مساء الورد ترانيم سلمت اناملك والله انك كفيتي وشوقيتنا لكاتبات اشتقنا لاقلاهم وابداعتهن اتنمى أن يرجعن للكتابه واتمنى من كاتبنا أن ترجع لطبيعتها بالفعل طرأ تغيير على اسلوبها عن تجربه دائما اهتمي بالنقد البناء المحفز والغي النقد السلبي لانه راح يخليكي ترجعي ورا مسافات وهذا واقع وفقك ربي ويسر أمورك ودمتم بود

السلام عليكم ...

سبحان الله عليكِ وعلى جمالك مشاعل .... كنتى فين مخبية عننا الجمال ده كله يا بنت ؟؟!!!

من فترة كده لمحتها بالصدفة ولما حسيت انه فيها تحديث مستمر قلت بس تبقى الرواية شغالة تمام والكاتبة ملتزمة ... وماخابش ضنى .. وياريت كده بس .. لا طلعتى كاتبه متألقة ومن اروع مايكون ... سلمت لنا اليدين الجميلة اللى تكتب والمخيخ اللى يهبل ..

والله يا بنتى ماعارفه اعلق على اى حاجه ... كنت بقول هقرأ فى صمت مرة من نفسى ومش لازم اعلق ... بس قلت حرام والله ابسط حقوقها عليا انى احط ردى يثبت مرورى .

بجد عجبنى كل حاجه فى روايتك ... مواقفك وحبكتك ليها وكل التطورات اللى حصلت للابطال حبيتها جدا وشايفاها منطقية جدا مش مبالغ فيها ولا حاجه ... زيدينا يا بنتى من هالجمال

مش حابه اعلق على الشخصيات منفردة عشان مابوظش جمال الرواية بكلام لن يوفيها حقها ..


تعليقاتى الاخيرة بس على الجدال اللى حاصل حول بعض المواقف اللى بعضهم شايفها جريئة وغيره ... حبيبتى فى رأيى انا مش شايفاكى كتبتى حاجه عيب ... مشاهد بين الازواج مش بيشوفها حد غريب .. احنا بس

لا بتكلم جد ... ماشفتش فى كلامك تجاوز للحد ولا تصريحات مخجلة ... بنشوف اكتر من كده فى اماكن تانية سواء روايات او على الشاشات وغيره

التعليق التانى .. على راجح ... طبعا الرواية خيالية وقد يكون رد فعله منطقى وقد لا .. والدليل اختلفت الاراء حوله ... انا مع البنات اللى قالوا عايزين شوية خيال ومش لازم كل حاجه تبقى واقعية تماما ، وبعدين ليه مانحسنش الظن وانه ممكن يكون فى مجتمعاتنا رجال زى راجح ويتقبلوا الوضع ده ، صحيح ده شئ نادر .. بس ماهو راجح نادر بكل صفاته اساسا مش النقطة دى بس

بس اللى لفتنى حاجه كمان ... حتى لو تصرفه مش واقعى ، لكن ليه مانعتبرش دى رسالة منك ككاتبة للمجتمع انه يحاول يغير مفاهيمه تجاه الفئة المظلومة دى ؟؟ خصوصا انه للاسف المشكلة دى فى زياده ... ربنا يحفظنا وكل بنات المسلمين يارب ... وده شئ يشهدلك انك بتحاولى توصلى رسالة هادفة من خلال روايتك مش تكون لمجرد المتعة وتضييع الوقت وخلاص ... انتى اتكلمتى عن بعض العادات القديمة وعن قسوة الاباء ورجعيتهم متمثلين فى زيد وازاى انه ندم فى النهاية على اللى عمله فى اهله .. ونقيضه اخوه زايد وحنيته على اهل بيته .. وذيب نفسه اللى تخلى عن كل اللى كان بيعمله باوامر عمه لانه لما بقى الامر فى ايده لقى نفسه مش مقتنع باسلوب عمه !!! انتىاتكلمتى عن قضايا كتير ... اواز وصاحباتها اللى جروها للغلط ... مشاعل ونوير وحقدهم اللى كاد يهدم اساس بيت كامل ... المظلقة والارملة ونظرة المجتمع ليهم ... وخرجتى من ده كله بشكل مرضى للجميع لكن للاسف كلنا شايفينه مجرد خيال مش بيتطبق فى الواقع ؟؟؟ طيب ليه مانحولوش لواقع فى حياتنا فعلا !!! وهو مين المجتمع غير احنا اللى متجمعين كلنا هنا بنقرأ الرواية ؟؟ كل واحده فينا بتمثل جزء من المجتمع اللى عايشه فيه ... لما توصلنا رسالة مشاعل فى كل القضايا دى نبدأ نحاول من ناحيتنا ويمكن فى يوم نقدر نغير حاجه باذن الله .

معلش طولت فى رغييى ... بس بجد يا عسل روايتك شدتنى جدا وبقالى كام يوم عاكفه عليها لما وصلت ..

لى سؤالين بسيطين :

اولا ... ليه خليتى اسم مشاعل طليقة ذيب على اسمك ؟؟؟ من قلة الاسامى يعنى خليتى الشخصية الكريهة دى على اسمك ؟؟

ثانيا ... انتى قلتى فى مرة انه ماحدش من اهلك ولا اصحابك عارف انك بتكتبى !!! ممكن اعرف ليه ؟؟

سلامات دلوقتى يا قمر ... واذا فى بالى اى حاجه تانى تأكدى راجعالك ان شاء الله