ان شاء الله تستمتعون بالقراءه..
..البارت التاسع..
كل شي سكتت عنه إلا انك تخدميها اساسا هي لو تعرف الاصول ماخلت تقومين""
قالت عمتي""ماخدمتها غداها وهي سخنته وحتى هذي القهوه والشاهي هي سوتها وك.....""
قاطعها بأستنكار""والي يرحم والديك لا تدافعين عنها اعرفها هذي حركات ع اني صعبة المنال بس والله ا.....""
رجعت قاطعته عمتي""لا تظلمها ياوليدي انا اعرفها مافي اسنع منها بس هي خايفه خليها تتعود ع حياتها الجديده""
قال بصوت واضح فيه السخريه""تتعود وهي حابسه نفسها في غرفتك وقول لها لاتخاف مابقرب منها انا مااخذتها الا لرضاك وان شاء الله ارضتك شيخة البنات""
قالت عمتي بلمحة عصبيه""والله انها شيخة البنات مافي منها""
قال بعد ضحكه مختصره""واضح مخليتك وحدك هنا ولا تقهوي زوجها""
قالت""الحين الوقت تغير وهذي الاشياء معد صارت اساسيات""
قال""بس انا ماتغيرت وهذي الاشياء ع قولك عندي اساسيه وهي اسلوب حياتي ياتتعود عليها يااعودها عليها بالغصب هذي اسمها اصاله وانا قلت ابغى بنت اصيله""
قالت عمتي""تعبت معاك رماح من شهور واحنا ع نفس الكلام بس دامك تزوجتها خلاص مابجادلك انت بتعرفها مع الايام""
وثنينهم سكتو بس سكتو بعد ماغيرو بأحساسي كثير سكتو بعد ماصار في كلام ينقال سكتو بعد ماعرفت نظرته عني الحين تصرفاتي تدل ع اني اسوي فيها صعبة المنال يعني بمعنى اوضح تعال حاول فيني يعني ماغير نظرته القديمه عني علشان كذا اي تصرف اسويه طبيعي يكون سلبي اذا نظرته عني كذا يعني لما قال لاخوي قدر سبحان الله وحسيته ماكان بكيفه وبقناعه علشان تعبيره طلع احساسي صح قال لها بفكر وكان في باله ان بعد فتره يطلع اسباب رفضه بس لما سمع كلام عمي حس انه قدر وانه المفروض يتكلم يعني هو يؤمن بالاشارات يكسب اثنين رضى امه وشهامه لصاحبه ولا بعد اكثر من نظرته يتوقع اني مهمله ومعتمده ع غيري مع انه يعرف اني انا وحدي الي مهتمه في اهلي اممم لا قصده حركات صعبة المنال هو معجب بأخوي بس انا لا يعني ان هو رباه ابوي بس انا ربتني المدرسه الي كان يتحلف انه يطلعني منها كان احساسي بعد كل الي سمعته بمفاجأه بصدمه تقريبا لان تغير رماح بنظري صح هو زمان رجعها بوجهي وكلامه يمكن بنفس مستوى هذي المره بس الحين غير المفروض مايتكلم عن زوجته عند اي احد هذا اسمه اصاله الي يتكلم عنها بس يتكلم وزيدان موجود اسمه وقاحه وعدم احترام لي ولا لخصوصيته منجد تغير بنظري حسيت بغضب كثير جواتي عليه و ع نفسي وانا ابرر تركه لي امس يمكن حتى لو كنت بالغرفه عنده كان نام بدون يكلمني وامس لما كان يدور علي وبصوته كان توتر انا حسبته خوف علي بس الحين عرفت ليش خايف اكون هربت مثلا انا كنت واقفه مكاني ماتحركت من سمعتهم يتكلمون كان نفسي اروح واعلمهم اني سمعت كلامهم وماهمني بس بصراحه همني وانا مااعرف اواجه ولا اعرف ادافع راح اسكت علشان كذا رجعت غرفة عمتي بدون مااسكر الباب يعني ابغاها تعرف اني سمعتها وهذا الشي الوحيد الي قدرت عليه جلست ع السرير وانا احس بالقهر من كل شي ليش انا جبانه ليش يتكلم عني كذا ليش مأصرت عمتي اني سويت القهوه انا الحين فهمت كلام عمتي امس لما قالت تبغين ترجعين عند اهلك الحين ايوه ابغى ارجع والله ابغى ارجع رفعت راسي لما سمعت نجود جات تجري وهي تضحك وقفت وحضنتها وانا اقولها""اش اخبارك اشتقت لك""
حسيت نفسي مشتاقه لهم كثير قالت وهي تطالع بأنحاء الغرفه""هذي غرفتك""
ابتسمت وقلت""لا غرفة عمتي(وغيرت الموضوع)وين حامد""
قالت""هنا عند رماح بيسلم وبنروح يقول عيب نجلس هنا كثير وزيدان بعد معاهم""
مسكت يدها وقلت لها""تعالي""
وطلعت من الغرفه ماابغى عمتي تسوي شي انا بسويه مو علشان رماح ولا يهمني نظرته الحين بس علشان عمتي مابخيب املها فيني بس اول ماشفت عمتي قالت وهي تمد الصحن لي""هاك اعطيهم وسلمي على اخوك مافي احد""فكيت يد نجود واخذت الصحن مابفكر بدخل دام انا بشوفه بشوفه احسن وقت اكون مع اخوي وبسبب يشوفني مو ع العشى مشيت بتجاه المجلس وانا بدون ماافكر بس اسمع كلام نجود بس بصراحه بدون ماافهمه كان اصراري كل شوي يخف حتى وصلت عند الباب وهو معدوم وتغيرت افكاري ليش لازم ادخل وليش لازم اشوفه حتى ع العشى بس نجود فتحت الباب ودخلت وكان حامد بوجهي ابتسم ووقف فدخلت غصب عني مو شجاعه وانا ابتسم ابتسامه حاده لان شعور الخوف والقهر اقوى عيوني كانت ع حامد وحده بس ماطالعت بأي شي ثاني نزلت الصحن ع الطاوله الي قدامه وصافحته بتوتر وشلت يدي بسرعه علشان مايحس برجفة يدي قلت بأكثر صوت اقدر عليه من الطبيعي""تفضل ارتاح اش اخبارك""
جلس وهو يقول بأبتسامه""بخير بس البيت من غيرك مايجلس فيه""
قالت نجود بسرعه""ياسلام اساسا انت ماتحب تجلس في البيت من زمان""
ابتسمت وانا احسه مره احرجها بكلامه بس بنسبه لي كلامه كان تشجيعي لي قدام رماح صبيت القهوه وانا اسمع حامد يقول""والحين مغصوب اجلس فيه""
طالعت بنجود الي تغيرت ملامح وجهها عرفت انه خربها وزيدان موجود هيبتها راحت قالت نجود بلمحة زعل واضحه بنسبه لي""ليش مغصوب انا كبيره مااخاف وحدي""
سواليفهم رجعت شوي من الامان الي كنت احس فيه اول اخواني عندي شلت الصحن الي فيه الفناجين ومديته لحامد واخذ ومديته لنجود واخذت اخذت نفس خفي ولفيت ومشيت بتجاه رماح واخوه الي جالس جنبه بدون مااطالع فيهم حسيت كل شي يمر بأبطئ شي بس مارفعت عيوني فيه ماقدرت وبذات وانا احس نفسي من غير حمايه لنظراته مديت له وانا اطالع بصحن انتظره يشيل بس لما حسيته تأخر رفعت عيوني ع يده قلت يمكن شي بيده وانا احط فنجانه ع الطاوله بس كانت يده بحضنه رفعت عيوني اكثر لوجهه وانا مستغربه منه بس لما عيوني اللتقت بعيونه حبست انفاسي واسرع من دقات قلبي نزلت عيوني بس هذي النظره كانت اكثر من كافيه لتخليني اتخربط حسيت بيدي ترتجف فنزلت الصحن بسرعه ع الطاوله ولفيت عنه اول مره اشوفه بهذا القرب ماكان نفسي اجلس هنا ابدا بس علشان حامد جلست جنب نجود وطالعت فيها وقلت بصوت منخفظ""حليتي واجباتك""
مع ان بهذا الوقت كان هذا اخر شي افكر فيه بس علشان اغير الجو قالت هي بعد بصوت منخفظ""نسيتي احنا اتفقنا بكره مااداوم""
قلت بعد تفكير شوي وماطلع في بالي اي شي بسب ان بالي مشغول برماح كنت احس بوجوده بدون ماارفع عيوني""متى اتفقنا""
طالعت فيني بصدمه وقالت بصوت عالي""بذمتك رؤيا نسيتي""
عضيت ع شفايفي وقلت""لا مانسيت تكلمي بصوت منخفظ""
ورفعت عيوني واخذت لمحه ع رماح من غير مااحس وكأني بتأكد اذا عرف اني مو مع نجود افكر فيه بس هو كان يطالع بحامد الي يتكلم واخذت راحتي شوي بس شوي وانا اطالع فيه بس بعدها رجعت طالعت بنجود وانا اسمعها تقول""ع بالي بعد اسمعي امس جو كل صاحباتي مره انبسطت""
ابتسمت تشجيع لها علشان تكمل تسولف مع انها ماتحتاج""مارجعت البيت الا الفجر مع حامد انا اخر وحده""
قلت لها لان السالفه شدتني""وليش مارجعتي بدري""
قالت""حامد تأخر""
قلت بأستغراب""حتى الفجر عمتي رجعت بدري طيب""
قالت""ايوه قالت لي اروح معاها بس انا مارضيت لان حامد قال لي مااروح مع احد انتظره""
ماتجي الساعه اثنين بالكثير الا مافي احد بالقصر ليش جلست لين الفجر قلت""جلستي عند مين طيب""
قالت بحماس""ام سحر جلست معاي هي قالت بوديك بس انا قلت لها لا وانتظرت معاي وقالت لي ام سحر اني شاطره واني كبيره لاني رفضت اروح معاهم وانتظرت اخوي""
طالعت بحامد وقلت بصوت فيه لمحة حده""منجدك حامد خليت نجود امس للفجر بالقصر""اخر كلمه قلتها بصوت منخفظ لاني لاحظت ان احنا مو وحدنا معانا رماح اخذت نظره لرماح كان يطالع فيني بنظره تهكميه مع ابتسامه خفيفه وكأنه يقول علينا مايحتاج هذي التصرفات قدامي اعرفك نزلت عيوني وانا اسمع حامد يقول""ماجلست وحدها""
و ع طول قالت نجود وهي توقف كأنا اليوم خربنا عليها""وحتى لو جلست وحدي عادي انا بروح البيت""
وطلعت من المجلس مااعجبني رد حامد بس الي شاغل بالي نظرت رماح لعبت في اصابع يدي وانا احس اني منهكه منجد كلامه العصر والحين كان كثير ع وحده تحمل بعض المشاعر كيف فيني الي هو بنسبه لي اش اقول وكيف اوصف(بس يمكن يبدا الشك في هذا الموضوع)وهذا كلامه عني هو يفهم كل تصرفاتي غلط شلون اغير هذا الشي مع انه يوم واحد بس تعبت والله وقفت وقلت وانا اطالع بحامد فقط""بدخل عند عمتي اذا احتجتو شي نادوني""
وانا طالعه سمعت حامد يقول""اساسا انا طالع شوي ويأذن المغرب""..
نزلت اخر صحن ع السفره ورماح داخل وحده لان زيدان رجع بعد صلاة العشى مباشره ودخل غرفته اكيد يحل واجباته ويرتب الجدول رفعت راسي وطالعت فيه وبعدها رجعت اطالع بالسفر اشوف ناقص شي وتو بمشي خطوه بنادي عمتي للعشى لانها بغرفتها سمعت رماح يقول بطريقه عاديه جدا عكس معنى كلامه""اتوقع ان احنا كبار فماله داعي تنامين عند امي بتنامين بغرفتنا اليوم"
..نهاية البارت..
..عافاكم..
..عجايب..
الحمدلله.

رماح قهرني
انسان مو طبيعي وحامد قهرني انه تأخر على طفله
مخليها بروحه في القصر لو ماظلت معاها ام سحر كان ممكن يصير لها شيء لا سمح الله
رؤيا كسرت خاطري اليتيمه دائما يحس نفسه مكسور الجناح
ما عندها احد يدافع عنها
الله يصبرك


تم الإرسال بواسطة iPhone بإستخدام Tapatalk

سلام

رماح انت تدور الزله ومهما تسوي رؤيا فهي غلطانه بنظرك
مهما مدحتها امك او زينتها بنظرك هي ماتستحق تكون زوجتك



حامد توني اركز على تصرفاتك صحيح تحب خواتك بس لازم تنتبه اكثر لهن وجدان
وتركك لها بالقاعه لين الفجر مالك اي عذر يشفع لك ابدا

لاتفرط بالامانه يكفي رؤيا تواجه مصير صعب من اختيارك

ام رماح يالله سامحينا وطلعتي انسانه طيبه
يارب تكوني مع رؤيا دوم ما تقلبين عليها وتصفين مع رماحووووه

الا بسأل الحين وجدان وزيدان كم اعمارهم بالضبط

وشكرا بالانتظار

عجايب

مساء الفل ،،

يالله رماح انسان فضيع
الله يعينها عليه ،،
بس اهي بتكون قدها و بتقدر تثبت له عكس اعتقاده فيها ،،
بس أظن انه بحاول بثبت ظنها لسيء فيها و هي العكس ،،
و بتتعب الله يعينها ،،

حبيت بساطة الروايه
و جوها الهادي
سلاسة الاحداث
و بصراحه احس اني اشوف كل مقطع اقراه ،،

دمت بود