السلام عليكم ورحمة الله وبركاته
ازيك يا هومى عامله ايه وايه اخبارك
انا الحمد لله تمام
اكيد و كالعادة الفصلين جامدين رغم انك يا شريرة بتخططى لحاجة هاقولك عليها وسط التعليق
نبدا من عند تميم وعلياءالله عليك يا تميم وعلى مفاجآتك اللى بتخلى قلب علياء يذوب حبا بك انا شخصيا عجبنى جو المرح اللى بينهم وخصوصا ان علياء ابتدت تنسى موقف الدفاع اللى كانت فيه و تنسجم مع تميم انا بعد الفصل دة اقدر اقول ان تميم تمكن من قلب علياء من غير ما هى تحس برافو عليك يا تميم فارس عربى اصيل
ننتقل لياسين اللى رافض التواصل مع من حوله بشدة اصبح منغلق لا مش بس منغلق لا كمان كاره لنفسه ناقص بس انه يحاول يتغير وهو اصلا خلاص حط رجله على اول الطريق اتوقع ان سفره لايطاليا كمان هيغير فيه حاجات كتير و هيرجع انسان تانى خالص طبعا ما انساش ان الموقف مع اصحابه اشعره بغربه اكثر كلهم سعداء الا انه تعيس ودة زاده انغلاقا وانطواءا حتى دانه مش قادرة تخرجه من الحاله اللى هو فيها لدىجة انها لجأت لايهاب لعله يساعدها بس هى مش لجأت له بس عشان يساعدها دى لسه بتقاوم فكرة انحسار وهم حبها ليه اللى عن قريب هيزول تماما ومش هيتبقى غير حبها ليزن الغبى اللى بدأ يطفو على السطح بس هو للاسف بيتصرف بفظاظة لسه مش مدرك انها الجمة المحلقه فى سماء حياته
ننتقل لايهاب و لينار والحربايه اللى اسمها انجى اللى عاوزة توقع بينهم لا و ما فكرتش غير فى دانه انتى عبيطه يا بنتى دى دانه و لينار انتييييم يعنى عمرك ما هتعرفى تدخلى بينهم احلى حاجة فى الموضوع يا هومى ان هى اللى اتكادت واتنرفزت 😝😝😝😝😝😝 احسن احسن
نروح لفرح عبودى الف الف مبروك يا عبودى و عقبال البكارى هههههههههههههههه طبعا انا فستانى كان تحفه تحفه كنت قمر 😁😁😁😁😁😁 لا و البوفيه بتاع عليا كان يجنن تسلم ايدك يا عليا بجد انا كنت جايه من الكليه جعانه هههههههههههههههه الاحداث اللى دارت فى الفرح كلها مثيرة هبدا من عند لينار وحرقه الدم اللى عملتها لايهاب يعنى بصراحة الاخضر ارحم بكتير من الاحمر الاحمر بيفقع المرارة اكتر انا مقدرة شعورك يا ايهاب لك الله يا ولدى على المفتريه اللى بتاجل ارتباطكوا وناويه هى اللى تخطبك هههههههههههههههه
الموقف التانى طنط كريمة وشعورها بالفراغ من ساعة سفر عمو سالم بيتهيأ لى انه اول ما هيوصل و يجدد طلبه للزواج هتوافق على طوووول يلا خلينا نفرح
رقم تلاته يزن بيييه اللى فاضحنا فى الاوساط الصراحة كلمات عليا ليه كانت صحيحه تماما هى رفيف ليها مين تتسند عليه غير اخوها لازم يصالحها صحيح كان تصرفها غلط بس ما ينفعش اللى هو بيعمله دة كلمات علياء ليه كانت نابعه من شعورها بالحزن الكامن فى اعماق رفيف اللى لاحظته ان رفيف بتتكلم مع تميم اكتر ما بتتكلم مع اياد يعنى تميم عارف مشكلتها مع يزن على عكس اياد
نرجع لتصرف يزن اللى شد دانه و هزأها لانها واقفه مع اخته و شايف انها لاتصلح كصديقه لاخته بالله عليك يا راجل دة انت نفسك كاسر اختك منين بقى بتتحكم فى الناس اللى حوليها
رد دانه كان قاطع وشديد و عرفت توقفه عند حده بس دة ما يمنعش ان كلامه جرحها لدرجة البكاء
نروح لكتله العناد اللى اسمها عبد الرحمن خطه طنط ثريا ما تخرش الميه بطريقه ذكية جدا قدرت كارما تحسس عبد الرحمن بالتغيير اللى طرأ على حياته و هو وجودها حوله كالفراشه التى ترفرف حوله و تعطيه نكهة الحياه بوجود الانثى فى المنزل دة طبعا غير انها ابتدت تلعب معاه لعبه الحواس بشكل ذكى جدا خلته على طول متحفز ومستعد لاى حاجة تصدر منها جدعه يا كارما مع الوقت هيتخلى عن عناده بس هما ليلتين كمان زى دى و هيقول حقى برقبتى 😄😄😄😄😄😄😄
نروح بقى للى انا مستنيه اخلص التعليق كله علشانهم اياد ورفيف نبدا من عند مقابلتها لعلياء ولوم علياء الوضح ليها واللى خلها تشعر بالحزن والانكسار لان علياء نكأت الجرح اياد باشا طالما انت حاسس ان رفيف متضايقه من حاجة وفى حاجة قربت تصرخ بكرهها ليها ليه كنت قاعد جمبها فى المطعم بتفكر بدل ما تسألها و تتكلم معاها هى للاسف كتومة ولا تظهر ما يضايقها حتى لا تجرحك والطفيلى هيثم صفوان بيعاكسها وانت ولا واخد بالك انها محتاجاك تدافع عنها ضده وضد ظلم اخوها ليها حتى لما راحت الشركة عشان محتاجاك فاجئتها بغيرتك عليها للدرجة اللى خلتها تكتم جواها ومتحكيش حاجة انا مدركة طبعا لاحساسك انها لو دخلت عالمك ممكن تتلوث بس انت مش بتحاول تدخل عالمها هى وانا برضو اخذ عليها انها ماحكيتش لما سألها وقال انه عاوز يعرف اللى بيدور فى دماغها وسابت نفسها عايشه مع الاعتقاد انه اتجوزها للانجاب فقط
ريلام بتخطط لفضيحة مع انجى عاوزين يضربوا عصفورين بحجر واحد لكن انا اعتقد ان علياء هتتاخد فى الرجلين المشكله مش فى لينار انا مش خايفه عليها هى عارفه عدوها كويس وهتقدر تكشف انجى لكن انا قلقانه على رفيف لانها لاتدرى ما يدبر لها فى الخفاء واللى ابتدته ريلام بالفعل مع اياد باسلوب اقل ما يقال عليه انه منحط غذت عنده اعتقاد خاطئ وراح هو جرى على رفيف لانه المرة دى هو اللى محتاج لها بس هو للاسف ظن انها بتنطق اسم راجل تانى دة مش راجل تانى يا اهبل دة اخوها اللى هى فى مشكله معاه بسببك وانت مش حاسس طبعا الغيرة اشتغلت وصمت رفيف الرهيب اللى هى فيه غذى غيرته طبعا انتى كدة عاوزة اياد يبقى مهيأ للفضيحه اللى ناويه ريلام تعملها عشان كدة باقول عليكى شريرة لا و ما لاقيتييييش حد تستخدميه فى الفضيحة غير هيثم صفوان دة اللى هيخلى الحكايه اسوأ ما اقدرش اقول لك انا متعكنن عليا اد ايه بسبب الموضوع دة بلاش تفترى على رفيف يا هومى مايبقاش انتى واياد عليها ربنا يستر
على العموم اشوفك الاحد القادم على خير واهى فرصه اجازة من الكليه واقدر اتابع on ligne "😆
السلام عليكم ورحمة الله وبركاته