كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة شما بنت محمد  |
السلام عليكم ورحمة الله وبركاته . .
يسعدلي صباحج/ مساج الجميل بجمال طلتج الراقية
،
شو أقول وشو أخلي . . تسلم أناملج ويسلم عقلج وقلبج على هالأنتاج الأكثر من رائع
طرت مع الحب، صحت مع الحزن، انصدمت مع المفاجآت، سرحت مع الآهات
وأخيرا استودعتج الله على جمال/ رقي/ عذوبة اللي كتبتيه . . تبارك الرحمن
قدرتي اتدخلين كمية مشاعر مش طبيعية ف بارت ونص هذيلا بروحهم اعتبرهم رواية . .
،
،
نيي ع الأحداث والشخصيات . . :
ذياب/ موزة . . وغرق في بركة العسل . .
ضحكتني يوم فرت الحصاه عليه واستانست يوم عرفها وحبها . .
عصبت يوم قالها يالبتانيه حرام عليه هههههههههه
أبو سعيد . . ذكي ماشاء الله عرف أن بطي ورا هالموضوع
واستانست وارتحت أن هالشي بعد هو كان يباه :)
سيف/ العنود . . وي وي وي يوم ضعف جدام صوتها
تحطيم بصراحة بس خسارة ماسمعته . . يوم أنك تباها صارحها أنزين أوف عصبت
ميرة وعادتها السرية . . تعلقت بالتفاصيل الموجودة في الرواية . .
أممممم حبيت ذكرج لـ هالمشكلة ومتحمسه اعرف كيف بتتغلب عليها !
الجزء الـ19 . . .
يالله أحس ولا تعليق بقوله بيوفي اللي في خاطري
أو بيظهر نتفه من الحرقة اللي أحس فيها والحزن . . !
"ليس الغريب" مؤثرة جدا وخلتني أتصور كيف بيكون هالبارت قبل ماقراه . .
أحبها وايد وايد وايد واستانست لانج حطيتيها . . اختياراتج تعجبني وايد . .
،
على قد ما أني أكره هالأنسانه على قد ما أن موقف وفاتها عور قلبي وخوفني
قلبي عورني على حالها وأن ليش جي خلت الأمور توصل لهاي الدرجة !!!
أتنمى من كل قلبي الأحداث اليايه تبين لسلطان العلاقة بين رفض شما وبين عوشة . .
اتوقع ان عوشة هي اللي ورا المسج اللي وصل لسلطان وخاطري أعرف كيف بيتصرف سلطان عشان هالمسج هل بيصدقه أو لا !!
أحس أحمد بيتغير عقب هالحادثة 180%
آه هالموقف مع أنه آخر موقف بس علقت عليه أول شي لان جد موقف قوي ومؤثر
كتبتيه بطريقه تصويرية بحته صيحني ف كل مرة أعيد قراية هالموقف . . ماشاء الله عليج
،
،
،بطي وآمنة وطاري سفره . . كنت اتمنى أنها تنتهز الفرصة وتخبره
بس ماصار الشي :(
،
،
مزاج شما "هيبة"
،
،
ناصر وهو يتذكر طليقته . . كان عندي فضول أعرف جانب حياته الشخصية وعرفت بقصة طليقته
،
،
فلاح . . متحرقص يبى يعرف رد حصة، هالشقيين خاطري أعرف كيف بتكون حياتهم إذا تم الموضوع ههههه
،
،
أحمد . . هالانسان يعور القلب سمع عوشة شو تقول لربيعتها . .
مسسسسسكين :(
،
،
لولوة الغالية . . تعلقت بجمال حضورج
أسلوبج والاحساس و المواقف والشخصيات و الدقة والإبداع واللغة السليمة
كانت كفيلة بشدني لروايتج . . :)
ربي يوفقج يالجميلة . ،
تقبلي مروري
لج خالص التقدير والحب
،
|
وعليكم السلام ورحمة الله وبركاته ...
يا مرحبا ومسهلا بـ شميمتنا الحلوة ...
يالله .. اخجلتيني بطيب كلامج حبيبتي .. تسلميلي يالذووق كله .. لذة منطوقج تصيح يا بنت :( ...
ذياب ...... ذيبنا مشاكس ههه ..
بوسعيد ...... صحيح ... في النهاية هو اب ... والاب ما يبا الا مصلحة بنته ...
سيف/العنود ....... يقهر هالسيف صح :( ...!!!! ان شاء الله يروم يصارحها في اقرب وقت ..
ميرة وعادتها السرية ...... اممممم ظنج بتتخلص منها بسهولة ولا بتسببلها مشاكل في حياتها ..؟!
بخصوص البارت الـ 19 .....
ليس الغريب قصيدة على العوق مثل ما نقول :( .... احبها احبها احبها ... اللهم احسن خاتمتنا وخاتمة عبادك المسلمين ...
عوشة ووفاتها ...... صحيح ...... مهما سوى الانسان من فعايل شينة في دنياه .. لابد نتمنى نشوفه في يوم من الايام يكفر عن غلطاته ويصلح من نفسه وما ياخذه الله روحه الا وهو تايب ... بس عوشة الله يصلحها ماتت على عمى قلبها ... اللهم ارحمنا برحمتك ..
بخصوص الرسالة ...... نصبر ونشوف منو مرسلها .....
بطي/آمنة ...... صحيح للأسف :(
شما ...... انتي الهيبة كلهاااا :)
فلاح ...... ههههه الله يستر منه ومن حصيصتنا الشيطونة ....
احمد ....... هيه يا شما فوق ما تتصورين ... الله ايعين قلبه ويجبر خاطره وينوله راحة البال ..
شمتنا القمرررر .. ربي يوفجنا ويوفجج لما يحبه ويرضاه .. اسعدتيني فوق الخيال بتعليقج وحماسج وتشجيعج الدايم ... لا خليت منج عسسسى ...
لج صافي الود/التقدير ..
|
09-02-15, 11:54 PM
جديد مواضيع قسم القصص المكتمله من وحي قلم الاعضاء
العرض العادي
