بسم الله الرحمن الرحيــم
.
صباحكم رحمه من الله وبركاته..
مع خيوط الفجر وريح العود الزعفران اغمض جفني
فاتمتم بهمس لايسمعه الا الله وحده..
(ي رب لاتجعل بنفسي وانفسهم حاجه الا وقضيتها)
×
×
اسعدتني ردودكم اللي تثلج الصدر وتشفيه..
لكل شخص رد بصفحاتي المتواضعه او مر عليها
ارحب فيه وبطلته الراقيه..
×
قبل مانسى اختي...سكت لان الصمت حشمه لاذاتي.,,,بتكون رئيسه رابطة غزام ي
محبينه,,
.
قراءه ممتعه ووقت اجمل..

البارت الرابـــــــــــــــع



لاتجرحيني جرحك العام ماطاب
داوي بحنانك مامضى واجرحيني

ياللي حنانك نظره بين الاهداب
ردي علي بعض العزا ناظريني

خافي على قلب يحبك الى ذاب
ذاب الهوى في خفقته والحنيني

لولاك مازار القمر ليل الاحباب
ولا لوحت شمس المحبه جبيني

في غيبتك كل الملا عندي اغراب
مااحد ابي قربه ولا احد يبيني

لا ياغلا كل القرابه والاصحاب
ضاع العدل في الناس لو تظلميني
.


احمد مد ايده يسحبها ويقربها لحضنه ..يبي يعتذر لها
بطريقة الخاصه..ويحكي لها عن شي جواته لــها
غايب ذهنه على كل شي حوله الا هي وحلاها
نسى نفسه ونسى كلامه لـها
ابتسم لعيونها الخايفه وقرب لها اكثر ..
قرب شفايفه من خدها وهو يتنفس عطرها اللي صار يعرفه
زيــن..
تصلب جسمه وغضبه رجع له بعد ماسمع كلامها اللي راح
يخرجه عن طوره هالمـــره...
رغد بجمود..:رجعني لبيت ابوي ..وهي تتذكر كلامه
وبتكرر..مانك من مستواي ي احمد..
طالعها بجموود لثواني وهو يحس بستحقار لنفسه..
ابعدها عنه بقوه ..وهو كاره حاله..
كيف سمح لعواطفه تتمادى اكثر من عالمه..
مين هي عشان تتجراء تتكلم عن المستويات
ومعه هو بالذات...
طالعها بسخريه .:اهلك مادرو عنك لاتسوين حالك مهمه..
رفعت حاجب وبتعجب.:مين اعطالك الراي عشان
تحكــم,,ميــــــن!!!!
رفع ايده ناوي يضربها على فمها ويادبها..
عقلها فسر تصرفه بسرعه
رجعت بجسمها على ورى وهي تنط جهة الباب
بعيد عنه ..
ناظرته برضى لما لمحت غضبه الجنوني
قدرت تقهره زي قهرها
وببتسامه تشفي..:جعلك في ذا الحال واردى
وبسرعه هربت قبل يمسكها ويطلع قهره..
دخلت غرفته وسكرت الباب بالقفل بعد ماسمعته

يسب فيها ويشتم
...
في بيــت غانــــم
حضن ولده بحب وهو يبوسه على شعره ...
هو الشي الوحيد اللي يخليه يبتسم من كل قلبه
رفع راسه بعد ماسمع صوت زوجته
منى بحب..:حبيبي قوم ريح قبل اذان المغرب
ابتسم لها بمجالمه وبهدوء..:اشتقت حق فارس
مابي انام قبل لاشبع منه
رجع عيونه على ولده متجاهل نظرات الالم اللي
شافها بعيونها
ماعمره قال لها كلمه غزل ولا امتدحها..
ماتقصر معه بس مايفكر في رضاها
كونه موفر لها كل شي تحتاجه يحسسه بالقناعه
رفع فارس في حضنه وهو يحاول يضحكه وينسى عالمه ويا ولده
فارس بوناسه..:بابا بروح مع زياد وامجد للحديقه
لمه بحنان..:مين بيوديهم
فارس بتسامه.:عمو يوديهم
وبحماس عدل جلسته بعد ماتذكر شغله قالها ابوه
له وهو مسكها وصار يكررها دائما..:بابا متى تجي
وتين عندنا
تصلب جسمه واختفت الابتسامه اللي كانت تنور وجهه
وبجمود..:مو الحين بعدين حبيبي
منى بصدمه بعد ماجلست ..:انت ناوي تجيبها تعيش هنا ؟؟؟
غانم بنظره حاده.:لايكون عندك مانع ي مدام ؟
نزلت راسها تحاول تكتم غضبها
شدت على كفها بقوه بعد ماتذكرت طليقته الكريهه لها
وبقهر..:ماقلت لي ي غانم عشان اخذ احتياطي
ابتسم بسخريه يدري ان اللي ببالها شي ثاني
وبجمود.:
ماتوقع احتاج اذنك في بنتي..ولا تتخيلين اني ممكن
اخليها عشان حظرتك..وتين لازم تكون معي زيها زي
فارس..
نزل فارس من حضنه بعد مابداء يبكي بخوف
من النقاش الحاد بين امه وابوه
طلع لغرفته بخطوات سريعه ...بسرعه فتح باب البلكونه
محتاج هــواء يتنفسه ويدخل لاخر خليه بجسمه
كل مكان يروحه لازم يتذكرهـا
والحين سالفة بنته وبنتها
القاسم المشترك بينهــم
او الانتقام المتروك لاوانــه في نظره
عض على شفايفه بقهر..ليش جالس يفرضها بحياته
..ماتبيه ..فبالتالي هو مايبيهاا
ماهي احســـن منه
ماتقدر تغلبه ولا تاخذ قلبه وتعذبه..
ضحك بسخريه ومراره.:الا احســن منك بكثير ولا
ماتغافلتك وسوت اللي سوته
شد على سور الحديد وهو يمنع ذكرياتهم القديمه
ترجع له
رجعه لارض الواقع اعذب الاصوات واريحهـا
اللــــه اكبــر اللــــه اكبـــر
اللــــه اكبــر اللــــه اكبـــر
استغفر بصوت عالي وهو يستعد للوضوء..
.
.

....
في البنـــك..
.
.

رمى الاوراق على الطاوله وبامــر./اعطيهم قرار
الفصل اليوم ..مابي اشوفهم قدامي من هالحظه
السكرتيره..:ان شاء الله .اوامر ثانيه استاذ
عزام بحده.:لا وصلي اللي قلتك لاتتاخرين
لف على خالد اللي يكلمه..
خالد بهدوء..:عزام فيه اسلوب احسن من كذا ولا اش
رايك
عزام بخشونه..:هذا اسلوبي ..لاتزودها خالد
خالد ببتسامه.:بسافر لام قصي اخر الاسبوع اش رايك ترافقني
ابتسم بحب وبصدق..:فديتها عمتي ..عاد شوفتها
فرصه ماتتفوت
تعمد يذكر طاري ام قصي عشان يخليه يروق ويهدى
مايحب يشوفه مزعوج ومتضايق..
خالد بفرحه من تغير مزاجه../اجل زهب حالك حق
يومين ماراح نطول
عزام بهدوء.:حلــوو
خالد بتردد بعد ماساد الصمت بينهم:دريت ان فهد
وهله بيستقرون هنا
عزام بنفس السوال..:دريت..
ماراح ينكر غضبه من فهد وسواته
يدري خالد ماقال اسمها عشان لايستفزه
مايدري انه حاقد عليها بالحيل
تنفس بعمق وهو يتذكر ان الحاله جته وهي فيه
اكيد شفقة عليه زيهم
وقالت مجنوون ... ويمكن اكثر
يحس بالرضى بعد ماكشف لعبت فهد باوراق الجوزات
ابتسم بكره..سجنه شهرين جالس يحسسه براحه
اكثثثر
والاهم انه قدر يخرب سمعت شركته بعد ماسافر
وخسر ملايين
بضربه وحده قدر يرجعه لديره
بعد ماقهره وقهرته..
غمض عيونه وصورتها رجعت لباله وهو طايح
قدامها يرجف..
عصر القلم بيده متجاهل الالم وهو يتوعد فيها
بعلمك المجنون وش بيسوي ي بنت ابوك
...
في بيت الجــد
.
.
مدت الفاين ومسحت فم جدها بلطف بالغ
وبنعومه..:بالعافيه يايوبه
قرب ايدها من فمه وباسها ./الله يجعل بنتك تبر فيك
مثل ماتلطفتي بحالتي
سحبت ايدها بخجل وبامنيه.:امين فديتك
طالعت عمها عبدالله بعد ماوجه سؤاله لها.:الا وينها
بنتك مالها حس .وبضحكه .عسى مايكون لساتها زعلانه
ضحكت معه وبستمتاع.:عاد دلعتوها لاتشرهون عليها
وبغصه..مالقت ابوها بس لاقت اللي احن والطف منه
العم عبدالله بغضب..:لاعاد تجبين سيرته الخسيس..حتى اخوك
عزام بيقلب الدنياء علينا ان اسمعك تطرينه
اميره اللي كانت بينهم لها يومين من ردت من
رومـا وبتصريفه../عمي الا نواف وينه قبل شوي
كلمني يقول انه عندك انت وابوي
الجد ببتسامه بعد مافهم تصرفها../توه طلع ي بنتي
قبل تجون بشوي.وبقصد وهو يضحك اعتقيه اليوم
ي بوك ولا لازم تكحلين عيونك فيه
فتحت عيونه بصدمه من تفسير جدها بعد ماكتست
ملامحها الخجل وبتاتاه.:هو قال اااماقلت شي..
ضحكو على وجهاا اللي قلب من نظراتهم لها
فتحت فمها بتبرر ...وماسرع ما
تنفست براحه وهو تشكر ربها على دخلت عمتها
ام نواف
ام نواف ببتسامه وصينيه القهوه بيدها..:سلطان
بيدخل يبي يشوف ابوكم العود

قربو من الجد باسوه وطلعو للحديقه يتمشون فيها
...
قصـــر الخـــالد
.
.
قطب حواجبه بستنكار ..وش السالفه..
مين عندهم عشان هالتجمع الكبير؟؟؟
لبق سيارته في مكانها المعتاد .وجه خطواته حق خالد اللي توه نازل من سيارته
عزام بتسال.:اش السالفه؟؟
خالد بستفهام..:علمي علمك من سافرنا ماكلمتهم
عزام بذهن شارد..:اهاا
مشى بثقته المعروفه وهيبته اللي ماحد يقدر ينكرها
طالع بخالد اللي يمشي معه ويطقطق بجواله
رمى السيجارره من ايده وهو يتنفس بعمق
سحب جواله واتصل في اخته شهد
عزام بجمود بعد السلام../مين عندنا بالقصر؟؟
شهد بربكه واضحه..:انتو جيتو
عزام ببرود..:ايه..مين فيه
شهد بصوت ي الله ينسمع.:ابوي العود...عازم فهد ووله
شد على جواله من الذكر اللي مر عليه... وبصوت
غاضب .:يصير خير.......يصير خير
وقف خطواته وعيونه على القصر
تمنى يحرقه باللي فيه..
كلهم كريهين والحين تجمعو اعدائه معاهم..
طالع بخالد اللي ينتظره يتكلم وبسخريه.:ابوك عازم
حبايبه هه
طالع عزام للحظات وبسرعه استوعب المقصود
ليش ماقالو له ؟؟ماكان رجعو اليوم
قرب من عزام وبجديه..:الين متى على هالحال.
خلاص ي ابن الحلال كفايه اللي سويته في الرجال
من قبل لاتفكر اني ماعرفت بسواياك..
ضحك بسخريه اكثر بعد ماسمع جمله خالد الاخيره
وبتفكير..:لسى ماسويت اللي ببالي..كل شي لازم
له نهايه
اشر بيده لخالد وبجديه..:لاتقول شي..والحين اتاخرنا
على الضيوف
مايتوقع انه بيطيق يجلس معاهم
بس ماراح يبين ضعفه لاحد
حتى خالد مايبي يبن له شي من اللي بقلبه
وقفت خطواته اجبارا عليه بعد ماسمعها تناديه
اشر لخالد يدخل وهو بيلحقه..
ام عزام بشووق..:يمه عزام
مالف جهتها ,,كتف ايدينه ينتظرها تقول وش تبي
ام عزام قربت منه وباسته على خده..:كيفك يمه
عزام ببرود.:يهمك الحــال؟؟
ام عزام بحنين..:اكيد ي روح امك
طالعها بغرابه ..وبتساؤل..:وينك عني من قبل
؟؟ولا الحين حابه تاخذين بخاطري بعد مافضيتي؟؟
ام عزام بغرور..:توني شباب ماني مستعده
ادفن شبابي بينكم..ودائما اسال عنك اخواتك واتطمممن
رفع حاجب وضحك بصوت عالي وبقهر..:هذا انت
ماتتغيرين..مشى خطوه وقبل يكمل لف عليها..
لاتتصنعين الشوق مانتي مضطره لانك شباب ليش
تضيعين شبابك بسؤال تافه..
مشى وتركها تناظر طيفه اللي اختفى بسرعه
تخنقه باهمالها
تذبحه لانه فضلت رجال غير ابوهم على الكل

تنفس بعمق وهو يجبر حاله يصافح عدوه..
جلس بجنب جده باول المجلس
وعيونه بعيون فهد المتفاجئه بوجوده..
اخذ القهوه وشرب منها بهدوء..

رجع عيونه على فهد وبصوت خشن..الكل تتكلم

عن خساره شركتك ماشر؟؟

فهد بضيق واحراج من نظرات الرجال...ماشر..تعرف
التجاره ربح وخساره..
ابتسم برضى..ايه بس عاد شركتكم مالها بالتجاره
والربح دام مالك مؤايدين
قطع كلامه الجارح دخول ضيف جديد بينهم يمنع مشكله جديده بقصر ال خالد...

...

في السيـــاره عند وله وفهــد
.
.
التفتت عليه بخوف يهزها..:تكفى ي فهد خفف
السرعه لاتعدمنا بتهورك
ضرب الديركسون بقوه .وبغضب..:ولد عمك هذا مين
مسلطه علي ..حسباله ماقدر اقلب الدنيار على راسه
عشان البيت مليان رجال..

الحين عرفت ليش متضايق وكلمها تتطلع له بسرعه
توها حست بالجو العائلي بعد عمومتها وربعها
تنهدت بضيق وهي تتذكر اكثر انسان معقد واجهته
بحياتها
طالعة في زوجها وهي تتذكر الموقف اللي جمعها
معه
غمضت عيونها بقهر ووصورته محفوره في بالها
واقفه في المطبخ وفي حضنها وتين تبوسها وتلاعبها
وفي نفس الوقت مندمجه للسالفه اللي تحكيها شهد
على الجامعات بالسعوديه
مبسووطه على الجوء الاسري اللي فاقدته من
وفاة ابوها وامها وقبلهم حبيب قلبها اخوها
فزت برعب اول ماسمعت صوته قريب من باب
المطبخ ..
وقفت بسرعه وتركت وتين وشهد يتصرفون بالموقف
تخبت وراء الحاجز وايدها على قلبها
ماتبي ترجع لايامها الباره هنا ..حتى لو لحظات
تمر وتندفن...
بلعت ريقها بخوف وهي تسمعه يسأل وتين
عزام بستنكار وهو ملاحظ نظرات الوتين
لوراء..:وتين مين قاعده اطالعين..؟؟
مشى خطوتين وبسرعه وقفت شهد قدامه تمنعه يواصل خطواته..
بان على وجهها القلق و التوتر وعيونه عليها
شهد بحذر..:اممم البنات هنا ,,,اطلع وبرسل اللي تبي
مع الخدامه...
رفع حاجب وبقتضاب..:ميــن؟؟
وتين ببراءه..:خالتي وله....
قست نظراته على طيفها المعكوس على الارضيه جهتها
هذي ماتحس تجي هنا في قصرهم وبمكااانه!!!
تعدى شهد خطوتين الين صار قريب من مكانهاا
ابتسم بسخريه واضحه..:عندي لك امانه ي بنت العم
قريب اوفيها .....قريب...
ماكمل جملته وومااوضح نواياه

ماسالت عن قصده ولاتبي تسمع صوته اكثر...

صمت من الكل..غير شهد اللي ماسكه بيده تشده
لبراء المطبخ...
توقع قوه بدل الصمت ..اخذ كاس مويه على السريع و
طلع من المطبخ متوجه لغرفته من الباب الخلفي
رجعت لارض الواقع على صوت فهد
شبك اصابعه باصابعها وبحب..:اسف حبيبي ماكنت
بصرخ عليك بس رفع ضغطي وقهرني
ابتسمت بذهن شارد وهو تسحب ايدها من ايده
لمت شنطتها وباقي اغراضها ونزلت بعد مادخل
لبيتهم الاقل فخامه من قصر الخالــد
أي امانه ي عزام أي امانه بتذبحني فيهاا.؟.
...
في قصر الخالـد(بالتحديد داخل قصر عزام)



نازله من الدرج شنطتها بيدها والايد الثانيه ماسكه
فيها بيد بنتها وتين
ضحكت بصوت عالي ..كيف بنتها مثبته شفايفها على
حركه وحده بدون ماتحركهم عشان لايروح القلوس
اللي سوتها لها امها..
انتبهت على ضحكت شهد وابتسمت بخجل طفولي
وهي تجر تنورتها القصيره اللي مبسوطه فيها ..
المره الاولى اللي تلبس نفس لبس شهد
رفعت راسها بستنكار على عمها خالد ..بيده كرتونه
كبيره واضح انها قاتوه

وثنتين من الخدم وراه شايلين
هداياء كثيره
فلتت ايد وتين اللي صارت تصفق بحماس اول ماشفت
دبدوب كبيره يطولها بكثير
ابتسم لها بتوتر وهو يشوف التساؤل اللي بعيونها
وبضحك..:اش رايك في بنتك المشفوحه ماكان الغرفه
مليانه العاب
ابتسمت بتوتر وبفضول..:عمي لايكون عرسك اليوم
ومسويها فينا
خالد بدون مقدمات وعيونه على وتين..:غانم
جايبهم يقول بنته كبرت اليوم سنه ويبي يحتفل فيها
فتحت عيونها بصدمه
حرام عليه يفاجئها بالخبر كذا
حرام عليه يذبحها ببرود..
معقوله ماعنده قلب مااايحس فيها
وش رجعه عقب السنين وهجره وعذابه
حركت راسها بالرفض ..غانم تعرفه زين..ماعمره
احتفل ولا اعترف بهالخرافات..مو اول مره يمر
هاليوم بس ماعمره احتفل..
قربت من خالد ووقفت قدامه بعد مااكان يغير الجو
بضحكات وتين المبسووطه..
طالعته بنظرات مليانه دمووع والم ,,وبصوت ميت.:
قلت انه صاحبك وانت تضمنه.
.ومايستاهلني غيره
رغم انه اكبر مني وراح يقدرني
ضغطت على بلعومها
تخفف الالم اللي يعصرها .
.قلت انه كفو وبيسعدني
بس كله كذب ×كذب
وبكل سهوله رماني وانا توني
صغيره
نزلت دموعها بحرقه وبنوح..بس ماراح اسمح له
يشيل بنتي ويحرق قلبي وقلبها..
تحركت وهي تحس بضيقه تذبحها..
طاحت عيونها على القاتوه وشهقت بالم وجرح ينزف
توها تنتبه للصوره اللي عليها
غانم حاضن وتين ويبوسها وهو يضحك
ثارت جنونها ...الين هنا وبس
قربت من القاتوه وشالتها بقوه وبغضب رمتها على
الارض .صارت تدور مثل الثاير ترمي كل شي جايبه
على الجدار
حضنها بحنان بالغ وهو نادم على الحال اللي وصلت
له بنت اخوه
مقهور وميت بسبب جرووحهاا..
كان ضامنه لها .بحكم صحبتهم اللي تعدت كل شي
وصارت اخوهه صادقه واكثرر..
بس عقب طلاقها افترقوو..وكل شي شامخ بينهم
انهدم وتلاششى..
عذره .انه خيب ضنه فيه وقهر انسانه ماتستاهل القهر
وعذر صاحبه. انها ماتناسبه وهي اللي هدمت مابينهم
شد عليها وهو يسمعها تنوح وتشكي منهم اثنينهم
باسها على شعرها ..وهو يتنهد بوجع..
لاهي اللي قالت سبب طلاقهم وريحته
ولا صاحبه اللي حكاله وحكم بينهم
سمع شهقتها المطعونه بصدرهاا
نزل عيونه لها وبسرعه طالع مكان ماعيونها مركزه
عليه..
شد على شفايفه بضيق وهو يستغفر بصوت عالي.
دفته عنها وهي تناظر اللي واقف بجنب الباب
طفل مصغر يحمل نفس ملامحه..
عيوونه مانستهاا وللحين ماتقدر تنكرها على الصغير
اللي يطالعها ببراءه
رجعت عيونها على بنتها اللي جرت ناحيته مبسووطه
توها تعرف على البيبي اللي تحكي لها عنه وتين
مشت بخطوات مهزوزه جلست على الارض الباره
دموعها تحكي معانة صمت عقيمه
صدت عن خالد وهو يحاول يوقفها ...
ونزلت دموعها اكثر وهي تسمعه يوصي الخدم
يجيبون القهوه والحلى للمجلس..
اكيد تصالحو بعد ماحرقو قلبي ودمروني
الله لايسامحك ولايسامحه
دفته بقوه ضعيفه بعد ماوقفها ...
,,,



عند رغد بيت اهلهـا
واقفه بوسط حديقه البيت تضحك على اختها واخوها
بعد ماغرقتهم بالمويه ولعبت عليهم
طالعت شكلها ماهي احسن منهم كلها مويه وحالتها حاله
طالعت بجوالها اللي رجع يدق للمره الثانيه
كشت عليه وبقهر..:مالت عليك مابعد اشتقت
رجعت تناظر اخوها اللي لاهي يصلح بدراجته
ابتسمت بخبث للحين ماشفت غليلها منه
شالت كاس العصير وتسحبت بشويش لجهته
نطت بسرعه لجهته وفي ثواني والعصير على شعره
فزت برعب لانه مسكها قبل تهرب منه
مسكت على بطنها تضحك على شكله المحييوس
عبد العزير..وهو شاد شعرها..:اجل تصبين العصير علي هاا حسبالك لاهي عنك
رفع راسه وببتسامه./عهد جيبي الثلج بسرعه
ضحك بقوه وهي تترجه يعتقها اخذ الثلج وصار ينثره
عليها وفي ظهرها
وعد برجفه..جعلك الساحق ي الشين النتفه..
لف بقوه على الصوت اللي جاهم من بعيد
احمد بغضب..:بـــس
وقف عزوز وهو مفتشل من احمد رمى عليه السلام
بسرعه ودخل يبدل ملابسه,
طالعها وهي تنفض ملابسها بدون لاتناظره
رجع عيونه على لبسها ...لبس رياضه حق اولاد
وشعرها مقسوم اثنين على فوق
طالعته وانتبهت لنظرته وتعجبه ..كتمت ضحكتها
وبستهبال../تبيه ترى عندي اثنين غيره
احمد .:ابيه؟؟
ابتسمت وهي تكح ..:احمم اقصد لبسي
ابتسم بسخريه وهو متوجهه للباب..:بدلي بسرعه
واطلعي منتظرك براء
لف على صوتها الغاضب ..:احترم المكان اللي انت فيه
على الاقل ادخل سلم على امي وابوي
مشت قدامه بخطوات سريعه وهي ترجف من البرد
عيونه على ايدينها مقفلتهم دليل انها مقهوره
ابتسم بتسليه مابغيتي تزعلين
دخل المجلس ولازل يبتسم وبتسليه اكبر..:رغد
ماتستحين لابسه هالبس قدامي
طالعة لبسها ورجعت تناظره وبستنكار..:ليه وش فيه
لبسي؟
غمز لها وبضحكه..:ماتشوفينه لاصقق عليك من
المويه يكون متعمده عشان اشوفك؟؟
طالعته بغضب وهي تخفي خجلها ..:سخيف
بسرعه طلعت براء المكان اللي هو فيه وهي تسمعه
يضحك بصوت عالي
....
في مكتب عزام داخل القصر
وقف بعصبيه مفتعله وهو يشوف اخته تدور على
اعصابها ..
يكفي انه فقد بنته مايبي تكون شهد زيه..
المشكله ان خالد عيى يعطيه رقم غانم عشان يرجع
وتين
هو ابوها وهذي اكبر كلمه تكسر ظهره
قرب من اخته وهو يشوف نظرات التعب والارهاق بعيونها
مسك ايدها وجرها تجلس على الكرسي ..جلس قبالها
متاجل امه اللي جات تزورهم اليووم
رفع راسها وبصوت حنون..:لاتخافين بنتك محد يقدر
يشيلها حتى لو كان ابوها
طالعته بنظره ميته تحمل الف معنى ومعنى للحرمان
هو الوحيد اللي يفهم هالنظره
لانه محروم زيها ..ويعاني الحرمان من كل شي حلو
بحياته
مسح دموعها وبهدوءظاهري..:لاتخافين هو بس يبي يفرحها
اليوم او يمكن عشان حس بغلطه وانشغاله عنها.
غمضت عيونها بالم ..وبارهاق.:عمره ماشالها معه
..حده نص ساعه يشوفها ويروح..ليش اليوم غير
ليش؟؟؟
عزام تنفس بقهر وهو يسمعها تتالم وتشكي له
مسح على شعرها وهو يقراء عليها متناسي غضبه
وقهره من طليق اخته
حسابي معك عسير ي النذل..
ماراح اعديها لك..ماراح اسمح لك تتعبها مره ثانيه
يكفيها قهر يكفـــى

ابتسم بسخريه وهو يسمع اخر انسانه تفكر بحزنهم
تواسي بنتها وتطمنها ان وتين بترجع لها حسب احساسها
ركز عيونه بعيونه وبسخريه اكبر..:وانت متى رجعتي لنا؟؟؟
نزلت اعيونها ..:كنت مجبوره
ضحك بصوت عالي وهو يضرب على صدره
..:مجبوره صح مجبوره عشان شبابك على قولتك
رجع اعيونه عليها..:مالومك مالوومك
رفع جواله ملزم يتصل على خالد ياخذ رقم غانم
ويتفاهم معه
لازم يرجع وتين بسرعه قبل يصير لاخته شي
قفل الجوال بسرعه وهو يسمع صوت سياره براء
اكيد هوو .
طالع اخته اللي اتمسكت فيه وهو يطمنها انه ماراح
يسوي شي يخليها تفقد بنتها..
.
.
نزلها بحذر وهو يشوفها متعلقة فيه وعيونها على
فارس
نزلها قبال البوابه الداخليه بعد مالمح عزام جاي
جهتهم.. باسها وهو يبتسم لها بحنان صادق
وجه نظراته على اللي وقف قدامه و
عزام بجمود..:كم تبي وتنسى ان لك بنت هنا؟
جالس يساومه في احب شي بحياته
يسال بكم وكانه يجهله تماما..
رفع حاجب وبستهزاء..:كل املاكك ماتجي نظره
من بنت غانم
عزام بغضب..:لاعاد تجي ..مابي اشوف وجهك
مره ثانيه
عبدالله ببرود مصطنع وهو متجاهل خالد اللي جاي
جهتم...:اجل لازم اشيل بنتي تسكن معي دامـــ
ماتحمل احد يهدده..
ماعمره سمح لاي شخص يمسك عليه مسكه
قاطعه بضربه وجها لصدر غانم بقوته
قبل يرجع له الضربه فصل بينهم خالد ..قبل تكبر
المشكله..
عزام بصوت عالي ..:في احلامك
تشيلها ..احلم على قدك ي غانم
خالد..تنفس بعمق ..لو مافصل بينهم..
كانت المشكله بتتعقد اكثــر
التفت على غانــم اللي قاعد يسب في عزام ويهدد.
غانم بغضب اكثر..لانويت اشيلها ماخذيت رايك
ضحك بستفزاز وهي يتوجه لسيارته..جرب وشوف
وين بدفنك بيدي...
طالع غانم بضيق وقهر بعد ماضمن ان عزام صار
بعيد عنهم..::لو ادري بسواياك ماعرفتها
ولاخليتها تتزوجك..وبندم..خطاي اني صدقة
احساسي فيك
ابتسم بقهر على كلام صاحبه .واقرب انسانه له قبل
مشكلته مع طليقته..
نسى العشره والذكريات..؟؟
يتفادون الارواح ويرخصونها ل بعض..
والحين يشكك فيه وبافعاله.
زي ماجرحه قرر يجرحه ويزيد ندمه..
وقف قدامه بثقه..وبقوه..:روح جيب وتين انسى انت
وامها تشوفونها دام افعالي شينه بعيونكم
رفع راسه بصدمه..الا هالشي مايبه ولايبي شهد
تسمعه..بتمووت وتذبحه
تصلب جسمه من هالفكره اللي كان يستبعدها على
صاحبه..
صر على اسنانه ..وبتسرع ماحسب له حسـاب
لاتغرك الضحكه؟
مخرج×××



رب اني لما انزل تالي من خير فقير
...قصة وحده من الاخوااات,,,

السلام عليكم
يعلم ربي اني قاعده اقول هذا الكلام من محبتي لكم واني صادقه في كل كلمه قلتها
خواتي انا كنت حاسه بمعناة كل الي تقول ماتزوجت وربي مايحس فيك الا الي عاش التجربه وجرب اللوعه
خواتي انا وصلت سن 36 وكل بنات اخوي وخواتي وبنات اختي تزوجو من سن 20 و25 وانا قاعده لدرجه صرت انطوائيه جدا ومااحب التجمعات والزواجات حتى اذا اجتمعو اهلي اكره هذا اليوم لان كلمهم كله عن الزواج والحمل وانا كنت فاقده الامل تماما اني اتزوج وكنت دائما اتسخط واقول انا ليش غير البنات مع اني
جمالي عادي وخلوقه وجامعيه متخرجه وقاعده مالقيت وظيفه واهلي دائما يعلقون علي بسبب الزواج
وكنت مشغله نفسي بالنت والافلام والاغاني بعدين فكرت اسجل في دار تحفيظ لاني ملييييت من قعده البيت يومي نفس امسي نفس بكره حتى قابلت وحده الله يجزاها عني الجنه وقالت انا كنت نفس حالتك
وصلت للاربعين ماتزوجت بس كنت دائما محسنه الظن بربي ولاعمري تسخطت على الله وراضيه بالي كاتبه
الله لي وكنت دائما احاول اترك اي شي حرام لانه من ترك شيئا لوجه الله عوضه الله خيرا منه وكنت دائما اصلي اخر الليل بس ركعتين يعني ماراح تاخذ من وقتك الثمين واكثر من دعاء ربي اني لما انزلت الي من خيرا فقيرا واكثر من الاستغفار بنيه الزواج بس ولامره فكرت اني اصلي وادعي واقول ربي مااجاب لانه حرام وانتي ماتدرين وين الخيره فيه وكنت صابره ومحتسبه وعايشه حياتي ومستانسه واذا احد علقي على اقول انا راضيه بالي ربي كاتبه وماراح تكونون ارحم لي من ربي وكنت دائما اجلس مع متزوجات واتكلم عن الحمل والزواج واعلق عادي الحين ابشرك تزوجت داعيه ويموت فيني وعندي توام بنت ولد
كلامها اثر فيني كثيييير وتركت الاغاني والافلام وسويت نفسها وصار كل همي بس ارضي ربي وارضى بالمقسوم حتى اهلي تغيرت طريقتهم في التعامل معي لانهم شافوني انسانه ثانيه مرحه اجتماعيه
ماعندها عقد صح مااكذب عليكم اذا سمعت خطبه او زواج يحس بنفسي بس اقول اكيد الله بيفرجها لي
ان الله مع الصابرين وارجع استغفر وربي يابنات تروح الحسره وقسم بالله ماقعدت على هذا الوضع اكثر من 6 او 7 شهور الا انا مخطبوبه من شاب نفس عمري وحبوب وخلوق والحين حامل بالشهر الثاني ادعو ربي يتمم حملي على خير ويسخر لي زوجي
واسال الله العظيم ان يرزق كل فتاه بالزوج الي تتمناه بس انتبهو خواتي حرام التسخط وعدم الراضى وحاولو ترضون الله وتبعدون عن الحرام لانه من ارضى الله ارضاه الله
حبيت انقل لكم تجربيتي لعل تستفيدون منها واسفه على الاطاله..

بسم الله الرحمن الرحيم
صباحكم الكـــادي×
بحجم السماء اشكركم على ارئكم اللي اثلجت صدري واسعدتني..
تاكدو اني اتقبل النقد بروح مرحبه (نقد بناء)لانه سبب لنجاحي بينكم
ارحب بالضيوف الججدد اللي انضمو لروايتي..
واتمنى انو الروايه تنال اعجابكم جميع

البــــارت الخامـــس



الصداقه عمرها عمر الـدهـور ..

تنبني بالفعـل والقـول الصـواب


والصداقه مثل هامـات القصـور ..

ويتحطم ساسها لـو هـو خـراب


والصداقه الصافيه نسمةعطـور..

تاج فوق الراس تحملـه الرقـاب


مايجي فيها شكـوك ولا قصـور ..

رمزها الإخلاص في بيض الثياب

والوفا له ساسٍ أقوى من الصخور..

والوفا صافي كما عذب الشـراب


في الشدايد صحبة أهل الصدق نور ..

في نهار الضيق واوقات الحـراب


ياصديقي منك أنا نومـي غـرور ..

والعتب مقبول لو صـح العتـاب


كيف نقبل زلّتك بيـن الحضـورو..

اعتمدت البعد من ضمن الغيـاب


ماتغطي غلطتك طـول العصـور..

ولا تطهّرها غيـوم ولا سحـاب


صحبة أهل المهزله ظلـمٍ وجـور..

وصحبة أهل الجدّ علمٍ وانتسـاب


الصديق اللـي يبادلـك الشعـور..

يتحمّل لاجل راحتـك كل الصعـاب
.
.


وقف قدامه بثقه..وبقوه..:روح جيب وتين انسى انت
وامها تشوفونها دام افعالي شينه بعيونكم
رفع راسه بصدمه..الا هالشي مايبه ولايبي شهد
تسمعه..بتمووت وتذبحه
تصلب جسمه من الفكره اللي يستبعدها على
صاحبه..
صر على اسنانه ..وبتسرع ماحسب له حسـاب.
.:ماتستاهلها لانك من الاوله منت بكفو لها.اعطيتك
انسانه ورجعتها من اشباه الاموات هذا لانك كنت
توهمني بطيبك وتقدريك لها.ليتها تزوجت غيرك
قبل اذبحها..
عصر كفه بقوه ... يسمع حروف خالد الجارحة
المسنونة.. قرب منه وبقوه ضربه على طرف فمه
وبفحيح..:هذي درس بس عشان ماتنساه..لو غيرك
قال اللي قلته كان راسه مايشفى غليلي..
ابتعد عن خالد .... متوقع صموده أمام ضربته
يعرف خالد زين زي مايعرف نفسه ..
مستحيل يرجع له الضربة.. حتى لو عورته..
دائما يختار الطريق الأسلم خاصة لو كان فيه
إطراف غيره بتتاذى
ماطالعه ولا يبي يشوفه بعد ماقسى عليه بيده
ضغط على شفته السفليه يمنع الدم ينزل منها
.
.
حرك رأسه بالإيجاب.. وبوعيد..’اذا ماحرقت قلوبككم
ماكون غانم..
ركب سيارته وهو يحمد ربه ان ولده نام قبل يصير
شي..
مايبيه يشوف شي سيئ بينه وبين أي شخص
خاصه لو كان هالشخص خالد
ضغط على الديركسون بقوه وهو يتذكر كلام بنته
بابا ليش ماما رمت القاتوه اللي جبتها
بابا ليش ماما رمت القاتوه اللي جبتها

ابتسم بسخريه وهو يحاول يركز بالزحمه اللي قباله
رجع باله لها غصب عنه. كأنه يعاند أوامر عقله..
ليش كانت تبكي؟؟
يكون حنت لايامنا ؟؟
ندمت على عمرها اللي راح بدوني؟؟؟
يكون عرفت خطاها ومانامت الليل ولاغفت؟؟
ضغط على راسه بتعب ..لاتلعب على نفسك.عمرها
ماحبتك ولاحنت لك..
بدون شعور رفع كمه لجهة انفه, لساته ريحة
عطرها بملابسه.. ماينكره لو بعد عشرين سنه
واليوم رجعت له هالذكرى بعطرها اللي
بملابس الوتين
اخخ ي شهد ليتني ماعرفتك ..اكرهك كثر ماحبك قلبي
المسكين
تنهد بضيق بعد ماتذكر هواشه ويا خالد
احرق قلبه اكثر بصمته وكأنه يبي تتقفل السالفة
ويغييب عنهم
ليته رجع الضربة ولأسكت وعذب ضميره..
...
عند احمد في الاستراحه ..
.
.
اخذ المعقم بعد ماصرخ عليهم ..بهذل اخوه الصغير
وخاصمه..
سحب ايدها بغضب اكثر ..بدى يطهر جرحها
متجاهل انينها وخوفها...
خوفه عليها كان بيجننه ويفقد صوابه قدام اهله وقرايبه..
مدت ايدها على ايده تحاول تبعده وتخفف من قوته
عليها .وبرجى باكي..:احمد واللي يرحم والديك بسك
عورتني
طالعها بقهر وبهمس...:مالقيتي إلا الأولاد تلعبين
معهم ..يعني كل بنات جماعتي ماجازو لك؟؟
ضربت كتفه بتسليه متجاهله الم أيدها وباستهبال:
قول اغار لاتستحتي فضفض اسمعك احمدووه
فتح عيونه بصدمه من تحليلها الغير متوقع..
مايبيها تكشف اوراقه وتذله
ماخطط يعترف قريب..ولايبي الين تهدى امورهم
بسرعه وقف بعصبيه وكأنها قالت شي من الممنوع
ينذكر بقاموسه
مد ايده ليدها السليمه ..سحبها معاها قدام انظار
الكل..
مارحم توسلاتها انه يتركها تجلس مع البنات
زي ماوعدتتهم..
دخلها غرفته ..قفل الباب.. وشال مفتاحه
وقف قدامها وصوت أنفاسه مسموعة..:أنت حرام
فيك الراحة..انطقي هنا مالك طلعه اليوم
انجنت فكرة انها تكون معه بنفس الغرفه ترعبها
قربت منه .. تشوفه يطلع ملابس عشان يتسبح
تنهدت بتعب وبصوت راخي..:احمــد
غمض عيونه بتعب اكثر من مشاعره اللي قاعدة
تخونه لها. لف جهتها وببرود مصطنع..:لاتحاولين
ماراح اسمح لك تعتبين براء الغرفة
تعداها لجهة الحمام وهو متجاهل صوتها المتضجر
ابتسم غصب عنه وبهمس ماوصل لها..:تستاهلين
يكفيني يومين محرووم
...
في غرفه شهد...



.
.
استرخت على سريرها بعد ماطمنت عمتها اللي قلقانه
على وتين
طالعة جهة وتين .. تغالب نعاسها وهي تلعب بالدميه
الجديد
مسحت على شعرها ..وبحنان بالغ..:ماما حبيبي نامي
الحين وبكره العبي براحتك
رفعت أعيونها جهة شهد وهي تحضن لعبتها..:ماما
اخوي فاارس لعب معي زي زياد وعمار لما يلعبون
مع بعض
تجمعت الدموع بعيونها..تدري ان بنتها فاقده معنى الاخوه..
الحين بس عرفت سر سعادتها.. من رجعت وهي
متغيره ..مبسوطه وفرحانه حيل..
ماقدرت تمنع غصتها خاصه بعد ماغفت عيون حبيبتها
بكت بنوح .. تحس بضيق الدنياء على صدرها
تحركت بضيق بعد ماتذكرت سالفة زواجه بعد طلاقهم
بكم شهر..
كان يبي يقهرها..بس ماوصلها الخبر مثل ماخطط
نزلت دموعها اكثر وهي تتذكر ولده..اللي يشبهه
كثيير
اخذت علبت المويه .. تشربها بسرعه وكأنها
تطفي نار مشتعله جواتها..
رفضت تتزوج غيره لانها تمووت عليه..
حست لو تكون لغيره أنها تخونه رغم طلاقهم
عمرك ماحبيتني ولافكرت برضاي
ابتسمت ودموعها تنزل ..بالها يعيد موقف جمعهم
×
×
تخصرت وبقهر طفولي..ليش تروح وهي هناك مو انا
قلت لك ماتروح شاليه هي فيه
ضحك بتسليه.. اعطاها ظهره..:مدري وش صابني
بس نادتني خالتي ام قتيبه ورحت
فتحت عيونها بصدمه من بروده ..وببكى../يلا رووح
روح كمل سهرتك وياهم مابيك يلا روح
لف جهتها اول مانتبه لنبره الصوت اللي تغيرت..
مشى بخطوات سريعه وهو يشوفها تبي تطلع
براء غرفتهم
لمها بقوه وهو يرجعها لغرفتهم ..ركل الباب وصوت
ضحكته قهرتها اكثــر
حس فيها تتحرك بعنف ..ضربت ايده بقسوه وغيض..
شد يدينه اكثر يثبتها ..
لصق رقبته برقبتها وظهرها ملاصق لصدره..
وببتسامه../فديت الغيور ي ناس..
نغزته بكوعها بعد ماصدت للجهه الثانيه..:لاتاخذ
بروحك مقلب اصلا مايهمني..
ضحك بصوت اعلى وهو يفلتها من ايدينه..اخذ عطره
قدام عيونها ..طش عليه بكثافه..وبتصنع بعد ماتوجه
للباب..:عن اذنك بروح اكمل السهر ه وياهم.
شدت على فكها اكثر وبغضب..:بذبحك
رفع حاجب وبتسليه..:وين على قولتك مايهمك..
شالت الخداديه ورمتها عليه بقهر ..عيونها تنطق بالشرارر.
.بتذبحه..
بتذبحه..
طالع بجسمها جالس يرجف وتنفسها سريع..
عرف ان ضغطها وصل للمليون..
ابتسم قاعدة ترمي بعطره لاخر الممر..
فتح ايدينه وبهمس تعشقه..:شهدي.
وقفت حركتها بشككل لاارادي..عيونها بحضنه..
جالس يناديهاا..
طاقتها انتهت من الغيره..
حيلها مهدود وهو دواها..
مابيروح..يبيها مايبيهم..
طالعت بعيونه..حب في ثناياها..
بدون تفكر جرتها خطواتها له..لأمانها وعشقها
طوقته برجفه اكثر بعد ماحسته يلمها بحضنه.
رفع راسها من على صدره ..عيونه بعيونها..
عقد النونه يقلدها..ابتسمت بخجل..باسها على
خشمها برقه ..وبضياع زي كل مره تكون معه وله.
ضاع بعالم خاص فيه وفيهاا

..
عند عزام..
.
.
التفت بكره على عمه وهو يسمع اسمها الكريه بالنسبه له.
خالد ..:عزام قبل نروح للشركة لف جهة الجامعة
نجيب وله
رفع حاجب وبسخريه.:نشتغل سواقين عند حظرتها؟
خالد بملل..:زوجها مسافر..يلا واللي يعافيك
طالع بعمه ثواني ورجع يركز على طريقه ..لف
جهة الجامعه وبضحكه وراها مغزى .:نجيبها ليش لا
حس على خالد اللي طالعه بشك وهو مطنش..
تتحمل دامها هي اللي طلبت تركب معه..
ههه بعلمك فهد اللي بعتي اهلك عشانه وش يسوى
وقف قبال الباب الرئيسي بعد مادله خالد على المكان
انتبه عليها وهي تقرب من الباب الخلفي وتركب
عصب بعد ماسمع صوت رطمه الباب القويه
مقهوره عشانه مع خالد...
اخر شخص تتمنى تشوفه مع قرف الزحمه والحر..
عض على شفايفه بقهــر..
اوريك ي بنت ابوكـــ
فاق من سرحانه على صوتها الواثق
وله وهي تجاوب عمها بثقه..:أيه.. اليوم بيرد من
السفر
عدل المرايه الصغيره اللي قباله بحيث صار يشوفها
وبسخريه..:ياشين الثقه على المغفلين
تاففت بصوت عالي وبحده..:لو سمحت مالي كلام معك
.زوجي مايرضى اتكلم مع اغراب
ضحك بصوت عالي .ضحكه بدون سخريه او استهزاء
ضحكه مبهمه غريبــه
انتبه لنظرات خالد المقهور وهو يترجاه يسكت
ضرب على الديركسون بعد ماالتزمو الصمت وهداء
تنفس بهدوء وبثقه..:فهد في الخارج مع حبيبته
عشان يعالجها ي حرام تعبانه وماتحمل ..
وانت جايه تقولين لي يرضى ومايرضى..
سمع شهقتها المطعوونه .
ابتسم برضى.
للانتصار لذه مختلفه.
قاعد يوفي امانته باتقان زي ماوعدها..
رفع صوت المسجله يدنن معه
تجاهل اسئلتها وتهمها
..يطالع الطريق مبسوط سالــي
بالانفجار اللي صار فيهاا
خالد بغضب وبحده..:عزام وبعدين ..للحين محترممك
لاتختبر صبري
طنش تعليق خالد وتهديده..
ابتسم برضى اكثر وهو يسمعها تبكى وتسب فيه
يدري انه احرقها بالخبر المميت ,,
تجاهل كل كلمه شتمته او سبته فيها..
رد على خالد بدون لايطالعه ...بثقه هزتها
..:اذا مانت مصدقني افتح الدرج اللي قدامك...
عقد زواجهم فيه..
فتح الدرج ..وهو يدعي أن عزام يكذب ويخدعهم
تصلب ظهره .. العقد موثق من المحكمة
اعطاها بعد ما مدت أيدها برجفة وتعب..
قفلت عيونها بالم حتى الموت وهي تشوف اسمه كامل
بكت بنوح وصل لقب عدوها وأمتعه
بكتب نصيبها واملها الوحيد بعد الله..
حست على روحها بالمكان الغلط..

تمتمت برجفه واضحه بعد ماتاكدت من صحة كلامه..:
انت اللي ورطتة. فهد مستحيل يسويها فيني مستحيل
التفت جهتها بعد ماوقف السياره قبال
بيتها وبحده..:روحي اساليه ليش انسجن الفتره
اللي كنتي ببيتي ..واذا علي بورطه بمشاكل كثير
وادفنك معه بس الوقت اللي ابي واحدده..
ماقدرت ترد عليه ولا على تهديداته لان خالد نزل
بسرعه وسحبها تنزل معاه ..صوت بكاها قاعد
يرضيه ويشفي غليله
حرك سيارته بعد ماشر له خالد انه يمشي بغضب
ابتسم..ماكنت ابيها اليوم..بس انت اللي استعجلتي

...
(احمد ورغد)في وقت سابق
.
.
طالعها بنص عين .. يسمعها تسولف باريحيه
..تضحك مع اخواته وبنات عمه..
ماقدرت تصبر عنهم ..اخذت جواله واتصلت فيهم
مد سجادته ..صلى الشفع وهو يدعي ربه بالخيره
مسك على راسه لها ساعتين وهي تتكلم بحماس
طفولي يعذبه..
قرب منها ..وبامر..:جيبي جوالي
حركت راسها بالرفض وهي تتربع على الكنبه
وبهمس:
تبيه افتح الباب
شد على شعره بطفش..وبتهديد.:بروح اريح بفراشي
خمس دقايق ماجبتيه اكلتك
ضحكت بتسليه..:رجعنا على اكلتك شكلها من جد
طلعت لك اسنان وحش
اعطاها ظهره قبل تشوف ابتسامته وبتهديد وهو
يتمدد على السرير..:خمس دقايق وتحملي عقابي
تنفس براحه وهو يسمعها تودع البنات وتوعدهم
انها بتسرق المفتاح وبتنزل لهم
وانها بتسوي فيه جريمه قبل تطلع
اخذ جواله بعد ماحطته بجنبه..:وبعد قدامي تقولين
بتسرقيني ي السروق. وجريمه بعد اثاريك طلعتي قويه
كتف ايدينها على صدرها. وبحيله..:مابسرقك بس ملابسي كلهم براء ماقدر انام بدونهم
احمد ببرود..:انسي تطلعين
قربت منه بعد ماعطاها ظهره ضربت كتفه وبزعل..:
مابي انام هنا .يلا جيــ
صرخت بالم من ايده اللي رجعها بقوه على وراء
وظربت بيدها المجروحه
فز بخوف بعد ماسمع صوت بكاها العالي
ماكان يبي ياذيهاا ..او يسبب لها الم..
مد ايده ناوي يبعدها من كثر ماهو مقهور من اصرارها..
احتار كيف يهديها عشان تسكت وتسامحه
جلسها على السرير وبصدق..:ماكنت ابي اعورك
وعدد خليني اشوف ايدك يكون يعورتك؟
تمددت مكانها وهي تجر اللحاف عليها تغطي روحها
ماتبي تسمعه يكفي الالم اللي تحس فيه..
ماتبيه يشوف دموعها وضيقها
طنشت كلامه وتوسلاته انها تعذره وتفهمه
ماردت عليه ولاهي ناويه تبرد قلبه ..
تصلبت بخوف بعد ماحست فيه ينام قريب منها
احمد بهمس وهو يحس بشعور ثاني لذيذ بالنسبه
له ..:حياتي خليني اشوف ايدك
بلعت الغصه ..تكفى لاتتكلم معي بحنان وعقبها تجرحني
شدت على اللحاف بدون احساس وهي تخبي ايدها
الثانيه بحضنها
ماقدر يصبر مايشوفها مد ايده ورفع الغطاء غصب عنها
ابتسم كيف خاشه وجهها بالوساده وشاده عليها..
اخذ ايدها يطالع مكان الجرح اللي قريب من معصمها
احمر خفيف مكان الجرح
مسح عليه بحرص وهو يقراء عليها
حس برجفتها وببرودة اصابعها ..
قرب ايدها من فمه. باسها مكان جرحهاا بعمق وهو
يهمس بكلامات ماوصلت لمسامعها..
سحبها بحنيه نادره ..لمها برقه على صدره

...
في قصــر الخالد
.
.
طلع بخطوات سريعه يدورهاا..
الكل متجمع ماعدا هي..والكل يعرف انها ببيته من مده.
يعرف رايها زين بخصوص الطلعه من غرفتها
حابسه روحها فيها من تاكدت بخبر زواج
فهد
طق الباب مرتين ماردت..خاف يكون صار معها شي
سيئ
فتحه بهدوء ظاهري وهو يرفع صوته قبل
يدخل..:ولــــهـ
وله..:بالحمـــام عمي
تنهد براحه بعد ماسمع صوتها جاي من جهة التواليت
رفع ايده يطالع بالساعه مايبي يتاخر على الضيوف
ابتسم بشفقه لما طاحت عيونه بعيونها ..:نعيما
ردت له الابتسامه بدلع .:الله ينعم عليك
شالت المنشفه من على شعرها تنتظره يتكلم
تدري وجوده معها الحين يوحي انو فيه شي مهم
اختفت ابتسامتها بعد ماسمعت طلبه الكريه لها
خالد بخشونه..:كلهم متجمعين تحت يلا ابيك تتجهزين
عشـ
قاطعته بجفاء..:انت تعرف راي من قبل مابي اتجمع
معاهم اليوم..
تنفس بعمق وبقهر..:كم مره وعدتك لاعزام ولاغيره
بيزعجك انا المسؤل عنك هنا
طالعته برجى وبصوت راخي.:تكفى لاتجبرني. .عمتي
بكره بزورها واتعذر لها عشان الضيافه
ماتحمل يشوف دموعها ويزيد تعبها..
جرحها لساته ماطاب وانضمد

ابتسم لها يطمنها وهو يلمها بحنان بالغ..
تعلقت فيه بقوه.. تبكي له .تشكي له من فهد
وعزام ومنه بعــد..
يدري أنها انظلمت كثير بينهم
توعد فهد بالويل من يرجع ...ناوي يعذبه هالمره
عشان مايتمادى ويجرحها وهي اللي وفت له
مسكها بايدها .جلسها قدامه وبحب..:مالك
الا اللي يرضيك لاتحظرين..وببتسامه اكبر
واليوم بس يطلعون الضيوف عازمك على العشى بس
ها بنتعشى قدام البحر نسولف نشكي له الين نمل
مسحت دموعها وبيأس.:اشكي لــه؟
سوى نفسه معصب وهو يشمر اكمامه.:لا ي قليلة
ألخاتمه وإنا وين رحت؟؟
عقدت حواجبها وبتساؤل ..:ليش عندك هموم؟؟
ضحك بصوت عالي يخفي وراه اسرار ذابحته
وقف قدام المرايه يعدل شماغه..وبتسليه.:
احم اخاف ينظلوني اليوم..
عدل شماغه بعد مانسفه ضبط العقال بهتمام اكثر
طالعته بنص عين وببتسامه..:عاد اموت على الثقه
اللي طايحه عليك
ابتسم لها براحه... مبسوط قدر يغير نفسياتها المرهقه
وعد نفسه يحميها من عزام وفهد حتى ولو يكلفه
الامر ان يخسر صداقته القويه ويا عزام
اشر لها بيده وهو طالع من غرفتها الحزينه بحزنها
وبستهبال..:اقري بنيتي لايعطوني عين..
ابتسمت بنكسار بعد ماختفى طيفه..:ي ليت كلهم مثل
قلبك
...
بالمزرعــه
.
.
شهد..ابتسمت بمجالمه لاميره اللي جالسه تحكي لها
عن نواف زوجها قبل يجون المزعه
شتت نظراتها على الكل .عمتها.وله.اميره.بنات
جماعتهم ..والضيوف..الكــل لاهي مبسوط بالرحله
محد حاس بالقلق اللي يحرقها مليون مره بالثانيه.
وقفت بضيق .. حاسه ان الاكسجين اختفى من
المكان كله..
انسحبت بهدوء .بدون تفكير جرتها خطواتها لغرفة
جدها ..
تنفست براحه أول ما لاحظت نور غرفته لساتها
طلت عليه ..طاحت عيونها بعيونه..
شتت نظراتها وبهمس..:يبه محتاج شي ؟؟
ابتسم لها بهدوء ..يعرفها زين..ماجت هالوقت الا
وفيها شي..يعرفها من صغرها ..
رفع ايده ..اشر لها تجي تجلس جنبه على الكرسي
جلست قربه .. تحاول تخفي اللي جواتها عنه
انفجرت بكي اول ماحست بيده تمسح
على شعرها بحنان.
لمها على صدره بدون مايتكلم وكانه يطلب لها تحكي
له عن همها
رفعت عيونها له وهي ترجف ..:يبه الساعه قربت
على 12 ولساته ما جاب بنتي يبه احس بخنقه
مسح دموعها اللي ما رحمت حالها .كأنها تعانده
وتعاندها ..
تنهد بتعب ..هو ابوها مايقدر يمنعه عن وتين
اخذ جواله مده لها .:طلعي رقمه واعطيني اكلمه
يجيبها ي بنتي
بيجرب يدخل بسالفتهم هالمره ويريحها..
متاكد ان غانم يحسب له حساب وماراح يرده..
فزت تناظره برجاء لايهون عن كلامه .
سحبت الجوال من ايده وبدت تسجل رقمه
باصابع مرتجفه..
سنين عدت ماتصلت فيه ولاكتبت رقمه
حافظه رقمه في قلبها قبل عقلهاا
مانتبهت لنظرات جدها اللي كان مصدووم
ماكان متوقع انها للحين تحتفظ برقم موبايله
طالعها باسى ..ي ليته حل مشكلته ولاحصل اللي حصل
رجع لارض الواقع بعد ماسمع صوت غانم يرحب
فيه ..
حاول يختصر الكلام من نظرات شهد اللي تترجاها
يتكلم
تحس الوقت طويل وهم يسالون عن حال بعضهم
التفتت بقوه على كلمه جدها اللي طعنتها بالسكين
الجد بصدمه..:على وين سافرتو
غانــم..التزم الصمت بعد ماسمع شهقتها الاليمه
يبي ينتقم ..يبرد قلبه فيها .مايبي يسمعها
تتالم وهو سبب المها
متناقض بعقله وقلبــه..
تنحنح بصوت عالي وعيونه على الطريق..:قريب
مابعدنا طالع عمرك
الجد بالم..:بس ي بوك امها قلقانه عليها .والبنت
لساتها صغير ماينفع تبعد عن امها
غانم بثقه.:ماراح أحرمها .كنت ناوي اغير جوء
وابي عيالي معي ينبسطون
الجد بحزن وعيونه على مكانها بعد ماطلعت
وهي تبـكي....:لاتتاخر ي ابوك أمها ماتتحمل فرقى
ضناها
...
في جهه ثانيه المزعـهـ
.
.
تراجعت بخطوات لااراديه وراء اميره اللى تقدمت
بخطوات بسيطه.
.لمت الجلال عليها بقوه ..
تسمع صوته الحازم مع اميره يخوفها..
سكت فجاه بعد ماطاحت عيونه على طيفها
يعرف طولها ويميزه حتى لو بين عشر من جنسها
ماتوقع ابدا ممكن تجي معاهم
راح باله عنها.. رغم وجود خالد بنفس الممكان
رفع حاجب وهو يشوفها تعدل لثامها بحرص
عدل وقفته وبصوت بارد..:مبروك الطلاق مقدما
رفعت عيونها بصدمه .ركزت بعيونه .وشلون عرف
بسالفه الطلاق والموضوع مايعرفه غير فهد وهي
قوت نفسها وبثقه..:اعتقد هذا موضوع خاص
ولا؟؟
ابتسم بسخريه وبثقه اكبر:قريب ارجع اربيك واقص
لسانك الطويل
ركزت اكثر بعيونه وبقهر واضح.:اول ادب نفسك
قبل تفكر بغيرك
صرعلى اسنانه بعد ماابعد اميره من قدامه..
قرب منها بغضب وهو مقهور من اسلوبها بالكلام
انحنى عليها وعيونه بعيونها وصوت انفسها
عاليه. شد على جواله وبحده ارعبتها..:احرقتك مره
ماني عاجز اقص لسانك هالمره واذبحك بعـد.
انكمشت بخوف من نظراته اللي قاعده تحسسها
بشي غلط بينه وبينها
ماهتمت لتهديده قد ماخوفتها نظراته الغاضبه
واللي فيها شي ثاني تجهله
تراجعت لوراء بخطوات متعثره..
رفعت راسها بكبريا يتمثلها بعد مابعدت عنه
.:تاكد مو انا اللي اخاف ..مايهمني تهديدك وكلامك
حرك راسه بالموافقه وبتهديد..:اوكيه اوكيه
بعدين اثبت لك عكس كلامك
اميره بتوتر..:عـــزام
التفت لاميره اللي تترجاه يروح قبل احد
يشوف وضعهم..انحنى يشيل عصاته اللي
رماها على الارض.. اخذها بسرعه وابتعد على
مكانها اللي يخنقه
طالعت باميره اللي واضح عليها الرعب من
اللي صار .شالت لثمتها وبهمس حاقد.:من
جد مريض
طنشت اميره وهي تترجاها تسكت لايسمعها
هالكلمه بالذات اللي ماراح يغفر لها ان سمعها
مشت بخطوات ضايعه... راجعه للفله
اسلم لها واريح
تسمع اميره تتكلم عشان تغير جو التوتر ..
ماقدرت تركز بشي تقوله
الين متى هالحال معاه..كيف عرف بسالفة الطلاق
مين وصله امورها الخاصه.
بلعت غصتها بالم.لو كان ابوها وامها فيه ماكان هذا
حالها.
ولو اخوها مامات واخذه البحر ماكان ذبحوها
وعذبوهااا
...
عند شــهد



.
.
رفضت تفتح الباب لهم .
تجاهلت رجى عمتها وامها انها تفتح لهم ..يطمنون
عليها
حالها كما المجنون اللي مسجون والدنياء ضيقه
فيه
فتحت البلكونه وعيونها للسماء تبكي تدعي ربها
بالم وحسره
ضغطت على صدرها من الالم اللي حسته بأعماقها
استغفرت بصوت عالي وهي تمسح دموعها
اخذت ملابسها ناويه تتسبح وتصلي ركعتين
تناجي ربها تطلبه الرحمه
بكت بنوح وعذاب ..اخر شي كانت تتوقعه ياخذ
وتين منها
الحين عرفت ليش كان مسالم السنين اللي راحت
مدت سجدتها وبدت تصلي بخشووع لخالقها
تتمنى ربي يبرد قلبها من اللي قاعد يصير
فيها..
وقفت تحس براحه بعد صلاتها.. املها
بالله ماراح يرجعها خايبه من الفرج
مشت بخطوات مهزوزه جهة السرير ..استرخت عليه
اول مره بتنام بدونها ..
الله لا يسامحك زي ما حرمتني منها
حست الغصه تخنقها من جديد..
تعودت تنومها بجنبها بحضنها.. اليوم بعيده عنها حيل
طالعت جوالها بتردد..ماتقدر تنام .. تبي
صوتها يهديها..قلبها تعبان مايقدر هالحمل كله..
احتارت شلون تتصل .
تعرف هالشي غلط بعرفهم

وش بيقول عنها .

.اكيد بيفهمها غلط

ويمكن يقول كلام يجرحها ويزيد طعونـهاا..
نزلت دموعها بتعب ..مايهمها شي غير حبيبتها
واملها
سحبت جوالها وبسرعه قبل تتردد اكثر اتصلت
برقمه .
الشــوق مــالــه عمــر يفنــى و ينعـــاد
لــه في الضلـوع إن عاد وان غــاب رجفه

مع كل فرقا لـه ورى الجفـن ميـلاد
وان مـاتت الفرقا لقـى الشـوق حتفـه

جيت أقتل الفرقـا مـن بـلاد لـبـلاد
مـلّ الطريـق يشيلنـي فـوق كتفـه

وأنا بعد مليت مـن كثـر مـا أرتـاد
هالشارع اللي كان لـك فيـه شرفـه

تظمأ عيوني شوفك وتشبـع سهـاد
عيّا الزمن يقطـع ظماهـا بـرشفـــــه

لاوجهـك أسقاهـا ولا ذاقـت رقـاد
ماغير طيفـك طيفـك اللـي أعرفـه

كنّه ظبـي وعيونـي ظـلال صياد
يجفـل قبـل يرتـد للجفـن طـرفـه

مشكلته أنه كـل مـا أشتقـت يـزداد
حتـى مـلا جـدران وقتـي وسقفـه

وأصبحت أشوفه فـأول الغيـم لاجـاد
وفـأقصى الشفق لاطاحت الشمس خلفه

وفي الأرض لانامت عقب صوت رعـاد
وفي كل شباك ٍ صحـت منـه درفـه

أتعبت طيفـك لـوم واللـوم مافـاد
ويوم الأمل في شوفتـك مـات نصفـه

نويت أسافـر عنـك بجـروح ٍ جـداد
وعمر ٍ من أوراق الزمن حان قطفـه

نويت لكــن جابنـي الشـوق منقـاد
وجابك حنينك والزمن سـال عطفـه

شفتك تبسّم لـي خجـل مـدري عنـاد
وفي نظرتك شوق ٍ من الظلم وصفـه

حسيت كني طفـل وعيونـك أعيـاد
ياعيدي اللي لـه ورى الصـدر رجفـه

سمّ اللقـا صدفـة وأسمّيـه ميعـاد
أنا أنتظرتـك وأنـت مريـت صدفـه


غمضت عيونها بقوه وهي تحس ألسانها انعقد
اول ماسمعت صوته اللي كان بلسمها الشافي
غانــم بخشونة.:مين؟؟
استغرب صمت الطرف الثاني ..استغفر
بتمتمه..
اشر لزوجته وأولاده يدخلون الفندق وهو بيلحقهم
وقف بملل وبصبر اكثر.:ميـــن معاي؟؟
بلعت ريقها بعد ماحست انه بدى يعصب وبنعومه
فطريه..:جيب بنتي الحين
تصلب جسمه .وبدون شعور شد على الجوال..ماتوقع
ولا بالأحلام اانها بتتصل فيه بهالسرعه
سنين طويله مرت ماسمع صوتها اللي تمنى يمحيه
من على وجه الارض...
نفس الصوت بس صار احلى وبحته وااضحه
تنفس بعمق وهو يحاول يعدل صوته..:اعتقد ماهي
بنتك بحالك ومتى ماحبيت جبتها
نزلت دموعها من ثقته في امر عاجزه فيه .
مسحت دموعها وكأنها خايفه يشوفها وبصوت
باين عليه التعب..:عندك ولد غيرها انا مامعي الا
وتين مالي غيرها افهمني
كسرت حواجز صعبه ..شكت له تعبهاا وحرمهاا
تكلمت معه برجاء بالغ لعل انه يفهمها
كان بيسكتها بغضب من جملتها الاخيره
قهرته وزادت النار نــــاار..
هي اللي اختارت الوحده بتصرفاتها المميته
طالع الناس اللي قباله كل واحد في حاله واكيد
همومه اكبر منه
ضغط على راسه بالم وبحده..:كل شي بمزاجي لو
مــابي تشوفينها احلمـــ
قاطعته بصوت باكي يقطع القلب وبهمس يعشقه
حيل ..:غــــانم تكــفى
غمض عيونه... قلبه يتحرك بعنف يمقته
وبهمس مشابه يعرف تاثيره عليهااا ..:؟؟؟؟
لاتغرك الضحكه؟
مخـــرج



×
×
قال رجل يا رسول الله إني كثير الذنوب فدلني على ماأتقرب به إلى الله تعالى

فقال صلى الله عليه وسلم عليك بكثرة قراءة قل هو الله احد فإنها تقربك من الله تعالى .
.
ـ روي ـ أنه عليه الصلاة والسلام دخل المسجد فسمع رجلا يدعو ويقول:

أسألك يا الله يا أحد يا صمد يا من لم يلد ولم يولد ولم يكن له كفوءا احد فقال عليه الصلاة والسلام ثلاث مرات غفر لك .
.
من قراء قول هو الله احد(سوره الاخلاص)ثلاث مرات
فكانما ختم القران

وفقك اللة ودمتي