مصالح مشتركة الفصل الثالث

البارت الثالث :


اليوم التالي
تدخل نجود محملة بكثير من الاكياس وهي متعبة
نجود:آه يارجليتي تعبت
مها وهي تتصفح الايباد :انتي اللحين وش مشطط بك ارتاحي وريحي بس
نجود:انا لي نفس أسئلك ليش ما أشوف فيك اهتمام العروس بنفسها واغراضها
مها وهي تبتسم :لان عندي اخت عسولة زيك ليش اهتم او اشيل هم شيء
نجود:تبين صدق احيانا احس انك فرحانة بالبعثة والدارسة اكثر من فرحتك بزواجك
مها: وهذا هو الواقع لو اخوك ماوقف في وجهي كان مافكرت في العرس ابدا وبالذات المتوحش تريكي على قولت نوري
نجود:لا يامها انا ما ابغاك تفكرين كذا ابغاك تفرحين بعرسك وتهتمين بنفسك وبزوجك ترى تركي رجال الف بنت تتمناها اكسبيه وحافظي عليه وانتبهي انك تفكرين انه جواز سفر يطلعك برى عشان

تدرسين
مها بغضب:تبين صدق يانجود انتي اخر واحد ممكن ينتأخذ منها نصيحة
نجود بغضب:خليني اروح لبيتي وعيالي ابرك لي وتطلع وتسكر الباب بقوة
مها:اوف زعلت وش يرضيها ذي اللحين
............................................................ ...........................
بالخيمة
سعد وهو يصب فنجان القهوة لوالده
ابوسعد:وينه تركي اليوم ماشفته
سعد:طلع يقول عنده شغل ضروري
ابوسعد:ايه الله يوفقهم الحمدلله كنت اتمنى عيالي يخذون بنات هالرجال الطيب الحمدلله اللي ما خيبني
تركي هو يدخل :السلام عليكم وهو ينحني ليقبل رأس والده
ابوسعد:حيا الله ابو ناصر
تركي :الله يحيك يالغالي
سعد:وين كنت
تركي: رحت اتأكد من الحجز وبعده وديت نورة لمشغل
ابو سعد: عسى كل شيء تمام
تركي:ابشرك يالغالي كل شيء جاهز
ابوسعد:الله يوفقك يا ابوك هالله هالله ببنت الغالي
تركي: في عيوني لاتوصي يالوالد
............................................................ ......
هذا جوالها يرن للمرة العاشرة اليوم ورسائل الموبايل والواتس امتلت
يرن برسالة جديدة(اهون عليك يانجود اختك حبيبتك بكره ماني عندكم تعالي طلي علي بس لاتكلميني بس اهم شيء احسك قريبة مني طلبتك ياام ناصر وجيبي نويصر وسعيدان معك ).
لتبتسم وتعاود فتح الواتس اب (جهزي دلة مهيلة نص ساعة وانا عندك بس نويصر وسعيدان عند عمهم ماقدر اخذهم معي ) ارسلتها
وثواني واتاها الرد (تم ياعيون مها و قلبها واحلى حلى بعد )
ابتسمت ونظرت للظرف الموضوع على طاولة وعاودت لها الذاكرة قبل سبع ساعات سمعت صوت باب الشقة يفتح اصوات ناصر وسعد وعمهم لتجري الى غرفتها وتأخذ رداءها الطويل ونقابة وتخرج
وتلقي السلام عليه:ليرد السلام ويجري سعد لامها ويضمها
سعد:اخبار ياام ناصر
نجود:الحمدلله بخير
سعد:محتاجة شيء ناقصكم شيء قولي وانا اخوك
نجود:مايجي منك قصور يا ابو ناصر الحمدلله ماحنا محتاجين شيء
سعد:وهو يخرج من جيبه ظرف ويمده لها
نجود:العفو يا ابوناصر بس توك محول بحساب ناصر ولدي قبل اسبوع
سعد:هذي هدية لمها قدميها بالنيابة عني وعنك
نجود:مها خذت هديتها من زمان مشكور وماتقصر
سعد:انا ماسألتك انا اقول عطيها اياه ليضعه على الطاولة ويخرج بعد قوله مع السلامة
............................................................ .........................................................
يوم العرس
نجود في حالة استنفار قصوى مها نايمة ولا على بالها
نجود:يمه ارتاحي كل شيء جاهز انا بروح اقوم العروسة النايمة
تدخل نجود الغرفة وتقوم بأطفاء المكيف وسحب البطانية
نجود: مها قومي اصحي الساعة عشر
مها:مين قال اني نايمة ترى كل الوقت اللي نمته ماتجي ساعتين فيني ارق غير طبيعي
نجود وهي تبستسم :عادي هذا شعور اي عروس
مها بنبرة حزينة: بس انا مش خوفي من العرس وبس انا خايفة من فرقاكم قلبي معورني يانجود ثم سقطت دمعة من عيناها ولم تمالك
نجود نفسها فدخلت معها في نوبة بكاء وهي تحتضن :شقيقتها خلاص بس يامهاوي لاتدخل امي اللحين ويضيق صدرها بس يابنت لتشدد مها من احتضان نجود
............................................................ .......................
في قاعة الرجال
سعد يهمس في أذن أخيه:وش التكشيرة ياشيخ فكه شوي لاتدخل على عروستك وانت بهالشكل هجت وبطلنا سفر
تركي وهو ينظر لاخيه بحقد :انت آخر واحد ابغاه ينكت ولايأخذ السالفة مزح لانك اللي ورطتني بهالسالفة اللي مالها داعي وانا شايل عليك للحين
سعد وهو يبتسم:بيجي يوم تشكرني صدقني
تركي بسخرية: على ايش بشكرك يا ابوناصر؟!
سعد:بينا الايام المهم الوالد يعطيني من هالنظرات اللي تقتلك وانت مكانك يالله افردها وانا اخوك
ليقف كل من سعد وتركي باستقبال الوفود الذين دخلوا لتهئنة العريس .
............................................................ ...............................................
نورة وهي تدخل إلى غرفة العروس :بسم الله ماشاء الله لاحول ولاقوة الابالله وش هالزين يامهاوي عز الله راح فيها تريكي
مها بتوتر شديد:وينك يازفته
نورة:تعرفين انا اخت العريس وقبل هذا كله وهو الاهم ابغى استعرض بجمالي و اصيد صيده محترمة من عرسك انتي وتريكي
مها:هين يانورة بينا الايام ان مارديتها لك ما اكون مها
نورة وهي تحضن مها:أف يامهاوي وش التوحش اللي عندك انا صديقتك وحبيبتك اهون عليك تصدقين الله يعين تريكي الليلة بيروح في خرايطها اول مرة ادري انك يالدافورة تملكين مؤهلات جمالية تذبح والوكاد ان تريكي حاذف الشروط اللي بينكم الليلة وراء ظهره
مها وارتباكها يزيد:نورة وجع
نورة بضحكة:خلاص امزح معك يوه ايه نسيتيني وش ابقول لك
مها:وش؟!
نورة :الشلة موجودة تحت تبغينهم يدخلون والا لا
مها:انا مصدعة ومالي خلق لاحد
نورة :والله اني قلت لهم يالله باي
لتمسك بيدها مها وهي تقول :يانذلة بتخليني لحالي
نورة وهي تبتسم:ما توقعت اشوفك كذا صراحة يا ابله دافورة والله انك تخبلين صايرة تحفة
مها بخجل وتوتر:نورة ترى ماني رايقة لك
نورة وهي تضحك: الوجه صار طماطة ودي اشوف وجهك اذا دخل تريكي
............................................................ ...................

اتمنى يعجبكم البارت الثالث
وابغى اعدل البارتين الاول والثاني لاني ماشيكت على الاخطاء الاملائية
اتمنى من المشرفات انهم يساعدوني

مرحبا نجوده على انضمامك لفريق كتابة الوحي يا رب تفيدي وتستفيدي

قوانين وشروط الانتساب للقسم

واي تعتديل او اي حاجه ابعتي ليا او لتفاحة ع الخاص