السلام عليكم و رحمة الله و بركاته
باقي يومين للبارت .. هانت " فيس يصبر نفسه "
لا زلنا مع تداعيات البارت ... بارت نهيان و روضه بامتياز
اول شي انا كنت منتظره يواصل البارت في ليلة احمد و حنان ... بس لما ابتدا برفعه قلت معليه ... خل البنيه ترتاح و قوم روضه يفرحون بقومة ابوهم ... علي الاقل نهيان ما يضطر يخطبها من عمها ...
و لما راحت صوب الباركنات توقعت تشوف نهيان بالصدفه ... يعني شوف و حرقة جوف ... بس ذا الاكشن ... ما توقعته ابد
و لما نهيان قال لخويلد هاذي حرمتيه ... تجمدت لدقايق ... ما قدرت اقرا و لا كلمه و عقبها شربت قلاس ماي و رجعت قريتها مرة ثانيه (حرمتيه) .. يعني وقتها حسيت قصر الحب الوردي بين نهيان و روضه طاح فوق راسي ... يعني من بين كل سكان الامارات ما يتهاد الا مع ابن عمها .. لا و عمها اقشر و واقف لهم علي الغلطه
يا خوفي بس تتعقد السالفه من الحين ... لا و انا اللي كنت اظن كل مشكلتهم بتكون عبيد .. اثر لولوة مخليه سالفة عبيد اصغر سالفه ....
صحيح نهيان الحين بيحاول ينقذ روضه من ذا الموقف لكن ابو خالد ما هو بهين ... و لا راح يمرر السالفه علي خير ابد ....
لا و رايح و هو ناوي يضربها و يكسرها و شايل معه عجراء .. الحين اذا عرف ان نهيان في الباب وش بيسوي ... و هو ريال لا يعرف يحشم و لا يقدر .. كان حشم اخوه اللي طايح بالمستشفي من 15 سنه ...
و خويلد .... امممممف عليك .... رايح تشكي عند الباب يا روح البابا ... اصلا خسارة فيك الشنب ... روح مناك بس
روضه ... عزتي لك حبيبتي ... يعني صارت و صارت و طاحت فوق راسك ... تمسكي بحبك و لو علي قطع رقبتك .. الريال اللي ما رضي احد يمسك طرف يدك بيشعلها نار قبل ما تصيرين لاحد غيره .. خلك قوية
حنان .. اي خلك كذا لا تخافين من شي .. اذا اهو يبي يخليكي بروحك في البيت سويله طاف و قولي ما همني ... مصيره يجيكي عاشق ولهان ... بس ساعتها الله الله في الانتقام ترا يمدحونه ... و بردي حرتي
يا خوفي منك يا لولوة ... يا خوفي ...متحلفه لحزب السلاحف ؟؟؟ ... و حنا جاهزين بالدبابات و المدفعيه الثقيله و صواريخ ارض جو و عابره للقارات .. قصدي للمدن ( حشا حرب ما هي روايه )
اللولوة من الحين اقولك ... ذا البارت احترمت اتفاقنا و ما راح احن و لا ازن و لا اقول نبي بارت او غيره .. ابصبر لين السبت ... بس اذا بارت السبت ناري كذا و القفله بتحرق قلبي و اعصابي ... الله يعينك علي حنتي بس ...