السلام عليكم ورحمة الله وبركاته
وحشتينى هومى من الاسبوع اللى فات انتى وكل متابعاتك القمرات
واخيرا نزلت الهمسات الجديدة-الاسبوع طويل قوى يا هومىمش بيصبرنى عليه غير الاستمتاع بالتواصل معاكى ومتابعه الردود الرائعة للبنات
ونيجى لابداعك فى همسات الاسبوع ده
اول ما حملت الصفحات اتصدمت بصورة للحقنه تلقائى كده قلت يععععععععع بس بعدها انشكحت اخر انشكاح لو كنت قدامى ساعتها كنت بوست راسك صراحة بردتى قلبى فيها الباردة عديمه الاحساس(هيا صالحنى اعرف انك تريد ذلك)
لقيت نفسي استعيد كل الشتائم التراثيه المعروفة واللى اندثرت كمان وعبارتها دى بالذات فكرتنى بجارة جدتى -رحمهما الله- روحى يا بعيده الهى يتصلح بيكى فرن حامى يصهر لحمك قبل عضمك ويلموكى شويه رماد يدعكوا بيه النحاس
الصراحة لقيت الدعوة التراثيه العميقة دى تقفز الى ذاكرتى وبدأت تعجبنى جدا الفكرة بس مش للحقنه لوحدها
لا كمان لاختها واللزقة نجى وفوقهم ايهم اللى ارتحنا منه الحمد لله الاسبوع ده

اما موقف ابو اياد فكمل استمتاعى لاقصى درجة ونظرة الاحتقار بتاعه طنط سميحه يا جمالها
عجبنى تقبل ابو اياد لزواج ابنه ودعمه فى قراره رغم انه اكيد دعمه ده بسبب ان نفسه فى حفيد وموجوع لان الحقنه حرمنه منه وقتلته بقلب بارد فبالتالى تقبل رفيف وكمان طلب يزور امها
بس انا ملاحظة ان ده الجانب اللى شاغلهم ومش حاسين بان ابنهم مكنش عايش حياه اسريه سويه بالرغم من ان حياتهم- اقصد سميحة وابراهيم-لاتفتقدالود ولا الحب
اعتقد انهم لما يشوفوا حياة اياد تغيرت مع رفيف هيحبوها وهتتقبلها سميحة اسرع وتعاملها من غير تحفظ

اما عن اياد
لعبها صح وبذكاء رجل اعمال شاطر عرف ازاى يخدم اهدافه فاستثار جنون الحقنه حولها لهيستيرته حمقاء وبعدين كشف جريمتها لاهله عشان يضمن دعمهم لزواجه ترتيب مثالى لرجل حاد الذكاء رتب وخطط ونفذ باحتراف
ممتاز


ويلا جرى على الرحلة حيث الماء والهواء والوجه الحسن-والاهم اكل لولى اللذيييييييييييييذ-
وزى كل مرة يظهر بودى حبيب الملاين لازم نمدحه بلا كلل ولا ملل انسان متفهم اعجبنى حرصه على اخواته واحساسه يبهم اولا لانه محبش يحرمهم من رحله ممتعه -رغم احساسى انه بس راح عشان خاطرهم-
ثانيا احساسه بكل واحده فيهم رغم انه كفيف الا ان بصيرته اقوى من كثير من المبصرين -عندي شك قد يصل لليقين انه مش بس حاسس بروفا لا كمان عليا ولى لى وانه تدخل فى حالة روفا لانها الاصغر والارق كمان الطرف التانى مش سهل
يعنى اكيد الحمامه البيضاء الرقيقه تحتاج لدعم فى مواجهة النسر القناص
اما النمرة والشعله فهو موقن من حسن تصرفهن
الجميل فى شخصيه عبد الرحمن انه السند والحامى من بعيد لبعيد لايتدخل الا عند الحاجة مع ترك الحريه الكامله للبنات ومنحهم فرصة التجربه والتعلم واحساسي كده انه هيكو له دور كبير مع روفا فى موضوع ياسين


عليا وتميم
تعجبنى جدامشاغبات الثنائى ده تميم حدد الهدف وخلاص مؤشر بوصلة قلبة حدد لولى هدف بس لولى لسه عايشة مرحلة الانكاروطبيعى لن تسلم قياده بسهولة فهى مهرة جامحة تحتاج لصبر وخبرة فارس محنك
واعتقد ان تميم بيلعب الدور ده بجدارة-لغاية دلوقتى- بيعرف على اوتار قلبها باحتراف عالى وده كان واضح جدا لما وصف اطباعها بسلاسه
عجبنى تفهمه لمشاعرها البكر ومساعدته لها للسيطرة على نفسها
بجد يا هومى ابدعتى فى المشهد ده ووصل لقلبى مباشرة لدرجة انى عدت قرايته اكتر من مرة برافو برافو برافو


لى لى وايهاب
علاقتهم على اليخت اخذت الجزء الاول من اسمها لين وتفاهم وتقارب محبب وبعد الرحله تحولت للنص التانى نار متأججه والبركة فى العابث الكبير سياده السفير



كنزى
بدأت تستعيد نفسها وتلملم شتاتهاوساعدتها كتير الرحلة



دانه
اعتقد انها فى طريق تقبلها لعلاقة لى لى وايهاب وما ان يظهر الحب الحقيقى فى حياتها حتى تتخلص نهائيا من وهم حبها لايهاب


ياسين وروفا او الحمامه والنسر
مازال ياسين يمارس سياسة الانكار وحتى مع عرضه للزواج من روفا اعتقد انه نوع اخر للانكار ظنا منه انه سيتخلص من تأثيرها عليه لو تزوجها فستصبح كغيرهاوتتلاشي حاله السحر اعتقد ان تعلقه بيها مسبب له ازعاج كبير يظن ان سيتخلص منه بالزواج
اما روفا فهى عايشه حالة خوف منه ومن مجتمعه وعادته المنحله-سورى على اللفظ بس ملتقتش غيره مناسب-
ومع ذلك له نصيب فى اقصى مكان فى قلبها والا لما تردت فى اخبار اهلها بنمط حياته وسيكون رفضهم حاسم ساعتها
(اعتقد عبد الرحمن له دور مهم قادم مع روفا)

العمه وسياده السفير
وجه اخر لحكايه تميم وعليا مع فرق ان سالم مشاغب اكتر وذو خبرة رهييييييبه بالجنس اللطيف(خبرة 8 جوزات مش شويه)
اما علاقة سالم بأبنه علاقة استثنائية رهيبه كل مشاهدهم سوا اكتر من رائعه

اخيرا هومى استمتعت جدا بالغوص فى اعماق همساتك اهم ما يميزهااهتمامك بالتفاصيل بطريقه تجعلنا نعيش الحدث باستمتاع بعيدا عن الملل يعنى باختصار استخدامك للتفاصيل روعة لاهو الموجز المخل ولا الطويل الممل
كمان اختيارك للصور رااااااااائع بيعطينا فكرة عن المضمون قبل القراءه بتخدم هدفك صح
يعنى مثلا الكريهين بيوصلنى احساس الاشمئزاز -بالرغم من جمال الشكل-
وهكذا مع كل صورة
اما بالنسبه للخواطر فتحياتى للساحرة الصغيرة سامحينى حبيبتى كل مرة انسى اعبر عن اعجابي الشديد بقلمك خواطرك غايه فى الجمال متحرميناش منها وننتظر منك المزيد
وفى الختام استودعكم الله الذى لاتضيع ودائعه
دمتم فى امان الله

حبيبتي حسن الخلق لكي اجمل تحية واروع باقة ورد و مني من صميم قلبي
انا بحب كل رواياتك مدمنة عليها بجد روعة اغرمت بدمعات القمر و احببت جدا تسرقين القلب اما لن انكسر ذي تحفة بحد ذاتها صراحة كل كتاباتك جميلة جدا قلمك راقي و طبعا روايتك الجديدة حتكون مذهلة زي معودتينا دايما و حتطلع روعة و مكسرة الدنيا ان شاء الله اتمنى لكي كل التوفيق اختي
المزيد من التألق و النجاح

شكراااااااااااااااااااااااااااا