الحين ان شاء الله اضيف بارت شكر لصبركم علي ربي يطول عمركم ع صحه..
ان شاء الله يعجبكم..

ان شاء الله تستمتعون بالقراءه..
..البارت الرابع والثلاثون..
غمضت عيوني وانا اقول""احبك رماح""
قلتها بكل جوارحي بس في نفسي ماقلتها له بصوت عالي ولا حتى منخفظ قلتها بنفسي مااقدر في اشياء كثيره تمنعني واولها الموقف الي احنا فيه الحين كيف اقولها له وهو ماقالها لي بالاول وهذي اكبر قاعده بحياتي ان البنت ماتقول لرجال احبك قبل مايقولها لها بس حتى ماحسيت بحبه عادي شوفي هو سألك ليش تكرهيني يعني ع باله اني مااحبه ولا حس بحبي يعني يمكن يبادلني الشعور بدون مااحس فيه بسب يعني ضروف بداية زواجنا هذي الفكره اعطتني امل كبير ببدايه حلوه ببدايه جديده بس شعوري بدقات قلبه المنتظمه الي تحت اذني واصابعه الي ع شعري تتحرك عرفت المعنى الكامل لكلمة الاستقرار العاطفي كنت اقول احتمال ينقص احتمال ينتهي احتمال اكرهه كنت بكل موقف اركز ع شعوري اشوف تغير مستوى حبي بس الحين تأكدت اني راح احبه طول حياتي ماراح انساه ولا راح يتغير حبي له ابدا فتحت عيوني ورفعت راسي شوي ويدي لسى ع قلبه علشان اشوف ملامح وجهه طالعت فيه كانت ملامح وجهه جامد مافي ولا تعبير افهمه معقوله يعني مايحس بشي وراسي بحظنه مثل مااحس بهذا الاكتفاء طالعت فيه شوي احاول استنتج شي بس شوي ونزل عيونه تميت اطالع فيه احس موقف اليوم قربنا لبعض واحس انه شال بعض الحواجز واحس نفسي اقدر اخذ راحتي شوي مسكت ذقنه الخشن ورفعت راسه شوي علشان يطالع فيني مصره اعرف اش يحس اذا مو بالكلام ع الاقل بنظراته ولما رفع عيونه شلت يدي الي ع ذقنه كانت نفس النظره الاولى خاليه من اي شي قلت بتردد""اش فيك""
نظرته لما قال لي تعالي للحين براسي مو قادره انساها ولا قادره اتخيل انها كانت قبل ثواني والحين هذي نظرته بلحظه حسيت ان الشيطان براسي يقول لي انه تذكر حبيبته بعد ماانتهى الانجذاب ويمكن يحس بالندم وبنظراته يوضح ان مافي شي بيننا وان كل شي مثل ماهو تعوذت من الشيطان وانا ابعد عنه واعدل جلستي قال بعدم صبر وهو يطالع قدام""مافي شي""
انا من اول مااعترف لي بحبه لوحده وانا وعدت نفسي اني مااسأل عنها عنده ولا اجيب سيرتها بأي وصف حتى مايحس اني مهتمه او غيرانه عليه بس الحين احس ضروري اسأل قلت""تعرفها""
قال بستغراب""من هي""
قلت وانا ابعد عيونه عنه""الي بالقلب""
قال""قصدك قلبي""
حسيت يتمسخر نفسي اعرف كيف ينقلب مزاجه بهذي السرعه بثواني مره حنون ومره مافيه صبر للكلام ومره يتمسخر ويطول الكلام ومره رايق نفسي اعرف قلت""ايوه""
كنت ابغى اوصل للاجابه ماهمني اسلوبه قال بعد ضحكه قصيره""اكيد الي في قلبي اعرفهم هذا سؤال""
صح هذا سؤال اكيد يعرفها ولا كيف يحبها قلت بمغامره وانا اطالع فيه""اقصد كيف عرفتها""
قال بأبتسامه""مين هي""
تصدقون اني اقدر احلف ان الي صار قبل دقايق كان بخيالي بس ماصار حقيقه حسيت اني ماابغى اعرف عنها شي بس ابغى يرجع الوقت واتم حاطه راسي ع صدره وانام بدون مااتحرك ولا افكر انام وبس اخذت نفس وقلت بتصريفه""ابو جميله زوجة حامد""
ضحك ضحكه قويه وعميقه وانا اطالع فيه ومو فاهمه ليش يضحك مافي كلامي شي ولا يتذكر موقف بينهم يعني مافهمت عقدت حواجبي وقلت بعدم صبر لانه زود الضحك""ليش تضحك""
قال من بين ضحكاته""الحين ابو جميله الي بالقلب وتعرفها""
فتحت فمي ورجعت سكرته حسيت بأحراج قوي من كلامه احس ان درجت حرارتي ارتفعت حاولت اطالع فيه بعصبيه بس ماقدرت لما طالعت فيه زاد ضحكه وقال""كيف عرفتها ابو جميله قصدك""
نزلت من السرير وانا مو عارفه كيف اتصرف كنت احاول ابلع بالابتسامه بس ماقدرت ابتسمت بالغصب احس نفسي غبيه لاخر درجه بس انه تغيرت ملامح وجهه من الجمود لضحك شي حلو مافكرت ارقع لاني فاشله فيه فسكت وطالع فيه وقال بأبتسامه واسعه""الحين اش افهم لانك قمتي من السرير""
قلت بعفويه وانا امد شفايفي""مابجلس معاك وانت تضحك علي""
ابتسامته خفت وقال""تعالي نفسي اقرصك بخدك""
رفعت حواجبي بستنكار وقلت وانا احط يدي ع خدي كحمايه""ياسلام خليه بنفسك مو يلله كل شي في نفسك تسويه""
قال وهو يرجع ظهره ع المخده""ان جلستي ع السرير بسوي الي نفسي فيه""
قلت وانا اتكتف""اذا انسى""
قال""وين بتروحين زيدان عند امي ونجود بغرفة زيدان""
قلت بأقتناع""عادي انام مع اختي""
قال بعد ماغمز لي""يعني النيه موجوده""
وفجأه وقف وراح للباب بخطوات سريعه وقفله بالمفتاح وطلع المفتاح وحطه في جيبه وقال بأبتسامة مكر""اش بتسوين""
قلت بسرعه""ياحرامي ليش سرقته رجع المفتاح""
قال وهو يتكتف""وش استفيد""
قلت بأبتسامه""اسحب صفة حرامي من كلامي""
حاسه بوناسه لو احد يقول لي ان كل هذي التقلبات راح تصير بيوم واحد اتوقع انه مجنون حاسه ان حياتي مع رماح ماراح تكون ع وتيره وحده راح احس بشعور جديد كل وقت راح تكون حياتي مليانه به قال وهو يتقدم خطوه""لا ابغى فايده اكبر""
قلت وانا اطالع فيه بغرور""يعني اقول لك بسحب كلامي واتراجع عنه تقول تبغى فايده اكبر مره طموح""
قال وهو يصغر عيونه""طلعي لسانك""
حسيت اني سمعته غلط فقلت""ايش""
قال""طلعي لسانك"" قلت بستغراب قوي""ليش""
قال""وانا صغير كانت تقول امي الي يغتر بنفسه ويتكبر لسانه يصغر حتى يختفي طلعي لسانك خليني اشوف""
ضحكت بقوه وانا اتخيل العقده الي حطتها فيه للحين مانسي حطيت يدي ع فمي وانا اطالع فيه ولما شفته يضحك هو بعد زاد ضحكي واعطيته ظهري وانا احاول اهدى ولما سكتت لفيت وتفاجأة انه قدامي قرصني بخدي بسرعه وقال""خلاص ارتحت الحين""
وانسدح في مكاني وغمض عيونه قلت وانا حاطه يدي ع خدي ماكانت توجع بس مابعديها من بعد كلامه""رماح ب.....""
سكتت لما سمعت اذان الغجر فتح عيونه رماح وقال وهو يجلس""الله اكبر""
قلت""لو ماأذن كات رجعتها لك بس ماابغى تروح المسجد وخدك احمر""
قال وهو يوقف صار مقابل لي تمام ونزل
راسه شوي""اش بيخطر
في بالهم تتوقعين(وكمل بصوت منخفظ شوي)بيفكرون في ايش""
طالعت فيه شوي وانا احاول افكر بس قربه اخذ اكثر مساحه في عقلي قلت بعدم فهم""يعني اني شريره""
نزل راسه شوي ومسك ذقني باصابعه وباسني ع جبهتي وقا""خليك كذا لا تتغيرين""
كان ملمس ذقنه ع عيوني حسيت بخشونته وصلابته وحسيت بثقل في قلبي وكأنه فاض حبه ع قلبي كانت لحظه بسيطه بس احساسي فسر كل جزء من الثانيه اخذت نفس عميق املي رئتي فيه حاسه نفسي سعيده بجد ربي يخليه لي ولامه نفسي يكون نسبه بسيطه من حبه لامه ودي بجد نستمر كذا مو لازم يحبني بس يهتم فيني هذا الي اتمناه وهذا الي انتظره منه اهتمام بس ابتسمت بحب بجد حاسه اني طايره من الفرحه مااحس شي ناقصني وانا معاه حاسه بالتخمه انا قنوعه وهذا يكفيني يوم مثالي احس اني ماراح انساه لما طلع من الحمام مامحيت ابتسامتي الا زدت له ودخلت بعده الحمام وضيت لما طلعت ماكان موجود قريت وردي من القران الي تأخرت عليه حتى سمعتهم يصلون الفجر صليت وكملت الباقي ورفعت السجاده وانسدحت ع السرير بس ماغمضت عيوني انتظره يجي
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

رممماح وتأملاته الغريبه ..وكلامه عن خوفها لآنها تجربه جديده عليها وأيضا حديثه المتكرر خليك كذا لاتغيرين

بدأت توضح خطوط شخصيه رماح ..اسريا مايعرف في النساء الا أمه

لكن خارج محيط منزله ..ماهي علاقات رماح

أما أنه متزوج بالسر او صدق مر بقصه حب

وماهو موقف رؤيا من ذا كله

كنت أتمنى نسلط الضوء ع المعاريس نعرف تفاصيل وحقيقه مشاعرهم

جداا رائعه ي عجايب ..الله يحفظك وأشكرك لآلتزامك اليومي معنا

وفقك الباري لكل خير