كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة وردة شقى  |
السلام عليكم ورحمة الله و بركاته ..
صباح النوير ..
قبل لا أقرى جزء اليوم
هذا تعليقي للي طاف :)
بطي
مثل توقعي صار له دور بربط شما و سلطان
بس شلون بكون رد فعله على الموقف الي حطه بطي
فيه اهو اكيد بينصدم
و اكيد ماراح يرد رفيجه و يفشله
بس المعضله شلون بكون تعامله معاها ..؟!
سيف
و مازال بطور الصدمه
من سقطة لسان مرته
هل بيكشف الحقيقه قريب ؟!
ولا بتمر حياتهم مطب صعب؟!
أحمد
و مرته الخبيثه
ربي عالم الي بقلبه و يكشفها
و يعوضه بالي أحسن منها و تستاهل قلبه
و حبه و تنسيه عوشه و طوايفها ..
ذياب
بقدر الضربه بتكون قوته ..
و هو قدها و قدود ان شاء الله ..
ناصر
و قرب شيخه ..
هل تداخلها بخط حياته
بكون له وجه ثاني و حياة ثانيه ؟!
ممكن ليش لا ..
فلاح
و خطى خطوته الأولى نحو حصه
رغم كلام مهره الي اهي ادرى
بشخصية اخوها و حصه ..
هل ممكن حصه تكتشف السالفه على حقيقتها
ولا بتظل تشيل خلفيه غلط عن فلاح
فتره طويله
و اكيد بتأثر عليها اذا صار الي
براسه و صارت من نصيبه ؟!
شما
مازالت عروقها ترجف بحبه
بس ان درت بالخبر ؟!
هل بتقاوم؟! وان قاومت اكيد ماراح يرضخون لها
ولا بتستسلم و تعطي قلبها فرصته
رغم الماضي الي مازال يشعل النار بصدرها ؟!
روضه
و طاحت ومحد سمى عليها
و شكل من سبى قلبها بأسبانيا
بتكون لها معاه مواقف
ما تنحسد عليها ..
مساء الابحار بحرفج
ياللولو
عندي نظريه و لج حرية قبولها
سلطان و شما
حمد و عليا
روضه و نهيان
يعقوب و موزه
شافوا بعض و تعلقت قلوبهم
بعضهم من طرف و بعضهم من طرفين
اتمنى الزيجات ما تنبني على هالنوعيه
من البدايات
شافها و حبها و تعلق قلبه فيها
لأن هالنوعيه تكسر جمالية الروايه لأنها فكره مستهلكه
:)
أحيانا القلوب تتعلق بشخصيه ما شافتها
بس الكلام عنها كافي انه يعلقها
و يخليها تحترمها و تقدرها ..
دمت بطاعه
|
وعليكم السلام ورحمة الله وبركاته ...
هلا هلا بـ وردتنا .... تولهناااا :)
يا محلى طلتج وبصماتج الساحرة ....
صحيح يا بت توقعج صاب وطلع بطي هو الرابط اللي بيربط بين سلطان وشما .... ربي يحفظلنا ذكائج :)
باقي ابطالنا ...... بين مد وجزر ........ ان شاء الله كلن في الاخير ينال ما يتمناه ... بس طبعاً بطرق خفيفة حلوة مب قاسية وحروب ومذابح هههه ..... اسعدتيني فوق ما تتصورين بـ حماسج وتساؤلاتج المتتالية .. ها يدل على انكم تعيشون اللي اكتبه .... واهم شي عندي ان القارئ يعيش ويحس ويتأثر ... :)
بالنسبة لـ نظريتج ....
كل نقد منج اتقبله .... بس فهميني في البداية كيف فكرة مستهلكة ...؟!
تقصدين ان فكرة لقاء الابطال مع بعض والحب من اول نظرة هي المستهلكة ..؟!
لو جيه قصدج بقول لا ..... مافي شي مستهلك في الحب .... والشي ما نقدر نقول عنه مستهلك اصلاً قولي ليش ..؟!
يعني الحين واحد شاف وحدة وتعلق قلبه فيها او مثلاً خل نقول انعجب فيها .... تستوي في الحياة .... يعني هالشي يحصل دوم .... مافي شي مستهلك بالنسبة لهالموضوع ..... ولو افترضنا مستهلك ... لنفترض يعني .... مستهلك متفرد بنوعه .... صح ولا ..؟! هي مب غرور او ثقة زايدة .... لا ابداً ... بس شوفيها من هالناحية .... كل كاتب له اسلوبه وله طريقته في توصيل الحب والاحاسيس ... يعني مثلاً فكرة بيع الكب كيك مستهلكة جداً جداً جداً جداً ..... بس بالنسبة لي ما بشتري كب كيك الا من انسانة طباخة نمبر ون وشغلها نظيف وحلو وسنع وراقي .... صحيح ...؟!!! ..... ونفس الشي في الرواية ...
بالنسبة لـ كلامج ان مرات الكلام يسد ان يزرع في قلب الانسان الحب .. صحيح .... بس في هالحاله بيكون مب حب حب بالمعنى الافلاطوني القيس بن الملوحي <<<< شرايج انتي بس في الوصف هههه ...
يعني اللي اقصده .. الحالة الثانية نادر ما يستمر فيها هاك الحب القوي لأن حاسة الاذن والعقل هي اللي اشتغلت بس .. بينما الحالة الاولى كل الحواس اشتغلت ... واشتعلت بعد .....
وهالشي طبيعي جداً ... شافها وحبها .. سمع حسها وحبها ..... تكلم وياها وحبها ... حب بريء طبعاً مب حب ماصخ ويتعدى الخطوط الحمرا ..... جيه الحب ... واحلى الحب تيي بالصدف والمواقف السريعة والبسيطة ....
ماعرف لو قدرت اوصلج فكرتي ... بس في النهاية ماشوف ابداً ان طريقة تلاقي الحبايب هي فكرة مستهلكة لأن الاستهلاك يكون من ناحية الحركات ... والاسلوب .... واستخدام الكلمات والتشبيهات .... بس اللقا نفسه ما ينحط تحت خانة الاستهلاك .....
هيه صح ... نسيت اقول شي ههه .... الرواية بعدها في اولها .... اصبري شوي يمكن تغيرين رايج عقب :)
تونا في البدايات غناتي ..... ومب كل الابطال طلعوا بكامل حلتهم الرسمية على المسرح ...
صدعت راسج ادري .. السموحة حبيبتي .. بس احب ارد بأسلوب يكون على الاقل مقنع ومقبول للغير ....
نورتيني وردتنا ... ولا تحرميني من طلتج البهية يا عسل :)
|
25-01-15, 03:41 PM
)
جديد مواضيع قسم القصص المكتمله من وحي قلم الاعضاء
العرض العادي
