[IMG]https://s*******-a-lhr.xx.fbcdn.net/hphotos-xap1/v/t1.0-9/15807_10204188058560274_5800065032877106421_n.jpg?oh=d3a971d 20abe85f35e3a18f03896102d&oe=54D834B4[/IMG]

راجح رويجح رجوحه وش سويت في قلوب العذارى أنا أشهد أنهم راحو وطي خخخخخخ الله يرزق الي ماتزوجو مثله وازين
والي متزوجه تحمدلله على غراب العشه و تشعبط فيه هع هع
راجح على قولته لوقتها لوقتها
والله انه رجال محنك الدنيا عطته دروس على انه وحيد وما تعامل مع الجنس الناعموهو في الأربعين وعانى في حياته من قهر وفقر وحياة أمه وأبوه الي كرهته في الزواج وسيرته
في المقابل زوجه محطمه تعاني من طفولتهافقدت الاهل والاخت وتسلط الجد لاخر و أقوى فقد شرفها

ورغم كل هذا قدر يقدم لنا اروع مثال لحياة زوجيه بدأها بالعلاج والأمان والاحتواء والتغاضي عن النقص
والله اني جبتها من مبطي ان الطقم بيهديها بعد لم الشمل
واتزوج الأمير الأميرة وخلفو صبيان وبنات وتوته توته خلصت الحتونه هههههههه



ثابت رغم كره له هو خباله بس الحق ينقال طلع ماهو شين الظليمه شينه إلا ملح الروية وسع صدورنا هو ومجنونته
حرقه لسيديات والاغراض صح وانه يحبرها بجزاء من الحقيقه الي تخصه كبره في عين ماريا ويدل على مدى التفاهم والمصارحه الي وصلو لها و سكوته عن خالها وتعلقه المحرم فيها حتى لا يجرها ويكسر حبها ونطرتها لخالها في عينها

ماريا معوضه وتوك صغيره عندنا يقولون التشفق ماهو زين وتفقد
تكسر الخاطر موقف صعب تنتظر حملها وتتفاجأ بهذا المنظر في سريرها


ميشوالله يعطيك على قد نيتك ويفرحك ويسعدك مثل ما اسعدتنا والله يجزاك بالجنه
العش انفى للعاش اسرتني وقتها وطيرت ابراج عقلى ثلاب وشما اذكر وقفتي على احداث وشوفه تجلط

شعوله الردود السلبيه الي ماتبين تشوفينها وش تكون التجريح او التشكيك في الاخلاق ماتسمى ردود سلبيه تسمى قلت ذوق
مع احترامي السلبيه هي الي بدت تتسلل لروحك بعد كل بارت تنزلينه انك راح تُنتقدين وتُفهمين غلط ليش نفكر في الاخرين وانطباعهم السيّئ عنا يأثر علينا

عمر النقد الادبي مايكون في نقد الذات

النقد الادبي يكون على النص الادبي الالفاظ والحبكة وطريقة السرد والعقده

الكل هنا متذوق و يعلق على جماليات الرواية ويكتب عن المواقف الي حبها والي استمتع فيها مافي بيننا ناقده ادبية متمرسه

أنت منعتينا اننا نعلق على الي صار قبل بس الحين احسك تخافين تكتبين بحريه وحاسه انك تأثرتي من الي صار

وهذا وضح بعد الهجمه الي جاتك والله اني كتبت رد ومتحسفه اني مانزلته بوقتها بس يوم شفت ردك احترما لك سكت لكن الحين مع احترامي لكل القرأ حبيت انزله واوضح شي مهم أنت مارح ينقطع قلمك وبتنزلين تحفه ثالثه ورابعه هل كل مره بتحذفين وتغيرين في روايتك

لما الكاتبة تكتب عن الزوج والزوجه يتكلمون بلين واحترام وكيف الزوجه تكون حريصه على راحة زوجها وانها تتقرب منه وتشيل همومه هنا صار غلط ومحذور وطبعي يكون فيه وصف لوضع الزوجين

والا تبونها مسلسلات خليجيه البطل يصفق في البطله ويسيل دمها
ويخلها تفقد الذاكره وهو يضربها ونهايه الروايه فجأه تحبه وكانها هذي حياتنا الطبيعيه

ليش احنا نحب نظهر المشاكل والإهانات ولما تجي عند المشاعر والأحاسيس لا عيب البنت ماتتكلم فيها والزوجين مايطلعونها حتى قدام عيالهم مكانها غرفة النوم ولو دلعت زوجها قالو عنها فاصخه الحياء
مره كنت بالمستشفى وبلغنا الدكتور بخبر سيئ انهرت وبكيت وحضني زوجيواختي كانت معي تقول والله لو شفتي كيف الرجال تلثمو بااشمغتهم والي حاقر زوجك وماغير يتمتمون ويشقلبون عيونهم ليش ماقلو الله يجبر مصابهم الله يصبرها يواسيها ليش حشرو انوفهم وعيونهم في الي مايعنيهم

اخوي انتقدنا يوم درا وقال بالله ماقدرتو تخلون فلمكم المصري للبيت احس فشله عيب وشق جيب ذكرت رد اخوي عشان لاتحسبون اني اعيش في كوكب غير عن كوبكم مشاعرنا غصب عنا مانتحكم فيها وقت الصدمه ولاهو حرام



عجباً ثم عجباً لك أيها المجتمع << هعههع مامداكم على اللغه مابقى غير اقول ويحكم وتباً لكم

والله احس الشعب عندنا صار كابت كابت كثير ومايصدق يطلع برا يسوي الي يبيه من تجاوزات

ميشو ماتجاوزت حدودها ابد لو قارناها بكثير كاتبات

انفاس قطر ماكنت تجيب حياة مشعل ولطيفه في غرفة النوم ثلاثة عشر سنه العلاقه بيهم ايش كان حالها وكيف كان وضعهم وموضي وركان هههههه توته اعجبك هيضت لك ذكريات

وكسار ماكان يتسلق الجدران عشان يوصل لكاسرة هههههه وش كانت علاقتهم
ضمني بين الاهداب ما كانت تجيب حياة ثريا وحاتم وكم مشهد والجموح وقايد

اقدار ماذكرت عماد وشوقه لشادن وانه ابتعد عنها عشان ماينقل لها المرض عن طريق وشو ........ والا فهمتنا انه عن طريق الحمام الزاجل

رواية طيش عطتنا درس في فن القبلات ما حسينا انها شذت ومواقف عبدالعزيز الجرئه قرأت كم روايه في العبق توصف اكثر بس بعد ماحد تكلم

هل الغير عادي يعبرون عن مشاعرهم والسعوديه لا ما تكتب وتندفن بالحياه والا تكتب عن ابوها الي متزوج اربع حريم ومشاكل اجتماعيه وبس

هذا امانه حبيت أوصلها لكم لاني ماحب أحد يعلق في رقبتى امانه ولا أوصله
اتمنى اخواتي المشرفات مايزعلون اني فتحت هذا الموضوع ولا كاتبتنا الي اشوف انها صارت حساسه من هالناحيه وحاسه انك شفرتي كثير من حركات مدين والا عشان لاتصدمينا فيهاههههههههه اتوقع مأجلتها لقدام
حتى ثابت فجأه صار مؤدب هخهخهخهخ لاحد يفهم كلامي غلط بس حبيت امزح ثويب فاصخ الحياء و مايدل طريقه الأدب اذا شاف ثابت يهج مع الباب العشق انفى للعاشق تستحق الكمال وتكون متصدره روايات الوحي تميزا بتوفيق كاتبتنا رومانسية الحرف مشاعل