صباحكم/مساكم فل وياسمين وجوري

اني أتلقى صواريخ ارض_جو من هموس زعيمة حزب السلاحف لووووووووووول

ما شاء الله ع كمية الحقد والكره والشتايم علي وعلى عيالي فليح واحمدوه وحمد ههههههههههههههههههههههه

ضحكتووووني ربي يسعدكم دنيا وآخرة ... لأول مرة احس صدق ان حد حاقد علي هههههههههههههههههههههههههههه

شوفوا يا لذيذات .... انا ما عندي حد يسوي الغلط وما يتحاسب ... فـ ارتاحوا وريحوا قلوبكم ... اللي يزرع في روايتي الخير يحصد خير واللي يزرع شر يحصد شر هع هع هع <<< ضحكة شريرة متعوب عليها ...

فـ انتو خذوا شهيق وزفير عميقين وتخيلوا بهدوء الاحداث القادمة والتوقعات الخطيرة <<< ترقص حواجبها

هالمرة السموحة يمكن ما ارد ع تعليقاتكم ... لاني احتاج استغل كل وقت فراغ عندي عشان اكمل الرواية .... مابا ابد اتكيسل واتأخر في مهمتي اللي بديتها معاكم

يلا انا مستعده اتلقى المزيد من الصواريخ اتحفوووني ههههههههههههههههههههههههههه

هموسة السوسة .... ما اوصيج بالدعاوي .. كثري كثري .. وزودي بنات خويدم وبنت زايد بالقنابل والاسلحة الفتاكة .. بيحتاجونها هالفترة لووووووول

وردتي ... تصدقين !!!! والله العظيم قبل ما انرل البارت كنت بقولكم اللي كتبتلي تعليق وما رديت عليها تخبرني بس حسيت اني رديت ع كل التعليقات بس مع ها كنت متشككه .. سووووووووووري .... لو كتبتي شي حقي وما رديت عليه ردي طرشيلي اياه مرة ثااانية ..... هاك اليوم كنت رادة من سفر ومدوخه فـ ماعرف هل الغلطة مني او من المنتدى :(

ردي طرشي حبيبتي واتريا باقي تعليقج على هالبارت :)

هموستي .. بلوماي ... شميمي ... حنونتي .. كوكو .. ام مروان .. ترووفه .. طعون ... غمغووم .. موودي .. لحظات عمري


احبكم كل ابوووووووكم .. عسى ربي ما يحرمني منكم انتو وباقي متابعاتي السكرات :)

يلا هدوء مابا ازعاج .. خلوني امخمخ واكتب

طيب يا لولوة ... هيييين ..
كل سواياكي باطلعها في فلاح ..
لي عودة بتعليق علي البارت الكارثة
و توقعات..
و صواريخ و قنابل موجهه علي فلاح

البارت كان كارثه ... حتي لما لولوة حاولت تلطف الجو و جابت سالفة الريس و نهيان و الحربي و الذيب .. كنت اقراها و عاقدة حجاجي و اقول من بين اضراسي "الحين ذا وقتكم انتوا " ....
فلاجل كذا الرد بيكون علي قدر الكوارث ..
و كله من لولوة .. و من دق الباب سمع الجواب ..
البارت كله كانت يدي فوق راسي .. و قلبي يدق طبول الحرب ...
خل نبدا من الكارثة الاولي .. حمد و ميره ..
حمد ... اللي صار من حمد كان رد فعل .. و اهو في ذي اللحظة نسي العقل و التعقل و كل شي و تعامل بردة الفعل .. لاجل كذا كانت ردة فعله عنيفه حيييل ...و المصيبه مهيب في العنف الجسدي تري جرح الجسد يشفي و لو بعد حين .. المصيبه انه نحر روح ميرة البريئة .. و جرح فوق جرح يبطي شفاه ...
انا ما ابرر لحمد .. لكن اقول اني تفهمت نفسيته و ليش تصرف كذا .. مع اني ضد العنف ضد النساء بكل اشكاله ..بس وش كان البديل للي سواه .. انه يكنسل العرس ؟؟ .. كانت بتصير مصيبه اكبر و اكبر .. لان البنت كانت انفضحت ... و الناس كانت قطعتها تقطيع بالسواليف اللي بتطلع عليها ...
عندي توقع صغنون .. ميره بتتصل بام العنود و اهي بتشرح السالفه لحمد ..
و عقب ما السالفه تنتهي ابي ميره تعذب حمد .. مهوب كثير بس شوي .. و عندي فكرة حلوووووة ... مهوب ميرة تدرس ؟؟ .. ترد بيت هلها و تكمل دراستها و حمد يحلم انها تطب بيته قبل 4 سنوات الدراسه ما تخلص ... اصلا 4 سنوات يا الله انها تنسي ميرة ذي الايام السوداء .. و عقبها يسوي لها عرس من جديد ...
ميرة .. علي الاقل الحين دريت وش السالفه .. و من الحين مابي اشوف دموع و لا عيون محمرة .. ابي اشوف ميرة بنت ابو سيف .. ابها تكون قوية و ما تهزها ريح .....

الفقرة اللي فكرتها عنيفة مرة علي حمد الكيوت و ارسلت نصفها بس عقب الطراق الاول ...

وقف للحظات ينظر ما بين يده و بينها و هي مكومة في ركن الجناح .. سمع اهتها المتالمة و هي تحاول النهوض .. سمعها تنطق بشئ ما و لكن النيران المستعرة التي تحرق جوفه و تشتعل في صدره منعته من ان يميز ما قالت .. لم يكن يراها امامه .. كان يري الصور التي ارسلت اليه و العبارة التي احالت حياته جحيما .. التقط عقاله و اتجه نحوها قبل ان يهوي علي جسدها الغض بضربات اسكنها كل قوته .. كان يضرب حبها الساكن قلبه .. و براءة ذبحتها بالخيانه ... سمع صرخاتها تتحول الي اهات مكتومة قبل ان تخفت اكثر و يسكن جسدها تماما ... شهق برهبة و هو يري ثوبها الابيض الذي تحول الي اللون الاحمر القاني .. و بركة الدماء التي تتسع ... هوي علي ركبتيه و انفاسه ثائرة .. مد يدا مرتعشة ليجس نبضها ... قبل ان يشحب وجهه اكثر و هو يخرج هاتفه و يتصل "نهيان ..ذبحتها"

لي عودة مع تعليقي علي باقي الكوارث ..

مساج حب ماله حدود لولو المبدعة

انا متأكدة انج بتاخذين حق كل شخصية في الرواية عشان جي هديت وقلت اشوف باقي الاحداث وعقب اعلق هههههههه

ونحن نحبج وايد وايد وعسانا ماننحرم من ابداعج ومن قلمج الرائع

هالله هالله بالاحداث اللي تبرد القلب ربي يقويج ويسهل عليج اللي بقى ❤️

نهيان .. الصراحه انت ملح الرواية ..
حليله يبي يتزوج .. نصيحه خلها لين تطلع بنت عبدالله من مود الشر .. لان بذا المعدل عرسك انت بعد بيكون كارثة .. يا بتموت ام روضه يوم العرس .. او بيجيك اتصال و يخليك تهج لندن او باريس و تخلي روضة وراك مجروحه ...
خل عرسك انت و روضه يكون حلو شراتكم انتم الاثنين ...