كاتب الموضوع :
خيرزان
المنتدى :
ارشيف خاص بالقصص غير المكتمله
رد: ما يلتقي برد و دفا
_
السلام عليكم ورحمة الله وبركاته
-
-
وهذي توقعااااااااااتي للبارت 😍 ❤ ✋
_
( *التفت بحدة لأحد رجاله وهما على درج الطائرة الخاصه سيصعدان
ليشير له الرجل الذي بجانب قصاف بطمئان ان قدر على متن الطائرة )
_
فيك خير والله مهتم لقدر الحمدلله عنده غيره ، 100% انها زوجته الأمر منتهي من عندي . 🙋👀
_
*( بينما سياف قد وضع على السبيكر وصوته اتى حاداً لمسامع قصاف : وين راجح ياقصاف وينه
قصاف بغضب : بحرييقة انت وولدك تضن اني انا اللي ماخذه عشان احرق قلبك عليه مثل ماحرقت قلبي على رمد
سياف بصراخ وعرقا قد اشتد برأسه : انا لسى ماحرقت قلبك عليها ان مارجع ولدي لحرق لك قلبك عليها صح ياقصاف
نظرت له بفجع دون تصديق ، لا قل ب انك كاذب قل
قل ب انك ماتقوله من باب التهديد لا اكثر
ارني ملامحك لعل شيىء منها قد يوضح لي صدقك او حيلتك
لا سياف لا شعوري الذي تسلل من قلبي اليك لاتقطعه بفعلك هذا )
_
خيزران انصدمت من كلام سياف لرمد من الصدمة طلعت من الروايه استوعب الحكي 😭😳 ومن كلامك هذا ي سياف راح حب أو تقبل رمد لك* < عيش وأكل غيرها ي سياف 😈
_
*( سياف : معك 5 دقايق ماتقول لي وين ولدي تترحم لي على بنت اخوك
قصاف ببرود مدروس : الله يرحمنا جميعا مادري وين ولدك
تصنمت بمكانها وهي تسمع صوت قصاف البارد
لا لا تفجعني انت الاخر وكأن امري لايعنيك )
_
والله أخاف تنفجعين في خبر موته ، وماالوم رد فعل قصاف لسياف مافيه غير كذا على أنه ترك بنت اخوه .
_
*( احد رجاله الاخرين بمحاولة اقناع : ياطويل العمر قل لا اله الا الله صعبه نرجع الحين دون علم المطار بالهبوط
هذا الشي راح يلفت لنا الانتباه ونتعرض لتفتيش وراح توصل لتوقيفك
ان شالله مو صاير الا الخير اتصل بطويل العمر رماح واستفسر منه)
_
*توقعون في أشياء ممنوعة معه في الطيارة ؟😕
_
*
( رماح وهو يرمي الجريده على الطاوله امامه : قلت لي ضمير سياف يعذبه اذا كان ظالم احد صح ؟ )
_
*يمممممممممممه عرف يلعبهاا صح 👊👊👊 نذذذل والله ، حركته هذي* من حبه لرمد أو شيء ثاني
_
( تمتم وهو يغرس اصابعه بشعره الكثيف : ياخوفي انا اخسر يارمد
لم ينتبه لنظرات قدر امامه وهي تشعر بالانتصار على حاله
اقتربت منه قدر بهمس : جعل حوبتي ماتعداك ياقصاف توك ماذقت من قهري شي )
_
ي حليلهههاا قدر تعرف ترد على قصاف ههههههه من قهرهااا والله .
_
*
*( نامي ياحزينه اللي ماجابهم حنين مايجيبهم ليل )
_
*
يقصد فيها أحد أو مجرد بيت عابر ؟؟.
_
( الا انه شيئا ليس بيدها لطالما كانت تردد دائما " حياتي ماهي ملكٌ لي "
بيئتها جعلت منها تخشى الكوارث وتنتظر لحظتها )
_
فهمت معنى كلامك الحين يا رمد .*
_
*
( ما ان خرج راجح الا والتفتت الجوهره لسياف بنبرة جاده : وش صار مع رمد ؟ تعرف شي عن الموضوع انه صدفه ؟
سياف بحزم : لا
الجوهره : الله يعينا لو درت انه صدفه ماراح تعديها كذا ، هي وهي ظالمه ماسكتت تبيها تسكت وهي مظلومة !
سياف وعينه على الدرج : ليتها ماتسكت
لم تفهم مايرمي اليه لذا فزت واقفه : ننتظرك برا )
_
مشكلة رمد تكبت وبعدها تنفجر وممكن هذا الانفجار مو وقته أبد ، والله يعين لعرفت في السالفة وش تكون رده فعلها وهي يوم عرفت مقابلة عمها مع زوجها ماسكتت وش لون عاد رده فعلها لسالفة هذي* ؟؟
_
*( انتظرت وقت لتردف ام سياف بحنية : تحبينه يايمه ؟ انا اشوف حاتم بعيونك واشوف شوقه لك
انا ماهو عشانه ولدي اقول هالكلام لكن والله يا اسيل اني اشوف حاتم يدورك دواره بعيونه لاصرتي منتي موجوده
واشوف لمعة عينه وفزته لا جيتي
اسيل ببكاء بحضن ام سياف : هالقلب يمه وين ارميه هالحب اللي ماجاب لي الا الهم والتعب وين ادفنه
ام سياف : بيندفن يايمه بيندفن ، ان ماحافظ عليه بيندفن وعقبها هو اللي يجيك ويدورك دوارة
اسيل بوعيد : والله يا يمه ان الله عطاني القوه وخلا هالقلب يندفن اني لمشي عنه ولا اسأل
بس عندي طلب تكفين يمه لايدري حاتم اني قلت لك تكفين )
_
تكسرين خاطري اسيل صدق مايستاهلها ،* ابي اعرف حاتم ما حب أسيل بعد ذي السنين اتوقع يكن لها مشاعر ، اتوقع يحبهههاا ويصير كلام ام سياف صدق لكن يكابرر يخاف اذا أعترف ينقص منه شيء 😄 وممكن روحتهم لألمانيا ينفذ وصيه رسيل تبي تشوف أختها قبل تموت يمكن .
_
( قرأه بصوت جهوري وعينه على والده
" عدسة عربية في ارجاء برلين "
حاز معرض المصور العربي الاستاذ فهد كساب
بتر اسم العائلة وهو يقف دون ان ينطقها وعينه لوالده بهتمام وحرص ليكمل دون نطق العائلة ، على جوائز عدة نالها بجداره )
_
هذي 👆 مربط الفرس اسم العائلة < الشامخ > أنا ناسيه اسم عائله سياف وإذا كان اسمها الشامخ على كلام البنات ف علاقة بينهم صله قرابة عيال عم وسؤال هنا ولد العم يسوي في ولد عمه كذا سواء كان فهد أو رماح إلا إذا كانت بينهم عداوه كبيره أو ممكن سبب ثاني اللي هو أنه سياف اخذ رمد ورماح يبيها وحاتم أخذ أسيل وفهد يبيها ولا أتوقع هذا السبب .
_
*
( مُلهِمَتي عربية ، وما ترونه من جمال صوري ليس سوى التشبه بجمالها )
_
هلا والله يا حب عيال كساب للمشاكل ، الحين مالقيت تحب إلا أسيل ضاقت الدنياا 😳😵 وياخوفي من الخافي* .
_
( التفتت له هامسة بحيث اصبح وجهها قريب لوجهه : ما ابغى منك شي .
لكمل وهي تعيد نظرها ووجهها حيث الزبائن : مابي لك فضل علي .
سياف بتعجب : فضل !؟
وضع اصابعه على ذقنها وهو يجبرها على النظر له بمكر : انا زوجك وماضن فيه فضل بين الزوجين ولا نسيتي
رمد بحقد : مافي فضل بس فيه دين بيننا ولا نسيت )
_
توقعت إن هذا السبب اللي يخليهاا ماتشتري من فلوس سياف* ، وعرفتي تردينها صح ي رمد مابينكم الا دين
_
(*ادواردو وهو يرا الملف بعنايه : حالتها حساسه جدا بعد تعرضها لحادث كبيرا قد تعرضت له ادى نتائجه لخسائر كبرى لها ومنها وفاة والدتها كما تعلم حضرتك بما انك زوجه )
_
يعني خسارتها أمها والحالة النفسية اللي جتها فيه غيرها أو لا ، ونومها الغير طبيعي من ضمن خسرتها أو صدق حاامل بس مااتوقع انه حامل مستبعدته ، ويمكن نومها من أعراض حالتها النفسية اللي حاصلتلها .
_
( راجح : ان عم رمد تركها بناء على طلب ابوي ؟!
رمت حقيبتها بذهول وبذهن شارد ، هذا اخر من تبقى ياسياف من تريد بعده؟ )
_
ي صدمتك ي رمد من كل اللي حولك لكن ابتعاد عمك عنك احسن شيء سواه سياف لأن الأعداء كثير .
_
(*رمد بصوتٍ باكي وهي تشير للرسمة بيدها : تبيني ابكي ؟! هذا اللي يستاهل ابكي عشانه
وهذا انا قضيت على اعز ذكرى عندي قبل ماتقضي عليها انت )
_
يمكن الرسمه هذي مثل الرسمه اللي شافتها قدر عند قصاف لكن بختلاف الشخص هي عندها صوره عمها وقصاف عنده صوره رمد ، أو صدق صدق صوره أبوها .
_
( سياف : وش اسوي بنفسي من بعدك ؟ لاتطارين الموت الله لايجيبه )
_
يووه ي سياف تحب الله يهنيك .
_
*
( قدم جوازه بثقه للجالس امامه
ياسر بشك وتشبيه وهو يرا الاسم والصوره : استاذ فهد الشامخ !؟ )
_
ياسر يعرف اسم عائله حاتم* ليش استغرب من الإسم
يمكن مافيه عيال عم لحاتم وسياف ويمكن مزور الإسم والله اعجزت أجيب توقع مناسب للموقف
_
*( وهو علاقة رماح وفهد وش صلتهم
بمقولة رماح لرمد " انا الطرف الموجود من الماضي " )
_
يممكن لهم صله قرابة مثل ماقلت أو قرابة من جهة* لأم رمد من ناحية الأم أو لهم أعمال مشتركة مع مقرن الراسي وقصاف كيف تعرف على رماح وفهد وبينهم صداقه بعد ي كثر علامات الاستفهام على السالفة ذي .
_
وجاء الحماس اللي ابيه رجعتهم لسعودية 😆
-
-
- سؤال خيزران كم لرمد يوم او سبوع من جت لسعودية إلى الحين ؟؟
- وماذا تعني لك الكتابة هل هو مجرد التنفس عن النفس أو هل تجدي فيها سعادة عن الكتابة أو ماذا ؟
- وياليت إذا رجعتي من الخارج تخلين بارتين في الأسبوع !
|
26-07-15, 11:16 PM
جديد مواضيع قسم ارشيف خاص بالقصص غير المكتمله
العرض العادي
