كاتب الموضوع :
حسن الخلق
المنتدى :
سلاسل روائع عبق الرومانسية
رد: رواية .. همس الحواس .. بقلم حسن الخلق .. الهمسة الثانية عشر
عزيزتى هومى
السلام عليكم ورحمة الله وبركاته
ازيك عامله ايه اتمنى تكونى بخير
طبعا انا مش محتاجة اقول ان الهمستين روووووووووعه
اولا اياد انتى وعدتينى ان طريقته فى اخبار والديه بزواجة هتفاجئنى وتعجبنى ودة اللى فعلا حصل كان ذكى جدا وطلع فاهم ريلام كويس مش زى ما انا كنت فاكرة فى الاول بصراحة هو وقعها فى شر اعمالها وفضحت نفسها بنفسها صاحبه التجاعيد الشمطاء ( كفايه صراخ بقى صوتك جبلى صمم كفايه لا وشك يكرمش ) هو ضرب عصفورين بحجر واحد خلص من ريلام وفضحها وخلا والديه يتقبلوا فكرة زواجه الثانى
كان نفسى يكون موجود هو ورفيف فى رحله اليخت
الصدفه اللى جمعت ايهاب بلينار و تميم بعلياء اسعدتنى بشدة نبدا بتميم وعلياء انا كنت حاسه وانا متابعاهم انهم عاملين زى توم اند جيرى خصوصا لما هديوا ووقفوا يراقبوا الغروب وعجبنى جدا تعليقات ايهاب و ياسين المرحه عنهم خصوصا انجلترا و فرنسا اعلنوا الحرب لا هما ان شاء الله هيبقوا حلفاء تميم فاهم علياء كويس وبصراحة هما لايقين على بعض جداااا ابدعتى بجد يا هومى فى المشاهد بينهم وكان جميل جدا تميم لما كان بينصح ناجى اعتقد ان دى نقطه تحتسب له عند علياء و خلتها تغير فكرتها شويه عنه
لينااااااار حبيبه قلبى اعترفى بقى انت بتحبى ايهاب وبتموتى فيه بدليل الغيرة يا لى لى كفايه مكابرة بقى اعترفى دة انتى كنتى هتولعى فيه ببنزين لما شوفتيه قدامك ارحميه شويه و اعترفى بمشاعرك
دانه لم تشعر بالغيرة من وجود لينار مع ايهاب معظم الوقت هى متوهمة انها بتحبه كنت خايفه عليها لتنكسر لما تشوفهم مع بعض اعتقد ان دانه برضو زى ياسين مش فاهمة نفسها كويس بس على الاقل بتعترف باحتياجها للحب عكس ياسين
ايوااااااااا ياسيييين كلمات ايهااب دلته على الطريق اخيرااا بقى اخيرا يا اخى ياه تعبتنا معاك يا يا راجل صحيح انت استفزتنى جدا لما طلبت رقم تليفونها خلاص سماح المرة دى لما كان قاعد مع عمو مهدى وعبد الؤحمن كان صريح بس صراحته كانت زيادة حبتين لما اعترف انه بم يفتقد العنصر النسائى فى حياته ليه حق عمو مهدى يخاف عليها من الحجر اللى كان قاعد ادامه بس مين يقدر يلين الحجر غير رقه روفا
اللى رفضت لاسباب منطقيه مشهده مع ماجى وكئوس الخمر ضرب فى دماغى اول ما قرات رفضها بس هى ما قدرتش تتكلم على دة ادام اهلها كانها عندها امل يتغير عبد الحمن كان متوقع رفضها هو عنده بصيرة قويه جدا فى رحله اليخت ادرك خوفها من ياسين وكان قلق عليها منه ودة يدل على انه فهم شخصيه ياسين من اول مقابله وادرك اعجابه بروفان كأنه كان شايف نظراته نحيتها بس بصراحة ياسين كان واثق جدا انه عريس لقطه ما يترفضش بدليل انه قال لاصحايه وكان ناقص يتفق مع المأذون وهو قاعد ويحجز قاعه الفرح كمان نفسى اشوف شكله قوى لما يعرف انها رفضته اكيد هيبقى عاوز يعرف السبب
برضو من المشاهد اللى عجبتنى جدا فى رحله اليخت عبدو و كارما كانت بالنسبه له عنيه وضفت له المشاهد بطريقتها الرومانسيه وبالطريقه دى ابتدت تدخل شويه قلبه حس بيها بقى يحس بيك ربنا ليه احبطها كدة لما سألتك عن الجواز هل هو فى قرارة نفسه حاسس بفقداانه لبصره؟
نرجع لاياد و انتشار خبر زواجه فى الشركة طيطبعا انا عارفه الكلام اللى ممكن يتقال عن رفيف فى الحاله اللى زى دى وكمان نظرات علاء كانت طبيعيه بالنسبه لواحد فقد البنت اللى بيحبها بس على ما اعتقد هو اضعف من انه يعمل حاجة او ممكن للاسف يعمل ممكن مثلا يساعد فى تدمير الشركه بانه يشتغل جاسوس لاعداءها خصوصا ان فى الفترة دى اعداءها كتير وكلهم ضد قرارات اياد ربنا يستر
لكن اياد بدا يحس بالقلق من انه يفقد زوجته خصوصا ان زواجهم غير قائم على الحب عشان كدة عايز يحس بالتملك نحوها بعد ما شاف نظرات الكره من علاء
نروح لكنزى لخير اخدت قرار مبنى المرة دى على العقل مش القلب بس ليه ما خليهوش كتب كتاااب خلينا نفرح وبعد البتمهندس شكله مستعجل عموما رينا يوفثهم للى فيه الخير استأذن انا بقى عشان المذاكرة
السلاة عليكم و رحمه الله وبركاته
|
11-03-15, 02:56 AM
جديد مواضيع قسم سلاسل روائع عبق الرومانسية
العرض العادي
