كاتب الموضوع :
حسن الخلق
المنتدى :
سلاسل روائع عبق الرومانسية
رد: رواية .. همس الحواس .. بقلم حسن الخلق .. الهمسة الرابعه
السلام عليكم ورحمة الله وبركاته
المقدمة اول ما قرأتها وبحسب تعريف الشخصيات وبالرغم انه
مخالف الا انى حستهم رفيف واياد
تقريبا بعد الهمسة الاولى او فى نص التانية عرفت انه بطل المقدمة تميم
واحترت فى البطلة ممكن تكون مين
الاول قلت لينار بالرغم من انه الكلام قوى اوى وبعيد شوية عن لينار
انها تتصادم بالشكل المباشر ده يمكن تعتمد
الحيلة زى ما عملت بعد كده مع ايهاب بس ولسبب ما حسيت تميم ولينار متوافقين
يمكن لان تعريفاتهم بتنادى بعض
بعد بقى ما خلصت ال 4 همسات اكاد اجزم انها هتطلع انجى
مع انى مش شايفة انهم لايقيين مع بعض من اللى شفناه من شخصياتهم لحد دلوقتى
وبالرغم من عدم محبتى لها
روفان براءة وطهارة متجسدة فى شخصها ياسين محتاجها اوى
لانه فاقد للحنان لاحساس العيلة وللاسف هتتعب معاه اوى
عبدالرحمن شخصية عبقرية يستاهل كل الحب والتقدير اللى فى الدنيا
بكل حنانه اللى محاوط به اللى حواليه
كارما كمان محتاجاه اوى على اد ما باباها بيحبها وحنين عليها
لكن عدم وجود ام وكره زوجه الاب يخليها محتاجه احتواء وامان عبدالرحمن
فى انتظارهم
دانه لطيفة بنوتة حبوبه من اول ما اتكلمت عن صاحب اخوها اللى بتحبه
وانا حسيت مش غارفه ليه انه قصيتهم مش هتكلم بس حقيقى كنت فاكرة انها هتكون بتتكلم
على تميم مش ايهاب طبعا لسه الرحلة طويلة مش عارفين ايه اللى هيحصل
فيها ودانه هتبقى مع ايهاب ولا مع الشهم الشجاع يزن اللى اخد ضربه على راسه هتفقده الذاكرة :D
لينار حبيتها جدا على غير المتوقع منى تجاه شخصية بالشكل ده
فعلا هى هتبقى فاكهة الرواية
ايهاب مش حبيته اوى مش عارفة ليه مع انه الرجل معملش حاجة الشهادة لله
وطلع ذوق بس هو كده :D
علياء متمردة لا تهاب وعندها اصرار
متشوقة اشوف مين هيكبح جماحها مع انه اظن مش انه كده مش فاضل الا يحيى
ريلام تصرفات تقليدية من شخصية ثرية مدلله عمرها ما شالت المسئولية
مش بتهتم الا بنفسها ومصلحتها
بس صورتها جميلة :D
سؤال خارج المنهج افتكرته دلوقتى هى صورة كارما هى صورة لار دبانة ملكة جمال مصر ؟؟؟
كنزى وايهم كل حد فيهم لا يستهان به غروره مقابل كبريائها
حبه مقابل المها
ده احنا هنشوف ايام فل الصراحة :D
نجى بقى للكبير اوى
اياد باشا باشا مش هاقول ايه غير كده
اياد هو الشخصية المثالية من وجهة نظرى مسيطر قوى حازم عادل شجاع وبمكن حتى قاسى
امام الناس بس مع القريبين منه واهل بيته حنون ومحب ومراعى (قلوب قلوب قلوب)
رفيف انت بجد اللى هتكملى اياد مع انه مشواركم صعب وريلام هتصعبه
الا انه متشوقه لكم متشوقه انه حنانك ورعايتك يتوجهوا لحد يخصك لوحدك
هنشوف ايام فحلقى معاهم
اخيرا الف الف الف مبرووووك الرواية بجد سعدت بها جدا
الرواية حيوية اوى وعايشة اوى بتدى دفعة طاقة
مختلفة عن اللى اخواتها الكبار
دمعات القمر كانت بتنقلك فوق السحاب لعالم تانى حالة خاصه
على حافة الافق كانت بتخليكى تواجهى نفسك وتكشفى دواخلك
لن انكسر كانت عن الآخرين فهم دوافع الاخرين والتمازج معاهم
ربنا يوفقك يا ريهام وشكرا جزيلا على تعبك معايا
واهتماك انى اقدر اتابع الرواية
ربنا يحبب فيكى خلقه ويرزقك رضاه وحبه :)
|
15-02-15, 01:12 PM
جديد مواضيع قسم سلاسل روائع عبق الرومانسية
العرض العادي
