كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة شما بنت محمد  |
صباحج/ مساج فل وكادي
شحالج لولوتنا؟
يعني قفلة شقول عنها بس تعرفين جي كنت متحمسه وانا اقرا واحس أني يالسه اتنازع مع غانم على عمهم وللابددد يعني اخر شي خلص البارت :) :) :)
بس والحق يقال ماشاء الله أبدعتي بالقو فـ سرد ووصف هالموقف من بدايته لين نهايته
كانت أعصابي على وتيرة وحدة لين ماخلص الموقف بسلام
يعني أبدا ماتوقعت أن جي يكون الأرتباط بـ هالسرعة . . الموقف صار بالصدفة وفي الأخير صار اللي كانوا الاثنين يبونه ويتريونه
بس عاد بطريقة هم نفسهم ماتوقع كانوا يتمنونها !! للأبد أبا أعرف شو بيصير وهل بيتم الزواج ولا لا
جميلة أفكارج لولوتي لا عدمناج ولا عدمنا هالابداع الجميل فوق العادة
رفعة
بنت قوية وايد وشخصيتها أقوى رغم ضعفها جدام الماضي إلا أنها قدرت تواجهه . . اللي سوته محد يقدر يسويه بـ هالسهولة
الأغلبية يشردون من المواجهة ومايفضلونها لكن هي تراكم ضيق الماضي عليها وعقب ماعرفت أنه بغيبوبة من سنين
الشي حرك فيها المشاعر وفكرت بطريقة صحيحة وواجهت الشي . .
اللي يصيرلها وايد كبير واعتقد أنها بترتاح بعد هالشوفة وبعد ماطلعت اللي في خاطرها له عشان تبري ذمتها وتساعد شخص
ماكان له ذنب حاله حالها . . شو بيصير بعد هالخطوة ؟ عن نفسي ماعتقد أنها توقف عند هالخطوة . .
خالد
في البداية طبعا نعرف أن أبوه اللي يزن عليه لكن ماهان عليه أنها ترفضه بطبيعة أي رجل !!
ماله حق أنه يلمسها بس اتوقع كانت الحركة لا إرادية منه بحكم غيضه أو أنه لانه يباه يرمسها لانه خايف من أبوه . .
عاد ولد أبوه سيده راح خبر أبوه وصار اللي صار
الضرابة
طبعا الشي خلاني أفتح حلجي تو ذا ماكس هههههههههه أن أنت من وين طلعت . . الموقف كله توقفله القلوب
وتضربنا نفضه منه لاسباب وايد بالذاات يوم قال نهيان "يتحرش بحرمتيه"
أولها روضة بحكم أنها بنت وصار اللي صار جدام ولد عمها
سبب ثاني نهياان ماكان يعرف أن الريال هو ولد عمها . . سبب ثالث خالد وتوقعاتنا باللي بيسويه بعد هالموقف !!
وصار الشي وخبر أبوه
نهيان
الريال العاشق الولهان اللي نضاه الحب والوله من شاف اللي صارت عوقه لين يومه هذا ف طبيعي يوم يشوف هالمنظر
جسمه كله تضربه حالة استنفار وطواري بعد . . ماعرف لو الشي اللي سواه صح ولا غلط بس اللي أعرفه أن الشي مابيطوف بسهالة !!
ويوم استوعب اللي سواه قرر أن الليلة يخطبها ههههههههه
روضة
كبش الفداء في الضرابة كلها والله يعينها ع اللي بيصير من ورا الشي كيف بترقعها !!
عوووووورت قلبي والله حرام مالها ذنب ياخي بس عجبتني لانها خبرت أمها باللي صار كله ومادست شي عنها
برافو عليها عشان تعرف أمها كيف تتصرف جدام عمها
بو نهيان وبو عبيد
ضحكت ضحك ع هزبتهم لنهيان بس كسر خاطري ياخي عشقان سامحوه ورقعوا السالفة عقب قطعوه ع كيف كيفكم
هزاب بو عبيد ذكرني بهزاب يدي -الله يرحمه- لشباب العايلة حسيتني قاعدة جدامه :(
العم بو خالد
شخبارك الحين بس طلعت المريلة؟! وعادي عندك تنهب حلال أخوك ف حياته وتمشي اللي تباه ع كيفك !!
يخرب بيته كلامه يجرح والله حرام عليه
غانم
ريال والنعم فيه . . جد شنب
أم روضة
يالله "لحطة صمت" شعورها لا يوصف بصراحة الله يعينها ع اللي ياي وعلى الكلام السم من عم البنات
نيهان
الرحلة المكوكية اللي خذاهم فيها وأخيرا وصل البيت المنشود
حنان
مسكينة هالانسانه . . أحمد يجبرني أحقد عليه وأنا مابا ياخي
وين راحوا عنها مسكينة
يعطيج العافية يا قلبي
أحبج وايد :)
|
مسا الفل
هلا وغلا
بخير ربي يعافيج .. انتي شعلومج حبي وشو صحتج الحينه ..؟!
كلامج يفرحني الحمدلله ان البارت نال على اعجابج ورضاج ..
نهيان/روضة .. اللي صار لا كان على بالهم ولا مر في خاطرهم حتى .. كل شي صار فجأة وبسرعة الصاروخ .. بس ان شاء الله خيرة .. لكل الاطراف طبعاً :)
رفعة .. انسانة قوية ومناضلة رغم ألمها الكبير باللي صار في ماضيها .. نتمنى منها تساعد بو روضة ولو بأبسط الطرق .. على الاقل تعترف باللي صار قبل 15 سنة ...
بونهيان/بوعبيد .. ههههههههههه .. الله يرحم موتانا وموتاكم وموتى المسلمين جميع ..
العم بوخالد .. انسان جشع وما في قلبه ضمير .. تتوقعين شو بيسوي يوم يتلاقى ويا نهيان ..؟!
روضة .. كبش الفداء شرات ما قلتي :(
حنان .. لا لا لا تحقدين عليه مب ناقص حقاد هو :(
اسعدتيني ونورتيني بمرورج يا جميلة ..
صافي محبتي/ودي ..
|
14-05-15, 03:36 PM
جديد مواضيع قسم القصص المكتمله من وحي قلم الاعضاء
العرض العادي
