كاتب الموضوع :
عصفورالجنة
المنتدى :
قهوة ليلاس
رد: ذكريات الطفولة
بسم الله الرحمن الرحيم
اوصف طفولتك بجملة واحدة .
بداخلى فتاة بريئة وعفوية واحيانا مرحة ..كانت ولازالت ..الا انها اصبحت اكثر نضجا
ما هو اجمل موقف او اجمل ذكرى تتذكرها من طفولتك ؟
مش فاكرة حاجة دلوقتى ..بس فى حاجة عمرها ما راحت عن بالى ..هو يوم استلامى لشهادة تقدير فى حفلة بالمدرسة كنت تقريبا فى كى جى 2 ..والشهادة علشان كنت رتبت احداث صور لقصة ترتيب صحيح وبعدين الميس قالت احكيها ..وحكيتها وصفقوا لى ..لكن الاروع انى وانا بستلم الشهادة لاقيت بابا جاى يروحنى وكان واقف بيصقف ليا ..جربت عليه وحضنته وكمان جاب ليا شكولاه ..عمرى ما نسيت اليوم ده ابدا
ما هو أصعب أو أحزن موقف مر عليك في طفولتك ؟
اسئلة صعبة بصراحة ..امممممممم فى كثير خاصة انى كنت حساسة زايدة ..يعنى اى موقف اضربت او حد جرحنى بكلمات فيه كان موقف صعب ..لكن افتكر ان فيه كلب كبير اسود كنت بشوفه واقف على الترعة كل يوم وانا راح المدرسة وكانت بحس انه حزين ..وفى يوم لما رجعت لاقيته ميت فى الترعة غرقان والناس بطلع جثته انا وقفت واتصدمت وطبعا روحت وعطيت لما جبت اخرى ..وفضلت المشهد فى بالى :(
ما هي أجمل هدية تلقيتها في طفولتك ولم تنساها لليوم ؟
بابا دايما كان بيجيب ليا عرائس حلوة جدااااا ..وكانت دى احلى هدية بالنسبة لى
وماما تجيب قصص جديدة وتقرأها ليا انا واخويا واحنا صغار قبل ما ننام ..دى احلى الهدايا اللى عمرى ما هقدر انساها :))
هل هناك انسان معين كرهته في طفولتك .. ولماذا ؟
لم يكن كره بالمعنى الحقيقى ..بس غيظ او ضيق ..كان فى مدرس رخم جدااا وكان قاسى فى تعامله معنا كان بيعشق الضرب بافتراء ..كانت حصصه رعب لكل المدرسة ..يلا ربنا يسامحه
ذكريات الطفولة tekenfilm-plaatje-32
ما هي اصعب مرة انضربت فيها ولا زالت محفورة في ذاكرتك وأيه هو سبب الضرب ؟
هههههههههههههههههههه اصعب مرة كانت من بابا علشان حبست اخويا بالدولاب .
هل كنت تغار فى طفولتك من أخوتك وتشعر أن فيه تمييز بينكم؟
اكيد ..هههههههههههه
ما هي اكثر وافضل لعبة كنت تلعبها و أنت صغير ؟
كتيييييييييير ..يعنى الاستغماية ..عسكر وحرامى ..كيمو ..بس اكثر لعبة مفضلة بالنسبة ليا ..انى كنت بألف قصص واجتمع انا واولاد خالى واخى ..واوزع عليهم الادوار ونمثل المهمة انا البطلة 
او اجيب العرائس والعب معهم واعمل مدرسة واشرح اللى اخدته فى المدرسة
من كان الأقرب لك أبيك أو أمك؟
الاثنين تقريبا واحد ..ربنا يخليهم ..بس بابا كان ومازال بيدلعنى اكثر :))
ذكريات الطفولة tekenfilm-plaatje-32
صديق الطفولة هل ما زال لك به علاقة ؟
نعم ..الحمد لله
أجمل رحلة ذهبت اليها أيام الطفولة أين كانت؟
الى القاهرة ..مع اصدقائى ..رحلة لا تنسى
هـل كـنت تـعانـي مـن اخـطاء فـي مخـارج الحـروف ؟
لا ..الحمد لله ..بس ماما كانت تعانى من خطى ..لكن الحمد لله مشكلة وعدت :)) بس هى دايما ذلنى بيها ^^
مين أقرب صديق في طفولتك وهل كانت بنت ولا ولد ؟
بنت خالى ..وابن عمتى ..وصديقتى آية كانوا اكثر حد قريب لى
ما هى أكلتك المفضلة وأنت طفل ولا تزال تحبها الى الآن؟
المكرونة بالبشاميل ..الكريم كراميل
ذكريات الطفولة tekenfilm-plaatje-32
هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
نعم الحمد لله لسه عندى ..اول فانوس بابا اشتراه ليا ..للان بعتبره اثر من اثار البيت :))
اســم دلعك بالطفولـه هل ينادونك به للآن ؟ اذكره ان شئت ؟
ماما كانت تحب تقولى يا أصيلة وكنت بضايق من الاسم ده جداااا ..علشان كنت لما اتعلق بحد مش بسهولة اتخلى عنه لكن دلع ..اصحابى بس بيدلعونى .
هل كانت شخصيتك قوية أم مغلوب عليها ؟
وانا صغيرة هذا وذاك معا
ماهي المواقف اللي عرضت فيها أهلك للإحراج ؟
هههههههههههههههههههههههههه بلاش فضايح ..واحد من فاضيحى انى كنت مع ماما وبابا واخويا فى مطعم وطلب بابا حاجة مش عجبتنى ولما طلبت ايس كريم بصوت عالى بابا بص لى نظرة رعب ...بمعنى اخرسى ههههه ..لكن انا مكتفيتش لاقيت واحدة بتأكل فى بولة ايس كريم عجبيتنى الوانها ..رحت سحبتها ورجعت اكلها قدام ماما وبابا ..اخوبا فضل يعيط عايز منها وماما اخدتها منى وفضلت تعتذر للواحدة اللى اخدتها منها لكن هى رجعتها ليا ..بس ماما مستحيل كانت تخلينى اخدها تانى ..وبرضه ما اكلتهاش ..بس احرجتهم فعلا 
ما هى أكبر مغامرة قمت بها وأنت صغير ؟
فى المصيف مع عمتى..اخدت العوامة من ابن عمتى وسبحت لبعيد ..وتهت عنهم ..خرجت من المياه وفضلت ماشية طرق كتير اشوف حد اعرفه ..لحد ما لاقتنى بنت عمتى وهى بتصرخ لاقيتها ..عمتى اخدتنى بالحضن وهى بتعيط وبعدين شددنى من ودانى ولاقتهم قد ايه عانوا فى البحث عنى ..وافتكروا انى غرقت هههههههههه
ومِن هُو الشخص الذى كان يقع دائما فِي شر اذيتك؟
اخويا ..بس هو كمان كان بيردها ليا
نشيد كنت تحبه أيام الطفولـه ؟
امى كم اهواها ..اشتق لمرآها / وكمان دو ..رى ..مى فا ..صولا
هل ستربي اولادك بنفس الطريقة التي تربيت بها في طفولتك؟
ان شاء الله ..نعم ..ربنا يخلى لى بابا وماما ..اتمنى اقدر افعل مثلهم
ارجو ..انى اكون ضيفة خفيفة على قلوبكم ..وشكرا اميرة وهموس استرجعت شريط الذكريات خلالكم
مشكورين
|
06-11-14, 04:00 AM
رد: ذكريات الطفولة
جديد مواضيع قسم قهوة ليلاس
العرض العادي
