السلام عليكم ورحمة الله وبركاته
ازيك يا هومى عامله ايه اتمنى تكونى بخير وصحة
اول حاجة يا ريت تعذرى ردى المتاخر جدا بس ظروف دراستى صعبه جداادعى لى
نبدا من عند اياد و رفيف الحمد لله ان العربيه ماخبتطهاش دة ستر من عند ربنا بس برضو اياد المفروض يعذرها شويه اللى هو قاله ليها مش هين خالص خالص بس هى صدمتها ما عقدتش لسنها وتهكمت عليه لتذكره اسمها حتى الان برافو عليكى اصلا هو استفزنى جدا لما سالها عن اسمها لس انا استغربت ان اياد ما قالش حاجة لوالده لما ساله اذا كان فى مشكله بينه وبين ريلام بس هو اكيد مش عاوز يقلقه بس السؤال بقى ماقالش ليه انه هيتجوز هو ناوى يتجوز رفيف من ورا عيلته ولا ناوى يحطهم امام الامر الواقع الموضوع دة قالقنى ربنا يستر
نروح بقى لعلياء عجبنى جدا ان شغلها بيزدهر بسرعة وباين كدة ان مامتها اتفاجئت بدة كانت فاكراه لعب عيال مع ذلك لما شافت جديتهم اقتنعت لكن هى ما تخلتش عن فكرة العريييييس ظهور تميم فى حياه علياء شئ متوقع لكن الشئ الحلو فى الموضوع انهم لايقين على بعض اوى وكمان علياء قلبها ابتدا يدق ايوة بقى تميم ابتدى يقتحم الموضوع بدون تردد هو عارف كويس هو عاوز ايه و بينفذه بطريقه مدروسه كويس بس خد بالك يا تميم علياء مش سهله وهتطلع عنيك لا لا واضح انهم هيطبعوا عينين بعض
نروح لكنزى انا شايفه انها عاوزة المرة دى تفكر بعقلها مش بقلبها عشان كدة وافقت تقابل يحيى واللى عرف يدخل عقلها بسهوله لانه من النوعيه المقتحمة اللى لما بتبقى عاوزة حاجة بتعملها هو عجبنى اكتر من ايهم اللى واضح ان كنزى مش طايقاه وعاوزة تخلص من اى اثر لحبه ممكن يكون موجود فى قلبها وبالمرة تنتقم منه على اللى عمله فيها ايهم مامته ممشياه جدا وبتغير من كنزى موت رغم انها كانت المفروض تعتبرها زى بنتها
يحيى قدها وقدود هيقدر ينسيها ايهم واللى جابو ايهم لو عاوز واهم حاجة ان كنزى تقبلته ودى بدايه طيبه من ناحيتها
نتنقل لروفان وياسين لسه ياسين برضو مش فاهم بس هو عارف انها بتخاف منه و الموضوع دة مضايقه روفان كانت صح جدا لما انتقدت تصرفاته ايدة اللى حولين ماجى كئوس الخمر كلها حاجات هتخليها تبعد عنه اكتر المستفز انه لاحظ انها قربت منه شويه و لما شافت الوضع دة اتضايقت و هو مش عارف من ايه
انت وصفتى ياسين يا هومى انه جبل جليد سيبيرى لكن انا باوصفه انه بركان خامد ماتتوقعش امتى هيثور بصراحة شخصيته خطيرة اوى دة حتى دانه مدركة لخطورة شخصيته وعرفت ان دانه وياسين عندهم نفس مشاعر الحاجة للحب اللى ما حصلوش عليه من عليتهم بس النتيجة عليهم كانت مختلفه خلت دانه شخصيه منطويه على نفسها حاسه ديما بالوحدة وخلت ياسين شخصيه جافه جامدة ماتعرفش المشاعر ولا بتعترف بيها رغم احتياجه الشديد وتوقه للقليل من الحب واللى مستخبى تحت قناع الجمود والشخصيه المحبه للنساء هو نفسه لسه مش فاهم نفسه بس زى ما قلت قبل كدة بكرة يفهم
نروح لايها ولينار اولا انا عجبتنى خاطرة الساحرة الصغيرة جدااااااا لانها روعة فى حد ذاتها وبتوصف احساسهم وشخصياتهم بدقه كبيرة
اما ثانيا فباين ان ايهاب خلاص غرق فى بحر الحب حتى اذنيه لدرجة انه بيتحجج بعمو سالم عشان يروح يشوفها
اما لينار رغم منطقيه اللى قالته اختها عن علاقاته المكتوبه فى الجرايد ورغم اقتناعها الداخلى بصواب راى روفان الا انها بتكابر
ايهاب نجح فى انه يحصل على صداقتها وهما قاعدين يعملوا الطيارات الورق كانوا عاملين زى الاطفال الصغار ويا عينى على ايهاب عمره ما عمل طيارة ورق ولعب بيها ( على فكرة انا كمان عمرى ما لعبت بطيارة ورق وحاسه انه فاتنى نص عمرى عشان كدة 😭😭😭😭😭 )
بصراحة انا كنت متوقعه ان عمو سالم هيعجب بلينار رغم انها قد بنته وهيحاول يثير غيرة ايهاب عليها لكن ما توقعتش ابدا ان عمتو كريمه هتدخل فى الصورة وانه هيعجب بيها هى
اهاب اترعب لما شاف نظرة عنين والده بس انا احب اقول له لا يا ايهاب عمتو كريمه غيى دى اللى هتوبه
همستين رائعتين هومى
منتظرة القادم فى شوق
السلام عليكم ورحمة اللى وبركاته

كل الشكر لك على الفصلين كتيررر رائعين .. موفقة