كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة شما بنت محمد  |
إطلالة رائعة كعادتج حبيبتنا وكاتبتنا لولوة
تسلم إيدينج على هالجزء الأكثر من رائع واللي خلاني مثل مايقولون واقفة على ريل وحدة لين ماخلصته من كثر ماهو متروس مشاعر جياشة بمختلف أنواعها ..
العنود وسيف .. أحس هي ماقصدت تجرحه لأني أحسها من النوع اللي مايعرف يطلع الكلام الصح ومايلاحظ أن أحيان بعض الكلمات تجرح أصحابها مثل ماصار مرة موقف مع موزة، لكن بطبيعة سيف أتوقع هو حساس بسبب اللي فيه فـ بيتأثر من الشي وايد، ولا شو الراي؟!
حارب وناعمة في المطار .. سميت المشهد بالإعجاب العاقل هههههههه .. جدا كنت متوترة وأنا أقرا موقفهم من الخوف بس الحمدلله مر الموضوع بسلام ..
ناصر .. أتوقع له بداية جميلة في هالمكان، على فكرة حبيت اللكنة القطرية (;
مصبح وظاعن .. حبيت أنج دخلتي مشكلة تعاني منها فئة المراهقين في مجتمعنا .. جذبني أسلوب مصبح مع ولده ..
سلطان وشما .. سمحيلي أني أخلي هالموقف هو شيخ هالجزء 
يالله يا لولوة شقد هالوقف جميل .. بصراحة ومن دون مجاملة طريقتج في كتابة هالموقف ماحصلتش .. يعني مابالغ لو قتلج أن دقات قلبي تسارعت وحسيت بطنين في أذني من كثر قوة المشاعر اللي اجتاحت كيان كل من سلطان وشما .. والله أنج كفو برافو عليج ..
شغلة سلطان وحارب جدا صعبة وخطيرة الله يقويهم .. كل تخطيطات الأعداء تجاهم تخليني على أعصابي بصراحة..
لولوة
جزء عن جزء يخليني أزيد قائمة الأشياء الجميلة لروايتج
استمري حبي
تقبلي مروري
|
صبحج الله يالغالية شما بالخير والعافية ..
يا قلبي عليج .. ربي يسلمج من كل شر وتسلمين وايد على الكلام الطيب ..
العنود/سيف .. قدرتي تحللين شخصية العنود بسطرين بس ومن خلال موقفين .. صحيح هي جيه .. طيبة ومرات اطلع اللي في خاطرها بتسرع ومن غير تفكير .. وها كله من طيب نية بس ..
ومثل ما قلتي يا ذكية .. سيف حساس بسبب اللي قالته وبسبب مرضه اصلاً ..
في النهاية العنود طاحت في مشكله مع تصرفها المتسرع .. ظنج كيف بتحل المشكله لو عرفت باللي صار ..؟!
حارب/ناعمة ..... ههههه تتوقعين صدق مر بسلام ...!!!!!
الدكتور ناصر .... اللهجة القطرية من اللهجات اللي اعشقها :)
مصبح وولده ظاعن ...... المراهقين مشاكلهم ما تنتهي .. بس الاب الذكي هو اللي يقدر يساعد في حل مشاكل ولده المراهق بـ تعقل ومن غير عصبية مالها لزمة ..
سلطان وشما .. ههههه يا فديت قلبج انا ... وانا اقرا كلامج شقيت الحلج وتخيلت شكلج وانتي توصفيلي ردة فعلج على هالبارت .. الحمدلله قدرت اوصلكم مشاعر سلطان مثل ما بغيت بالضبط ..
شما بنت محمد ..
جزء عن جزء يزيد قربكم من قلبي .. لا خليت منكم ولا من قربكم ..
|
11-01-15, 08:21 PM
جديد مواضيع قسم القصص المكتمله من وحي قلم الاعضاء
العرض العادي
