مساء الفل..

الجزء 15 ..




رسالة العصابه بتوصل للابو الي بدوره بوصلها لسلطان و يعرف شوي شنو ممكن يسوي..




شما و سلطان هل بتم زفافهم على خير ولا عوشه وبتقدر تبث شرها للمره الثانيه؟!
و هل ممكن يتواجهون و يعرف سبب الرفض الي ماكان له اصل كلش..؟!




احمد و عوشه
هل ممكن احمد يكون متزوج بالسر؟! بدل مرته الي بس تلعب فيه
يوم شافت الي شافته احترت و انقهرت ليش مو انتي تبين سلطان ولا هامج احمد؟!
ولا لانه ريلج مجرد برستيج؟!
هل ممكن تستغلين هالشي لصالحج ولا شنو؟!
احمد ممكن تكون لحظه وزه الشيطان فيها خاصه بحالته متزوج و محروم وممكن يكون فعلا عف نفسه بزواج سري
بكلا الحالتين غلط اهو ريال له حق يتزوج و يعف نفسه و قبلها يسنع مرته اذا مافاد فيها تزوج
بس اشوفه مافيه شده معاها احسه طيب بزياده..




بطي و مرته
اثنينهم غلطوا لا اهي الي واجهته لو فطينه جان لاحظت انها ماسمعت صوت ريلها
و هو ما تحرز من اليازيه اكثر هالاشكال الواحد يتوقع منها كل شي دامها ما ردعت من البدايه
كان المفترض ينقلها ولا يشوف لها صرفه
يغير رقمه يعلم مرته بس ما يسكت و يخليها تتمادى خاصه ان تهديده كلام بس وهي مو ويه حشيمه..
متى يتواجهون و يستوعبون ان انعلب فيهم..




فلاح و على درب تقربه من حصه بس شنو ممكن يصير على هالخطبه؟!




اختلاف الراي لا يفسد للود قضيه
مازلت مقتنعه برايي :)
تدرين كان ممكن تنوعين اذا استثنينا شما و سلطان بما ان كان لهم نهايه اوليه
يعني عيال عم و حبوا بعض تصير على الواقع
بينهم معرفة اهل قديمه
مو شافوا بعض و حبوا بعض من اول نظره
بالنسبه لي احب الواقعيه و الغالب بقصص الحب ..
:)
يعني حطيتي ناعمه و ذياب
و روضه و نهيان
و شيخه و ناصر
نفس الفكره
نوعا ما اذا الفكره تكررت بنفس الروايه تملل ..
مثلا كان ممكن ناعمه ما تعرف ان ذياب اماراتي بهالسرعه
ممكن مقطع انقاذه لها بدون لا يبين لها انه اماراتي
و تخلين المعرفه بعد فتره
لانه رسخ ببالها مجرد ما عرفت انه اماراتي ..
يعني مثل ما يقولون تلعبين فيهم ..
وروضه مثل الشي كان اللقاء الثاني ممكن تخلينه من طرف واحد
بدون لا يدري الطرف الثاني بوجوده ..

و السموحه جاني دخلت عرض ..


و أحب اقولج أكثر شي أستمتع فيه الرمسه الاماراتيه
الي ذكرتني بالروايات الاماراتيه القديمه الي
علمتني رمستكم الغاويه ..



دمت بطاعه

×

،

صباح الود والاحترام لأحلى لولوة في الدنيا :)

ماشاء الله هالجزء وايد جميل وقوي وفيه مشاعر قوية تخلي الواحد يعلق عيونه وقلبه لييييين مايخلص الجزء ..
إيه الجمال ده كلو .. عليج سرد موقف وصف مشاعر تحطيم بصراحة
تبارك الرحمن . . !

الشخصيات والأحداث . .

شما . . الحديث اللي دار بينها وبين أم العنود يعني جي أحس فج حرة فيها
وخلاها شوي يعني تاخذ الموضوع من منظور ثاني . .
"أحاسيسها" تجاه هالموضوع . . قوية رغم هدوئها . . ضخامتها رغم صغر سنها . .
وفية رغم أن خاب ظنها بسلطان قبل 12 سنة . . دوا لكل عوق رغم أنها مالقت دوا لعوقها . .
عظيمة شما وعظيمة أحاسيسها . . تخجل الناس بروعتها . .

أم العنود كلامها جميل أحسها حكيمة وقوية . .

عوشة وأحمد . . بصراحة تستاهل هالكف وأكثر بعد . . مستحيلة بشرها مستحيلة بمعنى الكلمة . .
لو من أحمد مازعل عليها ولا لحظة بالعكس أخليها مع نفسها . . أسلوبها يقهر وكلامها بعد كأن صدق صاير الموضوع . .
الموقف اللي بينهم وايد قوي جد متحمسة أعرف شو الخطوة اليايه ف علاقتهم . . النقاش اللي صار ف بيت أهلها قبل الكف تخيلته صاير جدامي . .
محد كلها ألا أحمد . .

حنان حرام عورت قلبي فرق السما عن الأرض . . الله يهديها . .

ميرة وجمال روحها . . نسمة هوا تنشر طاقة في أرجاء المكان . .
"ما كنت ممن يدخل العشق قلبه و لكن من يبصر جفونك يعشق"
يا عيني ع الحب والرومانسية يابتها من قلب . .

العنود . . يازين رمسة هل راك والله فدددديتهم . .
هاي الانسانه عورت قلبي مع سيف مسكينة ياخي بس لازم سيف يصارحها . .
أكره ماعندي حد يزعل من حد ولا يخبره بالسبب نفس آمنة . .
ياخي لازم يتحققون يمك ن فاهمين غلط انزين !!
سيف بيروح ليش ياخي :( :( :(

آمنة . . بعد اقول كان لازم تتأكد يعني بطي ريال حشيم لازم مايروح عن بالها هالشي بالذات أن هو كيف يقدرها وجي . .

روضة وناعمة . . يابتها ناعمة بصراحة صح لازم يسألون شو صار قبل هالحادثة . .
فكرة حميلة !!

في شي ماتكلمت عنه وماحب أتكلم عنه جدا قاسيين هالناس وعايشين في عالم قذر :(
الله يحمي أبطال الرواية منهم . .

أن شاء الله ماكون نسيت حد . .

تطور واضح في الأحداث وأحلى شي فيج أنج ماتنهين السالفة بسرعة
يعني لازم تصير أحداث وأحداث عشان الحبكة يعني جي حسيت أنا، ولا أنا غلطانة؟

لولوة . .
لج بصمة فريدة في كل موضوع ينطرح في الأجزاء
بصمة ماتليق إلا للي اسمهم لولوة مثلج أنتي يعني . .

تقبلي مروري والسموحة ع التأخير

مساء النوير


بالنسبه للحب بين عيال العم
مو شرط يكون الطرفين يحبون بعض و الكل يدري
اعرف شخص حب بنت خالته و هي اكبر منه يوم تخرجت
كلم امه تخطبها خاف تنخطب وهي ما كانت تدري عنه
و صار نصيبها :)
و الثاني كل ما يابت امه طاري الزواج
تبيه ياخذ من اهلهم يرفض يبي من بره العايله
و سبحان الله شاف وحده من اهلهم و خطبها
و هو الي كان رافض السالفه ..

اللعب بالفكره
تعتبر من سمات الكاتب الناجح
و انا ان شاء الله واثقه بحروفج الناجحه ..

المسأله ان لا تعطين فكره نهايتها معروفه للقراء
ممكن تكون الفكره مستهلكه بس النهايه تصدم القارئ
معنها مو خياليه بالعكس واقعيه و هذا يعتبر كسر روتين القصص
بواقع مهما انصدمنا منه بنقول واقع ..



:)
دمت بود