السلام عليكم ورحمة الله وبركاته
انا متاخره جدا عارفة معلش معلش
نقول بسم الله الرحمن الرحيم
التعليق هيبدأ من الهمسة 25 وبهذه المناسبة احب انوه انه وقت الهمسة ال 25 و26 انا كنت
متخيلة انه احنا وصلنا للهمسة 18بالكتير فصعقت حقيقى انه الوقت جرى اوى كده من غير ما احس 
علياء وانتظارها للمسج من تميم بين لنا جانب حلو اوى من شخصية علياء
الجانب الرقيق الأنثوى اللى بيدوب لحبيبه وبيتأثر به
حبيت حركة لينار انها تسمعها الخبر منها
طبعا مش متخيلة مدى الخوف والألم والقلق اللى كانوا فيه
من حفر لأخيه وقع فيها هو ده المخفى ابو المخفى
تستاهلوا يا شريرين
ابراهيم الباشا الكبير أوى صحيح يعنى بابا اياد وتميم
لازم يكون فظيع المصدر الرئيسى للبشويه والسيطرة
علياء رجعت تانى للجانب المتوحش منها حبيت اوى لما زغرت للحراس
هههههههههههههه جبارة البنت دى جبارة
اول ما رفيف قالت ليزن على الحادثة ورد فعله السكر
دانه فرطت ضحك كان عسول اوى وهو بيدلق على طول كده
مش عارفة ليه موقف اهل اياد سميحة وابراهيم وترحيبهم الشديد برفيف
حسسنى انه هيأثر علي تفكيرها فى إياد بالسلب مش بالايجاب
هو محصلش حاجة بس لو فى الحقيقة حسيت انه ألمها منه ممكن يوديها لمكان من اتنين
يا اما تزعل اكتر علشان الحفاوة والترحيب اللى كانوا المفروض يبقوا منه او المكان التانى
انه يثبت لها اتر انها مجرد وعاء لانجاب حفيد للعائلة
مشهد يزن ودانه تحفة تحف تحفة
على العكس منه تعامل اهلها برود وسطحية وتفاهه انا كرهت مامتها اضعاف
ما كرهت باباها احساسى انه باباها فعلا طيب وحنون بس يمكن مش بيعرف يعبر عن مشاعره
علشان كده جامد لكن الام سيئة اوى
طبعا كعادتك فى الرواية دى
حلم ياسين تحفه معبر بشدة عن علاقته بروفان والافكار اللى كانت جواه
الحادث جه فى مصلحة ياسين علشان يسرع من تغييره لكن يقينى انه ياسين ابنى حبيبى
كان هيتغيير كده ولا كده هو بذرته طيبة علشان كده ربنا حط له حد بنقاء روفان
فى طريقه ربنا كريم اوى
سالم وكريمة حبيتهم اوى حبيت عدم خجل سالم من الجوء
لزوجته هو كان عايز يطمن عايزها تحتوى خوفه والمه وطلب ده بكل صراحة
شابوووه للمرة العشروميت الف لأونكل سالم
وكريمه فعلا كانت اد لجؤه لها وعرفت تحتويه (اى نعم هى خربتها بعدين بس مش مهم
مالناش دعوة زوجين واختلفوا احنا مالنا 
) الست روفان هانم اخيــــــــــــــــــــــــرا بعد ما الولد قرب يموت
بدأت تحس انه مميز عندها ومش زى غيره
واخيرا اعترفت انه خوفها منه علشان سيطرته على مشاعرها مش لانه مخيف
ما كان من الاول يا ستنا لازم تطلعى عينه وعينا
تحيز لياسين هو كده
تميم مضى على شهادة جنونه بقرار سفر علياء
هو اللى جابه لنفسه مش هقدر ادافع عنه بالرغم من حبه لها وتفهمه لشخصيتها
الا انه قرر قرار خاطىء جدا ازاى زوجى يكون فى المستشفى وانا اسافر واسيبه علشان اى حاجة فى الدنيا
سوء تقدير غريب من شخصية تميم اللى بتفكر فى كل حاجة بس مش مشكلة
الرجل لسه حضرتك يا اخت ريهام مطلعاه مدشدش 600 حته هنعذره فى القرار الغبى ده
رد علياء على اياد اثبت اد ايه هى بنت اصول وفعلا تتحمل مسئولية بيت واولاد
روعة من هنا لموزمبيق
لقاء ياسين وروفان وخصوصا جملته
هلا أقتربت قليلا؟ لا تخافى لن أحاول لمسك أرعف أن الأوحال تغطينى
ايه وجع القلب ده فظيع جملته دى هى اللى كانت المفتاح
شابوه المرة دى لك يا هومى 
غيداء الطفلة الشقية المجنونة سكر اوى حبيتها من اول ظهور لها
وحبيتها اكتر واكتر وكوميديا الولاده مش عارفه اقول ايه ولا ايه
الاول بوصول رفيف للشقه فى التوقيت ده حضرتك سايباها من 4 5 شهور
والرجل حفى وراكى وبعدين زعلانه لما لقيتى بنت عادى اتجوز
حقه ولا مش حقه 
مش انت اللى سبتيه خخخخخخخخخخ
لا جد عجبنى انه اياد اترك وجرى يفهمها ووضح لها كل حاجة بس مشتوعبتش
زعلها يعنى هى بدل ما تنبسط انه صارحها وبيعبر عن نفسه بوضوح بصيت للنص الفاضى
من الكوبايه وفضلت تفكر انه انا مش مهمة ازاى مش وضح لى قبل كده
ستات غريبة
اتبسط جداااااااااااااااااا بالتؤام بس ايه اساميهم مش قلت لنا
اكيد احساس لا يقدر يثمن انه ولادك يتولدوا على ايديك
مبرووووك يا بابى هتبقى أب حنون وحازم
:يزن خف على البنت حقيقى يعنى زى ما تكون ما صدقت
اللى يشوف الطوب اللى كنت بتحدفه وتكشيرك فى وشها ميشوفكش دلوقتى
يزن اتحول لمغزلجى يا رجالة
ومكالمات نص الليل تشهد 
رفيف كانت قاسية اوى فى رفضها تواجد اياد
انا فاهمة هى ليه عملت كده لكن مش موفاقها عليه خصوصا فى احسن يوم فى حياته
وجعته اوى
خاطرة لامى وهمية تسلم ايديها
طبعا انا مش هعلق على مشهد روفان وياسين فى المستشفى
خلاص علقنا عليه لوحده بالنسبة لى كان الماستر ين بتاع الهمستين
حتى مشهد ولادة رفيف والتؤام معملش عندى نفس التأثير
تطور العلاقه بين روفان وياسين حلو اوى وعرضتيه بسلاسه حبيتهم اوى
وليد خخخخخخخخخخخخخ
اديك وقعت يا مدوب قلوب البنات خخخخخخخخخخ ملقتش الا غيداء هتوريك النجوم فى عز الضهر
بس ايه طلبك طفولية ومتعرفكش ومش مهتمة اصلا ترعفك اشرب ما باشا بقى
سالم ذكى ذكر ذكى عوض اخيرا عدم اكتشافه لمدى
سوء شخصية انجى من بدرى ووقعها فى شر اعمالها تستاهل
اول ما اتهم نفسه عرفت انها هى اللى هتفضح نفسها وبنفسها وقد كان
كنزى سبت التعليق للاخر علشان انا حقيقى شايفة انه يحيى
يستاهل احسن من كنزى ومش قادرة اسامحها على كسرها له
فانا متضايقة منها اوى
انا بالفعل طولت جدا فهختصر فى التعليق على الهمستين التانيين
ياسين نعم الأخ سند وضهر لأخته فعلا
دانه بتثبت ليزن بكل طريقه انها عايزاه هو وبس ويكفيها عن العالم كله
وانه المزرعة هتبقى مملكتهم وجنتهم
منتظرة رفيف هانم تخلص معرضها علشان اشوف التفاهم هيكون ازاى
وهتعويه حضرتك ازاى 
كارما وعبد الرحمن
عمل زىى ما قلت ومش قالها انه فتح من الاول 
جميل عبد الرحمن والله ربنا يسعدكم يا شباب 
لينار وايهاب كوبل تحفة التحف فى تفاهم وتمازجهم
يا سين مفهمتش سبب طلبه لماجى يتقابلوا فى الشقه 
حضرتك اى حاجة ممكن تتحل فى مكان عام تتخبط فى عقلك و تروح بها الشقة لييييييييييييييييييييييييه
سالم وكريمة مبرووووك البيبى يتربى فى عزكم ويغيظ ايهاب اكتر واكتر
بس موقف مسخرة والله يعد بتاع 30 سنة لوحدى يطلع لى اخ ههههههههههههه
يلا يا ايهاب بقى ما انت متعود على مقالب باباك
وليد وليد وليد ليه كده يا وليد تستاهل كويس انها مديتاكش قلم على وشك
ليه يا بابا تتهور كده شوف هتصالها اواى بقى يا فالنتينو
الخاطرة حلوة جداااااا يا سولى
علياء عاد لينتقم ان ان ان ان خخخخخخخخخخخ 
تستاهل يا تيمو انت والست سميحة هتجيب للست ازمة قلبيه
مش كفاية مراته لا استولت على البيت واهل البيت
هنا لازم واقفة تحفة فى درس بسيط وسهل لكل الماميز فى التربية
وازاى تخلى ولادك يسمعوا الكلام اللى هيفيدهم بل يشاركوا فيه ويحسوا
انه هو قرارهم واهم منها ازاى تفهمى نفسية طفلك والطرقة المثلى للتعامل معاه
شاااااااابوه برافو يا ريهام مشهد تحفه
إيلام نهايتها هتبقى وحشة اوى بعد كل المصايب السوداء اللى هى عملتها
يا ريت مش كفاية الطلاق بس عارفة انه اياد رجل ومش هيبهدل واحدة ست
بس ايلام مش ست دى شريرة لازم تاخد فوق دماغها
عجبنى الوجه المسيطر لتيمو لما دافع عن زوجته خصوصا انه عمل كده بمنتهى الاحترام
كتير من الأزواج بيضيع بين زوجته وامه وبيضطر يجى على واحدة علشان خاطر التانية
والدتك لها الاحترام وزوجتك كذلك مش صعب الموضوع
رفيف واياد واولادهم عاملين صورة فى منتهى الجمال
بس لو الست رفيف تحن على سى اياد بيه
ضحكنى جدا وهى بتقوله هتفطر بس 3 حد
سميحة وثريا الأصدقاء اللدودين شخصيات قوية مش سهلة ابدا
والشخصية القوية بتحترم اللى زيها هيعملوا دويتو تحفة جدا
انا كنت واثقة انه هيطلع يحيى تانى فمش قلقت وبرضه لسه مش متعاطفة مع كنزى ومتضايقة منها
نيجى للهمسة 29
او اللى فكراه منها مبروك كتب الكتاب كنزى ويحيى ما دام انت سامحتها
مضطرة اسامحها انا كمان خصوصا انها فضحت نفسها قدام
البشر كلهم
ياسين يومك مش فايت شوف مش انت ابنى وبحبك اكتر حد فى الرواية دى
بس تستاهل تضرب بالشوز على دماغك الناشفة اللى جواها عقل مش شغال 
يعنى وديتها الشقة ولحد لحظتنا مش فاهمة ليه وبعدين تنفذ لها الطلب الغير محترم ده خسارة دروس حفظ القرآن اللى بنت بتحفظها لك
بس اعتقد انه روفان هتقف وترجع وتقرر تساله قبل ما تغضب عليه
او هو هيروح لها يعنى مش هتزعل لانه مفيش وقت نصال عايزين نجوزهم بقى
هو ترتيب الاحداث فى التعليق أكيد مش صح الذاكرة بقى
على حسب ما اتفتكرت خصوصا اخر همستين
الف مبروووووك انتهاء الرواية اللى طلعت طويلة اوى وانا مس اخدت بالى
استمتعت معاهم كلهم وكانوا شخصيات جميلة وخفيفة على القلب
تسلم ايدك يا رب 
ومنتظرينك بالعيدية بقى ان شاء الله
16-05-15, 03:23 AM
رد: رواية .. همس الحواس .. بقلم حسن الخلق .. الهمسة التاسعة و العشرون
(لا تفعليها رجاء)
جديد مواضيع قسم سلاسل روائع عبق الرومانسية
العرض العادي
