ان شاء الله تستمتعون بالقراءه..
..البارت الخامس..
قلت وانا معقده حواجبي""لا تمزحين معي""مع اني متأكده انها صادقه من اسلوبها بس ماادري ليش قلت كذا اكيد عمي جاء معاه سالفه بعد هذا الوقت بس يعصب حامد وقفت وانا اسمع نجود تقول""والله سمعتهم""مشيت للباب الصاله وفتحت الباب بس ماسمعت ولا صوت رجعت طالعت بنجود وقلت لها""روحي تأكدي يمكن ارتفعت اصواتهم وهم مايحسون"" قالت وهي تمشي ع اطراف اصابعها""يتخاصمون""يمكن يخاصم لان حامد امس كانت بالشرطه لا هو قال من قبل بيجي يعني سالفه اقدم رجعت نجود وقالت""خلاص يتكلمون بصوت منخفظ مااسمع شي بس والله متأكده اول سمعت عمي يقول ان ابوي وعده بس ماادري ايش""زادت حيرتي اكثر يعني الموضوع قديم مره بس اش ذكره الحين رجعت جلست ع الكنبه وانا انتظر رجعت حامد وانا احس بفضول اعرف اش السالفه ان شاء الله مو كبيره ولا ت..... قلت وانا اشوف نجود عند الباب""لا تطلعين خليك هنا"" قالت""ليش"" قلت""بس اجلسي تفرجي ع التلفزيون ولا اقول احسن راجعي كتبك""تأففت وجلست جنبي بعد مااخذت الريموت وقالت بعصبيه""مابقوم حتى لو طلب عمي يسلم""ابتسمت اساسا مو شكله جاي يسلم جاي لحاجه في باله بس الي ماجاء ع بالي انا لما دخل حامد معصب وقال من طرف خشمه""عمي يبغى يسلم عليك""بسرعه اخذت الطرحه الي جنبي من اول ماجلست حطيتها جنبي احتياط وغطيت بها شعري ووقفت ومشيت له بعد مادخل ورا حامد وسلمت ع راسه وانا عيوني ع حامد الي ملامح وجهه ماتبشر بخير اعرف ان حامد عصبي ويمكن يعصب ع سبب تافه بس الحين خايفه دام السالفه فيها عمي الي تذكرنا بعد كم شهر طالعت بعمي لما سمعته يقول""كيفك يابنتي""طالعت بحامد ورجعت طالعت بعمي وقلت""الحمدلله كيفك انت ان شاء الله انك بخير""سلمت عليه نجود وقالت""كيفك"" قال عمي بعد مااخذ نظره ع حامد""انا بخير لو اخوك يغير رايه""طالعت بحامد الي تكتف وقال""هذا النصيب ياعمي الا انت ع العين والراس"" قال وهو يفتح الباب""يلله مع السلامه سلمت ع عيال اخويه والي جيت علشانه ماتم""وطلع وطلع وراه حامد وهو يقال""لا تزعل منا يا......""ماسمعت باقي الكلام اش قصده بنصيب لا يكون الموضوع زواج لاني مااسمع كلمة نصيب الا بزواج يعني حامد رفض الحمدلله بس اش دخل وعده ابوي نزلت طرحتي ع اكتافي ورجعت جلست وانا اسمع نجود تقول""شفتي مثل ماقلت شكلهم تخاصمو""حركت راسي بطريقة طيب وانا بالي مشغول بالسالفه يمكن فاهمه غلط مااتوقع عمي يبغى يزوجه عندنا وبنات خالته عنده وعلاقتهم قويه رفعت راسي لما سمعت باب الصاله انفتحت ودخل حامد وقفت وهو يقول""جيبي مويه""دخلت المطبخ وجبت له الويه وقلت وانا اعطيه""راح عمي(لما حرك راسه بطريقة ايوه كملت)اش كان يبغى"" قال وهو يطالع بنجود الي جالسه ع التلفزيون""شوي ويأذن المغرب بعد ماتنام نجود اقول لك ماابغاه تسمع"" قلت""اول جات خايفه تقول يتهاوشون واصواتهم عاليه"" قال قبل مايطلع""لو مو شوية احترام له علشانه اخو ابوي وبس كان طردته مثل ماطرد ابوي""وطلع زادني فضول بعد ماتنام نجود يعني تسعه ونص او عشره الا بس اليوم بنومها بدري بعد ماصليت المغرب سويت العشى ونزلته اول ماجهز علشان تأكل وانا بأكل مع حامد لا يتغدا ولا يتعشى معانا اش هذا بعد ماخلصت لفيته وقلت لها تنام وطبعا بعد جهد رضيت بس تنسدح ع سريرها حتى ماتغمض وانا عارفه اذا انسدحت بتنام بس تعاند شوي ودخلت عليها لقيتها نايمه سكرت الباب ودخلت الحمام اخذت دش وبعدها صليت العشى والسنه بس قبل مانام ان شاء الله راح اصلي الوتر واقراء وردي من القران جلست بالصاله انتظره ولما جاء قلت له بنزل العشى ولما نزلته وبدينا ناكل قلت""ايوه""رفع عيونه وطالع فيني وقال""اش فيك"" قلت بشوية حده لاني خفت يغير رايه ومعد يتكلم""عمي لما جاء العصر اش كان يبغى""ابتسم واكل لقمه وقال""ومن العصر منتظره"" قلت وانا اطالع فيه بترقب""ايوه من العصر قولي اش فيه خوفتني تقول كان ودك تطرده ونجود تقول سمعته يقول وعده ابوي بشي"" عقد حواجبه وقال""كانت نجود موجوده ماشفتها"" قلت وانا عارفه انه يلعب بأعصابي""لا ماكانت جوا هي كانت بالحوش وسمعت لو كانت جوا كان الحين اعرف الاخبار بس جالسه انتظرك وانت تضيع السالفه ماتبغى تقول لي"" ضحك ضحكه قصيره وقال""اش فيك هدي بس هي مو سالفه توسع الصدر"" وقلت بعدم صبر""طيب قول"" قال بعد ماطالع فيني""عمي يقول انك محيره حق ولده من زمان ابوي وعده وانتم صغيرين استغفر الله بعد ماطلب بكل بيت وانرفض جاي يقول ان البنت لولد عمها(طالعت فيه انتظره يكمل)انا قلت له علشان يفكنا من شره ان صاحبي خطبك مني وانا وافقت وهو مسافر(سكت فتره طويله)وقال رماح وانا خلاص رجعت""قلت بدون استيعاب""ايش""مافهمت رماح قال انا رجعت يعني قصده هو الي صاحب حامد الي مسافر طالع فيني حامد وقال بسلاسه وكأنه يحكي عن شي عادي مو عن شي اش اسميه عجزت اعبر""يقول اليوم امه كلمته عنك وهو قال لها بيشوف وسبحان الله جات الضروف كذا اقدار سبحان الله""ابتسمت نص ابتسامه اش هذا التعبير اقدار وكانه مو بكيفه قلت وانا ابعد عن الاكل""هذا كلامه"" قال بعد مابلع""اي كلامه المهم ان عمي فكنا""طالعت بالارض اوكي عمي فكنا يعني خلاص بتنتهي السالفه ولا ايش قلت بعد فترة سكوت""اش بيصير بعدين"" رفع راسه باستغراب وقال""ولا شي"" بلعت ريقي وقلت""لا اقصد اذا عمي عرف انها بس كلام بيرجع""ماابغى اسأل سؤال مباشر كذا احسن قال""مو بس كلام بتصير فعل ان شاء الله الا ماقلتي لي متى الوقت المناسب"" قلت وانا احاول اصدق""لإيش"" قال حامد""لزواج اش فيك رؤيا(سكت شوي)مو موافقه يعني"" نزلت راسي السالفه مو كذا شلون اقوله وافهمه ان ماني معترضه ع الشخص بس معترضه ع الاسلوب احس كأن شهامه منه مو طلب وحتى حامد حاس كذا مافكر اني برفض كان سؤاله سؤال استغراب بس هو قال ان امه قالت له عني يعني قال اشوف مارفض يعني كان فيه نسبه من الاساس يعني غير فكرته فيني ولا بس يمشي ع نصيحة امه ويثق برايها المهم بالسالفه كلها انه خطبني والله خطبني ويبغى اكون زوجته مو مصدقه راح اكون مع رماح وقريبه منه حسيت براحه ان مشاعري ماكانت غلط ولا حرام راح يكون حلالي وراح احبه اكثر مو مصدقه حاسه بنصر وكأني ربحت شي من زمان اسعى له بس انا ماسعيت ربي يسره الحمدلله ولا مره دعيت ان رماح يكون من نصيبي لاني خايفه مايكون خير في الموضوع ويستجاب دعائي بس دايما ادعي ان ربي يغنيني بحلاله عن حرامه لاني كنت خايفه مشاعري اتجاهه تخليني اتصرف تصرفات غلط بس الحين راح اكون زوجته وراح اعيش في بيته هنا فكرت بعمق اكثر ونجود وحامد اخليهم حامد مو مشكله بس نجود قلت بعد مارفعت راسي""وانتم""بعد ماتكلمت لاحظت ابتسامته وعرفت اني ساكته من وقت وهو ماقاطعني ولا طلب رد ع سؤاله يعني شافني سرحانه حسيت بشوي احراج لان بعد كلامي زادت ابتسامته لان كان سؤالي موافقه ميه بالميه لاني اسأل عنهم اذا رحت انا قال""اش فينا(لما ماجاوبت من الاحراج وقمت اشيل الاكل حتى ماادري اذا شبع او لا)بيتك قريب كل مافكرتي تجين خطوتين الا انتي عندنا""دخلت المطبخ صح قريب اول مايروح رماح شغله اجي هنا ارتب البيت واغسل ملابسهم وماارجع الا وانا طابخه الغدا لهم والعصر اذا ماقدرت اجي هي تجي اذاكر لها واساعدها والعشى ارسل لهم حطيت يدي ع قلبي من سرعة نبضاته احس ان ودي اطير من الفرحه مو متخيله حجم المشاعر الي احس فيه احس حبه تضاعف احجامه لاني خلاص شلت الحاجز الي حاطته لنفسي احس فيني طاقه ماني عارفه كيف اطلعها رتبت المطبخ ورجعت فتحت باب غرفة حامد وقلت""تصبح ع خير""ورجعت سكرت الباب بدون مااشوفه مافيني نوم ولا حتى ابغى اجلس طلعت الحوش كان الجو هادي بطريقه غريبه لو بوقت ثاني كان خفت ودخلت جوه بس الحين لو يجي حرامي بسأله عن اخباره تكتفت وانا اطالع بالسماء ماكنت اتوقع بذات بعد الكلام الي قاله لنجود علشان توصله لي حسيته يعتبر كل تصرفاتي غلط اذا انفتح السالفه راح افهمه يمكن حتى بدون ماتنفتح انا راح اقوله سبحان الله قبل ثمان سنوات قلت له احبك قوم الدنيا علي والحين خاطبني تتوقعون نسي صراحه مااتوقع اي شخص مكانه ماراح ينسى بنت قالت انها تحبه لانها اكيد اطراء ماراح ينساه بس يمكن كان يعتبرني صغيره ماافهم المهم ماعلينا نسي ولا مانسي ماتفرق اذا مانسي راح تكون ذكريات لنا واذا نسي راح يكون اثبات لصدق مشاعري تنهدت بسعاده مدري متى بيحددون الوقت اخذت نظره اخيره لسماء ودخلت وسكرت الباب وطالعت بالساعه كانت اثنعشر إلا دخلت الغرفه بعد ماوضيت صليت الوتر وبعدها قريت وردي من القران وبعد ماخلصت انسدحت وغمضت عيوني وتمتم بسورة الملك وبعدها نمت وانا كنت احس بحماس للأيام الجايه ان شاء الله كلها خير.. طول اليوم وانا انتظر اي كلمه عن الموضوع بس ولا احد فتح فمه ولا حتى جات امه زياره لنا من نقلت قلت احتمال بعد السالفه تجي طيب احتمال ماقال لها لا اكيد قال لها مو هي كلمته في البدايه اكيد بيتكلم بس ليش ماجات يمكن تعبانه بس نجود راحت عند زيدان تبغى تصور كتابه لانها الحلوه ضيعته ماتدري عن اغراضها ولان مزاجي حلو ماخصمتها لو يوم ثاني كان شافت شي ثاني ولاني بعد كنت ابغاها تروح تسمع اي شي بتتكلم هي صح من اول ماجات تسولف عن كل الكلام الي قالوه بس ممل مره وانا اسمع اش اسوي بس فجاه صار الكلام ابعد مايكون عن الملل""......يقول ان رماح بيسافر عنده دوره تزيده رتبه وهو بيروحها بس يقول صعبه يروحون ديره ثانيه ويشتغلون مع ناس مايعرفهم ويقول فيها تدريبات وبعد فيها دراسه مثلنا يحفظ ويذاكر نفسي اشوفه شلون يذاكر يقول زيدان انه كان شاطر بالمدرسه واذا ماعرف يحل يساعده ويقول الاستاذ مره خاصمه لانه.......""ورجع ممل يعني مسافر مدري بيطول علشان كذا سكتو يعني بعد الدوره يتحدد كل شي كذا ارتحت لاني عرفت الوقت بس ماكان توقعي صحيح لان حامد قال واحنا بالصاله""رماح عنده دوره بيروح بعد بكره ان شاء الله وبعد مايرجع يكون الزواج"" قلت بهدوء عكس نبضاتي وتنفسي""يعني بعد كم"" قال""دورته سته اسابيع واول مايرجع كل شي بيكون جاهز""..
..نهاية البارت..
..عافاكم..
..عجايب..
الحمدلله..

عجايب يا عجايب ليييه كذا كان نفسي اعرف عن رماح اكثر
وش رايه بالخطبه هل هو فعلا من كرم اخلاقه وافق على رؤيا
وعشان يفك اخوها ويتمم كلامه عند عمه
ياخوفي انها تبني احلام بالهواءياليت الجزء الجاي يكون عن رماح ونظرته لرؤيا
رؤيا اهجدي شوي واصبري لا تفرحين لين تصيرين عنده وفي بيته

عجايب اذا ممكن اطلب طلب صغير اتمنى تحطين الحوار بسطور

وتوضحين من يتكلم وتفصلين الحوار عن الافكار الداخليه للشخصيات
لان الجزء على بعضه كذا يضيعيع ويشتت لازم احط اصبعي اتبع
وشكرا لس يا قمر وبالانتظار للجزء السادس

ومثل ماتوقعنا العم جاي يخطب بنت اخوه لولده الداشر بعد ماالناس رفضوه
اعجبني حتمد انه رفض بس ياترى شنو شعور رماح اتجاه رؤيا
هل تمم الموضوع علشان صاحبه او هو صج يبيها
اتمنى يبين في الجزء الجاي
نجود هالبنت عجيبه هههه
بإنتظارك اختي


تم الإرسال بواسطة iPhone بإستخدام Tapatalk