أسعد الله مساك وجميع متابعين هذه الرواية الرائعة

بارت روعة ..

بتوقع حمد هو اللي راح ينقذ ميرة بس مو موقف ابد للإثنين هههههه


عوشة يعني مصرة تقتل الروح اللي ربي كتبها لها .. الله ينتقم من أشكال مثل هذي..
بتمنى ابو زايد يتزوج عليها عشان تعرف قيمته ولو إني اشك مثلها يحس من أساسه.


يعقوب طلع فارس موزة هههه حبيت سؤاله ﻷخته عنها ...


فلاح مثل ما توقعت مو ناوي يعديها لحصة بس يا ترى كيف رح يعرفها ؟!

آمنة موقفها صعب وكل مالو شكها يزيد والفجوة تكبر وتبعدها عن بطي

اليازي هي خرابة البيوت اللي حطت بطي في راسها .. الله يرد كيدها في نحرها .


أتوقع نهيان هو العميل 522 وهو اللي شاف روضة وأعجب فيها .


أستمتعت في البارت والله وعشت أجواءكم الحلوة ...

وما بوفيك حقك من الشكر والتقدير .. ربي يسلم يديك حبيبتي

وننتظرك على أحر من الجمر ...

لك خالص ودي

‎مساء الفل..

ماشاء الله
تبارك الله بصراحه رجعتيني ورا لأيام الروايات الإماراتيه الأصيله..
ذكرتيني بالعيناويه و وردة بلادي و سحابة صيف و شوق بوظبي و اماراتي و كتاب اماراتيين اتحفونا برواياتهم الجميله..
حبيت واقعية رواياتج
مزج الدين فيها بشكل جميل
و مؤثر خاصه خوف الشباب من ربهم
لان للاسف اغلب الروايات تظهر الشباب لاهي عابث راعي بنات و قليل الي تظهر العكس و انتو ابرزتي نماذج واقعيه جميله لهم و لتربيتهم..


سلطان
حب شما و دش من الباب و انصدم بالرفض
و له كبرياءه الي اكيد بيتعبه وايد مو شويه ان امه اصرت على رايها
و حققت حلمه باللحظه الي قررت شما تشوف حياتها بعيد عن ماضي كسرها و مازال لفتره طويله عالق بقلبها غافله عن قلب كاره لها يمكن اهو السبب بالي صار لها و عن قصد و هي تظن العكس..
هل نظرتها اليديده بتعطيها القوه انها تحارب كبرياء سلطان ان صارت من ضمن املاكه؟!


يعقوب و موزه
هل وضع شما بكون عائق لحلمه ان قرر انها تكون له؟!
ولا اهل بكون تفكيرهم اكبر من هالاشياء الي البعض ممكن يرفضها؟!


حصه وفلاح
دايما نشوف الاشياء على ظاهرها و من زاوية نظرنا
بكون لا نفكر نتحقق من الموضوع و من زاويه ثانيه..
فلاح ماراح يسكت بس شلون بكون ردة فعله بيخطبها؟! ولا شبسوي؟!
ما اعتقد بتكون رد فعله انه يذوقها من نفس الكاس الي ذاقه؟! الله يستر..


حمد و علق قلبه بميره اظن ينطرها تتخرج و يخطبها..


الهندي اشك انه هندي اظنه تبع سلطان و متنكر بشخصيه هنديه واهو الي ينقل لهم الاجتماع اما الي دعمته روضه اظن بعد وراه سالفه وله صله من جهة سلطان..


البعثه بصير لها شي
احد ينخطف او شي ياخر رجعتهم..


حارب حياته بتتقاطع مع ناعمه..
ممكن تكون اسبانيا الملتقى..


عوشه حبل الجذب قصير و بيي اليوم بتنفضح و تنعرف حقيقتها..


امون ان شاء الله تعرف سالفة الي مأذيه ريلها قبل لا تتمادى بافكارها..


ذياب احس بتكون له سالفه تخلي سلطان يستعين فيه..


عندي ملاحظه
الجمال مو كل شي
لاحظت ان اغلب شخصياتج جميلين احيانا الشخصيه تحلي ختى الانسان العادي
خلينا نتخيل اشكالهم يكفينا نعرف نعرف شخصياتهم :) طبعا مجرد اقتراح ممكن تقبليه او لا ..
و شرحج للكلمات الاماراتيه يقطع الاندماج ممكن تخلينها اخر الجزء خاصه اني افهم معناها وهالشي ازعجني بصراحه :)..


دمت بود
يا انيقة الحرف