يسعدلي مسا الحلوين والمبدعين يانااااس
الله يخليلج ربيعتج ويخليج لها :)

شو هالبارت الدسم ماشاء الله . . ماكنت أباه يخلص ممتع للأبد
شكرا على هالبارت الجميل بجميع المقاييس . . أشياء يديده صارت كنا نترياها من زمان وأشياء يديده قربت تستوي . .
وانفتح الستار عن مشاعر وحقائق كانت مندفنة سنين . . ولمعت عيون مشاعر ثانية انولدت فـ لحظة وبانت ومرادهم القرب . .
شقول بس حبيته حبيته حبيته من قلب دمعت عيني ع بعض التعابير من قوتها ماشاء الله عليج مفرداتج مسكته
"ذكرج للتفاصيل الصغيرة هنيه المنقولة من الحياة اليومية يجنن يجنن يجنن"

نيي للأبطال:
أحمد والعنود
تخطيط من ورا سيف . . عجبتني شجاعة العنود مع أنها تعرف كيف بتكون ردت فعله وتعرف أن ممكن يجرحها
بس مع هذا أصرت أنها هي اللي تكون معاه ولا بترضى بغيرها لانها هي الأولى . . !
أحمد خذ راي العنود بـ حنان وطبها هو قلبه منعمي مايهمه يسمع أي مدح او حتى يمكن ماينتبه للمدح
لان في الأساس هو حاط في باله أنهم واحد ومن نفس الطينة وماخذنها لمراد واحد اللي هو في باله ف مب مهتم لشي ثاني !!
عاد شو بيصير بنتريه ونشوف . .

شما وسلطان
تخبطها في البيت قبل مايوصل سلطان كان طبيعي ولحسن الحظ في البداية أنه هو كان محد عشان مايشوف تغير المعاملة
لكن هالشي ماكتمل وصار اللي لازم كان يصير من زمان !!
شما يمكن ماتحب اللي جدامها يتضايق منها حتى لو بنظرها غلطان ف ماكانت تعرف كيف اتطلع غيظها
غيظها اللي سيطر على تصرفاتها هالمرة و"أي غيظ" غيظ فجر براكين وطلع المكنون
الطريقة اللي كانت تتكلم فيها شما تعور القلب وهي متذكرة كل تفصيل في هذاك اليوم :(
وهو أصلا مش حاط في باله ولا شي من ذاك اليوم ولا فكر انه يربط لان صدق الموضوع ماكان بينفهم لانه مايدري أصلا أن عوشة سيئة لهاي الدرجة !!
يوم قالتله "حبيتك" يصصصصيح حسيت العالم كله سكن حولي

أما هووو يالله يا لولوة ردت فعله تعور القلب أكثر وأكثر لانه استوعب أن هالسنين كلها انحرم منها عشان سوء فهم لا أكثر
هي حكمت عليه من دون ماتتأكد حكمت على علاقتهم انها تنتهي قبل ماتبدا ف شو بتكون ردت فعله
جرحته وايد هالشما والكلام اللي قالها له هو الصح وماتقدر تنكر هو شرا الحب مرتين وباع كرامته وهي من اول مرة باعته

بعد الموقف اللي كتبتيه وأن كيف صار الشي بالتسلسل من صوب شما ومن صوب سلطان
حسيت شقد الموضوع جرح سلطان وخصوصا بعد ماعرف السبب وأن شما كان لازم أنها تتأكد قبل ماتحكم وتسوي سواتها !!
آه يا لولوة . . موقف المصارحة ها في الصميم أبدعتي في السرد بصراحة
ووصل فيهم الحال الحين مرور ست أيام من دون لا يتششاوفون وكل واحد فيهم شايل من الضيق كبر الدنيا
طلب أن هو يردها من بيت اهله يا ترى كم بيتمون جي !!

حارب
بدا يدور المذكرات لكن دون جدوى !!

التحقيق
هالسلطان يخلي الحجر ينطق ماشاء الله عليه هههههههه طالب خر اللي عنده كله
كيف كان تخطيط بو مرشد على أهل حارب شي يعور القلب سبحان الله كيف هالقلوب فيها ظلم وحقد !!
يعني يوم كان طالب يرمس باللي يعرفه أحس ياخي شو هاااا وين عايشين نحن بالتسلسل حشى يستولون على واحد ورا الثاني

نهيان وعبيد الصغير
حليله هالعبيد محد يلعب معاه ومطلوب من العيال ههههههههه

حصة وربيعاتها
فديتج ياحصة ماعليه سامحيه مايعرف أن الإناث كائنات رقيقات حتى لو كان لسانهن طويل
بس حرام لازم تعرف أن مهرة مالها ذنب المسكينة
وراي ناعمة عين العقل صح كلامها إذا كان مراده انه يغايظها ف أحسن الشي الحقران

روضة
هل ياترى بتطور حالة علافتها مع نهيان ولا بتم جي ؟!!

رفعة
يالله الشي يروع مسكينة يا رفعة مب مترقعه ف حياتج أبد . . أحسها تفكر قريب أن تواجه اللي عانت من كتمانه سنين :(

حنان
وافقت وحليلها مايندرى الحياة اليديدة شو مخبتلها !!

ناعمة
مثل ماتوقعت أن في البداية بتتحرى أن عشان حارب يبى يرقع السالفة وبتتردد في الموافقة
بس عجبتني أنها واجهت خوفها وسارت سألت ذياب

حارب
توتره يوم كانوا أهله عند بيت حارب . . أحب هالجانب من روحه يخجلني ياخي واعليه عليه متى بس متى بيتهنى فيها :)

سالم وذياب
بخصوص أنك تبى تناسب حارب نعم أخوي شو تبى منوه دخلك الرواية أصلا ؟!! ولا بعد ياي تشاور ذياب
خيييير ممكن تطلع من الرواية من غير مطرود؟ لولوة لو سمحتي طلعيه مانباه خلي ذياب متهني ببركة العسل

آمنة وبطي
هذيلا أحس حطيهم ف قفض عشان محد يزعجهم وعشان يتمون كناري للنهاية خلاص هههههههه

بطي وسلطان
وها الثاني حس أن سلطان فيه شي . . سبحان الله جملة ممكن تهدي النفوس حتى لو ماكان يعرف شو في خاطره بس الأحساس يكفي

سيف
وي وي وي أنا تروعت من عصبيته خلها ياريال تروح معاك شو بتخسر !!
مترقبة أعرف كيف بتكون حياتهم هناك . . سبحان الله في الغربة مل شي يتبدل

حصة
عرفت من عبيد الجميل ان هذا كعبول

ميرة
ههههههههههههههه مصرقعه من قلب هالانسانه . . ويه الفارس عشان ينقذها
ضحكتني الجملة اللي قالها حمد ههههههههههه لايقين على بعض ع فكرة


ربي يواليج العافية ع مجهودج الغالية وربي يحفظج وين ماكنتي

لج خالص الود والاحترام والتقدير