كاتب الموضوع :
خيرزان
المنتدى :
ارشيف خاص بالقصص غير المكتمله
رد: ما يلتقي برد و دفا
-
وهذي توقعااااااااااتي للبارت 😍😘
_
( قصاف وعينه على الاسلحة المصفوفه ب انواعها على سطح المكتب امام رماح
قصاف : وش عندك ؟
رماح وهو يريح ظهره على كرسي المكتب : ابد شحنة جديدة توها واصلتني
اقترب قصاف واقفا امام المكتب ويقلب بيده احد الاسلحة الموجودة : اشوفها ماهي هينه ، كم كلفتك ؟
رماح ويده تمسح على عارضه : فوق ماتتخيل )
_
احسنت الظن فيكم في البداية ، انتم من القائمة السوداء الحين .
_
( ليردف قصاف وهو يجلس بالكنبه امام المكتب : اسمعك تكلم فهيد اليوم .
رماح : وصيته يجيني نهايه هالاسبوع صارلي فتره عنه واشوفه بادي يحوس على كلام رجالي
قصاف : وانت حاط رجالك عليه ؟ فهد ماينحط عليه رجال، فهد خذه ذراع ايمن يعجبك )
_
شخصية جديدة علينا وقوية جدآ وغامضة وبااردة وعلى كلام قصاف صراحة شخصية تودي في داهية وإن شاء الله مو مثل شغل أخوة .
_
( سلمان بعجل : يابو راجح بخصوص التحقيق لقضية سلطان الناصر الملف تحت يد مين ؟
سياف بعجل مشابه : الملف تحت يد منصور بالرياض ماهو من ضمن الاسماء اللي استلمتها بالنمسا )
_
سلطان الناصر شخصية عابرة أو لها دور في الرواية .
_
( سياف بجدية : جينا نتكلم يابو مقرن
رفع حاجبه قصاف بتعجب وسخريه : الا ماسمعتك رمد وانت تناديني ب ابو الغالي الفقيد ؟
سياف بسخرية : تبي تحرث اكثر ، ترا بنت اخوك مايتاج لها من يحرث مكفيه وموفيه بس شكلها تاخذ لها راحه هالكم يوم ،
ليكمل سياف بخبث : بعدين مايحتاج تستغرب من الاسم ، الاسم حي بكل مكان عندها ولدي سمي مقرن .
نظر قصاف لسياف مطولاً ليهمس : وتلومها ؟
تأمله سياف لفتره بعد كلمته هذه
تأمل عقدة حاجبيه ونبره حبه والعتب بها
كا مقرن تماما سيء مع الناس اجمع ظالم مع الناس اجمع
عدا ابنته ، عدا رمد )
_
وما عليك ي سياف راح تجيك من رمد علوم .
ومالوم رمد يوم ثارت على سياف في اسم مقرن .
فعلا سيء قصاف مع كل الناس إلا رمد شخصيته غيرر معهاا .
_
( خرجت بشكل سريع ومن شدة عجلها كانت لا ترى ما امامها
تود فقط الوصول لعمها
لطالما كان احساسها يصيب دوماً
سواءَ خيرا او شرّ
لطالما كانت تتنبه بطقوس الاحزان وعواصفها قبل مجيئها
وها هي اليوم تتمنى الخيبه لأحساسها )
_
صراحة احساسك يخوف ويألم ويا شين ذا الإحساس .
_
( لكن لما هذا الشعور رمد لما ؟
سترفع الراية والاستسلام ستقول ب اعلى صوتها هيَ بغنى عن الجميع عداه عدا عمها ، عدا قصاف اخيها وصديقها )
_
وحتى لو تعرف شغل عمها مستحيل تكرة هو اللي ب قالها من أهلها وقريب من بعد .
_
( رمد بتمتمه : والله مانسيت هذي انا واللي جيت عشانه بامشي فيه
واذا خسرت سياف وش صار ؟
راح الغالي راح الراس والعصبه ، بقى الجاني
راح مقرن وبقى سياف وش بيضر خسرانه
انا ماجيت اكسبه انا جيت ابيه يخسرني )
_
يعني هذا هدفك يا رمد ، يتعلق فيك سياف ويحبك وبعدها تتركينه ، أكره أحد يلعب في المشاعر ، أسلوب رخيص حيل وإن شاءالله تطحين انتي في حبه ❤
_
( تأمل الجوهره وشيئا من ماضيهما ينعاد عليه من يرى من بعيد يراهم عائله مثاليه خاليه من الشوائب
بينما الحقيقه مرة للغايه )
_
لذي الدرجة حياتكم كذا ، صدق اللي يشوفكم يقولون عائلة مثالية ، صح بينكم احترام ، والخافي أعظم .
_
( ليتفاجئ وهو يعدل من نظارته الطبيه بشكلها الجذاب
وهو يناظر ساعته
مرت ساعة دون ادراك منه وهو ينغمس بعمله
قلب الصفحه الاخرى من الملف وهو يتمتم عاقد حاجبيه : هذا اللي علمتينا اياه وجنيناه يالجوهره وصار عاده )
_
يقصد ايش في كلامه ، يعني قصده الوقت اللي راح وهو محس فيه وش دخل الجوهره فيه .
_
( قصاف بمسخره عليها : والله ماصرنا نعرف نتصرف الا عقب ماكسرت الطفاية يدك .
رمد وهي تتذكر لتصرخ بصخب ضاحكة فور تذكرها
قصاف بتلفت: لعنبو ابليسك قصري حسك حشى مانتي مرة على ها الظحك ، صدق لاقالوا الزين مايكمل
بينما رمد مستمرة بالظحك )
_
الموقف صراحة يظحك أما سماجتها في موقف الطفاية ، شتان بين شخصية رمد الحين وبين شخصية في الماضي .💔
_
( خرج للشارع العام المقابل لشقته في برلين بعد توصيات من كاندي
وعينه على الكاميرا ومعداتها في يده
لطالما كان هوس التصوير لدى فهد طاغي وهذا ماساعاد رماح في ابعاده عن اعماله وساحاتهم استمر بالمشي وعينه على مابيده ليصتدم بكتف رجل عربي كان يقف بمكانه
ابتعد الرجل خطوة للخلف ببتسامه صغيره رغم ان الخطأ على فهد
بينما فهد نظر له با احتقار ليس له مبرر وهو يمشي متجاهله دون ان يعتذر
هذا هو فهد نسخة مصغرة لرماح
ومن يراه مع كاندي للتو ومع اخيه وقصاف يبصم بالعشرة انه ليس هو نفسه الان من يمشي بالشارع بمعداته
لايلقي لأحداً بالا الا من كان يهمه أمره وهذا نادرا
بالجهه المقابله رفع ياسر جواله وهو يعيده لأذنه بعد ان قطع اتصالهم اصتدام ذاك الشخص
ياسر وعينه على ظهر فهد : هلا حاتم معك معك بس التهيت شوي
حاتم : ماعليه الحين اكدت لي حجز الشقه ؟ تراني معتمد على الله ثم عليك لااوصيك مابيها اي كلام تحرص لي عليها .
ياسر وهو يحول اتجاه نظره لعمارة فاخرة مقابلة له الا ان بينهما شارع
ياسر : بخصوص هذا ابشر بعزك ولا تشيل هم
حاتم : حبيبي تسلم والله يابوحميد
_
هلا هلا ليكون رماح يستغل حاتم في أخوة يهدده أو يخطفة لأن ياسر راح يحجز لحاتم في العمارة اللي ساكن فيها فهد ، ويمكن رماح يخلي فهد يتعرف على حاتم ، وشكل حاتم يتسنى سياف يجي من سفره ويسافر هو وزوجته ويروح للمستشفى اللي مدري من فيه يمكن اخت اسيل .
_
( رمد العتب على امي خلتني اخذ صفتها شكلي طالعه على امي بالمناعه
تحول وجه قصاف للجمود من ذكر والدتها )
_
وش مسويه أم رمد هل هي خاينه مقرن أو ايش .
_
( قصاف : الوضع الحين شوي مختلف مابي يربطنا اي اتصال او مكالمه او لقاء
اكمل بحسره : مابيهم يستخدمونك ضدي ويثنون ظهري ، ابعدي عند قد ماتقدرين وانا ببعد عنك عشان احميك
هي ان شاء الله فتره ماتطول بس )
_
ربي يعينك ي رمد على إعداء عمك خايف عليك منهم ، توجعها في حمايتك ي قصاف يعني تحرمه منك ، ويمكن هذا آخر لقاء بينكم يمكن تموت أو تسجن .
_
( قصاف بوعد ووعيد : برجع لك ياعيون عمك برجع لك واخذك من بينهم من وسطهم كلهم لأخر مكان
واخليهم بحرقتهم يدورونك مايلقونك
رفع رأسها له لتقابله
قصاف بنبرة حازمه : رمد انا اذا وعدت ايش ؟
رمد بهدوء وعيناها تدمعان : توفي )
_
يمكن توفي لها في وعدك أو لا واخاف توفي صدق ذيك الساعه الله يعنك من سياف والله يعين سياف .
_
( رمد بنبرة غامضه وعينها على الطريق : ثقتكم ببعض تخوفني !
قصاف بسخربه : ثقتنا ببعض ؟ غلطانه هو واثق بقدرتي وانا واثق بردات فعله يعني ثقه تحت مبدأ مصالح
رمد : مصالح ؟!
قصاف وهو يغير مجرى الحديث : الدنيا مبنيه على مصالح خلي الأولويه لنفسك والناس من بعدك الطوفان
وبتلقين نفسك عايشه صح
رمد : هذا اللي جالسه امارسه ، انا وانت ومن بعدك الطوفان )
_
اتوقع المصلحة المشتركة بينهم هي ررمد ، وإلا وش بينهم سياف وقصاف إلا رمد .
_
( رمد وهي مازالت على هدوئها وعينها بعين سياف مباشره : عطني خبر اذا كان الدور الجاي علي انا بعد عمي عشان اجهز نفسي ماتجي مباغت مثل ابوي
وضع شعرها خلف اذنها وهو ينظر لها بنظرات لم تفهم معناها
هو لاينكر انانيته بما فعل
لكن كان لمصلحته ومصلحتها
بل الجانب الاكبر مصلحته هو لايضمن نفسه بوجود قصاف
يخشى ان يؤذيها )
_
رموود استريحي ماراح يجيك شيء من سياف أما عمك يستاهل محد قاله تاجر في المنوعات أما سياف اعترف انه أناني في أبعاد رمد عن قصاف الاعتراف في الحق فضيلة ، وش قصده أنها خايف يؤذيها في وجود قصاف .
_
( سياف بغموض : رمد
قصاف بعقدة حاجبين : وش فيها
سياف بقوه وثقه : بتبعد عنها بعد المشرق عن المغرب
قصاف بقوه مقابله : لالمست سهيل تعال واطلب
اكمل سياق بثقه وتحدي : ويفضل تفصلكم قارات مو مدن )
_
هذي المصلحة المشتركة بينهم ، كل واحد يبي يحميها وعساكم على القوة .
_
( قصاف : نفيتها 6 سنين بعذر انك حاميها وسكت وبترجع تنفيها الحين ؟
سياف بثقه وحدة : بنفيها لي )
_
سيوف وش ذا الكلام تبيها وإن شاء الله لها مكانه في قلبك ❤ عاد الله الله في العلوم الزينه ولاعاد توجعها في كلامك وافعالك .
_
( سياف وهو يريح رأس على المخدة اكثر : ايوا .
فتح عيناه بقوه وهو ينفض رمد من يده الاخرى ليفز واقفا خارجا من الغرفه
وهو يجول بالبيت باحثا عن شيئ ما بفزع )
_
مين اللي داق عليه اتوقع أحد من عياله مخطوف واتوقع انه راجح والا وش يخليه يبحث في البيت واللي مستغربة منه بكاء جوهرة يعني لو أحد من عيالهها مخطوف كان صحت سياف مو تبكي ومن هذي النقطة يمكن مو أحد من عيالها مخطوف؟ بس وش اللي يخلي سياف بذي الحالة يمكن الملف اللي في الصالة مهم واحد خطفة أحس بساخافه من توقعي هذا واصلن البيت ماعليه احراسة .
_
( سياف وعينه بعين رمد المتعجبه من حالته بينما كان سياف يخاطب من بالهاتف بوعيد : تحمل اللي بيصير اجل )
_
الأكيد انه مو قصاف وراء السالفة يعني رمااح أو عدو جديد لسياف ابي أفهم وش السالفة !؟
_
( ثبت هاتفه على مكان مخصص امامه بعد تلقى الرد
قصاف بتعجب من اتصال سياف به : الو ؟ )
_
وش عنده داق على قصاف انا اقول الموضوع كبير جدآ < تو حسيت بكبر الموضوع 😂😅 ، يمكن الموضوع عن أبو رمد .
|
11-07-15, 11:04 PM
جديد مواضيع قسم ارشيف خاص بالقصص غير المكتمله
العرض العادي
