رواية الناس في بسمة المجروح مخدوعة كم بسمة وراها النار بأنفاسي

وعليكم السلام والرحمة

حياك الله أختي

موفقة يا رب.

لي عودة بتعليق بعد القراءة.

لك ودي
أختك ميمي



°•○اللهم أغفر لي هزلي وجدي، وخطئي وعمدي، وكل ذلك عندي○•°

عدنااا


بصراحة أعجبتني

بعترف أنا ما لي مدة طويلة بقرأ روايات بس اسلوبك سلس وعندك حس صادق أوصلي المشاعر وعيشني جو شخصيات روايتك .

أتأثرت لكوثر ومعاملة زوجها الخائن لها

وتأثرت لفاطمة اللي حاسه إنها متل ساندريلا ومعاملتهم القاسية لها .

أتوقع اللي شافها بكون إبن أخو نسرين وهو فهم الموضوع غلط .

بداية حلوة وبإنتظارك لنتعرف على التطورات.

نصيحتي إنك تنزلي بإستمرار .. مداومتك على التنزيل وإلتزامك بجيبلك متابعين وبزداد تفاعل القراء معك.

يعني لا تيأسي من قلة التفاعل في البداية، فبسبب إنقطاع الكاتبات عن إتمام رواياتهم خلى عند معظم القراء فوبيا من الروايات غير المكتملة ولكن إلتزام الكاتبة بخلي عندنا ثقة وبعلقنا أكتر فيها .

تقبلي مروري وخالص ودي




°•○اللهم أغفر لي هزلي وجدي، وخطئي وعمدي، وكل ذلك عندي○•°

البارت الثاني
استيقظت من نومها مفزوعة
:بسم الله الرحمن الرحيم اللهم اجعله خير يالطيف
التفت عليها بخرعة:يمة شفيك
جليلة: لاييمة بس شفت حلم مزعج
رائد:ششفتي يمة
جليلة وبدت تنزل دموعها:شفتها شفت اختي تبجي ردني للكويت الله يخليك يارائد كفاية بعد ابي اروح لها
رائد في نفسه وشلون راح تتقبل الموضوع اذا هذا حالها :يمة انتي صار لك 15 سنة ماطبيتي لا السعودية ولا الكويت يعني انتي اشدراك اذا كانو لسة موجودين بهالدنيا
صرخت عليه: لا اقولك حاسة يولدي حاسة انها عايشة اشوفها بحلمي تبجي وتطلب مني اساعدها وبنتهت وانتشلهم من العذاب تبيني احمي بنتها آنا يولدي ابيك تتزوجها لي رجعنا لم الكويت
رائد:واذا ماكانو في الكويت يمة شالسواة انتي تعرفين انة امها سعودية يعني شي طبيعي تكون في السعودية
جليلة بشك:رائد انا اعرفك لين بك شي تحجى تعرف شي عن اختي وساكت
رائد توتر : ابد يمة بس ارجوك اهتمي لصحتك منشان تطلعي خلال الاسبوع القادم طيب يمة؟
جليلة:ان شاء الله
..............................
في قرية صغيرةغلب عليها طابع الفقر حيث الاحياء الضيقة والبيوت المتهالكة التفتت تناظر قريتهم الصغيرة بفرح وسرور كبير يغمرها وتشوف العيال الصغار يلعبون بموية المطر وتناظر البيوت حولها اللي كلها صغيرة تتكون من طابق واحد فقط وصلت لم باب بيتهم وفتحته بالمفاتيح اللي معاها ودخلت والابتسامة شاقة الحلق: يمة ..عبيير ....يممةة
جاتها امها من المطبخ:خير يمة تبين شي
نطت لأمها وضمتها بقوة:يمةة الحرمة اللي قلت لك عليها تقول انو الحريم الي خذو الثياب عجبهم خياطي كثير وهي بتتعامل معاي بشكل دائم وباعت امس 5 قطع وعطتني ثمنهم 300 ريال
اختفت بسمتها لما شافت امها تعبس:يمة علامك
امها ماتبي تقتل فرحتها:لايمة ولا شي بس مو كان 300 شوي على 5 قطع وكسرة ظهرك عليها
أبرار:وشو شوي ييمة لاه هاد كثيرر بالنسبة ل30 الريال ايام اول
أم سليمان:الحمدلله
ناظرت عين امها المملؤة حزن ودعت بداخلها على اللي كان السبب: يمة مابي اشوف هالنظرة فعينك يمة انتي رفعي راسك والله مايستاهلون دمعة من عينك لا تقطعي قلبي عليك
أم سليمان:والله انك بلسم للجروح يايمة الله يخليك لي ويحفظك ويبعد عنك عيال الحرام
أبرار:آمين ويخليك لي يمة
حست بيدين على عينها وميزت :عبيروه يالبزرة شيلي يدك
شالت يدها وبوزت:انا موبزرة انا عمري 15 كبيرة يعني
أبرار:اقول يالمراهقة فيك خير ساعدي امي بطباخ العشاء
عبير:مااعرف عندك مانع
أبرار شلحت عباتها والطرحة ورفعت اكمامها
:مومشكلة عبير تتعلمي تعالي ساعديني وخل امي ترتاح
أم سليمان:انا جهزت المواد على اساس بسوي مكرونة
أبرار: لايمة ورفعت الكيس الي في يدها :انا جبت معاي مواد بسوي لك طبخة لذيذة من يد الشيف ابرار والشيف عبير ولفت لعبير:صح عبورة
عبير بفرح:ايواا صح
واتجهو للمطبخ يطبخو العشاء
ناظرتهم بحنان:الله يخليكم لي يابقية اهلي ويبعد عنكم الشر وولاد الحرام
.............................................
حست بيد صغيرة تدغدغ خدها بلطف فتحت عينها والتفتت تناظر المكان ابتسمت بوجه طفلتها غدو قومي عني شوي
بعدت غدير عنها وهي تناظرها بمشاكسة
انفجعت كوثر من شكلها:شسويتي بحالك انتي
كانت لابسة كوت امها وفردة واحدة من الكعب ومخربشة على وجهها بالروج
ضحكت على شكلها وضمتها طوقت يديها الصغيرة حول رقبتها وهمست في اذنها:أحبك ماما
ضمتها بقوة:وانا اكثر غدو بس قومي اروشك
روشتها وتروشت هي كمان لبست غدير فستان أخضر ولمت شعرها الطويل بشريطة خضراء
ولبست اهي بلوزة بيضاء وبنطلون اسود
فكت شعرها البندقي المتناسق مع بشرتها البرونزية وخلته ينساب على ظهرها
طلت على ولدها وباست راسه وخرجت مع بنتها لمجلس الضيوف دخلت لداخل وشافت خالتها أم عامر وبنتها نوف
قربت وباست راس خالتها:كيفك ياخالة
أم عامر:بخير
تقدمت لنوف وسلمت عليها:كيفك نوفة
نوف باحتقار:انتي هي اسمي نوف وشو نوفة بعد هاذ الناقص قال نوفة قال
أم عامر:بعدين ياكوثر المرة السنعة تجلس ببيت زوجها ماتفارقه
كوثر سكتت
أم عامر شهقت مرة وحدة:اوه كوثر لايكون مايعاملك زين
كوثر نزلت راسها للأسفل
أم عامر:لو انتي مو مسوية سواتك كان انتي ماخذة عامر وعايشة احسن عيشة
نوف:مشكلة لا بعت نفسي على حساب الفلوس
كوثر رفعت عينها لامها ومسكت يد بنتها
انا استأذن غدير جوعانة تبي تاكل
غدير ببراءة اطفال:ايوا ماما انا جايعة وابي ساندوش مع جبنة وابي شوكولاتة
نوف:حشى حشى انتي كل هادة يطب ببطنك يابزر معذورة مب شايفة خير عند ابوك
غدير فهمت عليها:انتي تسكتي انا اللي رح آكل
نوف تفشلت :يالبزرة عيب
ام عامر:خو ماينشره عليها مو مربية
كوثر بدت تفقد اعصابها:خالتي انا اربي بنتي احسن تربية شوفي البزرة اللي جمبك تحط راسها براس بنتي على الاقل انا تزوجت وعندي عيال انتي لسة بايرة مع امك محد يبيك
نوف ولعت قهر ووقفت:انتي هيه احترمي نفسك
وقفت ام كوثر:بس خلاص انتي وياها مالي حشمة ولاقدر عندكم
نوف لفت وجهها للجهة الثانية
وتقدمت كوثر تبوس راس امها:سامحيني يالغالية بس انا ماراح اسكت عن حقي ابد بعد اليوم
وطلعت وصفت الباب
.........................................
في بيت نسرين عمة فاطمة كانت كاشخة عالآخر لابسة جلابية بيضاء بها تطريز ذهبي مطلعة مفاتن جسمها
تهلل وجها لما شافت بنتها ليام نازلة ولابسة فستان فوشي ضاغط قصير فوق الركبة وكعب فوشي عالي سلمت على الضيوف:يامرحبا فيك حيا الله من جانا زارتنا البركة والله
أم يوسف باعجاب:والله يليام انك قمر اتمناك لولدي يوسف
نسرين اللي شقت بوزها:هادي الساعة المباركة والله
شرقت بالعصير واصابتها نوبة كح متواصلة ام يوسف تعطيها الماء:نورة حبيبتي شبلاك انتي بخير
نورة بابتسامة مجاملة:ايوا خالتي انا بخير
ليام بخبث قربت عند نورة وغمزت لها وبهمس:نوير شفيك شرقتي لما قالت ام يسوف بتخطبني لولدها
نورة بربكة:لا ولا شي
ليام:علينا علينا يانوير اعترفي عاد انا ادري عنك قبل تعشقين يوسف ولد خالي بعدين تطمني انا ماحبه
نورة ابتسمت:جد
ليام:ايوا وابو الجد بعد وبنظرة خبيثة :اجل نورة تحبب
نورة وجهها ولع من الاحراج:لياموه ووجع انطمي
..................
في جهة ثانية ظل واقف مكانه يطالع مكان ماكانت واقفة وبسرعة نفظ الافكار من باله:انت تحب نورة فاطمة حبك الاول راح وانتهى خلاص اصحى
مشى مسرع لمجلس الرجال وماكان ملتفت للعيون اللي تناظره بكره
دخل هو الثاني لمجلس الرجال وسلم على ابو يوسف وجابت الخادمة الاكل
اما عند الحريم فاطمة اهي الي ودت الاكل لهم
ارتبكت نسرين من دخلتها وهي تناظرها بنظرات وعيد
ماألقت لنظراتها اي اهتمام
تطالعها من فوقها لتحتها بصدمة وبنفسها تشبهها كثير حطت الاكل بهدوء ووجهت نظرها لنسرين :أي شي ثاني ؟
نسرين:لا خلاص تيسري
مشت بهدوء ولما شافتها خرجت قربت من نسرين
:أقول خالة
نسرين:آمري حبيبتي
بحيا:ما يآمر عليك عدو بس مين ذي والله احسها موب غريبة علي
نسرين ارتبكت وام يوسف تداركت الوضع:هاي الخدامة يابنيتي
:خدامة ترطن عربي مضبوط
نسرين بربكة:أيوا هي عندنا من سنين طويلة الله يسلمك عشان كذا
هي بشك:اهاا
ليام عصبت ووقفت:أريحك حبيبتي هذي مب بالخدامة هاذي بنت خالي الله يرحمه بس شوفة عينك كانها خدامة
صدمة: وخالك ذا ويش اسمه
نسرين بعصبية:ليام ولعنة روحي غرفتك طسيي اشوف مابقى الا الخدم يصيرون ولاد اخوي
ليام راحت بعصبية وقفت نورة بتلحقها وبهدوء:انا بقول لك واحكي بذمتك اللي جت قبل شوي وجها وجه خدامة ملامحها خليجية ويبان هالشي بس العتب على اللي مسوي بنت خالد ال..... خدامة وماكل حلالها
نسرين بعصبية بالغة وقفت وعطتها كف على وجهها ناظرتها بقهر ودموعها محبوسة بعينها: روحي اسأليها وتأكدي واعرفي ان هاذي ماضربتني الا لاني على حق وطلعت وصفقت بالباب
قامت وبهدوء هي نفسخا ماتوقعته بعد صدمتها الكبيرة:أكرمكم الله استأذنكم الحين انا بامشي واتصلت في اخوها تبلغه ان لازم يمشون
...........................
سكر الجوال من اخته وتوجه لغرفتها
فتح الباب وشافها مغمضة عينها لكن باين انها موب نايمة
قرب لسريرها وهمس بهدو بأذنها:فاطمة
فتحت عيونها بهدوء وناظرت وجهه المألوف عليها فزت من السرير وببرود: لف وجهك لا تناظر حرام وبعدين شتبي جاي هنا اعتقد ذي غرفة الخدامات
بهمس:انتي توأم سارة؟؟؟
انصدمت من سؤاله لكن مابينت ابدا وببرود اكثر:لا ليه تسأل
وبصفتك مين
مسك يدها ورص على اسنانه: لاتمثلي البرود علي انا عارف بقصة عشقك مع ولد خالك بس قولي لي اول ابي اعتراف منك بأنك توأمها
دخلت فجأة وانصدمت من منظره وهو ماسك يدها ووجه قريب من وجها
أمنية بفجعة:عبدالعزيز شتسوي هنا
...............................
في جهة ثانية مسك يدها بحنان:اوعدك يامنيرة انك راح تكوني لي وماراح اخذ غيرك ولا غيري تاخذي
ابتسمت له بحب وضمته:أحبك فروس لاتتركني انت الوحيد اللي بقيت لي
فارس بحب:ماراح اتركك اوعدك راح اتزوجك رغم عن الكل
...............................
في فلة راشد اللي لسة مادرى عن زوجته
وه فكة ماشفت رقعة وجهها كم يوم الحمدلله اليوم راح يتم الافتتاح
رن الجرس وقرب وفتحه وسبقت دخول البنات ريحة عطرهم
دخلن الست عليه وبدأو بالتعارف
يسرى:أنا يسرى 33 عانس وانا رئيستهم وراح نبدأ نشتغل عندك من اليوم اي شي تبيه وصله لي وانا وياهم نتفق
ابتسم بخبث:تشرفنا آنسة يسرى
شلحو البنات العبايات وتقدمت له وحدة ومسكت يده اليمنى:أنا ثنوى عمري 25 مطلقة
وتقدمت وحدة اخرى: وانا ياسمين 30 وكمان مطلقة
تقدمت الرابعة: انا هدى وعمري 28 وانا عانس
وجات الخامسة :انا لولوة عمري 30 ومطلقة من 5 سنين
وأخيرا السادسة تقدمت بغنج وباست خده: انا دانة عمري 22 وتزوجت 19 سنة مجبورة عشان كذا تطلقت وضحكت بغنج انت حلو استاذ راشد
راشد بوناسة أهلا يا بنات شرفتو فلتي تراها بخدمها تحت امركم
دخل الموظفين الرجال 4
تقدم الاول:مرحبا انا ثامر وهذول اصحابي مجيد وطلال وانور نحن راح نقدم خدمات الشراب والاكل وغيرها
ابتسم لهم حياكم الله تفضلو وابدأو شغلكم
واشر للبنات هاذي الكوفيرات هنا يضبطو اشكالكم وتلاقو الغرفة على اليمين مخزن ملابس
نفذ الكل اوامره وبدأو بالعمل المحرم
.....................................
دخل عليه غرفة التعذيب وقال بصوته الرجولي الغليظ
:الا استاذ ربيع ماقلت لي ليه سعود يبي يقتل هالمرة
ربيع وهو هلكان من التعذيب: والله ما ادري والله العظيم ماعرف شي
عبدالله:طال عمرك انا تعبت افهمه انه من مصلحته يعترف
فهد:لا هو ان شاء الله راح يفهم هادة الشي وراح يوعى ليه وضربه بوكس على وجهه من قوته طاح هو بالكرسي
ربيع واللي شبه مغمي عليه: اذا قلت لكم اهو بينهي حياتي بأبشع طريقة ممكنة هنا الموت اهون علي
فهد بقهر:لهالدرجة سا...... لكن أنا أوريك يا سعود ما أكون فهد ال...... ان ماخليتك تندم ونشوف
................................
في المطار مسك يد امه
ابتسمت له: وأخيىا بنرد الكويت وحشتني أرض الوطن
ابتسم بألم:يمة لومالقيتيهم بالكويت شبتسوين
جليلة:تفائل خير بعدين عادي موبمشكلة اروح لهم السعودية
رائد:بس يمة انا ماحجزت للكويت
جليلة عصبت:شلون عيل وين بنطس ان شاء الله حسبي اللع عليك من ولد
رائد:يمة السعودية انا من كم يوم عرفت بس انو بنت خالتي بالسعودية
تهلل وجها:صج؟؟!! يالله عيل خل نروح لا تفوتنا الطيارة
رائد بتردد:يمة هي مهيب بخير الم..... مسويتها عبدة لها
جليلة بقهر: أنا أوريها شغل الله بس مالها حق تسوي فبنت اختي جذي هاذي سوسة من تحت لتحت انا لج ينسرين والزمن طويل
&
&
&
&
نهاية البارت
فضلا وليس امرا التعليق على روايتي وانتقادها انتقاد بناء