كاتب الموضوع :
عصفورالجنة
المنتدى :
قهوة ليلاس
رد: ذكريات الطفولة
أوصف طفولتك بجملة واحدة .
عادية
ما هو اجمل موقف او اجمل ذكرى تتذكرها من طفولتك ؟
كل لحظة قضيتها مع جديتى عليها رحمة الله
ما هو أصعب أو أحزن موقف مر عليك في طفولتك ؟
لحظة وفاة خالة أمى أول مرة أعرف معنى الموت وقتها ده كان أحزن موقف
أما أصعب موقف عمرى ما هنساه خالص حسيت فيه بإهانة عمرى ما حسيت بيها فى حياتى
أحنا بنأكل على الأرض مش على السفرة وقتها كنت فى الصف التانى و ساعتها كان أبويا بيحاول يخلينى أداوم على الصلاة سأنى أن كنت صليت الظهر لما قالتله نسيت ساعة الغداء خلى أمى تحط طبقا أكلى على ركن بعيد خالص عنهم ساعتها حسيت بالقهر و بعد الأكل قالى كل ما تنسى الصلاة هتكلى لوحدك صحيح من ساعتها ما قطعت الصلاة لكن بضايق كتير لما أفترك الموقف ده
ما هي أجمل هدية تلقيتها في طفولتك ولم تنساها لليوم ؟
عروسة قماش كانت من صنع جدتى
هل هناك انسان معين كرهته في طفولتك .. ولماذا ؟
نعم ..... ممكن بعد إذنكم نتغاضى عن ذكر السبب
ما هي اصعب مرة انضربت فيها ولا زالت محفورة في ذاكرتك وأيه هو سبب الضرب ؟
كنت فى الصف الرابع الأبتدائى و أبى كان بيحفظنى صورة المطففين و كنت كل مرة بغلط ساعتها أنضربت بقسوة
هل كنت تغار فى طفولتك من أخوتك وتشعر أن فيه تمييز بينكم؟
لا أخويا الله يحفظه كان أصغر منى بـ أربع سنين و كنت و ما زالت و سأظل أحبه دائماً و الأخ الدلوع أصغر منى بـ 12 سنة و بعتبر نفسى أمه لأنى كنت بهتم بيه من صغره
ما هي اكثر وافضل لعبة كنت تلعبها و أنت صغير ؟
أكيد بتعرفوها بس يمكن أسمها مختلف عندكم الحجلة
مربعات مخططو على الأرض و نستخدم حجر و عن طريق رجل واحدة نمرر الحجر فى المربعات من غير ما يقف على الخطوط
من كان الأقرب لك أبيك أو أمك؟
أمى
صديق الطفولة هل ما زال لك به علاقة ؟
هبه صديقتى الله يحفظها و يدوم صداقتنى بقالنا 23 سنة أصدقاء
أجمل رحلة ذهبت اليها أيام الطفولة أين كانت؟
أنا من أسوان ودى مدينة سياحية فى جنوب مصر
رحنا مرة معبد فيلة و كان فيه عرض صوت و ضوء و وقتها أنبهرت
عمرى ما هنسى الرحلة دى أبداً
هـل كـنت تـعانـي مـن اخـطاء فـي مخـارج الحـروف ؟
هههههههه طيب ليه الإحراج ده أكيد طبعاً حرف الراء كان دايمن بيطلع معايا لام أزاى مش عارفة
مين أقرب صديق في طفولتك وهل كانت بنت ولا ولد ؟
مارسيل و تامر فكانوا أقرب أصدقاء إلى قلب فى المرحلة الأبتدائية مارسيل أنتقلت لمحافظة تانية و تامر عليه رحمت الله أتوفى من 3 سنوات
ما هى أكلتك المفضلة وأنت طفل ولا تزال تحبها الى الآن؟
المكرونة بالبشاميل
هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
للأسف أول ما دخلت الجامعة رحت فى محافظة تانية تقريباً أخواتى أفتكروا أنى مهاجرة مش راجعة تانى علشان كنت بقضى أجازاتى فى بيت جدتى فتخلصوا من كل حاجتى و أحتلوا دولابى و غرفتى
اســم دلعك بالطفولـه هل ينادونك به للآن ؟ اذكره ان شئت ؟
أععععععععع أيوه كنت بكره كتير و دلوقتى لما بيحبوا يغظونى بندهونى بيه و أكيد مش هقولكم عليه بس بحب أبن خالى محتال العيلة الصغير لما يدلعنى بيقولى نوهايا على فكرة أنا أسمى نهى
هل كانت شخصيتك قوية أم مغلوب عليها ؟
قوية و مستبدة
ماهي المواقف اللي عرضت فيها أهلك للإحراج ؟
حياتى كانت منقسمة علشان أحنا سكنين فى محافظة بعيدة زى ما قلت لكم بسبب ظروف شغل أبويا و كل عيلتنا سكنة فى العاصمة فحياتى كانت متقسمة فترة الدراسة كنت فى بيت أهلى و دى كنت فيها فى مثال الأدب و الأخلاق
فترة الأجازة كنت فى بيت جدى فى القاهرة و هنا بقا كنت بسبب أحراجات كتيرررررررررررررررة لأخوالى كنت فسادة و بحكى لجدتى كل أسرارهم و دايمن بحرجهم قصادها
ما هى أكبر مغامرة قمت بها وأنت صغير ؟
أممممممممم مش فاكرة بس قمت بمغامرات كتيرة مع أولاد خالتى على فكرة أنا كنت البنت الوحيدة ما كان فى العيلة بنات غيرى و كمان كنت أكبرهم و كان أحب حاجة على قلبنا أزاى ننرفز أصغر خال من أخولنا علشان كان أكبر مننا بـ 3 سنين بس
ومِن هُو الشخص الذى كان يقع دائما فِي شر اذيتك؟
أخويا المسكين ياعينى كان دايمن بيتعاقب على حاجات عمره ما عملها
نشيد كنت تحبه أيام الطفولـه ؟
هى أغنية ولاغاية دلوقتى بحب أدندنها أسمها يا صحابى و صحباتى
هل ستربي اولادك بنفس الطريقة التي تربيت بها في طفولتك؟
لا ظروف الحياة اتغيرت على أيامنا كنا بنتمتع بالبساطة و أقل حاجة بترضينا لكن دلوقتى فى نظرى الأطفال مظلومين بالرغم من كل التطور اللى عايشين فيه لكن بحس أنهم مظلومين
[/CENTER]
أسعدنى كتير مشاركتى معاكم موضوع حلو كتير و أتمنى أنى أكون ضيفة خفيفة عليكم
و بشكر كتير سوسنا على أنها سمحتلى أشاركم بطفولتى
و أجى بقا للورطة الحقيقة فى الموضوع و هى توريط حد بعدى أنا فى بالى
أسم بس مش متأكدة هى أتورطت قبل كده ولا لا
هشوف مايتى العسولة بلومى
إن شاء الله ما بتكون متورطة و ردلكم خبر
|
22-11-14, 01:53 PM
جديد مواضيع قسم قهوة ليلاس
العرض العادي
