكنت راح اشوفه
حبيت هذا الي اتصل بالوقت المناسب حتى لو عبدالرحمن بحبه
لما رفعته كان ليث الي يتصل
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
رَبِّي أسألك هُدوء النَّفس وَطَمأنينة القَلب وَانْشراح الصَدر ، رَبِّي أسألك تَوفيقاً وصِحة تُرافق خُطاي وَحياة مَليئة بـِ كُل مَا يُرضيك .. : ~ )

ان شاء الله تستمتعون بالقراءه..
..البارت السبعون..
لما شفت الجوال تذكرت اني طلعته علشان اكلم عبدالرحمن وهو كان واصل فحطيته ع الشنطه مو هذا الي اهتميت فيه
استغربت اتصاله لا يكون سواها عبدالرحمن وقال له منجده
فتحت الخط وقلت بهدوء وترقب""الو""
قال بعد فترة سكوت""وينك عن جوالك مو اول مره اتصل""
طبعا ماراح اقول السبب الحقيقي قلت بٲنتظار لسبب الاتصال""تو انتبه عليه""
سمعته بطريقه واضحه ياخذ نفس وبعدها قال""وينك""
قلت بعد سكوت لثواني لاني فهمت ان عبدالرحمن ماقال له اذا ليش متصل""قريب""
قال"" اذا خلاص مع السلامه""
وسكر قبل حتى ماارد عليه
اش فيه متصل بدون سبب مو شكله كذا كٲنه غير رائيه وسكر
والموضوع ماثار فضولي
رجعت وحطيت الجوال بالشنطه ولبست حذياتي ورفعت شنطتي بعد ماعدلت طرحتي
وبعدت شوي عن الحديقه لاني شفت مكان ايسكريم اخذت عبوه كبيره لامي
ووحده صغيره لي
رجعت الحديقه واتصلت ع محمد يجي يٲخذني وخلال الانتظار اكلت حقي
واخذت العبوه الكبيره وطلعت من الحديقه لما شفت السياره
وكان خلاص وقت مغرب
واول ماوصلت البيت سمعت الصلاه
دخلت البيت وانا اقول""بيجي ليث بعد شوي يمه""
سكرت بعدي الباب وهي تقول""جاء وراح""
قلت بستغراب قوي وانا واقفه مكاني""منجد""
حركت راسها بطريقة ايوه وهي تمشي
طالعت فيها وبعدها بسرعه دخلت المطبخ حطيته بالثلاجه وطلعت
وقلت بعد ماسلمت ع جدتي الموجوده بالصاله""وش قال لكم""
ليش قال لي وقت وراح وقت ثاني الا اذا هو قاصد مااسمع كلامه
قالت امي""عادي سولف طبيعي وماطول لانه مشغول""
قلت""متى جاء بالتحديد""
قالت جدتي""لو انتي كنتي في البيت كان عرفتي ماغير بس بالشوارع ماادري كيف ساكت عليك""
مارديت عليها طالعت بٲمي وقلت""مارديتي علي يمه""
قالت جدتي بعصبيه""ودوني غرفتي بصلي(لما وقفت كملت) لا مو انتي""
بس انا ماسمعت كلامها دفيت كرسيها لغرفتها وطلعت
ووقفت بوجه امي الي داخله غرفتها""ماقلتي لي اش قال""
قالت وهو تدخل غرفتها""اش فيك ماقال ولا شي بس تحمد لابوك بالسلامه وجاب هذي معاه""
اشرت ع كيس موجود ع الطاوله من شكله واضح انه هديه
قلت بفضول""افتحه""
حركت راسها بطريقة ايوه ودخلت حمامها
فتحت الكيس وطلعت الي فيه طلع عطر فتحته اشمه طلع نفس العطر الي يعطر فيه شماغه وريحته ريحت بخور
وقلت له اني بشتريه لامي ليش هو الي يجيبه لها
بس مع كذا اعجبني انه مانسي كلامي
لما طلعت امي من الحمام قلت بٲبتسامه""انا قلت له انك بتحبين هذي الريحه""
قالت بٲبتسامه""ماتقصرون""
بعد ماصليت عندهم المغرب وجلست مع امي اسٲلها وماطلعت بٲي شي غريبه
طيب ليش جاء وحده هذا الموضوع شككني اكيد قال لابوي شي
مثلا وامي تجيب القهوه
انتظرت ابوي جاء بعد ساعه ولا حسيت فيه شي يعني معقوله زياره عاديه
وجات في بالي اخر حل انه لما اتصل علي بالحديقه كان بيقول انه هناك بس ليش سكر قبل مايقول
صليت العشى مع ان امي حاولت اتعشى معاهم بس قلت لها ميته نوم وشبعانه
لما وصلت البيت قلت لمحمد قبل ماانزل""يعطيك العافيه تعبتك اليوم""
وسكرت الباب ودقيت الجرس مثل العاده وفتحت سوناتا
طلعت فوق اخذت دش وانسدحت وليث لسى مارجع
بس قبل ماانام سمعت حركه بالغرفه فتحت عيوني شفت ليث ينسدح ع سريره لفيت عليه اشوفه ونمت بدون مااحس بنفسي..
طالعت بمنال وانا مستغربه انها صفت مع البنات ولا صارت تتكلم معاي
وكٲنهم حكو الموقف بطريقه غير عن الواقع
عادي تهاوشنا لانها كانت متضايقه مو لان نكره بعض
اليوم لها ثالث يوم وهذا التحول كيف لو تستمر شهر
والغبيه شوق ماردت ع رسالتي اكيد انها فتحت جوالها وشافتها كيفها انا قلت لها ولها القرار
اخذت شنطتي لان الدوام انتهى وطلعت بدون مااتكلم مع وحده
طلعت السياره وقلت له""البيت""
وانا اطالع بخالد يحرك سيارته من نقل ماشفته خساره لو استعجلت شوي كان شفته واعطيته كلمتين حلوه
رجعت البيت اخذت دش و تغديت معاهم في المطبخ
امس رحت عند امي تغديت عندها ولما شافني عبدالرحمن قال""اشك انك متزوجه كل يوم نتقابل""
وردت عليه امي قالت""اذكر الله وبعدين منجده عبدالرحمن ليش كل يوم تاركه بيتك وزوجك وجايه زوجك له واجبات""
وانا اساسا رحت امس علشان اخذها السوق تتٲكد من التفصيل ان هذا الي تبغاه وتتٲكد من القماش
ورفضت تروح
رجعت البيت عند المغرب صليت في البيت وتعشيت وصليت ونمت قبل مايرجع ليث
ومن كلام امس قررت مااروح لاسبوع عند امي
طلعت فوق بعد صلاة العصر جلست اقلب بالتلفزيون ولفت نظري فلم رومنسي بس بعد كذا لقطه سكرت التلفزيون تافهين
واخذت الاب من ع الطاوله بالصاله انا جبته من بيتنا لما شفته بغرفة عبدالرحمن
وشكل ناوي انه يكون ملكه
وبعدين ليث ماجاب لي واحد توقعت يجيب
منجد مافي اختلاف كبير بين قبل والحين
جلست عليه وقت بٳندماج وتركيز
حتى حسيت بيد ليث تنزل البلوزه من ع كتفي
وقفت بسرعه وانا شايله الاب واقول بعصبيه""هي""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(""واتقوا يوماً ترجعون فيه إلى الله"" ليتنا نعي حجم هذه النصيحه في هذه الآيه..)

ههههههههههه
حلوه هي هذه من تاج ههههههه..
اعحبني اهتمام ليث بانسباه..
احس ان علاقة ليث باهله او علاقة والدينه ببعضهم هي السبب بشخصيته ذي ..
احس ليث وده تاج تتعدل ويستمر زواجهم ..
بس الهبله دي مش راضية تفهم..
ماخذه السالفه عناد بس ..
لو يسافر ويسيبها عند اهلها شهر زمان يمكن تتعدل..


شوق..
تمنيت تاج تروح لها البيت ويتصالحوا ..

عبدالرحمن والجازي ..
يناسبون بعض وكل واحد بيطلع عين الثاني..

ويعطيكي العافيه عيني..
وان شاء الله تكوني اليوم احسن من امس وللاحسن ..

اخيرا وصلت آخر صفحة ... عجايب انت كاتبة رائعة وملتزمة مع قرائك والقصة جميلة واسلوبها يجذب القاريء بقوة ... سلمت أناملك ياعزيزتي .

السلام عليكم ورحمه الله وبركاته



ههههههه زمان عن القفلات الخطيييرة


الدحمي طلع مو قليل قدر يلفت نظر الجازي محظوظ الظروف ساعدته عشان يقرب من ابوها .

بس كرهت استهتار الجازي وتهاونها بحجابها . وهو الثاني مو مستنكر وعاجبه الوضع .

حبيت تاج لما عصبت عليه بس رده كان سخيف عليها.

بعد ما تركها اتوقعتها تمل وترجع بسرعة بس شكلها محتاجة تكون لوحدها فعلا .. اما انك ما بتتربي يا تجتوج كان ضيعت الجوال بأهمالها.

مشكور ليث اتصاله جا بوقته . بس الخاين ليش سبقها ؟!!

في إن بالموضوع .


منال خيبت ظني وطلعت تبع الجماعة يلا خليهم يبلطو البحر هههههه

حبيت ثقة تاج بحالها ولا همها تطنيشهم لها .

يلا لو اتسكر القسم ما رح تحزن عليهم .


هههههه حردانة اﻷخت ومقاطعة اهلها ﻷسبوع

بس كويس جابت اللاب مشان ما تمل .

لكن شو قصد ليث بتصرفه اﻷخير ؟!!!!

اتوقع بدو يتطمن انها ما انصابت من هذيك الدفشة ههههههه


روووعة وربي يسلم إيديك يا عسل .

أستمتعت بالبارتين كالعادة

الله يسعدك ويوفقك لمرضاته


لك ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°