كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة شما بنت محمد  |
مسا الخير
أجمل وأعذب إهداء في ذمتيه . . تسلمين الغلاااآ :)
بارت جميل وايد تسلم إيدينج لولوة القلب . .
المقدمة جماااااااال . . ذوقج جميل
الأبطال : . .
#حارب
بين صعوبة العيش بروحه وبين محاتاته لإخته ومحاسبته لمشاعرها إذا ألزمها تعيش معاه
الوضع صعب جدا . . جميل هو صبره والأجمل روحه مع اللي يتعايش معاهم
بدت تصعب عليه موزة وبدا يحس أن الموضوع يباله تغيير بس ماله حيله . .
ياترى شو بيسوي عشان يحل سالفته مع ذياب وعشان يرقع الخطأ اللي صار من دوق قصد !!
على قولتح نصبر ونشوف :)
#بو رضا
يعوض حياته في بلاده بحياته في هالبيت مع إعطائهم كامل الحقوق كما لو كان أبوهم
أقدر هالناس وايد وما أجمل وجودهم في حياتنا . .
# بو شما
حاله يصعب على كل حد . . شما كانت داخله في كل تفصيل له ف حياته
الله يعينه :(
# أم عوشة
صعب عليها شوف فرحة وهي عدها عايشه في حزن فراق بنتها
بس بعد مافي شي تقدر تسويه السالفة اللي صارت قبل موت عاشة يحزن
# شما وسلطان
مشاعر قوية وايد رغم هدوء أصحابها . . ضيق كل واحد فيهم بسواة الثاني رغم أن هاللي المفروض يصير
ومن الطبيعي جدا أنه يصير . .
هو تلوم من طريقته وهي ندمت على ضعفها !!
لكن في النهاية والمهم من ها كله بغض النظر عن الطريقة إلى أنهم في النهاية الحب والتوق موجود . .
ف أكيد يبالهم وقت لين مايتحول الحب والشعور اللي كان قبل الزواج إلى شي يكمل حبهم إلى واقع جميل . .
أتوقع قربهم في السفر وأنهم في مكان غربة بيغير وااااايد أشياء وبيطور واااااايد مشاعر وبتختلف آراااء كثيرة. .
قبل السفر . . شما طلعت خوافه ها هههههه فديت الرقة تجنن
حبيت فيها أن بالرغم من مشاعرها صوبه باللي صار ليلة العرس إلا أنها مامتنعت من انها تعترفله وتطلب منه القرب . .
وحبيت في سلطان أنه ماتمصخر من خوفها مثلا بل بالعكس احتواها بكلماته الدافية اللي خلتها تطمن ع الأخير . .
كلماتها حق أمها قبل السفر مؤثرة جدا . . لو أنا في بيتهم جان بتم في حزن طويل من فقدانها :(
# رفعة
شوقتيني أعرف سالفتها مع ريل أمها وشو الشي اللي يربط ابو روضة فيهم !!
حالها يعور القلب وايد بس عجبتني قوتها اللي متأكدة أنها ظهرت بسبب موقف قوي وايد غير مجرى حياتهم اتوقع جي ماعرف عاد . .
# فلاح وحشر
صداقتهم جميلة ولا خلينا نقول مخوتهم :)
رايه صح الصح
# ناعمة وذياب
يا حراااااااااام يعور القلب الشي وايد بس أحسن أنهم مايقولون لابوهم لان في الأساس محد فيهم غلطان
وكل واحد بيعق اللوم على حد وبتكبر السالفة . .
بس ذياب قاسي عليها المفروض يهدا شوي
# نهيان ويده
موقف يخوف بصراحة وكلام الجد وايد جي في الصميم
أحسن خليه يتأدب . . صح انه كان بالحلال بس بعد لازم يعرف عواقب كل شي يسويه مب بس عليه بل على كل العايلة !!
لولوة . . بارت زي العسل من بعد اسبوع انتظار
نترقب اليديد منج دوم
الله يقويج ويعطيج الصحة والعافية على مجهودج الواضح والكبير
نحبج وايد
دمتي سالمة :)
|
هلا هلا شميمتنا .. مسا الورد والجوري والياسمين ...
الله يعافيج ويسلمج من الشر .. كلج ذووق يالذووق ...
حارب ... اخ منه .. احب هالحربي .. قريب من قلبي وايد .. ولدي شسوي بعد :( .... يحزني اشوفه جيه .. واتمناله الحب والسعاده وراحة البال .. اللي يعيشه مب سهل .. الله يكون في عونه ...
بو رضا ... صحيح .. الله يعطيهم العافية ..
سلطان وشما .. ما شاء الله .. يعجبني وصفج لـ علاقتهم .. برافو ... وشمااا طلعت خوااافه ههههه شعور اشوفه طبيعي لانسانه ما قد سافرت .. بس شو بيصير بالضبط في الطيارة .. بتعرفين عقب ان شاء الله :)
رفعة .... بتعرفين ان شاء الله قريب .. رفعة من الشخصيات اللي لهم ظهور قوي عقب ...
نهيان ..... هو من ناحية يتأدب ويتعلم من غلطته .. فـ هي يباله .. قرصة اذن ما تضر :)
والبقية المتبقية .... نصبر ونشوف شو بيصير وياهم ان شاء الله في البارتات القادمة .. ترقبيهم يا حلوتي ..
وانا احبكم كلكم يا احلى متابعين ..
صافي محبتي/ودي ..
|
12-03-15, 02:59 PM
جديد مواضيع قسم القصص المكتمله من وحي قلم الاعضاء
العرض العادي
