صباحك معطر بعبير الفل والمشموم يا بنت عبدالله

طبعاً هذا اول رد لي .. بما اني من المتابعات الصامتات بس روايتك تحفز الواحد يرد عليك لو بكلمتين .. كونك تستحقين التشجيع بل والتصفيق ورفع القبعه بعد .. احيك صراحه ع هالتحفه الرائعه .. كتبتي واتقنتي ولمشاعرنا اللهبتي ..

حبيت طريقة حبكك للروايه وسيناريو الابطال الشيق والعذب .. اسلوبك ذكرني بالرائعات ليتني غريبه من الامارات ، وانفاس قطر من قطر ، ومشاعل من السعوديه ..

طريقة وصفك للاحداث .. خاصه المليئه بالاحاسيس والمشاعر الدافئه ( ظربت العوق ) .. وهذا ان دل .. دل على مدى كفائتك فهالمجال ..

حبيت اسجل اعجابي برائعتك .. ولازلنا متعطشين للمزيد

موفقه يا لولو بنت عبدالله من الامارات الحبيبه

عن نفسي مو فاهمة غلط.. قصدي ابي بارتين اليوم
وبارت بكرة تنزلينه بنفس وقته.. يعني المسألة طمع😁🙊


و صباح الخير❤️❤️

السلام عليكم ورحمة الله وبركاته
حياكن الله كلا باسمها
اللولو ... يا لببييييييييي قلبش
وش ذا الزين وش ذا الروايه الحلوة
شفت الرواية من فترة لكن ما قريتها إلا أمس و توني خلصت البارت الأخير
روووووعه
حبيت كل الشخصيات لكن ذا الفلاح رفع ضغطي .. بس خل حصوص تجي عندك و هي اللي بتبرد حرة قلبي ...
اتوقع شما حامل ... وه بس فديت سعيد الصغيروني (يعني أنهم بيجيبون ولد و يسمونه سعيد)
قلبي قارصني من سفرة تركيا .. و لي عتب على سلطان .. تدري أن البنيه تتروع من أقل شي .. ليش ما توديها عند هلها لين ترد بالسلامه؟؟؟
يا رب ما ننفجع فيهم اثنيناتهم
حارب ... انت غبي؟؟ أبوك ياك في النوم و ما قدرت تجمع واحد زائد واحد و تعرف أن الأوراق مخبايه برقعة الشطرنج؟؟..
بانتظار البارت و انا اتقلي علي ضو

مسا الفل على اللولو وهداياها الحلوة
شوفى انا مع البنات
نزلى البارتين النهاردة
ولو عاوزة تنزلي كمان الاربعا والخميس والله ما هنقولك لا