كاتب الموضوع :
برد المشاعر
المنتدى :
القصص المكتمله من وحي قلم الاعضاء
رد: منازل القمر ( الفصل العشرون)
السلام عليكم ورحمة الله وبركاته
مسائك ورد برد المشاعر*
وبسم الله عليك من برودة المشاعر وش هاليوز يا ستي :(!
عمومًا نجي للمهم
من فترة أتابع وياك هالروايـة الحلوة بعد ما عرفتها من الجميلة شهودة
قبل لا أعلق عن الأبطال ودي أعطيك نصيحة صغننة
ركزي في اللغة شوي، اسلوبك جميل وخفيف بس مرات وأنا أقرا أتشتت بسبب اللغة اللي مرات تنزلقين بتركيزك عنها وتخلينها - غير متسلسلة -. وأنا بطبعي أول شيء اقيمه في الروايـة هو جمالية اللغة.
أحب بساطة أسلوبك، مع اني من الناس اللي تحب الوصف العميق بس مع ذلك انجذبت لروايتك.*
رائد. هالإنسان مع كل اللي يسويه ما أقول عنه متناقض ولا ألومه! تكوين شخصيته/كبرياءه/طبيعة تفكيره.. إلخ تحكم عليه ردود أفعاله.
لذلك مالنا أي حق نلومه على اللي يسويه لأن شخصيته كذا وما ننسى ان الظروف المحيطة تأثر بردات الفعل
لو كنت مكانه مثلًا ما كنت سويت اللي يسويه، ليه؟ لأن شخصيتي مختلفة تمامًا عنه وظروفي وحياتي كلهم مختلفين وهنا نجي للمنطق في السالفة بأكملها.
هو انسان لفَظه ابوه من حياته،عاش منبوذ ولما حب تركته حبيبته عشان ثاني، أيش نتوقع منه بعد ما تركته وفي النهاية يتزوجها؟ يكشف حبه لها مثلًا؟ ينسى الماضي وهو اللي طبيعته ما يسامح بسرعة؟ يسألها؟ طيب وطبيعة كبرياءه؟*
حتى لو هو سمعها تنطق بحبه، السالفة اللي في عقله ناقصة ويبيلها تكملة. طيب ليه تركتني؟ ممكن يكون بالفعل عشان حبيبها بس في النهاية رجعت وحبتني الحين!*
يعني أيش كان بيسوي مثلًا؟ يفرح وينسى اللي سوته وهو ما يدري بالسالفة كاملة؟*
صعب جدًا على رجل مثله ينسى بدون ما يعرف القصة كاملة مثل ماهو صعب علينا احنا. طبيعتنا مختلفة عنه، ممكن نتجاهل الموضوع ونتماشى معاه بس ننسى ونسامح بسرعة واحنا ما ندري بالسالفة اصلًا!! أكيد لا.
اما بالنسبة لقمر.*
زود ما شخصيتها سلبية بس أيضًا عاذرتها. احنا البشر لما نكون مثلًا بين عائلة تحبنا وتأوينها، بس فجأة صار موقف قوي بدرجة كبيرة كان تصويبه على النفسية فوق كل شيء بنتأثر ولو طلعنا من هالتأثير بيكون بعد وقت وبمساعدة شخص نحبه. طيب وقمر اليتيمة اللي ما كان عندها أحد؟*
هي في الأخير - تحاول - تكون قوية ولو انها ما تنجح بهالشيء لأن الماضي متواجد في الحاضر بكل الحالات. لكني اشمأزيت من تفكيرها عند مرضها، يا ستي ما يسوى ترى الحياة ما توقف على ناس ذبحوا رغبتنا فيها نروح ننتحر بطريقة غير مباشرة!*
تفكير سلبي مُقرف صراحة، خلينا من الدراما حتى الناس المعتلين عقليًا يخافون من الموت وهم في مستشفى المجانين وأنتِ؟ كذا استسلمتي؟ *
أتقزز من الناس اللي تفكيرهم بهالإنحصار، والمشكلة بعد كاتبة! عذرناك في حزنك واكتآبك بس كونك كاتبة ليه ما تفضفضين مع الورق؟ الكتابة تزيل شحنات كثيرة وينك عنها بس -_-
هالإنتحار العجيب راح ينعكس عليها أخيرًا بشكل من الأشكال وراح تلاقي نفسها ندمانة وخجلانة من عمرها
ورائد مصيره يعرف وينقذها من اللي بتسويه. كان المفروض تفهم ايحاءاته وتنتبه انه يعرف باللي سوّته في الماضي، المفترض كاتبة مثلها تكون نبيهه وتنتبه لهالأشياء بس يا شين الحب لما يكون بطريقة تضعف الشخص بهالطريقة.*
تعليق سريع عشان ارجع لجو المذاكرة الي تركته عشان احط لي بصمة هنا
لي عودة بتعليقات مفصلة في الفصول القادمة اذا ربي كتب.
تحياتي لك ()
|
09-03-15, 07:12 PM
جديد مواضيع قسم القصص المكتمله من وحي قلم الاعضاء
العرض العادي
