السلام عليكم ورحمة الله وبركاته
مساء الورد ()

ومازال الثنائي بنفس الحال
يتقدمون خطوة ويرجعون ألف!

رائد.‏
أيش كنت تتوقع بعد جملتك " أريد طفلًا " واللي كانت حقيرة بدرجة ما تتحمله مريضة مثل قمر! هو صحيح ما كان يقصد بجملته غير - الحكي - لا الفضفضة ولا الإرادة الفعلية - حاليًا على الأقل - بس قمر فهمتها منه غلط! نطقها لحظتها في معمعة سحره وحبه لها وما تحلى بالحقارة عشان يحرّها او يذكرها بهذي النقطة اللي يتمناها كل زوجين أو انه يقصد وده وهي بمرضها تمنع تحقيق اللي يتمناه.
وطبيعي جدًا أثنى عاشقة وإن كانت مريضة راح تسوي اللي سوته خصوصًا مع علاقتهم المتذبذبة*
والسبب الأول إنها تخاف يتزوج عليها بحكم غيرتها الفطرية وعشقها له، والثاني فطرتها في شغف استشعار الأمومة، والثالث والأهم إنها تبي تحقق اللي يتمناه رائد فوق كل شيء
لكنها غفلت عن فكرة اكتشافه لها اللي ما فهمنا شلون كان، وغفلت عن شيء اهم بغباء وهو انها مدركة ومستسلمة لموتها القريب . . فلو حملت وماتت بعدين وش وضع طفلها اذا ولد قبل موتها؟ هذا اذا ولد قبل موتها طبعًا.*
غيرة المرأة دايم تغطي على عقلها وتخليها انسانة تتحكم عاطفتها فيها.
ردة فعلها يوم شافت سلوى مُتوقعة، انسانة كانت تعذبني، تحلق شعري، تحبسني والكثير الكثير. بسامحها بسهولة بس لأنها تشوهت وأنا صرت من أجمل ما خلق ربي؟ لأن راسها ما صار فيه شعرة وأنا شعري لنص فخوذي؟ وش كانت تتوقع بالله وهي سلبت طفولتها وأحلامها؟ حتى رائد كانت تمنعها تشوفه وهو الشخص اللي كان يسليها ويهوّن عليها.*
قدومها كان بوقت غلط، وبشكل غلط ووقح كمان، كان لازم تنتظر أكثر، مافيه شيء يخلي قمر تسامحها حتى ولو كانت حرقت وصار لها اللي صار. ممكن من بعيد لبعيد تشوف حالها وتبدأ تشفق عليها وتفكر تسامحها. بس بهالطريقة اللي كانت هجوم في نص البيت؟ أكبر غلط سوّته.
بس أقل شيء كان ثمرة هالهجوم تفكير رائد بانتقالهم وهالمرة بجدية.‏
‏
زود عن غلطتك يارائد بجملتك هذيك ابتعادك بهالفترة، توّك توّك بسم الله عليك تنام معاها وانت شبه عارف انك دواء كوابيسها ومصدر أمانها، وش لك تروح من غيرها؟ أقل شيء علمها انك ودك تروح قبلها! وش كنت متوقع صورتها وهي تدري من اختك وبعد روحتك؟
هو ابتعد، بس كان بنيته يحميها منه بس بهالمرة بطريقة غبية جدًا وبوقت غلط.‏
نجي لاهتمامه وعصبيته اللي سببه خوفه وقت عرف انها ما تحافظ على ادويتها عشان تحمل، واضح وضوح الشمس خوفه عليها عشان تجي الذكية الثانية وتقول " شفقة "*
ملينا من هالشفقة يا ست قمر بس مشكلة عقلك مقتنع انه يكرهك، وإن الشخص اللي يكره راح يشفق فقط، لو كان يكره ما كان خاف ولا هاوشها عشان اللي تسويه بروحها، كان بيقولها تعالي اخذك للمستشفى ولما ترفض يقولها ببساطة " بالطقاق "، فيه فرق بين انه يكون لك مكانه عنده وبين الشفقة.
عجبني مشهد مكالمته مع اخته مريم، ياذا الرائد عليه طلعات عجيبة وغيرة مرات تخليني افكر وش اللي داخل راسه، اجل بتلبسها عباية قدام الحريم بعد؟ ههههههههههههههه

قمر راح يكون لها دور في لم شمل مروان بحبيبته، دامه لا هو ولا هي تزوجوا فراح نفرح فيهم قريب.*
وهالمروان طبعة معفن الله يستر وأنا أقول وش اللي مجنن رائد عشان يرفض روحتها.
قمر راح تستقبله بالبرود في البداية بس شوي كذا وراح تطلع دمعاتها اللي لا يخلو جزء منها.*
وأما عن سالفة روحتها لعمتها فهي باختصار ما تقوى، راح تصر مرة ومرتين بس آخرتها بتجلس معاه، مو هي الأخت بتموت فأكيد ودها تعيش آخر أيامها عنده. *‏
جرحها كان كبير باللي سوّاه رائد وتركه لها وهي في حاجته، طبعًا من بعد ما ظهرت عينا التنين ونامت الليالي في أحضانه كان لازم تنجرح بهالشكل منه بس هي مردها تسامحه لأنها ببساطة تبيه والا ما كانت حزنت لبعده شهرين.

شكرًا على الفصل ونبي ثاني اليوم لووول*
امزح بس عشان بكره الخميس لازم تعطيني هدية عشاني كنت بهالأسبوع مضغوطة بامتحاناتي وبفرح بالويك اند :P
شهودة يا قلبي، وأنتِ لازم كل تعليقاتك الطويلة تنحذف؟ في روايتي وهنا بعد؟ المشكلة نفس النصيحة اكررها لك وما تستفيدين، ليه ما تنسخين الرد قبل يا ستي؟ أجل هذي العاقبة بس مشكلتك ما تتعلمين ~_~

ههههههههههههههه كذا عيني عينك تسرقين ردي؟
ماش، حلالك يا بعدي :*

بالعكس فيه احتمال كبير تجمع بينهم
وأكيد طبعًا ما ظهرت قصة مروان الا والطرف الثاني وهي حبه راح تظهر ونستمتع بالموالقف وياهم
وبعدين مروان حالته صعيّبة لازم نجيب له حل سريع وزوجة تسكت تعبيره عن الجمال. واضح ما يعرف يمسك لسانه هالشايب ~_~
منتظرين رائد وخاله يجتمعون، عرفنا ردة فعله تجاه سلف اخته بس وش بيسوي مع خاله؟