ميمي استمتعت جدا باحداث طفولتك الشقية
:)
لا تنسي تورطي الي بعدك :)


عصفورة الموضوع مميز يستحق التثبيت :)

شكرااا لكى همستنا الحلوة على التثبيت


وشكرااااا لكى ميمى على الدعوة الجميلة

تسلمواااا لى ياقمرات

ولى عودة قريبة لكى أستعيد معكم ذكريات طفولتى

هههههه
العفو حبيباتي

ورطت أميرتي يا سوسو ....
يسلمو عالتثبيت تستاهل أميرتي مميزة دوم .

«اللهم أغفر لي هزلي وجدي، وخطئي وعمدي، وكل ذلك عندي»

اوصف طفولتك بجملة واحدة .
طفولة جميلة جدااااااااااااااااااااومميزة جدااااااااااا جداااااااااااااااااا
ما هو اجمل موقف او اجمل ذكرى تتذكرها من طفولتك ؟
كان كل يوم جمعة بنتجمع كلنا عند جدى ولاد أعمامى وأولاد عمتى وكانو أعمامى بيعملوا ما بينا مسابقات
والفريق الفايز كان له هديه كانت هدايابسيطه لكنها كانت بتفرحنا أوى وكنا كلنا بنستنى اليوم ده بفارغ الصبر
ما هو أصعب أو أحزن موقف مر عليك في طفولتك ؟

ماأفتكرش أن كانت فى طفولتى مواقف صعبة أو حزينة

ما هي أجمل هدية تلقيتها في طفولتك ولم تنساها لليوم ؟
كانت سلسلة وفيها مصحف صغير من ماما فى عيد ميلادى العاشر وقالت لى أنها كانت هديه من باباها الله يرحمه وهى صغيرةفكانت غالية عندى أووى
هل هناك انسان معين كرهته في طفولتك .. ولماذا ؟
هو مش كره لكنى كنت بشعر برهبة منه كان صديق لعمى كان طويل جداااوضخم وأسمر أووى اليوم اللى يكون فيه فى زيارة لعمى وأكون أنا عند تيته بيكون يوم
كانت ماما تفضل تدور عليه لغاية ماتطلعنى من تحت سرير أومن بلكون كنت بخاف منه جدااااا
كنت بظن أنه من الوحوش اللى فى الحكايات اللى ماما كانت بتحكى عنهم ههههههههههه
كان عاملى عقدة


ما هي اصعب مرة انضربت فيها ولا زالت محفورة في ذاكرتك وأيه هو سبب الضرب ؟
كنت فى غرفتى وعامله صوت التلفزيون على الأخر
وبابا كان فى غرفته نايم وكل شوية ماما تقول وطى صوت التلفزيون باباكى نايم وأنااقولها طيب وشوية وأرجعه عالى تانى لغاية لما زهقت وضربتنى وأتعاقبت أن ماما طلعت التلفزيون من غرفتى وممنوع مشاهدته لمدة أسبوع أيضا عملت يومها مناحة مش من الضرب ولكن علشان التلفزيون يرجع غرفتى تانى لكن بأمر من بابا أتنفذ العقاب



هل كنت تغار فى طفولتك من أخوتك وتشعر أن فيه تمييز بينكم؟

أحيانااااا
ما هي اكثر وافضل لعبة كنت تلعبها و أنت صغير ؟
أستغماية وعسكر وحرامية ولعب كتير بس مش فاكره
من كان الأقرب لك أبيك أو أمك؟
الأتنين قريبين ليه لكنى دايما بأشعر أنا مامتى صحبتى


صديق الطفولة هل ما زال لك به علاقة ؟
لا ء لان أصدقائى فى طفولتى كانوا كلهم ولاد

أجمل رحلة ذهبت اليها أيام الطفولة أين كانت؟
الأرض عند جدى كانت من أجمل الرحلات اللى كنت بذهب لها
هـل كـنت تـعانـي مـن اخـطاء فـي مخـارج الحـروف ؟
نعم شويه فى حرف الراء ومازال للآن قليلا
مين أقرب صديق في طفولتك وهل كانت بنت ولا ولد ؟
كان ولد وكان أبن عمى
ما هى أكلتك المفضلة وأنت طفل ولا تزال تحبها الى الآن؟
المكرونة الأسباجتى ومازلت أحبها جداااا



هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
نعم محتفظه ببعض العرائس والدبديب
اســم دلعك بالطفولـه هل ينادونك به للآن ؟ اذكره ان شئت ؟
نعم ينادونى به للآن وأسم دلعى ميرو بس أكتر حد بحب أسمعه منه بابا وماما
هل كانت شخصيتك قوية أم مغلوب عليها ؟
شويه كده وشويه كده
ماهي المواقف اللي عرضت فيها أهلك للإحراج ؟
بمااا أنى كنت طفلة شقيه فأكيد عرضتهم لمواقف محرجة كتير بس مفيش حاجة حاضرة فبالى دلوقت

ومِن هُو الشخص الذى كان يقع دائما فِي شر اذيتك؟
أختى الصغيرة
نشيد كنت تحبه أيام الطفولـه ؟
مش جاى فى بالى حاجة دلوقتى
هل ستربي اولادك بنفس الطريقة التي تربيت بها في طفولتك؟
نعم بالتأكيدلكن مع بعض التغييرات لآن هذاا الجيل يختلف كثيرااا عنااا


يارب أكون ضيفه خفيفه عليكم

شكرااااا لكى ميمى على الدعوة الجميلة

تحياتى للجميع

مبارك ميرو على التثبيت تستحقيه ..ربنا يحفظ اولادك
عجبنى فكرة المسابقة اللى كنتم بتعملوها رائعة ..ربنا يدوم ذكرياتك السعيدة وان شاء
تحلى ايام القادمة