كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة عين ابوها  |
صبااح الوورد حبيبتي 🌹
اممممم صراحه انا متابعه لك بصمت بس بهاللحظه قررت اطلع لوضوء🙊
روايتكككك جداا جمييله واعجز عن المدح فيهاا
ببدداء بشخصيات سلطاااان عاجبتني شخصيته وثقله وكل ابو شيء😂
بس بعد تعجبني شمشومه ومتحمسه شبصيير باخر موقف بينهم حاسه ان الفجوه راح تكبرر اذا سلطان جبرها ع شيء وتنخذل منه مرا ثانيه 😭
اجي لسيف وعنوده قاااهرني هالسسيف وودي ازنطه مهما كان مايتعامل بهالبرود معها يعني مايعرف شكثر هي تتعذب اكثر منه بوضعه وبهالجفاء بعدد
صحيح كلمتها قوييه عليه لانه سمعها من وجهة نظره هو تططنز وتستهزاء فيه 😭وهي يقلبي عليها ماتقصدها
اممممم حارب وضعه محززرن حززنه حييل يعور فقد الام بهالصىوره وبعدها فقد الاخ والاب ان شاء الله ينتقم من هالمجرمين
ووكمان امننه موقفها غلطط بغلط لو انها بس وضحت سبب الزعل وتركت البيت ايوا بس لاهي الي وضحت ولاعطت فرصه صح كلش ينغفر ويتهاون عليه الخيانه بس بعد عيالها مالهم ذنب بهالتشتت وكذا راح تعطي العقربه شسمهه ي رب ايه اليازيه >> ي عساها المووت هالبثره
والي فهمته انها مسقطه بعد السالفه ومحمله الذنب بطيء في تسقيطه
بس زين بأخر موقف نكبت العيش >> يعني طلعت الموضوع😂
وان شاء الله يقلع بطيء اليازيه وينقلها هاالحيه
ي كثرررر هذرتي كثرااه🙊🙊 اسمحي لي طوولت عليك بس قلت اطلع الي جواي وتسذا
واخيراا مشكووره وايد فديتك ع شرات هالروايه >> قامت ترمس اماراتي الاخت 🙊😂 اعذرني بس لو خبصت 🌹🌹😘
|
صباح السعادة على الناس اللي تييب السعادة :)
وه وه وه بس يا ملحتسس ... <<< ها شرايج فيني ... 
شوفي يا ربيعتي الايديده .. دام دخلتي وبقوة ميلسنا فـ لازم لج اسم دلع ... وبتعرفينه ان شاء الله في تعليقج القادم يا قمرر :) ...
انتي الجميلة وحضورج الاجمل يا حبيبة قلبي ...
سلطان يختي حبيب الشعب :) .... ما تنلامون في حبه ... اذا انا نفسي طحت في حبه من زمان ههه ... تتوقعين بيجرح شمشومة بتصرف منيه ولا مناك ...!!! .... انا اقول انتو معاريس واذكروا الله وهدوا اللعب ... اجلوا المعارك لين بعد شهر العسل يا عيال :)
سيف وحرمه المصون عنوده .. شفتي كيف ...!!!! هالشخصيات الباردة ترفع ضغطي للمليون :( ... الله ايعينج يا عنوده .. تصبري بس وانا اختس :( ....
حارب ... ان شاء الله يارب ... الله يسمع منج .. :(
آمنة وبطي ... اللي فهمتيه صح ... بس في امور بخصوص هالشي ما توضحت بالكامل لين الحين .. في الاجزاء القادمة بتتوضح ان شاء الله ..... انتي بس ادعي ان الله يحط في امون العقل لين ما ينكشف المستور .. لان لو تمت على ينونها ما بيفيدها شي عقب ما يفوت الفوت :(
محلى هذرتج ومحلى كل ابو وجودج يا عين ابوها ... ههههه ما الووومج .. من فترة قريت رواية سعودية .. وعقب الرواية الله وكيلج نسيت الاماراتي وصرت ارمس سعودي مع اهلي ... قلتلهم مب مني من فلانة بنت فلان اقصد الكاتبة يعني هههه .... واي حد يكلمني اقوله اندزلع ... سواء غلط علي ولا ما غلط ... اقوله جيه لان الكلمة عاجبتني ههههههههههه ..... ياني انفصام شخصية :( ......
حبيبتي عين ابوها .. نورتيني ونورتي بات من يهواه ... خلج قريبة منا دوم ولا تقطعينا ....
خالص محبتي/ودي ....
|
05-03-15, 10:57 PM
جديد مواضيع قسم القصص المكتمله من وحي قلم الاعضاء
العرض العادي
