اتمنى تنوروني في روايةة

يا شوق تكفى لا تخليه يرتاح يا شوق تكفى عذبه في غيابي


في ذا القسم وشكرا مقدما

شبيه القمرررر

ههههههههههههههه

عاااد الله يعينا على عجاااايب واللي بتسويه في رؤياا ,,,,,

ان شاء الله تستمتعون بالقراءه..
..البارت الثامن عشر..
لما وقف السياره طالعت بكل شي حولنا منجد شكل الكل جاء قبلنا كان فيه خيمتين كبيره وبعيده عن بعض بينهم السيارات والانوار بكل مكان وشغاله حتى قبل مايظلم الجو واطفال كثير ماشاء الله جو كلهم لما فتح الباب رماح ونزل معاه زيدان فتحت الباب بتردد لان الجو غريب علي اخذت نفس وشجعت نفسي ونزلت من السياره وطالعت برماح الي الصغيرين حوله يسلمون عليه ومنتبه معاهم وهو يقول اسمائهم يعني اتذكركم من متى ماشاء الله هذا الذوق ولا مع ناس وناس طالعت بالخيمتين بحيره اروح وين وشلون ادخل حسيت بتوتر اول كان الحماس يمشيني الحين اختفى طالعت بزيدان وانتظرته حتى ينتبه علي واشرت عليه ماابغى رماح يشوفني بهذي الحاله جاء عندي مع اني خفت زعلان ويطنشني نزلت راسي شوي وقلت بصوت منخفظ""وين الحريم(اشر ع الي بعيده كملت)اذا جيت تلعب بالكوره كلمني من اول نفسي اشوفك لما تدريبات المدرسه مو مشكله الحين اشوفك عارفه انك ماهر وبشجعك واذا نج.....""
سكتت ورفعت راسي لما قاطعني رماح وهو يقول حاد""اش تنتظرين الكل شافك""
كان الاطفال يطالعون فيني وكأنهم تو ينتبهون لوجودي منجد نكد مافي رجال لو فيه كان جلست بالسياره طنشته ورجعت قلت لزيدان""لا تنسى كلمني والحين ممكن توصلني للخيمه اخاف يطلع رجال وانا وحدي""
ابتسم بقوه ماابغى اروح وحدي متوتره مره دام مابيوصلني رماح زيدان يكفي وهو يقول""طيب""
مشيت جنبه بخطوات سريعه علشان نوصل بسرعه وارتاح كان الجو ساكن بطريقه غريبه مافي هواء وغيوم خفيفه شوي ويصلون المغرب الحمدلله اني تذكرت ووضيت وقف زيدان ع مسافه قريبه وقال""خلاص انا بروح""
حركت راسي بطريقة طيب وانا اقول""خلاص روح""
اللتفت عليه وشفته رايح رجعت طالعت قدام كان فيها مثل الباب ومرفع القماش دخلت بعد تردد بسيط وقلت""السلام عليكم""
كانو اربع حريم مثل ماقال وبنتين بكبر نجود تقريبا لو اخذتها معاي كان استانست وقفو كلهم نزلت الغطا وسلمت عليهم وجلست بعد المجاملات الاساسيه سكتنا مااحس ان احنا بالبر المكان مسكر بكل جهه وكتمه تقريبا حرام عليهم ليش كذا قالت وحده منهم وهي تطالع فيني""غصب اقتنع زوجك تجون زوجي له يومين يحاول فيه""
ابتسمت بدون ماارد عليها لاني مالقيت رد حتى انا والله ماادري ليش قالت وحده ثانيه بأبتسامه""توهم جدد مايبغون يتفرقون""
بعد شديت شفايفي ع اسناني يسمونها ابتسامه بدون ماارد عليها شكلهم يعرفون بعض وانا الجديده متفرغين لي وصدق احساسي لانه رجعت الاولى تقول""طيب ليش ماسأفرتو شهر العسل""
قلت بأختصار""اجلناه""
قالت وحده بعد ضحكه""اجلتوه تروحون شهر العسل بعيالكم""
حسيت نفسي مكتومه بجد من هذي الجلسه الممله ماعندهم الا انا قلت""عادي الوقت الي نختاره ويناسبنا ونبغى اجازه طويله علشان كذا اخرناها""
هو فضول ولا دق مافهمت سكتنا شوي وبعدها قلت""يمدي المغرب اذن صح""
قالت الوحده من اول ساكته وماتدخلت""ايوه صلو""
قمت وقلت وانا اوجه الكلام لها""تعرفين القبله""
اشرت لي ع القبله قمت صليت ورجعت جلس في مكاني واكلت من الي قدموه قالت ماادري من ومستحيه اسأل عن اسماهم كنت انتظر وحده تقول لثانيه بأسمها واعرف بس للحين محد نادا بس بعرف وهذي الي تكلمت الي علمتني اتجاه القبله""انتي وزوجك تقربون لبعض""
قلت بأبتسامه""لا جيران وانتم""
علشان اغير من اهتمامهم فيني قالت اول وحده تكلمت""انا بنت عمته ونحب بعض قبل الزواج""
نفسي اقولها وبعد الزواج اثقل دمي مثلهم بس ماتكلمت وقالت الثانيه""انا مااعرفه بس ابوه يعرف ابوي""
قالت لها الاولى بضحكه""لا تكذبين تعرفون بعض بالجوال""
ضحكت وقالت""لا تصدقوها""
انا بصراحه مو عارفه اصدق مين بعدين مايهمني قالت الي هي سألت""اخو صاحبتي بالكليه""
بقي وحده هي الي مابلعتها الي ضحكت وقالت بتروحون بعيالكم ماقالت ومااهتميت اسألها المهم تغير الموضوع ما صار عني توقعت احبهم بس ماارتحت لهم حتى بقول لرماح نرجع ادري ماراح يسمع كلامي بس ان شاء الله نرجع المهم مين هي ام خالد ماعرفتها طالعت بالبنتين مندمجين بالسواليف مع بعض ومهم معانا يمكن سواليفهم احلى من سواليفنا وين زيدان متى بيلعب يجي يناديني قلت""نطلع الجو هنا كتمه""
اخيرا نطقتها صح حلو اطلع وارتاح بس ماابغى مو حلوه اطلع واكون وحدي كلنا احسن وقفو كلهم وقالت الاولى""نروح ورا الخيمه ونجلس""
وقفت وتغطيت وطلعنا تفاجأة كان هواء قوي عكس لما دخلت وبارد بعد واحنا جالسين بالكتمه مع ان قدام الخيمه مفرش بس احنا رحنا ورا علشان الرجال وجلسنا ع الارض مع اني مو مرتاحه معاهم بس ماقدر انكر حلات الجو والمكان والاناره الخفيفه غير قدام قويه مره قلت""اول مره تجون هنا ولا دايما""
قالت الثانيه اش اسوي مااعرف اسماهم""نتجمع كثير بالبر بس كل فتره مكان""
قالت الاولى""تتذكرون لما رحنا البر الي لقينا فيه سياره واقفه ومافيها احد""
ضحكو قالت الي ماابلعها""كانت عيوننا عليها لين رحنا خايفين بس نعاند""
قالت الثانيه""انا ماكنت خايفه رحت لين السياره لمستها ورجعت""
قالت الاولى""اي وانتي جالسه خليتي يدك بعيد عنك""
ضحكت شكلهم متعودين ع بعض احس بديت استرخي وتعجبني الجلسه ماادري علشانهم غيرو سواليفهم او تأثير الجو البارد كان لبسي مو ثقيل علشان كذا حاسه ببرد اذا بردت مره ادخل الخيمه ثواني وادفى قال الرابعه وهي توقف""ماادري وين عيالي بروح اشوفهم""
ووقفت وكلهم يقولون لها تشوف عيالهم معاها راحت والاولى تقول""بيمرضون مع هذا الجو ماجب ....""
سكتت وانا اللتفت لما سمعت رماح يناديني طالعت فيهم ووقفت وانا مستغربه اش يبغى ليش يناديني لما لفيت كان زيدان معاه قال اول ماشافني""وين كنتي""
قلت بستغراب اكثر""هنا""
قال بحده""جاء زيدان مالقيك وين كنتي""
شفتو الوسواس ماشفتوه صح اذا شوفوه هذا هو رماح طالعت بزيدان وقلت بحماس""بتلعب""
بدون ماارد ع رماح احسن من الجلسه معاهم صح يعني بديت ارتاح بس افضل اتابع زيدان قال زيدان""بطلع الكوره من السياره وبنلعب خليك هنا انتظريني""
وراح جري لسياره ابتسمت وعيوني عليه حسيته فرحان اني بشوفه وهذا فرحني اكثر وبذات بعد كلام رماح الظهر طالعت برماح لما قال بنبرة صوت هاديه""بلعب معاه انا هو فريق""
تفاجأة من تغير اسلوبه في الكلام توه شبه معصب الحين يتكلم بروقان والمفاجأه الاكبر انه بيلعب قلت بعفويه وانا اطالع فيه بصدق""تعرف تلعب كوره""
ابتسم نص ابتسامه وقال وهو يقرب مني شوي""انتي اش رايك""
قلت بحماس مو متخيله الوضع""اقولك راي بعد اللعبه(وكملت بضحكه)لا تخسر زيدان""
تحمست اشوف شي ثاني من رماح واشوف روحه بدل ذاك التحجر والتعقيد قال وهو يرفع حاجب""اذا فوزته انا اش تسوين""
قلت وانا احط يدي ع طرحتي لانها طارت مع الهواء""ولا شي لان هذا بيكون من فضل تشجيعي""
قال رماح وهو يطالع بزيدان الي جاي بتجاهنا""انتي بتشجعين زيدان وحده""
مافهمت اش قصده توقعته يبتسم ع كلامي ع الاقل بس رده غريب قلت وانا اطالع فيه ابغى افهم بس هو عيونه ع زيدان""لا اشجع فريق زيدان""
قال زيدان بحماس كبير""يلله رماح بنخسرهم وبنخليهم ينظفون كل السيارات(طالع فيني وكمل)هذا شرط اللعب الي يخسر ينظف السيارات""
قلت بعد ضحكه""الله يعينهم السيارات مغبره""
وانا اطالع برماح الي ماالتفت علي انا مستغربه منه لاخر درجه قال رماح وهو يأشر ع مكان""روحي اجلسي ع كرسي حطيته هناك""
..نهاية البارت..
..عافاكم..
..عجايب..
الحمدلله.


...بٲذن الله لي حسنه ولك حسنه...
(زودكم الله من تقاكم ,, ومن النار وقاكم ,, و للفضيلة هداكم ,, وللجنة دعاكم ,, والفردوس مأواكم . امين.)