كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: بات من يهواه من فرط الجوى، خفق الاحشاء موهون القوى
اقتباس :-
المشاركة الأصلية كتبت بواسطة bluemay  |
السلام عليكم ورحمه الله وبركاته
وأخيرا عرفو بحقيقة شعور كل واحد للتاني ... بس لسه أستشعر أنه مو مستوعبين انه حقيقة مو حلم.
آآآآآخ بعد كانت شما رح تنطق هالجوهرة قاطعها سلطان ليستعجلو ﻷنه قرب موعد رحلتهم.
بس الحمدلله رح تتغير نظرتهم السودا لبعض وتبدا تلين المعاملة ويزداد الود بينهم.
حبيت موقفه في الطيارة نساها سالفة الخوف كلها هههههههه
وشوفي الغيرة من بطي صاحب الفضل بعد الله في لم شملهم من جديد.
أحمد مسكين عن جد القهر صععععععب كتير واللي شافه موقليل .
وجات الحرباية تكمل عليه وهي بتخبره بالعملة السودا اللي خططت لها الحية الرقطاء.
بس حقده رح يعميه ويخليه يظلم انسانة رقيقة وبريئة .
موزة اخدت خطوة ايجابية بس بدها دفعة مشان تقوي حالها وتكون عندها رغبة قوية بالشفاء.
حارب مهتم بصلة ارحامه ورغم انشغاله ما بقطعهم .
حبيت جلستهم مع اجداده هو وعمته وثناءهم على قوم هامل بن ذياب وهادا انعش روحه .
آمنة وردت لها الروح بعد طول غياب وعلاقتها ماشة للأحسن وانبسطت انه سبب زعلهم انزاح من طريقهم.
حبيت جلستها مع اختها وسيف كانت مرحة وبينت عمق القرب اللي بين سيف وخالته.
نهيان ومواجهته مع والده كانت مؤثرة ... عن جد رحمته مو قادر يفهم ابوه وأبوه الله يهداه تارك بينهم حاجز رهبة بدون ما يحس.
يعني الحمدلله اخيرا زال سوء الفهم ورح ترجع المياه لمجاريها .
روضة مسكينة وعمها الجائر متحطط عليها . امها موقفها صعب حرمة و وحيدة ضد واحد متجبر ولا بخاف ربنا.
ما بقول غير الله يرد خليفة بالسلامة مشان ترجع الحقوق ﻷصحابها.
سلامة بحب اهتمامها بتوأمها بس يا رب ما تصير حماية (متل الحماة) لشما هههههههه
بس شما ذوق وفهم اكيد ما بتقول شي.
ناعمة كل مالها بتتعاطف مع موزة وإن شاء الله بتكون لها متل اﻷخت وبتفاهمو ع كل شي.
لا ان شاء الله الزواج بتم على خير البنت غاطسة لودانها في حب الواد حارب هههههههههه
حنان اتفاجأت بطلب السماح من ابوها ... يا الله ما اطيبها وما احن قلبها
عن جد رح تكون الترياق الشافي لأحمد بإذن الله تعوضه وتنسيه كل القهر اللي حس فيه.
موينع السافل الحقير مو ناوي يترك ميرة بحالها الله يرد كيدك بنحرك يا خائن
الله ينتقم منه على معاملته السيئة والمهينة ﻷمه .
يسلمو إيديك حبيبتي عن جد روووعة واستمتعت كتير بالتطورات اللي صارت بين شما وسلطانها ونهيان وأبوه
والقصيدة رووووووعة عنجد كتيييييير إبداع منك انتقائك وانا بنسى والله بس كل مرة بستمتع اشد استمتاع وانا بقرأها وفعلا بتكون بتعبر عن الحال دائما
متشووووقة للي جاي
يعطيك العافية حبيبتي وتقبلي خالص ودي
°•○اللهم أغفر لي هزلي وجدي، وخطئي وعمدي، وكل ذلك عندي○•°
|
وعليكم السلام ورحمة الله وبركاته ....
هلا هلا ... يسعدلي مسا الحلوين .....
نورتيني ميميتي كعادتج .....
سلطان وشما .... صحيح ... هم نفسهم يحسون انهم في حلم مب في واقع ..... الاعتراف اللي طلع من سلطان طفيل بأن يلين شما ولو شوي او على الاقل يخليها تفكر بأفعالها وكلامها قبل لا تقول شي .... حاجز الماضي بعده بينهم يا ترى كيف بينهدم ...؟! هههههههه شما خوافة بس الحمدلله قدر سلطان يخليها تتعدى هالخوف بسرعة وبسهولة .... :)
شفتي كيف ...!!! يغار من اللي كذب عشان يجمع بينهم عقب هالسنين كلها لوووووول ......
احمد ... معور قلبي هالاحمد فوق ما تتخيلين .. كل يوم تطلعله سالفة ايديدة من سوالف عوشة ... والمسكين يتلقى الصدمات على راسه من غير ما يكون بين ايدينه شي يفج حرته فيه ... بس الظاهر فكر فيها وقال ما عندي الا اختها .... هي اللي بقدر من خلالها اطلع قهري وناري من عوشة ... بس اللي يسويه غلط وتفكيره غلط ... البنت مالها اي ذنب ... لازم يخاف الله فيها :(
موزة وحارب ..... كل واحد فيهم يحمل هموم على قلبه وروحه ... الله يعينهم ويريح قلوبهم .. مع ها حارب ما وقف حياته وقاعد يتواصل مع هله واحبابه لأن عمر المآسي ما تخلي البني آدم يغضب ربه بـ قطعه للأرحام ... الا صلة الرحم .. ها شي لازم ما يتجاهله .... وموزة بالمثل .... رغم انها فقدت رونقها القديم وضحكتها وبسمتها اللي كانوا .....
آمنة .... ان شاء الله يتم حالها جيه وافضل وما تتخبل مرة ثانية هالمينونة الحلوة لووووووول .... على قولت ميرووو .. الظاهر سيف ماخذ جنون خالته .... 
نهيان وابوه ..... للأسف صحيح ... بس تعرفين شو ....؟! مرات مثل هالعلاقات الحساسة تكون ظاهرياً شكل وباطنياً شكل ثاني .... يمكن هم يختلفون بالكثير من الامور ... يمكن نهيان كان يعاني من التهميش والاستصغار والاستخفاف من قبل ابوه .. الا انه صدقيني ... وقت الشدايد هو اللي بيكون اقرب انسان له ... وطبعاً ما نذم فلاح وحمد .... لا ابد كلهم فيهم الخير .... بس انا ارمس بشكل خاص عن نهيان ... الولد البار اللي رغم مشاكله مع ابوه ... هو اول واحد بيكون يمينه وقت الحاية ووقت الشدايد .. وبيفداه بروحه وقلبه من غير اي تفكير .... ماعرف شو اللي خلاني اقول هالكلام ... يمكن لاني تذكرت شخص عزيز علي ذكرني في نهيان .... وشفت خلاله واقع ومواقف ملموسة :)
روضة وعمها ... اللهم آمين ... البنات مهما كانن قويات فـ هن محتايات ريال يوقف وياهن ويحميهن ...
سلامة والبنات ... هههههههههههه طبيعي اهتمام سلامة بتوأمها ... ولانها اساساً تعودت على هالشي كون سلطان كان عزابي لفترة طويلة ....
ناعمة .... تتوقعين كيف بتتعرف على موزة ...؟! هل بيكون لقائهم عادي وبيمر مرور الكرام ..؟! :)
حنان ... يالله .. عجبتني منج ... ترياق شافي ... عسل ميمي عسل ... كثريلنا من هالتعابير الحلوة يمكن احتاجها عقب في روايتي الايديدة ان شاء الله .... على فكرة انا وايد تجذبني الكلمات .... يمكن تكون عادية بالنسبة لغيري بس بالنسبة لي لا .... انتقاء الكلمات والتشابيه "الصح" لها طعم ثاني عندي :) .....
مانع .. قلتيها سافل وحقير :( ..... الله يحمي ميرة منه ....
اسعدتيني بـ خصوص اعجابج بـ المقدمة .... كلج ذوق حبيبة قلبي ... حروفج راقية مثل حضورج بالضبط ...
ربي يسلمج ويحفظج وين ما تكونين ميمي .....
صافي محبتي/ودي ....
|
09-04-15, 07:12 PM
جديد مواضيع قسم القصص المكتمله من وحي قلم الاعضاء
العرض العادي
