كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
يسعدلي يومج كله يا أجمل لولوة في الدنيا :)
شو هالجمال يا انسانه من دون أي مجاملة كل بارت أجمل من الثاني خصوصا من بدت الأحداث تطور
الأحداث والتطورات محبوكة بشكل لا يوصف وبحرفنة عالية جداً تبارك الرحمن . . سلمت أناملج 
المقدمة دمااااار عجبتني وايد وايد وايد . .
شيخة
هالبارت بين دواخل شيخة أكثر بين شكثر هي متضايقة وفاقدة أبوها وتتمنى ان لو كان بينهم قاعد . .
تبى تعتمر له وهالشي بين شكثر هي متعلقه فيه وفاقدتنه ف حياتها . .
حبيت كيف هم مع بعض ويساعدون بعض حسيته صدق رمضان مع شغلهم وتزهيباتهم للأكل :)
بيت سلطان وحزة الفطور
الأجواء الرمضانية تجججججججنن اشتهيتني معاهم هههههه . . ضرابة العيال تخبل ماتوقعت سلطان يضرب العيال !!
أحمد بعده يالس ويقارن ماينلام لان كان عايش سنين في جذبة مع انسانه ماتحبه وقلبها عند واحد ثاني . . والحد هو منو؟!!
هو سلطان اللي رابين مع بعض ويشوفه دايم الدوم . . شي طبيعي بيكون جي لين الحين ولين باجر واللي عقبه
فدددديت طباخ شما بيضت الويه ها ؟! ماشاء الله عليها طباخها حاز على إعجاب الكل وأكيد سلطان متفجج ههههههههه
شما وناعمة
ماشاء الله ع شما تلقطها وهي طايرة . . جميل كان كلامها عن حارب واهله يريح القلب لو أنا كنت بدال ناعمة بعد كنت برتاح من هالرمسة . .
ناعمة حاطة ضوابط وصفات لزوج المستقبل بس سبحان الله مرات يصير شي يخليج تكسرين هالقواعد لان في شي يطغي ع أشياء !!
شما وهي ترمس عن اللي صار بأهل حارب كان كلامها يلمس أعمق نقطة في القلب . . جي يعني حسيت أن قطار معاناة هالعايلة خطف جدامي
حسيت شكثر هالناس انظلموا وعانوا في حياتهم والنتيجة اللي حل بحارب وأخته !!
إن شاء الله قدرت ناعمة تكون صورة عدلة في بالها
موافقة ناعمة
أحس حرام ياخي تحط هالشرط كشرط أساسي يعني بالذات عشان موزة أن يعني هي بروحها ماتخالط حد !!
معقولة يعني إذا ماوافقت بيكنسلون الزواج !!
من ناحية ثانية ممكن يكون الشي حسنة في حياة موزة وحارب . . أن يعني تنقلهم عالم ثاني وتحوطهم بالجو الحلو الحنون
متشوقة أعرف تطور هالسالفة بالذات . .
اجتماع الشباب عند بو حميد
ماشاء الله عليج يالولو الكلام اللي قاله ابراهيم بالتسلسل حسيت جنه حد مفهمني إياه بالقلم والمسطرة من كثر ماهو يمع القصة كلها باختصار . .
والقصة تعور القلب وايد فيها وايد ناس انظلموا بسبب أشخاص قليلين عقل :(
وجاااان بطي يعرف أن أخوه مجتول !! أغلب ظني أنه بيزعل من سلطان اكثر حد لانه أقرب انسان له . .
هل ياترى بيهدا وبيتفهم ولا بيشيط عليه ؟!!
شكرا لولوة القمر وحبيبة القلب على هالبارت والله يعطيج العافية . . نشتاق لانتاجج دوم :)
بحفظ الرحمن ياقميل
|
27-04-15, 01:16 AM
جديد مواضيع قسم القصص المكتمله من وحي قلم الاعضاء
العرض العادي
