اولا و قبل كل شيء اشكرك على البارت التحفة،صراحة كان هايل بزاف و درك تشابكت الخيوط مرة تانية و ماندونش تتحل الا بعودة رائد،استغربت كتيرا ردت فعل قمر بعودة ابيها الغير متوقعة و لدرك مازلت نشك في ابيها مانيش عارفة علاه راني كارهاتو بهذه الصورة،رغم واش دار مع قمر ليحميها يبقى هو تاني جزء من مأساتها تشاركو طبعا عيناي التنين و زوحها لكن عقاب الله كان اقسى مما عاناتو قمر بسبب كرههم لها،الحاجة الي مازلت مافهمتهاش هي علاش أب قمر ماسفرهاش لعند اختو قبل ما يدخل للسجن و نحن عمبلنا بلحاكم منصب كبير كان قادر يسافر بيها عند اختو او حتى يجي زوج عمتها و يأخذها معاه،مانيش عارفة حاسة انو حاجة ناقصة في الموضوع ان شاء الله نفهمها مع باقي الفصول،فرحت بزاف بشفاء قمر و ماحطيتهاش راه تنسى او تتنسى رائد بهذه السرعة هي عندها الحق في رفض رائد لانو الي عملهولها ماشي بالامر الهين لكن هي تانيك تشاركت معاه،وكيما نقول ديما الصراحة و الصدق اساس السعادة،من ناحية اخرى عجبتني صراحة نوران كيما خبرتها بانها اخذت مذكراتها لعند رائد بصح بعد ايه؟؟لوكان صارحت نوران قمر بهذا قبل الزواج كانت قدرت قمر تصفي حسابها مع رائد و دورك pour moi اصابع الاتهام تتجه نحو نوران في رأيي الخاص لانها الوحيدة اللي دمرت حياة قمر مع رائد أولا كيكانت قمر في الانترنيت و لا لما تزوجت قمر برائد،من جهة اخرى حزينة بزاف على جال رائد مانيش حباه يعيش بعيد عن قمر بعدما كشف غباؤو و انها يموت عشقا لقمر،بصحي حاسة انو راح يكون عندو دور مهم في التخلص من العصابة اللي تركض ورا قمر و ابيها مانيش عارفة مي حاسة انو رائد راح يتخلص من العصابة بطريقة ما و يرجع لحبيبته من جديد و يعيشوا السعادة الابدية،ههههههههههههه هذو افكار من عقلي الباطني،واخيرا عندي 3 اقتراحات وان رايحة تكون قمر هم في الحقيقة اشخاص يحبوها بلاكش تكون عند انوار،مريم أو جدة رائد و عندي خيار اخر مستبعد نوعا ما و هي انها ترجع الى بيت خالها مكان تعاستها،والله أعلم،برودة شوقتيني للنهاية و الفصل الجاي عندي بزاف احتمالات في مخيلتي بصح مانيش عارفة كيفاش نصيغها،و في الاخير استودعك الله الذي لا تضيع ودائعه و الى الملتقى ان شاء الله،احبكي كثيرا و موعدنا ان شاء الله بعد 4 ايام من الان،هههههههههههه،حتى كيما البارحة درت تحدي و قلت نسهر و نقرا البارت و نكون اول واحدة ترد لكن ماقدرتش كي ولات الواحدة نتاع الليل بتوقيت الجزائر سافرت لدنيا الاحلام،هههههههههههه،ماطوليش علينا حنونة راني نسنا فيك بفارغ الصبر je t'aime