ويبقى السؤال؟..
احمد بصوت مصدووم: انتي شو اتقولين يا امي...
مريفه: الي سمعته يابويه...
احمد : بس كييييييييييييف جيييه.. حرام عليكم..
عبدالله دخل عليهم : شو حرام علينا.. هاي وصيه ولازم تتنفذ..
التفت احمد صوب ابوه: بس يابويه..انا ابا بنت خالي.. نوف.. والكل يعرف ها الشيء..
مريفه: ابوك رخصها خلاص..
احمد: لييييييييييش...
عبدالله: ان شاء الله تباه تاخذهن كلهن... خلاص ماشي كلام انا كلمت سيف خالك.. ورخصت البنت.. وهيه بعدها صغيره وبيها نصيبها..
احمد بعصبيه: والله لادفنه مكانه .. نوف محد بياخذها.. غيري..
عبدالله بعصبيه: وبعدين يا احمد... بتكسر كلمتيه..
احمد نزل عينه وخاف على ابوه: محشوم يا الغالي. ياغير. يابويه حس بيه.. والله حراام.. انا في خاطريه نوف من ايام ماكانا صغار.والحين تباني اخليها علشان آخذ وحده لا اعرفها ولا اتعرفنيه.. وانها بنت عمي.. من وين يت هاي. وين كانوا..
عبدالله طالع مريفه: عمك طلع من البيت.. وعرس وسافروا.. والحين ردوو..والوصيه لازم تتنفذ..
احمد: بس اناا مابااا..
مريفه: احمد.. فديتك هاي وصيه المرحوم.. وصى انه محد بياخذها غيرك..
احمد: ياامي.. وبنت خالي..
مريفه: يابويه.. مثل ما قال ابوك.. نوف بعدها صغيره.. والعمر قدامها.. ولااتقول انه مب هامني الموضوع.. يابويه نوف قبل ما تكون بنت خالك.. تراها بنت خويه والله الشاهد اني اعدها بنت من بناتي..
عبدالله: وان شاء الله اييها نصيبها. واتشوفين عيالها..
احمد: قلت لكم نووف محد بياخذها غيري... والله في سماه.. والي بيقرب منها والله لادفنه والي فيها فيها..
عبدالله: وبعديين يعني..
مريفه مسكت عبدالله الي نش على ولده من العصبيه: مااعليه يابو احمد هد اعصابك انته.. انا برمسه.. سير انته الغرفه وريح لك اشوي..
عبدالله: اسمعني زين والله ان ما خذت بنت عمك لا انته ولديه ولا انا اعرفك.. تفهم ولا لااااااااااا..
طلع عنهم وسكر الباب بقوه.. تم احمد يشوف الباب وحاس عالمه كله انهار.. معقوله نووف الي كبرت وانا احلمها وياييه في نفس البيت.. الحين ما بقدر.. آخذها.. وعلشان منوه.. وحده طلعت ..من العدم.. ومنوه هييه التفت على امه..
احمد: امي قولي لي.. شوه السالفه.. وليش انا لازم آخذ هاي ..
مريفه: يابويه انا مااقدر اقولك شيء.. سير ليدتك فاطمه وهيه بتخبرك كل شيء..
احمد: وليش عااااااااااد..
مريفه: هيه اتعرف كل السالفه انا ما لااعرفها الا انه عمك زعل حياه يدك ويدك راغه من البيت.. واتبرى منه..
احمد: رااغه واتبرى منه.. ؟؟ ليش عاد شو مسوي؟؟ وبعدين يدي ليش يروغه.. طول عمر يدي كان طيب..
مريفه: هاي السالفه جديمه.. قبل يمكن كان عمرك وقتها ثلاث سنين ولا اقل وعمك كان توه داخل الجيش.. ومكمل سنه فيه..وطلع منه..
احمد: ليش طلع..؟
مريفه: والله ما ادري اظن بسبه الحادث.. الي كسر له ريوله.. وقاعدوه..عاش على معاش التقاعد.. سنه وبعدها حياه يدك لقاله شغل وشغله..
احمد: وبعدين..شو صار؟؟
مريفه نزلت راسها ماعرفت شوه اتقوله: ما ادري به.. المهم صارت مشكله بينه وبين الي يشتغل وياه.. وبين يدك .. ويدك راغه من البيت..
احمد : امايه انتي شيء ميوده.. شوه السالفه..؟
مريفه: قلت لك يا احمد والله ما ادري بكل السالفه.. يدتك اتعرف كل شيء.. كانت حاظرتهم.. وصار كل شيء جدامها.. وقتها انته كنت مريض وفي المستشفى.. وكنا في دبي.. وابوك عندنا.. ويوم ردينا دريت بالسالفه انه ناصر انراغ من البيت..ولا ندري ارضه من سماه.. وانا عن نفسي ما شفته وابوك ما ياب طاريه الا من فتره..
احمد: وليش الحين..؟
مريفه: لانه اتلاقى وياه.. وطروا السالفه.. والبنت الحين كبيره.. وفي سن زواج.
احمد: وياسلام وانا الي آكلها الحين.. تدرين شيء انا لازم اعرف السالفه كلها.. يدتيه وين.؟
مريفه: تحت احيدها يمكن دخلت الحجره..
احمد: بسير لها الحين.. بفهم السالفه كلها.. بس يكون في علمكم نوف باااخذها باااخذها..
مريفه: الله يهديك.. يا احمد.. يعني انته تتحسب انه هاين عليه الموضوع.. ياما تمنتك تعرسون وتففكون من زمان ياغير انته ما بغيت.. هاي الحين السالفه..
احمد: ماعليج انتي .. نوف بااخذها. بالغصب بالطيب باخذها.. وبكلمه خالي انا..
مريفه: الله يهديك.. سير ليدتك الحين بسير اشوف ابوك .. اخاف ينزل الظغط عليه من العصبيه.. وانته الله يهديك عقيت ضيقتك في ويه ابوك.
احمد: امايه شو تتوقعين اسوي.. تقولون لي البنت الي كنت احلم بها... ماباخذها وباخذ بدالها وحده ياايه من الشارع.. ما اعرف عنها شيء.. بس انها بنت عمي..الي ماكد سمعت عنه..
مريفه اتنهدت: ترا يدك حالف ما ينطرى اسمه في البيت. والي بيطريه بيلحقه ..
احمد: معقوله يدي كان جيه عصبي.. معقوله يا امايه..
مريفه: الي ياه منه ماكان هين يابويه.. ووغصبن عنه.
احمد بإحباط: انزين شووه الي سواه عمي..
مريفه: قلت لك سير ليدتك وهيه بتخبرك كل شيء..
احمد اتنهد وسار صوب الباب: ان شاء الله..
نزل احمد الدري ويسمع خواته تحت يسولفن..خواته توأم بس ما يشابهن وحده سمره والثانيه بيضى وحده طويله والثانيه قصيره وحده متينه والثانيه ضعيفه..مهره بيضى وطويله بس متينه وميره قصيره وسمره وضعيفه.. خواته معنهن وصلن 20 الا انهن يهال .. في التفكير والتصرفات.. بس مرات تنزل عليهن السكينه ويغدن عقال.. وعقلهن يوزن بلد. بس بأمانه انه ما يقدر يصبر عنهن.. والبيت ماله طعم من دونهن.. وهن الي يراعنه في البيت.. خصوصا انه امه دووم ويا يدته فاطمه ومشاويرهن الي ما تخلص.. وهو ينزل الدري..صبت له مهره الشاي تعرف انه يحب يشرب الشاي بارد.. ما يحبه حار.
احمد: السلام عليكم.
مهره وميره: وعليكم السلام والرحمه..
مهره: اشحالك احمد... وييين من متى ما شفتك جنه من سنه..
احمد رفع حياته: والله سألي نفسج من اتخبر عنج قالو لي في الحجره تدرس.. وبعض الناس دووم في الصاله مجابله التلفزيون.. ودووم اكل عندها.. والقهر انها ضعييفه..
ميره: احم احم..لو سمحت.. بعد يزاي انك يوم تيي تلقى عندي اكل وتاكل .. بعد ارأف بحالك.. واقول اخويه حبيبي اكيييد بيي يوعان.. واخلي لك اكل... هذا الي يقول خيرن تفعل شرن تلقى
احمد: ههههههه افا عليج... لايكون زعلتي بس..
ميره: لاا بس اسولف.. شو رايك اانته..
احمد. اممم والله رااي انه ماعندج سالفه اذا زعلتي .. خصوصا اني ياايب لكم سي دي فلم توه نازل في االسنما..
مهره وميره: والـــــله..
احمد: هههه الحمد لله والشكر.. بس خلاص ما بعطيكن اياه.. دام ميره زعلانه..
ميره: اخسي ازعل منك.. افا عليك بس شوه اسم الفلم..
احمد: هههه حلو اسمه MAMA..
مهره: من ااسمه يبن حلوو..
احمد: هههههههههههه هيه واايد حلوو.. فيه بنات صغار شقر وحلوات..يحبن امهن..بالتبني.
ميره: شوه قصدك يعني.
احمد: هههه ولا شيء.. بس بصراحه يجنن((واصلا الفلم لفلم رعب..يحكي قصه ..يقال انها قصه حقيقه.. عن طفلتين يعيشن رواحن في غابه لمده سنتين بعد ما مات ابوهن بطرق غامضه وشرسه ..وبيلقاهن صادين يعرف عمهن الي كان يدورهن المهم انه بخيلهن عنده وبتبناهن قصه الفلم غريبه وبنفس الوقت مشوقه..))
ميره: خلاص عيل.. بنسهر الليله وبنشوفه..
احمد: يستحسن انه تسكرن الباب والليت.. علشان اتعيشون جوو الفلم.. مثل في السنما,,
مهره: لا توصي حريص..الا احمد ممكن اتكلم معاك في موضوع.
احمد:آمري..
مهره: صح.. الي سمعته.. انك بتاخذ روضه بدال نوف..
احمد عقد حياته: ومنوه روضه هاي
ميره: حد ما يعرف اسم حرمته المستقبليه؟
احمد: واسمها روضه بعد..
مهره: احمد يعني صح السالفه؟؟
احمد: لااا مابيصير.. انا باخذ نوف.. والي فيها فيها وما يهمني شيء.
مهره: بس هاي وصيه يا احمد. وانا سمعت حياه يدي يوصي ابوي.. قبل لا يموت وقاله هالله هالله برووضه يا عبدالله ما اوصيك.. وقتها ماعرفت منوه روضه.. تحريتها ختيه.. بعد العزا بأسبوع احيد اني تخبرت ابويه. وهزبني.. وقالي ما اتدخل في الي مايحصني فيه.. وروضه مش اختج.. وطلع عني..
احمد: وليش ما خبرتيني عن السالفه.؟
مهره: شوه تباني اقول.. قلت يمكن سالفه بين ابويه وحياه يدي وحتى ابويه قالي ان طريتي السالفه عند حد يا ويلج.. احمد كان حياه يدي يكلم ابوي وهو يصييح..
احمد: لا حول ولا قوه الا بالله.. يدوه وين الحين؟
ميره: دخلت اتصلي الضحى..
احمد: بسير اشوفها.. حراكات اللقافه مابا.. تتصنتن عند الباب..
مهره: شو تتحسب ماعندنا مذهب... اصلا من تطلع من عندها بتخبرنا الساالفه يدوه كلها..
احمد رفع عيونه لفوق واتنهد: الله يصبرني عليكن..
طلع من الصاله وسار لقسم يدته الي يكون في الطرف الثاني من الصاله الرئسيه الثانيه.. مجابله الباب .. وقسم يديته عدال الباب. علشان يوم اييون ويسلمون عليها. ما يدخلون لداخل البيت.. البيت عباره عن صاله كبيره نازله وطرف الصاله قسم اليده فاطمه.. وفي صاله ثانيه مرفوعه بدرجتين. فيها الدري الي يودي لفوق.. وباقي الغرف الثانيه والمطبخ التحضيري..دخل قسم يدته مالقاها في الصاله.. هود ودخل غرفتها.. لقاها اتصلي الضحى.. يلس على الكرسي الي في الغرفه.. ومن خلصت يا وحب راسها. ويلس عدالها
فاطمه: اتحب الحجر الاسود ان شاء الله
احمد: اجمعين.. يارب... الا بغيت اتخبرج يدوه..
فاطمه:ادري شو بتقول.. قبل لا تقول شيء تراه محد بيجبرك على شيء..
احمد بفرح: قولي والله.. يدوه...
فاطمه: هيه بس ابغيك قبل تسمع السالفه مني وخلاف تقرر اذا بتاخذ بنت عمك ولا لاا..
احمد: اسمع قولي.. ياغير من الحين اقولكم... بنت خالي نوف باخذها.. وما يهمني..
فاطمه اتنهدت: خير ان شاء الله.. اسمع.. السالفه صارت من خمس وعشرين سنه.. وقبل بعد.. صارت سالفه الاوليه..
احمد عقد حياته: اي سالفه اوليه بعد..
فاطمه: خل السالفه الاوليه الحين.. واسمع هاي السالفه الحين..
احمد: انزين..
فاطمه: اسمع.. السالفه انه عمك ناصر يوم خلص مدرسه... دخل الجيش.. كان يبى يدخل مدرسه يعلمونه كيف يطير طياره.(وقصدها الكليه الجويه)
ياغير يدك محمد ماخلاه ودخله الجيش غصبن عنه..
احمد: وليش ما خلاه يدخل كليه الجويه؟
فاطمه: ما ادري به.. بغاه يغدي ريال ودخله مصنع الرياييل..((الجيش والشرطه مصنع الرجال)
احمد رفع واحد من حياته: وانزين.. وبعدين.. وبعد ما دخل الجيش شوه صار..
فاطمه: دخل ودرس وكمل سنه.. لين سوا حادث وانكسرن ريوله..
احمد: هوه سوا الحادث؟
فاطمه: هيه نازل من الدوام.. واتعرضت له تريله(( شاحنه كبيره)) ودعمته اترقد شهرين.. والجيش قاعده.. يلس حول السنه في البيت.. وخلاف يدك محمد لقاله شغل عند دكان بوسلطان. الجديم.( عباره عن شركه مقاولات صغيره ))كمل فتره عنده. لين ...
احمد: لين شوه؟
فاطمه: ما ادري شو سوا ياغير الي قالوه انه سرق من عنده فلوس.. وحطهن في البنك بحسابه.. وبلغو عليه الشرطه..
احمد: يعني اختلس فلوس.. يااحبيبي. الحين طلع عمي خريج سجوون..وتبوني آخذ بنته. هذا الي ناقص آخذ بنت ابوها خريج سجوون.. يدووه هذا ماااايصيير.. ومابوافق عليها.
فاطمه: احمد اسمع الي عندي وبعدين قرر.. يابويه لا تنسى هاي وصيه. ولا تعذب يدك في قبره..
احمد بصوت مسكور: بس انتي قلتي محد بيجبرني..
فاطمه: وانا قد كلمتيه.. ياغير ابا اكمل لك السالفه. وخلاف سو الي تباه..
احمد: انزين كملي... لاحول ولا قوه الا بالله..
فاطمه اتنهدت: شوف بعد هاي السالفه انحبس عمك حول الثلاث اسنين.. ومن طلع ابوك راغه من البيت..واتبرا منه...
احمد: وانتي ما شفتيه؟؟
فاطمه نزلت راسها: ل.. لاا.. ماشفته..
احمد:انزين وين سار بعد ما طلع من السجن؟؟ كيف عاش؟
فاطمه: يدك ساعده كلم ريال يشغله. واشتغل عند الريال حول السنتين... وخذ بنت الريال وياب منها بنت..
احمد مد بوزه: الي بالشيني فيها الحين..
فاطمه: هيه.. هيه.. يابويه البنت مالها ذنب في الي صار لها..
احمد: مالها ذنب انا معاج.. بس ليش اناا بالذات؟
فاطمه: ومنوه غيرك تباه ياخذها؟
احمد: وليش مش عيال عمتيه عاشه؟؟ ماشاء الله عندها الخير. وبدال الولد الواحد عندها اربعه..ليش انا بالذات لازم آخذ هاي الي ما تسسمى..
فاطمه:هاي الي ما تتسمى بنت عمك.. وانته اولا بها من عيال عاشه بنتي
احمد بحسره: مااابااها.. اناااااااا ابا نوووف.
فاطمه: وليش ما تاخذهن كلهن.
احمد فج عيونه: يدووه انتي عارفه شوه اتقولين.
فاطمه عصبت: مسود الويه شوه اتشوفني جدامك.. مخرفه..وبعدين الشرع حلل اربع.. وانته لا ول واحد ولا آخر واحد بتاخذ حرمتين.
احمد: يدوه البنت الي باخذها اتصير بنت ولدج.؟؟ عادي عندج اني آخذ عليها عديله.
فاطمه صدت ويها عنه: لاا ياا احمد روضه مش بنت ولديه.. ماعندي ولد غير ابوك..
احمد فج عيونه وثمه: ماعندج ولد.. عيل هاي من وين يت؟؟ اقصد ابوها الي اتقولون انه عمي. من ويين ؟؟
فاطمه: يدك يابه.؟
احمد: من وين؟؟
فاطمه بعصبيه :من وين بعد.. من الرقعه(( الشارع ))
احمد: يدوه ممكن اتقولين لي كيف..
عبدالله بعصبيه: وانته شوه يخصك من وين المهم انه عمك. وبتاخذ بنته ولا مالك مكان عندي في البيت.. فاهم ولا لااا..
احمد: ايوااا.. يعني بتسوي الي سواه يدي.. بتروغ ولدك..
عبدالله بعصبيه: والله الي يطلع عن شوري ماله مكان في بيتي.. وانا قلت الي عندي.. والله يا احمد ان ما خذت بنت عمك لا انا ابوك ولا انته بولديه.. والرمسه وصلتك بتاخذها ولا لاا.. كيفك..مريفه انا بسير المزرعه.. وما بتغدى اهنيه..
مريفه: وين بتتغدى؟
عبدالله: في جهنم الحمرا..
وطلع والكل عينه عليه.. لانه معصب على الآخر.. مايبا احمد يعرف بالسالفه لانه متأكد لو عرف ما بيوافق انه ياخذ بنت اخوه.. اخوووه ناااصر.. الله يسامحك ويغفر لك يا ابويه.. لييش غلطت هاي الغلطه.. وعيالنا الي ياكلونها...
احمد: امااايه..
مريفه: شوه تباني اقول. . انته اتعرف ابوك.. ان قال كلمه.. ولا تنسى انه فيه القلب يا احمد.
احمد :بس يا امااايه حرام عليكم.. والله حرام..
مريفه: عمتيه كلمي ولدج يمكن يلين..
فاطمه: مريفه انتي اتعرفين ريلج زين.. واتعرفينه يوم يعصب ما يشوف.. الله يعينك يا احمد.. ارضى بنصيبك يابويه.
احمد: لا عاد.. خلاص بنت عمي باخذها.. ياغير الشهر الثاني بيكون عرسي من نوف.
مريفه: شوه.. ها الرمسه هاي..
احمد: تبوني آخذ بنت خريج السجون... هذا شرطي وخبري ابويه..
مريفه: بس يابويه كيف بتاخذ الثنتين رباعه جذيه..
احمد: انا ونوف من نعرس بنطلع لنا ببيت رواحنا والي غاصبيني عليها بتم اهنيه عندكم
فاطمه: شوه هذا الي اسمعه منك احمد.. مهما كان تراها بنت عمك من لحمك ودمك ..
احمد رفع حياته وتكلم ببرود: انزين تراها بتم اهنيه في بيت عمها معززه ومكرمه مش في الشارع.. ياغير مالها شيء عندي غير المصرف.. بفتح لها حساب وخلاص. ومن الحين اقولكم .. لا تتوقعون مني اييب عيال منها.. العيال ان شاء الله بيون من نوف وبسس.. هذا الي عندي امي.. قولي لابويه لو ماعليج امر.. اذا يباني آخذ بنت اخوه بها الشرط وغير جذيه.. ماعندي مانع بطلع من البيت بس باخذ بنت خالي وبنسكن في بيت رواحنا..
مريفه: يعني في الحالتين بتطلع من البيت.
احمد: امممممم تقدرين اتقولين جذيه.
فاطمه: وليش تطلع من البيت .. تراه البيت عود.
احمد: تبيني اسكن نوف.. مع بنت خريج السجون في بيت واحد.. وعيونها علينا من ندخل لين نطلع.. لا يدووه احس لنا ولها بعيييد.
مريفه: ما احيد اني شليت في بطنيه 9 شهور ولد قاسي مثلك..
احمد: والله يبتها من احكامكم عليه..
مريفه: الحين نحن السبب.. انك بتعذب بنت مالها ذنب..
احمد نزل عينه: امايه هاي حياتي.. وانتوا الي اجبرتوني على جذيه..
فاطمه: دقي لعبدالله وخبريه الحين وشوفي شو بيقول.. ولدج ين يا مريفه
احمد: ههه ومنوه السبب يدووه.. منوه.. تبوني اخلي بنت خالي الي محيرنها من يوم هيه صغيره.. وتبوني آخذ وحده لا اعرفها ولا اتعرفني.. اللهم انها بنت.. عمي.. خريج السجون.
مريفه: بس هذا ما يعطيك الحق انك تحرق قلبها وهيه بعدها ياهل.
احمد: منوه الياهل؟؟
فاطمه: بنت عمك بعدها ياهل.
احمد فج عيونه" نــــــــــــــعم.. ياهل؟؟ ليش ان شاء الله كم عمرها؟
مريفه: توها متخرجه من المدرسه..
احمد : يااا حلاااااااوه.. انا بدش الثلاثين قريب.. وحرمتيه ما دشت العشرين.. تبوني تيوزوني اياها.. علشان اربييها شوه؟؟
مريفه: حيات يدك يبالها الستر.. والبنت من الي سمعته عنها انها مربايه احسن تربيه.
احمد بطنازه: هيه وابوها خريج سجون.
مريفه بصووت عالي: احمــــــــد.. بس عاد.. احترم عمرك. وهذا الخريج السجون الي تتكلم عنه. تراه عمك.. وابو حرمتك..
احمد استحى ونزل راسه..
فاطمه:وبعدين يكون في علمك الرمسه الي تتكلم عنها تراها ماتت.. من اكثر من عشرين سنه.. ومحد يطريها الحين..
احمد: باجر بتنطرى يوم باخذها. بيتمون يتخبرون منوه هاي وين كانت يوم بيعرفون انها بنت عمي..
مريفه: براايهم الي بيتكلم بيتكلم من ثمه. وانته لا ترد عليهم.. الحين بسير اكلم ابوك. يشوف لك حل.. بصراحه والله يا احمد اني احس اني ما اعرفك.. يوم هاي رمستك..
احمد: امايه بدال ما توقفين ويايه اتقولين ها الكلام..
مريفه: اوقف وياك في انك بتظلم بنت مالها ذنب .. لا يا احمد.. حتى لو كانت الي تباها بنت اخويه.. الله ما يرضى في الظلم.. وبتشوف.. باجر.
احمد: الله كريم..
فاطمه: سوي لريلج وشوفيه ..الله يهديه بعد هوه من يعصب مايشوف.
مريفه: الله يهديه..
احمد: انا بطلع بعد..
مريفه : وين بتسير انته بعد.
احمد: وين بعد.. بسير عند الربع اشوي.. وبرد..
مريفه: بجفظ الرحمن ولديه..
طلع احمد من البيت من دون ما يشوف خواته.. ويعرف انه من طلع خواته بيربعن عن يدته علشان ياخذن العلوم..
مرت الايام.. ووافق عبدالله على شرط احمد انه ياخذ بنت عمه وبعدها بفتره ياخذ بنت خاله وعبدالله كلم عيسى بالموضوع.. وبما انه عيسى يبى احمد.. فما كانت عنده مشكله انه بنته تي على عديله.. اذا كان احمد جاد في كلامه.. انه بنته وبنت عم احمد ما بيعيشن في بيت واحد.. وانه احمد لقى بيت ايجار قريب من بيت اهله.. عبدالله كلم اخوه ناصر وحدوا ا يوم ايون فيه علشان يخطبون رسمي..وعند روضه كانت قصه ثانيه..
لطيفه:يابنتي.. هذا نصيب ولازم ترضين فيه..
روضه: بس يا امي.. من وين طلع لي هذا الحين.. وين كانوا عنا.. كل هاي السنين..ولا اتقولين لي اهل وهاي الخرابيط..
لطيفه: يابنتي الظفر ما يطلع من اللحم.. ومهما كان هذا ولد عمج واولابج عن الغريب..
روضه:انا صغيره على العرس.. ابا اخلص جامعه قبل وخلاف خير ان شاء الله..
لطيفه: ياسلام ان شاء الله تبينه يترياج خمس سنين ولا ست سنين.. حرا م عليج..
روضه: امايه شوه حرام عليه.. حرام عليكم انتوا.. انا بعدني توني داخله 18وهوه اكبر عني بوايد...
لطيفه: حلاته اصلا الريال يكون اكبر عن حرمته بوايد.. بكون حنون معاها وبيدلعها عدل.. وماعنده طيش ولعب.. بيكون عاقل.ورزين.. تدرين يابنتي اني مرتاحه انه الي بياخذج ولد عمج مش غريب..
روضه: ليش يا امايه علشان ما يعيرني بأبويه.. واذا خذني ولد عمي مثل ما تقولين مابيعيرني به لانه في الحاله هاي بيعير على عمه.. هه
لطيفه: روضه..؟؟
لطيفه: انا فاهمه كل شيء يا امايه. بس الي محيرني ليش الحين طلعوا وين كانوا من قبل... خلي من قبل وين كانوا من اربع سنين يوم اتلاقينا مع يدي في مكه؟؟ وين كانوا من يومها.. ليش الحين طلعوا.؟؟
لطيفه هزت راسها: م مااعرف..
روضه : لا يا امايه اتعرفين.. واتعرفين عدل.. بس بقولج ليش.. لانهم لين الحين ما رضوا على ابويه... وما سامحوه على الي سواه. حتى لو كان ماله ذنب.. وفوق هذاا لانه ..
لطيفه بعصبيه: روووضه وبعدين يعني.. بس خلاص..
روضه: لييش خلاص يا امايه.. هذا الواقع.. ابويه ولد حرام..وامه تركيه.
لطيفه: رووضه..
روضه: مش وااقع... ما يبت شيء من عندي.. امااايه لين متى بنزل راسنا للارض مثل النعام.. لين متى بنرضى لها الذل.. امبونه حيات يدي والحين عمي عبدالله.. لين متى بنفذ الي يطلبونه منا.. وين كانوا يوم كنا نحتاج حد يوقف ويانا.. وين كانوا من قبل ما انولد.. ليش ما ساندوا ابويه يوم دخل السجن. بدال ما يعينون له محامي. اتبروا منه.. لين متى بيظل ابويه ضعيف الشخصيه وبيرضى انه ينداس منهم ومن غيرهم.. هيه صح انه غلط يوم خلى الي مايتسمى يقص عليه ويدخله السجن بظلم.. بس هذا مايعني انه يسكت عن حقه ويبتعد عنهم علشان ما يزعلون منه.. يزعلون بالي مايحفظهم.. ألزم ما على المرء كرامته.. ان خسرها تراه خسر روحه.. (( كانت تتكلم ودموعها ينزلن)) امايه انا اعرف ليش ياايين عمي عبدالله باجر هوه والي عنده.. علشان وصيه يدي محمد صح ولا لاا..
لطيفه ماقدرت اتقول شيء بس هزت راسها بمعنى هيه .. ودموعها ينزلن لانه فعلا كل كلام روضه كان صح.. بس شو بيدهم يسوون.. قانون الطبيعه مثل ما يقولون البقاء للاقوى.. وهم اقوى عن ناصر بألف مره وناصر ما بيقدر يوقف في ويهم. لانه اول شيء ولد حرام.. وثاني شيء مدان بقضيه اختلاس.. ومهدد ان طالب بأي شيء بيشهرون فيه وبيفضحونه في كل مكان حتى لو انظرت سمعتهم مايهمهم بس ناصر همه مستقبل روضه.. لو كانت ولد كان الوضع مختلف.. بس لانها بنت خاف على سمعتها من الضياع.. ومثل ما هوه متعارف انه البنت مثل الورقه البيضى اي نقطه اتأثر فيها ولا تنمسح. حتى لو كانت بريئه.. ما تقدر تقول لروضه ليش ابوها ساكت كل هاي السنين.. اربع سنين من توفى يدها محمد .. وناصر انحرم من الميراث والظاهر انه عشان الوصيه انه احمد ولد عبدالله يأخذ روضه من تكمل 18 ولا مثل ماقالت لو مش الوصيه جان محد شافهم.. وتموا بعيد عنا ونحن بعيد عنهم.. بس شو انسوي.. هذا نصيبها في الدنيا.. والله يعينج يابنتي على الياي..
لطيفه: سمعي يابنتي.. مهما كان الماضي تراه انتهى.. ونحن الحين مثل ما ييقولون عيال اليوم.. لازم نطوي صفحه الماضي بالي فيها..
روضه: امايه لين متى بناخذ درب الضعاف والجبناء لين متى اصحواا بس عاااااااااد.. لين متى بتعيشون في هاي الغفله.. لين متى.؟؟
لطيفه بحزم: سمعي ياروضه.. الي بقوله وفهميه عدل.. ولد عمج بييي وبيخطبج.. وبتوافقين لو مش علشان الوصيه. علشان ابوج.. الي بيكون مع اهله.. حتى لو ما تقبلوه من قبل الحين بيتقبلونه لانه اخوهم ونسيبهم في نفس الوقت. ومحد بيعيب على ابوج ولا بيقدرون اصلا. من بيشوفون انه رد لاهله محد بيقول شيء.
روضه: بس يا امايه.
لطيفه: ولا كلمه.. مابا اسمع شيء.. اذا تبين رضايه عليج يابنتي انج توافقين على لم شمل الاسره ولا اتعاندين فديتج ياروضه.. فرحي ابوج
روضه: عمري ما وطيت راسه ويبت له الهم يا امايه.. ياغير ان شاء الله الي تبونه بيصير..
لطيفه لوت على بنتها: فديتج يابنتي.. وربي ييسر لج امرج كله.. ويوفقج ويرزقج الذريه الصالحه..
روضه ابتسمت ابتسامه حزينه: آمين يا الغاليه..
راحت لطيفه عند ناصر الي كان يترياها في الحجره تبشره عن موافقه روضه لقته يالس على الكرسي وحاط راسه بين ايديه.. ربعت صوبه
لطيفه: شوه فيك ياناصر.. شوه مستوي.؟
ناصر بعد ماخوز راسه: شوه تتوقعين مستوي. يا لطيفه.. انعق بنتنا بين ذيابه وواتقولين شوه مستوي..
لطيفه ابتسمت: ماعليك انته .. بنتك يا الغالي.. لبوه.. وماعليها خوف وتقدر تاخذ حقها منهم ومن غيرهم.. لا تخاف عليها.. انته ربيت سبع في بيتك..مش وحده خوافه.. والله انها عن عشره رياييل.
ناصر: بس هذيلا اهلها.
لطيفه: بنتك لين الحين مش معترفه فيهم مثل ما هم مش معترفين فيها.. والله لتوريهم نجوم الظهر ان غلطوا عليها ولا عليك. .
ناصر : آآآآآآآآآآآه يا لطيفه . والله اني خايف عليها.. من احمد ومن اهله.
لطيفه: ناصر فاطمه شوه رايك فيها.؟
ناصر وفي عيونه تساؤل: شوه قصدج؟
لطيفه: يعني كيف هيه؟؟
ناصر: انا عشت وياها..عشر سنين اذكر اني في صف خامس ولا رابع يوم اييني ابويه عندها.. صح في البدايه ما قبلت بي.. بس مع الايام تغيرت معاملتها ليه. وبدت اتحن عليه.. اذكر انه عبدالله وعاشه يكرهوني وكنت انضرب وانسب من الكل.. حتى البشاكير.. بس من تغيرت امي فاطمه الكل تغير. وغديت واحد منهم وفيهم..
لطيفه: يعني اذا يتهم بنتك ما بتخليهم يضرونها صح.
ناصر : ان شاء الله.. انتي وصيها انها اتخليها سندها عندهم امي فاطمه هيه الكل في الكل.. وكلمتها تمشي ان كسبتها بنتج محد بيضرها.. ياغير اخاف العكس..
لطيفه: بنتك حبوبه والكل يحبها. ولا عليها شر ان شاء الله.. والله يوفقها واتشوف ذريتها.
ناصر:آآآآآآآآآه يا لطيفه والله ودي اشوف عيالها قبل لا اموت.
لطيفه بخوف: باسم الله عليك يا الغالي.. ان شاء بتشوف عيالها وعيال عيالها بعد..
ناصر: ههههههههههه يابنت الحلال خلينا نفرح فيها قبل وخلاف ان شاء الله بنشوف العيال هذا اذا الله رزقهم بالعيال..
لطيفه: ان شاء الله.. يالله الحين رقاد تعرف انه الوقت متأخر.. علشان اتنش للصلاه الصبح.
ناصر: ان شاء الله. يا الغاليه..
ناموا وكل وااحد نام بفكره في راسه..وهم كبير.. ناصر بهم بنته في بيت غريب.. واهل من لحمها ودمها وبنفس الوقت مب اهلها.. ولطيفه همها بفراق بنتها الوحيده الي ماقدرت تيب غيرها.. عبدالله.. بهم ولده وبنت عمه كيف بتكون حياتهم.. وكيف بتكون حياته بعد مايرجع اخوه لهم... مريفه.. هم ولدها ويا حرمته اليديده الي باغضنها من قبل ما ياخذها.. وهم فاطمه.. الي شاله حمل الوصيه معنه قبل ما يتوفى رخص روضه ..وهم احمد.. كيف بتكون حياته بيت حرمتين.. لانه بينسأل عنهن يوم القيامه.. وهم نوف الي عرفت انها بتي على ضره حتى لو كان بالاسم.. وهم مهره كيف بتكون معاهم بنت عم ..وبتكون عايشه وياهم في نفس البيت. وكيف بيتعاملن معاها.. ولانه مهره اقرب وحده لنوف.. كيف بتتعامل مع بنت عمها. الغريبه عنها.. وبنت خالها الي تحسها مثل اخت لها..وهم ميره.. الي شفقانه على بنت عمها.. كيف بتي في بيت يديد وريل يكرها وبيهجرها قبل ما بيجف حبر توقيع الملجه..
مرت الليله.. وبدا صباح جديد وكان اليوم اول يوم للجامعه.. بالنسبه لروضه بدايه ...وثالث سنه بالنسه للتوأم ونوف..وكان المفروض ايون بعد صلاه العصر.. بس اتاخروا ويو بعد صلاه العشى.. اتعشوا وبعد ما خلصوا عشى..طلبوا ايد روضه رسمي.. وكان موجود عبدالله وعيسى وعياله. فهد وغانم..وعلي ريل عاشه عمه احمد.. وعيالها حمد ومحمد خالد.مبارك. وطبعا المعرس احمد.. وعطاهم الموافقه بس عبدالله طلب انه يشوف روضه ويسمع ردها بنفسه.. وفعلا دخل الصاله ويته روضه..
جمال روضه مع بياضها جمالها من النوع الجذاب مش الجمال الساحق.. وانما نعومه كل الي فيها صغير..وهيه صغيره..وبصراحه من شافها عبدالله خاف عليها من قسوه احمد.. خصوصا انها صغيره الحجم والسن.. وهيه في سن ما تتحمل الصدمات. ابد.. لانها بعدها في سن المواهقه.
عبدالله: هاه يابنتي شوه ردج على خطوبه احمد لج..
روضه نزلت راسها لانه عارفه انه نظره الكره في عينها لين الحين ما قدرت تسامحهم في الي سووه في ابوها: والله ياعمي الشور والراي لابويه وانا مابطلع عن شوره.. الي بيقوله ابويه بوافق عليه.. وطبعا ابوها كان موجود..
ناصر: ربي يهنيج ويفرحج يابنتي..
عبدالله:آمين يارب..ولا تخاف على بتنك تراها امانه عندنا..
ناصر: ان شاء الله.. وان شاء الله انشوف عيالهم.
عبدالله نزل راسه ماعرف شوه يقول له: ان شاء الله. ها خلاص يابنتي انقول مبرووك.
روضه: الله يبارك في حياتك ياعمي.
عبدالله: مبروك ياناصر.
ناصر: الله يبارك في حياتك ياخوي..مبرووك يابنتي..
روضهلوت على ابوها:.. الله يبارك في حياتك يا الغالي.
عبدالله يوم شاف الدموع في عيون الابو وبنته .. انبه ضميره. على الي بيصير لها.. وبس هاي وصيه.. ومايروم يجبر ولده كيف يتصرف مع حرمته دام انه بتكون معززه ومكرمه في بيته..وما بيقصرها شيء.
روضه رفعت راسها: بس ياعمي عندي شرط..واحد
عبدالله:آمري يابنتي.
روضه: مايامر عليك عدوو.. عمي شرطي اني اكمل الجامعه..هاي اول سنه لي.. وابغي اكمل واتخرج.. واشتغل.
عبدالله: يابنتي الدراسه مافيها كلام عليها. عندي بنتين توأم ويدرسن في الجامعه.. بتسرحين وياهن وبتردين وياهن.. ياغير الشغل.. ما اظن انه بتحتاجينه؟؟.
روضه: هذا شرطي ياعمي..ان رفض ولدك شرطي انا برفض العرس..وانا آسفه ياغير هذا مستقبل.. ولازم اضمن عمري.
عبدالله: وشو تبين اضمن من انه الي بياخذج ولد عمج.؟
روضه: عمي الطلاق موجود في الدنيا.. صح انه ابغض الحلال عند الله. يا غير انه مافي تأكيد انه ما بيصير لاي زوجين في الدنيا.. وضمان البنت سواء المعرسه او لااا.. شهادتها .. وغيرها مالها اي ضمان.. واسمح لي ياعمي.. هذا شرطي..
عبدالله: ان شاء الله. خذيها مني.. بتكملين دراسه. وشغل..
روضه:آسفه ياعمي.. ياغير انا بحط هذا الشرط في العقد..
عبدالله عصب: شووه؟
روضه: من حقي اشرط علشان اضمن نفسي.. واعتقد اني ما طلبت شيء مستحيل..
عبدالله: يعني كلمتيه مالها معنى عندج؟
روضه: لك الحشمه والكرامه ياعمي.. وكلمتك على عيني وراسي.. ياغير انا بضمنك مثل ما ضمنك ابوي يوم انحبس؟؟
ناصر: رووضه.
عبدالله: خلها ياناصر.. والي تبينه الحين شوه؟
روضه: في عقد الزواج. ينكتب فيه انه ولدك مابيعارض دراستيه وشغلي مهما كان.
عبدالله: وشوه بتدرسين؟
روضه رفعت راسها وحطت عينها في عين عمها : قانون.. بتخصص قانون محاماه..
عبدالله بعصبيه: ماعندنا بنات يشتغلن في محاكم.؟
روضه: قلت لك هذا شرطي..
عبدالله التفت على ناصر: نااصر قول شيء لبنتك..
ناصر : شو تباني اقول.. انا ماعندي مانع انه بنتي اتصير محاميه.. واتادفع عن المظلومين. هذا شغل والشغل مب عيب.؟
عبدالله: انته عارف شوه الي اتقوله...........هيه نسيت منوه هيه.
روضه: عمي لو سمحت انته في بيت ابويه ناصر بن محمد.............. ولو سمحت ما تغلط.. هيه نعم يدتيه تركيه.. وربك الي كتب ها الشيء. وهذا لا غلطت ابوي ولا غلطتي انا.. اذا تبا اتلوم حد.. جان لمت حيات ابوك الي ارتكب هاي الغلطه.. ومن اليوم ورايح ياعمي.. اي كان غلط على ابوي ولا على يدتي. انا الي بتصدى له.. وحتى لو اوصل الموضوع للمحاكم..
عبدالله: انته راضي عن ينان بنتك ؟
ناصر: اخوي.. انتو سويتوا الي عليكم. وكفايه. عاد.. وخلاص..
عبدالله: شوه قصدك؟
ناصر: انته فاهم قصدي.. من اليوم ورايح يا انا ننسى الماضي ونبدى صفحه يديده.. ولدك بياخذ بنتي .. ولا الي بينا ينتهي وخلاص وننسى انا اهل واخوان..
عبدالله نزل راسه لو انه معصب ياغير الوصيه جنها سيف محطوطه على رقبته.. وعد ابوه انه ينفذها وما يقدر يسوي شيء ثاني.
عبدالله: خلاص عيل.. مثل ما تبون.
روضه رفعت راسها مش عارفه شوه قصده
ناصر: شو قصدك؟
عبدالله: نبدى صفحه يديده.. وننسى الماضي.. (التفت صوب رو ضه) وانتي بنسوي الي تبينه وانا بكلم احمد في الموضوع.. وبقنعه وبتلقين الشرط موجود في عقد الزواج..
روضه : بس ياعمي ان ماكان الشرط موجود انا برفض العرس.. واسمحلي على الي بيصير بعدها.
عبدالله خذ له نفس لانه معصب: قلت لج بتلقينه فيه.. خلاص عاد.. ولا في شيء ثاني عندج؟ لاني بسير ابشر احمد ؟
روضه ابتسمت: سلامتك ياعمي..
عبدالله وهو راص على ضروسه: الله يسلمج
طلع عنها وهيه متشققه وابوها يهز راسه ومش عارف شو الي بيصير.. يخاف الي سوته بنته باجر يطيح فوق راسها.. بس بنفس الوقت اتطمن انه بنته مثل ماقالت امها لبوه.. وماعليها من حد دام انه الحق وياها.. رجع عبدالله للصاله ويلس من دون ما يتكلم.. تم الكل يطالعه ويترياه يقول شيء..التفت على ولده..احمد.
عبدالله: احمد تعال اشوي ابغي اكلمك. براا.
نش احمد بسرعه: ان شاء الله ابويه.
طلعوا برا واحمد حاس بخوف مايعرف شوه سببه خصوصا انه ابوه شكله معصب بالقو..
احمد: آمر يا بويه.. شو مستوي؟
عبدالله: اسمع يا احمد.. انا صح وعدت ابويه اني انفذ وصيته.. ياغير الحين الموضوع بيدك..
احمد: كيف يعني الموضوع بيدي..؟
عبدالله انتهد: شوف يا احمد.. بنت عمك عندها شرط. واذا ماوافقت عليه ما بتوافق على العرس..
احمد: نعــم؟.. ما بتوافق.. وليش ان شاء الله.. وهيه منوه تتحسب عمرها.. عنها ما وافقت..
عبدالله: احمد نسيت الوصيه. ولا شوه.؟
احمد: انته ما تسمع شوه اتقول حضرتها .. من بدايتها شروط.؟
عبدالله: اذا مش من بدايتها شروط.. عيل متى تباها تتشرط؟ يوم تكون في ذمتك؟
احمد: ماعلينا منها يا ابويه؟؟ خلها تولي.. ما تبى احسن وفرت..
عبدالله اتنهد: انته اسمع شو شرطها وبعدين روح.
احمد اتنهد لانه كان حاط فكره في باله.. اذا هوه رفض شرطها بيكون له عذر علشان يلغي موضوع العرس.. وبجذيه بيقدر ياخذ نوف وهو مرتاح.
احمد: شو شرطها؟
عبدالله رفع عينه : شرطها ياولديه انها اتكمل دراستها..
احمد: نعم؟؟ ومن بيمنعها عن انها اتكمل .. يابويه خلها تكمل بس تفكني منها..
عبدالله: احمد بنت عمك تبا تدرس وخلاف تشتغل في المحكمه..
احمد: انزين يابويه في وايد حريم يشتغلن في المحكمه في قسم هناك للحريم.. وين المشكله.
عبدالله اتنهد قهره احمد بعد الي لين الحين مافهم عليه: احمد.. بنت عمك تبا تدرس القانون وتكون محاميه فهمت الحين.
احمد فج عيونه: نعـــــــــــم.. !! ينت هاي ولا شوه.. طبعا لاااااااااا ومستحيل هذا الشيء.
عبدالله: والله هذا شرطها.. بتوافق على شرطها بتوافق عليك. وما بتوافق على الشرط ما بتوافق عليك.
احمد:عنها ما وافقت.. كله واحد.. يابويه هاي شكلها وايد معطينها ويه.. ناسيه عمرها هيه بنت منوه؟
عبدالله: احمد وبعدين يعني انا كم مره قلت لك لاترجع للموضوع القديم وانه خلاص انتهى..
احمد: والله يا ابويه ما اقدر.. خصوصا انه الحين من شفته ماقدرت انسى انه هذا الانسان عمي. وحرامي بعد..
كله هذا الكلام وروضه واقفه عدال الدريشه تسمع الرمسه وتسمعه كيف يهين ابوها.. الي هوه عمه.. ها الحقير الي بيكون ريلها اذا وافق على شرطها..
عبدالله: اسمعني زين .. خلك من ناصر الحين.. شوه قلت بتخليها تكمل دراستها ولا لاا..
احمد: بس ليش القانون بالذات.. في تخصصات ثانيه... اشمعنى هذا التخصص تباه؟
عبدالله: ما ادري بها ما سألتها.. بس الي قالته انه تباك اتوافق على هذا الشرط واتحطه في عقد الزواج.. علشان اخلاف ما اتغير رايك..
احمد: ياسلام.. زين يابويه. خلها اتكمل دراستها .. وتدخل التخصص الي تباه.. وتشتغل..ما ادري الهدف من هذا الشيء.. هل هي بها الشيء الي بتسويه.. بتمنع الناس يدخلون السجن.. مثل ما دخل ابوها السجن
عبدالله: نعم؟؟ انته موافق انها تدرس قانون؟
احمد: خلها تدرس... ما يهمني.. بالعكس القانون تخصص قوي.. بنشوف بنت .. اذا بتقدر عليه..
عبدالله: انته تتكلم عن القانون مش عن الهندسه؟
احمد: لا يابويه خلها تدرس قانون ولا انها تدرس هندسه.. وسالفه الشغل بتنحل.
عبدالله: كيف بتنحل اذا اتقولك تبا اتحط هذا الشرط في العقد.
احمد: ماعليه.. بس ما تشتغل في محكمه.. بتفتح لها مكتب محاماه.. وبتاخذ القضايا الي انااا بوافق عليهن.. وبتشوف يا ابويه.. الي بسويه فيها
عبدالله: الله يهديك انته كله عندك تهديد..
احمد: مقهووور يابويه والله مقهوور..بسبتها كنت بنحرم من نور عيوني نوف
عبدالله: الله يعينك.. ماعليه هذي بنت عمك.. ومن لحمك ودمك.. يعني الحين خلاص انته موافق..
احمد: هييه يا ابويه موافق. خلها تدرس الي تباه وبنشوف وين بتوصل وياها..
عبدالله: بالتوفيق.. ان شاء الله.. يالله عيل خل ندخل ونبشرهم.
احمد:هه نبشرهم.. يا حسره بس
عبدالله: احمد وبعدين يعني.
احمد: خلاص يابويه . الي تباه خلااص.
دخلوا ..
مرت الايام واتحددت الملجه..والعرس بيوم واحد.. وبما انه يدت روضه من امها توفت قريب.. وفما حبو يسوون عرس ..ملجه في البيت وعشى الرياييل في القاعه.. وخلاص بيشل حرمته وبنتهي كل شيء .. وكل هذا بعد شهرين علشان روضه اتخلص تجهيزاتها.. مرت الايام وبدت الجامعه ودخلن رباعه.. روضه كانت في الاساسي.. ومهره وميره. في السنه الثالثه ونوف بعد وياهن في نفس السنه بس كل وحده كليه.. نوف علوم انسانيه.. تخصص علوم سياسيه..ومهره وميره كليه اداره واقتصاد.. والتخصص اداره ماليه..مره من المرات.. كانت روضه وربيعاتها يتمشن برا... سمعن بنات يتناقشن بصوت عالي.. تقربن منهن يبن يعرف شوه صاير.. وطبعا ولا وحده منهن تعرف الي يتكلمن.
بصوت عالي: اقوولج ماااباا يعني ماااباا... وهوه كيف يرضى بها الشيء..
: انتي اتعرفين ليش.. ومافي داعي اتكبرين الموضوع
: كــــــيف ما تبيني اكبر الموضوع.. انا الا امس خبرتني امايه الموضوع.. والي قاهرني انه ابويه موافق.. اونه مافي داعي تزعلين انتي الاساس...
: صدقه..
: لااااااااااااا مهما كنت الاساس.. الا انها بتشاركني فيه..
: لااا ما بتشاركج اتطمني.. بيخليها عندنا وبتطلعون في بيت رواحكم.ارتحتي.
ابتسمت: اكيد.. بس تراها في ذمته.. والمشكله موجوده..
: والحل برايج شوه؟
: ياخذها فتره ويطلقها قبل ما ياخذني.. مابا حد يشاركني في اخوج..
: بس عاد.. الي تتكلمين عنها آدميه مب لعبه .. وبعدين تراها بنت عمي..
: هه وانزين انا ما قلت شيء.. بس انا وحده انانيه وما احب اشارك حد في الي يخصني.. فما بالج في ريلي.. لأي وحده بنت عمج ولا غيرها.
: سمعيني زين.. الي بيصير غصبن عن اخويه وغصبن عنها.. فما ترومين تتشرطين
: لاا حبيبتي انا نووف.. بنت عيسى يكون في علمج انا آمر وغيري ينفذ اذا ما اتعرفين اسألي اخوج..
ميره: بصراحه ما ادري على شوه.. على العموم انا بسير عندي محاضره.. ما اريد يرتفع ظغطي... بتين مهره؟
مهره: الحين بيي.. سبقيني..
نوف: عداااااااااال فديتج. سلامه ظغطج..
مهره: بس عاد نوف.. روحي ميره.. انتي
ميره: ان شاء الله.. بس بقول كلمه.. اذا هذا ويهج الصدقي.. الله يعين اخويه بس.. من وحده مغصوب عليها. والثانيه. اللهم ياكافي.
نوف بعصبيه: شوه قصدج؟؟ وبعدين انااا اتحطيني مع الي ما تتسمى.. نسيتي بنت منوه هيه.. اذا نسيتي بذكرج الشيخه..
مهره: اووووه بس عاد.. ميره لو سمحتي لحقي المحاضره.. على الاقل وحده منا اتكون حاظره.. احسن لا يحط لنا ابسن.. روحي فديتج.
ميره: ان شاء الله..
ومن سارت ميره.. التفت على نوف.مهره اكثر وحده قريبه من نوف. واتعرف انه الي اتسويه نوف من قهرها لانه احمد بياخذ بنت عمه..
مهره اتنهدت: ممكن اعرف من شوه انتي معصبه.؟
نوف وفي عيونها دموع: اخااااف يا مهره والله خاااااايفه..؟
مهره: من شوه؟؟ انتي اتعرفين ليش احمد بياخذها.. ومثل ما قالت لج ميره.. بيخليها عندنا في البيت وفي قسم خاص.. وما اظن حتى لو ياا بيكون اي اتصال بينهم.. هيه الي اعرفه انها صغيره. وهمها دراستها.. لا تضاقين عمرج وهدي نفسج بلييز.. وياريت لو تتجنبين هذا الموضوع مع ميره.. انتي اتعرفين كيف هيه ..
نوف نزلت عيونها: هيه اعرف.. بس..
مهره: لو سمحتي نوف دخيلج.
نوف: ان شاء الله.. يالله روحي لحقي على المحاضره لا تتأخرين.
مهره: هههه اتصدقين نسيتها.. يالله اشوفج اليوم. المسى.
نوف: ان شاء الله..
مهره: بتين بيتنا صح
نوف: حاولي بس تمنعيني. ههههههههههه
مهره: هههههههههههه ادري الشيخ احمد موجود اليوم..
نوف اتنهدت ومن الخاطر قالت: فديـــــــــــته.. والله احبه.
مهره: هههه يا مينونه العالم تسمعج.
نوف: براايهم خطيبي وولد خالي واحبه فيها شيء.. مااايهمني.
مهره: ههههههههههه مينووونه الله يعينه عليج..
نوف: هههههههه الا قولي الله يعيني عليه.. وعلى خباله الي كل يوم يطلع لي بشكل.
مهره: لا تلومينه فديته لو تعرفين كيف كانت حالته..
نوف: ادري به والله..
مهره: يالله عيل انا بلحق المحاضره بايوو
نوف: ههههههههههه بايوو.
كل ها الوقت وروضه تسمع الكلام.. يعني جذيه السالفه.. وجذي بيصير حالي. بيخليني في بيت اهله. وبيطلع هوه وياها.. بس متى بياخذها؟ ومبين انه هاي وحده من خواته التوأم معناتها الي راحت كانت اختها الثانيه.. هذيلا بنات عمي.. هه والله حاله.
ميثه: يالله ما تبونا انسير.. انا وحده يوعانه حدي.. من اليووع الي فيه تراني باكل وحده منكم.. يالله رووويض..
العنود:حووووووووه.. رووضه؟ وينج.
ميثه: يييييييييييييها.. يالله عاد..
حصه: ههههههه يابوكن رويض في عالم ثاني مب عندكن.. لو روحنا عنها ما بتعرف ..خخ
كل هذا الكلام وروضه في عالم ثاني.. اتشوف نوف الي كانت يالسه على الكرسي وشكلها كانت تدرس..كانت كلمه جميله اشوي عليها.. كانت طويله وضعيفه وبيضى وويها مدور وعيونها وساع وخشمها طويل. وشعرها مبين انه اسود وحواجبها سود مرتبات. كان لابسه عباه مسكره عليها شغل هادي بس انييقه.. وكانت متمكيجه بمكياج وردي هاادي.. صابغه شفايفها بقلووس وردي هادي طالع عليها يجنن..الحين هاي الي احمد يباها.. هاي الي قال انها نور عيونه.. بصراحه حلوه.. بس حست روضه ويع في قلبها.. يمكن غيره انه ولد عمها وريلها في القريب العاجل.بيكون لهاي البنت الي يموت عليها.. ونا شوه بكون.. مجرد بنت مغصوب عليها.. اشوي اتحس انه في حد يكلمها ويهز ايدها..
العنود: حوووووه؟ ويين سرتي....؟؟
روضه: هااه. لا . ابد موجووده وين بسير تراني وياكن؟
ميثه:ههههههه وين ويانا ساعه وانا اقول اني يوعاااااااانه بس محد دز لي ويه..
روضه:هههههه افا عليج الشيخه ميثه يوعانه. حاضرين بس انا آسفه ما احس بيوع ابغي اروح المكتبه اشوي.. سيرن تغدن انتن ونا بخلص شغلتيه وبلاقيكن في الكلاس.. بعد نص ساعه.
العنود عقدت حياتها: روضه في شيء؟
روضه ابتسمت: لاا ابد بس عندي بحث ابغي اخلصه واسلمه
العنود: اوكي.. خلاص بروح وياج انا بعد مب يوعانه ..
روضه: لاا عادي سيري اتغدي عنادي. انا والله مب يوعانه.
العنود: ولا اناااااااا.. الا اذا ما تبيني عندج؟
روضه: ليش عاد ها الكلام. خلاص مثل ما تبين..
ميثه: يعني شوه الحين نسير نتغدى ولا لااااااا
العنود: هيه برايكن سيرن تغدن وبنلاقيكن في الكلاس.
ميثه: ان شاء الله.. يالله حصيص..بنسير نتغدى هذيلا رواعي الريجيم مايبن يخربن جسمهن. ((حصه كانت تتكلم في التلفون)) ومن خلصت سارن الكفتريا وسارن روضه والعنود يتمشن. اصلا روضه ما تبا المكتبه بس تبا مكان تيلس فيه علشان تفكر.. والعنود فهمت عليها لانها ربيعتها من يوم هن في المدرسه. وحتى كانت ناويه تخطب روضه لفهد اخوها. والعنود اتعرف كل شيء عن روضه.. حتى قضيه حبس ابوها.قعدت روضه على كرسي طويل ويلست العنود عدالها..
العنود: ممكن اعرف شوه الي مضايقنج؟
روضه اتنهدت: بصراحه واايد اشياء..
العنود: مثل شوه؟
روضه اتعرف انه العنود عصبيه.. وعادي اتسير عند نوف واتسمعها كم كلمه اتغث.. علشان جيه ما قدرت اتقولها شيء.
روضه: مش اهنيه تعالي البيت عندي وبقولج كل شيء.الحين مش وقته..
العنود عقدت حياتها: وليش عاد؟
روضه : عنودي دخيلج.. والله بقولج كل شيء بس مش اهنيه.
العنود: وليش عاد. لها الدرجه الموضوع كبير.. لايكون الموضوع الي ما يتسمى..
روضه: هيه هووه موضوع ولد عمي. ارتحتي الحين.. بس ممكن ما تسأليني اكثر لاني والله ضايقه.. وبأي لحظه احس عمري بصيح.
العنود: افا عليج رواضي.. ليش عاد.. ومنوه الي يسوى انج تنزلين دمعه من عيونج الصغار عشانه.
روضه : هههههههههههه بس عاد ادري اني مش حلوه. مثلج.
العنود: عمر الجمال ما كان جمال الشكل.. الجمال جمال الروح فديتج. وابسط مثال شوفي هذيج الي قاعده هناك.. صح جميله بس الي اعرف عنها بلاااوي ما تنعد ولا تحصى..
روضه فجت عيونها: معقووله؟
العنود: هيه .. الله يستر عليها. المهم نرجع لموضوعنا.. هيه صح جميله بس لا اخلاق ولا اسلوب حلو. وانتي بأمانه ما بجامل جميله بشكل مبسط لانه كل الي فيج صغير. وكيووت. وفهد اخويه حكم بها الشيء.
روضه فجت عيونها: وفهد شوه يخصه..
العنود: لانه يعرفها ويعرف معدنها الزفت.. وانتي بدون ما بخبي عليج حب الطفوله والمراهقه مثل ما يقول.
روضه استحت: اييييه بس عاااااااااااد..
روضه لين الحين ما تعرف منوه الي تقصدها العنود اهناك ثنتين الي يالسات على الكراسي الي هناك وطاولاتهن متجابلات نوف ووحده ثانيه بعد جميله..منوه منهن الي يعرفها فهد والعنود ما اتعرف..بس كانت تامل انها نوف علشان اتعقها في ويهاا في يوم من الايام.. بس استغفرت ربها على ها الافكار السوده..
روضه: انزين عاد.. ممكن نغير الموضوع.. وشوه سويتي في الامتحان نسيت اسألج عنه.
العنود مدت بوزها: يعني لازم تبين طاري الزفت هذا.. لو اني حليت بس لين الحين ما شفت الدرجه. بس الحمد لله ظامنه النجاح فيه.. بس مش مثل بعض الناس كديحات. احم احم الي يبدى اسمهم بحرف روضه.
روضه:ههههههههههههههه حرام عليج اي كديحه هذا في المدرسه مب هنيه وخصوصا الموضوع ياا في هذا الوقت.. وبصراحه ما عندي وقت للدراسه من اوصل البيت اللهم اسبح واصلي والبس واطلع اخلص التجهيزات. تعرفين انه ماعندي وقت الا شهر ونص.
العنود مدت بوزها: هيه ادري.. تبيني اساعدج.؟
روضه: ياريت والله..بتسوين خير..
العنود: خلاص عيل بشوف امي وبقولج اذا بنطلع اليوم رباعه او لاا..
روضه: بس ماا اريد اسوي لج مشاكل. انتي اتعرفين حمد اخوج.
العنود: وخير ياطير.. يسير يدق راسه في اي ايدار. ما يهمني رايه فيج او في اهلج..وبعدين رايه لا بيأخر ولا بيقدم في شيئ.. حتى لو كان ابوج غلطان هذا الكلام صار من اكثر من عشرين سنه.. والواحد لابد انه يغلط بس منوه نحن علشان نحاسب اي انسان وبلاوينا اكثر عن شعر رووسنا. حمد اخويه واحد متخلف في التفكير.. والحمد لله انه ابويه عايش والله لو ابويه الله يطول في عمره ميت بنشوف الويل من الشيخ حمد..
روضه:الله يهديه يارب.. يالله عيل خلينا نسير الحين.. والله يطول عمر ابوج فديته والله انه غالي عندي.
العنود: ههههههه هيه ماعليه هذا كله لانه علمج السواقه..
روضه:خخخخخ لا والله من يوم انا صغيره وغلاته مثل غلات ابوي..
العنود: فديتهم.. يالله عيل خلينا نسير لين نوصل للكلاس كده وصلن شنقل ومنقل.
روضه:هههههههههههه حرام عليج..عاد حصوه مالها خص في الدنيا..
العنود:ههههههه هيه والله. ما تدري وين الله عاقنها.
روضه:هيه وحليلها..
سارن الكلاس ومر اليوم على خير ومافي اي مشاكل. ومثل ما وعدت العنود شاورت امها ووافقت انها اتسير ويا روضه اتخلص تجهزاتها بما انه روضه ماعندها ريال اتسير وياه غير ابوها الكبير ..فكان عادي انها تروح مع الدريول والخدامه روحها السوق.. بس هاي المره العنود بتسير وياها وبما انه العنود اتسوق فما له داعي الخدامه اتسير. سارن بوادي وخلصن تقريبا الاشياء الاساسيه العطور والمكياج والنشط والجواتي وخذت لها كم لبسه للجامعه الحين وبعدين.. وخلصت من عند ماركس اند سبنسر قمصان النوم والملابس الداخليه.وخذت عطور من عندهم واغراض الحمام(عزكم الله) والعبايا فصلت عند كم محل والمغربي كانت مسويه عند محل غياهيب تقريبا خلصت كل شيء. وبما انها تعرف انه بيكون في بيته الثاني وما بيكون وياها.. فما كثرت من قمصان النوم بس اشترت الرئسي من نعومي.. وكم واحد غيره. طبعا طوال.. والباقي اشترت بيجامات طفوليه خخ لغايه في نفسها...خلصن وقت متأخر تقريبا على 10 ونص.. طلعن واتعشن في مطعم وبعدها رجعن البيت. وبما انه بيت العنود مش بعيد عن بيت روضه فما كان في اي مشكله.الا انه حليلها من وصلت البيت على دخلت حمد اخوها..الي كل العاده معصب من دون اي سبب..
العنود: مسى الخير.
حمد: اي خير.. الساعه كم الحين..؟ وين كنتي لين الحينه؟؟ واهلج يدرون انج هايته براااا..
العنود: اولا انا ما كنت هايته.. وبعدين اهليه هييه يدرون اني كنت براا مع روضه.. وبعدين الحمد لله انا مرباايه عدل يا حمد.. مش مثل الزبايل الي اتكلمهن..
حمد: جب ولا كلمه اترادين بعد....
العنود: انت سألت وانا جاوبت فقط.
حمد : لا والله.. والساعه كم الحين يايه من عند رويض.؟
العنود اتنهدت الله يستر : ااه بصراحه كنت وياها في السوق.
حمد: نــــــــــــعم ؟؟ في السوق لين الحين؟؟ تستهبلين انتي شوه؟
العنود: لا ما استهبل عندنا جامعه وما انخلص الا من بعد 5 ومن وصلنا البيت اللهم بدلنا لبس وصلينا وطلعنا بوادي.
حمد وهو راص على ضروسه من الغيض: بووادي بعد.. وشو اتسون اهناك رمسي يالله.. شوه اتسون في بوادي لين الحين؟؟
العنود: روضه تتزهب وبغت اني اساعدها وتقريبا خلصنا كل شيء ويينا على طول.
حمد انصدم: تتزهب؟ حق شوه؟
العنود عقد حياتها توقعت يتطنز عليها: الوحده تتزهب حق شوه...؟؟ طبعا للعرس..عرسها بعد شهر ونص علشان جيه تبى اتخلص بسرعه قبل الامتحانات..
حمد: ومنوه المقروود الي بياخذ هاي بنت الحرامي.
العنود: تصبح على خير يا حمد.. يوم انك بتم تطنز عليها. احس لي اروح انام. ((مرت من عداله بس مسكها من ايدها))
حمد: اظن اني سألت سؤال وبتجاوبيني غصبن عنج..
العنود: ليش تبا اتعرف منوه .. علشان اتعيد نفس الحركه الي سويتها العام. علشان اتقول للي بيخطبها منوه هوه ابوها.. وشو كان وضعه قبل.. خاف الله يا حمد..
حمد: بترمسين ولا شوه.. انتي .. منوه الي بياخذها..
العنود: اووف . ولد عمها ارتحت الحين.. ويكون في علمك يعرف كل شيء عن ابوها.. الي هوه عمه من لحمه ودمه.. وخلاص كلامك وتحذيرك له ما بينفع.. وتصبح على خير..
روحت عنه وهوه بعده واقف وكان يطالع الارض.. بس قبل ما تبتعد التفت عليه.
العنود: حرام عليك يا حمد.. يكفي الي ياها منك ومن غيرك.. انته هنيه وبنات المدرسه هناك.. انهيار عصبي وياها وكانت بتروح فيها. لو ما الله ستر وعدت الازمه على خير.. شوه ناوي عليها الحين تذبحها. خلها اتعيش حياتها.. يمكن ولد عمها الي من لحمها ودمها يسعدها وينسيها البلاوي الي مرت عليها..حرام عليك.. ارحموا من في الارض يرحمكم من في السماء..
من قالت له ها الكلام روحت عنه تخاف انه يهزبها.. حمد صح كان خسيس بمعنى الكلمه خصوصا انها يوم كانت تيي بيتهم يذلها ويهينها ويسب ابوها كانت تتضارب وياه. وما نسى اليوم الي ضربته طراق يوم سب ابوها ومن ذاك اليوم وهوه يكرها ويحبها في نفس الوقت..يومها كانت تدرس مع العنود وكانن صف عاشر.. وعندهن امتحان كيمياء والعنود مش فاهمه عدل.. وكانت روضه اتدرسها كانن يالسات في الصاله اللي فوق وبما انه البيت فاضي في ها الوقت استغلن الوضع.. لانه من يدخلن الغرفه بيدرسن اييهن نعاس لانه غرفه العنود كلها وردي في وردي وتيب النعاس.. خصوصا انه الايضاءه هاااديه..كان وقتها حمد خريج جامعي.. وكان في الجيم. لكمال الاجسام..كانت هوس للشباب انهم يسون عضلات..رجع البيت يبى يسبح وبيسير النادي بيحضر مباراه العين.. في القطاره.دخل البيت بسرعه وصعد فوق.. لقى روضه اتدرس العنود.
حمد رافع حياته: من متى قمتي اتدرسين رويض.؟؟
روضه ما ردت عليه وكملت شرحها للعنود.. من يوم يومها وهيه تكرهه..
عصب ويا يلس عدالهن.. وسحب الكتاب عنها.
حمد: اظن يوم اسأل معناتها ابغي جواب.
العنود:حمد الله يخليك ورانا امتحان وحده كامله ومش فاهمه عدل وروضه فاهمتنها. والحين قاعده تشرحها لي.. ممكن اترجع الكتاب.
طول كلام العنود وروضه منزله راسها ما تبى اتشوفه. لانها من تشوفه ودها تضربه.. وخصوصا يوم اتشوف عيونه الي ينرفزنها.. كانن عيونه كبار وحلوات.. بس من يشوفها اتشوف في عيونه نظره احتقار ماتعرف ليش يكرها جذيه..حمد ما نزل عينه عنها.. ويعرف انها ودها تكفخه بشيء ويحب يستفزها.. لانها عصبيه بس تحاول تلجم عصبيتها بصعوبه.وده يوم من الايام تطلع من طورها علشان يروغها وما تي البيت عندهم.. لانه الناس من تي هيه يتكلمون عليها وعلى اهلها. ابوها خريج سجون.. وهو غير شرعي.واهله متبرين منه.. عائله منبوذه..ومالها أي حقوق.. وفوق هذا الناس تكرهم..بس بينه وبين نفسه يشفق عليهم. وبنفس الوقت يكرهم..
حمد ببرود وتنرفيز: الحين صارت بنت ولد الحرام معلمه.. والله تطورنا..
روضه ما تحملت الكلام وماحست بعمرها الا وترفع أيدها وتعطيه كف بأقوى ما عندها...
روضه بصوت عالي: هاي بنت ولد الحرام اتعرف السنع اكثر من عشره من امثالك يا الحقيير..
اتشل كتبها وتطلع وهيه اتصيييح.. ومن ردت البيت حبست عمرها في حجرتها ولا طلعت منها.. وكل ما تحاول امها انها تفهم شوه صاير.. ماقدرت ابوها كان في دوره مسافر وقتها ماكان في البيت ولا عادي يرتكب جريمه في حمد.حبست عمرها يومين وفي اليوم الثالث يتها العنود.فتحت الباب لها بس طاحت من دون ما تقدر تتكلم. اتصلت امها بالاسعاف وشلوها .. ومن فحصوها طلع عندها انهيار عصبي شديد.تمت في المستشفى يومين.. ومن طلعت البيت تمت في غرفتها ما اتحب تطلع منها... وامها اتحاول تفهم منها ليش صار لها جذيه. وروضه ما كانت تتكلم ودموعها ما يوقفن..والعنود كانت تي عندها وتيلس وياها.. بس ما كانت تقدر اتقول شيء.. كانت خايفه على روضه. وبنفس الوقت خايفه تكبر المشكله.. خصوصا انه حمد من بعد ما صفعته روضه دخل حجرته ويلس فيها.ساعتين وبعدها طلع من البيت. وسار بوظبي عند اخوه فيصل في الشقه..وماحد طرى سالفه روضه وحمد.. بس هيه عصبت عليه وطرشت له مسج ..عتاب من بعد ماصار الانهيار لروضه.. وصلها منه مسج بس جمله وحده..(والله ماكان قصدي)..تمت روضه حول الشهر ما تتكلم عن الموضوع.. وبعدها رد ابوها وبدت ترجع مثل ماكانت..
مرت الايام وما بقى على العرس الا ايام بسيطه وروضه مش مخلصه كل شيء. ولين الحين ما تحنت ولا سوت تنظيف بشره ولا اهتمت بشيء
لطيفه: يابنتي شوه الي اتسوينه الحين؟؟
روضه عقدت حياتها لانها كانت مندمجه تدرس وحاطه قلم رصاص بين ضروسها: شووه امي؟
لطيفه: ماشيء باقي على عرسج وانتي لا حجزتي صالون ولا سويتي شيء؟
روضه اتنهدت: وليش هذا كله.. المكياج بتمكيج بروحي.. والتسريحه اعرف وحده في الجامعه ختها تخصص نسريحات بخليها اتسوي لي تسريحه.. والحنا بتيني وحده وراا باجر.. وشوه بعد!!
لطيفه: لا والله ما تبين تنظيف بشره وصالون مغربي؟
روضه: لاا لاني من فتره مسويه حمام مغربي.. والحمد لله بشرتيه ما تبا واايد. خخخ وتنظيف بشره في يوم واحد بسويه.. هيه امايه ابغي اقص شعري
لطيفه بعصبيه : شعرج لااااااااااا. جاني من يوم انتي صغيره واانا اهتم بشعرج الحين تبين اتقصينه..
روضه: امااايه.. بس بقص من تحت..مش متسااوي.. بس بساويه لين فوق الركبه طشوووونه بس..
لطيفه : لاا يعني لاا.. جان بتقصين اطرافه من تحت شوي وبس. غير هذا لااا..يابنتي البنت حلاتها بشعرها..
روضه: هيه مش انتوا الي تتعذبون وياا الشعر..
لطيفه: ههههههههههه ماعليه خليه الحين. وسوي له حمام زيت. هذا الاسبوع..
روضه حكت راسها تفكر: اممممم هذا الاسبوع مافيني امايه واايد مضغوووطه
لطيفه: عيل متى؟
روضه: يوم الجمعه ان شاء الله..
لطيفه: ااااه الي اتشوفينه بس لا تنسين.. تراه بنجهز اغراضج هذا الاسبوع وبنطرشه..
روضه كشرت: الي اتشوفينه يا امايه.
لطيفه: من بيرتبه لج؟؟
روضه: ما ادري .. انتي و العنود.
لطيفه: يابنتي مب فضيحه؟
روضه: وليش فضيحه.. وبعدين تراه بيت عمي.. وانا ما اعرف حد اهناك.. ومش حلوه اني انا اسير وارتب..
لطيفه: قصيره بعد. اتسيرين انتي واترتبين اغراضج.
روضه:هههههههههههه امايه اتخيلي اسير عندهم واقولهم يالله برتب اغراضي. هههههههه اتخيل شكلهم كيف بيصير..
لطيفه: الله يعيني عليج.. ربي يسعدج يابنتي وانشوف عيالج يارب.
روضه نزلت راسها ما تعرف شوه اتقول لها.. اتقول لها انه ولد عمها بيعرس عليها. وبيخليها في بيت اهله وهوه بياخذ بنت خاله وما بييها.سوت عمرها تستحي علشان امها ما اتعرف شيء.
لطيفه: ههه فديت الي يستحون اناا. يالله يا رويض ما اتخيل اني اشوفج ام وعيالج حواليج.
روضه: الله كريم يا امي.. انزين يا الغاليه. ممكن اكمل الحين. لاني والله بديت استحي
لطيفه: ههههههههه ان شاء الله.. ربي يوفقج. ويسعدج.. يالله تبين اسوي لج شيء.
روضه: آآآمين يارب..لا فديتج.. مشكوره.
لطيفه: يالله عيل بسير اشوف ابوج..
روضه: الله يحفظج.. وحبي لي ابويه. ههه
لطيفه: روويض اصطلبي يالله.
روضه: يعني اونج ماا
لطيفه: روووضه.
روضه: هههههههههههههههه
لطيفه: يالله درسسي..
روضه: ههههههه ان شاء الله من العين هاي قبل هاي. بس امايه عادي انتي يعني انتي ما اتحبين ابويه.
لطيفه غدا ويها احمر: وبعديين يعني.. بتسكتين ولا افرج بها الابتوب. على راسج.
روضه:ههههههههه لا بسكت.. خخخ بس يعني اونج ما اتوايهين ابويه..
لطيفه نشت عنها ولاكلمتها وروضه فاطسه من الضحك.. سرحت اشوي اتفكر بحالها كيف بتكون ويا احمد.. صح انه احمد وسيم اشوي.. مب جميل بشكل ساحق.. فيه رجوله واضحه بشكل جسمه وملامح ويهه. خشم طويل وعيون كبار.. بس فيه غرور اكثر من جمال.. ااه بيناسبون بعض هوه وهذيج الخقاقه.. كيف بيكونوون عيالهم هووه جذاب وهيه جميله.. التفت على المرايه ووقفت وتمت اتطالع شكلها.. صح هيه ضعيفه وكل شيء فيها صغير.. حتى انها لين الحين تلبس قياس صغير.بس فيها جمال. اشوي.. صح عيونها صغار وخشمها صغير .. بس الله عوض عليها ببشره ويه نفس بشره الاطفال نعومه وبياض والكل يحسدها عليها.. وهيه قويه الشخصيه مش ضعيفه..وشعرها طويييل.. عقدتها في الحياه..معقوله اني بقدر اجذبه صوبي.. وهل في امل اني اييب عيال منه. وكيف بيكونون شكل عيالنا. قصار مثلها ولا طوال مثله.. ولون عيونهم نفس لون عيونها الرماديات ولا مثل عيونه. الي تعتقد انهن عسليات..وشوه اول مولود بيكون ولد ولا بنت.. بدت تسرح بشكل عيالهم ونست الدراسه.. وقفت عدال المرايه حول الربع ساعه سرحانه ..لين رن تلفونها انتفضت وربعت صوبه
روضه وهيه اتحس بدقات قلبها سريعه جنها ربعت مسافه طويله : الوو..
العنود: شووو بلاج.؟
روضه: هااه.. ماشيء ليش؟
العنود: صوتج مبين انج مستعيله؟ شيئ صار.
روضه: هااه لاا ماشيء.
العنود: اها متأكده روييض.. تراني اعرفج..
روضه: قلت لج ماشيء.. بعدين كنت ادرس.. اخبارج.
العنود: هه طيبه الحمد لله. شو خلصتي ولا بعدج؟
روضه: تقريبا باقي لي آخر وحده..لين الحين ما خلصتها..
العنود: اها. انزين اقول.. باجر العصر شوه عندج؟
روضه: ليش؟
العنود: نبا انسير دبي.. واباج اتسيرين ويانا.. اذا عيبج شيء بتشترينه.
روضه: امممممم باجر.. بشوف امايه.من الي بيروح؟
العنود: ابد امايه وانا وخواتي. نبا انسير القريه العالميه.. ف حبيت انج اتسيرين ويانا.
روضه: اها . حلوو.. بشوف امايه اذا بتخليني او لاا.
العنود: تراج عرووس ولازم تخلصين وانتي لين الحين ما خلصتي كل شيء صح.
روضه: مش مهم..
العنود:وليش ان شاء الله مش مهم.. انتي كم مره ناويه اتعرسين.. حبوبه اباج اتخبلينه
روضه: من هوه؟
العنود: ولد اليران.. من هوه بعد.. روويض انتي شو فيج.؟
روضه اتنهدت: اقولج العنود بشوف امايه وبرد عليج .. اذا خلتني اروح وياكم ولا لاا..
العنود: لاااااااااااااااااا الحين بتقوليىن لي.
روضه: مافي شيء. بشوف امايه يالله برايج.
العنود: اايييه والله ما اسكر لين اتقولين لي.ولا تراني الحين بييج.
روضه: مينونه واتسوينها. مافي شيء, بقولج باجر. يالله تصبحين على خير. وبشوف امي اذا بتخليني او لاا.
العنود: اوكي.. انا باجر بشلج الجامعه وطووول الدرب بتخبريني. تسمعيني ولا لاا.
روضه: ههههههههه اوكي يالله باي.
العنود: باي.
راحت روضه وتخبرت امها الي كل العاده وافقت دامها بتروح مع العنود وخواتها..
نامت روضه وبالها مشغول.. ماشيء باقي لها وقت الا اسبوعين..ومش حاسه انها مستعده لهاي التجربه..
لطيفه: يالله يا روضه العنود تترياج براا.
روضه: يالله امايه الحين بيي؟
طلعت روضه وفعلا لقتها تترياها وهيه الي اتسوق..
روضه:السلام عليكم.
العنود: وعليكم السلام.. وصباح الخير., وعلى فكره سألت امج عن سيره دبي. وقالت لي عادي بترووحين ويانا.. ف الحين روحي وهاتي لج الي تبينه. لانه بنطلع من الجامعه على طول.
روضه: والله.. تحسبت انا بنرجع البيت وبعدين بنطلع.
العنود: لااا حبوبه. الحين روحي يالله..
روضه: اوكي..بسير اييب لي عباه مسكره.
العنود: يالله بسرعه..
رجعت روضه بسرعه.. وبما انه ماعندهن محاضرات قبل الساعه 9 فخذن راحتهن في الدرب.
العنود: يالله ابا اعرف كل شيء.؟
روضه اتنهدت ماعرفت من وين تبدا: شوفي الي بقوولج اياه بس وعديني انج ما تتكلمين لين اخلص.
العنود: اوعدج. يالله ولا تغفلين عن أي شيء.
روضه: هه ان شاء الله.
بدت روضه اتقولها كل شيء..من سمعت الرمسه الي كانت بين احمد وعمها في حوش بيتهم لين الرمسه الي كانت بين بنات عمها وبنت خالهن..بس ما خبرتها من هن بنات عمها لانه العنود ما تعرفهن.. ولا خبرتها انها بنت خالهن الي كانت يالسه على الكرسي في هذاك اليوم.. الي قالت لها فيه انها بنت ضايعه وانه فهد يعرفها.. والي لين الحين ما تعرف من كانت تقصد العنود يوم تكلمت عنها..
العنود: كل هذا وماقلتي لي.. أي خوات نحن اذا انتي مخبيه عليه كل هذا..
روضه: وشوه بتسوين يا العنود.. انتي اتعرفين انه كل هذا بسبه الوصيه.. ومش بيدي ولا بيده..وبعدين الي فهمته انه يحبها. ومن يوم هم صغار يعني انا الحين الي متجنيه عليهم مش هم..
العنود: وانتي شوه يخصج.. وبعدين انتي راضيه انه يعرس عليج ويخليج في بيت اهله. معلقه لانج حرمته ولا انج مطلقه...؟
روضه: شوفي العنود.. بصراحه لا مايهمني.. وبالعكس انا احس اني بكون مرتاحه لا اني بنشغل به ولا بأحتياجاته. يت منه مش مني.. وبعدين الي يهمني انه موافق اني اكمل التخصص الي اناا اباه.. ومن الي سمعته انه بيفتح لي مكتب محاماه. خاص فيني..ويزوول مع بنت خاله مااايهمني.
العنود اتشوف روضه وحاسه انها هاي مش روضه الي اتعرفها: روضه انتي متأكده؟
روضه: ليش يعني؟
العنود: شوفي يا روضه.. الحياه مش دراسه وشغل وبس. الحياه انك اتعيشها بكل شيئ انج اتجربين كل شيء فيها.. ما توقعت انج تفكيرج محدود جذيه.. يعني الحين الحياه بمفهومج انتقام بس.
روضه: طبعا.. الين آخذ حق ابويه مابرتاح.. وبعدين شوه تتوقعين مني اني اسوي. معاه.. عيال وبيت وعائله.. لاا يا العنود انا اكبر من ها الاحلام الورديه.. يمكن لج بس مب لي. العنود انتي ناسيه من انا. ومن ابويه.. ومن هم عائلتيه..انتي اتعرفين بكل شيء. يوم يعيش الانسان منبوذ من اهله ومن المجتمع لا يحلم بأحلام ورديه.. عمري ما حلمت بها الاشياء التافهه. ولا بفكر فيها.. انا عايشه لهدف وما برتاح الا يوم اوصل له.
العنود مصدوومه من الي تسمعه: انتي تتكلمين عن جد ولا تمزحين؟
روضه: هذا الموضوع مافيه مزح.
العنود: انتي ينيتي صراحه.ماعليه بجاريج بأفكارج وبعدين بعد ما توصلين لهدف بتعاقبين المجتمع على الي سووه لأبوج. وبعدين..وبتدمرين الريال الي دخل ابوج السجن.. وبعدين يا روضه شوه بتسوين؟
روضه ابتسمت: ابد.. برجع لبيت ابويه وراسي مرفوع.
العنود رفعت حياتها ماعرفت شوه اتقول: يعني.. تتطلقين؟
روضه: طبعا.. وان شاء الله تبيني اعيش وياه طول عمري. لا عنودي يحلم.. من اوصل لهدفيه بطلب الطلاق.. وبكمل حياتي عادي
العنود: تصورين الموضوع بكل بساطه
روضه: طبعا بسييييط انتي تتخيلين موقف باجر يوم بيطلع ابويه بريئ كيف بيشوفونهم العالم.. كيف ..انهم تخلو عن اخوهم في وقت كان محتاج لهم فيه.. وتخلو عنه علشان السمعه.. ما تتخيلين اشكثر بكوون فرحانه واتريا هذا اليوم ...
العنود: والله ما اعرف بس بديت اخاف منج..انزين بسألج سؤال وجاوبيني بصراحه..
روضه: سألي..
العنود: باجر يوم ولد عمج بياخذ بنت خاله. وبييب منها عيال شو بيكون وضعج وموقفج؟
روضه :.................
العنود:شوه يا روضه.؟؟ ما فكرتي بها الموضوع؟
روضه: اكيد فكرت.. ومثل ما قلت لج انا احمد ما يهمني.. براايه يقدر يمزر بيته عيال منها.. ما يهمني.
العنود: معقووله؟
روضه : اكيييد..قلت لج انا الي يهمني اني اوصل لهدفيه. ومن ابري ابويه. برتاح وهوه بعد بيرتاح.
العنود: اها.. بس معقوله ما بتحنين يكون عندج عيال
روضه: ههههه شوه سالفتكم ويا العيال البارحه امايه تقولي نفس الشيء. والحين انتي. ليش يعني.. ويمكن ما اقدر اييب عيال ولا هوه ؟
العنود: فرضا.. يعني. لانه قانون العام والمتعارف عليه من مشروع الزواج تكوين اسره وعيال..
روضه: وانا قلت لج يا العنود ها الشيء ماشي في قانوني.. انااااااا
العنود بسخريه: هيييه انتي قانونج الانتقام وبس.الله يوفقج ان شاء الله.على فكره فهد سألني عنج.
روضه: والله...؟ اخباره؟
العنود: طيبه.. سألني اذا بتسيرين ويانا اليوم او لااااا.
روضه:هههههههه وشوه قلتي له؟
العنود: هههههههه ابويه كان موجود وهزبه ليش يتخبر عنج.. ههه ركب سيارته ورح دوامه هههههههه
روضه: حيليك يا فهد.
العنود: تعرفين روضه فهد حاطنج في باله.. كان بيتقدم لج قبل ما ايي ولد عمج. انصدم يوم درا. اذكر انه ياني الساعه 2 فليل يتخبرني اذا صح الي سمعه ولا لاااااا
روضه:ههه حليلك يا فهد. تعرفين شيء.. ياحظ الي بتكون من نصيبه.
العنود: المفروض اتكونين انتي..
روضه: عنووووودي بس عاااااااااد. ممكن تسرعين علشان نوصل الجامعه.
العنود: ان شاء الله.. آنسه روضه..
روضه: هيه صح.. ابغي منج خدمه لو ماعليج امر.
العنود:افا عليج.آمري تدللي
روضه: ابغي منج اتسيرين ويا امايه علشان اترتبون اغراضي في بيت عمي.
العنود: ان شاء الله من عيوني.
روضه: تسلم عيونج.. فديتج.
رجعت من القريه الساعه 12 وسيده نامت حتى عباتها ما فجتها من التعب والصدااع النصفي الي كان فيها..في اليوم الثاني ما قدرت اتداوم بس العصر سارت الصالون وسوت تنظيف جسم كامل..رجعت البيت قريب العشى ومن صلت العشى رقدت .. نشت الصبح وداومت ولقت الشله متجمعه في الكلاس والاستاذ ما وصل بعده..
حصه: صباح الخير... ويييينج انتي..
روضه:ههههههههه سوري بس لاني كنت مصدعه وما قدرت اداوم امس.. اخباركم.
ميثه: الحمد لله.. الا بصراحه تولهنا عليج..
روضه: ياويلي وجان استحي.. خخ
مريم: اقوول لا يكثر بس.. واتصدقيين الا قولوا افتكييينا.. من الصدعه.
العنود: مريوووم احترمي نفسج وعن الغلط.
مريم: وانا شوه قلت ياعيوني.. بصراحه يا بنااات ماكان الكلاس امس هاااااااادي.
لطيفه: هييييه بصراحه كان يرقد.. ههههه
الكل:ههههههههههههههههههه ((ماعداا مريم الي انقهرت))
دخل الاستاذ وبداا الكلاس المملل..وبعد ما خلص الكلاس
العنود: استاذ ممكن اسألك سؤال قبل ما تطلع
استاذ يوسف: اتفظلي اخت العنود.
العنود وعينها على مريم : امس كيف كان الكلاس.. بصراحه.
ا يوسف: بصراحه امس كنتوا راقداات واليوم اشوف في تحسن.
العنود: وبرايك شوه السبب.
ا.يوسف: انتي خبريني يا ابله.. ليش امس كنتن راقداات واليوم..........(وطاحت عينه على روضه).. ايواااااا الحين فهمت.ليش النشاط اليوم والكسل امس..
العنود: ليش استاذ..
يوسف : وهل يخفى القمر.طبعا اليوم شرفتنا الانسه روضه.. ممكن اعرف ليش امس ما حضرتي؟؟
((بين الاستاذ يوسف وروضه عداوه محد يعرف سببها لين الحين.. وهيه روحها ما تعرف ليش ها الاستاذ يكرها جذيه ))
روضه:امس كنت تعبانه استاذ..
مريم:استاذ في اليوم الي قبله كانت في القريه العالميه.. وامس كانت غايبه اونها تعباااااااانه.. الا مكر..
العنود: وانتي شوه حارنج.. بصراحه استاذ كانت روضه مصدعه بصدااع نصفي وما قدرت اتداوم.. ومعرووف انه الصداع النصفي من ايي الانسان مايقدر يمارس واجباته مثل العاده..
يوسف: يا سلام يعني كل ما ايي الواحد صدااع.. يعني تبينه يغيب ويهمل درووسه آنسه العنود..؟
العنود: لا مب جذيه بس فعلا كانت روضه تعبانه امس..
يوسف:وهيه ليش ما تتكلم .. ولا معينتج محاميه لها.. هذا وهيه تبا تدخل قانون.. هه
روضه: ماخلتوني اتكلم.. استاذ..
يوسف ورافع حياته: اتفضلي آنسه روضه اتحفينا.. ليش كنتي غايبه امس.
روضه: مثل ماقلت لك استاذ كنت تعبانه.. فيني صداع نصفي. وضغطي كان نازل.. وماقدرت اني اقوم حتى من السرير.. وعلشان ما اتقول اني مقصره الواجب الي عطيتهم اياه حليته وطرشته لك على الايميل.
يوسف رفع حياته :ادري. شفته..
مريم: هييه استاذ لا اتصدق كل الي تسمعه.
روضه:شو قصدج مريم انا جذاابه؟
مريم: والله كلن ادرى بنفسه..
روضه:ويعني؟؟
مريم: ااه ممكن نطلع استاذ ولا لازم نسمع تبريرات رو ضه
يوسف: اتفضلن بنات الي تبا تطلع تتوكل.. وانتي روضه ابغيج اشوي.
روضه: ان شاء الله ..
الكل طلع تمن روضه والعنود وميثه وحصه.
يوسف: خير.. انا قلت روضه وبس.. انتن اتفضلن.
العنود: بس نحن وياها.
يوسف:اتطمني بتم قطعه وحده.. محد بياكلها.. بس بسألها سؤال
روضه: ماعليه اتريني في الكوفي الحين بيي.
العنود: ان شاء الله..
طلعن وتمت روضه معا الاستاذ رواحهم.
روضه:آمر استاذ.
يوسف: مايامر عليج عدوو. الي ابغي اسألج عن ابوج..
روضه انصدمت: ابويه؟؟
يوسف: هيه ابوج.. ليش في مشكله؟
روضه: هاااه.. ل.لاا.. بس ليش تسأل عن ابويه؟؟ شو تبا ؟
يوسف: ابغي اعرف ليش انسجن؟
روضه بانفعاليه: وليييش تسال؟؟ شو تبا انته منه بعد..؟
يوسف: الي ابااه منه ابغي اساله سؤال مهم.. روضه لازم اقابله..
روضه: الله يخليك استاذ خلوه في حاله حرام عليكم..(وفي عيونها دموع)
يوسف ارتبك: لا روضه انتي مافهمي عليه الي ابغيه من ابوج اساله عن واحد كان وياه في السجن شخص مهم بالنسبه لي..
روضه: هااه؟؟ والله..ماا ادري شو اقولك.
يوسف : شوفي الحين انا مهم اني اكلمه... ممكن تعطيني رقم موبايله.
روضه: اممم .. ان شاء الله.. بس ممكن اساله اول؟؟؟ لو سمحت استاذ
يوسف بعصبيه : اووف وبعدين يعني ...ماطلبت الا رقم ابوج انا.. ماصارت .. معنه بأمكاني اني اطلعه من البداله.. بس طلبته بكل احترام منج..
روضه: اسمحلي استاذ بس ما اقدر الا ان سألت الوالد..
يوسف: انزييين .. كلميه اليوم وباجر عطيني الرقم..
روضه: ان شاء الله.. في شي ثاني؟
يوسف: لاا سلامتج.
روضه: الله يسلمك استاذ.. بس ممكن اسألك استاذ؟
يوسف: آمري؟
روضه: اناحاسه انك ما تستظرفني.. ممكن اعرف ليش؟
يوسف: امم تعرفين شيء روضه انتي ذكيه.. بتعرفين كل شيء في وقته..يالله الحين توكلي عندي شغل.. مع السلامه.. ولاتنسين الرقم.. وفي شيء ثاني الموضوع يتم بينا.. لو سمحتي..
روضه: اكييييد. لا توصي حريص.. مع السلامه استاذ..
يوسف:مع السلامه..
طلعت روضه وسارت عند ربيعاتها ولا سألنها عن الموضوع.. لانه يعرفن انه روضه كتومه.. واذا بتتكلم بتتكلم من نفسها..
وبعد ساعتين في البريك الثاني..
ميثه: اييييه عاااااااااد انا ما فيني صبر.. شوه كان يبا منج الاستاذ.
العنود: ميثووه عيب عليج..
ميثه: لا مب عيب.. نحن نعرف ها الاستاذ الخقاق..شيء تحت راسه.. بس شوه ما اعرف.. تعرفون اني ما احبه. حاط لي D
حصه:هههههههههههه يعني لو حاط لج A جان حبيتيه..
ميثه: يخسي الا هووه احبه. واااااااااعوووه.
روضه:هههه حليلج يا ميثه.. اتطمني ما بغا شيء. بس سألته ليش احسه يكرهني. قال لي بتعرفين في وقته.
ميثه: انا ماقلت لكم شيء تحت راسه.. كنت حاسه..
العنود: خليه يولي. شوه تبن منه. المهم شوه بنسوي الحين. انا مصدعه
روضه: والله ما ادري بس عندنا بريك لين 12 شوه رايكم نروح المسبح. خاطري اسبح.
حصه: يالله وانا بعد ابا اسبح لو اني ما اعرف اسبح زين بس يالله.
سارن المسبح وخلصن قبل 12بربع ساعه ورجعن كلاسهن.. من خلص الدوام رجعن لبيوتهن وروضه راسها يدور بكلام الاستاذ منوه الريال الي يبا يعرف عنه؟؟ وكيف عرف انه ابوها كان في السجن. يالله ها الموضوع لين متى بتم الناس تداوله.. معقوله ما عندهم سالفه غيير سالفه ابوها وقضيته..رجعت البيت ولقت ابوها يالس يطالع المباراه سلمت عليه وراحت تتسبح واتبدل ملابسها المباراه توها باديه عندها وقت تخلص فيه امورها وبعدين بتسير لابوها وبتكلمه بعد ما تنتهي المباراه .. لانه ابوها من النوع الي يندمج في المباراه وما يحب حد يقاطعه يوم يشوفها.خلصت لبس وسارت عند امها اتسولف وياها عن الجامعه لين خلصت المباراه وبعدها سارت عند ابوها. ويلست تتقهوى وياه.
روضه: الا ابويه ابا اتكلم معاك في موضوع.
ناصر:آمري يا بنتي شوه تبين.. ناقصنج فلوس.
روضه هزت راسها: لا يا الغالي تسلم لي.. الفلوس موجوده وزايده بعد.. ياغير الموضوع الي ابا اتكلم وياك فيه غير.
ناصر امبونه متكي على المخده اعتدل في يلسته : شوه السالفه يابنتي وقفتي قلبي.
روضه: فديتك سلامت قلبك.. الموضوع انه في استاذ عندنا في الجامعه.. طلب رقم تلفونك.
ناصر:نعم؟؟ وشوه يبا الرقم.. لايكون يبا يخطبج.. ماقلتي له انج مخطوبه لولد عمج؟
روضه: لاا ابويه الموضوع مب جذيه.. يبا يسألك عن موضوع ثاني.
ناصر: روضه تراج لفيتي لي راسي.. رمسي شوه الموضوع. شوه يباني فيه؟؟
روضه اتنهدت: يابويه هوه يعرف انك كنت في............
ناصر: السجن!!
روضه هزت راسها:هييييه.. ويقول انه يبى يسألك عن ريال كان وياك في السجن.. وهذا الريال موضوعه يهمه.
ناصر عقد حياته: منوه الريال ماقالج منوه هووه؟
روضه: هوه اسمه يوسف ال... والريال الي يتخبر عنه لاااا ما قالي من هووه. بس قال انه يبى يكلمك وقلت له بسألك وبشوف شوه بتقول .
ناصر: زين يابنتي.. عطيه الرقم وخليه يكلمني باجر الظهر. لاني الصبح بكون مشغول. والظهر فاضي.
روضه: ان شاء الله.. بقوله. يالله عيل انا بسيرالصالون الحين.. مواعده الحرمه.
ناصر: الله يوفقج يابنتي
روضه:آمين.. كثر من ها الدعوات يا ابويه..
ناصر: هههه ان شاء الله.. ربي يسعدج واشوف عيالج قبل لا اموت..
روضه: باسم الله عليك .. بعد عمر طويل ان شاء الله.. الله كريم يا ابويه..يالله فمان الله..
ناصر: ههه الله يحفظج...
طلعت روضه ومخها يدوور.. فيها غصه شوه بتقول لهم باجر يوم بيي اليوم الي بتقول لهم كل السالفه.. شو بتقول لهم بعد مااترد لهم وهيه مطلقه اتنهدت وركبت السياره وراحت الصالون... رجعت من الصالون ونامت على طول. حتى ما تعشت.. ومن اصبحت راحت الجامعه من دون ما اتصبح عليهم لانهم شكلهم ما قاموا بعدهم.. اوقات يتأخرون في القومه الصبح.. خص ابوها يسير يصلي في المسيد ويقعد لين الشروق.. احيانا يداوم واحيانا يرجع ينام.لانه هوه مدير شركته..العقاريه.رغم انه دخل السجن الا انه كسب محبه الناس له..مش كل من دخل السجن ظالم كثير في السجن دخلوا السجن بأخطاء غير مقصوده.. واحيانا بظلم..لانهم طيبيين اكثر من اللزوم مثل ابوها..كان من طيبته يصدق كل شيء.. وما يعلم انه في قلوب بعض البشر حقد وغل.. وحسد.. قد تدفع النفس انها اتسوي اشياء اتضر الغير. من دون ما يحرك له جفن..يموت القلب. واتموت معاها العاطفه. واتهم المصالح.. ياكل الكبير حق الصغير.. ويعلى القاسي ويطيح الضعيف..خلصت كل كلاساتها وقبل ما تطلع من الجامعه تذكرت انها وعدت الاستاذ انها تعطيه الرقم.. راحت لين مكتبه لقته يشرح شيء لمجموعه بنات.. اتريت لين خلص والبنات طلعن ..
روضه مدت له بالرقم: اتفضل استاذ هذا الرقم..
يوسف: يعني عطاج الموافقه..؟
روضه نزلت راسها: هييه قالي عادي. اعطيك الرقم.. بس يقولك انك اذا ممكن تتصل به بعد الظهر لانه الصبح عنده شغل..
يوسف: الحين الساعه 2 ونص.. يعني الحين عادي اكلمه ولا لاااااا؟
روضه: اظن.. والله ما ادري .. يالله استاذ انا بترخص. خلصن كلاساتي اليوم.. واليوم آخر يوم لي في الجامعه ها السمستر.
يوسف: وليش ان شاء الله.؟
روضه ابتسمت: ابد استاذ عرسي الاسبوع الياي..
يوسف: شوووه؟ عرس ..ج..
روضه: هييه.
يوسف: من... منوه؟
روضه: هااه؟؟ من ولد عمي استاذ.. يالله عيل اسمحلي.
يوسف: الله وياج.. ومبرووك مقدما..
روضه: الله يبارك في حياتك..
يوسف: ما بتعزمينا شوه؟
روضه: هه افا عليك. حياك استاذ. بيكون يوم الخميس الياي في قاعه...
يوسف: بالبركه.. ان شاء الله ان كنت فاضي يمكن ايي. وبالمره بتعرف اكثر على ابوج.
روضه: اها..الله يبارك لك.. ان شاء الله يالله مع السلامه.
يوسف: مع السلامه..
طلعت روضه. وهيه اتفكر ياترا.. ليش انصدم يوم عرف اني بعرس.. معقوله يفكر مثل ما يفكر حمد اخو العنود انه كيف وحده ابوها خريج سجون اتعرس.. ههه عيل لو يعرف انه ولد عمي خليص. ويعرف سالفه الوصيه شوه بيسوي.. هههههه احس انه بيتخبل.. هههه يوسف مش كبير وايد هوه اكبر عن روضه بعشر سنين بس وهو بنفس الوقت بعمر احمد.
خلص اليوم ويوسف ما اتصل بأبوها. وناصر استغرب ها الشيء..ويوم كانوا يتعشون.
ناصر: الا روضه. الريال الي قالج انه يبا رقمي عطيتيه اياه؟
روضه: هيييه ابويه. عطيته اياه قبل ما اطلع من الجامعه.. حتى انه ييته لين مكتبه وكان يشرح شيء لبنات.. واتريتيه لين خلص وبعدين عطيته الرقم.
لطيفه: اي ريال؟ وليش يبا رقم ابوج يا روضه؟
روضه: هذا استاذ في الجامعه امايه.. يبى رقم ابويه علشان بيتخبره عن ريال كان ابويه يعرفه.
لطيفه: ومنوه ها الريال؟
روضه مدت بوزها: والله ما ادري ماقال بس الي قاله انه في ريال هوه يعرفه ويبى يتخبر ابويه عنه.. المهم انه خبرت ابويه وعطيته الرقم اليوم. احيده بيتصل بك اليوم.. بس ما ادري ليش ما اتصل.. يمكن انشغل..
ناصر: يمكن يا بنتي.. يالله بالعافيه عليكم انا مصدع بسير ارقد.. لطيفه لا تنسين اتبندين الليتات البارحه كانن كلهن يشتغلن.
لطيفه: ان شاء الله.. بس انته لا تنسى تاخذ دواك..
ناصر: ماعليه.. يالله عيل تصبحون على خير.
لطيفه وروضه: وانته من اهله..
ومن ابتعد عنهم التفت لطيفه على روضه: الحين بتقولين لي شوه السالفه كامله يا روضه
روضه اتنهدت لانها عرفت انه امها لين اتعرف السالفه كلها ما بترتاح:والله يا امايه ما اعرف.. كل الي اعرف انه ها الريال الي يعرفه الاستاذ كان ويا ابويه في السجن.. والحين يبا يكلمه علشان يتخبره عنه.هاي كل السالفه
لطيفه: وها الاستاذ كيف عرف انه ابوج كان في السجن.؟
روضه: ترا اقولج ها الريال الي يعرفه كان ويا ابويه في السجن اكيد هوه خبره.........
لطيفه: هييييييييييييه ليش سكتي. الحين فهمتي.. شوه السالفه.. شكله مايبا يتخبره عن الريال شكل السالفه انه يبى شيء ثاني..
روضه: وشوه الي يباه يعني من ابويه؟
لطيفه: ماا ادري.. ويوم قالج انه يبا يتخبره عن الريال الي كان ويا ابوج في السجن.. ما كان الا سبب علشان يوصل لرقم ابوج.
روضه: لاا امايه لانه قالي لي يوم ما عطيته الرقم اول مره.. انه يقدر يطلع الرقم من البداله لانه يعرف له حد هناك.. وقال ما بتغلبني.. بس بغيت الرقم منج..
لطيفه: انزين جان قلتي له هاته ..
روضه: والله ما ادري يا امايه.. والحين ما اقدر اسأله لانه خلاص ما بداوم ها الاسبوع..
لطيفه: اها.. ماعليه آخرته بيتصل بأبوج وبنعرف شوه وراه ها الريال.
روضه: هييه..
لطيفه: يالله عيل اذا خلصتي عشى بنوديه المطبخ.
روضه: لاا امايه خليه بزقر انا الخدامه وبشل وياها. مب مشكله.سيري انتي عند ابويه.
لطيفه: خلاص عيل.. يالله عيل تصبحين على خير.
روضه: وانتي من اهله..
زقرت روضه الخدامه الي شلت كل العشى روحها مابغت مساعده من روضه.. وسارت روضه حجرتها وبالها مشغول. صدقها امايه. يعني لو هوه يبا يتخبر عن الريال كيف عرف انه ابويه كان في السجن.. معناتها كان يعرف من البدايه انه ابوها في السجن من ها الريال نفسه ..كان في فكر روضه انه ها الريال ميت والحين يبا يسأل عنه اذا كان ابوها يعرف عنه شيء.. بس شكل الموضوع غير هذا نهايئا.. في ها الوقت بتحديد عند ميره ومهره كانن يرتب قسم روضه..واحمد.. الي يتكون من حجرتين وصاله..وحمامين.. حمام في الحجره الرئسيه وحمام في الصاله.
ميره: ايييه اقول؟
مهره: قولي.
ميره: كيف جذيه الحجره الثانيه مافيها حمام .
ميره: ويين المشكله ترا في الصاله حمام.. والي بيستخدم الحجره الثانيه بايستخدم حمام الصاله..
ميره: مااااااااا اعرف انام في حجره مافيها حمام ما برتاح..
مهره: والله انتي عارفه بالوضع زين..واخوج اعتقد انه ما بيرقد اهنيه.. لاني سمعته يقول القسم حقها وهوه بيتم في حجرته..
ميره: حرااااام عليه.. مهما كان هاي انسانه..
احمد: ومحد قال انها حيوانه انزين.. وبعدين انتي شوه يخصج فيه .. واذا حد طلب رايج هذيج الساعه عطينا اياه.. ولو سمحتي الحين اتفظلي براا ابا مهره في كلمه.
ميره وفي عيونها دموع: الله فوق يا احمد.. وباجر بتعرف زين الي بتسويه في بنت عمك حرام.. وبااي.
طلعت واحمد يشوفها وهو رافع واحد من حياته
احمد: خخ انزين الله كريم.. مع السلامه الحين. سكري الباب وراج..
ميره: ان شاااااااااااء الله..
مهره: احمد مب جنك زوتها اشوي..وياها.
احمد: ااه فكيني الله يخليج انتي بعد.. المهم ابغي اعرف شوه صار ويا نوف الحين..
مهره اتنهدت: اممممممم شوه تباني اقول بعدها زعلانه.. هييه زعلاانه ومب طايعه تفهم الموضوع..
احمد: اوووووف .. وبعدين يعني. هيه اتعرف انه الموضوع غصبن عني. مب بكييفي.. ولا اناااااا يعني باخذ لي وحده يااااااااهل.. عليها. اوووووووووف.. قهر.
مهره: والحل برايك شوه؟
احمد: مب مشكله بسفرها يوم باخذها. وبترضى.. بس المهم الحين ترضى.. شوفي يوم الاربعاء عيد ميلادها وهديتها في السياره.. تعالي الحين بنوصلها لها..
مهره: الحين عاااااااااد يا احمد كم الساعه ؟؟
احمد: شوه كم الساعه .. مب مهم وبعدين هيه مش راقده اكيييد.
مهره: وانته شوه دراك انها مش راقده.
احمد بعصبيه: مهروووووووه وبعدين ويااااااااج.. يالله هاتي شيلتج وبنسير تعطينها الهديه وانرد. بسرعه.
مهره: هه تعطيها هديتها حق عيد ميلادها يوم الاربعاء وعرسك يوم الخميس خخ توقيت حلو يا احمد.
احمد وهو راص على ضروسه: ممكن تكرمينا بسكوتج..ويالله جدامي.
مهره: ان شاء الله يا اخويه. هه
طلعوا ووصولو بيت خالهم ونزلت مهره ونزلت معاها الهدايااااااااااا الي سواهن احمد لها. وهن عباره عن ثلاث بوكسات وسط مع باقه ورد.
والبوكسات عباره عن بوكس عطوور من باريس قاليري وساعه وقلم من CHANELوالبوكس الثاني فيه شنطتين وجوتي من هرمز والبوكس الثالث كريمات منوعه من MARKS &SPENCER وباقه ورد جوري احمر كبيره. نوف كانت في حجرتها تقرى قصه.. وما درت الا ودقت عليهاا الباب. من فتحت اتفاجأت بمهره يايه والهدايا شيء عندها وشيء عند الخدامات..
نوف: وااااااااااو شوه كل هذا مهرووه؟
مهره: ههههه كل عام وانتي بخير مقدما اول شيء.. وللاسف ها الاشياء مش من عندي من عند احم احم..
نوف حست بحسره: ليش ان شاء الله رضوه لانه بيعرس يوم الخميس بعد عيد ميلادي بيوم.. ((وبدت اتصيح..))
مهره خافت عليها: نووف فديتج بس عااااااااااد.. لا تقسين على احمد وانتي عارفه الوضع كييف.. والله انه قلبه محرووق مثلج واكثر لانه غصبن عليه بياخذ وحده ما يبااااااها.. لاتزيدينه انتي بعد.. ولو اتعرفين اشكثر يحاتيج ويفكر فيج والله ما اتلومينه.. احمد يموووت فيج.. فوق ما تتصورين..
نوف وهيه تمسح دموعها: والله ادري انه يحبني.. بس والله من قهري يا مهره ما تعرفين شوه يصير لي. يوم افكر انه بعد اربع ايام بيكون لها.. والله اموت.
مهره: ما بيكون لها.. فعلا.. بيكون بالاسم بس. حتى انه ما بيكون وياها. في القسم. بيتم في حجرته لين يتقدم لج واتعرسون انتوا.
نوف وهيه مستانسه: قولي والله.
مهره: هه والله. هوه توه قالي ها الشيء..لانه القسم الي بتكون فيه .. فيه حجرتين وصاله والحجره الرئسيه بس الي فيها الحمام.. والحجره الثانيه مافيها حمام. وهوه ما بيكون ويااها في نفس الحجره والحجره الثانيه بدون حمام.. وطبعا مستحيل يشاركها الحمام.. فبيتم في قسمه فوق وهيه في قسمها تحت.. تطمني احمد لج انتي مب لها.
نوف: الله والله استانست اتصدقين من شهرين وانا افكر بها الموضوع..وتعبت نفسيا وكدرت مزاج اهل البيت اكثر عن مره خخخخ
مهره:هههههههههه ياحليلهم.. يالله عيل تصبحين على خير.
نوف: وييين تو الناس يلسي اشوي..
مهره: خخخ هييه علشان يذبحني ريلج. في السياره يترياني.
نوف: فديييييييييييييييييييته.. ااااااااااااه ما تتخيلين اشكثر احبه.
مهره: خخ سكتي لاحد ايي ويسمعج.
نوف:ههههههههه حبيبتي منوه الي ما يعرف بحبي لاحمد..خخ كلهم يعرفون. هههههههه خصوصا انه حب الطفوله.
مهره: اييه عيب عليج شوه هاي الرمسه.. خخخ حب الطفوله قالت.. يالله تصبحين على خير. وهااي البوسه الي طلبها مني خخخ امواااااح باي
نوف من باستها مهره على خدها من الجهتين وقالت لها انها من احمد غدا ويها احمر ولا قدرت تتكلم.
مهره:هههههههههههههههههههههه مااتت البنت. ههههههههههه باي.
نوف: باي..جب زين.. يالله سيري له لا تتأخرين.
مهره:ههههه ان شاء الله.. جب هااااااااه ماعليه بتين باجر بيتنا هين .
نوف:ههههههههه ماعليه يالله باي.
مهره: باي.
ربعت مهره برااااااا.. ولقت احمد معصب يالس في السياره يترياا.ومن ركبت استلمها
احمد: هندي قالو لج مخلتني في السياره نص ساعه.
مهره:ههه محشوم يا الغالي .. ياغير يلست اهدي حرمتك من درت انه الهدايا منك تمت اتصييح.
من سمع احمد انه نوف اتصييح ماااااااااااااااات.
احمد بعصبيه: الله يخس رووضه والساعه الي عرفناااااااااااااها فيها جانها السبب في صياح نوف. وشوه قلتي لها ان شاء الله هدت.
مهره ضربتها غصه على روضه حليلها: هييه يوم كلمتها وفهمتها شوه قلت لي اياه هدت واستانست خصوصا انك........
احمد: اني شوه؟
مهره: انك بتم في قسمك وروضه في قسمها
احمد: ممكن ما تطرين اسمها لانه بمجرد اسمعه اتنرفز اوووف .
مهره: بس يا احمد باجر غصبن عنك بتنطرى جدامك شوه بتسوي.
احمد: اتزووووووووول واتفكني منها. ما يهمني المهم شوه قالت لج نوف عن الهدايا ان شاء الله عيبنها.والله يا مهره اني ودي اشتري لها السوق بكبره.
مهره: ههه بصراحه ما فتحت شيء وما قدرت تتكلم هههههه خصوصا يوم عطيتها البوستين ههههههه والله يا احمد انه ويها غداا طماطه.
احمد ابتسم: فديييتها ياربي.. وان شاء الله خبرتيها عن السفر بذبحج.
مهره:هههههههه لا اتطمن ما يبت لها اي طاري. يالله عااااااااد ممكن اتشغل السياره ابغي انااااااااااااااام.. وراي نشه الصبح.
احمد: وليش عااااااااااد. ما احيد عندج كلاسات الصبح؟ كلهن من بعد الظهر؟
مهره: اعتقد انك ما تبا تعرف.
احمد رفع حياته: وليش عاد ما ابا اعرف؟
مهره: علشان ما يتنكد مزاجك.
احمد: لايكون بتسيرين صوبها.؟
مهره: لااااااااااا بس برتب القسم باجر بيين اغراضها وبنرتب لها.
احمد بعصبيه: ياااااااااوييلج ان رتبتي لها شيء تسمعينن والله لاحرق اغراضها.. هذا الي قاصر بنت خريج السجون خواتي يخدمنها اتخسي الا هييه. خلنه مثل مااهوه ويوم بتشرف حضرتها بترتب شوه عندها من الشغله مااااااااااشييء. بترتب كيفها. محد بييها وبيصبح عليها براااااياااهاا
مهره:بس يا احمد.
احمد: من دووووووووون بس واعتقد انه ماله دااعي اني اعييد الرمسه وها الكلام يمشي عليج وعلى ام العريف ختج قصوركن بعد اترتبن لها.
مهره اتنهدت: ان شاء الله.
وصلوا البيت واحمد سيده سار قسمه وسكر الباب. ومهره سارت قسمها لقت ميره يالسه اتشوف فلم على الاب توب ومن شافتها سكرت الفلم وصدت الصوب الثاني عنها تبا ترقد.
مهره دخلت وسكرت الباب ويلست على الكرسي ورفعت ريولها وحطت راسها على ركبهاواتنهدت
مهره: اتعرفين واااااااااااايد اتغضنبي روضه.. لو تسمعين كلام احمد عنها كييف يكرها.. والله خنقتني العبره عليها..
ميره لانه فضوليه فصدت صوبها: ليش شوه صار؟
مهره اتنهدت: الشيء الي كان احمد يباني فيه انه انوصل هديه عيد ميلاد نوف لها.. وصلتها لها بس يوم كان يتكلم عن نوف والي يبا يسويه لها.. حرااااااااااام والله شو ذنب روضه في كل الي يصير.
ميره: ممكن اتفهميني ليش شوه قال احمد؟
مهره: ميره لو اتشوفين الهدايا الي اشتراهن لها بتتخبلين ثلاث بوكسات متروسات هدايا غير باقه الورد الكبيييييييييره. والله ايدي عورتني وانا اشلها.وفوق هذا قلبه محرووق عليها لانه مب عايبنها لانه بياخذ بنت عمه الي بيعاملها معامله الكلاب . بيهجرها وبيذلها. وفوق هذا محرم علينا ندخل حجرتها وانرتب لها شيء.
ميره: كيف يعني ما انرتب لها اي شيء؟ عيل من بيرتب لها؟
مهره: روحها يوم بتي بترتب حق عمرها. ما يبانا انصك اي شيء خاص فيها.. اوين اتخسي حد يرتب حقها. والله قلبي عورني عليها. يعني وحده في ضروفها. اول شيء بنت عمنا بس غريبه عنا. حتى شكلنا ما اتعرفه. وفوق هذا بتي بيت غريب عنها واكيد بتكون تستحي واتخاف بحكم انها بعدها صغيره.. وفوق هذا يباها اترتب قسمها برووحها .كل شيء يبى يكون مثل ماااهوه.
ميره: اخووج استخف.. يعني يبها تشقى من اول ليله لها هنيه.. هيه بتبدل فستانها ولا بترتب سريرها ولا بتعدل الغرفه ولا القسم... بس عاااااااااااد انا بكلم ابويه يحط له حد.
مهره: ياااوييلج تبينه يذبح.. لا اتزيدينها حطب خلي المشاكل تهدى..
ميره: بس والله حراااااااام عليه.
مهره: خليه كيفه.. الله بيحاسبه.. وانا الي سمعته انها قويه مش ضعيفه.
ميره: مهرووه حطي نفسج مكاانها شوه بيكون موقفج؟
مهره هزت راسها: ماا اعرف .. بس مثل ما قلت لج لا اتسيرين قسم روضه.
ميره: ماعليه منه بسير وبرتب لها وكيييفه الي يسويه.
مهره: كييفج انا قلت لج.. واذا صار شيء باجر انتي المسؤله لانه قال من البدايه.
ميره: بس يا عرب الله والله حراااااااااااام.
مهره: حرام ولا حلاال.. هذا اخوج العود ولازم تحترمينه.
ميره: اووووووووف.
مهره: يالله تصبحين على خير.. فيني رقاااااااااد.
ميره: وانتي من اهله.. الا بسألج بتتحنين ولا هذا الشيء ممنوع بعد.
مهره: ليش انتي بتحضرين العرس؟
ميره:نعم ان شاء الله ما يبانا نحضر العرس بعد؟
مهره: قال انه ماله لزمه حد يحضر. بيكون للرياييل بس عشى وخلاص بيسير وبيبها.
ميره بصدمه: بعد؟؟
مهره:هييه حتى امايه ما بتروح. ولا يدوه فاطمه
ميره خانقتنها العبره:الله يعينها على الصدمات الي بتحصلهن من اول ليله لها..
مهره: الله يكون في عونها بس.. وعلى فكره من الحين بقولج شيء ابويه يكرها..
ميره: شوووووووووووه؟ ليش؟
مهره: ما ادري بس سمعته يتكلم مع امايه ويسب التربيه فيها. يقول ملسونه وقليله ادب.
ميره: الله يعينها.. مش مترقعه لا من من ريل ولا من عم.. الله يكون في عونها.. اخاف اييها انهيار عصبي.
مهره:اااااه الله كريم.. يالله تصبحين على خير.
ميره: وانتي من اهله..
مرت الايام ومابقى غير آخر ليلتين لروضه في بيت اهلها.. والكل حاس بضيقه..
روضه: امايه اليوم بتروحين اترتبين اغرضي ويا العنود صح..؟
لطيفه: هيه يابنتي من بيرتب عيل فضيحه اخلي العنود اترتب روحها وبعد مش حلوه انها اتسير روحها.. انا بسير وياها وبنرتب.
روضه: زين امايه.
ناصر: لط...يفه ..اااه.. وينج..
روضه بخوف: ابوويه شوه فييييك..؟
لطيفه : والقعتيه شوه بلاااااااااااك من وين هذا الدم؟
ناصر:آآه طحت على خشبه واثرها فيها مسمار.. ولحق عليه حمد بن.
لطيفه: ياويلي عليك.. وانته الله يهديك ما اتشوف الخشبه قداامك.
روضه: امااااااااايه الله يهديج مش وقته الحين.. ابويه ماسرت المستشفى
ناصر: هييه وصلني حمد.. روضه قربي بالريال ترا براا.
روضه وهيه عاضه شفايفها:ان شاء الله ابويه..اقرب حمد .
حمد: السلام عليكم ..
روضه ولطيفه: وعليكم السلام والرحمه.
لطيفه: اقرب يابويه.
حمد: قريب.. وتستحقون سلامه عمي ناصر.. ومايشوف شر.
من قال عمي ناصر روضه بهتت مكانها..الحين عمي ناصر من قبل خريج السجون نصوور.. اكيد شيء في راسه..
روضه: الله يسلم غاليك..
لطيفه: الله يسلمك ويزاك الله الف خير. يوم انك وصلته المستشفى.. شوه قالوا لك ؟
حمد: لا الحمد لله بخير. بس لازم يريح ريله اشوي لانه المسمار دخل اشوي في باطن القدم .. يعني شغله يومين ثلاثه وان شاء الله بيقدر يمشي عليها عادي..
لطيفه: الحمد لله.. وماعطوكم ادويه شيء.
حمد:هييه طال عمرج وهذي الكيسه فيها كل شيء.
روضه سارت اتسوي قهوه. ومن خلصت شلتها الخدامه وودخلتها عندهم. وهيه سارت حجرتها.. واتفكر شو ياب حمد عند ابوها
ومن روح حمد ربعت عند ابوها: الا ابويه بتخبرك حمد ليش كان عندك.؟
لطيفه: بدال ما اتقولين الحمد لله انه هناك تسألين ليش ياي؟
روضه هزت كتوفها : امممم انزين الحمد لله.. ماقلت شيء بس انا مستغربه انه حمد هناك؟
ناصر تنهد: تبون الصدق انا اروحي مستغرب ييته.. كان ياي لشيء بس يوم على ييته صار الحادث والحمد لله انه كان هناك ولا ما ادري شو بسوي.. العمال ماخذين استراحه غداا. ومحد كان اهناك.
روضه: ايوااااااا.. الحمد لله.. الا ماقال لك ليش ياك؟
ناصر: لا يابنتي ماقال.. حتى اني نسيت اسأله ونحن يايين.. ليس ياني الموقع؟
لطيفه:يمكن ياي يسلم ويبارك لك بعرس بنتك.............. والخيييييييييبه.
روضه وناصر: شووووووووه؟
لطيفه: نحن ماقلنا انه اليوم بنسير انرتب اغراضج؟
روضه:هييه .. انزين شوه فيها؟
لطيفه: جييه شوه فيها تبيني اسير وابوج هاي حالته؟؟
روضه: اووووووووووف امايه العنود ما بتسير روحها؟
لطيفه:قولي لها خلي اتشل وحده من خواتها بيساعدنها..
روضه: مب جنج مساعه اتقولين عيب اتسير روحها.. ولازم انتي اتسيرين وياها.. ليش اتغير كلامج ولا انه حبيبج نصووري اتويع اشوي.
ناصر:منوه نصووري ؟
لطيفه: تسمعها بنتك شوه اتسمييك.. يابوك هاي بنتك تراها ملسوونه
ناصر:ههههههههههه الحين انا نصووري؟؟
روضه:هاي يوم اتدلعك امايه اتسميك نصووري حبيبي.
لطيفه بعصبيه:رويييض بس عاااااااااد..
ناصر:ههههههههه استحييتي لطووف.
لطيفه: وانته بعد.. عيب عليك.. شوه لطوف.
روضه:ابوويه اللحق تراااااااها استحت.
لطيفه تمسك المخده واتفر روضه بها.. :قومي يالله جدامي سيري رتبي اغرااضج يالله. بسرعه.. ورمسي العنود اتدور حد يسيير وياها.. ما بقدر اخلي ابوج روحه يالله سيري
روضه:ابويه ماعليه. انا بيلس وياه بس انتي سيري
لطيفه: لا حبيبتي ابوج فيه السكر والظغط وما اعرف اعراض ها الطيحه عليه.. خلي ربيعتج اتسير وماعليها شر ان شاء الله.. انا بيلس مع ابوج..
روضه:خخخ امايه عادي اسير وياها.. بس بتغشى وما بيعرفوني..
لطيفه: قصوورج بعد.. استريحي لاحقه اتسيرين اهناك.. الا الخوف انج من اتسيرين ما تبينه بيتنا..
روضه: مااتطيعين انتي بس... مستحيل اعاف بيتنا يا امايه.. هذا البيت الي ربيت فيه.. والله ما ابدله بقصور العالم..
ناصر:هه مجييج.. بنشوف الكلام باجر بيتغير ولا لاااااا.
لطيفه:هيييه ماعليه بتقولك حتى هذاك بيتها. هههههههه
روضه:هوه قانونيا يكون صح بيتي. خخ لاني بنت عمهم. وحرمت ولدهم هع بس بيظل هذا الاساس طال عماركم..
ناصر:ماعليه.. تعالي ساعديني ووصليني ويا امج الحجره ابغي انام اشوي.
لطيفه: واش حقه هيه اتساعدك ويايييه.. خلها اتسير اتخلص شغلها.
روضه: اوب اوب .. شوه قلت لك تباااااااك حقها يا نصووور.هههههه
ناصر:اصطلبي عاااااد روضه. تراج زوديتها كله ولا الغاليه.
روضه: لااااااااااا جذيه انا مااااااروم الغاليه جدااااااااامي عااااااااااد.. قلبي الصغير لا يتحمل.. يااااارباااااااااه.
لطيفه: اتلومني على بنتك يا ناصر..احيد البنت كل ما تكبر تعقل.. الا بنتك كل ماتكبر تستخف.
ناصر:هههههههههه فديتها وفديت خفه عقلها..
روضه: احم احم.. سمعتي اماااااااايه ياااااااااااااو ابويه ما تفدااااااااج.. ههه
لطيفه:شوه اقولك انااااااااا الله يصبرني عليج.. يالله قومي جدامي يالله على الحجره..
روضه: اتشوفها ابويه .. تروغني. ونا بسير عنكم بعد يومين..
ناصر: ربي يوفقج يابنتي.. وماعاش الي يروغج.. ياغير امج طفرت منج. سيري يابنتي وخلصي شغلج علشان ما تنسين شيء سيري الله يبارك فيج.
روضه:ان شاء الله يا الغالي.. الحين بسير.. اتعلمي منه امايييه مب كله روووووغ. المفروووض بما اني وحيييدتج اتعامليني برفق وحنيه.
لطيفه قامت وفرتها بالمخده: اقوول قومي يالله.. برفق قااااالت.. ومن قال لج اني وحييدتيه.. لا حبيبتي حملت قبلج بس طاح ام سته..وكان ولد بعد.
روضه فجت عيونها: والله..!!
ناصر:هههه هيه والله.. الله ماكتب له عمر يعيش
روضه: وليش محد خبرني ؟
لطيفه: وشوه بتسوين لودريتي.. يعني.. الحمد لله على كل حال.. ويالله الحين جدامي. ولا اقولج قوم ناصر خلنا انسير . هذي ويع راس ما بتسير حجرتها وبتخلص امورها الا يوم انسير عنها.
روضه مدت بوزها: شوه قصدج يعني.. انه ما انعطى ويه مثلا.؟
لطيفه:شاااطره تفهميينها وهيه طايره.
ناصر:هههههههههههههههه
روحوا وخلوها روحها في الصاله.. ومن اتطمنت انهم دخلوا الحجره وشافت ابوها انسدح على الشبريه.. سارت حجرتها لانها اتخاف انه امها ماتقدر تسند ابوها بروحها فخافت اتسير عنهم ويطيح عن امها.. عشان جيه تمت في الصاله لين اتطمنت انه يقدر يمشي عادي..اتصلت بالعنود وخبرتها عن الموضوع كامل.. وخبرتها انه حمد كان اهناك وهوه الي ساعد ابوها.
روضه:هزج ليش كان اهناك.؟
العنود وهيه اتحك راسها: والله يا رووضه علمي علمج انا الي اعرفه انه حمد... وابوج
روضه: ما يدااني ابويه ادري.. بس شوه الي وداه اهناااك عيل؟؟
العنود:ماا ادري تعرفين شيء؟
روضه:شووه؟
العنود: بخلي فهد يتخبره.
روضه:لاااااا .. ميينونه انتي؟
العنود: سمعيني زين فهد يعرف يسحب الكلام من حمد.. كييييف مااا ادري..بس فهد فاهم حمد زين..
روضه: والله ما ادري.. اخاف يعرف اني خبرتج وانتي خبرتي فهد وبعدين بتطيح فوق راسج..
العنود: لا ماعليج انتي.. خليها عليه..
روضه : على راحتج..
العنود: الا يعني الحين من الي بيسير ويااايه؟
روضه:والله ماادري .. لطووف تبا تيلس ويا نصوورها. خخخ لا تي تسمعني والله لاتصفعني.. خخخ
العنود:هههههههه دواج يا السباله.. هذيييلا اهلج. خخخ
روضه:ياخي ادلعهم وكييفي... المهم الحين شوه بتسويين؟
العنود:امممم بشوف وحده من خواتي الي بتساعدني.. واذا مافي مجال بسير روحي.خخخ انتي قلتي انه محد في البيت غير بنات عمج التوأم وحرمه عمج ويدتج صح..
روضه:هيييه..
العنود:خلاص عيل .. عادي بسير ارتب اغراضج وبيي بسرعه.
روضه:مشكوووووووووره والله عنووودي ان شاء الله اردها لج في الافراح..
العنود:آمييين حبيبيتي. الا ماسألت الاستاذ يوسف اتصل بأبوج؟
روضه: امممممممم لااااا مااتصل.. او انه ابويه نسى يقولي بس يوم سألته من فتره قالي لاا ما اتصل.. حتى انه سألني وقالي اكيد قال انه يبى يكلمني في موضوع..
العنود: غريبه.. فيني فضووول ابا اعرف شوه يبى من ابوج..؟
روضه: ذكريني اني ما اقولج كل كبيره وصغيره اتصير عندنا في البيت.. حشى.. كل شيء تعرفينه اووووووووف.
العنود: اشوووووووووووفج بس اتخبين عليه..والله ما اكلمج دنيا وآخره
روضه:ههههههههههههه انتي ظامنه انج اتشوفيني في الأخره.. حشى في كل وقت بلقاج.
العنود: لج الفخر حبيبتي.. هههههههه
روضه: عداااااااااال عااااااااد.. ماادري منوه انتي..
العنود: افاااااااااااا والله.. ما اتعرفين من اناااااااا... اناااااااااا.. واعوذ بالله من كلمه انااااااااا.. العنود بنت........ المحترمه.. تتخبرين منوه انااااااااا افااااااااااا والله. ما توقعتها.. تباااااااااااا لك روزه خانووووووووم
روضه: روزه؟؟
العنود:هههههههههههه بالمصري الضاد زاي ههههههههههه كيفج عااااااد محد قال لاهلج يسمونج روضه.. خخخ
روضه:لاوالله..
العنود:هههههه اتصدقين توني انتبهت انتي اي روضه KG1 ولا KG2
روضه:خخ وشو المفرووض اقول لا اضحك بس.. سخيييييييييييفه وحده.. يالله باااااااي, ما احبج..
العنود:ههههههههههههه ماعليه بتحتايين وخصوصا اليوم خخخخخخخخخ
روضه:مصيبه يوم اتكون الحايه بنت كلب.
العنود:خخخ بنت كلب ولا بنت حمار المهم انج محتااايه لي خخخ .. يالله مابنزود كلام.. بشوف منوه بتسير وياييه وبنييج وبناخذ الاغراض تامرين بشيء ثاني اخت رووزه.
روضه وهيه عاضه شفايفها:سلامتج انوود.
العنود عقت حياتها: وششوه..
روضه: االايرانيين ما يقدرون ينطقون العين.. الا الف.. بدال مانتي عنود.. انتي انوود خخخخخخخ يالله بايو حبيبتي انوووووووود..
العنود: سخييفه.. هههههههههههههههه باي.مابغلط عليج انتي عرووس. خخخخ بس اتري لين بعد شهر العسل.. وفالج طيب.
روضه:خخخ والله انتي متأمله انه في شهر عسل.. خخ هذا وانتي عارفه بالموضوع من طأطأ ل سلام عليكم.. خخخخخخخخ
العنود:انزين ممكن يوديج مكان انتي شوه دراج.. جاد ربج يكون في قلبه اشوي رحمه.. ويسفرج بلادج... اقصد يوديج سياحه.
روضه: اقوووووول يا زينج وانتي ساكته بس.. يالله باي..بسير اكمل الاغراض بتذبحني امايه لو درت اني لين الحين ماخلصت الترتيب في البوكسات. يالله اترياج.
العنود: اوكي.. احتمال على الساعه 4 اناعندج.
روضه: زين ماعليه.. اذا ماخلصت بتساعديني .
العنود:ان شاء الله.. يالله بسير اتسبح الحين وبشوف خواتي .
روضه: اوكي.. نعيما مقدما
العنود:الله ينعم عليج حبيبتي... باي.
روضه:باي..
يت العنود والخدامه لانه ولا وحده من خواتها طاعن يسيرن وياها.. خصوصا انه ختها هند ما اتداني روضه من يوم هن صغار.. وختها نوره عندها امتحان باجر.. وامها فيها حمى وزكام مارامت اتسير.. شلت الاغراض في سياراتين ورحت. واول ما وصلت البيت.. خلت الخدامه تدخل قبل..
العنود: ميري انتي روحي اول وخبريهم انه في اغراض العروس.. وسأليهم وين الغرفه مالتها.. اوكي..
ميري:زين مدام.. اوكي..
اشوي وتطلع لهن ميره..
ميره:مرحبا..
العنود استحت:اهلين اشحالج.
ميره:الحمد لله يسرج الحال.. آمري اختي..؟
العنود:مايامر عليج عدوو.. بس لاني يايبه اغراض روضه وابغي ارتبهن
ميره:ايوا.. انتي بس؟
العنود:هيييه.. برتب الاساسي والباقي بترتبه روضه على هواها.. كله مغلف.. ومرتب بس ابغي احطه في الكبت..
ميره هزت راسها: انزين تعالي.. بس من الحين اقولج وراج واايد شغل.. والخدامه تقدر اتساعدج.
العنود: شغل؟؟ شغل شوه ورايه؟ اغراض روضه مش وايد..
ميره:تعالي داخل.. محد في البيت امايه ويدوه فاطمه سارن بيت عميتيه وبيين المسى.. واحمد مش موجود وابويه في المزرعه خذي راحتج..
العنود:ايوا.. انتي توأم صح.؟
ميره:هييه انا ميره .. وختيه مهره توأميه.. بس مهره الحين راقده مصدعه توها يايه من الجامعه... تعالي بوصلج القسم..تراه براا مش في البيت.
العنود: اوكي..!!
سارن لين قسم روضه.الي هوه كان عباره عن ميلس داخلي على طرف حوي البيت.. كان عباره عن ميلسين وبينهن مساحه مفتوحه في طرفها حمام .. الي سووه انهم صغروو من حجم الميالس من داخل بحيث انه واحد من الميالس خلوه الحجره الرئيسيه وسو لها حمام وغرفه ملابس.. والميلس الثاني قسموه وخلوه حجره ثانيه والجهه الثانيه سكروها وسوه مطبخ.. والحمام عدلووه وخلوه حمام في الصاله.وطبعا هم حطوا الاشياء الاسياسيه والتحف بس محد مرتب شيء.. يعني كل الكراسي مصففه بدون بترتيب والتلفزيون مش مركب.. والصاله وصخه مش نظيفه.. والحمام مش مغسول وغرفه النوم المصيبه الاكبر.. اللهم بس انهم مركبين الاثاث كل شيء في مكانه.. بس السرير ماعليه اي غطا.. والتحف محطوطات كلها فوق السرير.. والغرفه الثانيه بس حاطين فيها الزباله مالت كراتين الاثاث والتحف.. من وصلتهن ميره للين الباب.. عطتهن المفتاح.
ميره:اندووج هذا المفتاح.. بس نصيحه قبل ما تيبين الاغراض دشي وشوفي القسم اول وبعدين هاتي الاغراض..
العنود:ليش؟ شوه فيه القسم..
ميره هزت راسها : انتي شوفيه بس.. انا آسفه هذا الي اقدر عليه بس. بالتوفيق ومع السلامه.. ومن تخلصون فيكم تروحون
العنود:نعــــم..
ميره هزت كتوفها وسارت عنهم..فجت العنود الباب. ودخلت القسم..يمكن كملت ربع ساعه واقفه عند الباب وهيه اتشوف الفوضي الي في القسم..حست انها بتصييح. معقوووله لها الدرجه وصلت فيهم الوقاحه... لهاي الدرجه.. مسحت دموعها الي نزلن. ودخلت القسم وبدت اترتب ويا الخدامه.. بس دقت لامها وقالت انها بتتأخر لانه وااايد شغل عندها لانه قسم روضه بعده مش مخلص وبتساعدهن على شان يخلصونه.. ماقدرت اتقول انها روحها الي بستوي كل شيء .. لانه تعرف امها ان درت بتي حتى لو كانت بتمووت من الحمى الي هيه فيها..كانت الساعه7 يوم خلصت العنود ترتيب الصاله وغرفه النوم.. ومابقى لها الا انهم ينظفون الحمامات.. ويرتبون التحف في القسم.. ويطلعون الزباله براا.. وفعلا بدن وخلصن على حدود 10..ومن خلصت بدت اترتب اغراض روضه مثل ما خبرتها روضه .. بالظبط... خلصت كل شيء بحدود 11 ووصلت البيت ع الساعه 12 وربع.. وسيده اتسبحت ورقدت. ماسمعت التلفون يصيح.يوم اتصلت بها روضه.. الي كانت حفزانه لانه اليوم عرسها..وماقدرت تنام.. وفوق هذا كل ما كانت تتصل بالعنود علشان اتخبرها شوه سوت بالترتيب.. العنود ما كانت اترد عليها.. وصلت الساعه 4 ولين الحين روضه ماقدرت اتنام...من اذن الفير.. قامت وصلت وبعدين رقدت..دقت عليها امها الباب ع الساعه 2 نص لانه العنود يتها.. تبا اتسير وياها الصالون..
العنود: يااااااااااااالرقاااااااااااده. كل هذا رقااااااااااد.. قلنا اليوم عرسج بس ترقدين لين الظهر.. وانتي بنت ماسويتها..خخخ
روضه وهيه اتحك شعرها: اقوول اكريمينا بسكوتج يالله.. دخلي بصلي الظهر وبييج.
العنود: ههههههههه انزين.. يالله على فكره تراني يوووووووعانه حدي..
روضه: انزين سيري تغدي ويااهم بصلي وبييكم.
العنود: انزين.. حلات البيت الهادي مافيه ريااايل ..
روضه: وابويه ويين ان شاء الله.؟
العنود: لاا ابوج انا عادي عنده. يعني عادي آكل جدامه اقصد انه ماعندج خوان.. في الحاله هاي صعب اني اطلع واتغدى ويااكم فهمتي..
روضه:للاسف كان عندي اخووو بس ما عاش.. امي طرحت في الشهر السادس
العنود: والله؟؟
روضه:هذا الي عرفته امس.. الا ماقلتي لي شوه سويتي البارحه.؟
العنود: هااه.. ااااااء . مااشيء.. انتي سيري صلي اول وبعدين تعالي بنتغدى وبعديييين بقولج..يالله بسرعه تراني يوعانه..
روضه:هههههه ان شاء الله يا المفجووعه.. من يسمعج يقول انج تعبرين الاكل.. كلها على بعضها لقمتين وتشبعين.
العنود: اللهم مالك الحمد والشكر.. بطني صغير.. وعلى قولت امايه. اكلي واكل العصفور. نفس الشيء.خخخ
روضه:ههههههههههههه انزين يا بطن العصفور سيري اتغدي بييكم..
العنود:احم احم.. اوكي.
سارت روضه والعنود تمت اتشوفها واتفكر بحالها.. اذا هاي بدايتها كييف يوم تتي بيتهم شوه بيسوون فيها.. الله يعينج يا روضه..والله انج ما تستاهلين الي يصير لج..آخ بس لو انه فهد اتقدم لج كان عشتي براحه.. ولا ها المذله الي بتعيشينها في بيت عمج..مسحت دمعتها ونزلت تحت لقت ام روضه اتحط غدا لناصر وبتشله الحجره لانه بعده جرحه يعوره.
لطيفه:قربي يابنتي ولا تستحين غرفي لج غداا واتغدي.. روضه وين؟
العنود:الحين بتي.. بتصلي وبتي.. بتريااها.. وانتي عموه ما بتتغدين.؟
لطيفه:لا يابنتي..بتغدى ويا ناصر.. اتغدي ويا روضه انتي.. وسيرن الصالون هبابكن لين تخلص روضه يبالها وقت..
العنود: ان شاء الله عموه... بس انتي ما بتين ويانا؟
لطيفه:لا يابنتي وين اباااااا..
العنود:علشان تتعدلين بعد هذا عرس بنتج؟
لطيفه:ههه فديتج والله .. وين اتعدل انا.. عيووز.. سيرن انتن وخلصن. ترااه الحرمات بيين اهنيه..
العنود:ليش اهنيه ومش في القاعه نفس الرياييل.؟
لطيفه:لاا الحرمات بييكونن هنيه في البيت والرياييل في القاعه.. وروضه بنحطها في الميالس.. من يخلصن الحرمات عشى بنطلعها.. وبعد العشى بييها ريلهاا وبيشلها.
العنود: ايواا.. بس ليش جذيه عموه؟
لطيفه:والله يابنتي ماادري جذيه هم بغوو... يالله بودي الغدا لناصر..
العنود: ان شاء الله..
واشوي ويتها روضه.
روضه:ليش ما تغديتي.؟
العنود: بغيت اترياج.. يالله بسرعه تغدي بنسيرالصالون.
روضه:ماابا غداا..
العنود:نعم.. جاني من متى اترياج وفي الاخير تقولين لي مابا غدا.. لعب عيال هووه. وبعدين لا تنسين انه وراج عرس. يالله بسرعه تعالي كلي.. ترا والله انا الي بأكلج. غصبن عنج.
روضه:هههههههه انتي بتأكليني. زين والله..
العنود:اوكي بس لاتلوميني اذا غصيتي..
روضه:ههههههههههه لا حبيبتي مشكوره. باكل روحي.. الروح غاليه.
العنود:خخخ يالله سمي بأسم الله.
روضه:بأسم الله..
من خلاصن سارن الصالون.. موعدهن الساعه 3 خلصت روضه الساعه 6 ولبست الفستان ورجعوا البيت ويلست في الميلس... دخل ابوها عليها... وقالها انه المليج براا يبى يملج بهم.. وقفت عند الباب لين خلص المليج اسأله وعطاها اتوقع ومن خلص روح هووه. دخل ابوها واحمد.وعمها عبدالله
عبدالله:مبرووك يابنتي.
روضه:الله يبارك في حياتك عمي.
ناصر اتقرب من بنته وحبها على راسها:مبرووك يابنتي.
روضه وفي عيونها دموع:الله يبارك في حياتك يا الغالي.
ناصر:احمد بنتي آماانه في رقبتك.. ما اوصيك عليها. وانا عمك.
احمد بدون نفس: ان شاء الله ..عم..ي..
طلعوا ابوها وعمها وتم احمد واقف عندها ولين الحين ما رفع عينها على ويها كان يشوف فستانها من تحت..
سار ويلس على الكرسي الي عداله وهيه تمت واقفه
احمد:يلسي روضه بتكلم وياج قبل ما ارجع القاعه.
روضه يلست لانها كانت تنتفض وخايفه
احمد رفع عينه وشافها: ................ شوفي الي... بقوله لج..
(هز راسه وبدا يتكلم) انتي اتعرفين وضعنا عدل.. اتعرفين ليش انا خذتج.. وما اظن انه له داعي اقول لج. كيف.صح.
روضه هزت راسها بمعنى هييه .. وعينها على الارض.. مارفعتها..
احمد: وعلشان ما اخليج اتعيشين احلام ورديه وتنصدمين بالواقع نحن ما بنكون زوجين طبيعيين.. مثل اي زوجين.. اظن انتي فاهمه عليه ومافي داعي اني افسر اكثر صح.
رجعت وهزت راسها..وما تكلمت وهيه راصه على الباقه الي في ايدها..
احمد: ومدام انج فاهمه.. ف بقولج كيف بتكون حياتنا.. بنكون جدام الناس انا زوجين عاادييين.. بس بينا نحن عكس ها الشيء. يعني اول شيء كل واحد بيتم في غرفه. ومافي بينا اي توااصل.. الدراسه بتكملينها عادي.. والمصرووف انا فتحت لج حساب وكل شهر بينزل لج معاش فيه مبدأيا 5000درهم شهريا.. واذا ماكفنج بزيدهن لين 10000 . درهم..يعني ما بقصر عليج بشيء.. بتكون عندج سياره اتوصلج للجامعه مع خواتي او بدونهن اذا كانن كلاساكن يخلصن رباعه.. اهلج مابمنعج عنهم اي وقت انتي حابه تيي على راحتج.. بس لا تفكرين اني انااا اوصلج لهم او لاي سبب كان.. هذا شيء. والشيء الثاني انه اهليه كلهم يعرفون الوضع الي نحن فيه.. فما له داعي انمثل قدامهم.. بس اهلج
روضه رفعت راسها: لااااااااا ماابااهم يعرفون بأي شيء. لو سمحت
سرح احمد بعيونها خصوصا انه الجحال وايد برزهن.. وبان اللون الرمادي عدل: ا.. نزين.. كيفج..على العموم هذا الي عندي.. وهيه شهر العسل مافي.. ترااااااااااه بنرجع البيت على طول.. ومافي حواطه ابد..خصوصا اني مضعووط هاي الفتره واايد..
روضه:هه بتحضيرات لعرسك الياي..
احمد انصدم: انتي شوه دراج..؟|
روضه: وليش المفرووض ما ادري شوه؟؟؟؟ هه انه ولد عمي بياخذني فتره وبعد العرس بياخذ حب حياته بنت خاله.
احمد: جان يااازلج ها الشيء. ترااه صح.. واذا ما ياازلج ها الشيء .. فهو مشكلتج انتي.. ويكون في علمج يوم بتتكلمين عن نوف تكلمي عنها بكل احترام فاهمه.. يااااا
روضه: يااا شوه احمد... بنت خريج السجون.. يكون في علمك بس. لي الفخر انه ناااصر بن.. ابوويه.. ويوم بتتكلم عنه حط ايدك على راسك يوم بتنطق بأسمه بس.
احمد:نعم؟؟ اسمييج بتبطين انتي ويااه.. المهم مابكدر مزاجي .. لو انه مكدر من الاساس.. اعتقد وصل الي ابغي اوصله لج..
روضه: كيفيت ووفيت ولد عمي.. خلاص وصل كل شيء..
احمد رفع حياته: زين عيل.. يالله بااي.. وهيه مبرووك عليج اناااااااا هه
روضه: بااي... والله لايبارك ..
احمد مسك اييد روضه: احترمي نفسج احسن لج لاعلمج الاحترام زين.
روضه:ااااي فج ايييدي..
احمد: عيل رمسي زيين. وعن قله الادب.
روضه: انا الي قليله الادب ولا انته..
احمد وهو راص على ضروسه: رووووويض احسن لج تسكتين ولا ترااه والله مثل ما ملجت عليج الحين.. اطلقج الحين. واخلي طاريج على كل لسان.. واتخيلي الكلام الي بيطلع طلقها في ليله عرسها.. اكيد لقى عليها شيء.
وهو يتكلم روضه ما حست بعمرها الا وهيه تعطييه طراااااااق على وييهه بأقوى ما تقدر. احمد من ياه الطراق فج ايدها ووقف مبهت.. روضه من ضربته اخرت وراا من الخوف.. خافت منه انه يرجع يضربها .. وبتصير فضيحه خصوصا انه في حريم براا.
نزل ايده عن خده ورفع عينه عليها: هييين يا روويض والله لادفعج الثمن غاالي.. هيين.. والله لاخليج اتصيحين بدال الدمووع دم.. وبخليج تندمين بدال المره عشر .. هين.. بس مش وقته الحين. اتريي الليله ..شو الي بييج
طلع عنها وهيه من الخوف الي فيها يلست على الارض.. ومن طلع هووه دخلت عليها العنود.. ومن شافتها بها الشكل ربعت صوبها..
العنود: روااضي شووه بلاج وليش يالسه على الارض..؟ شوه مستوي؟
روضه هزت راسها ماقدرت تتكلم وهيه تنتفض. من الخوف..وقفتها العنود ويلستها على الكرسي وسارت تيب لها عصير.. لانه البنات وصلن ويبن يشوفنها.. من خلصن الحرمات عشى دخلن يشوفن روضه من بعد ما هدت اشوي.. وصلت الساعه 12 واحمد بعده ماا ياا الحرمات كلهن روحن والعرس خلص.. وهو لين الحين ماايا..
لطيفه: ناصر اتصل به شوفه وينه .. اذا بيتأخر بتبدل روضه فستانها؟
ناصر:الحين بشوفه وين.. خلي روضه اتبدل
لطيفه: لااااا ابغيها اتسير بيتها وهيه بفستان العرس.. خواته وامهاته مااين خلهن يشووفنها..
ناصر:ليش مااين؟
لطيفه:ما ادري بهن.. يمكن نحن مش من مقامهن..
ناصر: لا تحطين في ذمتج يابنت الحلال.. يمكن عندهن ظروف..
لطيفه: اي ظروف انها تمنع الام تحضر عرس ولدها.. خل الام وين خواته.. وعمته وبناتها. وين خالاته وبناتهن.. مستحيل كلهن عندهن ظروف.. الا شوه بقول الله يعين بنتي عليهن بس.
ناصر:بنتج قويه وما ينخاف عليها.. هذوه احمد وصل..
انتي دخلي عند بنتج وخبريها ريلها ياا.. خليها تتجهز.
لطيفه: ان شاء الله.. الحين بسير لها
دخل احمد ويلس عند عمه لين تيي روضه. الي كانت بعدها لابسه فستان العرس.. ماخلتها امها اتفجه.لبستها عباه وسارت وياها الصاله.ومن دخلت رفع احمد عينه عليهم.
احمد: جان بدلتي فستانج.؟
لطيفه: ملابسها كلهن عندكم في البيت.. بتبدل اهناك..
احمد:اها.. يالله عيل سرينا..
لطيفه:االله يوفقكم يارب. وهاالله هالله في بنتي يا بوشهاب..
احمد وهوه مبتسم:لا توصين حريص عمتيه..
روضه كانت تنتفض ماقدرت اتقول شيء. في حياتها كلها ماكد خافت قد ما اتخاف الحين. من احمد.. خصوصا الي سوته مب هين.. حتى هووه الكلام الي قاله مب هين.. بس هيه مش عارفه شو بيسوي الليله.. اكيد بيقتلها ضرب..ومن بيقدر يدافع عنها. خصوصا انه اهله كلهم يعرفون ليش خذها..مسكها بيدها علشان اونه يساعدها ويوصلها لين السياره حسيت انه ايدها بتنكسر من كثرالويع.. لانه كان ضاغط على ايدها بقووه. من الضيقه الي فيه..من سمع انتها من الويع زااد الضغط عليها..السواره كانت بعد ضاغطه وانكسرت من كثر ضغطه . وطاحت عند ريولها يوم ركبت السياره..طول الدرب هي ساكته.. وهو ساكت. وصلوا البيت ووقف السياره قدام القسم. نزل وخلاها في السياره..من فتحت باب السياره ين خواته وامه
مهره: مبرووك ياعروس.
ميره: مبرووك.
روضه:الله يبارك في حياتكن.((وكانت ضاغطه على ايدها من الويع))
ميره انتبهت انه روضه ماسكه ايدها وحست انه في شيء مستوي..
مريفه سارت عند ولدها وباركت له.. وخلاف يت عن روضه
مريفه:مبرووك ياروضه.
روضه:الله يبارك في حياتج..
احمد: روضه هاي اماييه مريفه.. اتحطيينها فوق راسج تفهمين ولا لاااااااا وان قللتي ادبج جدامها والله لاترفس في بطنج ولا اهتم ان متي ولا عشتي..كله ولا امي ولا وحده من خواتي.. فاهمه.
مريفه:احمد شوه هاي الرمسه الله يهدييك حد يقول لحرمته هاي الرمسه.. ولا في ليله عرسها.. تعالي يابنتي تعالي. وماعليح منه.. مسكت روضه بالغلط من ايدها الي اتعورها بغمت روضه من الويع.
مريفه من سمعت بغمه روضه فجت ايدها وخافت: شوه بلااااااج؟
روضه:آسفه .. بس لاني ايدي اتعورني .. طحت عليها.. السموحه..
مريفه مدت ايدها اتشوف ايد روضه:عطيني اشوفها..
بس روضها بعدت ايدها عنها خافت انها اتشوف صبوع احمد مبينات.خصوصا انه روضه بيضى وايي ضربه لو بسيطه اتبين فيها.
روضه: لاا .. عادي فديتج باجر بتصح. وبيخوز الويع عنها..
مريفه: ان شاء الله.. اذا ما خاز باجر خبريني بسوي لج دواا زين حق الوريم والكدمات..
روضه: ااا ان شاء الله.. مشكوره فديتج
مريفه:ههه العفو يابنتي.. يالله عاد احمد دخل حرمتك داخل.. وحده منكن اتساعدها على شان اتفج فستانها.
مهره:ان شاء الله امايه.
احمد: لاا ماله داعي. انا بساعدها.. برايكن انتن سيرن رقدن. يالله تصبحون على خير. تعالي روضه.
روضه : اااه..
مريفه: الي تباه يا بويه.. يالله عيل تصبحون على خير. ومبرووك مره ثانيه.
احمد: الله يبارك في حياتج..
مهره ميره: تصبحون على خير.
روضه و احمد: وانتوا من اهله.
مسك ايد روضه الي تعورها وسحبها على شان تدخل القسم. ومن دخلت سكر الباب وراها ووقفل الباب..
احمد ابتسم: والحين يا روويض صرنا روااحنا.. والله محد بيفجج من ايدي لين الصبح.
روضه خافت: احمد دخيييلك .. انته الي بديت. الكلام الي قلته كان قاسي..
احمد: لا والله .. عيل وحده حقيره مثلج اتمد ايدها عليه انااااااااا لااااااااا حبوبه ماعااااااااااااش الي ايمد اييده عليه.. سيري داخل وفجي ها الفستان بسرعه.. عندج عشر دقاايق بسرعه.
روضه: بس..
احمد: صارن 9 دقايق..
روضه:ااااه .
ربعت صوب الحجره الي اشر لها احمد.. وسارت لين الحمام فجت الفستان.. وخذت لها قميص النوم الي كان معلق براا ولبسته... وحطت عليه الروب. وطلعت بسرعه. كانت تتحسب احمد بعده في الصاله. بس اتفاجأت انه في الحجره ومسكر الباب.. وفاج كندورته.. من شافته اتصنمت في مكانها اتقرب منها احمد..وعطها طرااق بأقوى ماعنده.
احمد: وحده حقيييره مثلج انتي تصفعيني..
رجع وعطاها الثاني
احمد: انتي يا الواااطيه اتمد اييدها عليه انااااااااا. ((مسك شعرها عدل ورجع عطاها طراق ثالث..ورابع وهيه اتحاول تتجنب ايده اتحرك راسها على شان يفجه بس ماقدرت لانه ماسك في شعرها عدل.رجع عطاها طراق..حاولت انها اتدزه بس ماقدرت حطت ايديها على صدره علشان تدفره ماقدرت.. كل ماكانت تقاوم كان يصفعها.. حاولت انها توصل لويهه علشان تشمخه مسك ايدها الي تعورها وحاسها لها... وبيده الثانيه مسكها من خصرها وزر عليها حست روحها بتطلع مع كل هذا الضرب الا انها ما صاحت.. كانت اتقاومه وكل ما قاومته كان يضربها.. لين شبع .. فرها على الشبريه بعد ما طر لبسها...............
نهـــــــــــــايه الفصل الاول..
الفـــصل الثاني
قامت الفير وجسمها كله يعورها... سارت الحمام وخذت لها شاور.. طلعت منه على آذان الفير.. شلت السياده وشيله الصلاه.. وطلعت من الحجره بدوون ما اتوعيه.. صلت في الحجره الثانيه يلست اتصيح لين غفت عينها.. انتبهت ع الساعه 9 رجعت الحجره خذت لها ملابس ومكياج علشان تخفي اللون العيناوي والاسود الي فيها ويها من كثر الطراقات الي ينها..وطلعت براا.. سارت الصاله ولقت حرمه عيوز يالسه تتقهوى روحها. ومن شافتها العيوز عرفتها سيده..
فاطمه: تعالي ياروضه..
اتقدمت روضه منها : السلام عليكم.
فاطمه: وعليكم السلام قربي يابنتي.
اتقربت روضها منها وحبتها على راسها: اشحالج... يدوه.
فاطمه: بخير .. ياغير اانا مش يدتج..
روضه نزلت راسها : السموحه منج..
فاطمه: عادي.. لو انه ابوج كان يسميني امييه. والا اشحاله سمعت انه استوى له حادث.. وكان يعري؟؟
روضه: الحمد لله حاله احسن. هيه طاح على خشبه ويرحت له ريله.. بس الحمد لله الجرح مب غزير.
فاطمه: الحمد لله.. صبي لي قهوه..
روضه: ان شاء الله..
صبت لها فوق 5 فنايين.. وكل ما قالت روضه في نفسها هذا الاخير.. اترد وتعطيها الفنيان من دون ما تهزه .. يعني بعدج صبي.. اشوي وتدخل عليهم ام احمد.
مريفه: اووه ماشاء الله العروس واعيه من الصبح.. زين والله. السلام عليكم.
روضه وفاطمه: وعليكم السلام ..
فاطمه:هذا الي ناقص بعد.. عرووس وترقد لين القايله.. منقوود..
مريفه:يالله ياعمتيه الحين كلهن جذيه .. عروس ولا غيره.. هاذن بناتي يوم الاجازه ما ينشن لين القايله..
فاطمه:هذيلا ماعليهن ماوراهن ريل ومسؤليه.. الا انا اطري الحريم المعرسات. المفرووض الحرمه من تعرس خلااص.. اتداري بيتها وريلها. واتقوم به. حتى الطبيخ تطبخ له.. جذيه كنا. نحن. من صباحيه عرسنا انش الفير وندخل المطبخ وانسوي الريوق والغدا..
مريفه: الحمد لله الحين ياعميته كل شيء متوفر الخدامات والطبابيخ مش مقصرين..
لطيفه: ياحافظ عليج.. ابويه شوفي الريال مايحب اكل الطبابيخ والخدامات.. لازم يخلي حرمته هيه الي تطبخ له.
روضه: ان شاء الله عموه. بسوي له الغدا..
مريفه: شوه بتسوين له الغدا.. لا يابنتي الخدامات يسون كل شيء انتي بس ريحي عمرج. الا شوه سوت ايدج.
روضه نزلت عينها : الحمد لله احسن..
((لو انها اتحس انها بتنكسر خصوصا انها كانت ماسكه الدله بها وبدت اتقهوي عمتها مريفه بعد ماخلص دور العيوز فاطمه))
مريفه:هييه ياحيج والله.. الا ريلج وين؟
روضه: رااقد..عموه..
فاطمه: فديته انا. ماباركت له.. وعيه حق الصلاه الظهر.
روضه: ان شاء الله..((وفي خاطرها اتقول يحلم اني اييه واوعييه))
يلسن لين آذن الظهر..
فاطمه: رووضه نشي ووعي ريلج للصلاه الحين .
قامت روضه: ان شاء الله..
سارت القسم وشافته بعده راقد..خلت الباب مفتوح وشغلت التلفزيون وعلت على الصوت.. من الصوت احمد فز من الرقاد.
احمد: انتي خبله شوووووه.. قصري على التلفزيون.. صمخه ما تسمعين؟
روضه قصرت على التلفزيون: لا مش صمخه بس قالو لي اوعيك لانه اذن الظهر..
احمد: وجذيه الناس اتوعي..؟
روضه هزت كتوفها: ماعندي غير هاي الطريقه..
احمد: اذا ماعندج بعلمج كيف الناس توعي..شكل الي ياج البارحه ماكفاج.
روضه خافت وسارت صوب باب القسم: لااا دخيلك.. حرام عليك. انا بسير عند امك في الصاله.. ترااه اذن وبيقيم الصلاه بعد اشوي.
احمد: تعالي...
روضه: نع..م..
احمد : سيري فوق وهاتي لي ملابس بسرعه.
روضه عقدت حياتها: فوق؟؟ وين فوق؟؟
احمد: وين بعد فوق.. في غرفتيه.. ان شاء الله تتحسبين اني بتقاسم ها القسم وياااج.. لا حبوبه..هاي اول مره وآآآآآآآآآآآآآخره مره برقد فيها هنيه
روضه ببرود: انزين انا ماقلت لك تعال ارقد اهنيه. انته الي فرضت نفسك
احمد:كيييفي.. والحين يالله سيري فوق وهاتي لي ملابس وفوطه بسرعه.
روضه:وليش انته ما اتسير فوق وتسبح وتلبس على هواك.. يمكن الملابس الي بيبهن انته ما تباهن.
احمد :عادي .. اذا ما عيبني الثياب بترجعين تيبين غيرهن.. حتى لو سرتي عشر مرات. مايهمني..
روضه: احمد...
احمد: وضرس ان شاء الله. يالله بسرعه بيقيم الصلاااااااااه.. بسير اتسبح وبخلص بلقى الثياب اهنيه فاهمه ولا لاااااااا.. ولا انتي اتعرفين زين شوه بييج((كان يتكلم ويمسح على ايده ويفنخ عليها بمعنى انه بييج طراق ثاني ان ماسرتي)
ربعت روضه صوب الباب.. معنه جسمها كله يعورها الا انها ما بغت انه يزيدها ضرب.. طلعت براا ولقت مهره.يالسه تشرب شاي.
روضه:مرحبا..
مهره : مرحبتين ياهلا بالعرووس. اشحالج.؟
روضه وهيه موخيه راسها: الحمد لله يسرج الحال.. الا بغيت اسألج شيء.
مهره عقدت حياتها:آمري؟
روضه: ويين.. قسم احمد الي فوق.
مهره: فوق.. اول قسم على اليمين ليش؟
روضه: يباني اييب له ملابس بس انا ما اعرف وين غرفته.
مهره ابتسمت : مب مشكله تعالي.. واعرف اي ملابس يبى بعد تعالي بدلييج.. وين اغراضه.بس لاتقولين له اني ساعتج. اوكي
روضه: او.كي..
سارت ويا مهره لين فوق.. وطبعا بما انه البيت هادي بطبعه.. فكان القسم الي فووق صاامت.. من دون اي صوت.. راحن قسم احمد ودخلت مهره سيده للغرفه.. تمت روضه واقفه في الصاله.. اتشوف الي حواليها.زقرتها مهره وسارت لها الغرفه.دخلت غرفه احمد .. وكانت غرفه حلوه يغلب عليها اللون الازق.. الستاير والفراش.. واللوحه المعلقه شافت كم دبدووب فضحكت .
مهره: هه ليش ضحكتي شوه فيج؟
روضه:هه ابد بس ما توقعت اخوج من النوع الي يحب الدباديب.. شوفي كم واحد موجود عنده.. وانا بنت في حياتي ما اشتريت لي واحد.
مهره نزلت عينها: هذيلا احمد ما اشتراهن..
روضه فهمت عليها انهن هدايا..: ايوواا.. قصدج هدايا من عند..
مهره: المهم.. الحين احمد صار من نصيبج..والله يهنيكم.
روضه: هه على شوه الله يهنينا مهره.. اعتقد انج تعرفين الواقع فما له داعي انج اتمثلين عليه.
مهره انصدمت: شووه قصدج؟
روضه: انا ادري انه احمد يحب نوف.. وناوي انه ياخذها عليه .. وانتي تدرين بها الشيء..
مهره فجت عيونها: يعني احمد خبرج؟
روضه :هه بتصدقين لو قلت لج اني كنت ادري من قبل ما ياخذني احمد انه بياخذ بنت خالج.. بعد ما ياخذني. وانه بنعيش في غرفتين.. منفصلات لين يعرس وينتقل ويعيش وياها في بيت ثاني.
مهره: شووه؟؟ من .. كيف عرفتي.
روضه: مب مهم كيف عرفت بس المهم اني عرفت.. واحمد ماقالي انه بينتقل وياها.. الي قاله انه بياخذ عليه بنت خاله.. يالله وين اغراضه بيصلون الحين..
مهره: اوك..ي..
سارت مهره وطلعت من كنادير احمد اليداد كندوره زرقا.. مع سفره زرقا. وعطرتهن بعطره الي يحبه. وطلعت وزار وفانيله من اليداد وفوطه وعطتهن ل روضه. الي شلتها ونزلت سيده تحت.. مافيها تتأخر عليه واتجرب حراره طراقه مره ثانيه.. دخلت القسم ولقت انه بعده في الحمام.. علقت كندورته والسفره على طرف الشماعه..وحطت الوزار والفانيله والفوطه على الكرسي. وطلعت من الغرفه وسارت الصاله تمسحت في الحمام الثاني. وصلت في الغرفه الثانيه.. خلص احمد ولقى ملابسه معلقات ومعطرات دورها ماحصلها..بعد ما لبس وخلص. طلع لقاها اتصلي في الغرفه الثانيه.. اذن الاذان الثاني لصلاه الجمعه شل سويجه وبوكه وطلع من القسم..هيه خلصت صلاه ويلست تقرى سوره الكهف.. بالعاده تقراها قبل الصلاه.. بس خافت انه يطلع احمد ويطرشها مكان ان شافها تقرى.. فصلت سيده.. ومن خلصت قرايه.. رجعت الحجره ورتبتها وشلت ملابسه الي في الحمام وحطتهن في كيس..مع ملابسها المطروره وحطتهن في الزباله.. ماتبى شيء من ملابسه عندها. حتى الفوطه مالتها الي استخدمها عقتها في الزباله.. تعدلت وطلعت يلست في الصاله.. اشوي وتنزل لها ميره..
ميره: مسى الخير.
روضه: هلا مسى النور..
ميره: ناشه من وقت.. الكل يتكلم عنج . ماشاء الله عليج.
روضه: والله.. منوه الي يتكلم عني.؟
ميره: امايه. كانت تمدحج. خخ
روضه استحت: فيها الخير..
ميره: الا شوه اخبارج .؟
روضه نزلت راسها: بخير.
ميره: شوفي روضه بكون صريحه معاج يمكن بعدج ما تعرفيني بس انا ضد الي يصير..
روضه عقدت حياتها: شوه قصدج؟
ميره: خبرتني مهره بالي قلتيه لها.. ويكون في علمج من اول ماصار الموضوع وانا ضده.. وتكلمت مع احمد اكثر عن مره.. انه حرام ومايصير.. بس مافي اي فايده.
روضه: الحمد لله على كل حال.. ياميره..هذا مكتوب.
ميره: والنعم بالله.. بس بعده حرام.شوفي بأمانه من اول ماشفتج انا ارتحت لج.. واذا حسيتي بملل ترانا موجودات.. وانا بتكلم عن نفسي . انا وياج. في كل الحالات
روضه:ههه فيج الخير.. يابنت عمي..
واشوي ويسمعون صوت الريايل يوو من المسييد. عمها عبدالله وعداله احمد. كانوا يسولفون.
عبدالله واحمد: السلام عليكم.
روضه وميره: وعليكم السلام..
قامت ميره وحبه راس ابوها.. نشت روضه وسوت مثلها. بس صد عنها ويت البوسه على طرف راسه مش في اليبهه
عبدالله ببرود : اشحالج يا روضه.
روضه نزلت راسها وعضت على شفايفها: بخير ربي يسلمك ياعمي. اشحالك انته.؟
عبدالله اتأفف : الحمد لله بخير .. الا وين امج مهره.
ميره: احيدها فوق اتصلي.
.رجعت روضه ويلست مكانها .. واحمد يالس عدال ابوه ميره يالسه بينها وبين ابوها..ويابو الغدا وحطوه على الطاوله. تموا يسولفون احمد وابوه.. ومرات تدخل بينهن ميره. وروضه تمت ساكته. اشوي وتدخل عليهم العيوز فاطمه.
فاطمه: السلام عليكم.
الكل : وعليكم السلام والرحمه.
عبدالله: حياج يا امي. تعالي يلسي اهنيه.
فاطمه:الله يحييك ياولديه.. وتلفت صوب احمد الي نش لها يبى يوايها.مسود الويه الحين ياي اتسلم.
احمد:ههههههههه ليش شوه سويت؟
فاطمه: جاني من امس الظهر ماشفتك..
احمد: فدييييييييييييييت عيوزي والله.. انتي تدرين عاد معرس.. خخخخ
فاطمه:عااز حيلك.. درينا انك معرس.. ياغير ها الشيء مايمنع انك تي واتسلم.. ولا شبصت ويا روضه ونسيت اهلك.
احمد:ماااااااااااعااااش الي ينسيني اهليه فدييتج... لا روضه ولا غيرها.
روضه من سمعت ها الكلام نشت وسارت حجرتها.
فاطمه: اشعندها سارت.
احمد: بليس بلسها خلج منها.. الا اخبارج انتي ربج بخير.
فاطمه: الحمد لله يسرك الحال.. الا بغيتك اتوصلني العزبه
احمد: فاااااالج طيب.. ماطلبتي يالغاليه.. امره بعد صلاه العصر بطلع.
فاطمه:فالك مايخيب .. عني افدا خشمك.
ميره طلعت وسارت عند روضه. لقتها يالسه في الصاله وهيه تمش عيونها.
ميره: روضه.. ماعليج منهم.. لا تزعلين من يدووه تراه والله قلبها طيب.
روضه:قلبها طيب عليكم مش عليه.. تعرفين انها اليوم الصبح يوم سلمت عليها وزقرتها يدوه.. قالت لي انا مش يدتج.ولا تزقريني يدوه.
ميره: اها.. ماعليج .. انا بكلمها.
روضه: لااااااااا دخيلج ميره.. مافي داعي اصلا انا كنت اعرف ها الشيء.. وابويه خبرني انها في البدايه يمكن ما تقبل بي.. لاني بذكرها بغلطه حياه يدي.. خصوصا اني اشبه يدوه ام ابويه واايد.
ميره: ايواا. جذيه السالفه يعني.
روضه:هييه..
ميره: انزين يالله قومي بنتغدى رباعه..
روضه:مالي نفس والله..
ميره:روضه لا تخلينهم يحسون انهم غلبوج.. خلج احسن عنهم.. قومي يالله الحين امايه بتي .. وامايه اقفه في صفج. ومحد بيغلط عليج يالله قومي.
روضه:والله ما اقدر.. دخيلج.
ميره: لااااااااا مابخليج تنهزمين. روضه لازم اتكونين اقوى عن جذيه..
روضه:اقوى عن شوه؟؟ ابوج واخوج ويدتج.. والله العالم منوه بعد كلهم ضدي.. كم بتحمل انا..
ميره: ماعليه صبري عليهم آخرتهم بيعرفون غلطتهم.. قومي الحين ورفعي راسج انتي ماسويتي شيء غلط.. ولا تنزلين راسج لاي كان..وخلج قويه..
روضه:اااه ياميره.. والله خايفه؟
ميره: ههه لا تخافين ونا ويااج يالله.
دخلت عليهم مهره:مرحبا.. شوه اتسوون هنيه.. يالله الكل يتريا على الغدا
ميره:هه يالله الحين بنيي.. بس العرووس اشوي تستحي.
مهره:ههههه ياويل حالي انا.. يالله.. عاد بنسير وياج
روضه:والله ما اشتهي غداا..
مهره:شوفي روضه.. قانون في العائله الكريمه.. حتى لو ماتبين غدا. على الاقل حضورج مهم.. تعالي يالله.. ولا تخليهن يعصبون لانهم يواعا. خخ
روضه اتنهدت :ان شاء الله.
ميره:هههههههه يالله عاد.. فردي وييهج وبسج زعل.
مهره: وليش زعلانه؟
ميره:يعني ما تعرفين حركات اهلج.. في التنغيص علىيها.
مهره:ااااااااه منهم.. مااعليج من حد. كوني قويه. ولبسيهم. تراني ماقلت شيء.هه
ميره:على فكره روضه.. تراه حتى مهره مش عايبنها الي صار.
مهره: ومنوه الي عايبنه اصلا.. شوفي روضه. حتى احمد وهوه احمد مب عايبنه بس.. شوه نسوي انتوا مجبورين علي ها الشيء.. وما تعرفين اشكثر كان معصب متضايق يوم درا بالموضوع..
روضه نزلت راسها: الله كريم.
ميره: بسنا كلام يالله قبل ما ايييون كلهم هنيه علشان يزقرونا. خخ عادي تيي امايه وبعدها بيي احمد وبعده بتي يدووه فاطمه. خخخخخ كله كوم ويدوه فاطمه بعصاتها كوم.
مهره:هههههههه ما بتدرين الا والعصى على مجفاج خخخ
روضه:ههههه لا عاد كفايه الي ياني
ميره عقدت حياتها: شوه الي ياج؟
روضه:هااه.. اقصد الكلام الي وصل لين الحين.. اما انها تنختم بضرب من العصى. لااا دخيلكم.
مهره: اها.. عيل خلونا نسير. بسرعه.
مهره وميره اتبادلن نظرات.. وسارن مع روضه الصاله.. الكرسي الي في الوسط كان لعمها عبدالله وعداله من اليمين مريفه ومن اليسار فاطمه. وعدال مريفه يلس احمد. والكرسي الي عداله كان لمهره والي عدال فاطمه كان لميره. مهره خذت الكرسي ويلست عدال ميره. تم الكرسي الي عدال احمد فاضي.. فغصبن عنها سارت ويلست عداله.. يوم يلست شافها من طرف عينه.. وكلمها بكل بروود.وهو يصاصرها
احمد: شوه رضيتي.. قالو انج زعلتي..؟
روضه نزلت راسها وبدت تاكل شوربه ولا ردت عليه..
احمد: يعلج ما ترضين زين.. كله واحد عندي.. المهم من اليوم ورايح ماباج تيلسين عدالي..ابد.. سواء على الاكل ولا غيره. فاهمه ولا لااااا.. اليوم بخطفها لج ولا بقومج. والمره الثانيه بحرجج جدامهم وبخليج اتغيرين كرسيج.. كييفج عاد اتحملي الاحراج ..
روضه وهيه راصه على ضورسها: خلااااص فهمت.. ويكون في علمك انا ما كنت ابا ايليس هنيه.. بس خواتك ماخلن لي اي مجال.. بس تأكد المره الياي اذا سون نفس الحركه مابيلس على الطاوله لو كنت بموت من اليوع..كل وانت متطمن..((علت صوتها)) انا شبعت السموحه بس لاني مصدعه بروح اريح..
فاطمه: اشوه بعد مصدعه.. يلسي واتغدي يالله..
مريفه: خليها ياعمتيه.. مرخوصه يابنتي.. اذا تبين بنادول بعطيج..
روضه: مشكوره عموه. فديتج لا والله ما احب آكل بندوول. من ايني صداع انام اشوي .. ويروح الصداع.. يالله السموحه.
ميره: بس ماكلتي شيء.؟
روضه : ابتسمت: ترا قلت لج ما اشتهي.. وما ييت الا عشان ما اردج.. صاح تلفون روضه : هاي امايه.. السموحه...هلا امايه..
لطيفه: اهلين يا روضه وينج يانتي..
روضه حست بعبره : موجوده يا الغاليه.. بس لهيت اشوي.. شوه حالج وشوه حال الغالي..
لطيفه: الحمد لله يسرج حاله.. توه تغدى ورقد. بصراحه قال لا اتصل بج. بس يابنتي والله اني تولهت عليج.
روضه طاحت دمعتها: والله يا امايه وانا اكثر.. تدرين مرات اقول ياريت اني ما عرست ولا فارقتكم.
لطيفه: شوه ها الكلام يابنتي... وبعدين لين متى تبين اتجابلينا.. فجي عنا اشوي.. خليني ويا ابوج انعيد شهر العسل يوم عرسنا ماسافرنا الا من بعد مايبتج بسنتين.
روضه:ههههههه وين سافرتوا؟
لطيفه: سرنا عند يدتج في تركيا..يلسنا عندهم فوق 6 شهور..
روضه:اها.. ما احيد .. يالله الحين مالي خص اتعوضوني واتسفروني مره ثانيه.
لطيفه:ههههه حلاوه هيه.. الحين احمد بيسفرج انتي طلعتي من ذمتنا.
روضه اتنهدت: هه يابعدها.
لطيفه: ليش عاد؟؟ ما عزمتوا تطلعون مكان؟
روضه: ااااء. لااا لين الحين لانه مشغول .. فيمكن بعدين.. بعدين تراج انتي ابويه ماسفرج الا من بعد ما يبتيني بسنتين.
لطيفه:ههه عاد نحن كانن عندنا ظروف. يوم عرست انا يلسنا عند اهليه. لانه ابوي كان مريض ومحد عنده. والله يرحمه بعد ما توفى بفتره عزم ابوج على السفر.
روضه: ايوااا.. زين والله.. يالله الحين سافروا مره ثانيه..
لطيفه: تبين الصراحه والله يبالنا سفره مع بعض.
روضه: اماااااااااااايه.. ابااااااااااااا.
لطيفه:لااااااا مااااشيء.. ههههههههه حشى لزقه عنزروت.. يابوج يوزناج ومالنا خص فيج.
روضه: امااايه قدها هاي الرمسه.. اهوون عليج.
لطيفه: فديييتج لا والله يابنتي.. والله لو ترستي البيت عيال بتمين بنتي الصغيرونه الي مالي غنى عنها.
روضه: امااااااااااايه ابااا اييج الحين.والوي عليج.وانام في حضنج
لطيفه: يالله بالستر.. رويض شوه ها الرمسه. عيب عليج.. الحين انتي ما تبين حضني انا.. حضن بوشهاب بيدفيج.
روضه حست ويها صار احمر: امايييه..
لطيفه:ههههههههههههههه ياربي استحت البنت. هههههههه ما احيدج يا رويض تستحين.
روضه:امااااااايه بس عاد..
لطيفه:ههههههههههه زين خلاص.. الا ماخبرتيني شوه بيت عمج حد مضايقنج.
روضه حست بغصه في صدرها شوه اتقولها.. انه احمد شبعها طراقات البارحه.واعتدى عليها .. ولا مجافات عمها لها. ولا هزاب ونغزات العيوز فاطمه.
روضه: لا يا امايه. الامور كلها زينه. ومهره وميره صارن ربيعاتي الحين.
لطيفه: ياحيج والله ريحتيني.. وريلج شوه احواله؟
روضه: الحمد لله(رفعت عينها وشافت انعكاس احمد على المرايه كان واقف عند الباب يتسمع الكلام)
لطيفه: ياربي يا المستحى. انزين وعمج وعمج والعيوز؟
روضه:ههههههه امايه فديتج كلهم زينين. الحمد لله.. انا مدلعه اهنيه اتطمني انتي بس..
لطيفه: الحمد لله والله اني ارتحت.. يلست احاتيج خصوصا انهم البارحه ولا وحده منهن يت.
روضه:هييه ماقدرن ايين خصوصا انه تعرفين انتي البيت صغير.. وكانت يدوه فاطمه تعبانه اشوي. وماقدرن يخلنها روحها..
هيه تتكلم واحمد يضرب راسه من جذبها على امها..
لطيفه:هييه حليلها ما اتشوف شر ان شاء الله..
روضه:آمين.
لطيفه: زين عيل يوم هاي امورج بخليج الحين وسلمي عليهم. يابنتي وهالله هالله بريلج.
روضه: من عيوني يا الغاليه.. سلمي على ابويه.
لطيفه: ان شاء الله.. هيه روضه تعالي صدق.
روضه:شوه؟
لطيفه: اتحيدين الريال الي طلب رقم ابوج.
روضه رفعت راسها صوب الباب: هييه شوه بلاه؟
لطيفه:يانا اليوم الضحى..
روضه: انزين؟
لطيفه: قال يبى يكلم ابوج.. بس ابوج ماكان في البيت بس قال بيي وقت ثاني.
روضه: وماقال شيء؟
لطيفه: لاااااااا بس تخبر عن ابوج.. يووم درى انه براا قالي بيي اليوم بعد المغرب.
روضه: شوه السالفه انزين؟
لطيفه: والله يابنتي خبري خبرج يوم خبرت ابوج .. قال ماعليه بيي المغرب وبنعرف كل شيء,
مريضه: الله كريم.. والله يا امايه فيني فضول.
لطيفه:ههههههههههه والله مب اكثر عني وعن ابوج.. يالله يابنتي هذوه ابوج يزقرني بسير اشوفه.. هالله هالله بعمرج وبأهلج مابا اوصيج يابنتي.
روضه: ان شاء الله يا الغاليه.. لاتوصين حريص.. سلمي عليه.
لطيفه:الله يسلمج. فمان الله.
روضه:فمان الكريم.. مع السلامه.
سكرت ووطت التلفون على الطاوله وسارت صوب الباب اتسكره رجعت وانسدحت على الشبريه.. تعرف انه احمد في الصاله.. وتعمدت انها اتسوي عمرها ماشافته.. اشوي ويفتح احمد الباب ويدخل.
رفعت روضه راسها: آمر في شيء؟
احمد ابتسم بخبث: سلامتج.. الا بتخبرج شوه ها الجذب الي عطيتيه لامج؟
روضه:ااه.. وانته كنت تتسمع؟
احمد: ومن متى يدوه فاطمه مريضه.. تتبلين علىها شوه؟
روضه:وشوه تباني اقول لامايه يوم سألتني ليش ماين امك وخواتك العرس..اقولها انه نحن مش من مقامهم.. ولا اقول لها لانهن كانن يزهبن لعرس اخوهن من بنت خالهن..شوه تباني اقولها يا احمد.. الله يخليك راسي يعورني ومافيه اتكلم لو سمحت.
احمد: نعم نعم. ان شاء الله تبين اسكت واطلع برا.. وبعد تبيني اسكر الليت والباب وراايه.
روضه:يكون احسن بعد.. بعدين مش انته الي قايل ماتبى اتكون ويايه في مكان وااحد.. هذا الي اسويه يا احمد.. الله يخليك انته في حالك وانا في حالي.
احمد: لا والله.. بتعلميني شوه اسوي بعد.. سمعيني زين يا روويض مش وحده حقيره جذووووب مثلج بتعلمني وبتتأمر عليه.. قومي يالله جهزي شنطه البر.. بنسوي شاي وقهوه في المزرعه.. قومي جهزي الشنطه كامله.. ويااويلج ان كان شيء ناقص..
روضه:بس انا ما اعرف اجهز الشنطه.. لانه ولاا مره طلعنا البر وسوينا شاي وقهوه..
احمد: مش مشكلتيه. قومي يالله بسج دلع.. اونه مدلعييينج. اتخسييين بتبطين والله انه اندلعج.يالله قومي بسرعه(مسكها من ايدها وسحبها من الشبريه وطرحها تحت))
نشت روضه بالغصب وحاسه انه دقات قلبها تنبض بقوه في راسها.. واتحس بويع في كل جزء من جسمها. وفي ايدها مكان مامسكها.
احمد: انتي ما تفهمين يالله بسرعه.
روضه: الي اعرفه انكم بتطلعون بعد صلاه العصر.والحين توها الساعه 2 الا ربع.. اجهز الشنطه من الحين ليش؟
صفعها احمد طراق: يوم اقول جهزي يعني جهزي من دوون ما اترادين فاهمه ولا لاااااااااا. يالله بسرعه
يوم صفعها ضرب راسها عامود الشبريه فحست بدوخه . قبضت على عمود الشبريه لين تخف الدوخه الي حستها.. حست بشيء نزل يوم صكت راسها بيدها لقت دم .. سارت صوب الكلينكس وشلت مجموعه ووحطتهن على طرف راسها.. وشلت شيلتها وطلعت.. ولا كلمت احمد.
احمد يوم شاف الدم اتلوم .. بس يوم اتذكر دموع نوف... وكلامها قووا قلبه.. شل سويجه وطلع..جهزت روضه الشنطه وهيه تحس انه راسها بينفجر من الويع. وفوق هذا الدم مب طايع يوقف.. حطت عليه ملح وتحملت الويع بس علشان يوقف الدم.. ومحد يدري بها ماتبى شفقتهم.. خلصت الشنطه ورجعت القسم.. خافت اتسير الحجره وتلقاه اهناك.. دخلت الحجره الثانيه ورقدت على الارض..من التعب. ماحست بعمرها لين آذن عليها المغرب.. نشت وسارت صوب حجرتها واتمسحت وصلت صلاه العصر المغرب. ورجعت انسدحت على الشبريه. لانه ظهرها عورها من رقدت الارض.. اشوي ودق الباب عليها. لقت مهره وميره عند الباب
روضه: ياهلا.. قربن.
ميره: ييتج العصر وزقرت عليج ويوم ما رديتي طلعت؟
روضه: كنت راقده وما انتبهت الا الحين.. وتوني صليت العصر والمغرب رباعه
مهره: ايوااا وشوه صداعج الحين.
روضه: الحمد لله.. لوني احس انه كان فضيييع خصوصا اني دعمت عمود الشبريه بالغلط. شوفن..
ميره ومهره شهقن لانه المكان متنفخ ولونه اسود.وعيناوي.
ميره: كييف دعمتي جذيه.؟
روضه: ماا ادري اختل التوازن اشوي ومادريت الا بالعامود جدامي
مهره:لانج مش ماكله شيء وغداج كان اشوي شوربه وبس.. الحين بخلي الخدامه اتسوي لج شيء تاكلينه.
روضه: لاااااااا دخيلج الحين ما اشتهي شيء.. وبعدين توني ناشه خليني اصحصح اشوي.. وبعدين باكل.. وبعدين ماشيء باقي لين العشى..
ميره: نعم وان شا ء الله بتترين لين العشى.. لا حبيبتي على الاقل بنخليها اتسوي سندويج خفيف..
روضه: ميرووه فديتج والله ما اشتهي. الحين شيء.
مهره: روضه هذا الشيء......((اشوي ويصيح تلفونها ويوم شافت الرقم تصنمت.. المتصله كانت نوف)) اا .. السموحه اشوي.
طلعت اترد على التلفون.. ميره عرفت انه الاتصال من نوف بس ماحبت اتعلق..
ميره: يالله الحين بتصل على جيني وبخليها اتسوي سندويجات خفيفه.. حلوات سندويجاتها..
روضه: ميره.. والله ما ابغي,, وبعدين لو كلت الحين بيردني عن العشى. وبيحتشرون مافيه عليهم دخيلج..
ميره:بس ما يصير..
روضه: لا يصير.. وهيه ممكن طلب لو سمحتي. ماابغي تنعاد حركه اليوم على الغدا..
ميره: اي حركه؟
روضه:خليتن الكرسي الي عدال احمد فاضي بالقصد صح.
ميره: شيء طبيعي لانج حرمته..
روضه: تعرفين ليش انا حرمته.. ومش طبيعي.. وياريت انها ما تنعاد.. الله يخليج.. تعرفين انه نحن مغصوبين على بعض ف لازيدونها انتن بعد الله يخليج.
ميره: ليش احمد قالج شيء؟
روضه: لاااا.. بس انا ماحبيت الحركه..
ميره: ان شاء الله.. خلاص ما بنعيدها.. تامرين امر.. يا الشيخه روضه
روضه:ههههههه ماله داعي كلمه شيخه.. خخ.. تراه بصدق وبيكبر راسي.. هيه تعالي كيف نظام دوامكن للجامعه؟
ميره: اممممم عادي انا كلاساتي تبدى 9 ومهره 10 ونخلص بحدود5 او6
روضه:اها.. زين عيل.. اقدر اسير وياكن وارجع وياكن. لاني اانا من 8 لين 4 ,45 عادي بترياكن.
ميره نزلت راسها لتحت: اها.. زي.ن.
روضه: شوه السالفه.؟
ميره:هااااااه. لاا ابد عادي. بس..
روضه: بس شوه.؟
ميره: نحن مرات. ترد ويانا.
روضه: نوف. صح؟
ميره هزت راسها بهييه
روضه: خلاص عيل الوقت الي اترد وياكن فيه هييه انا برد ويا ربيعتيه.. هيه روحها اتسوق وكنت مرات ارد وياها او اسير وياها..
ميره: واحمد بيطيع؟
روضه: وليش ما يطيع ان شاء الله.. هوه مرخصني في الدراسه.. وما اعتقد انه الموضوع بيسبب ازمه... مش مشكله انا بكلمه في الموضوع
اشوي ويدخل عليهن احمد..: اي موضوع؟
روضه : موضوع الجامعه.... قلت لختك اني بسير وياهن الجامعه بدال ما اعني دريول اهليه ايني اهنيه.. ويردني..
احمد رفع وحده من حياته: انزين ووين المشكله في الموضوع؟
ميره: لاا ابد .
روضه وفعت حياتها: ابد بس في وقت ترجع وياهن بنت خالك .. نووف.. فقلت لها انه عادي بدبر اموري.. برجع مع ربيعتيه الي كنت ادوام وياها.
احمد: اها.. ومنوه هاي؟؟
روضه:ما اتعرفها.. لانهم ييرانا... وهييه اتسوق.. اليوم الي بترجع وياكن نوف.. انا برجع ويا العنود.
ميره: هييييه تذكرتها.. هيه الي رتبت لج اغراضج..
روضه:هيييه هييه. الي رتبت لي اغراضي وقسمي بعد..
كانت تتكلم وعينها على احمد. الي بقصدها اتقول له.. انه بسبتك ربيتعها هيه الي عدلت القسم مش هم..
احمد: زين.. ما اشوف وين المشكله؟ جان بتوصلج وبتردج هيه يكون احسن. علشان الضيق يعني ما تتضايقن كلكن في نفس السياره.
روضه:هه في احلامكم اني اركب في سياره وحده مع بنت خالك.
احمد بعصبيه: رووضه احترمي نفسج.
روضه:انا المفروض الي تحترم نفسها يا احمد..
ميره:اييه صلوا على النبي شوه ياكم..
روضه:اللهم صلي وسلم وبارك عليه.. خبري اخوج يا ميره..
احمد:ميره.. سيري البيت وخلينا. اشوي.
ميره: احمد..
احمد بعصبيه : ميروووووه طلعي برااااا.
روضه هزت راسها بمعنى ماعليه..
احمد نش من طلعت ميره وقفل الباب.
روضه: اسمعني زين يا احمد.. والله وربي في سماااااااااه ان فكرت اتمد ااييدك مره ثانيه. والله لاخبر الشرطه والله العظيم.. لافضحك..
احمد: وصلت فيج اتهدييني يا روويض.
روضه: افهمها مثل ما تبى.. والله ما استحي . على قولك امبونه ابويه خريج سجون.. وملفه اسود. ونحن مفضوحين.. بعمي السالفه. وبفضحك. وبدال ما يكون ابويه خريج سجون حتى انته بتكون خريج سجون يوم بيشوفون الضرب الي في جسمي بسبتك ولا بتنازل عن الموضوع. وسو الي تباه في ساعتها.
احمد: يا الحقيره انتي اتهدديني .. انتي.؟؟
روضه: وصلك كلامي.. ف لوسمحت اتسكر الباب ورااااك. لاني مصدعه. باي..
احمد: روووضه.
روضه ببرود: خير.((يوم التفتت عليه حست بدووخه.. وطاحت احمد يوم شافها تنهار جدامه لحق عليها قبل ما اتطيح على الارض..
احمد: روووضه .. روووضه شوه فيج روووووضه؟ ميييره.. رووضه قومي .مش وقته التمثيل رووضه..
حطها على الشبريه واتصل بميره وقالها تلبس عباتها وتيي عندهم بسرعه ميره من الخوف. شلت العباه ومسكت جوتيها وربعت سيده تحت من دون ما تيب شنطه .دقت الباب عليهم لانه احمد كان قافل..فج احمد لها الباب
احمد: لبسيها عباتها ما ادري شوه ياها.. انغمى عليها وطاحت.. بييب السياره عند الباب.
ميره: اكيد لانها ماكلت شيء اليوم. يالله انته هات السياره, وانا بلبسها وبييب بطاقتها
وصلوها المستشفى وسو لها فحوصات ودم. وهيه لين الحين غايبه عن الوعي. بعد ساعتين انتبهت..
روضه: وين اناااااا..
ميره: لا تتحركين انتي في المستشفى... شفتي من قل الاكل صار لج جذيه
روضه: ااااااااه جسمي كله يعورني.
ميره: هاي آخر مره ما تتغدين ولا تتريقين تسمعين ولا لااا.. من اليوم ورايح بتاكلين عدالي علشان اتأكد انج كلتي.
روضه:ههههههه ان شاء الله يا امايه..
اشوي وايوون امها وابوها,
لطيفه وناصر:السلام عليكم.
ميره وروضه : وعليكم السلام والرحمه
لطيفه: شوه ياج يا بنتي؟؟
ناصر:سلامات ياروضه شوه ياج؟
روضه:الله يسلمك يا الغالي. اتطمنوا مافيني شيء ارهاق بس..
ميره: وقلت اكل.. ماكلت شيء اليوم.. والدكاتره قالوا نقص غذا عندها وارهاق.
روضه: اي ارهاق. وانا راقده من الظهر لين المغرب..
لطيفه: انتي من يومين ما تاكلين زين.. وليله العرس ما رقدتي لين الفير..وين ماشيء ارهاق.. هذا غير الحفوز الي ياج.
ميره: لا ماعليج عموه.. من اليوم ورايح بخليها يالسه عدالي وبتأكد انها كلت زين.. لا تحاتينها.
لطيفه:ههههههه فيج الخير يا بنتي.. الا شخبارها يدتج فاطمه ان شاء الله الحين احسن حالها.
استغربت ميره: يدوه فاطمه.. ((شافت روضه الي هزت لها راسها)) هييه بخير الحين الحمد لله.. احسن. بوايد
لطيفه: الحمد لله..
ناصر: انزين يابنتي لين متى بيخلونج اهنيه.. ولا بيرخصونج .؟
ميره: والله ما ندري لين الحين. احمد ويا الدكتور . ومن يرد بنشوف اذا بيرخصونها او لا.
ناصر: هيييه. وين هووه بسير اتخبره بعد.
ميره: والله ما ادري من شوي طلعوا..ياعمي.
ناصر: هااه.
ميره رفعت الغشوه الي كانت حاطتنها على ويها: انا ميره بنت اخوك ياعمي.
ناصر: مرحبابج يابنتي.
اتقربت ميره منه ووايهته ووايهت لطيفه.
لطيفه: فيج الخير يا بنتي..يوم انج ييتي وياها.
ميره: افا عليج.. روضه الحين مش بنت عمي وبس روضه ربيعتيه بعد . ولا انا غلطانه.
روضه ابتسمت:ههه اكيد .
ناصر:الله لا يفرقكم.. يالله عيل انا بسير اشوف احمد والدكتور.
لطيفه: اتقف لااتطيح انته بعد.. روحها ريلك اتعورك.
ناصر:ان شاء الله.
لطيفه: اتسدنا طيحه روضه .. لا تزيدنا انته بعد.
ناصر اتنهد: ان شااء الله خلاااااص عاد.. انا مب يااهل.
ميره:ههههههههههه تخاف عليك ياعمي..
ناصر:ههه ادري والله.. ياغير اكثر من اللزوم مرات.
لطيفه: يزاتي بعد.
روضه:ابويه تراني ما ارضى على امايه.
ناصر:هههههههه وانا شوه قلت. شفتي يابنتي كيف جلبن عليه كلهن.
ميره:ههه افا والله. خلاص ياعمي انا وياك ماعليك منهن بس اتقف فديتك.
ناصر: ان شاء الله يابنتي.
طلع ناصر يدور احمد والدكتور ويلسن هن يسولفن.
لطيفه:شوه ياج يابنتي ولا تتغلين علينا وعلى ريلج. تبين اتشوفين غلاتج عندنا.
روضه: شفتي عاد يا امايه..ههههههههه
في ها الوقت احمد ويا الدكتور في مكتبه.
د. ايمن: شوف استاز احمد انا لازم اسأل المريضه عن الكدمات الي في ايديها وعلى جبينها.ازا كانت اعراض ضرب.. اانا لازم ابلغ الشرطه.
احمد ابتلع ريجه: بس اانا قلت لك انها انغمى عليها..
د.ايمن:ومالوو. انا لازم كمان اسألها.. بص حضرتك دي اجراءات مهمه ولازم نعملها .. دلوقتي ممكن نروح ونسأل المريضه.
احمد: ااا .. يالله..
ساروا لين الغرفه الي فيها روضه ودخلوا لقو لطيفه وميره يالسات عندها.
د . ايمن واحمد:السلام عليكم..
الكل: وعليكم السلام
احمد: اشحالج عمتيه.
لطيفه:بخير يا ولديه يسرك الحال. تستحق سلامه حرمتك.
احمد نزل راسه:الله يسلمج.
اتقرب الدكتور من روضه يوم شاف انها واعيه: ازيك يا اخت روزه.
روضه :الحمد لله دكتور ..
د . ايمن: بصي حضرتك انا الدكتور ايمن.. ممكن اسألك كم سؤال . من بعد ازينك.
روضه:اتفضل دكتور.
د. ايمن: طيب.. بصي حضرتك انا لما كشفت عليك شفت كم كدمه على رسغ ايدك وعلى طرف جبهتك.. ممكن تؤلي ليه ازاي حصلت لك الكدمات ديه؟
روضه رفعت عينها على احمد الي كان يشوفها وهو يبلع ريجه: اااه ما اذكر.
د.ايمن: بصي حضرتك.. وما تخافيش اذا كان في اي احد عمل فيك كده انا ها بلغ الشرطه .
روضه كانت عينها على احمد تبى اتشوف ردت فعله شافته منزل راسه ويبلع ريجه
روضه: ما اذكر لاني اليوم الصبح حسيت بدوخه وما انتبهت الا وانا على الارض.
د.ايمن: طيب والكدمه الي في جبهتك ايه سببها.
روضه: بعد حسيت اليوم الظهر بدوخه حاولت امسك عامود السرير ماحسيت الا انا اخبط فيه.. بعد ما خفت الدووخه حطيت ملح على الجرح علشان يوقف النزيف.. وبعدها حسيت بنعاس. رجعت ونمت وماحسيت الا المغرب.
لطيفه: واحمد وين كان عنج؟
احمد:اناا.. كنت في الصاله براا... وهيه ماخبرتني انها تعبانه.. بس قالت انها مصدعه وتبى ترقد.. فخليتها وسرت المزرعه علشان ترتاح.
د. ايمن:طيب .. خلاص انا هاكتب ليكي شويه فيتامينات.. علشان مبين في الفحص انك عندك شوي نقص حديد بس لازم تاكلي كويس خالص ولا هاخلي قوزك يجيبك عندنا علشان نخليكي تحت الاشراف الطبي.. والمغزيات.
روضه: لاااااااا خلااص باكل زين.
اشوي ويدخل عليهم ابوها.
ناصر:السلام عليكم.
احمد: وعليكم السلام.. مرحبا عمي.
ناصر: ويينك يا احمد يلست ادورك... وتلفونك ما اتشله.
احمد: السموحه.. ياغير تلفوني نسيته في البيت.. يوم طاحت بنتك..
ناصر:هييه.. تستحق سلامتها.
احمد:الله يسلمك..
ناصر: ها يا دكتور شوه فيها الغاليه.؟
د.ايمن:ما اتخفش شوي نقص تغزيه وحديد.. انا كتب ليها شويه فيتامينات وان شاء الله ها تبآ كويسه ..
ناصر: ان شاء الله.. مشكور يا دكتور.
د.ايمن:العفوو.. دا واقبنا.. الف سلامه عليها.. تاخذ الورقه ديه يا احمد وتصرفها في الصدليه ها يدووك الدواا.. والف سلامه عليها.
احمد: الله يسلمك يا دكتور.. ان شاء الله.. الحين بسير اييب الدوا.
طلع احمد اييب الدوااا وسارت ميره وياه..
ميره: الا بسألك احمد .. شوه سالفه مرض يدوه فاطمه؟
احمد: هه شوفي السالفه ومافيها.. انه ام روضه سألتها ليش انتي واختج وامج ويدتج ما ييتن العرس.. فماعرفت شوه اتقولها.. فقال لها انه يدوه فاطمه تعبت اشوي.. وانتن ماقدرتن تن العرس..
ميره: اهاااااااا.. تعرف كان خاطري احضر...
احمد: ميرووه..
ميره اتنهدت وسكتت..
خلصوا الصيدليه ورجعوا عند روضه لقوها روحها امها وابوها روحواا..بس الوقت الي طلعوا فيه احمد وميره برااا فتح ابوها موضوع يوسف..
ناصر: سمعي ياروضه.. انا ياني يوسف البيت.
روضه: الاستاذ يوسف؟
ناصر:هييه.. تعرفين منوه طلع؟
روضه: لاا منوه؟
ناصر: طلع ولد.اخو بو سلطان......
روضه: منوه؟
ناصر: بوسلطان الشيبه الي كنت اشتغل عنده يوم صارت السرقه.
روضه: هييه الحين تذكرته.. انزين شوه يبى منك الاستاذ يوسف الحين؟
ناصر: يلس يتخبرني عن السالفه..شكله كان شاك بشيء.. يوم سمع بالسالفه .. ياني علشان يتأكد.
روضه: بعد ما خبرته شوه قالك؟
ناصر: ماقال شيء.. ياغير انه بدت خيوط تفج..
روضه:اي خيوط؟؟
ناصر:ما ادري .. بس قال انه يبى يستفسر عن اشياء ثانيه ويبى يرد عندي مره ثانيه..
روضه: يعني هوه واقف معاك ولا ضدك؟
ناصر:ماا ادري .. مابيين لي.. بس قال انه بيرجع.. بعد فتره.
روضه: اها..
لطيفه:يمكن تلقى براءتك عنده بعد كل هاي السنين يا ناصر.
ناصر: آآآآآآآآه يا لطيفه.. ياليت صدق..
روضه: ان شاء الله يا الغالي..
ناصر: يالله عيل خلينا انسير البيت. قبل لا ايي احمد واخته ويسمعون.. ما اتشوفين شر يا بنتي.. وكلي زين لا تخوفينا عليج مره ثانيه.
روضه:هههههه ان شاء الله فديتك.. سيروا انتوا وارتاحوا.
لطيفه:يالله عيل يابنتي. تصبحين على خير.. وكلميني باجر. علشان اتطمن عليج.
روضه: من عيوني يا الغاليه..وانتوا من اهل الخير.
طلعوا وتمت روضه سرحانه اتفكر.. معقوله يكون الاستاذ يوسف عرف السالفه الصدقيه... بس ليش ياا الحين. واشوي دخلوا عليها احمد وميره.
ميره: وين اهلج؟
روضه: فديتهم.. روحوا. ابويه ماخذ دواه. ووقت نومهم الحين..
ميره: ايواا... الله يعطيهم الصحه والعافيه..
روضه:آمين.. يالله مليت ابا ارجع البيت
احمد: ب.. شوف الممرضه علشان اتفج المغذي عنج.
ميره: لااا احمد اانا بشوفها.. انته تم مع روضه اشوي.
احمد: ميرووه؟
ميره:ههه ياخي خل عندك اشوي رومنسيه.. وانتوا بعدكم عرسان يداد.
طلعت قبل لا يقول شيء. ميره ابتعدت عن الحجره ويلست على الكرسي تبا اتخليهم اشوي رواحهم قبل لا تزقر الممرضه الي يالسه على المكتب ما اتسوي شيء. ان خبرتها بتسير بسرعه وبتفج الابره عن روضه وبتروغهم برا..
احمد: رو..ضه.
روضه ببرود: احمد لو زقرت الدكتور .. وقلت له اني انا جذبت وانه الاثار الي على ايدي من فعل فاعل.. والي هوه انته في رايك شوه بيسوي.
احمد عض شفايفه: ماا ادري.
روضه:ههه لا تدري.. بس تعرف انا بخبرك.. في هاي الحاله بيتصل بالشرطه.. والي بيسون معاك تحقيق.. وبحبسونك في حال اني ما تنازلت عن الموضوع.. واتخيل ما اتنازل.. ليوم كامل.. بتم في السجن ليله كامله. وانته اتعرف السجن كيف. نظيف .. حتى من فراش مافيه.. وهذا غير السمعه الطيبه الي بتحصلها بعد ما اتنازل انا عن الموضووع.. اول سمعه بتيك انك ضربت حرمتك.. والسمعه الثانيه انك ((خريييييييييج سجوون))
هههه اتخيل.. في هاي الحاله بتكون متعادل مع ابويه. في هذا الوصف.
احمد بعصبيه: على الاقل انا ضربت حرمتيه.. ما اختلست فلووس الريال الي مد لي ايده وشغلني بعد ما قاعدتني الدوله.
روضه نزلت راسها: في ذمتك انته مصدق ها الشيء.؟
احمد: والله هذا الي قاله القانون..
روضه: حتى لو كان القانون غلط.. وظلم انسان برئ ماله ذنب .. ذنبه انه انسان طيب. اكثر من اللزوم ويصدق بسرعه.
احمد: شوه قصدج؟
روضه: انسى.. وين الممرضه؟؟
احمد: بتي.. الا منوه الي قص عليه؟
روضه: قلت لك انسى.. المهم في شيء ابغي اطلبه منك.
احمد رفع حياته:آمري؟
روضه:غرفتيه وقسمي ما تدخله لو سمحت..
احمد هز راسه: في اوامر ثانيه؟
روضه:لاااااااااا سلامتك.
احمد:الله يسلمج. لو اني قايل لج من البدايه انج في قسم ونا في قسم.. ياغير حاضرين بالي تامرين فيه ياروضه..
روضه:مايامر عليك عدوو..ممكن اتشوف الممرضه.. تعبت من المستشفى. ما احب المستشفيات.
احمد:حاضرين..
طلع احمد ولقى ميره يالسه على الكرسي سار عندها..
احمد:شوه اتسوين اهنيه؟
ميره: بغيتك تيلس ويا حرمتك اشوي..
احمد:لا والله. معنج عارفه الوضع زين..
ميره: قلت يمكن يتغير ها الوضع خصوصا يوم شفتك كيف كنت خايف عليها.. قلت يمكن..
احمد: مستحيييييييل. والحين رجعي عندها..بشوف انا الممرضه.
ميره هزت راسها واتنهدت :ان شاء الله يا احمد.
رجعوا البيت وكانت الساعه 11 ..الكل راقد.. ومحد درا.. عنها لانه مريفه وفاطمه ومهره.. كانن في بيت عيسى.. ابو نوف. يعطنها الفلوس علشان تتزهب.. خلاص.. رجعت روضه البيت ونامت بعد ما صلت الي عليها.. وبعدها تعشت ويا ميره.. بعد ما طلع احمد عند ربعه.. من خلصن عشى.. سارن ورقدن.. نشت روضه الصبح.على صوت دق الباب..فجت الباب لقت عمتها مريفه.
روضه:مرحبابج عموه.. قربي.
مريفه:توني دريت عن الي ياج البارحه... الحمد لله على السلامه يابنتي.. شوه ياج؟
روضه ابتسمت:سلامتج فديتج بس اشوي ارهاق. لاني من قبل العرس لا اكل زين ولا ارقد زين.. والبارحه عاد طلع كله رباعه..
مريفه:وبعد مب متغديه.. يابنتي مب زين جذيه.. كلي زين..
روضه:ههه ان شاء الله عموه تامرين آمر.. والسموحه منج جاني غثيتكم.
مريفه:فديتج لا غثتينا ولا شياته.. نحن سرنا البارحه بيت اخويه عيسى وردينا متأخر ورقدت سيده. واليوم الصبح شفت احمد.. وخبرني بالسالفه.
روضه: ايوا.. لا الحمد لله مافي شيء... بس ارهاق.. ونقص حديد وعطوني ادويه قرطااسه مترووسه..
مريفه: لااا زينن.. خذي دواج في وقته.. بس تعالي بتتريقين وياانا. تونا حاطين الريوق..
روضه: ان شاء الله عموه.. بس ببدل ملابسيه وبيي..دقايق بس.
مريفه: ان شاء الله. يابنتي. يالله عيل..
روضه: ربي يحفظج..
بدلت روضه ملابسها بسرعه.. مابغت تتأخر عليهم. ومافيها على محاضره الصبح. دخلت الصاله لقت انه الاغلبيه موجوده بس احمد ومهره مش موجودين.. سلمت ويلست على الكرسي. تاكل.. مابغت اتوايهه عمها والعيوز فاطمه لانها اتعرف انهم بيصدنونها.. وهم اصلا من دخلت ما وقفواا اكل.. ردوا السلام وكملوا اكل عادي ولا جنه صاير شيء.مرت الايام على هذا المنوال... يتجاهلها احمد وابوه ويدته. ومهره وميره هن الي ويااها. بس اكثر شيء ميره. كانن يسهرن مع بعض يوم ما يكون عند ميره جامعه..خلصت اجازه العرس. وبدت روضه الجامعه.. طلعن رباعه ومن دخلن الجامعه كل وحده سارت لمحاضراتها.. والي تخلص تتصل فيهن واتشوف اذا خلصن او لااا.. اذا خلصن بيرجعن رباعه... خلصت روضه ويلست ويا ربيعاتها في الكفتريا..
حصه: هااا العرووس. ماخبرتينا. شوه العرس.. اتشجعينا نمشي على نفس الخط.. ولا نهون.
روضه:اي خط؟
حصه:خط الزواج حبيبتي.
ميثه:ليش حد خطبج؟
حصه: اااه حاليا لاااا بس يعني في حال شرف حد . يعني.
العنود:ههههه انتي خليه اييي قبل وبعدين سألي هذا السؤال,,
حصه: اسميكن اتكسرن مياديف الوااحد... تحطيييييييم .ماعليج منهن روويض. بس انتي خبريني العرس حلوو. ياخي والله ودي اعيش الجوو الرومانسي.. بس للاسف ماا اعرف كيف..
روضه:هههههههه ليش عاد؟
حصه: يعني وحده رااابيه بيين ست اولااد. انا الغلطه الوحيده بيينهن. شوه تتوقعين يعني..
ميثه: افااا يعني انتي بوويه يا حصوه؟
حصه:جب.. انزين. بوويه قالت.. لااااا الحمد لله انا الانوثه تقطر مني..
العنود:ههههههههه وانا اشهد.
روضه: حراام عليكن كله ولااا حصووه.. فديتج ماعليج منهن. انتي. الا بتخبركن. شفتن الاستاذ يوسف اليوم؟
حصه: هيه شفته في مبنى الاداره.. ليش؟
روضه: ابد .. بس بغيت اسأله عن شيء.. مب مشكله.. هوه علينا باجر صح.
العنود:هيييه. باجر اول محاضره محاضرته.. والي فيه خير يتأخر.. خخخ
ميثه: سكتي الاسبوع الماضي.. بس تأخرت 5 دقايق.. قالي ما تلزميني. واتفظلي براا.
روضه: والله؟؟
ميثه: هييييه.. شكلي بأخذ Fعنده...
حصه: افا عليج.. وانا مب احسن عنج. حااط لي D خخ
العنود:ههههههههههههه ونعم الساع
روضه: اذا انتن الحاضرات وجذيه انا كم بيحط لي؟؟
العنود: حبيبتي انتي ماشاء الله عليج كل امتحانات فل ماارك.. وهوه اهم شيء عنده درجات الامتحانات.. لانه كل اسألت امتحاناته من الشرح الي يشرحه ..
روضه: هيييه..
حصه: روويض انا الامتحان الياي بيلس عدااالج.. بس ياريت لو اتكبرين خطج... لانه خطج الجميل.. يباله تلسكوب علشان نشوفه من بعيد..
روضه:ههههههههههههه والله ما اعرف اكبر خطي والله حاولت بس ماقدرت.. ههههههههه بس افا عليج بقرب الورقه صوبج.
العنود: ايواا.. علشان يروغكن براا ويحط لكن اصفار وبجداااره.
حصه: يخرب بيته.. زيين. ياخي نبا نييب درجات. شوه ها الحاله
ميثه: ما اتلاحظون انه حصوه واييد تستخدم كلمه يااخي.. نحن مب شباب.. واتقول انه الانوثه تقطر منها.
حصه:يعني وحده راابيه بيين شباب.. ولافي النص بعد.. فوقي ثلاثه وتحتي ثلاثه.. وكل حياتهم سياارات ودرجات.. وقنص.. والحين هابه فيهم هبه يديده.. اخويه الكبير.. يايب له خييل في البيت.. ومسوي له حظيره على طرف البيت. وحطه فيه.. وحشره.. هاالحيوان.. وفوق هذا ريحته خايسه ..
العنود:الله ابا اركب خيل.. اييه حصوه عادي ايي بيتكم واركب .. دخييلج.
حصه مد بوزها :علشان يذبحني خلوود.. لا حبيبتي.. اذ انا اخته ماخلاني اركب.. وين بيخلييج انتي.
العنود: اهااا.. قلتي لي مالت خلود.. مابا خلاص.
روضه عقدت حياتها: شوه السالفه.
حصه:ههههههههههه
العنود:ماااشيء..
ميثه:يالله عاد. شوه الموضوع؟
العنود: قلت مااااشيء.. ((التفتت على حصه )) انتي سكتي.
حصه فاطسه من الضحك:هههههههههه وانا قلت شيء.. هههههههههه
روضه: بتتكلمن ولا شوه؟؟ يالله شوه السالفه..
حصه:ههههه خليها هيه اتقول.. اانا ماكنت حاضره. وقتها ههههههههه
نشت العنود بعصبيه: مااااشيء سالفه. وبااي انابروح البيت.. اشوفكن باجر..
روضه: عنودي شوه فييج..؟ شوه مستوي.؟
العنود صار ويها احمر وفيها عبره: ماشيء.. يالله باي..
روحت عنهن وهن يطالعنها.. وكان مبين عليها انها معصبه.. وحصه فاطسه ضحك..
روضه:حصووه شوه السالفه.. وبسج ضحك.
حصه: والله يارووضه لو تعرفين شوه السالفه بتضحكين..
ميثه: انزين قولي شوه السالفه.؟
حصه:لو انها بتذبحني لو رمست.. بس سمعي الموضوع..
العنود: يالله حصوه وييينج.. انا برااا.. بسرعه تراني الا ببجامه ياايه.
حصه: يالله دقيقه. الحين بييج.. بس لاني كنت عند ابويه.. الحين بسير الحجره بييب الملف وبييج.. دقايق.
العنود: بسرعه..
بيت حصه مش بعيد عن بيت العنود.. بيتهم بعد بيتين عن بيت العنود.. وهيه لابسه بيجامه البيت الطويله.. وحطت شيله صلاه . وطلعت بسرعه. وفوق هذا ما انتبهت انها لابسه نعال اخوها.. فهد. الا يوم وصلت عدال البيت.. اتصلت بحصه ومن سكرت عنها وقفت عدال اليدار تترياها. استحت تدخل لانها اتعرف انه البيت كله شباب خوان حصه.. واصغر واحد في صف تاسع يعني ريال..ما انتبهت انه السياره الي واقفه عدالها فيها حد..والعنود عندها هواايه الرسم.. وقفت عدال السياره الي فيها غبار وطين وبدت من الدريشه الي عليها المعاون.. وبدت ترسم عليها.. خلصت من الدريشه الاولى وبدت في الثانيه.. لين وصلت دريشه السواق.توها بترسم عليها.. ماحست الا والدريشه تنزل .. معناتها في حد في السياره.. ما تريت اتشوف منوه في السياره.. ربعت سيده صوب بيتهم..خالد كان فاطس ضحك عليها.. وحب يسوي فيها مقلب.. في اللحظه هاي طلعت حصه اتدور العنود وماحصلتها.. نزل الجامه خالد وزقرها وهو يضحك..
خالد:ههههههههههه تعالي حصووه. تعالي.
حصه استغربت انه خالد يضحك بهاي الهستيريه: شوه بلاك؟؟
خالد:هههههههههههه.
حصه: شوه مستوي؟ . وبعدين شفت وحده كانت اهنيه؟
خالد من قالت وحده زااادت الضحكه عنده: ههههههههههههههههههههههههههههههه الخبله الي كانت اهنيه ربيعتج؟
حصه عصبت:خالد شوه سويت بها.. وين هيه الحين؟
خالد: ربعت هناك.. هههههههههه وانا اقول ليش خبله.. لانها ربيعتج.. هههههههههه
حصه: منوه الخبله؟؟ العنود؟
خالد مسح دموعه: اسمها العنود؟؟
حصه: شوه سويت بها خالد.. اوووه الحين بتعصب. والله يستر منها.. اوووف..
خالد:هه ماسويت لها شيء.. تعالي اركبي بوصلج صوب بيتها.. شكلج كنتي تبين تعطينها الملف صح؟
حصه طالعت الملف ونست موضوعه: هيييييييييييييييييي هييه تباه ضروري.. بسرعه خالد..
ركبت ووصلها خالد لبيت العنود ويلس يخبرها السالفه وهو يضحك..
حصه: خخخخ مشكله يوم يكون الواحد فنان.. يحب يرسم على كل شيء.وخصوصا هيه تحب ترسم بالرمل.. ههه توني اشوف الابداعات الي على الدريشه..كانت راسمه على كل دريشه فيس كاركتيري كأنه يالس في السياره.. اول دريشه راسمه حرمه.. والدريشه الثانيه راسمه ولد صغير لابس كاب. والدريشه الثالثه راسمه بنت في ايدها لعبه. وكانت ناويه ترسم على دريشه السواق. الابو.. الي يمثل العائله.. كانت سريعه في الرسم..لانه حصه ووايد طولت عليها. لانها ضيعت الملف ويلست اتدوره.. وهيه طالعه. زقرها ابوها علشان اتدور له قناه الجزيره.. ويلست ادور قناه قناه.. لانه الريموت خربان..لين حصلتها وبعدها طلعت اتدور العنود..وصلت عندها ولقتها مثل ما توقعت معصبه على الأخر.
حصه وهيه ماسكه عمرها عن لا تضحك: يعني انتي ما شفتي اذا كان حد في السياره اوو لاا.
العنود بعصبيه: وانا شوه دراني انه في حد اهناك.. السياره عليها مخفي.. والمفرووض منه انه يخبرني انه موجوود فيها.. منوه هذا حصوووه.
حصه عاضه على شفايفها علشان ما تضحك: هذا اخويه العود خالد..
العنود: ماااااااااااااالت عليه انزين.. مااااااالت
حصه ماقدرت تمسك عمرها:ههههههههههههههههههههههههههههههههه
العنود: لا تضحكيين.. اخوووج سخيييف انزين..
حصه:هههههههههههه والله ما اقدر.. ههههههههههههههه
العنود: بتسكتين ولا لااااااا.. تراني والله بضربج بالملف..
حصه:ههههههههههه ان .. شاء ههه الله.. خلاص.. ههه بسكت..
العنود: بس عاااااااااد.. والله بصيييح.. في حياتي ماكنت في موقف محرج نفس هذا.. والله حراام..
حصه:هههه عادي اتصير في ارقى العائلات.. لاتحطين في خاطرج.
العنود: مااسخف دمج.. اتنكتين. يعني.
حصه:ههههههه شوه تبيني اسوي.. يالله بخليج الحين.. احيد ابويه في الصاله.. ويبى عشى وامايه محد. بحط له عشى قبل لا يرقد وتيني هزبه محترمه من امايه..رقد الشيبه بلا عشى..والله لا تتعشاني.
العنود:ههه دواج..
حصه: الله يسامحج وهذا يزاي اني ياييه لين بيتج اييب لج الملف.
العنود: لا اتذكريني رجااء والله. ان ضحكتي ما اكلمج خلااص عاااااااااااد
حصه:ان شاء الله.. يالله تصبحين على خير..
العنود: وانتي من اهله.. تبيني اوصلج.؟
حصه:هه لا . اخويه برا..
العنود:لا تقوولين.. انه..
حصه:هههههههه هييه هووه.. سوري والله بس غصبن عني اضحك
العنود: حصووه طلعي براا. لا اترفس في بطنج الحين
حصه:هههههه ان شاء الله.. يالله باي.
العنود: باي.
ميثه وروضه: ههههههههههههههههههههههه
روضه:كل هذا يصير وانا ما ادري..هههههههههههههههههههههه
حصه: والله يلست اسبوع ما تكلمني وخالد كل ما يشوفني يسألني عنها. اذا رضت عليه ولا لااااا..
ميثه:هههههه حليلج يا العنود.. وانا اقول ليش عصبت وروحت بسرعه..
روضه:فديتها والله.. هههه بس اعتقد انها بتحرم انها ترسم على السيايير مره ثانيه.
حصه:شكلها حرمت خلااااص. هههههههههه بس تصدقون ابدااع رسمها خساره اني ما صورته قبل ما يمسحه خالد..
روضه: خخخخ علشان صدق تذبحج ان شافت الصور..
حصه:ههههههههههه
خطفن عليهن ميره ومهره والشله.. ومن بينهن كانت نوف.. ويلسن يشوفنهن وهن يضحكن ..
ردن البيت رباعه.. وطبعا نوف ما ردت وياهن لانه في عندها كلاس بعدها.. في السياره وهن رادات البيت.
ميره:شفتج مستاانسه اليوم. وتضحكين من الخاطر. ان شاء الله دووم.
روضه: هههههههههههه والله لو تعرفين السبب بتضحكن.. في حياتي ماضحكت جذيه. ماقدرت اسيطر على نفسي.
مهره: بس المفرووض ما تضحكين جذيه.. الجامعه فيها رياييل..
روضه:ادري انه فيها رياييل بس في الكفتريا محد كان.. مجموعه بنات وبس.. وبعدين ييتن انتن..
سكتن لين وصلن البيت.. دخلت سيده روضه قسمها. ومهره سارت قسمها فوق. وميره لحقت بروضه.
ميره: روضه شوه فيج؟
روضه:مافيني شيء؟؟
ميره:ماعليج من كلام مهره. ادري انه محد كان رياييل في الكفتريا.. بس تصدقين ضحكتج حلوه.
روضه: شوه؟
ميره:ههه والله صدق.. رنه ضحكتج حلوه.. اتصدقين انه البنات الي كانن وياانا.. وقفن يشوفنج وانتي تضحكين.. واكثر عن وحده قالت انه ضحكتج تجذب.. خخ
روضه:هههههه من جد.. توني ادري.
ميره:خخخ الا ماقلتي لي. ليش كنتن تضحكن جذيه.
روضه:ههههههههه. تعالي يلسي بخبرج السالفه.
ويلسست تخبرها. وهيه تتكلم وميره فااطسه ضحك. لين حست ويها كله حجال. من كثر الدموع الي نزلت.. وهيه تضحك وروضه تخبرها السالفه وتضحك وياها.. مهره نزلت المطبخ. وتسمع صوت ضحكهن.. حست بغيره .. ودها اتكون وياهن بس بكلامها القاسي جرحت روضه.. ف استحت اتسير لهن. سوت لها سندويجه وسارت الحجره. كل العاده امها ويدتها مش في البيت.. شغلت التلفزيون تبى اتشوف لها فلم. لين تي ميره وتفهم سالفه الضحك هذا.. مر الوقت وميره ماييت.. اذن المغرب. ومايت. هن من خلصن سوالف. سارن المطبخ يسون شيء ياكلنه.. ميره فجت العباه.. وتمت بالكندوره.. والشيله.. صلن المغرب في قسم روضه وبعدها يلسن يشوفن التلفزيون لين اذن العشى... ومهره فوق ما نزلت يوم تأخرت عليها ميره.. صلت العشى ورقدت.. لانها كانت مصدعه وملانه..ميره يت بحدود الساعه 10.. واتسبحت ورقدت سيده..
اصبحن الصبح وسرحن الجامعه مع بعض.. مهره وروضه ساكتات.. وميره يالسه بينهن.. دخلن الجامعه. وكالعاده كل وحده سارت لمحاضراتهن.. واليوم بترد وياهن نوف.. وروضه بترد ويا العنود.
ميره: بتخبرج لين متى بتمين جذيه ويا بنت عمج؟؟
مهره اتنهدت: ممكن ما تتدخلين..
ميره: لا والله.. شوه سوت علشان اتكلمينها جذيه؟
مهره: قلت ممكن ما تتدخلين.. وهذيه نوف.. ممكن ما تتكلمين عن روضه
ميره: لا والله.. لاتتكلمين عن روضه جدام نووف..؟ وليش ان شاء الله. بتموت ولا يتنجلط.. تراج وايد مسويه لها سالفه.. مثل ماهيه بنت خالج.. تراه هذيج بنت عمج..
مهره بعصبيه: بنت عم انتي اعلم بماضيها..
روضه:هيه مالها خص بماضي ابوها.. وبعدين انتي لو اتشوفين عمي بتحبينه.. وبتنسين ماضيه.. والله انه جنه في الطيب..
مهره: خليته لج.. مابا منه شي. انا بسير عندها.. شكلها بتيلس في الكوفي.
ميره: سيري لها.. انا بسير المكتبيه..
مهره: على هوااج. باي..
سارت ميره من دون ما اترد عليها.. وهيه مقهوره منها.. علشان خاطر بنت خالها.. بتعامل بنت عمها بغطرسه.. كله ولا نوف عندها هيه واحمد.. بس والله احس انهم بيندمون؟
روضه سارت عند ربيعاتها لقتهن يتريقن..
روضه: صباح الخير.. وGunaydin بالتركي. هع
العنود: ههه صباح النور يا التركيه.. تعالي تبين ريوق.؟
روضه:هههه لاا مشكوره .. تريقت في البيت.. يالله ماشيء بقى على المحاضره.. الا اذا تبن تنراغن منها..
حصه:شووفي.. يوم انه مش يوووسفووه الي علينا الحين. مايهمني.. الا صح الحين شوه علينا؟؟
العنود: علينا انجلش.. رانجييف..
حصه: واااااااعووووووه.. جانه من صباح الله خير.. نجابل هذا الهندي.. بتخبركم امااايه اتدور طبااخ هزركم بيي يشتغل عندها؟
روضه:هههههه حرام عليج.. طباااااخ عاااااد. هذا دارس في امريكا.. تبينه يشتغل طباااااخ. هههه بينجلط لو سمعج
حصه: مب احسن له.. من هاي العثره.. كل يوم يحضر ويسوي باور بيونت.. ويوزع علينا اوراق .. جنا بعدنا في المدرسه الابتدائيه.. ويالله انتوا حلوو.. في الاخير. يعطينا على DوC
روضه: لا حرام.. انا عطاني A
العنود:انا عطاني B +
حصه:لكل قاعده شوااذ.. انتن مصرياات.. كديييحااات لازم بيعطيكن علامات كامله.. الا مااااااااالت عليناااا.. بس..(اغصان الجنه قولن آميين))
العنوود ورضه: ههههه آمييين..
ميثه: تعرفن اناا يااني خمووول من هاي السندويجه.
حصه:هههههههههه عادي وشيء طبيعي... لانج ماكله فووول.. وبعدين ابشرج الا الرقاد بيييج في المحاضره.. بجداااره.. داام رانجيييفوووه علييج
روضه:هههههههه محد يسلم من لسانج انتي.. يالله قومن خلينا نسيير.. وهييه عنوودي . اليوم برد ويااج اذا ماعندج مانع.
العنود: افا عليج.. عادي فديتج,,
حصه: امممم حتى اناا.. ماعندنا سياره.. سياره البيت الدريول امس دعم بها..واماييه حلفت انه ما يتم.. لانه السياره يديده.. وهوو يوم دعم بها. السياره اتكنسلت ومافي اي امل منها.. .. الا بتخبركم رانجييف بييرضى انه يشتغل دريول. بدال مايكون طباخ.
العنود رفعت حياتها: يعني الحين اونج رقيتيه؟
روضه:ههههههههههه الريال يسووق BMWتبينه يشتغل عندكم؟؟
ميثه:ههههه بتلقينه يحافظ على السياره زيين.
العنود:ههههههههههههه.. الا بتييه جلطه..
حصه:خخخ ماعلينا.. شوه قلتي.. اذا لا بخلي خووويلد اييني.. لو انه بيعطيني محاضره طووول الدرب..
العنود مدت بوزها من سمعت اسم خالد ونشت: يالله خلونا انسير.
حصه رفعت حياتها :ههههههههههههههه
روضه ابتسمت لانها ان ضحكت عادي تكفخها العنود لانها واقفه عدالها.
دخلن المحاضره ويلسن كا لعاده آخر سييد. وميثه لانها ماكله فوول فكاانت منتهييه على الآخر.. وهو شرحه ممل. بزياده. حطت راسها على الطاوله ورقدت.. خلصت المحاضره بعد ساعتين. وطلعن بريييك..
ميثه وهيه نعساانه: اقوولكن خلااص مافيني حييل.. بسير اغسل وييهي.
العنود:هههههههههه يكون احسن لانج صدق منتهيه.
روضه:تبين لج قهوه مره علشان اتصحصحين عدل هههه
ميثه: الظاهر جذيه.. بسير الحمام بغسل ويهيي وبييكن.. ويين بتسيرن الحين؟
العنود:عندنا برييك نص ساعه.. بنسير الكوفي.. تعالي اهناك.
حصه: وبنطلب لج قهوه على حسااب روضه.
روضه:هههههه فالها طيب.
حصه: من عرستي غديتي بخيله ما تعزميينا.
روضه:ههه افااا ..خلاص غدااج عليه اليوم.
سارت ميثه الحمام وها الوقت الحماامات اتكون تقريبا فاضيه.. لانه الاغلبيه يكونن عندهم محاضرات.. دخلت الحمام من دوون ما اتسوي صووت. كانت اتعدل عباتها سمعت صوت في الحماام من داخل.. جنه وحده تتكلم بصووت واااطي. وتضحك..
:جب انزيين.. المهم انا عرسي بعد شهر. ولين الحين ماخلصت الفستان.. عادي بقدر اقابلك في الفيستفال يوم الخميس.
:خلاص عيل.. انته قابلني عند السنيما.. ومن هناك بنطلع رباعه. اوكي.
:هههههههههه فديتك حتى انا والله.. يالله انا الحين بطلع لاني عندي محاضره بعد ربع ساعه.. تييك كيير حبييبي..
:ههههههههههه يالله عااااد.. فصووولي.. بااي. بااي اخاف حد ايي لاني انا في الحماام..
ميثه تمت تتسمع وماعرفت منوه هاي الي مواعده وااحد. اتقربت من الباب .. علشان اذا طلعت هيه اتسوي عمرها توها داخله... وفعلا وصلت الباب على طلعت نوف من الحمام..ميثه من شافتها سوت عمرها توها داخله وسارت غسلت وييها. نوف اتقربت من المرايه وحطت لها رووج وطلعت ولا تكلمت ويااها..
الفصل الثالث
ربعت ميثه عند البنات وخبرتهن
حصه: مالت عليها.. بتعرس بعد شهر واتواعد واحد ثاني.. واااااااعووه.
ميثه: بصرااحه حرام عليها... غامضني الي بياخذ وحده مثلها.. والمصيبه انها ملكه جمااااااال.. ربااني..
حصه: حبيبتي عيل ليش بيضيع وقته هوه ويااااها.. اكيد لو مش حلوه ما طلع ويااها.. دخيلج فكيينا منها بس.
العنود وروضه كانن يسمعن وساكتات..
حصه: الا يا كونان.. ماعرفتي شوه اسمه او اي معلومات عنه؟
ميثه حكت راسها: اممم اعتقد انها قالت .. ياالله عااد فصوولي. اخاف حد يدخل ويسمعني..
حصه مدت بوزها: فصوولي.. يعني فيصل.. ااامممم
العنود حست بنغزه في قلبها.. فيصل..معقوله يكون فهد اخوها.. لانه اكثر عن مره سمعته يكلم وحده ويقول انه اسمه فيصل.. وشافت اكثر عن صوره لربيعاته.. معقوله تطلع وحده منهن.
العنود: الا تعرفين منوه هييه هاي؟
ميثه:اممم لااااا.. يس اعرف شكلها.. اليوم لابسه تنوره برتقاليه.. مع قميص بنفسجي.. روعه طالع عليها.. لانه حلوه وجذابه..
حصه: ايوااا. بدينا بالغزل. هع
روضه:هههههههههه حرام عليج..
العنود: اهاااا.. ماعلينا منها الله يستر عليها.. يالله خلونا نسير.
حصه نشت بسرعه: يالله بسرعه يمكن نلاقيها ونتعرف عليها..
روضه:عن الخفه هاي.. وخلج ثقيله.. وانتي شوه تبين فيها لو عرفتيها.. خليها تولي.
يت بنت عندهن..
ريم:السلام عليكم.
الكل : وعليكم السلام .
ريم:ااا.. روضه الاستاذ يوسف يبغيج في مكتبه الحين.. اعتقد انه يبى يناقشج في الواجب او شيء جيه.. لانه كان مستعيل.
روضه : اها.. يالله الحين بيي.
العنود: شو السالفه؟
روضه:علمي علمج.. بسير اشوف شوه الموضوع.
ميثه: ما تبينا انسير ويااج؟
حصه:وانتي وين تبيين .. خلج ثقيله.
روضه:ههههههههههه طاعوا منوه الي ينصح.
العنود:ههههههههه الحمد لله والشكر.
حصه وعينها على العنود:هيه والله الرزانه زينه هاي الايام
العنود: اكيييييد يا حصوه.. اقول روضه يوم بتخلصين نحن بنكون في المحاضره.
روضه: ان شاء الله..ههههههههههههه.. فجأه حسيت انج جديه ووايييد..
العنود: الحمد لله امبوني مافيني خفه..
حصه:هههههههههه هيه وااضح الا مره وحده..
العنود: يازينج انتي ساكته.. بسس..
روضه:ههههه تراج عقتيها حصه.. حرام عليج كله ولا عنوودي...
العنود:احم.. فديتج انا.. يالله سيري قبل لا يقصبج لانج تأخرتي.. مايعرف يهزب هووه ابد.
روضه:ههههه هيه والله وانتي الصادقه.. يالله سي يوو. ودعوااتكم لي
ميثه:اقوول روضه. شوه مع السلامه بالتركي.
روضه:هوشكال..Hoscakal
حصه:خلص الدرس يالله سيري..
روضه:ههههه باي Defne الله يسامحكن خربتني..
العنود:ههههههههههه...
سارت روضه بسرعه.. وهيه سايره لمحت وحده لابسه لون برتقالي.. تمت واقفه مكانها اتفكر. معقوله هيه هاي الي تكلمت عنها ميثه.. معقووله.هيه هاي الي كانت يالسه على الكرسي يوم قالت لها العنود انه اخوها فهد يكلمها.. معقووله.. يوم التفتت. اتأكدت روضه انها الي كانت يالسه.. بس هاي لبسها كله برتقالي.. بس ميثه قالت انها قميصها بنفسجي. هزت كتوفها بمعنى انه مش هيه. وهزت راسها بمعنى انا مالي دخل وسارت مكتب الاستاتذه.. دخلت بس ماحصلت الاستاذ يوسف يوم سألت عنه قالوا لها طلع بسرعه ياه اتصال مهم وطلع..هزت راسها ورجعت عند البنات الي كانن يمشن صوب القاعه.
حصه:مسرع ما خلصتوا؟
العنود:شوه السالفه؟
ميثه: شوه كان يبى منج؟
روضه:ههههههههه على منوه بجاوب اول. هههه اممم مش موجود ياه اتصال وطلع قبلي.. وبس..
حصه:يالله خيره افتكيتي عن الهزاب.. خخخ يالله خلونا الحين انسير انا على فكره تراني متنحه..
العنود: من يومج انتي متنحه.. مايبتي شيء يديد.خخخ\
حصه:خخخ اقول .. يازينج وانتي ساكته بس..
روضه:هههه بتخبركن انتن عدااايل.
العنود: لا ان شاء الله. الله لا يبليني اني ويااها في بيت وااحد.. بتلقينا آخر النهار.. ننتف كشيش بعض.. خخ
حصه:ههههههههههه اتعرفين ليش لاا عنوود.. خخخ انتي بمطرقه وانا بفاس.. والي يغلب له الجائزه.
ميثه:اي جائزه؟
حصه:خخخ الريل بعد منوه.. ياخذها عليه وتبيني اسكت,,
العنود: ومنوه قال اني اصلا بوافق اني ارتبط مع واحد معرس.. لا حبيبتي بعيييد..
حصه:ياخي ارإفي بحالي,, يمكن مافيه عيال ويبا اييب منج عيال بس..
روضه:هههههههههههه شووه؟؟ منوه الي مافيها عيال.؟
حصه:خخخ يمكن الي بياخذني ما اييب منه عيال.. فبيدور وحده ثانيه. ادري اني مابحصل احسن عن العنود. خخ يقولج قرب اصدقائج منج.. وقرب اعدااءك اقرب.
روضه:يعني الحين العنود عدوتج؟
حصه:باجر اذا بتاخذ ريلي.. بتكون عدوتيه اللدووده.
العنود: انتي عرسي اول.. وبعدييين فكري بأفكاارج المريضه هايي. اميييييييييييييييييه ..لااا ماا اصدق.. قلبي الصغير. لا يحتمل..ابا سنكرس
روضه:ههههههههههههههههههه
ميثه:ههه هذا الي قال زهب القماط قبل الياهل..
روضه:لا وانتي الصادقه زهب الرباط قبل الفلعه.خخخ
حصه:اقوول ضحكناااكن واايد بس جدد.. تراا الموضوع صدق..
روضه:اي موضوع؟
حصه وعينها على العنود: امممم شوفن.. نحن نعرف بعض من ايام المدرسه. يعني اكييد لو قلت شيء للعنود بتقولكن ايااه.. ونا بصراحه بتكلم جدامكن..
العنود: اييه شوه السالفه؟
روضه: خوفتيني؟
حصه:عنوودي. انااااااااا ابا اطلب ايييدج
العنوود: نعـــــــــــــــــــــم؟؟
روضه:ههههههههههه حق منوه؟
ميثه:لريلها.هههه
حصه:لا حبوبه ريلي بيكون حقي برووحي. بس آآآآآآآآآآآآآآآآآآآه خليه ايي قبل. انا بطلب اييد العنود حق خالد اخوويه.
العنوود: لااااااااااااااااا. مااابااااااااااا.. تفهمييين. مااااااابااه
روبعت عنهن.
روضه وميثه:هههههههههههههههههههههههه
حصه:اقوول ترا صدق مش مزح.. من يوم السالفه وخالد اخويه مش على بعضه.. وامس كلمني عنها وسألني اذا كانت مخطوبه او لاا.. وقلت له انها مش مخطوبه. وقالي انه من باجر بييهم.. على اساس انه اليوم.. فما اعرف شوه اقولها الحين.
روضه:وااو..
ميثه: واااااااااااااااو.. وقع في غرامها من اول نظره.. ياااي يالرومانسيه.
حصه:لا والله.. امممم تعرفن خالد صح رومانسي اشوي.. بس ما ادري به.. المهم اييه رووضه انتي ربيعتها واايد. كلمييها.. دخيلج. والله انه بد خواني كلهم.. خالد شيخهم كلهم..
روضه: شوه تبيني اقولها.؟
حصه:على الاقل ما ترده.. بسبه السالفه الاوليه.
ميثه:لو اني اشك بها الشيء.. لو ردته تراها بترده علشان الموضوع نفسه.
حصه:علشان جيه ابغييج ياروضه اتكلميينها..
روضه:امم ما ادري والله.. ماعليه خلنها الحين. ونا بكلمها يوم بنرد البيت. تعرفين برد بيت اهليه وبكلمها طول الطريق.. والله يكتب الي فيه الخير.
حصه:آميين يارب.
ميثه:ههه الا وينها الحين؟
روضه:هه ما ادري بها.. خلنا انسير انشوفها يمكن في القاعه. بس لا حد يفتح معاها الموضوع.. رجااءا
حصه وميثه: ان شاء الله..
سارن وحصلنها يالسه في القاعه بروحها.. اتقربن منها ويلسن عدالها يسولفن من دون ما اييبن طاري قنبله حصه..
خلص اليوم وطلعت روضه مع العنود.. وهن في الدرب اتصلت ب ميره وخبرتها انها بتسير بيت اهلها ويمكن تبات عندهم.
ميره:خبرتي احمد؟
روضه ببرود: وليش اخبره.. هوه حر في حياته مثل ما اانا حره بحياتي..
ميره: بس ياروضه ما يصير هذا ريلج.. ولازم يكون عنده خبر على الاقل
روضه ببروود: انزين اتصلي فيه وخبريه لو سمحتي.. لاني مالي مزاج اتهاد ويااه. على شيء ما يسوى.. وبعدين هوه تراه قال انا حره اذا ابا اسير بيت اهليه.. وبعدين لاتنسين انه .... عرسه من بنت خالج قريب.. مابا اهليه ينصدمون يوم تيهم بطاقه العرس.. على الاقل بهيئيهم للصدمه. من الحين..
ميره: روضه.. والله آسفه..
روضه: انتي مالج ذنب. وبعدين اذا انا مش هامني.. عادي عندي.. ميروه انتي فاهمه الوضع زين..
ميره: وشوه بتقولين لاهلج..
روضه:ماادري.. بس عمري ماخبيت عليهم او جذبت عليهم.. شكلي بقولهم السالفه كلها..
ميره: حتى سالفتج وياا..
روضه:لاااا.. مالهم علاقه كيف حياتي مع احمد... في الاخير احمد ولد عمي وريلي.. المهم بخليج الحين. اشوفج على خير.
ميره: مع السلامه.. وكلميني يوم تفضين.
روضه:ههه ان شاء الله.. يالله مع السلامه الحين.
ميره: مع السلامه.. سلمي على اهلج..
روضه:الله يسلمج.. باي
ميره:باي..
مهره: شوه السالفه؟
ميره: بتبات عند اهلها وبتخبرهم انه احمد بيعرس ..الشهر الياي..
مهره: آخرتهم بيعرفون.. ويعرفون من البدايه احسن عن يوم يعرفون آخر شيء..
ميره:هزرج بتصير مشاكل بعد ما يعرفون؟
مهره اتنهدت وهزت كتوفها:والله ما ادري.. بس ما اتوقع خصوصا انهم يعرفون انه بسبه الوصيه صار كل هذا.. ومن الاساس كان احمد بياخذ نوف .. يعني مش من الحين.. بس طلعت هاي السالفه علشان يزعلون على بنتهم.
ميره: مرات احس اني ما اعرفج.. رغم انج توميتيه.. معقوله كل ها البرود فيج..
مهره:مش برود وانما واقعيه.. وياريت اتشوفين الموضوع من منظار واقعي.. مش تراجيدي.. ورومانسي.
ميره: خليتها لج مهرووه..الا وين العروس لين الحين ما شرفت..
مهره : ماادري بس قالت انها تبا اتسير الحمام اتعدل شعرها وبتي..
ميره: انا بعد ابا اسير الحمام.. احس ويهي فيه غبره.. بسير اغسل ويهي وبشوفها.. بالمره.
مهره: اوكي.. بس ياريت ما تتأخرن.. لاني مصدعه..
سارت ميره الحمامات... البعيده. لانه تعرف انه الحين كل الحمامات القريبه زحمه بالبنات.. وصلت الحمام ولقته فاضي.. دخلت وحطت شنطتها وبدت تغسل ويها. الا وتسمع صوت في الحمام.. التفتت.. لقت نوف طالعه من الحمام وتلفونها في ايدها.
نوف بعصبيه: انتي من متى اهنيه؟
ميره فجت ثمها: هااه؟
نوف: ليش ما قلتي لي انج ياييه.. وبعدين لازم تيين علشان تزقريني.. تراني قلت بعدل شعري وبيي.
ميره: اولا ما اظن انه الحمام لج بروحج علشان تحاسبيني.. وبعدين مهره مصدعه ياريت لو ما تتأخرين..
نوف ارتبكت: انزين.,. وبعدين انا ماقلت شيء.. بس انج زيغتيني..
ميره رفعت حياتها: وليش زيغتج. عادي ييت علشان اغسل ويهي.. وبس..الا انتي كنتي تتكلمين في التلفون.
نوف بهت ويهها: هااه.. لااا .. هيييه.. كنت اكلم ربعتيه نوواري.. اتقولي انها تبا اتسير دبي.. وتباني اسير ويااها..
ميره: اها.. زين.. يالله اذا خلصتي خلينا انسير..
نوف: هييه.. يالله بس بغسل اييدي. وبظبط شعري..
ميره: وليش ماعدليه يوم ييتي.
نوف: وليش تحاسبيني.. انتي شوه؟
ميره رفعت حياتها مستغربه من عصبيه نوف: لاا .. ما احاسبج بس قالت لي مهره انج تبين تعدلين شعرج وبتين..
نوف وهيه اتفج شعرها واترتبه مره ثانيه:انزين وانا شوه اسوي الحين.. تعرفين شيء.. يالله خلينا انسير بسرعه.
ميره: يا..الله..
طلعن وسارت صوب السياره لقن مهره يالسه فيها وحاطه راسها على المسند .. مصدعه.. وشكلها غفت..ركبن وسارن البيت.. وكل اشوي تلفون نوف يهز.. كانت اتشوف الشاشه واتحطه في الشنطه.. ميره ما عبيتها حركات نوف.. ويوم يسكت التلفون كانت اتطلعه وتكبت شيء وتتبسم.. واترده في الشنطه واتطلع الثاني.. علشان ما يطيح عنها. ووحده منهن اتشوفه في حال حد اتصل بها... وصلنها البيت ونزلت سيده وسكرت الباب مستعيله.بدون ما اتقولهن يقربن.. نشت مهره على دقت الباب.
مهره حطت ايدها على راسها: شوه الي صار.؟
ميره هزت كتوفها: ما ادري بس بنت خالج مش على بعضها اليوم.. يالله برهوم سير البيت..
العنود: يعني الحين انتي من صدقج بتخبرين اهلج بالموضوع؟
روضه: طبعا.. يعرفون مني الحين.. ولا يعرفون من الغريب باجر..
العنود: بس..
روضه:آخرتهم بيعرفون.. وبعدين ما بيسوون شيء.. انا بتفاهم وياهم.
العنود: اها.. وانتي تتحرين الموضوع سهل؟
روضه: الحين بيكون صعب.. باجر بيتعودون عليه. وبيكون عادي..
العنود: اتقصين على منوه انتي.. هيييه اصحي ياماما.. انا اعرفج زين.. وما اكون العنود.. ان ماكان قلبج محرووق من داخل
روضه:لا يابنت الحلال.. لا قلبي محروق ولا هم يحزنون.. اصلا انا قلت لج.. اني بيلس فتره عنده وبعدين بتطلق... مايهمني فيه.. يموت هوه وياها.. همي اني انفذ الوصيه وخلاص..
العنود اتنهدت:ماادري ..
روضه:خليج مني الحين.. الا شوه بتسوين بالموضوع
العنود : اي موضوع؟
روضه رفعت حياتها: اي موضوع..خخ موضوعج انتي وخالد
العنود بعصبيه:لو سمحتي روضه لا تتكلمين فيه.. مستحيل ..
روضه:ممكن تخلينا نتكلم بواقعيه..انسي السالفه الجديمه.. وفكري في انه ريال وياي يخطب لاغير
العنود: لا والله.. اتقصين على منوه انتي.. ماااااااباا..
روضه:عنودي فديتج لا اتضيعين الريال من ايدج. وبصراحه انا اكثر عن مره سمعت ابويه يطريه.. والله انه شال مسؤليه البيت كلها. من بعد ابوه.. هوه الكل في الكل. لاتضيعين الريال .. بيهاله.
العنود:لا والله.. اييييه اذا انتي عرستي مب غصب اتوزين كل ربيعاتج. انا بعدني صغيره.
روضه:ههههههههه.. ليش ان شاء الله... من حلات حياتي يعني. بس انتي غير..وبعدين الريال هوه يباج من خاطره مش مغصوب عليج عنودي.. فكري فيها.. ولا تستعيلين.
العنود: والله ياروضه ماا اقدر.. كل ما اتذكر السالفه احس اني ابا اموت.
روضه: باسم الله عليج... لا تقولين هاي الرمسه.. بالعكس يمكن هاي السالفه هيه الي حببته فيج.. الريال شارنج. ويقولج المثل دور على الي يباك ولا اتدور على الي تباه...وهوه يباج..
العنود: ماادري..
روضه:شوفي انتي خليه ايي وشوفي راي اهلج ... وبعدين انتي قرري..
العنود : يعني الحين اونه يترى ردي..
روضه:هييه.. قال لحصه..اتشوفج اذا رفضتي مابيي وبييب اهله علشان ينردون..
العنود: واذا ردوه اهليه.. تراها نفس الشيء؟
روضه:لااا.. اذا ردوه اهلج ف عيبن فيه.. مش لانج انتي ما تبينه.. فهمتي عليه؟
العنود:اها. ماا ادري والله..
روضه ابتسمت:اتوكلي على ربج انتي وخليها عليه.. بيكم ويا اهله وبيشوفون اهلج وبيخبرونج.. وانتي استخيري ربج وشوفي كيف تمشي الامور.
العنود: ان شاء الله.
روضه: وانقول مبرووك..
العنود استحت:ايييه... مش وقته.. هذا اذا وافقوا عليه اصلا,,
روضه:ههههههههه عندي احساس انه اهلج ما بيردونه.. والله يا العنود اني مستانسه لج.
العنود: دووم يارب اشوفج مستانسه.. الله يتمم على خير..
روضه:آميين.. على الاقل فرحيني انتي ونسيني الي انا فيه.
العنود حطت ايدها على ايد روضه..: ربج فوق يا روضه.. وصدقيني ما ينسى عبيده..
روضه:ونعم بالله..
العنود: الحين تعالي.. متى بتخبرين اهلج.. لاني ابا اكون وياج.. ماباج اتكونين روحج .. خصوصا اني ادري بكل شيء..
روضه هزت راسها: لااا العنود.. افضل اني اكون بروحي يوم اخبرهم.. ادري انهم بيقولون كلام وايد وبيحملوني السبب.. بس في الاخير. هاي حياتي.. انا الي بعيشها. وانا راضيه بها.. مشكوره فديتج ادري انج اتخافين عليه.. ياغير.. لا تخافين. انا قويه.. ههههه وهذيلا اول والاخير. تراهم اهليه.. وانا اعرفهم زين.. وصدقيني مهما قالوا وبيقولون في الاخير. يبون مصلحتيه.
العنود: اكييد انتي اعرف الناس فيهم.. بس حبيت اني آخذ اشوي من الهزاب..
روضه:هههههههه لا عاد.. مايصير. يالله الحين بنزل.... ودعواتج لي..
العنود: الله ييسر لج امرج..
روضه:آمين.. وانتي بعد. الله يسر لج امرج ويسعدج مع خالد..
العنود:رووويييييض..
روضه:ههههههههههههه انزين خالد وغير خالد.. المهم انج اتعرسين وتستانسين وافتك منج
العنود:آجمعين يارب..ههههههه حيوانه..
روضه:خخ ما اظن.. اني بيوم بستانس مع احمد.
العنود: ليش انتي متشائمه.. يمكن اذا .. يعني بعد ما ينتهي موضوعج مع احمد.. اييج واحد ثاني ويسعدج . يعني مثلا.. فهد اخوي.. او غيره
من قالت فهد.. مسكت الكلينكس وفرته صوب العنود ونزلت.. لانها اتعرف انه فهد يحبها.. من يوم هن صغار.. كان كل ماتي بيتهم.. وهو يعرف انها عندهم.. يسير الكفتريا وايب العصير الي هيه تحبه..ويطرشه لها..عمره ما تخطى حدوده معاها.. رغم انه يحبها.. الا يعشقها.. واكثر من مره سمعته يدافع عنها يوم يتهاد مع حمد..بسبتها..لانه حمد من يشوفها يستفزها... وفهد يدافع عنها.. مره من المرات اتضاربوا والسبه هيه.. وهاي السالفه يوم خطبها سعيد. ولد اخو ربيعتها. كانت وياها في المدرسه. كان كل خميس اييي وايشل شرينه من المدرسه وايحوطون مع بعض..كان يدرس برا وهاي اول سنه له وهو اكبر منها.. بثلاث سنين.. .. كان يشلها ويحوطون وخلاف يردها البيت .. فيوم من الايام اتأخر ابو روضه عليها.. والعنود سارت البيت وقت لانها تعبت من معدتها..اتلاقت ويا شرينه عند الباب.. بما انهن بعدهن في الاعداديه ماكانن يتغشن..
شرينه: محد ياج روضه؟
روضه:والله ما ادري شوه السالفه.. ابويه اتأخر اليوم.؟
شرينه: شوه رايج انا اوصلج؟
روضه:لاا.آخاف ابويه ايي وما يحصلني..
شرينه: انزين صبري اشوي بييب تلفون سعوود. وانتي كلمي اهلج منه.. ا ذا محد بيي
بنوصلج..
روضه:ما ادري والله.. اوكي.. لاني بديت اخاف مش من العاده يتأخرون عليه..
شرينه: زين عيل.. بسير ايب التلفون وبييج..
ربعت شرينه عند سعيد ويابت من عنده التلفون.. اتصلت روضه بأبوها وما رد... خافت واتصلت بأمها.. يوم ردت عليها.. كانت روضه اتصيح.. لانها خافت شيء يا ابوها.
لطيفه: لا تخافين.. بس لانه اتأخر ويا العمال.. وتم واقف في الشمس وايد.. والحين راسه يعوره. الحين بييج.
روضه:لاااا.. امايه خليه يرتاح.. انا بيي ويا شرينه ربيعتيه..
لطيفه:هييه.. زين يابنتي.. بس لا تتأخرين..
روضه: ان شاء الله امايه.. يالله مع السلامه.
لطيفه:مع السلامه يابنتي.
سكرت وعطت شرينه التلفون.. وسارت وياها بعد ما استأذنت سعيد انه يوصل روضه بيتهم..وطبعا سعيد بعد ما ترجته انه يوصل روضه رضى بالامر الواقع.. ومن ركبت روضه ماقدر انه يخوز عينه عنها.. اعجب فيها.. بشكل غير طبيعي.. حتى انه بغى يدخل في الرصيف اكثر من مره.. وصل روضه لبيتها. ومن نزلت عنهم.. تم يتخبر شرينه عنها.. شرينه مافهمت قصده ليش يتخبر عن روضه جذيه لانه ماكانت حاطه في بالها انه سعيد جذيه بيعجب فيها..ومن يومها تم كل ما ايي شرينه.. كانت عيونه اتدور روضه.. لين خلصن من الاعداديه ودخلن الثانويه وهوه معجب فيها.. بس ماخبر حد عنها.. خلص دراسه من براا وبعده حاط روضه في باله.. من بدا يشتغل.. قرر انه يفاتح اهله بالموضوع.. وفعلا تم الموضوع.. وخصوصا انه شرينه وايد كانت تمدح روضه.. وباقي لها سنه وبتتخرج من المدرسه.. وموضوع الوصيه لين الحين محد يعرف عنه.. الا من بعد ما اتلاقوا الاخوان.. طراه عبدالله لناصر.. انه وصيه المرحوم .. انها لازم تتنفذ.. وصلوا. اهل شرينه عند بيت روضه. علشان يخطبون.. وكانوا بس رياايل الي يوو.. واتلاقى وياهم ناصر براا.. ودخلوا كلهم داخل.. يلسوا في الميلس.. وبعد ما خلصوا شرب القهوه.. والاكل. بدوا وفتحوا الموضوع ويا ابوها.. وطلب منهم مهله علشان يتخبرون عن الريال وبعدين بشاور البنت وبيردون لهم خبر. وفعلا تم الموضوع وروضه وافقت كموافقه مبدأيه. بس قروا انه العرس يكون بعد الثانويه.. سعيد ماعنده مشكله. المهم انه روضه اتكون له.. مرت الايام ورجع حمد من السفر.. لانه كان يدرس برا.. من بعد ما خلص الجامعه في البلاد..اتفاجأ بموضوع روضه.. خصوصا انه سعيد يكون ربيعه..
سعيد: ياريال اخيرا.. بكمل نص ديني..
حمد :هه ومالقيت الا هاي..
سعيد عقد حياته: ليش.؟ شوه فيها..؟
حمد: هيه.. مافيها شيء.. انا اعرفها من يوم هيه صغيره. لانها ربيعت ختيه.. بس..
سعيد عصب: حمد ارمس روضه شوه فيها؟
حمد ببرود:قلت لك هيه مافيها شيء.. ياغير .. ابوها( مد بوزه) ملفه مش نظيف.
سعيد حس بقطعه ثلج اتمر على عموده الفقري: ممكن توضح اكثر.. كيف يعني ملفه مش نظيف؟ من اي ناحيه؟ اانا شفت انه ريال ونعم.
حمد اتنهد:شوف دامك ما تعرف. لين الحين.. خلاص خلك على جهلك احسن.. وبما انك اتشوفه ونعم..امممم بصراحه انا بعد اشوفه الحين ونعم.. ياغير كان له ماضي اسود..
سعيد خلاص وصلت ويااه: حمــــــــــــــــــد ارمس عاد. شووه فيه..
حمد بكل برووود كان يماطل:اممم شوف اذا كان ريال له سوابق في جريمه اختلاس.. وانسجن بعدها ب ثلاث اسنين عادي عندك.. فأنا اقول لك الف مبرووك. منك المال ومنها ... هه العيال..
سعيد مسك حمد من كندورته:انته تتكلم عن جد ولا تمزح... حمد ارمس.
حمد: فج الكندوه واعقل.. نحن في مكان عام.. لا طبعا ما امزح. واتروم تتخبر اي حد .. بيقولك نفس الكلام.. حتى انه انسجن في السجن المركزي هنيه في العين..وازيدك من الشعر بيت ترا اهله متبرين منه..وهوه ولد حرام.. يعني غير شرعي..هه تبا زياده بعد.. بس اذا عادي عندك الموضوع..
سعيد فج كندوره حمد ويلس على الكرسي.. حاس جنه حد ضربه بطابوقه على راسه.. شل بوكه وسويجه وتلفوناته وطلع من الكوفي.. ولا اتلفت على حمد ولا كلمه.. ركب سيارته وسار البيت .وقتها كانت شرينه تتكلم ويا روضه واتخطط وياها شوه بيسوون. دخل عليها سعيد من دون ما يدق الباب..
شرينه: امييه زيغتني.. ايييه مب زين جذيه. الله يعينج يا رويض على ريلج.
سعيد: الحين يالسه تتكلمين ويااها..
شرينه ابتسمت:ههه هييه اتكلم ويااها.
سعيد بعصبيه اشوي: سكري التلفون ابا اتكلم ويااج في مووضوع مهم.
شرينه: ههههه اوكي. تسمعينه ياروضه..
سعيد بصوت عالي:بسرعه سكري التلفون اقولج.
شرينه خافت من نبره صوته وسكرت التلفون بسرعه حتى انها ما تذكر اذا قالت لها مع السلامه او لا.. روضه من طرفها سمعت صوت ونبره سعيد العاليه.. وعرفت انه معصب.. حست بويع في صدرها. رغم انها ما تعرف ليش هوه معصب. بس حست انه لها علاقه بالموضوع..
شرينه:شوه فيييك.. ليش انته معصب.
سعيد: قولي لي.. تعرفين انه ابوها خريج سجون ولا لااااا.
شرينه خافت : ابوو منوه؟
سعيد: ابووها. هاي الي ما تتسمى.. روضه. تعرفين انه ابوها خريج سجون ولاا لاااااا. وياويلج ان جذبتي عليه. والله ياويلج.
شرينه برووع: لاا والله ما اعرف.. وروضه عمرها ماقالت لي. وما اصدق انه ابوها خريج سجوون. هذا جذب.
سعيد: لااا مش جذب... انا اتأكدت بنفسي.. الحقير كان سارق ملبغ كبير وحطه بحسابه.. وانسجن ثلاث اسنين.. وفوق هذا طلع ابوها غير شرعي. واهله متبرين منه.. آآآآآآآآآآآآآه كل هذا ونحن ما ندري
شرينه:مستحييل.. مااصدق..
سعيد يلس على طرف الشبريه وحط راسه بين ايديه: لا صدقيني.. هيه قصت عليج.. بعد. هه وانتي تمدحينها كل هذا المدح.
شرينه بعصبيه: وانا شو دراني ببلاوي ابوها.. الخااايسه. ومرابعتنها. كل هاي السنين. في الاخير تطلع حراميه وبنت حرامي. الحقيره والله لافضحها . الخاااايسه..
سعيد نش من دون مايتكلم. وسار حجرته. شرينه اتصلت بروضه تبا تتأكد.
روضه:هلا شرون شو فيه سعيد.
شرينه: بسألج روضه سؤال وابغي اجابه عليه بصراحه ممكن.
روضه: ا .. وكي.. ش.. وو
شرينه ببرود: روضه ابوج .. انحبس ثلاث اسنين ولا لاا.
روضه شهقت: انتي.. كيف عرفتي.
شرينه:جاوبيني صح ولا لااا..
روضه:صح.. ب...س..
شرينه ماخلتها اتكمل كلامها سكرت في ويها وطرشت برودكاست للكل الي عندها في القائمه بكل شيء.. داومت روضه الصبح. واتشوف البنات يطالعنها ويتغامزن.. مافهمت عليهن.. لين بدت الحصه وتمن يفرن عليها اوراق صغار مكتوب عليها. بنت الحرامي.. منوه. اكييد انتي.. وغيرها الي كاتب الحقيره بنت الحقير. والي كاتبه بنت خريج السجون. والي.... والي. كانت اتشوف الاوراق وهيه اتصيح.. طلعت من الحصه من دون ما تستأذن وربعت براا.. لقت بنات واقفات في الممر.. من شافنها تمن يزقرنها بنت خريج السجوون .. الحرااميه. بنت الحرامي. وبنت الحرام..وانها بلا اصل.. ربعت روضه الحمام وحبست عمرها وهيه اتصيح لين خلصت الحصه.خافت ايين البنات ولا الاداريات ويطلعنها.. طلعت وهيه مسكره اذنيها.. وسارت الاداره تبى اترد البيت. الاخصائيه خلتها يالسه عندها في المكتب. لين تفهم الموضوع كامل.. طلعت براا لقت البنات متجمعات ويطرن روضه.. والعنود بينهن وهيه اتدافع عنها.
عائشه: السلام عليكم بنااات. لو سمحتن بنااات ممكن الهدووء.
سكتن البنات والعنود كانت تتكلم
العنود:ابله شوفي البنات كيف يتكلمن على روضه.
عائشه: بسألكن سؤال. انتن شوه الي عرفكن انها حراميه.. سرقت منكن شيئ.. او ابوها سرق منكن شيء؟
الكل :لاااا..
مها :بس ابوها اختلس فوق 3 مليون درهم... ويينهن. اكييد صرفهن عليها.. معناتها هيه بعد حراميه.
عايشه الاخصائيه:لا والله..من متى يحاسب الانسان على غلطه غيره.. سمعني زين.. اي مشكله اتصير بسبب هذا الموضوع.. بحولكن للاداره. وبكتبكن تعهد وبزقر ولي الامر. الحين انبهكن بس.. مفهووم..
الكل هزن راسهن.
العنود: ابله وين روضه الحين..؟
عائشه:موجوده في الاداره.. بتسير البيت الحين..
العنود:ممكن اشوفها لو سمحتي.
عائشه:تعالي.. الا ماعندج حصه الحين؟
العنود:علينا رياضه وابله الرياضه غايبه.
عائشه:بتكيم ابله احتياط.. بس تعالي. ومن تسير روضه البيت بترجعين الصف.
العنود:ان شاء الله ابله.
سارن الاداره ولقن روضه مغمي عليها في المكتب.. زقرن الممرضه..ومن انتبهت روضه سارت البيت..شرينه ما دامت هذا اليوم.. بس وصل لها كل الي صار.. وبنفس اليوم ابو سعيد اتصل بناصر وخبره انه ولده مايبا يعرس خلاص.. ومن وصل الموضوع لروضه. انهارت. ووصلوها المستشفى.. وبعد التحاليل طلع عندها انهيار عصبي حااد من صدمه نفسيه.. تمت في المستشفى اسبوع..كامل.. وقتها درى فهد بالموضوع..وشاف حمد مش على بعضه.. خصوصا يوم درى من العنود انه روضه في المسشتفى... وياها انهيار عصبي.. كانت العنود اتدور حد يوديها المستشفى.. فخبرت حمد علشان يوصلها.. بس من درى حمد.. قال لها انه ما يقدر واتغير ويه.. قالها اتشوف فهد الي كان توه ياي من كليه الشرطه.. خبرته ووصلها عند روضه ورد البيت.. بعد ماقالت له عن الي صار في حمد يوم قالت له.. شك فهد انه لحمد دخل بالمووضوع خصوصا انه يعرف اشكثر حمد يكره روضه.. ومش بعيده انه يدخل فيه.. وفوق هذا يعرف انه سعيد ربيع حمد.. اتصل بسعيد علشان يستفسر عن الموضوع.. قال له سعيد اتخبر حمد اخوك.. ومن قاله جذيه ربع سيده عند حمد واتضارب وياه. بعد ما اعترف حمد انه هوه الي خبر سعيد بكل شيء.. تمو فوق الشهرين ما يكلمون بعض.. دخلت روضه البيت.. ولقت ابوها يطالع التلفزيون في الصاله ويتكلم في التلفون... سلمت عليه وحبه فوق راسه.. ويلست..عداله..يت امها الي كانت في المطبخ وسلمت عليها وردت المطبخ لانها يالسه تطبخ شيء.. وامها من النوع يوم تطبخ ماتحب حد يكون في المطبخ وياها.. لين تخلص شغلتها.. من سكر ابو روضه يلس يسولف وياها
ناصر: غريبه والله الشيوخ عندنا اليوم. الا من وين ياييه.؟
روضه وهيه مرتبكه مش عارفه كيف بتفاتح ابوها بالموضوع: والله.. يا الغالي انا.. يايه من الجامعه.. قلت ببات عندكم اليوم.. وباجر ان شاء الله برد..
ناصر عقد حياته: هيييه.. زين والله.. الا ريلج عادي عنده؟؟
روضه نزلت راسها: اممم .. هييه قال لي ان بغيت ايي عندكم مااعنده مانع.. الا ابويه بغيت اتكلم وياك.. لا وياكم بموضوع.. بس قبل لا اتكلم ابغيك تسمعني لين الآخر ولا تتنرفز. علشان خاطريه..
ناصر : روضه شوه السالفه..؟
روضه اتنهدت: اممم لحظه بزقر امايه وبيي..
سارت وزقرت امها.. ومن يت بدت تتكلم..
روضه: ابويه امايه.. انااااااااا.. واحمد..
لطيفه: انتي واحمد شوه. يابنتي؟؟
روضه:ابويه.. يوم ياك عمي واحمد يخطبوني ماقالوا لك شيء ثاني.
ناصر عقد حياته:لااا.. شوه بيقولون بعد.. ترا علشان الوصيه المرحوم..
روضه:هييه. ادري.. بس قبل وصيه المرحوم..في شيء صاير..واحمد ما تقبله.. وانا سامحته فيه.
لطيفه:رووضه. شوه السالفه. تراج خوفتيني.. لايكون بتتطلقون؟؟
ناصر:فال الله ولا فالج ياحرمه.. لا ان شاء الله. انا بنتي ماتتطلق..
روضه:حتى لو ريلها عرس عليها يابويه..
ناصر ولطيفه:شوووووه..!!
روضه:تسمعني يا ابويه.. لا سمعوني انا بقولكم كل شيء.. بس دخييلكم لا تقولون ااو اتسوون اي شيء.. احمد من يوم هم صغار محيرين له بنت خاله عيسى.. وويوم عزم انه يعرس.. طلعت سالفه الوصيه.. وانتوا اتعرفون انه نحن مغصوبين عليها... لانه لا انا ابا العرس.. ولا احمد يبى ياخذني ويخلي بنت خاله..عمي عبدالله اجبره عليه.. ولا...
لطيفه:ولاا شووه؟
روضه نزلت راسها:ولاا. بيروغه من البيت..
ناصر:هه.. انزين وبعدين.؟
روضه:امم احمد وافق انه ياخذني.. بشرط انه..
ناصر: ياخذ بنت خاله عليج.. صح ولا انا غلطان.ياروضه.. وهذا الي انتي موافقه عليه.. ترضين انه ياخذ عليج ضره..
روضه:وانتوا بعد بترضون.. لانا كلنا في هاي اللعبه يابويه.. انجبرنا عليها.. والي جبرنا عليها.. مدكوووك تحت التراب.. صحى بعد فوات الاوان. علشان يصلح غلطته.. والثمن نحن الي بندفعه يابويه.. ابويه احمد لا يحبني ولا انا احبه.. لا هوه تقبلني ولا انا تقبلته.. الحين عاشين فوق الشهرين.. انا في حجره وهو في حجره.. انا قسميه تحت وهوه قسمه فوق.. ايام واسابيع اتخطف ولا اشوفه..
لطيفه حط ايدها على راسها:ياحسره قلبي عليج يابنتي. ليش كل هذا لييش..
ناصر:ولين متى بتمين جذيه؟
روضه:لين آخلص الجامعه.. هوه قال انه بيطلع من البيت الشهر الياي.
لطيفه:وليش بيطلع من البيت الشهر الياي؟
روضه:لانه عرسه الشهر الياي.. بيحطها في بيت بروحها.وبجذيه لا انا بشوفها ولا هيه بتشوفني.
ناصر: وبيعييش ويااها. هناك.. وبيفرج انتي في بيت اهله.
روضه:على الاقل انا عند اهله يابويه مش في بيت بروحي. ومحد عندي.
ناصر: بيت ابوج احسن لج.
روضه:ابويه..انا.. ماابا..((حست بدوخه ))
لطيفه:شووه فيج ياروضه..
روضه:لا ماشيء.. بس فيني ويع راس. ودوخ....هه (وطاحت مغمي عليها))
شلوها سيده المستشفى خصوصا انه بعدها بعباتها مالت الجامعه.. خذو منها دم.. وبعد ساعه ياهم الدكتور..
د.فدوى اتطمنوا يا جماعه.. هيه الحمد لله. منيحه بس عندها ارهاق بسيط بسبب الحمل.. وفوق هااد هييه مش ماكله كويس.
لطيفه: حمل!! ((طالعت روضه. كيف جيه وهيه واحمد كل واحد في قسم)
ناصر:شكرا دكتوره..
د.فدوى:العفو.. عليها العافيه.
لطيفه:كيف جي ياروضه.
روضه استحت تتكلم..ناصر فهم عليها وطلع اييب لهم شيء ياكلونه.
لطيفه:رووضه.
روضه:هييه مره وحده بس يا امايه.. اول ليله بس.. معقووله... صار جذيه.ليش يا امااايه لييش.. ماااااابااااااااااااه مااااااااااااااابااااااااااااه اباا انزله اماايه قولي لهم ماااباااااااااااااااه.. دخلييج. مابا اييب منه عيييال مايستااهل يكون ابو عييالي.. امااااايه
لطيفه:استغفري ربج يارو ضه.. وهذا كتبه ومالج حق لا انتي ولا غيرج. انه تحرمونه من انه ايي الدنيا ويعيش فيها.
روضه وهيه اتصيح:بس مااااباا منه عييال.. كيف تبيني اييبه.. كييف.(حطت ايديها على عيونها ويلست اتصييح))
لطيفه:لا الاه الا الله.. استغفري ربج يابنتي. يمكن يكون لج سند في الدنيا.. وياخذ حقج من ابوه.
روضه:حقي باخذه بيدي.. محد بياخذ حقي مني..بس هذا ماابااه(كانت تضرب بطنها بقوه) مااباااااااااااه..باجر بيعيروونه بيده.. ماكفا الي ياني انااااااااا.. ويمكن هووه يعير يده ما تعرفين كيف بيطلع.
لطيفه:ولدج ولابنتج انتي الي بتغرسين فيهم المحبه ولا الكره يابنتي.. مش هم.
روضه:اخاف ياخذونه مني.
لطيفه: محد بياخذه منج.. بسير اشوف ابوج وين
لطيفه طلعت اتشوف وين ناصر لقته واقف عدال الباب وكان يسمع كلام بنته..
لطيفه:ناصر..
ناصر وفي عيونه دموع:انا شوه سويت فيكم.. يا لطيفه.. شوه سويت..
لطيفه :فديتك ماسويت شيء.. انته مظلوم.. والله بياخذ حقك منهم... بس وكل امرك لربك.. ويمكن هذا هوه الي بياخذه لك..
ناصر: وين بياخذه اذا امه ماتباه ايي .
لطيفه:ماعليك من روضه.. باجر بتهدى وبالعكس بتلقاها هيه الي بتتمسك فيه..
ناصر:ااااااااااااه يالطيفه.. والله اني فيني غيض من احمد.. بس اااااااااااااه ايديه مربطاات.. مااقدر اسوي شيء..
لطيفه:مثل ما قلت لك وكل امرك لربك..
صاح تلفون روضه وكانت ميره الي اتصلت..
ميره:مرحبااا.. ويينج والله تولهت عليج.
روضه:موجوده. بس كنت تعباانه اشوي..
ميره: سلامات يا روضه. تعبانه من شوه.؟
كانت تتكلم واليده فاطمه يالسه عدالها. وامها وابوها يشربون قهوه. في الصوب الثاني.
روضه:مافي شيء.. ارهاق بس. كان عندي امتحان اليوم.. والبارحه مارقدت كنت ادرس. وما كلت زين..
دخلت النيرس علشان ينقلون روضه لغرفه.
ميره:رووضه انتي في المستشفى..؟
روضه:هييه.. بيرخصوني احتمال باجر الصبح.
ميره:ارهااق وترقييد. روضه قولي الصدق. شوه فيييج.
روضه: والله ارهاااق بس..((فيها عبره بس ما تبى اتبين لميره شيء))
ميره:الحين انا يايتنج.
روضه:لااااااااا ميره لا تيين.. فديتج .. باجر بيرخصوني وبرد البيت.عادي.
ميره:روضه انتي شيء فييج. بس ما تبين تخبريني.مستحيل ارهاق من قل الاكل والرقاد ليوم واحد يرقدونج عندهم.
روضه:شوه فيه. يعني.. اذا تبين تعرفين.. بقولج انااااا حامل رضيتي الحين.
ميره بفرح: قووووووووووولي والله.. روويض قولي الصدق.
مريفه:شوه مستوي ميره.؟
ميره بصوت عالي:هههههههه امايه روضه حاامل..
عبدالله كان يشرب القهوه من سمع الخبر طاح الفنيال من ايده.
فاطمه:شووه؟
مريفه:هااه.. بالبركه ان شاء الله..
فاطمه:كملت والله.. بتضوي لكم ياهل.. هاي الحمراا..
((القصد منها انها حفيده الاتراك))
عبدالله نش وروح ولا قال كلمه........... ركب سيارته واتصل بأحمد.
احمد:ههههههه ياريال حرام عليك. خلنا نعيش حياتنا.((لحظه شباب)) هلا بويه..
عبدالله:احمد وين انته؟
احمد:هنيه في عزبه عمتيه عاشه.. ليش؟
عبدالله :اركب سيارتك وسير عنهم وكلمني.. بسرعه.
احمد: خير يابويه شوه مستوي..
عبدالله بعصبيه:سو الي قلته لك.. بسرعه( وسكر التلفون عن احمد.)
نش احمد عنهم وركب سيارته واتصل بأبوه.. لانه اذا الموضوع مافيه سيره . بيرد عندهم وبكلم السهره وياهم لين الصبح.. خصوصا انه باجر الجمعه..
احمد:هلاا ابويه.. شوه صاير..
عبدالله:روضه حامل.. وفي الدختر الحين.
احمد بصدمه : شووه..
عبدالله:قولي يا احمد.. يوم انك انته في قسمك وهيه في قسمها.. ولا حتى الشوف مااتشوفون بعض.. هذا الياهل من ولده..
احمد غمض عيونه: اااه.. ابويه..
عبدالله:قولي يا احمد ولدك ولاا لاااااا. اذا لاا الحين بتعق عليها يمين الطلاق.. بنت عمك ولا غيره.
احمد:ولديه.. ولديه يا بويه.. روضه حامل مني.. بس.
عبدالله:بس شووه؟
احمد:هييه.. مره وحده بس..
عبدالله:سير المستشفى وابغيك اتسوي فحص له.. ابا اعرف ولدك ولا لاااا.العرق دسااس.. وابوها من قبل..
احمد:استغفر الله. يابويه شوه هاي الرمسه..
عبدالله بعصبيه:سوو الي قلته . وبس.. وقف الكلام. (وسكر)
احمد شغل السياره وسار المستشفى.. بعد ما اتأكد من ميره اي مستشفى ووين هييه..دخل القسم.. لقى ابوها يالس براا..اتقرب منه ويلس عداله.
احمد: صح ياعمي.. انه روضه حامل..
ناصر التفت عليه وطالعه بنظره حاقده: ليش ما تسأل ان كان حملها منك ولا من غيرك بالمره. يا احمد.. ويوم ما تبى منها عيال.. ليش..
احمد:عمي.. الله يهديك شوه يالسه تقول.. روضه.
ناصربعصبيه:جب ولا كلمه.. اسم بنتي ماباك تنطقه.. ياغير هييه يا احمد روضه حامل.. دامك بتبدلها بنت خالك. مالك حرمه عندي.. روضه بترد عندي. ومالك نصيب فيها.. والله يا احمد. لو دريت انك ناوي تاخذ بنت خالك عليها.. والله في سماه ما اتشوفها.. ياغير العتب مش عليك و لا على ابوك الا العتب على روضه. لانها كانت اتعرف من يوم ييتوا تخطبونها انك بتاخذ بنت خالك.. ولا خبرتني.. والله لو انها مش حامل والله لاخليك اتطلقها الحين وريلك فوق راسك. يا الهرم.. اعطيك اغلى ماعندي وجذيه اسوي فيها.. اممف عليك وعلى من ربااك فووقك.. اطلع براا مابا اشوف رقعه ويهك.. ولا اباك اتشوف بنتي امره.. اطلع براا.
احمد:عمي..
ناصر:عمه عيينك.. من تربي روضه بتتطلقها.. تسمع ولا لاا.. امبونك يوم خذتها ماخذتها الا عشان الوصيه. والحين خلاص.. مالك لزمه. فيها. عيش حياتك مع الي تباها وخل بنتي الي بليت بياهل اتعيش حياتها.
احمد:هذا الياهل ولديه. ولي حق فيه.
ناصر:محد بيحرمه منك.. بامر المحكمه وخيير لين تييبه.ويسمحون لك انك اتشووفه. بعد ما بتطلق امه.. ياغير الحين فارج.
احمد:من حقي اشوف حرمتيه.
ناصر:احمد فارج دام النفس لين الحين طيبه.. ترا والله اتشوف شيء مابيعبك.
احمد:قلت لك من حقي اشوفها.
لطيفه:تعال يا احمد.. روضه تباك..
احمد طالع عمه بنظره اتشوف بنتك تباني.. دخل على روضه لقاها يالسه على الشبريه وابره المغذي في ايدها وشكلها تعبان. حن قلبه عليها.. خصوصا انه شعرها انفتح ونزلت خصله منه..ومن طوله الخصله واصله الارض..
احمد:الحمد لله على السلامه. ياروضه..
روضه ببرود:الله يسلمك.. الي بغيت اقوله.. انه هذا الي بليتني فيه.. كنت في لحظه وحده بنزله.. بس يوم فكرت في الموضوع. اتراجعت مالي حق اكون قاتله وظالمه مثلكم. ياغير. بخليه. يعيش ويمارس حقه في الحياه. الي ابغي اقوله يا احمد.. من اليوم ورايح ومثل ماقالك ابويه مالك اي لزمه انك تيي. او تراوينا ويهك. وعلشان اكون صريحه معاك.. انا كنت ناويه اطلب الطلاق بس بعد ما احقق هدفي..بس ماله داعي اتحمل العيش وياك اربع سنين. لين اتخرج وافتح لي مكتب محاماه.. الحين يكون احسن. انا توني مكمله شهر من الحمال. وهذا الشيء يعني صار الحمل من اول ليله العرس.. يوم...(هزت راسها)...المهم. مابزيد على كلام ابويه. خلاص من اطلع من هنيه بسير بيت اهليه.. ومن اربي بالسلامه.. بتطرش لي ورقه طلاقي..
احمد:انتي ينييتي شووه.. انتي اكيييد مب صاحيه..
روضه:لاااااااا حبيبي اناا صااحيه ميه مييه.. واسحب كلمه حبيبي.. لانه الي مثلك ما يستاهلها.. المهم اهلك .. اقصد ختك ميره الحين يايه.. فرجاءاً تطلع الحين بكرامه..
احمد:انتي منوه مفكره نفسج..
روضه: قصر حسك ابويه .. فيه غييض منك.. ماباه يدخل السجن مره ثانيه.. لانه ذبحك اهنيه.. رووح.. وخذ بنت خالك.. يعلك ما اتشووف يوم ابيض ويااها.. بس اطلع من حياتي..
احمد:رووضه.. عيني من الله خير..
روضه:احمد. اطلع براا..
احمد:رووضه.
روضه بصوت عالي: اطلع براااااااااااا. مااااباااااااا اشوفك.. برااا.
دخلت لطيفه على صوت بنتها: احمد فديتك خلها.. سير .
(سحبته من ايده وطلعت وياه براا..)
احمد:بسس..
لطيفه:خلها يا احمد.. اعصابها تعباانه. فديتك يا احمد مالي غيرها في الدنيا.. ومابا اخسرها.. بسها كم مره ياها انهيار عصبي..واي انيهار ثالث بترووح فيها.. دخيييلك راده الشان فيك.. خلي لي بنتي
احمد:بس.. ياعمتيه انا ريلها.. ومن حقي اكون..
ناصر بعصبيه:لاااااا مش من حقك..واظن انها قالت لك الي تباه.. والحين فارج..
لطيفه:سير يا احمد.. الله يخلييك.
احمد انقهر منهم وطلع من المستشفى.. اتصل بأبوه..
عبدالله:هااه احمد شوه سويت..
احمد:شوه سويت بعد.. الياهل مني..ياغير.. درووا عن اني بعرس والحين هيه بتسير بيت اهلها. وما بترد لي.. وبتطلب الطلاق بعد ما تربي.
عبدالله:كله وااحد.. اتزول هيه والي في بطنها..
احمد:لاااا يا بويه.. والله ما اطلقها.. لاقهرها مثل ما قهرتني .. والله
لادفعها الثمن غالي... عييل انا اتروغني من المستشفى.. هين والله لاخليها اتصيح بدال الدموع دم..
عبدالله:شوه تباها.. خلها اتولي.. بس خذ من عندها الياهل.. وماعليك منها.
احمد:انته بس اصبر.. وخلها اتربي.. هين..
عبدالله:ماعليه.. الا وين انته الحين؟
احمد:يااي البيت.. ابويه.. بجدم العرس.. بخليه بعد اسبوعين.. بدال الشهر.
عبدالله:انته ينييت..
احمد:هييه ينييت.. والله لاحرق قلبها.. خلها تسمع اني عرست واني مستاانس.. يابويه دعت عليه اني ما اشوف يوم حلو مع نوف.. خلها تسمع كيف اني عايش ومرتاح وياها..
عبدالله: سو الي تباه.. ياغير الحرمات بيكون لهن شور ثاني..
احمد:ماعليك منهن.. بينطحنن وبيسكتن.. ياغير العرس بيكون بعد اسبوعين.من اليوم.. مش الخميس الياي .. الي بعده بيكون عرسي. على نوف..واذاعلى التجهيزات الي ما خلصت.. نحن بنسافر شهر خلصو كل شيئ..
عبدالله:اتصل بخالك وقوله..
احمد:الحين بكلمه خالي.. يالله عيل فديتك..
عبدالله:بحفظ الرحمن بويه..
عبدالله سكر عن ولده واتصل بمريفه وقالها ..
مريفه:الله يهديك وين يكفي اسبوعين. ونحن لين الحين ماخلصنا شيء..
عبدالله:شوه الي ماخلصتوه..
مريفه: كل شيء.. حتى بيتهم الي بيسكنونه ماخلصنا تأثيثه.
عبدالله:ماعليه. هم بيعرسون وبيسافرون شهر.. عندكم وقت..
مريفه: هييه اذا جذيه ماعليه.. بشوف البنات علشان يسسيرن السوق ويشترن لهن فساتين.. تعرفهن بناتك راعيات طويييله..
عبدالله:ماعليه.. شوفيهن وخلصن بسرعه.. ترا ولدج مستعيل..
مريفه:وشوه عن روضه؟؟
عبدالله:روضه خبرت ابوها عن احمد.. والحين بترد عنده.. لين تربي.. واونه تباه يطلقها.. بس احمد حالف انه ما يطلقها.. ان ركبت راسها وتمت عند ابوها.. بياخذ الياهل.. عنها.. اذا تباه بتييه.. هب ساير لها البيت.
مريفه:الله يهديك يا بو احمد.. بدال مااتعقله اتكبر له راسه..
عبدالله:يوم هيه مقوي.. شوه تبيني اسوي.. هيه الي قالت له ماباك.. وتبا الطلاق.. وابوها واقف وياها..
مريفه:حط نفسك مكانه يا عبدالله... لو وحده من بناتك ريلها بيعرس عليها.. والله لاتقلب الدنيا على راسه..
عبدالله:يخسي الا هوه.. ياغير انا غير وهوه غير.. لا تقارنين بينا..
مريفه: هذا اخوك يا عبدالله.. مهما كان ماضيه.
عبدالله:لا تصدعين لي راسي.. بسير عن غانم الحين.. بتعشى عندهم..
مريفه:ماعليه.. بشوف البنات الحين..
سارت مريفه وخبرت بناتها بكل الي صار
ميره:يعني روضه ما بترد اهنيه. خلاص؟
مريفه: ما ادري والله يابنتي.. ما ادري. الله يهديهم.
مهره:ليش علشان انه بيعرس.. تراها اتعرف من البدايه انه بيعرس.. ليش يعني هاي المسرحيه.. ولا لانها خبرت اهلها.. بتمثل دور الضحيه الحين.
ميره:مهرووه.. لو سمحتي.. روضه عمرها ماكانت منافقه.. المنافقه انتي اتعرفينها عدل..
مريفه:منوه؟
مهره:بنتج وتفلسيفاتها.. ماعليج منها امايه.. اذا العرس بعد اسبوعين.. عيل خلينا من باجر بنسير دبي علشان نشتري الفساتين.
مريفه:ماعليه. باجر العصر بنطلع عيل. نبى انرد قبل العشى.
مهره:لييش امايه خلينا نتعشى هناك... من متى ما سرنا دبي..
مريفه:وابووج...
مهره: شوه عليه. وابويه من متى يتعشى عندنا.. دووم عن الرياييل. واحمد مثله.. ويدووه فاطمه من الساعه 9 ترقد..
مريفه:وانتي شوه رايج يا ميره؟
ميره هزت كتوفها : الي تبونه سووه.. بسير اكلم روضه..
مريفه:مييروه.
ميره: حرام عليكم .. كلكم ضدها.. ومحد حاس بويعها..
مريفه: شوه انسوي يابنتي.. يوم انه هذا نصيبها.
مهره:وشوه صاير لها.. تراها عايشه حياتها. واحمد بعييد حتى عنها.. شوه الي محد حاس فيها.. لا حد ضربها ولا حد داس لها على طرف.
ميره:انتي هذا الي اتشوفينه.. بس كد مره اتقربتي منها وفهمتيها. لا طبعا.. لانج في المره الوحييده الي يلستي اتسولفين وياا روضه. ودرت ست الحسن والجمال. لومتج.. وخلج تبتعدين عن روضه..علشان ما تجرحين احساسيها.
مهره بعصبيه:اماايه سكتي بنتج.. احسن لها.
ميره:ولا شوه بتسووين. يا مهررروه..
احمد:وبعدييين ويااكن انتن.. دوووم هاي الضرابه.
مهره:تعال شوف ختك..
ميره:لا يشووف شيء. انا بطلع عنكم.. بسير اكلم روضه احسن..
احمد ببروود: الا سلمي عليها.. ولا تنسين تعطينها خبر انه عرسي بعد اسبوعين.. وبنساافر بعده شهر اوروبا.. علشان ترتاح بس..
ميره:الله يساامحك.. بس.. ويهدييك..
احمد:آآمين اجمعين.. الا امااايه وين ابويه.؟
مريفه:ابوك .. سار عند غانم.. وبتعشى عنده.. وانته من وين ياي؟؟
احمد: امبوني في مزرعه عمتيه عاشه.. وبعدين سرت عن المقرووده..
مريفه:احمد.. وبعدين وياك.. هذي حرمتك وعيب عليك.
احمد:حرمتيه الي اتدافعين عنها يا امايه. طالبه الطلاق.. والحين بتسير بيت اهلها .. لين تربي.. ومن تربي. بتطلب الطلاق. وفي المحكمه.. بعد.
مريفه: الله يهدييكم بس.. الا صدق الحين انته معزم على العرس بعد اسبوعين.؟
احمد:هييه امايه وكلمت خالي عيسى.. وقال مافي مشكله.. من باجر بسير اسوي بطايق العرس.. وبتوزعونهن. وهيه خليها اتخييس في بيت اهلها. محد بييها.. ولا ورقه طلاقها بتييها. خليها تعفن مش تخيس بس.
مريفه:الله يهدييك بس..
ميره: مرحبا روضه اشحالج.
روضه:اهليين ميرروه الحمد لله بخير وسهاله.
ميره:سوري ماقدرت اييج. صار عندنا ظرف. بس ان شاء الله باجر بكون عندج.
روضه:حيياج يا ميره في بيتنا..
ميره:بيتكم؟
روضه:هييه بييتنا.. البيت الي انولدت فيه وربيت فيه. بيت ابويه يا ميره.
ميره:يعني خلاص. مابتيين عندنا؟
روضه:لااا.. خلاص.. ابويه عصب يوم درا انه اخوج بيعرس بعد شهر..
ميره:لااا
روضه عقدت حياتها: شوه لاا.؟ ما بيعرس ؟؟
ميره اترددتت ماعرفت شوه اتقول:اممم لاا بيعرس.. بس..
روضه:بس شوه يا ميره؟
ميره:مش بعد شهر.. احمد عزم انه بيعرس بعد اسبوعين..
من قالت جذيه روضه حست بسكين انغرزت في قلبها..
روضه:اها. ماكان بعد شهر..؟ شوه الي قدمه؟
ميره:ماادري.. بس يانا احمد وقال انه بعد اسبوعين.. وبيسافرون تقريبا شهر.. لين يخلصون تجهييز البيت.. روضه انتي ما تضايقتي صح.. خصوصا على كلامج انه احمد ما يهمج... روضه لاتفكرين فيه. وتحرقين اعصابج. خصوصا انج الحين انتي حامل.. العصبيه والتفكير مش زين لج.. خصوصا في هاي المرحله.. وهوه خليه لربه. لو انها بنت خالي. بس والله يا روضه.. عندي احساس انها ما بتقدر تسعده.
روضه:ليش؟ ما تقولون انه يحبها من يوم هم صغار.
ميره:هيه. احمد كان يحب نوف الحلوه الخجوله. بس نوف الي اشوفها الحين . وحده ثانيه. انانيه وقاسيه.. والله اذا ما تغيرت.. احمد بيخليها. صدقيني..
روضه:ههه مثل ماقلت لج من قبل يا ميره. احمد ما يهمني. انا مابا منه شيء.. وبالعكس انا الحين في المكان الي انا اباه. وانتي اتعرفين انا انغصبنا على بعض.. هوه بيعيش حياته مع البنت الي يباها. وانا بكمل حياتي من مكان ما وقفت..
ميره:صدق روضه انتي مش زعلانه؟
روضه:ههه ومن شوه بزعل.. تراه عادي والله.. وانا اعرف انه بياخذها من قبل ما يملج عليه. بالعكس ميرووه انا مستانسه خليه يعيش حياته وينساني.. وكل واحد بيشوف دربه. بس هزرج بيطلقني.
ميره:ااه.. ما ادري والله..روضه..
روضه:هاااه..
ميره:دخيلج لا تطلبين الطلاق . برايه مثل ما قلتي بيعيش حياته مع نوف.. بس انتي لا تحرميينا منج ومن البيبي. دخييلج.. يمكن يكون هوه الي بيجمع الاهل مع بعض..
روضه:ميرووه..؟
ميره وفيها غصه:انتي اتعرفين لو طلبتي الطلاق بتسيرين بيت اهلج وبتنقطع الروابط مره ثانيه. وبيمنعوني حتى اني اكلمج.. بس لو انتي بعدج في ذمته .. بيكون كلام ثاني.
روضه:مييره. حتى لو طلقني احمد.. ترا في بيبي بيينا. وانتي بتكونين عمته. ومن حقج انج تيينه واتشوفينه. ومحد بيقدر يمنعج.
ميره:روضه انتي عارفه الحال كيف..ومثل ما نسو ابوج بينسوون ولدج ..
روضه:بس هذا ولدهم بعد.
ميره:انتي اتعرفين مشاعر الحقد والكره كيف تعمي الانسان.. واتنسيه حتى اخوه..دخييلج روضه..
روضه:اااه.. ماعليه.. خلينا الحين من ها الكلام.. بتداومين يوم الاثنين.
ميره:ان شاء الله.. لو انه ماعندي محاضرات يوم الاثنين. بس ابغي اخلص بروجكتي واسلمه..
روضه:اها.. زين عيل بنتلاقى اهناك. ان شاء الله..
ميره:على خير..
مرت الايام وطلعت روضه من المستشفى واستقرت في بيت.. اهلها. لو انه ابوها بعده زعلان منها.. بس في الاخير. هاي بنته وما اتهون عليه.. انه يزعل منها وايد.. كاانن روضه وميره يتلاقن في الجامعه.. مرات . ومرات تيي وتتغدى وياهن. يوم يصادف بريكاتهن مع بعض.. نوف كانت اتداوم.. بس ترجع البيت بسرعه علشان اتخلص زهابها. خصوصا انه ماشي باقي وقت.. فما كانت تتلاقى ويا بنات عمتها وايد.. بس مرات مهره اتسير وياها.. علشان يتسووقن في العين. اما سيراتها لدبي. فكانت اتسير ويا الخدامه علشان اتخلص بسرعه.. مرت الايام على نفس الوتيره. وروضه بداا وحامها المتعب. كانت من تاكل شيء اترجعه بسرعه. يا كثر ما دعت على احمد. بسبب الوضع الي هيه فيه.. امها كانت اتشوف معاناتها بس مافي بيدها اي حيله. مرات كانت اتوصلها للمستشفى يوم اتشوف حالها. خلاص منهاره من كثر الترجييع. كانوا يرقدونها نص النهار وترجع البيت بعدها..غيرت دوامها وخلته بس يومين في الاسبوع لين تخلص مره الوحام واتعدي على خير.. اقترب العرس وماباقي له الا يومين.
نوف:انته ماتفهم. ما اقدر يعني ما اقدر.. اصلا. الدكتوره مانعه عني اي شيء..
:...........
نوف:لااااااااا.. انته ما اتعرف احمد. والله انه عصبي. يعني لو شك بس ب واحد من ميه.. بيطلقني .. مااباااااا. انسى بعد العرس فالك طيب.. خصوصا انه بنكون في بيت رواحنا. من تهدى الاوضاع ان شاء الله من عيوني. حتى لو تييني البيت.. بس فدييتك اصبر عليه اشوي..
:.............
نوف:هههههههههه فديييتك والله وعد.. بس هاا ما اوصييك انك تدعييلي انه هاي المرحله اتعدي على خير..
:..............
نوف:ههههه لا ماعليك انته. ادري انه يموت فيني ولا يرد لي طلب. اوووف.. هذوه الحين يتصل على التلفون الثاني بكلمك فليل حبيبي.. باي.
:.............
نوف:ههه جب انزين. مابسلم عليه. يالله فارج..باي.
نوف:هلاا حبيبي.. حموودي.اشحالك.
احمد:اهلين نووافي اشحالج..
نوف:اااااااااااااه يا احمد.. والله خايفه..
احمد:افااا.. ليش؟
نوف:ماادري.. خايفه من كل شيء.. يعني بتكون لنا حيااه ثانيه غير الي متعوده عليها.. تعرف يعني مرحله يديده..
احمد:لاا حبيبي ماعليج. تعرفين بالعكس لازم تكونين مستاانسه مش خايفه.. انتي اتعرفين اشكثر انا احبج. وبالعكس بتكون حياتنا سعيده رواحنا..
نوف:وين رواحنا حبيبي. وانته بيكون لك بيبي. منها. رغم انك وعدتني مافي شيء بيكون بينكم.
احمد:حبيبي اعتقد انا تكلمنا في ها الموضوع. وقلت لج انها كانت غلطه. المهم خلينا منها الحين.. انتي اخبارج واخبار التجهيزات. ترااني حفزاان بالقوو.
نوف:ههههههه فدييتك.الحمد لله تقريبا خلصت .. بس باقي الاشياء الصغيره. احتمال اليوم فليل اخلصها.
احمد:نووف. بس عاد ماباج تطلعين .. برايهن بنخلصهن من براا.
نوف:حموودي.. لاا مايصير. الي ابااه اهم شيء في ليله العرس. ما اقدر ااجله.
احمد:اااااااااااااااه يا نوف. والله اني اترياا هاي الليله فوق ما تتصورين.
نوف:ههه اييه استحي.
احمد:هههههههههه فديييت الي يستحوون انا. اووه هذا ابويه.. بخليج حبيبي الحين. بكلمج فليل.
نوف: اووف.. اوكي باي.
احمد:نووفي شوه فيج انتي اتعرفين اني ..
نوف:ادري حبيبي. بس اذا بيتمون جذيه باجر من نعرس على كل دقيقه يتصلون.
احمد:نووف.. انتي اتعرفين كله ولا اهليه.. واعتقد انا تكلمنا واييد في ها الامور.
نوف:انزين. خلااص. رد على ابووك لا يعصب عليك. وخلاف بتردونها عليه.
احمد:ههه فدييتج محشوومه حد يرد عليج السبب. يالله فديتج بشوف ابويه. باي.
نوف:باي.
سكرت بسرعه ودقت على واحد من الربع..الخرفان.. ويلست اتسولف وييااه لين آذن العصر.. احمد من سكرت في ويهه.رد على ابوه. وكلمه. بس حزت في خاطره كيف سكرت في ويهيي. جذيه. والله لو روضه سوت ها الحركه عادي يدفنها مكانها بس. نووف.. مايقدر.. نوف حياته وروحه.. كيف.. اووف. رغم انه يعرف انها دلووعه عادي تزعل عليه شهر. وما تكلمه..حتى لو ياهم البيت ما تطلع له. واتسويها قضيه.
روضه:اييه الحين شوه يعني..؟ وافقتي ولا لااااااااا.
العنوود:ما ادري. قلت الراي الاول والاخير لابويه.
روضه:ههههه يعني انتي موافقه..
العنود:اييه بس عااااااااااااد.
روضه:ههههههههههههههه والله بتصرين حرم خالد قريب يا عنوودي.هههههههه
العنود:انجبي زيين. الا شخبار عنودي الحلوه.
روضه:اي عنودي الحلوه بعد؟
العنود: وهل يخفى القمر. اكيد الي في بطنج يا حلوه.
روضه:ههه ومنوه قال اني بسميها العنود.. خخ عندي وحده ومكفتني. وين اييب وحده ثانيه. لا شكرا.
العنود:افاااااا. يا الخاينه.
روضه:هههههه حبيبتي. انا لو بتييني بنت بسميها لطووف..واذا ولد بسميه نصور. خخ غير جذي ما اتنازل.هه
العنود:وينهم عنج يسمعوونج اتسميينهم جذيه.
روضه:هههههههه طالعين برا. خخخ ادري لو سمعووني بيهزبوني.هههههه بس عادي وحيدتهم واموون عليهم.
العنود:هههههههههههه .. بكيفج هوه
روضه:اكييييد فديتج.. ولديه ولا بنتي.. انا الي بيبه محد غيري بييبه.. المهم خلينا الحين. من البيبي.. ابوج متى بيرد لهم خبر.
العنود: ايييه والله استحي.. بس والله ما ادري اذا تبين تاخذين العلوم. خذيها من حصوه كل العلوم عندها.. وااا.. اقول روضه.يعني بعد ماا..
روضه:ههههههههههه بعد ما آخذ العلوم منها. اخبرج.هههههههههه
العنود:ااايه . يا الخايسه انا ربيعتج.. عادي يعني. بعدين ها الشيء لمصلحتيه صح ولا لااا..
روضه هزت راسها :هييه اكييد..ااااه لحظه عنوودي.. عندي طوااري..
ربعت الحمام اترجع.
العنود:روووضه شوه بلااج؟
روضه:اااااااااااه.. والله اني شاربه بس شاي.. حراام. تعبت.. نفسيا
العنود:ههه الله يعيينج من ها الوحام.. الله يستر بس..
روضه:ههه عقبالج..
العنود:اذا فيه هذا العذاب لاا مااااباا. انا بتختار وحام مريح..
روضه:ههه بكييفج هووه تختارين الي تبيينه..
العنود:خخ بشرط عليه من البداايه .. اذا يبى عيال يرفق معااه. توصيه انه مابييني وحاام شري مثل وحاامج.
روضه:هههه توصيه؟؟ مره وحده.. من وين بياخذها من ولدج ولا بنتج؟
العنود:يدبر عمره هووه. بس اتعبت مثل تعبج هذاا. حشى هذا اسمه انتحار مش وحاام..
روضه:ههههههه فديته الي في بطني.. والله يهوون له اي شيء.
العنود:اوب اوب . والله غدينا نتفدااه. جني سمعت وحده من اسبوعين محتشره وتبى اتنزل الي في بطنها.. خخ
روضه:في لحظه غضب.. الواحد ما يعرف شوه يقول.. المهم. بخليج الحين. بسير اسوي لي عصير ليمون. قالوا لي انه زين. يمكن يهدي معدتيه اشوي..
العنود:ههه الا مافي شيء في خاطرج..لانه يقولج اذا شيء كان في خاطرج وما سويتيه بيطلع في البيبي.
روضه:خخخ في خاطري امممممم .. هاتي لي راس احمد ونوف.. بكون ممنووونه لج.
العنود:لاا حبوبه. انتي ألعابج على كبير. دوري شيء على مستواي.. يعني اذا في خاطرج حلاوه.. بسكوت.. فراوله... يعني من هاي الاشياء. آيس كريم. يعني مثل الحريم العاديات يعني.. مقبوول.. بتلقينه من باجر عندج...
روضه:امممممممم.. مادري.بس خاطري والله.
العنود:روييض.. لو سمحتي بدوون العاب دمويه..
روضه:هههههههههه خلاص ابا ايس كريم.. بس احمر..
العنود:انالله وانا اليه لراجعون..
روضه:هههه شوه تراج قلتي ايس كريم.. انااحب التوت.. او الفراوله. وكلهم لونهم احمر.
العنود:حاضرين.. باجر بيب لج من باسكن ومن ايس كريم لندن.. وحتى مال الجمعيات. بخليه في ثلاجتج.. اي وقت تبيين بتلقيينه.. بدال ما اتفزعين حد اييب لج.
روضه:ههه عادي بابوه بييب. اكييد عنده
العنود:لاا حبيبتي. انا فقدت الامل من هاي البقاله.. اتخيلي امس كان في خاطريه بيبسي. والله بيبسي بااارد. قال لي مافي باارد في حاار,,
روضه:ههههههههه جان خذيه وشربته مع أيس.. ههه يوم انه في خاطرج
العنود:ياااابعدني بحطه في قلاس.. وثلج شغلانه.. ماابا تعرفين اني ما احب اشرب مشروب غازي في قلاس.. احبه من القوطي دايركت..
روضه:شهيتيني. الحين اباا شاني.. خخ
العنود:احمر.. ياربي..اانزين يالله سيري طرشي لج. انا بسير اشوف حمد. مساعه اسمعه يزقر..
روضه:اها.. انزين عيل. يالله باي..
العنود:روضه..
روضه: لو سمحتي لا تكلميني عنه رجااءا.. يكفي الي ياني منه.. يالله بخليج بسير اريح اشوي. وبسوي لي عصير ليمون.
العنود:اااه.. اوكي.. الله يحفظج.
روضه:اجميعيين. يالله باي.
العنود:باي..
مر اليومين. واليوم هوه اليوم الموعوود.. فليل ياا روضه مسج من رقم غريب.. صوره بيت مزين بليتاات العرس.. على كل البيت.. ماعرفت في البدايه بيت منوه بس يوم اتذكرت انه اليوم عرس احمد. عرفت انه بيت نوف..اتصلت بالرقم بس لقته مبند.. عقت التلفون ويلست اتصييح.. عند احمد في ها الوقت كان مرتبش.. خصوصا انه اخيرا وصل اليوم الي كان يتريااه سنين. اخيرا بيكون مع نوف .. اخيرا.. مرت بخاطره روضه.. خصوصا ذكرى يوم شافها تضحك ويا ميره. كانن رادات من الجامعه ويلسن في القسم. وقف عند الباب يسمع الضحك.. سمع صوت ياي من القسم. يوم اتقرب من الباب. سمع ضحكتها. جذبه الصوت.. ويلس عند الباب بس يبى يسمع صوتها وهيه تضحك.. اتقرب من الدريشه الي كانت مفتوحه وشافها كانت فاجه الشيله والعباه.. ومرخيه شعرها اشوي.. معنه ماكان مرتب بس شكلها جذبه.. ماكانت حاطه مكياج.. بشرتها مثل بشره الاطفال.. اتذكر احمد ملمس بشرتها يوم ... هز راسه. وبعد روضه من تفكيره وسار قسمه.. ومن يومها وهو يتخيل شكها وهيه تضحك.اتمني يومها لو انها تضحك في ويهه ولو مره وحده.
غانم:ايييه احمد.. وين سرحان
فهد:ههههه ياريال خله اليوم عرسه..
احمد:والله لو انكم مش عيال خالي.. وخوان حرمي المصون جان رديت عليكم رد ثاني..
غانم:ياربي.. تستحق رفع القبعه على الادب.. بس للاسف ماعندي قبعه.
احمد:لا والله.. حبيبي انا من يومي مؤدب. الحمد لله اهليه عرفوا يربوني عدل.
فهد:هههههههههه سلامي عليك. الله يرحم اييام .. العصى. اشطاااخ.. محناايه بعد.. تذكرها غانم. الي كانت فوق الكبت الابيض.. الكبير.
غانم:ههههههه هيه والله.. اتصدقون لو اقولكم انها لين الحين الاثار موجوده في ريلي.. اسميني ما انسى السالفه..
احمد:تستاهلون.. عيل حد يدووخ زقاره في المدرسه. ولا جدام المدير بعد
غانم:الحيواان . يدري انه محد مسوي له سالفه. بس كييف صدف انه ابووك ياا المدرسه في هذاك اليوم.. اااخ بس. السبال من يومهاا اي شيء اسويه.. سييده يخبر ابووك.. خخ وهوه ما يقصر. سيده العصى المحناايه ماشيء واحد ولا ثنين..
احمد:هههههه وحلييلي. انا شوه يخصني انضرب ويااكم. انتوا السبب
فهد:ههههههه وانا الشاهد..اسمييني ما انسى يوم ركبت السياره تبى تتعلم. وخليت حمد ولد علي. يسووق.. خخخ
غانم:ههههههه لايكون الي يابها في الايدار..
فهد:هههههههه هييه . اسمييني ضحكت.. اتخيل مسرع. ودوووف.. ماشف الا والايدار يطييح. على السياره..
احمد:هههه البنياان جدييم.. فما اتحمل الدعمه.ياريال الله ستر المكيف ماطاح الا على البونييت. ولا اذا طاح علينا رحنا فيها..
غانم:ههههههههههههه.. اتخيل اشكالكم.
احمد:اذكر يومها يمعنا ابويه بعد السالفه بيوم.. ووصلنا دوون العزبه.. ونزلنا.. وضربنا بالعصى.. وخلانا نمشي لين العزبه الظهر. كانت الساعه يمكن 2 ..وبلا نعوول. الحمد لله والشكر.. ههههه
غانم:والله معاانااه.. ههههههههههههه
احمد:ههه عمري ما انساها. بس تعرف من يومها ماياب عصى غيرها.
فهد:بعد ما كسر العصى علينا.
احمد:هيه والله..
حمد: اي عصى؟
احمد:ههه عصى ابويه..
حمد:المحناايه.
فهد:ههههههه بعدك اتحييدها..
حمد:ياريال. الصافع ينسى ياغير المصفوع ما ينسى شو خلا ظهريه يا ريال. خريطه..
احمد:هههههههههههههه فديته.. هذوه يااي..
عبدالله:السلام عليكم.. مبروك يا احمد. وعقباال الباقي ان شاء الله.
حمد:ولا شوه ياخالي. بعصى محناايه. الي فوق الكبت.
عبدالله:هههه يبالكم وحده ..اتحييدونها بعد
حمد:ياخالي. كنا ننضرب. واتطرشنا نيب سلاح الضرب رواحنا.
غانم:ههههههههه
عبدالله:هههه علشان تتعلمون وتغدوون رياايل..
غانم:الله يسامحك ياعمي.. لين الحين العلامه شاهده في ريلي . من الضرب
احمد :سويت لهم خرايط ابويه.. غانم في ريله. وحمد في ظهره.وانا في بطني.. في كتفي..ههههههه
عبدالله:شوه مسووين علشان تنضربون.. مسوديين الويه..الزقاره ودخنتوها.. والسواقه والحوادث سويتهن.. لين الحين يطروون سالفه دعمتكم للايدار. في الميالس عندنا..
غانم:ياا فضيحتنا.. اي ميالس..
عبدالله:ههه ميالس الشواب. مش ميالسكم.
فهد:ههه اسمييهم يطلعون الفضايح..
احمد:ههه عيل يوم السالفه فيها نشر الغسيل انا ماابيي ميالسكم يا بويه.
عبدالله:ههه انتي امبونك حشيم بو شهاب.. ياغير. غيرك الي يخرب عليك.
حمد:افااااااا يا خالي. منوه تقصد.. وبعدين من متى ولدك حشييم. الا قول هووه الراس العود. لكل المصايب. الي صارت.. يوم انه السالفه جذيه. انا بخبر عليك. اسمييني انضربت بطرااق وحليلي مالي خص فيه..
احمد:اييه لاا تتبلى عليه ..
حمد:اتحييد يوم اتفر الحديده على مجمع الكهربه.. يبتني علشان انشغل اونا شللق.. يوم شلته عنك امايه.. يبت الحديده وقلت لي تعال براويك شلق صدقي.. فر الحديده في المجمع وشرد. بندت الكهربه في الحاره كامله. على المغرب كان الوقت. بعده مااذن..طلع يارنا.. كان كبييير بشكل فضييع.. شافني واقف عدال المجمع.. مادريت الا بالطراق تحت اذنيه.الشاهد الله اني حسيت الدنيا ادوور.. واذني فيها طنيين. فضيع.
فهد:الطراق الفتاك. هههههههه
حمد:نعم انه فتاااااك.
عبدالله:واحمد وين كان عنك.هههههههه
حمد:ماشفت الا غبرته. امره فر الحديده وقالي اشرد.. ونا حليلي يوم شفت الشرار الي طلع من المجمع.. تنحت ووقفت مكاني.
عبدالله:لو انفجر وانته واقف مكاانك.. مافكرت فيها.
حمد:هذيج الساعه مافكرت بشيْ..
عبدالله:احمد. صدق هاي السالفه
احمد:والله يا ابويه اني ما اذكرها.. كم كان عمرنا؟؟
حمد:ماا ادري يمكن كنا في الابتدائي. ثالث اظن..
فهد:ثرك مب هين احمدووه.. ههههه
احمد:هههه والله ما اذكر.خخخ.. ولا انصفعت.هههه
حمد:شفت عاد.. وانته طلعت منها..
عبدالله:فيكم الخير.. الحين انتوا ماشاء الله ريايل.. ياغير. لو تكلون نص دينكم.. طبعا الي مش معرس .. يعني بعد العرس ستر وغطا للريال والحرمه..
فهد:اكيد ياعمي.. فالك طيب.. بس انته ارخي الحبل اشوي.
عبدالله:انا قلت لك حياك يا فهد.. ياغير البنت تبى اتكمل جامعتها وماشي باقي لها. الا سنه وتتخرج.
فهد:وتباني ايلس عزابي سنه بعدني
احمد:جان بغيتت المهره.
فهد:امري لله.. بنصبر..
عبدالله:ههههه يالله عيل بسير اشوف الرياييل توهم يو.. يالله كل واحد يرحب ويقرب بهم.. يالله جدامي الا جان تبون اتجربون العقال.
غانم:عمي الله يخليك.. شوه العقال... رياييل بلحانا. وعقال.. مايصير ربي يحفظك..
عبدالله:عيل يالله.. جدامي. وانته احمد تراك مب احسن عنهم.
احمد:حاضرين الغالي فالك طيب. افا عليك بس..
مر العرس.. وبدوا بتصورون المعاريس. آخر الصور لانه هبابهم يطلعون ويوصلون المطار. لانه طيارتهم الساعه 1 .. من خلصوا تصوير نوف بدلت فستانها ولبست لبس.. على عباه مسكره. واحمد بدل ملابسه ولبس له لبس..وحطى الجاكيت على ايده.. وصلوا المطار قبل الطياره بأقل من ساعه.طارت الطياره وبدت مرحله يديده بين نوف واحمد.. وروضه.. الي ليين الحين تعاني من وحام الحمل..مرت الايام. والعرووسين من مدينه لين مدينه ومن دوله لين دوله. وهم عايشين في العسل مثل ما يقولون.. كانوا في آخر محطه لهم وكانت في لندن. سكنوا في ماي فير.. الي قريبه ما الهايد بارك.. نزلوا سيده الحديقه يتمشوون.. نوف. كانت اتصور كل شيء.. واتحطه في الانستقرام. .. وهم في الحديقه.. لفت نظرها ريال.. كان قاعد يقرا عند البحيره.... كان وسييم بمعنى الكلمه.. حس انه في حد يشوفه. رفع عينه.صوب نوف. الي كانت اتصوره. في نفس اللحظه الي رفع راسه فيها صورته.. ابتسم لها.. وكمل قرايه.. احمد كان يتكلم في التلفون ومش منتبه للي صاير..حواليه. من خلص سار اشترى اكل علشان يأكلون البط.. اظطرت انها اتسير وياه. علشان ما يشك بشي رجعوا بسرعه.. بس خاب املها لانه سار .. يلسوا مكانه وقعدوا يأكلون البط. لين المغرب. رجعوا الفندق.. ريحوا وصلوا المغرب. وطلعوا يتعشوون برا.. ساروا مطعم ايطالي.. واتعشوا فيه.. كان المطعم صغير. وحلوو. دخلت نوف. ولا ايرادي كانت اتدور على حد.. بس مالقته اتعشوا وطلعوا يتمشوون لين الفندق..وعلى ها الموال. تموا كل يوم.. النهار حواطه في المنطقه.. متاحف وقصور. والباص.والليل يتمشون في الشوارع. كانت كل يوم اتسير الحديقه على امل انها اتشوفه.. حست بمشاعر عمرها ماحست فيها. مع كل الي طلعت معاهم. حتى مع احمد.. الي حسته مع هذا الغريب. جذبها.. مثل ما يقولون في القصص والروايات العالميه. سلب لبها.. ماحصلته.. سمعها تتنهد يوم وصلوا الحديقه. بالتحديد عند البحيره.
احمد:شو فيج غناتي ليش هاي التنهييده..
نوف :ااه.. ابد .. بس لانه خلاص مابقالنا شيء من الاجازه بصراحه ما ابا ارد. ابا اتم اهنيه بعدني شهر.
احمد:ههههههه شهر عااد. حرام عليج.. بس عاد نحن الحين بنكمل شهر براا البلاد. معقوله ما تولهتي على ترابها.. وريحتها.
نوف:ووويه. دخييلك على الحر والارف.. لا بالعكس. هنيه الدنيا خضره. والجو يجنن. والمطر ما يوقف. صح مرات يحبسنا المطر.. بس على الاقل. يتم احلى من البلاد.. دخيييلك حموودي خلنا انتم بعدنا كم يوم.
احمد:فديييتج نووف. والله اشتقت للبلاد.. حاس اني اكتفيت من براا. ملييت خلاص..
نوف مدت بوزها:يعني بتردني البلاااد. وانا بعدني خاطري انتم احمـــــــــد
احمد:فديييتج. عيون احمد انتي بس.. خلاص بنتم يومين بس..
نوف:اسبوع..
احمد:لااااا حبيبي اسبووع وااايد.. والله مشتااق لهم.
نوف بعصبيه:مشتااق لهم ولا مشتااق لها.
احمد:منوه هييه؟؟
نوف:يعني اونك ما تعرف .. تعرف شيء خلااص سو الي تبااه.(سارت عنه تبا تطلع من الحديقه)
احمد ربع ومسك ايدها. :ههههه فدييت الزعلاانيين. خلاص ولا يصير خاطرج الا طيب.. بس مش اسبوع خليها ثلاث ايام.
نوف: مااااااباا اباا ايلس بعدني اسبوع.
احمد اتنهد يعشقها وما يقدر يرد لها طلب: خلاص الي تبيينه اسبووع اسبووع.. مافي ردت في كلامج. بعد اسبوع بنرد البلاد.
نوف اتقربت منه وباسته على خده من الفرحه وبطرف عينها لمحت واحد لابس كنزه حمراا ماسك كتاب في ايده ياي صوب البحيره.. كان لابس بنطلون اسود.. مع جاكيت اسود.ولابس نظاره.كان وسيم بمعنى الكلمه. التفت نوف صوبه. بس ردت بسرعه صوب احمد علشان ما يشكك. الريال شاف حركتها مع احمد يوم باسته على خده. وابتسم سلم عليهم وسار ويلس على الكرسي.. الي كان بعييد اشوي عنهم.احمد رد السلام عليه. ومسك ايد نوف وساروا صوب الباب.
احمد:هاي آخره مره اتسوين هاي الحركه مره ثانيه.
نوف خافت انه شافها يوم التفت صوب الريال:اي ..حركه.؟
احمد:يوم انح بستييني على خدي. زين جيه... عييب.. هاي الحركات اتسويينها في الشقه اوكي. بس اهنيه لااااااا.
نوف مدت بوزها : عادي شوه سويت انا.. انا بستك على خدك مش على شفايفك.. وبعدين شوه علينا من العالم الي اتطالع. كيفهم. يعني اونهم ما يسوون هاي الحركات. والعن عنها بعد.
احمد:ماعليه. هم كيفهم هاي بلادهم وهم احرار يسون الي يبونه. بس نحن لاا.
نوف:احمـــــــــــــد. بس عااد..
احمد:نووف عااد.
نوف مدت له لسانها:ماحبك.
احمد:ههه فديت لسانج.. مب مشكله انا احبج.. يالله خلينا نطلع وانرد الشقه
نوف:لاااااااا ماااابا. ابا ابقى اهنيه. شوف محلات الجوو.. تبا تحبسنا في الشقه من الحين.
احمد:ههه مابحبسج بس. خلينا انسير الشقه وبعدين بنرد.
نوف:ماااباااااا. دخييلك حموودي خلنا نتمشى صوب البحييره. ودي امشي على طوولها.
احمد:ههههههه مينووونه.. بس لاتقولين ريوولي يعورني. وما ادري شوه.
نوف:هههههههههه اوكي. بس يالله. (مسكته من ايده ورجعوا صوب البحيره بالاخص وين الريال يالس يقرا كتاب) وصلوا عداله فرقع راسه بفضول.. من رفع راسه احمد سحب نوف وساروا من الجهه الثانيه له..ابتسم ونزل راسه يكمل قرايه..نوف كانت تبا ترجع صوبه بأي شكل من الاشكال. واحمد كان يسوولف عن مواقفه يوم كان صغير مع اخوانها وعيال عمته عاشه. وهيه بالها في الريال كيف توصله وتتكلم ويااه على الاقل..وصلوا لمنطقه مايقدرون بعدها انهم يكملوون فرجعوا صوب الكرسي. بس للاسف ماكان موجود.. بس الكتاب كان موجود مكاانه. احمد ما انتبهه للكتاب. بس نوف يوم شافته ربعت صوب الكرسي وقعدت عليه ودخلت الكتاب من دون ما يحس احمد في الشنطه ومدت ريولها اونها تريحهن..قعد احمد عدالها وقعد يسوولف ويااها.. حسوا بيوع ورجعوا الفندق علشان ياكلون شيء.. مر باقي اليوم عادي..فليل بعد مارجعوا من المطعم. احمد خذ له شاور ونام على طول لانه كان تعبان.. في ها الوقت نوف استغلت الفرصه. وسارت صوب الشنطه وطلعت الكتاب.. لقته قصه للكاتب الاجنبي فيليب رووث.. اسمه الروايه نمسييس.. جلبت الكتاب مالقت شيء. فيه. بدت تقراه وجذبها الكتاب.. كان كل ما يرقد احمد كانت تقرا منه لين خلصته . وبما انها سريعه في القرايه خذ وياها بس ثلاث ايام.. وكانت تقرا كل ليله تقريبا ساعتين.. لانها تخاف احمد ينش ويشوف الكتاب. في اليوم الرابع.. طلعوا يتمشون في شارع اكسفورد.. بعدها ساروا هارودز. اتفرقوا كل واحد منهم سار يشتري له كم شغله.. وبما انه نوف مش اول مره تيي لندن فيه تعرف هاردز زين.. بدت تشتري الهدايا لخواتها وخوانها .. وبالغلط دعمت واحد كان ياي من الجهه الثانيه طاحت كل اغراضها الي كانن في ايدها. رفعت راسها تبى تتهاد وياه.. بس من طاحت عينها عليه شقهت..
هزاع:اناا.. آسف ما انتبهت..
نوف:هاه.. لا. لااا عادي ماصار شيء..
نزل هزاع وشل اغراضها الي طاحن على الارض وهو يبتسم لها عطاهن اياها.. :السموحه مره ثانيه واتفظلي .
نوف:العفو.. مشكور..
خذت الاغراض منه وبالعمد لمست ايده تبى اتشوف ردت فعله.. رفع وحده من حياته يوم لمسته خذت الاغراض وحطتهن في الباسكت.
نوف:لح.ظه..
هزاع رفع كل حياته:نعم؟!!
فتحت الشنطه وطلعت الكتاب: هذا اعتقد انه لك. نسيته على الكرسيي.
هزاع :اها.. لا مانسيته . ياني اتصال فقمت اتمشى لاني من النوع يوم اتكلم في التلفون ما احب اكون يالس.. يوم رجعت ماحصلت الكتاب..
نوف:هه ااها.. سوري عيل.. ااه بصراحه ماقدرت اقاوم.. فتحت الكتاب وقريته.. حبيت القصه وايد.
هزاع:اها.. زين عيل. خليه عندج..
نوف هزت راسها:لااا.. افضل انك تااخذه.. احسن.
هزاع:تراج اتقولين انج حبيتي القصه.
نوف:هييه بس انا من النوع ما احب اكرر الشيء مرتين. خصوصا القرايه.. اذا قريت كتاب ما احب اعيده مره ثانيه.
هزاع:اها.. في هاي الحاله. خلاص عيل. يالله السموحه منج اختي.
نوف:مسموح..
كانت نوف حاطه ملاحظه في الكتاب مع رقم التلفون.. هزاع ما انتبه لبتسامتها.. شل الكتاب منها وحطه في الباسكت .
هزاع:يالله عيل اختي.. السموحه منج.. الشباب يتريوني..
نوف ابتسمت له:الله يحفظك..
من سار عنها.. ما قدرت اتنزل عينها عنه. لين اختفى من جدامها.. نست موضوع احمد.. لين صاح تلفونها ونششها من الحلم الي كانت تحلمه..
احمد:اهلين حبيبي.. هاا وينج.. خلصتي ولا لاا.
نوف كانت تسمعه واتشوف سلتها.. الي بعدها ما خذت اي شيء.
نوف:اامم ما حصلت الي ابغيه.. ممكن نرجع وقت ثاني حبيبي.. بليييييز.
احمد:نوووفااني. ليش عااد.. خلصي اليوم.
نوف :بس ما حصلت الي ابااه.. وانته اتعرف لازم اييب لهم احسن شيء. بس الي ابغييه مخلص. وبيبونه بكراا. حموووووودي بلييز عاد.
احمد اتنهد :ااااااااه.. خلاص اوكي. يالله تعالي عند الباب بنسير الكوفي.. راسي مصدع.
نوف:ان شاء الله.
سكرت في وييه..اتنهد احمد وشل مشترياته وسار لين الباب حاس انه نوف بدت تتغير عليه.. بدت تعامله ببرود..مرت عائله عداله. وكانت عندهم بنوته صغيره معصبه..
سعيد:يالله عااد. بسج دلع.
:اناااا ما ادلع. بس انته وعدتني.. باباه. انا زعلااااااااااانه.
سعيد:هههه وليش زعلانه.. ان شاء الله باجر الصبح. بنسير..
:ماااااااابااا.. مااااباااااااااا.. انته اصلا ما اتحبني. انته بس اتحب ماماه. اذا قالت هيه. قلت هيه. واذا قالت لاا. قلت لاا. مااا احبكم. بدور على اهل غيركم.
سعيد:ههههههه افاااا.. الحين انا جذيه. رواضي حبيبي.. انتي اتعرفين انه امج عندها بيبي.. والحين البيبي تعبان شوه تبينا انسوي. وامج تعباانه. ما يصير بعد ماما..نسير الالعاب.. بس وعد باجر الصبح انا بوصلج.
روضه:مااابااااااااا انته قلت لي وعد اليوم. مااااباااااا..انا بدور على بابا ثاني.
ربعت ومسكت ريول احمد.. ورفعت راسها وابتسمت:ههه انته بابا اليديد.
احمد:ههههه انااشوه؟
سعيد ربع صوبهم:السموحه منك.. ياخويه.. اييه عيب تعالي اهنيه.
روضه:ماااباا..(ومسكت ريوله بقوه)) مااباا.انته تبى ماما.. وخالد. ماتباني انا.. وحتى انا مااباكم الحين.
سعيد:روواضي عيب.. شوه هذا يالله تعالي وخلي الريال عيب.. عورتيه
احمد: ههه لا عادي اخويه.. (نزل احمد على ركبه. على مستواها) الحلوه ليش زعلاانه.؟
روضه مدت بوزها واشرت صوب ابوها:هذا.. كان باباه القديم.. وعدني انه يوديني الحديقه. بس علشان خاااااالد..
احمد:ههه باباه القديم..؟ ومنوه اليديد؟
روضه ابتسمت:هه انته..
احمد:ههههههههههه اناا؟؟ بس انتي ما اتعرفيني. وانا مااعرفج؟
روضه:اممم صح..!(حكت رسها) خلاص انته شوه اسمك؟
احمد:انا احمد.. وانتي؟
روضه:انااااا رواضي..
احمد:اااه.. عاشت االاسامي رواضي..
روضه:لااااا سمني روضه. باباه القديم يسمييني رواضي.
سعيد:هههه الحين من صدقج انا ابوج القديم؟؟ وهذا اليديد.. يابوك اسمحلنا..
احمد:ههه لا افا عليك عادي بو خالد..
روضه:هاااه شفت قالك ابو خالد. مش ابو رواضي.. خلاص مااابااكم. بابا احمد.. انته الحين باباه.
احمد:ههههه فديتج.. شوفي حبيبي.. انا مايصير اكون ابوج.
روضه مدت بوزها:لييييييييييييش؟
احمد:ههه لانه حرمتيه اسمها روضه.. مايصير حرمتيه وبنتي اسمهن روضه. صح؟
روضه:امم عندها عيال؟
احمد ابتسم:لاا بعدها بس هيي قريب بتييب بيبي.
روضه:اووووووه.. خالد كبيير ويصييح.. بس يوم كان بييبي كاان يصيييييح والحين البيبي الي بتييبوونه بييصييييح واايد.. اااه راسي بيعورني مره ثانيه..
سعيد:لاا خلاص برايج تمي عندهم.. وانا وخالد وماماه باجر بنسير الالعاب كل يوم علشان انلعت خالد.. وانتي بتميين عند البيبي الي يصييح واايد..
روضه:لااا بابااه.. مااباا.
سعيد:الحين اناا باباه؟؟لا حبيبي انتي بنت احمد الحين.(غمز لاحمد)
احمد:هييه. يالله روضه بنتي اليديده عيل بنسير انشوف
روضه:لااااااااا. انا مش بنتك.. باباه . قول له. انا بنتك انته.
سعيد:بس انتي قلتي انج بنته هوه الحين.. وانا باباتج القديم؟
روضه:لاااا. اصلا ما حد يعطي عياله لناس ثانييين.. باباه.مش انا عيونك رواضي الحلوه
سعيد:هههههه الحين انتي عيوني.. وامساعه اتقولين لي.
روضه:باااابااه. حراام. انا بنتك..(اتفج احمد اتسير عند ريول ابوها وتلوي عليهن)صح ولا لاا..
سعيد شل بنته ولوى عليها ..
سعيد:فديييت البنات .. برد ابوج خلاص..
احمد:هههههه ياريال حرام عليك.. خلاص يا رواضي.. انتي بنته خلاص. (مسح دمعه وهميه من عينه) خلاص انتي مش بنتي..
روضه:انته بيكوون عندك بيبي.. بس اول شيء بيصييييييييييح وااااااااااايد وبعدين عادي..
سعيد:هههه مجربه. ههههههههه
احمد:ههه لا طال عمرج انا ولديه ولا بنتي ما يصيحون. ايون عقال مثلج. شو رايج تيين عندي علشان اتشوفينهم يوم ايوون.
سعيد:خلاص عيل.. انتي جربي اتشوفين عياله.. اذا يصييحون مثل خالد.. تعالي عندنا.. واذا لاا بتميين عندهم. شوه قلتي.
روضه ودموع في عيونها:لااااااا بااابااه.. خلاص ما برووح ابا عندكم. حتى لو خالد يصييح وايد.. ابا عندكم خلاااااص.. وااااااااااااااااااااء
سعيد واحمد:ههههههههههههه
سعيد:ههه خلاص خلاص.. منوه الي قال انه الكبار ما يصييحون. والي يصيح بس البيبي. يعني الحين انتي بيبي..؟
روضه وهيه تمسح دموعها:ااا لااا انا مش بيبي. بس انا ابااكم.
احمد:هههه (لوى عليها)فديتج انا.. خلاص حبيبي . سيري عندهم..ونا بتريا البيبي مالي.. اوكي.
روضه:اوكي..
سعيد:اسمحلنا بو شهاب.. والله يبارك لك في عيالك.. ويخليهم لك.
احمد:آآمين يارب... ومسموح الغالي.. ياغير ما بتقربون عندنا..
سعيد:تسلم فديتك.. ياغير الحرمه وبو الوليد هناك.. بنسير الشقه بنريح من اصبحنا ونحن انحوط..
روضه:وما سرنا الحديقه.
احمد:هههههههههه
سعيد:خلاص قلت لج بنسير ان شاء الله باجر.
احمد:خلاص عيل.. ان شاء الله بتسيرين ويا ابوج الحديقه باجر وبتلعبين. وبتلعبين خالد ويااج
روضه:لااا خالد ما يعرف يلعب.. اصلا هووه ما يمشيء.. بس يحبي ويكسر الدنيا..
احمد:ههه فديته الله يحفظه لكم.. يالله عيل انا بتررخص عيل بو خالد..
سعيد:ربي يحفظك بو شهاب.. وان شاء الله نتلاقى وقت ثاني.
احمد:ان شاء الله..
سعيد: يالله الشيخه رواضي نور عيوني.. خلينا انسير.
روضه :ههه اوكي يا عمري. انته يابابا
سعيد:ههه مصاالح.
احمد:هههههههههههههه.. فديتها.
سعيد:يالله مع السلامه.
احمد:مع السلامه.
في ها اللحظه طلعت نوف من المحل وسارت صوبه
نوف:منوه هذيلا؟
احمد:ما اعرفهم.. بس عندهم بنت حبوبه. وذكيه ماشاء الله عليها..اتخيلي قالت لابوها لانه ما وداها الحديقه. انها ما تباه وبتدور ابو ثاني.. ههه ومالقت حد غيري جدامها تعلقت بيه..
نوف:يا حلاوه...
احمد:ههه تغارين شوه؟
نوف:وليش اغاار من يااهل..
احمد:ههههه اونج عاد. يالله حياتي. خلينا انسير تراني يوعان حدي.. وعادي ارتكب جريمه وآكلج.ههه
نوف:باسم الله. لا حبيبي. المطاعم مكوده. خلنا نسير.. وعين خير.
احمد:افا بدال ما اتقولين يفداك.. اتقولين المطاعم مكوده.
نوف:حبيبي . الروح غاليه..
احمد:افاااا... غاليه على احمد حبيبج؟
نوف:ماتغلى عليك.. (مسكته من ايده )يالله حياتي خلنا انسير ناكل..
ااحمد:ههه حريم..
نوف:هه رياييل..
خلصوا اكل ورجعوا الفندق ينامون. في ها الوقت كان الوقت متأخر عند روضه.. الي خلصت تقريبا ثلاث شهور من حملها... وبعده الوحام ملعوزنها.. كانت تحاول تنام.. بس ماقدرت. لانه تفكيرها كله عند احمد.. كييف تعلقت به ها الكثر. وهوه مش مهتم فيها. وفوق هذا الحين عايش شهر عسل مع حبيبته.. المفرووض اليوم يردون..بس آخروا اسبوع لانهم يبون يتمون اكثر.. كانت كل ما تعرف عنهم شيء اتحس مثل السكين في قلبها.. بدا ها الشعور من يوم قدم عرسه اسبوعين عن الموعد المحدد..وبعدها زاد الشعور عندها.. يوم العرس. والحين هم في اوروبا شهر واسبوع.. ماقدرت تتحمل.. دفنت راسها في المخده ويلست اتصييح..وهيه حاطه ايدها على بطنها.. كانت اتداوم وترجع وتتصرف بكل برود اذا يابو طاريه.. بس من تدخل حجرتها كانت تنهار..محد يحس بويعها. غير الي في بطنها..حتى اقرب ربيعه لها. الي الحين قاعده تتزهب لعرسها.. والي كانت ملجتها من اسبوع..ماحست بها.. كانت العنود اتعيش بعالم ثاني.. خصوصا من بدت تتكلم ويا خالد.ريلها.. صار كلامها كله عن خالد والي قاله خالد والي بيسويه خالد..بدت تبتعد عنها..وروضه ماحبت انها اتضايقها بهمومها..من حقها انها اتعيش حياتها مثلها مثل اي بنت بتعرس وهيه فرحانه.. بعكس مشاعر روضه احاسيسها يوم عرفت اانها محيره لولد عمها وانها غصب عنها بتاخذه.. ومن يوم سمعت كلامه لابوه كرهته اكثر واكثر..في اليوم الثاني في اوروبا..تحديدا عاصمه الضباب..لندن. نش احمد وقت.. ونزل الكوفي الي تحت. وخذ له كوفي لاتيه وفطاير..يلس يتريق وباله مشغول بروضه.. هوه متوله عليها.. بس مع هذا يحارب المشاعر الي يحس بها.. خصوصا يوم شاف رواضي الصغيرونه..لمح بطرف عينه حد يأشر صوبه ويناقز مكانه.. يوم التفت.. لقى عايله.. رياييل وحريم وعيال.. ومن بينهن رواضي ابتسم لها ونش يوم شاف سعيد ابوها ياي صوبه ووياه ريال يحس انه كد شافه مكان بس مايعرف وين...
سعيد:السلام عليكم. اشحالك بوشهاب..
احمد:وعليكم السلام.. الحمد لله بو خالد. يسرك الحال..
سعيد:هذا اخويه هزاع..يدرس اهنيه.. ونحن يايين سياحه ويلسنا عنده..نخفف عليه الغربه.
هزاع:هههههه الا قول مغثه وازعاااج. انته وعيالك..
احمد:ههه ياريال مجرب الغربه.. يوم حد عندك حتى لو مزعج يهونها عليك..بالعكس يوم بيردون البلاد. بتحس بضييق.
سعيد:شوووف.. اسمع. علشان تعرف قيمتنا زين..
هزاع:ههههههه ماعليه انتوا سيروا وبعدين بشتاق لكم. بس خلوني ادرس زين.ياريال الدراسه مااقدر ادرس.. المفروووض اني خلال ها اليومين اقدم بحث.. ولين الحين ما سوييته.. كل ما ابا افتح الاب القى ويه رواضي وخلوود عندي..
احمد:هههههههههههههه فديتهم.. الله يخليهم لكم.
سعيد:آميين.. الا اشوفك ارووحك.
احمد:هيه والله نشيت الصبح. واشتهييت كوفي.
هزاع:انته ياي سياحه؟
سعيد:لاااا.. عنده حرمته واسمها نفس اسم روضه بنتي..
هزاع:ههه ايواا.. لايكون نفس الريال.. الي كان ابو روضه اليديد؟؟
سعيد:هههههه هيه هووه
احمد:ههههههههههه..لثواني بس... وبعدين اتخلت عني.
هزاع:ههه ماعليك منها عيااره هاي.
سعيد:طالعه على عمها. طال عمرك.
هزاع:هههههههه لا باسم الله عليه.. حشى لو في ابليس في الارض تراه بنتك.
احمد:ههه باسم الله عليها.. حرام عليك ياريال.
هزاع:انته تعال شوف كييف تغسل مخك غساال. لو انته مخطط لتخطييط هيه تقلبه لك.. من يومين انا معزم اسير المكتبه واخلص كم تقرير وبرد.. يتني وجلبت لي مخي.. ونسيت موضوع المكتبيه. ومالقيت عمري الا في السنما.. وبعدها سرنا المتحف.. وبعدها ركبنا الباص.. وحطنا على لندن.. وماردينا الا من بعد الساعه 9 وطاف الوقت ولا سويت اي تقرير. في اليوم الثاني.. طلعت من البيت قبل لا اتنش.
احمد:ههههههههه حليلها.. فديتها تراها اتمل.
سعيد:فديتك والله.. هذا الي يفهم. الله يتمم عليكم وتيبون قمر مثل بنتي.
هزاع:حرمتك حاامل؟
احمد:اااه.. هييه..
سعيد:مابتقرب عندنا.. بنسير الهايد بارك يبون يتريقون عدال البحيره..
احمد:مشكور فديتك ياغير برد الشقه.. حرمتيه روحها اهناك.. ومافيه على زعلها انا.
هزاع:هههه
سعيد:ههه هيه والله وعاد زعل الحوامل غير..
احمد نزل راسه ولا قال شيء..
هزاع:يالله عيل.. السموحه منك.. ومبرووك مقدما..هه.
احمد:الله يبارك في حياتك..ربي يحفظكم..
سعيد:بنتلاقى خلاف ان شاء الله..
احمد:ان شاء الله.. فمان الله.
سعيد وهزاع:فمان الله..
ساروا عند اهلهم. واحمد دفع الحساب وطلع من الكوفي.. وهو يفكر ليش ماقالهم انه مش هاي نوف الحامل.. وانه الحين في شهر العسل.. وياها..ليش تم ساكت.. مايعرف ليش.. وصل الشقه ولقى نوف كالعاده راقده.. سار الصاله وشغل التلفزيون ويلس يشوفه نص ساعه. بعدها بنده وشل التلفون وسار عند البلوكونه.. يلس يتأمل المكان.. عزم واتصل.صاح التلفون ومحد شله..اتصل بأمه وماردت.. واتصل بأبوه رد عليه وسولف وياه اشوي. وسكر لانه ابوه عنده اجتماع.. والحين عندهم الساعه 8 ..اكيد بعدها ماداومت .. اتشجع واتصل بها.. لاول مره يتصل بها في حياته.. من يوم خذها معنه الرقم عنده من اول يوم يت فيه البيت..روضه كانت تتريق..من شافت انها مكالمه من برا البلاد قلبها عورها .. ردت بس ما تكلمت.
احمد:اكيد الرقم ما طلع عندج.. ومع هذا رديتي..
روضه:......................
احمد:انا يالس اتكلم مع منوه؟؟ روويض؟.. ليش رديتي.؟
روضه ببرود :شوه المطلوب مني الحين.. اسكر مثلا.. اوكي.
احمد:لااااااا.. لا اتسكرين.. دخييلج..
روضه:ليش؟؟ ليش يا احمد؟ علشان اتسمعني اشكثر انته مستانس في شهر عسلك.. وفر عليه ها الموضوع. لاني ما عندي وقت اسمع.
احمد:وان قلت لج اني بس كنت ابا اسمع صوتج.. شوه بتقولين؟
روضه انصدمت:ب..قول انك تجذب عليه..
احمد:ههه ليش قد جذبت عليج من قبل.
روضه:كل حياتنا جذب في جذب.. انته من اول يوم قلت لي. انا بيكون زواجنا على ورق.. وشوه النتيجيه اني في بطني ولد او بنت منك.
احمد:آآآآه..
روضه:شوه بلااك؟
احمد:ماشيء..انزين.. من بعدها انفصلنا.. ولين.. ها اللحظه ماييتج ولا ييت حجرتج..
روضه:الحين ممكن اعرف شوه في خاطرك لانه وراي جامعه.
احمد:روضه.. ممكن اسألج سؤال؟
روضه عقدت حياتها:آمر..
احمد:ليش وافقتي تتزوجيني.. معنج كنتي اتعرفين بكل شيء.. من يوم الخطوبه.. ليش كملتي الموضوع لين آخره.. ليش ما رفضتي. معنه محد كان بيجبرج على العرس..خصوصا انا كنا كلنا رافضين الموضوع..
روضه:اتنه ليش خذتني يوم انك رافضني..جاوبني وبجاوبك انا,
احمد اتنهد:لانه ابويه كان بيروغني من البيت ومن حياته.. يعني.
روضه:بيتبرا منك.. ههه اغرب حكايه .
احمد عدل يلسته :والله صدق.. حلف ان ما خذتج بيروغني من البيت. ومن حياته. مثل ما سوا حياه يدي..
روضه:بأبويه.. هه وان راغك اتخاف تغدي مثل عمك..
احمد:اتخسين.اغدي خريج سجون.....الوو الوووووه.. رووضه.. الوووووووووو..
سكرت فيه ويهه ما تحملت الكلام.. كله ولا ابوها. آآآآآه حسبي الله على الي كان السبب.. شلت كتبها وطلعت .. كملت دوامها وتلفونها مبند.. اتخاف يرجع ويتصل.عند احمد من سكرت في ويهه روضه.. نش يبا يطلع من الشقه.. مل لندن.. يبى يرد البلاد.. اتصل بالمطار وحجز للرده. ولقى حجز بعد باجر المسى....دخل الحمام يتسبح للمره الثانيه ومن طلع لقى نوف واعيه وتشرب قهوه.
احمد ببرود:ترا ورا باجر المسى طيارتنا.
نوف :شووووووووه؟؟ بس ماكملنا اسبوع..
احمد:انا ملييت خلااص. ما اقدر ابا ارد البلاد خلاص..
نوف:ماااباااااااااا..
احمد:تبين ولا لااا. هذا الي بيصير. اليوم بنسير هاردز وبتاخذين الهدايا وباجر بتكملين اذا في نقص وخلاص..
نوف:احمد.. ليش عاااااااد.. المفرووض تناقشني في ها الشيء. مش تعزم واتنفذ كل شيء على هواك.
احمد: نعم.؟؟ ومن متى لازم اشاورج يا نوف.. وبعدين شاورتج من يومين. شوه قلتي.. تبين اتميين آكثر بس اناا ما اقدر. احس اني مخنوووق ابا ارد البلاد خلااص.. مليييت من الغربه.
نوف بعصبيه:ملييت من الغربه ولا قول انك اشتقت لها..
احمد رفع عينه صوبها:والله فسري الامور مثل ما تحبين.. القرار مافي رده منه.. والمغرب الساعه 7طيارتنا.. اذا تبين تطلعين يالله خلصي. لانه وراج ترتيب الاغراض..
نوف:ماااااااابا مااااااااااابا.. انته قلت بنييلس بعدنا اسبوع. وانا خبرت اهليه انا بنقعد بعد اسبوع...ما يصير الحين نيي.
احمد:مايهمني.. وبعدين شو فرقت تراها الا اربع ايام..الي ما بنكملها اهنيه..وبعدين ترانا بنرد لبيتنا. رواحنا.. ولا تخبرين اهلج عن الرده ويلسي في البيت اربع ايام وخلاف خبريهم انج ييتي. بس ورا باجر نحن في البلاد ان شاء الله..
نوف:لا والله. تباني اجذب عليهم يعني.انته ما يهمك الي احس فيه..
احمد بعصبيه:نووووووف. بس عااااااد.. اوووف..
شل بوكه وتلفونه وطلع من البيت..نوف من العصبيه فرت الكوب على الايدار.. وفي اللحظه تلفونها صاح.. في البدايه ما سارت له لانها توقعت انه احمد.. عادي يتصل بها ويقول لها انه قدم الحجز.. بس بعدين سارت للتلفون يمكن وحده من خواتها.. شافت الرقم غريب. وهيه ما اتعرفه.. بس الغرابه انه الرقم مرتب.. شيوخي.ردت بسرعه قبل لا يسكر بس تمت ساكته..
:الوووو..
نوف:..........
:.الوووو.. الظاهر اني غلطان.. السموحه. او انه الرقم الي في الكتاب غلط.
من قال جذيه نوف شهقت:الوو..
هزاع:هههه الوو..
نوف:اهلين..
هزاع:وسهلين..اشحالج.. اممم ممكن نقول روضه؟؟
نوف:هااااه..
هزاع:انتي مش اسمج روضه؟
نوف:اااا نته كيف عرفت؟
هزاع:ههه لانه احمد ريلج كان يهاذي بج.. وهيه صح مبرووك.
نوف:الله يبارك في حياتك.. بس على شوه؟
هزاع:امم على الحمال..
نوف:هاااه.. انا مش حامل..ااااه.. اقصد انا..توني يعني..
هزاع عقد حياته:كيف يعني. ومره اتقولين انج مش حامل ومره اتقولي توني.. شوه السالفه.
نوف:شوف ممكن نتكلم بعدين لانه احتمال احمد..
هزاع:هه اتطمني. احمد هذووه يالس جدامي وشكله معصب.خير.. لايكون زعلتي انه طلع اليوم الصبح وخلاج روحج.
نوف:لااا .. اقصد هييه. يعني شيء جذيه..
هزاع:مافهمت..
نوف:خلك من الموضوع.. خلنا في المهم.. انا ماعرفت اسمك.
هزاع:هههه وليش تبين اتعرفين اسمي..؟
نوف:لانه ما اعرف بشوه ازقرك..
هزاع:اممم شوه رايج تختارين لي اسم.؟
نوف:وليش عاد.. على الاقل انتته اتعرف اسمي..
هزاع:انا ما سألتج عنه.. ريلج الي تكلم .
نوف:انزين.. يعني انته اتعرفه.. على الاقل خلنا متساويين.
هزاع:اها. اسمي انا خالد..
نوف:هه حلو اسم خالد. عاشت الاسامي خلود.
هزاع رفع حياته وابتسم يعني هاي البنت رايحه فيها:هه خلوود؟؟؟
نوف:هيه ولا ما تحب حد يدلعك؟
هزاع:هه حاضرين. ماانحصل حد يدلعنا.. ههههه انزين روضه اخبارج بعد..
نوف:الحمد لله.. بخير..
هزاع:لين متى بتمون اهنيه؟
نوف:امممم ورا باجر بنرد.بس انا ماااباااا. ارد.
هزاع:واحمد يبى يرد..
نوف:هييييه. اوووف..
هزاع:ايواا علشان جذيه هوه معصب. هههههه
نوف:شفت عاد..
هزاع:ياخسااره ما تعرفنا عدل..
نوف:شوه اسوي.. اكثر من يوم كنت ادورك بس ما حصلتك.
هزاع:هااه..؟ وليش اتدوريني..؟هههههه
نوف:مااا ادري. بس كنت ابا اشوفك..
هزاع:علشان شوه؟
نوف:هههه ما ادري.. يمكن لانك جذبتني.
هزاع:ههههههه وااو.. بصراحه فاجأتيني..
نوف:ليش.. يعني انته ما اتعرف انك جذاب..
هزاع استحى:هه بصراحه مادري.. بس احس شكلي عادي..
نوف:هههه الظاهر مااتشوف شكلك زين.. نحن البنات احسن حد يحكم على الشكل. هههه..
هزاع:ههه اكييد يوم انكن اتفصصن الشخص الي جدامكن. بالتفصيل. شوه لابس وشوه لونه. وشوه الموديل..هههههههه
نوف:ههههههههه علشان ما يكون احسن منا.
هزاع:هههه وشوه شفتي فيه بعد.. غير الجاذبيه..
نوف:امممم كل شيء بصراحه فيك يجذب.. مثلا.. طولك.. عرض اكتافك.. جسمك بشكل عام.. اممم.. هيه عيونك. شعرك.
هزاع:ههههههه بس بس الله يخليج.. بذووب بعد اشوي.. في حياتي محد مدحني جذيه.. اقول..ممكن اشوفج..قبل ما تسافروون. من شفتج في الحديقه شغلتي بالي.
نوف ابتسمت:والله..؟
هزاع ابتسم خخ كلت الطعم:هيه واكثر شيء في يوم تلاقينا في هاردز..
نوف:والله ما تتصور اشكثر اتفاجأت يوم شفتك.. جنه مقدر لنا انا نتلاقى هناك.. معني عمري ما فكرت انه الصدفه بتجمعنا اهناك..
هزاع:هههه خلاص عيل.. شوه رايج.. الليله..
نوف:شوه..؟ انته مينون شوه؟ انته اتعرف انه احمد موجود اهنيه وما بيخليني لين انسافر..خصوصا انا في شهر عسل.
هزاع:ههههههه شهر عسل وانتي حامل كيف جذيه..
نوف:امم.. جذيه..
هزاع:شوفي بخلي اخويه الي يعرف ريلج يعزمه عندنا.. ومن اتطمن انه اندمج وبيتأخر بييج شوه قلتي..
نوف:لااا خالد دخييلك اخاف ايي..
هزاع:فديييتج اوعدج ما انطول.. عشر دقايق بس.. خاطري ايلس وياج وانسولف رواحنا.. وبنخبر الي في الفندق تحت اذا يا احمد يخبرج اونج مسويه له مفاجأه.. شوه قلتي.
نوف: والله اخاف خالد..
هزاع:يالله عاد. هاي فرصه ولا اتضيعينها.
نوف:انزين انته لين متى اهنيه .. يعني متى بترد البلاد.
هزاع:ما ادري .. لاني ادرس اهنيه.. يعني احتمال بعد شهرين.. اذا نجحت في كل الامتحانات.. ليش؟
نوف:علشان نتلاقى في البلاد. وناخذ راحتنا احسن.. اهنيه اخاف احمد ايي في اي لحظه.. بس في البلاد خصوصا اني بكون في بيت بروحي.. ف بيكون سهل..
هزاع:بيت بروحج.. يعني انتوا كنتوا ساكنين عند اهله؟ والحين بتنتقلون في بيت رواحكم؟
نوف:..........
هزاع:روضه؟ شوه فيج؟؟ الووو.؟
نوف:شووف.. انا مش روضه..
هزاع:كيف مش روضه؟ بس احمد قال انه اسمج روضه وانج حامل.(وبنبره معصبه) يعني كان يجذب علينا.. شووه؟
نوف:لاا مايجذب.. شوف . الي حامل واسمها روضه هيه حرمته الاوليه فهمت الحين..
هزاع اتفاجأ: اهاا.. يعني انتي الحين فعلا في شهر العسل؟
نوف:هييه..فهمت الحين.
هزاع:ايواا.. ومن تيين من شهر العسل بيسكنج في بيت روحج.. حرمته الاوليه اكيد عند اهله صح؟
نوف:كانت عند اهله.. بس يوم خذني زعلت والحين في بيت اهلها.هه واونها طالبه الطلاق منه.. ومن تربي بتتطلق..
هزاع:ما تتحمل اتعيش مع ريال ماخذ عليها حرمه ثانيه. وااو.
نوف:لاا مب جذيه السالفه.. المهم خلنا من روويض.. مالت عليها.. الحين نحن من نرد من البلاد.. بنكون في بيت رواحنا. واحمد يداوم وايي العصر.. فبيكون طول النهار تقريبا النا.. شوه قلت.. بس لا تي الحين دخييلك..
هزاع:اها.. انزين ماقلتي لي شوه اسمج ؟ يوم انه مش روضه؟
نوف:يكون احسن انك ما تعرفه؟
هزاع :اسمج شوه؟
نوف:قلت لك.
هزاع:اسمج؟
نوف:اووووه.. مابا ..
هزاع:شوفي اذا ما بتقولين اسمج. ترا والله لا اكلمج ولا حتى اتطيح عيني في عينج. لو كنتي روحج في الشارع..
نوف بدلع:خلووودي.. حرام عليك..
هزاع:قلت لج .. عندج خمس ثواني وبعدها بسكر وببند التلفون ولا بتفتحه ابد...
نوف:هههه قويه ما بتتفتحه ابد؟خصوصا انه رقم حلو ومرتب.
هزاع:ههه فديتج عندي بدال الرقم الواحد.. عندي 3 وكل رقم يقول الزين عندي.. ف ما يخالف عندي.. ببند الرقم هذا.. واستخدم غيره.ربعي واهليه يعرفون الارقام كلها... اذا مالقوني في الرقم هذا بيتصلون بالارقام الثانيه.
نوف:ههه ايوا..انزين ياحلو ما بتعطيني الارقام الثانيه.
هزاع:هههه لاا فديتج.. السموحه منج. والحين يا حلوه. اسمج ولا مع السلامه للابد..
نوف:اووف.. يالله عاد.. وفرضا عطيتك اسمي.. شوه ظمنك انه اسمي الصدقي..
هزاع:هههه هذي سهله.. عندي بنت اخويه متعلقه بريلج.. وعادي استغلها واخليها تسأله عن اسمج.. واذا طلع انج جذبتي عليه.. بيصير كلام ثاني..
نوف:شوه بيصير..
هزاع:شوفي انا ما احب الجذب.. خلينا صريحين من البدايه.. بنكون مثل ما تبين واكثر. اما اذا فيها لف ودوران.. ولاا باجر ما في شيء.. اسمه ارحميينا يا يامه..
نوف:اوف .. تهديد..
هزاع:لاا حشى.. بس الكل يعرفني اني سيده ماعندي لف ودوران.. فا من الاخر.بتقولين لي شوه اسمج.. ولا انقول عفا الله عما سلف. وكل واحد يشوف دربه؟
نوف:امممم.. اوكي اسمي. ن..وف..
هزاع:هااه؟
نوف:اسمي.. نوف.. وانا بنت خال احمد..رضيت الحين؟
هزاع:ايواا.. عاشت الاسامي. بنت خاله.. ومع هذا وافقتي تاخذينه وهو عنده حرمه؟
نوف:هه وهيه بنت عمه..
هزاع:اووووف.. قويه.. كييف جذيه..؟
نوف:قلت لك هاي سالفه طويله..
هزاع:انزين شوه عليه. ترانا يلووس.. وريلج يالس هناك.. اشوفه..
نوف: شوه يسوي؟
هزاع:يتكلم في التلفون..
نوف:اكييد يرمس رووويض .. مالت عليها.. الخايسه..
هزاع:ليش خايسه.. شوه سوت.. لايكون .. راعيه بلاوي؟
نوف:ههه الا قول اكثر من جذيه.
هزاع:كيف يعني؟
نوف:اممممم شوه اقولك.. ابوها خريج سجون.. وفوق هذا هوه غير شرعي..
هزاع:اوب اوب.. لحظه اشوي. حبه حبه.. اول شيء ابوها غير شرعي كيف هاي؟؟
نوف:امم يد احمد.. سوا علاقه مع سكرتيرته التركيه.. وراغها. وسارت تركيا... المهم انها حملت. ويابت الولد.. ربته بعد عشر سنين توفت ويا عند الشيبه.. المهم بعد ما تأكد انه ولده.. رباه.. بعد ما كمل الثانويه ودخل الجيش.. ما ادري شوه صار انطرد.. المهم دخل في شركه اونه يشتغل.. ما دروا عنه الا وهو سارق فوق ثلاث ملايين.. وحاطنهن في حسابه.. حبسوه كم سنه.. وفوق هذا ابوه اتبرى منه .وراغه من البيت بعد ما طلع من السجن..
هزاع:وكيف خذ احمد روضه ... يوم كل هذا صار لابوها؟
نوف:اممم هذا الي يقهرني.. الظاهر الشيبه قبل لا يتوفى.. رضى على ابوها. يقولون انه تلاقى وياه.. من فتره قبل لا يموت في مكه.. وسامحه.. واشترط .. الحيوان. انه احمد ياخذ روضه.
هزاع:منوه الحيوان؟ابوها؟؟ ولا الشيبه؟
نوف:تبى الصراحه؟ كلهم.. حيوانات ههههه
هزاع:اها.. ههه انزين وخلاف شوه صار. تعرفين شوقتيني..
نوف:ههههههه فديتك.. بس هذا الي صار.. احمد عصب.. بس انجبر انه ياخذها.. عسى الله ياخذ عمرها ونفتك منها ومن الي في بطنها... خذها وبعد شهرين خذني انا.لانه ما يحبها ولا يطيق يشوف رقعت ويها..
هزاع:امممممم في هذي انا اشك فيها.. يعني ما يحبها ولا يطيق يشوفها واتحمل منه؟ صعبه هاي اشوي؟
نوف:اكييد هييه الي لعبت في راسه.. ولا احمد كان اكثر واحد رافض ها الموضوع.. كنت اكلمه واسمعه وهو يتهاد مع اهله.. لانه مايباها.. بس هم اجبرووه..
هزاع:والحين هيه طالبه الطلاق؟
نوف:هييه. يعلها تنقلع ..
هزاع:ههه حليلها.. انزين شوفي احمد الحين نش.. شكله ياي صوبج.. عطيني العنوان.. وبخلي اخويه يعزمه اليوم.. خصوصا انكم مسافرين باجر..
نوف:خـــــــــــالد.. لااااا دخييلك..
هزاع:شوفي. انتي خلي الموضوع عليه. .. صبري.. هذووه اخويه واقف ويااه. صبري.. يوو عندي بنعزمه عندنا الليله وبييج.. دخييلج نوفي.. لا ترديني.. فدييتج.
نوف:خالد... والله اخاف. فدييتك.
هزاع:نوف بس عاد. يالله اخاف يسمعني.. طرشي العنوان.. وانا برتب كل شيء.. يالله.. باي.
نوف:اوووف. اوكي. الله يستر منك..
هزاع:هههههههه بنشووف.. باي..
نوف:باي.
احمد:السلام عليكم.
هزاع:وعليكم السلام.. هههه شفتك يالس. وسرحان ماحبيت اقاطع عليك حبل افكارك..
احمد:هههههههه لا والله. بس بصراحه متوله على البلاد. وحسيت بملل..
سعيد:جان يبت حرمتك واتحوطتوا اشوي.
هزاع تم يشوف احمد الي نزل راسه من قاله سعيد انه ايب حرمته:اامم بصراحه خليتها اترتب الاغراض نحن ان شاء الله باجر مسافرين...
هزاع:ههه ليش ياريال خلك اهنيه.. انته من ييت اشغلتهم اشوي. عني.
احمد:هههههههههه تسلم فديتك.. ياغير. خلاص نحن كملنا شهر براا البلاد خلااص عااد.. اتحس انك شبعت..
سعيد:هيه والله. من تسير عن البلاد فتره تشتاق لها..الا ناس عادي عندهم لو يتمون سنه ما تخلف عليهم.
هزاع:هههههههههه منوه تقصد
سعيد:احم احم.. اكيد انته.. انته ما بتصلبك الا حرمه.. امره من انرد البلاد بخلي ام خالد اتدور لك حرمه اتسنعك..
هزاع:ههه بس ما يكون اسمها رووضه..
من قال روضه احمد التفت عليه هزاع حس بأحمد بس كمل عادي.
هزاع:نحااسه وفيهن.. وعصبيه فيهن.. وبهاسه فيهن..ودلع فيهن.. يخلنك ما تعرف كوعك من بوعك.
سعيد:فديت رواضي انا بنتي مب جذيه عاد حدك..
احمد:هههههههه..
هزاع:هييه.. اشوفها انها تبرت منك ودورت على ابو ثاني..
سعيد:عاد تضرب مرات الفيوزات. عادي يعني. اتصير عند ارقى العائلات. هههه مب صح بو شهاب.
احمد:هههه ما ادري والله..انا حرمته رزين..
هزاع:ههههه وحده من ميه..
سعيد:ماعليه.. يطلع اسمها شوه ماكان.. المهم انها ترصغك اشوي. واتخلينا انشوفك..
هزاع:ههههههه شكلي انا الي بخربها وبشلها وياي.. هههههه
سعيد:الله يعيينا عليكم.
احمد:يالله سمحولي انا بترخص..
هزاع:وين تو الناس.
سعيد:هيه اقرب عندنا احمد.. يوم انك باجر مسافرين بالسلامه.. عشاك اليوم عندنا.
احمد:تسلم فديتك ياغير. الحرمه بعدها تبا اتسير السوق تعرف انته الحريم ومشترياتهن ما يخلصن.
هزاع:انزين شوه عليه.. خلصوا شراا وقربوا عندنا. مايصير..
احمد:فديتك..
سعيد:شوف. دامه هزاع عزمك لاترد العزيمه تراها الا في السنه مره . اتصير
هزاع:ماعليه يا الهرم.. يعني انا بخيل الحين..؟
سعيد:هههههههههههه محشوم.
احمد:ههههههههه حرام عليك..
هزاع:انزين علشان خاطر رواضي.. شوه قلت..
احمد فز قلبه من دون مايعرف ليش:شووه؟
سعيد:هييه رواضي بنتي من شافتك وهيه اتقول ليش ما ايينا.. وزعلت اليوم الصبح ما كلمتها يوم اشرت لك..
احمد:ههههههههههه فديتها كله ولا زعلها. بشاور الحرمه وفالك طيب.
سعيد:فالك مايخيب.. عيل عطني رقمك ماعليك امر.. علشان انرتب الامور.
احمد:والله ما ابغي اعبل عليكم. وانته اتقول عندك دراسه وتقارير.والله ما ابغي اثقل عليكم.
هزاع:انته راعي البيت.. بوشهاب. شوف انا بتم وياكم ومن اخلص عشى . بسير المكتبه. خذوا راحتكم مثل مايقول سعيد تراها مره في السنه.
سعيد:ههههههههههههه
احمد:ههههههههههه.. تسلم.
سعيد:خلاص عيل. الليله عشاكم عندنا
احمد:على خير..
هزاع كان توه واصلنه المسج العنوان.
هزاع: السموحه منكم انا لازم اسير المكتبه الحين. في قرووب يترياني اهناك. نتلاقى الليله بو شهاب..
احمد:ان شاء الله..
هزاع:يالله السموحه منكم.
سعيد واحمد:الله يحفظك.
شل كتبه وسار وفي الطريق اتصل بنوف وخبرها كل شيء.. وقال لها اتسوي مشكله مع احمد علشان ما يشلها ويااه.. وايي روحه يتعشى عندهم.وفعلا من رد احمد عندها طلعوا يتسووقون برا هيه بروحها علشان تخلص وهو بروحه لانه متضايق منها ومن اسلوبها. المزعج لانها لين الحين زعلانه على سالفه الرده..دخلوا يتغدوون.. بس هيه ماكلت شيء من خلص احمد غدا. ردوا الشقه.. وقال لها اترتب الاغراض لانهم بيسهرون براا وعشاهم عند جماعه..هيه ما رتبت اي شيء. وسارت ورقدت.. احمد في ها الوقت طلع من الشقه ورد الساعه 5 لقاها راقده ولا مرتبه اي شيء.
احمد بعصبيه:اعتقد اني قلت انج اترتبين الاغراض..ليش ما رتبتي شيء
نوف:لاني مابا ارتب الاغراض..
احمد: وليش عااااااااد..؟
نوف:انته اتعرف ليش؟؟
احمد:شوفي طرتي ولا حطيتي باجر رادين البلاد رادين. زعلتي ولا رضيتي كييفج.. والاغراض الحين بترتبينهن كلهن فاهمه ولا لاا.
نوف:ماااااااااابا.. نشت وسارت الحجره الثانيه وقفلت الباب..
احمد سار صوب الباب ويلس يدق عليها.
احمد بعصبيه:نووووووف. فجي الباب.
نوف:ماااااااااابااااااااا.. يوم انك بهاي الهمجيه ماابا.
احمد:الحين انا همجي..؟ انزين هيين. براوييج شغلج. انا طالع. والله يا نوف ان رديت ولقيت الاغراض مثل ماهن.. بشل شنطتيه وانتي مثل ما انتي بتسافرين بدون شنطه وبدون الاغراض.. بعباتج بس.. براويج ساعتها منوه الهمجي..
نوف:ما تقدر.
احمد:شوفي .. شوه بيصير.. هين.
طلع وسكر الباب بقوه.. ارتاحت نوف اشوي وطلعت ورتبت اغراضها بس.واغراضه ما صكتهن.. بعد ساعه رد احمد.. ولقى اغراضها مرتبه بعكس اغراضه..
احمد:ليش ما رتبتي مثل ماقلت لج.؟
نوف:تراني رتبت اغراضي.. وخلصت..
احمد:لاوالله. واغراضي ليش ما رتبتييهن.
نوف:انته قلت رتبي اغراضج.. ورتبت.. ماقلت لي ارتب اغراضك..
احمد مسك شعره من الضيق الي فيه.: لا والله.. يعني لازم اقولج كل شيء كلمه كلمه. انتي ما تفمهميين؟
نوف:اوووووووووف.. وبعدين يعني
احمد:جب.. ولا كلمه.. انا بطلع اتعشى عند الجماعه.. وعقابا لج بتميين روحج.. و(ب ت ر ت ب يين ا غ را ض ي ) كلهن فااااااااااااهمه..ولا اعييد..
نوف:فاهمه. بس اباااااااا اطلع.. حرام عليك.. طوول اليوم محبووسه اهنيه.
احمد:لا والله انتي عارفه شوه مسويه.
نوف:احمد..
احمد:مابا اسمع شيء.. يالله رتبي كل شيء. بسرعه.. بسير اتسبح وبطلع. ما بتأخر..
نوف:لا والله.. يعني الحين اونك تراضيني انك ما بتتأخر.
احمد:نوف تراني ماسك اعصابي لين الحين.. لا تخليني اطلع من طوري احسن لج.
نوف:لا والله يعني بتمد ايدك يعني..
احمد:نووووووووووووووووف.. وبعدين يعني. اييج شوور زوولي من ويهي .
نوف:نعم..؟؟
احمد شل فوطته وسار الحمام وخلاها.كان يسمعها وهيه محتشره وهداده..خلص حمام ولبس ملابسه واتعطر وطلع.تمت نوف روحها مستانسه خصوصا انه خالد بييها.. اتصلت بالفندق وخبرتهم انه ريلها طلع وهيه مسويه له مفاجاه ومن ايي لازم يخبرونها.. احمد سار عندهم ويلس وياهم واتعشوا ويلسوا يسولفون لين وصلت الساعه 8 اترخص هزاع منهم وسار اونه المكتبه.. نوف عطته العنوان كامل مع رقم الشقه.. من وصل الفندق سار سيده اللفت..
نوف من سمعت الجرس.. ربعت صوب الباب.. وفرت العطر الي كان في ايدها بعد ما تعطرت على الطاوله..وفتحت الباب..دخل هزاع. وعاشوا ليله حمراا بمعنى الكلمه. طبعا الشقه مرتبه ومعطره.. بورد وكيك.. وعصير..وع الساعه 9ونص.. هزاع روح عنها لانه احتمال احمد ايي في اي وقت.. وفعلا من خلصت نوف. ترتيب الغرفه.اتصلوا بها من تحت انه احمد توه وصل والحين ركب اللفت.. اتعطرت واتريته عند الباب وهيه ماسكه باقه الورد..احمد يوم شافها تفاجأ فيها.. ماحس بعمره الا وهيه لاويه عليه. واتصييح..
نوف:انا آسفه حبيبي.. سامحني..
احمد:خلاص ياقلبي. ماصار شيء.
نوف:اكييد انته مش زعلان مني..؟
احمد:هه هيه اكييد.. الحين ممكن اتفجييني اشوي.. تراج راصه عليه.
نوف:هه آسفه ياعمري.. تعال.. عندي لك مفاجأه.. سحبته وسارت وياه الحجره. ..وووووووووووووووووو
نشوا الصبح.. ونزلوا يتريقون تحت .. ومروا لأخر مره على الهايد بارك.وشارع اكسفورد واتغدوا اهناك.. ورجعوا الفندق شلوا اغراضهم وعلى المطار سيده..
روضه:اماااايه وبعدين ويا ها الوحام.. لين متى بيتم جذيه.. تعبت نفسيا..
لطيفه:صبري يا بنتي لين تخلصين الشهر الثالث. وان شاء الله بتفتكين..
روضه:اااوف.. بعدني اسبوعين.. ياا الله..
لطيفه:هههههه هذا انتي بعدج.. الا وحام وجذيه عيل يوم بييبج وقت الربى. شو بتسوين.
روضه:يقولج في ابره.. من يعطوني اياااها امره ما بحس بأي شيء ابد.
لطيفه:لها مضار هاي الابره.اي غلطه باسم الله عليج.. يمكن ايي شلل..
روضه:اااااااااااااه.. تعبت..
لطيفه:عن البزاا.. يالله قومي لاتتأخرين عن الجامعه..
هيه انا بسير بيت خالج سعود.. يوم تخلصين تعالي اهناك..
روضه:خخ شوه تبييني اسوي عندهم.. حرب بارده ولا الحرب العالميه الثالثه.. لا هم يدانوني ولا انا اادانيهم..كلهم من كبيرهم لين صغيرهم.
لطيفه:رويض هذا خالج..
روضه:بس ماله حق يغلط على ابويه. ولا والله لارتكب جريمه في حقه.
لطيفه:الله يهدييج..انزين خلاص.. برد البيت العصر..
روضه:ليش؟.. برايج امايه.. انا برجع وبرقد.. سيده.. اكييد بيي تعباانه.. وابويه كالعاده بيكون في الدوام وبيي المسى..
لطيفه:خلاص عيل.. يالله هالله هالله بعمرج..
روضه:ان شاء الله يدووه..
لطيفه:رويييض.. اصطلبي..
روضه:شووه.. تنكرين انج يدووه.. هذوه شاهد عليج..(اتشر على بطنها)
لطيفه:خليه ايي بصحه وسلامه.. وبعدين رمسي.. يالله قومي عن لا تتأخرين بعد. ويهد عليج الاستاذ.
روضه:هذا الي قاصر.. يوسفووه يهزبني.حبيبتي انا ما انهزب انا اهزب.خخخ
لطيفه:الله يعييني علييج.. يالله قومي وصليني بيت خالج وبعدها سيري الجامعه..
روضه:لااااا فديتج. وصلوني الجامعه وبعدها سيري بيت خالي. مافيه اوصلج اهناك ويطلع لي في ويهي..
لطيفه:الله يصبرني عليج.. يالله قومي..
روضه:من عيووني يا الغاليه.. هههههههههه
خلصت روضه دوام من دوون اي احداث تذكر. وهي طالعه لقت ميره عند البوابه شكلها تتريا مهره.
روضه:مرحبا..
ميره:اهلين بنت العم. الي ما تنشاف..
روضه:هههههه والله مكرووفه.. اشحالج.
ميره:الحمد لله.. الا اخبار حبيب عموته.
روضه:اااااااااه دخييلج لا تذكريني تعبت نفسيا من الوحاام..
ميره:ههههههه ياحياتي. معذبنج..
روضه:يالله هانت امايه اتقول بس ها الاسبوعين وبعدها بيخوز الوحام.
ميره:اها يعني اتخلصين الثالث..
روضه:هييه..متى بيخطفن وبرتاح..
ميره:هههه الله يعينج....
روضه :آميين.. يالله سمحييلي هذي السياره يت.. ما تبيني اوصلج.
ميره:.. اااه.. لاا مشكوره فديتج.. سيارتنا اهنيه.. اتريا مهره.. علشان..
روضه عقدت حياتها:علشان شوه؟
ميره: روضه.. .. ..
روضه:هااه؟شوه مستوي يدوه فاطمه فيها شيء؟
ميره:لااا.. كلهم بخير.. بس.. نحن بنسير بيت.. احمد. اليوم بيوصلون ونبى انرتب البيت حقهم.
روضه من سمعت اسم احمد فز قلبها:اها. .
ميره: رووضه..
روضه ابتسمت:زين. عيل.. يالله سمحيلي. ماابا اتأخر على امايه هيه في بيت خالي سعود وتباني اخطف عليها.. سلمي على امج واايد.. و ب..اركي لها.
ميره بنبره حزينه:روضه..
روضه:يالله مع السلامه..
ميره:مع السلامه.
ربعت روضه صوب السياره وركبتها وهيه بعدها متغشيه. ودموع عيونها ينزلن.
روضه:سير البيت انور.
انور:اوكي مدام..
وصلت البيت وسارت حجرتها وقفلت على عمرها الباب.. آآه ياروضه. الحين بيبدى ويعج الصدقي.. دامه كان بعييد كنتي مرتاحه. الحين بيكون في البلاد.. شوه بتسويين . كيف بتتحملين شوفته او انج اتعرفين انه موجود اهنيه. كيييف بتكون حياتج من بعد ما يوصل..آآآآآآآآآآآآآآآه يا احمد شوه سوييت فيني..ذبحتني يا احمد.. ذبحتني وانا حييه... حطت ايدها على بطنها.. ذبحنا ابوك. يا ولديه كيف بنتحمل العيش جذيه كييف..قعدت على ها الوضعيه نص ساعه. بعدها نشت وساارت صوب المرايه.. وقفت اتطالع عمرها. مسحت دموعها.
روضه:انا لازم اكون قويه.. مش علشان الي في بطني بس. علشان ابويه بعد. من اليوم ورايح انتي يا روضه ما يهمج موضوع احمد.. ايي ما ايي ينحرق في جهنم ما يهمج.. انتي حياتج اتدور بين اهلج.. وبين الي في بطنج وبس.. وخلااص..((صفعت ويها اشوي .. وسارت الحمام وخذت لها شاور )) نزلت تحت لقت ابوها توه ياي من الشغل
روضه حبت راسه:مرحبا يا الغالي.
ناصر:اهلين يا الغاليه. اشحال الصغيروون.
روضه:حفيدك بخير..
ناصر: روويض..
روضه:هههههههه شوه فيكم انته وامايه كل ما اقولكم حفيدكم تزعلون.. يابابا ياقلبي.. هذا حفييدك.. انته واماايه زعلتوا ولا رضيتوا.هذا وااقع.ورفعت الجلسه.
ناصر:انزين ياحضره القاضي.. ممكن اتسيرين تيبين لي اكل. تراني يوعان..
روضه:افا عليك.. دقايق. والاكل يكون عندك..
ناصر:فديتج..
روضه:كم نصوري عندنا نحن..
ناصر مسك المخده وفرها عليها:يالله قومي بسرعه.. نصوري بعد..
روضه:ههههه ترا امايه ما اتدلعك انا بدلعك..
ناصر:ههه وانتي شو دراج انه امج مااتدلعني.
روضه حست بويها يحمر:هااه.. امايه تدلعك.
ناصر:ليش تبين تعرفين.. شوه رايج تسألينها.
روضه كشرت:خخ علشان اتفرني بأول شيء ايي في ايدها. لا شكرا.. خلاص مابدلعك.. خلها هييه اتدلعك. بسير اسوي لك اندووومي. عيل.
ناصر:نعم؟ يوعان وبتسويين لي ها السقم.. خلاص ما با منج شيء. بتريا امج. تييني وهيه بتسوي لي. يوم هذا رمج انا مابااه..
روضه يت ويلست عدال ابوها:اسمعني انته بس اتذوقها وصدقني بتاكل اصابيعك وراها.. لذييده... تعرف انه العنود وباقي الشله يطلبونها مني اسويها لهم..
ناصر:خليها لهن بس.. انا ماابا.. ولا اقولج بسير روحي اقلي لي بيضه..وباكلها.
روضه:ههههههههه بيضه عاد يابويه..
ناصر :شيء تونه؟
روضه:هههههههههههههههه تووونه.. هذا الي قال صام وصام.. ومافطر الا على بصله.. خلك اهنيه انا بسوي لك اكل محترم . ههههه بدون تونه واندومي . (حطت ايدها على قلبها) حطمتني.. قلبي الصغير لا يحتمل.. رفض اكلتي المفضله.. ياربااااه..
ناصر مسك مخده وفرها عليها:بتسيرين ولا لاا.
روضه مدت بوزها على طرف:انزيييييييييييييين..(وبصوت ناعم) يانصوري.
ناصر:ههههههه الله يثبت لج عقلج.
سارت روضه اتسوي لابوها اكل.. ومن خلصت سوت له بعد دله جاي ودله قهوه.. ووصلتهن عنده.. كل وشرب الشاي.. وبعدين خذ له فنيان قهوه.. وسار يتسبح.
روضه:طاااعوا.. صدق مافيكم خير... الحين انا تعباانه يايه من الجامعه.. وبعدين سرت المطبخ نص ساعه اسوي لك اكل.. في الاخير تاكل طشوونه وبعدها اتخليني واتسيير عني.. لييش..
ناصر:هههههه بتيي امج..
روضه:ويعني..؟
ناصر:تبيني اجابلها بثياب وصخه وريحه خايسه.
روضه:لا والله وانا بنتك وجذيه يلست ويايي.. وبعدين ريحتك حلوه.. صح فيك غبره اشوي. بس مقبووول.
ناصر:اقول روييض شوه رايج اتسييرين وتدرسين لج كلمتين مب احسن لج..
روضه:وانا في المدرسه ماكد قلت لي سيري درسي.. الحين في الجامعه اتقولي سيري درسي.. ابووويه.... هههههه
ناصر: روووضه.. اصطلبي..
روضه:هههههههههههه انا ماقلت شيء..
ناصر:سيري يالله..
روضه:ههههههه ها الي يبى الفكه.. وبس. انزين من عيوني سير اتسبح واتعطر. لامايه. قبل لا توصل وتحصلك جذيه..
ناصر:ماعليه ياروييض.. بييني واحد باجر. بعد ما تفتكين من احمد.. والله لاقوله عليك بها..مرخوووص.. لو انه في 2 الحين رمسووني عنج.
روضه فجت عيونها:شوووووووووه؟؟
ناصر:يالله بسير اتسبح.
روضه:صبر ابويه.. شوه 2 بعد؟
ناصر:مش وقته الحين.. خلصي موضوعج مع احمد. وبعدين يصير خير.
روضه:كيف يعني؟؟
ناصر:شوه كيف يعني .. يوم بيطلقج احمد.بيوزج.. الي احسن عنه. وعن اهله.
روضه:ابويه..
ناصر:انتي تستاهلين الي احسن عنه.. يابنتي.. وانا غلطت يوم عطيتج الهم..
روضه:ا.بويه.. والي في بطني..مافكرت فيه.
ناصر:شوفي ياروضه .. لو انه مش وقته.. هذا الولد لهم.. يبونه بيشلونه.. مايبونه نحن هب في عازه. بنربيه.
روضه:تباني اخلي ولديه..عندهم.. مستحييل.
ناصر:مابتميين حرمتهم. وعندنا من تعرس الحرمه ولدها يشله ابوه.
روضه:ماااباا..
ناصر:شو الي ما تبينه..العرس ولا الطلاق..
روضه:ماابا اخلي ولديه. يابويه..انته عشت الحرمان. الاسري. حد عوضك عن الثاني.. يوم كنت مع يدوه. عوضتك عن ابوك.. ويوم كنت مع ابوك عوضك عن امك.. كيف تباني اتخلى عنه يابويه..مهما يصير لي ولديه بيتم عندي.
ناصر:منوه الي بيخليه عندج. تتحرينهم بيخلوونه.. لاا مابيخلوونه بس علشان يغايضون.
روضه:مابيغايضون.. اصلا ماكانوا يبوني. واكيد مايبون ولديه. وخصوصا انه عرس وبييب عيال منها بيخلون ولديه ليه.
ناصر:ان شاء الله.. الا ما تعرفين متى بيي؟
روضه نزلت راسها:اليوم بييون.
ناصر:وانتي شوه دراج.. ان شاء الله سألتني عنه؟
روضه هزت راسها:لاا يابويه ما سألت عنه ولا شيء.. بس لقيت ميره وافقه عند الباب روحها.. تحريت ماعندها حد يوصلها.. عرضت عليها اوصلها.. قالت لي لاا الدريول بيي الحين وبتسيربيت.. احمد علشان يعدلونه .. لانه هناك بييون.
ناصر اتقرب من بنته ولوى عليها: صدقييني يابنتي بيندم على الي سواه فيج.. وانا ابوج..
روضه :آآه يا ابويه.. تعبت..
ناصر:ما بتتعبين ونا وياج يابنتي.. وبتشوفين.بس انتي ربي وقومي بالسلامه وخلي كل شيء عليه.
روضه:اللي اتشوفه يابويه..
ناصر:يالله عاد خليني اسير اتسبح الحين.
روضه:هههه قبل لا توصل امايه.. ههه نعيما مقدما.
ناصر:ههه الله ينعم عليج.
مرت الايام. والشهور.. وبدى بطن روضه يكبر..واحمد ونوف لاهين بحياتهم.. وهيه بحمالها. الي وصل لمراحله الاخير.. وفوق هذا عندها امتحانات ورا بعض.. امتحان الصبح.. وبالباجر امتحانها المسى..
يوسف:هذا كل الي بناخذه اليوم.. فيكم تطلعون.. اذا تبون تدرسون او شيء.
طلع يوسف.. بس قبل لا يوصل الباب. التفت على روضه: ممكن تييني المكتب روضه.. وهاتي ورقه الامتحان وياج.
روضه:ان شاء الله..استاذ..
العنود:شوه مستوي..
روضه:مااشيء.. بس ماحليت اي شيء فيها..
العنود:ليش؟؟
روضه:ما ادري عنودي احس مخي قافل.. ماعرفت احل اي شيء.. يوم سلمت الورقه يتني كل الاجابات..
العنود:هههه ىشوه الظاهر تأثير الحمل عليج..
روضه:هههه الله كريم.. انتي وخالد شخباركم.
العنود استحت:هههه الحمد لله.. اخيرا يا روضه مابقى شيء على العرس.. ااه ما تتخيلين انه غيرني. 180 درجه.. احبه.
روضه:ههههههههه الله يتمم عليكم.. ونشووف عيالكم.
العنود:ايييه استحي..
روضه:هههههههه.. ياربي.
حصه:دودودودو.. حشى ما جذبوا يوم قالوا الحرمه تتكلم في اليوم الواحد 8000كلمه بعكس الريال الي يتكلم 800 كلمه. من طلع الاستاذ وانتن تتكلمن.. شوه عندكم.. شاركوني وياكم.
العنود:ههههههههههه من ييتي لين الحين كم كلمه تكلمتي فيها
حصه:خخخ لا ما ينحسب .هع.. اييه شوه يباج يوسفوه.
العنود:اصطلبي لاحد يسمعج.
حصه:ويسمع واييه يعني
روضه:ههههههه عيل بسير اخبره.هههه
حصه:يابنت الذين آمنوا.. ليييه طب لييه بتعملي فيه كده.. اصلي خلاص نسيت حبه وغرامي لوه..
العنود:ياحرام.
روضه:سقط من علياءه يعني.
حصه:من زماااااااااان خااالص. من يوم ما هزأني اودامكوو.. اصلوو خلاص بدلتوا بواحد تاني.
العنود:من ورانا..
حصه:خخخ اصلوا في حاقات كتيير مابتعرفوهاااش عني.خخ خلوني ساكته احسن اييهييي..
العنود:افااااااا..
روضه:هههههههه ياربي. منج. خلوني اسير اشوف الاستاذ وبعدين بيي علشان اعرف ها الحاقات الي ما نعرفها عنج.
حصه:خخخخ سر ياحبيبتي سر.. خخخ
العنود:ماعليج انتي .. انتي سيري وتعالي بنخرطها وبنطلع كل الي عندها..
حصه:ارحمييني ياامه..
روضه:ههههههههه..يالله باي..
العنود وحصه:بااي..
طلعت روضه وسارت قسم مكاتب الاساتذه. قبل ما تدخل مكتب الاستاذ. شافتها نوف... الي كانت يالسه على الكراسي الي براا. ولحقتها.. دخلت روضه المكتب. وسارت سيده لمكتب الاستاذ يوسف الي كان روحه في المكتب.. اشر لها انها تيلس..تقربت نوف من المكتب وشافت روضه روحها يالسه والاستاذ يضحك.. يوسف كان يتكلم في التلفون ويضحك على كلام الي ينقاله.. روضه كانت سرحانه.. معقوله هذا الشخص يبا يساعد ابويه.. معقووله. هوه الي بيطلعه برااءه شوه الدافع لها الشيء.. وشوه مصلحته.. جمحت اشوي بأفكارها. وسرحت اتفكر بردت فعل احمد يوم بيعرف انه ابوها انظلم. ابتسمت فجأه وهيه تتخيل الصدمه الي بتكون في ويه يوم بيعرف بكل شيء.. في ها الوقت نوف شافتهم كلهم يضحكون. الاستاذ يوسف يضحك وروضه تبتسم.بس كل واحد له موضوعه الي يضحكه.. صورتهم في هاي اللحظه وطرشت الصوره لاحمد..من سكر يوسف التلفون التفت على روضه..
يوسف:ممكن اعرف شوه الي صاير. احسن طالبه عندي ينزل معدلها جذيه فجأه.. ومن متى روضه بنت ناصر. تتنازل عن ضياع نص درجه.. فما بالج ب 20 درجه يضيعن جذيه.. شوه صاير ياروضه.؟
روضه هزت راسها:ماا ادري..بس .من افتح الورقه ابغي احل.. انسى كل شيء.. ومن اسلم الورقه اتذكر كل شيء..
يوسف:ليش انزين.؟
روضه:قلت لك ما ادري..
يوسف:على فكره مش انا بس ملاحظ عليج ها الشيء. اكثر عن استاذ ناقشني في هذا الموضوع.. روضه انتي ماكان معدلج ينزل عن 5الحين كم تتوقعينه يوصل..تبين تنطردين قبل ما تحققين هدفج.. هذي الي بتبري ساحه ابوها.
روضه نزلت راسها وفي عيونها دموع:تعبت يا استاذ والله تعبت.. عندي ضغووط من كل النواحي..
يوسف:ريلج ما يساعدج.؟
روضه:هه ريلي.. لو اقولك اني ماشفته من 6شهور ولا حتى كلمته. بتصدقني..
يوسف:معقوله.. بس انتي بتييبين له. ياهل.
روضه:هيه.. بس علاقتنا منتهيه.. ومن اربي بطلب الطلاق. خصوصا انه عنده حياه ثانيه..
يوسف:كيف يعني عنده حياه ثانيه؟
روضه:يعني ابويه ماكلمك عنه؟
يوسف:ماتعمقت وياه وايد...
روضه اتنهدت:امم احمد معرس وماخذ بنت خاله الي كان يباها من يوم هم صغار.. والحين هووه عايش وياها في بيت رواحهم.. يعني عنده حياته الخاصه وياها.. فكيف تباه يساعدني. من اي جهه يعني.ماديه. الحمد لله ما ابغي منه شيء. معنويه.. مابا اشوف رقعه ويهه.. نفسيه حتى التفكير فيه يتعبني.. فأحس حل انه بعييد عني.
يوسف اتنهد:اها.. انزين ماعليه.. بس مهما كان السبب المفرووض ما تضعفين واتضيعين عليه حياتج. انتي بعدج صغيره. والعمر جدامج.. بس اهم شيء الحين الدراسه. روضه لازم ترفعين مستواج التعليمي مثل قبل واحسن. ونا بصراحه زقرتج على شان اقولج انه الريال الي حبس ابوج يا من السفر.. بس تعباان واايد. واحتمال انه يموت قريب.
روضه:لاااااااا ماباه يموت قبل ما يبري ساحه ابويه. ابغي اوصله كييف.؟
يوسف:الريال في العنايه. الحين.. ويقولون حتى الكلام صعب..
روضه:مايهمني.. بس المهم انه يبري ساحه ابويه ويطلعه براءه..
يوسف:ما ادري.. شوه رايج تصبرين عليه اشوي.. ويوم تستقر حالته اتسيرين.
روضه:وانا شوه يضمن لي انه بيعيش.. ولا بيموت.. دخييلك استاذ في اي مستشفى هووه.. دخيلك..
يوسف:اوكي.. معنه حتى لوعطيتج اسم المستشفى .. احتمال كبير ما يدخلونج.. بس بعطيج رقم ريال من توصلين المستشفى بيدخلج عليه..
روضه:اوكي..
يوسف:خلاص عيل سجلي عندج..
عطها الرقم وطلعت من عنده.. واتصلت سيده بالريال.. الي قالها انه حاليا برا المستشفى..
روضه:بس اخاف يموت الريال. دخييلك ضروري اقابله اليوم..
سيف:ان شاء الله.. خلاص عطيني نص ساعه وبكون في المتسشفى.
روضه:اوكي.انا سايره اهناك الحين..
اتصلت روضه بأمها وخبرتها بكل شيء.. وقالت لها انها بتقابله وبعدين بترد البيت.. وفعلا وصلت روضه المستشفى وسارت لين قسم العنايه.. لقت الباب مسكر.. يلست على الكراسي الي برا.. تتريا المدير التنفيذي للمستشفى سيف.. بعد ربع ساعه ياها ريال شكله في منتصف 40 تقريبا.
سيف:السلام عليكم. انتي الاخت روضه..؟
روضه هزت راسها:وعليكم السلام.. هيه انا..ممكن اشوف الريال دخييلك.
سيف:ان شاء الله.. بس دقايق بشوف الوضع كيف..
روضه:اوكي..
دخل سيف داخل ولقى الريال تقريبا في وعييه.. والظاهر انه يقدر يتكلم. ولقى عنده ريال ماعرفه منوه.. طلع من عندهم وزقرروضه من دخلت ماسلمت كانت عينها عليه.. شافته مره وحده بس.. كانوا في المول هيه وامها وابوها ماقدر ايي وياهم. وقتها روضه كانت في الابتدائيه العيا خطف جدامهن.. اشرت عليه امها وقالت لها هذا هو الريال الي عق ابوج في السجن.. روضه من النوع الي ما تنسى الشخص حتى لو مر عليه سنين آخر مره شافته فيه كان من عشر سنين..كان شكله متغير.. غدا متيين وشعره كله ابيض.. وبان عليه الكبر. بشكل كبير. اتقربت منه.
غانم:اييه منوه انتي؟ وشوه اتسوين اهنيه..؟
سيف:لو سمحت غانم خلها اشوي..
روضه اتقربت اكثر منه.فتح عيونه وتم يشوفها.. بس ماعرفها لانه في حياته ماكد شافها روضه اتقربت اكثر وفجت الغشوه..شافها وحس انه يعرف ها الملامح. بس ما يتذكر وين شافها.. روضه فيها من ابوها اكثر من يدتها التركيه.. هويام..
روضه:اانا روضه بنت ناصر....
فج مصبح عيونه :لا... ل..لااا. مستحي...ل..
غانم:ابويه شوه بلاك..(بعصبيه )اطلعي براا.
روضه خافت ورجعت خطوه وراا.
مصبح:لاا.. يا غان..م.. لا..خل..ها..
اتقربت روضه:ابويه انظلم ودخل السجن بسببك.. وانهان من يومها لين اليوم..وبعد بسببك.. ابغي اسألك سؤال . بعد كل الي سويته.. بذمتك. شفت يوم حلو.. من 22 سنه.. مرت في حياتك.. شفت الراحه.. وانته عاق لك ريال بريء في السجن.. بتهمه كبيره مثل الاختلاس.. ابويه الي في حياته مادخل ربيه حرام في مخباه.. جاوبني.
مصبح طاحت دمعه من عينه:لا.. لاا.. بنتي.. من يومها ونا مش مترقع.. يوم اتكون نهايته قريبه.. دخييلج يابنتي.. هاتي لي ابوج يمكن يسامحني.. وربي يغفر لي كل الي.. سويته..يابنتي الله بلاني.. بالسرطان.. ومافي امل.. كنت.. براا.. الب..لاد.. اااه.. ومابقى لي.. غير وقت.. بسيط. بغ..يت اقضيه.. وياا عيا..لي..ااااه..بس الظاهر.. انه قدريه.. اني اشو..فج قبل ما .. اموت.. يابنتي من بعد ال.. سالفه بسنتين.. تبت لربي.. واتصدقت بالفلوس كلهن..دورت.. عنه الشاهد.. الله اني دورت.. عن ابوج.. بس ما حصلته.. سنين وانا ادوره..
روضه:كنا في تركيا.
مصبح:هييه.. علشان..جذيه ماحصلته.. دخييلج يا ..بنت ناصر خلييه اييني.. رفقت بج.. خليه.. اييني.ومستعد اسوي الي.. يباه..واعوضه عن كل شيء..
روضه:ابويه مايبى منك شيء. بس انك تعترف بكل شيء.. وتبري ساحته.
مصبح:اناا .. راضي.. وصدقيني.. بقول كل شيء.. وببرييه من كل التهم.
روضه طاحت دمعه من عينها:صدق..
مصبح:هييه.. يابنتي.. من ضربني المرض. وانا متغير.. وكل السالفه كانت طمع.. وابووج كان طيب.. ومخلص في شغله.. كان بوسلطان بيرقيه وبيخليه المسؤل علينا.. انا اشتغل قبله..وما عطاني ترقيه... تعاونت انا وكم واحد.. ولبسنا ابوج التهمه.. وهوه وقع على اوراق اتخص الشغل.. كانن واايد وابوج لازم يقرا كل شيء..بس كنا وايدين عنده.. وقراا اول الاوراق وبدى يوقعهن.. استعيلته علشان يخلص. ووقع الاوراق كلهن رباعه..من خذت الاوراق حولنا الفلون لحسابه.. ومنها لحساب كل واحد فينا..كنا.. اربعه.. كل. واحد خذ له 750000.
غانم شهق:فلووس حرام يابويه..
سيف:كمل يابو غانم..
مصبح:بعدها بلغنا انه في حد سارق الفلوس.. وخبرنا بوسلطان عنهن.. بوسلطان شاف الاوراق ولقى انه في تحويل صاير ومبلغ كبير في البنك.. وعرف انه سار لحساب ناصر. ومع هذا ما بلغ عليه الشرطه.. قال له انه يرد الفلوس.. ويطلع من الشغل.. ناصر قاله انه ما سرق الفلوس وحاول انه يبرئ عمره.
روضه:بس لانه كل الاوراق ضده ..
مصبح:هيه.. راواه بوسلطان الاوراق والتوقيع.. من شافهن طلع من الشغل..حول الاسبوع.. الفلوس ماردن.. وبلغوا الشرطه. ومسكته. وانحبس..
غانم:وشوه سويت بالفلوس يا بويه؟
مصبح:من خذتهن شغلتهم كلهن.. وزادن وبديت اطمع اكثر.كنت اشغلهن في كل مكان.. لسنتين كنت ااكلكم فلوس حرام..لين ماصار الحادث لاخوك مبارك. ومات .. رديت لربي. وتبت. واتبرعت بقيمه الفلوس الي سرقتهن مع الفوائد..طلعن فوق 3 مليون..
غانم:ليش ما رديتهن لبوسلطان؟
مصبح:ماقدرت.. ماكان لي ويهه اسير اقوله..
روضه:والحين؟
مصبح:ما ادري به اذا كان حي ولا مات؟؟
روضه:والباقين الي كانوا وياك؟؟
مصبح:محد منهم اهنيه.. كانوا زلمات.. 2 مصرين..واحد سوري.من شلوا الفلوس استقالوا.. بوسلطان يتحراهم زعلانين على الي صار لناصر.. لانهم كانوا ربعه..
روضه:مالت عليهم.
سيف:ربعه ويبيعونه.. برخصييص..ياحسافه على الرياييل.
غانم:ليش ماقلت لي يابويه. ليشِ؟
مصبح:اقولكم شوه ياغانم. اني تسببت بكل الي استوى.. حبست واحد مظلوم.. ودمرت حياته..ولا اني السبب في موت اخووك..شوه تباني اقوولك.
غانم:آآآآآآآآآآآه يا ابويه. ليش سويت جذيه ليش.
سيف:الطمع يعمي القلوب..
مصبح:روضه.. سيري زقري ابوج الحين.. اخاف ماتطلع عليه الشمس.. دخييلج يابنتي..
روضه:ان شاء الله.. يالله مع السلامه.
طلعت روضه تربع تبا تيب ابوها.. قبل لا يموت.
مصبح:غانم. اباك تيب لي الشرطه.. ابا اعترف بكل شيء.بسرعه.
غانم:ان شاء الله..
مصبح:سيف اباك اتكون شاهد على كل شيء..
سيف:ان شاء الله.. بس تراني سجلت الي صار كله..
مصبح:يكون احسن. اخاف .. اني ما الحق..
سيف:بتلحق ان شاء الله. يابوغانم. والله يسامحك على كل الي سويته.
غانم ياب الشرطه وبدى مصبح يخبرهم بكل شيء. من بدايه ماداوم عندهم ناصر لين اتفقوا عليه ولبسوه التهمه.. في ها الوقت سيف كان يدور ارقام عيال بوسلطان وحصلهم ويابهم. كانوا 2 سلطان وراشد.. وحظروا الجلسه وسمعوا كل الي صار..ابوهم ريال كبير. ومايقدر يقوم من الكرسي.بس بعده مش مضيع.من خلص اعتراف مصبح طلبوا منه الشرطه يعطيهم بيانات الثلاثه الي كانوا وياه.. ومن خلص اعتراف خلوه يوقع.. في ها الوقت روضه وصلت البيت ولقته مقلوب فوق حدر.احمد كان في البيت.. وكان معصب
احمد:تو الناس. وين كنتي لين الحين.
روضه مالتفتت عليه كانن عيونها على ابوها وهيه اتصيح:ابويه اباك تي ويااي بسرعه
ناصر:شوه مستوي ياروضه..؟
روضه:ابويه دخيلك ماشيء وقت بسرعه.. اخاف انا نتأخر.
ناصر:عن شوه؟
مسكت ايد ابوها وسحبته لين وقف.. روضه:تعال المستشفى وبتعرف كل شيْ.
من قالت المستشفى الكل انصدم
ناصر:روضه فيج شيء..؟
روضه:هييه يابويه. فيي الي بيبرد النار الي في قلبي وقلبك كل ها السنين.. تعال وياي دخييلك..
سار ابوها وياها واحمد لحقهم في سيارته.. وصلوا المستشفى ودخلووا سيده. احمد ماكان فاهم اي شيء..بس دخل وياهم.. دخلوا العنايه الي كانت مزحومه بالشرطه والرياييل.. دخلت ويا ابوها اتقربت من سرير الريال..احمد مسكها من ايدها.
احمد:انتي اييه وين سايره.
فرت ايده بقوه:مالك خص فيني.. وزووول من ويهي.
احمد بهت بس مع هذا تم وياها..
ناصر من شاف الريال الي على الشبريه عصب وكان بيطلع بس زقره مصبح:دخييلك ياناصر.دخييلك. سامحني.
ناصر التفت عليه:اسامحك على شوه يا مصبح..على الطعنه في الظهر.
مصبح:ادري اني ما استاهل منك ااي شيء.. بس انا بريتك.. اعترفت بكل شيء للشرطه.والله..لو انه حالتيه تتحمل لودوني السجن..
ناصر:السجن مسواي لامثالك وامثال غيرك.
مصبح:كلامك صحيح.. والله ياناصر اني تبت لربي. وكنت ادورك قبل لا اسلم عمري. بس مالقيتك.. وبعدها ياني ها المرض.. ومن يومها ونا اتصارع ويااه..شوف حالتيه ياناصر.. دخييلك قبل لا اموت.. ارحمني.. خلني اموت على الاقل مرتاح.. يمكن ربي يغفر لي.. دخييلك ياناصر. والي يخلي لك عيالك..
اتقربت منه روضه ومسكت ايد ابوها. ومن التفت لها.. هزت له راسها.
ناصر:علشان بنتي بس يا مصبح. انا مسامحنك دنيا وآخره.. وربي يشفييك.
مصبح:آآه مشكور يا ناصر.. مشكوره يابنتي.. ربي يستر عليج ويهنييج..ويرزقج الذريه الصالحه...
روضه:آميين.
ناصر:يالله يابنتي خلينا انسير البيت..
وهم طالعين كانوا براا يتريونهم رياييل. ناصر عرف واحد منهم.اخرت روضه اشوي لانهم اتقدموا منهم..
سلطان:السلام عليكم.
ناصر:وعليكم السلام والرحمه.. اشحالك سلطان.
سلطان:بخير ربي يسلمك.. والسموحه منك والله ماعندنا خبر بالي صاير الا الحين.. حتى الوالد ماياب لنا اي طاري.
ناصر:مسموح امبونك ابوك.. راعي معاني.معنه عطاني الاوراق الا انه قالي انته ما اتسويها ياناصر. بس شو انسوي..
راشد:الحين يوم خبرناه.. قال انه كان حاس انك ما اتسويها.. ويترياك تييه.
ناصر:ان شاء الله الحين بسير له.. له افضال وايد عليه.
سلطان :مرحبابك يابو روضه.
احمد كان واقف منصدم من الي كان يسمعه ويشوفه.. معقووله كل هذا يصير. معقوله انه ظلم عمه وكان يتطنز عليه كل ها الوقت.يطلع عمه بريء من كل شيء..اتذكر انه روضه قالت له انه ابوها بريء بس ماصدقها..اتقرب منها يبى يكلمها.بس من لمحته ياي صوبها سارت عند ابوها ومسكته بيده وطلعوا من المستشفى.. ركب سيارته وسار بيت اهله. لقاهم متجمعين في الصاله.. يلس وخبرهم بكل شيء.. عبدالله من سمع كل ها الكلام شل بعمره وطلع من البيت..وفاطمه سارت حجرتها وسكرت على عمرها الباب.ويلست اتصيح..ومريفه سارت المطبخ.. تم احمد وخواته يالسين رواحهم.
ميره:شوه الحين عن روضه. يا احمد..
احمد:آآآآآآآآآآآآآه يا ميره.. ما ادري.. حاولت بس اكلمها ماخلتني..
ميره:قلت لك... يا احمد انته ظالمنها. وبييك يوم..
مهره:مش وقته الحين يا ميره.. انتي ما اتشوفين حاله ااخوج. لا اتزيدينه.
ميره:انا الحين الي ازيده يا مهره.. وانتي مهروه. ضميرج مرتاح ؟
مهره:اووووه.
طلعت فوق.
احمد :ما طاعت تسمعني ياميره.. ماطاعت.. دخيلج كلميها.. يمكن تسمع منج.
ميره:شوه تباني اقولها.. انك ندمان على الي سويته فيها.. تتوقع انها تتقبل ها الكلام مني.
احمد:وشوه الحل..ميره كانت طالبه الطلاق.. والحين انا متأكد انها بتصر عليه اكثر.. مابا اطلقها.. دخييلج قولي لها..
ميره:هه ما تبى اتطلقها.. عيل ليش هيه في بيت اهلها اذا انك ما تبى اتطلقها.. انته ماساعدت عمرك يا احمد.. من خمس شهور انته من ييت من السفر..بذمتك ييتها او حتى كلمتها في التلفون؟
احمد هز راسه..بمعنى لا
ميره:عيل كيف تباها ترجع لك.
احمد:ماادري مادري.. بس على الاقل خليها تسمعني. دخييلج..بس تسمعني.
ميره:اممم بحاول.. والله يستر..
احمد:يالله اتصلي بها الحين..
ميره:شوه. لا مش الحين. احمد لاتنسى روضه الحين في الشهر الثامن..يكفيها الي ياها اليوم.. وهيه روحها تعباانه من الحمل.. ايي اضايقها بموضوعك.. اخاف.. شوف خلها تهدى كم يوم. واوعدك اني اكلمها. في الجامعه.. اما التلفون مابينفع.. وانتوا ما تخلوني اسير لها البيت..
احمد:لاا الجامعه فيها بنات.. سيري لها البيت احسن.
ميره ابتسمت:والله.
احمد:هيه واناا الي بوصلج لها..بس..
ميره:بس شوه؟
احمد:شوفي. (راواها الصوره.الي تجمع روضه ويوسف وهم يبتسمون) ابغيج تسألينها عنه.. ما ابا احكم عليها غلط.. يمكن اتكون فيها مظلومه..
ميره:هذي الصوره في الجامعه.. واكيد في مكاتب الاساتذه وما اتصور انهم رواحهم هناك. وحتى لو كانوا رواحهم الباب مستحيل يتسكر واي حد يقدر يدخل ويشوفهم.. لا تظلمها.. بس انا بسألها وبعرف منها الموضوع..
احمد:اوكي..يالله الحين برد البيت تعباان. تصبحين على خير.
ميره:وانته من اهله..
سار احمد البيت ودخل وخذ له حمام وصلى العشى ورقد. حتى ما كلم نوف الي كانت اونها تدرس وتتكلم في التلفون.
نوف:الظاهر شيء مستوي. بتصل بعدين.
هزاع:هههه اوكي يالله اشوفج بعد ست شهور
نوف:هههه بعيييد. بس يالله شوه انسوي.
هزاع:هههه عن الطمع.. يالله باي حبيبي..
نوف:باي خلودي..
هزاع:هه باي..
سارت نوف ولقت احمد مسكر الستاره وراقد.. اتقربت منه ويلست عداله.
نوف:حمودي شوه فيك؟
احمد:ابا انام.. مافيني شيء.. ممكن تخليني..
نوف:افا.. شوه مستوي..
احمد:نوف. قلت لج مافي شيء. ابا ارقد.. خليني عاد.
نوف:اوكي.. خلاص.. برايك.. بروح اكمل دراسه..
احمد:سكري الباب وراج..
نوف:انزين..
طلعت نوف.. واتصلت بفهد.. الي كان زعلان منها. اونه لانه مايابت له هديه...
نوف بصوت دلع:مرحباا..
فهد ببرود:اهلين.. نعم..
نوف بدلع:شوه ها الاسلووب.. حبيبي..
فهد:شوه في خاطرج انتي الحين.. تراني مشغول..
نوف:يعني ماعندك وقت تكلم حبيبيه القلب.. لو دقايق..
فهد:نوف تراني مش متفيق.. شوه في خاطرج..
نوف:خلاص يوم انك مش متفيق.. براحتك.. كنت عازمتنك في دبي. بس الظاهر انته عن جد مشغول..
فهد:قوولي والله.. ايييييه.. نوف.
نوف:ههههههه تراك اتقول مشغول..
فهد:افا عليج. انا افضي عمري عشانج.وين ومتى..
نوف:امم شوه رايك في برج العرب..
فهد:رقيييص. خلاص تم.. بس متى..؟
نوف:امممم خلال ها اليومين.. برتب الاوضاع عندي..
فهد:اممم ها اليومين.. ليش مش باجر. مثلا..
نوف:امممم.. بشوف الوضع وبرد عليك..افا عليك انته بس..
فهد: فدييتج.والله اشتقت لج يا قطوتيه الحلوه..
نوف:ههههه اييه لا اتقولي ها اللقب ما احبه..
فهد:ههه فديتج. الا اقول احسج واايد تغيرتي من عرستي.. عريس الغفله ما حس بشيء..
نوف:وليش يحس ان شاء الله.. حبيبي اانا نووف.. مب اي وحده.. هه..
فهد:والله ينخااف منج انتي.. هه
نوف:اكييد.. يالله بخليك الحين بيكون بينا مسجااااات.. مسجاات مش اتصالات.. فاهم. ياحلوو.
فهد:هههه اوكي.. ماي ليتل كات..
نوف:مافي امل. منك. باي.
فهد:ههههههههههه باي..
مسحت الرقم علشان احمد ما يشوفه في حال بغى يشوف تلفونها..حطته في المكتب.. سارت المطبخ اتشوف الخدامه شوه مسويه اكل.. لقتها مجهزه الطاوله. يلست نوف وتعشت وسارت اتشوف التلفزيون لين الساعه 10..من خلص الفلم.. سارت الحجره ورقدت.. احمد من التعب ماحس بها..
عبدالله:السلام عليكم..
لطيفه:وعليكم السلام ابو احمد..
عبدالله:هاا بشريني ماياا ناصر..؟
لطيفه:لا والله بعدهم ماوصلواا.. بس على وصوول اقرب ابو احمد..
عبدالله:تسلمين. يا ام روضه.. الا روضه شوه حالها الحين..
لطيفه:الحمد لله يسرك حالها..
عبدالله:متى ان شاء الله بتربي.؟بسلامتها..
لطيفه:بعدها باقي لها شهر ان شاء الله..
اشوي ودخلوا ناصر وروضه.. ناصر من شاف السياره الي براا. حس انه عبدالله عندهم في البيت..
ناصر: السلام عليكم.
روضه:عمي؟؟
عبدالله:وعليكم السلام.. هيه يابنتي عمج..اشحالكم.
ناصر :الحمد لله يسرك الحال..آمر
عبدالله:مايامر عليك عدو.. بس(نزل راسه. وطاحن دموعه) ياغير ييت..
روضه ماتحملت اتشوف عمها جذيه. عمرها ماتوقعت اتشوفه جذيه.عمها عبدالله.. يصيييح.. عمها..
روضه:عمي..
عبدالله وهو يمسح دموعه:نحن يا خويه ظلمناك وااايد.. كنت دووم اتقول انك برئ وماسويتها.. وجذبناك.. دخيييلك يا خويه انك اتسامحني.. دخيييلك..
ناصر انصدم:عبدالله..
عبدالله ركع على ركبه وهوه يصييح.. ربع ناصر ومسكه من كتوفه ونششه..
ناصر:لاا ياخويه.. لا تسوي جذيه..
عبدالله:دخييلك سامحني..
ناصر لوى على اخوه:مسمووح يا الغالي مسمووح..
روضه ماقدرت توقف على ريولها. من المشهد.. يلست على اقرب كرسي..وهيه اتصيح..وامها يالسه عدالها..
لطيفه:الله يحفظكم..
عبدالله:آمين..(وهو بعده ملاوي ناصر اخوه)آآه يا ناصر ما تتخيل اشكثر متوله عليك..
ناصر:مب قدي ياخويه..اتحييد سالفه السكنيه.. كل ما اشوف عباه راس اتذكر السالفه. وسالفه وهقه ابويه..هههههههه
عبدالله وهو يمسح دموعه:ههههه وانا اقدر انسى.. ولا سالفه عصير البيض.
ناصر:ههههههههه انته السبب مش انا..
روضه:شوه سالفه السكنيه؟.
عبدالله:هههه خبري ابوج.. هههههه
ناصر:والله هاي افكارك انته وحليلي انا الي انضربت.
عبدالله:بس ما انضربت قدي انا.. بالعصى والعقال.. من حياه ابويه ويدي..
ناصر:هههههههههه..
لطيفه:شوه السالفه.
ناصر:السالفه ومافيها..كنت سهران برا. اظن كنت في ثاني ثنوي..وعبدالله توه معرس..دخلت الصاله..امايه فاطمه دوم متعوده بعد صلاه الفير تاخذ لها لفه واتحط عباتها في الصاله.على الكرسي..يوم دخلت مادريت الا وحده لابسه عباه واقفه عدال الدري تبى تخوفني. من برا يبين البيت من داخل لانه الليت والع. شفت النعال فعرفت انه عبدالله..ههههه.
عبدالله:هههههههههههه الحين عرفت كيف عرفتني..اونه قوي ومايخاف
ناصر:هههههه.. الساعه 2 ياريال وين مابخاف.. دخلت بدال مايزيغني انا زيغته.. المهم يلسنا انسولف واشوي قال بنسوي مقلب. شل العباه وسار فوق البيت. وعلقها على الاريل العرشه..وقالي صيح فيهم انه في سكنيه فوق البيت.. حليلي انا صيحت فيهم. مادريت بابويه ماسك المسجبه..وحياه يدي ماسك عصاه.. وامي فاطمه.. بعصاتها.. وعايشه ومريفه واقفات عند الدري خايفات.. ههههههه. وحضرت جنابه ميت ضحك..عليهم.. سار ابويه فوق ولقى انها الا عبااه. امايه فاطمه. امبونه ما درى عنا. واتحراها الا عبااه طارت وعلقت على الاريل.. ويوم درى وين يعورك. بس.. هوه من صوب ويدي من صوب. ههههه
روضه:هههههههههههه.. اسمييكم. وشو سالفه وهقه يدي..
عبدالله:ههههههههههه.. هاي السالفه سالفه ابوج مب سالفتيه.. هاي طولي بعمرج.. ترا مثل ماقال ابوج امي دوم اتحط عباتها على الكرسي في الصاله..كل العاده ياي ابوج متأخر.. ولقى العباه.. وهاي المره لقى البرقع وياها.. ههههه شلهن وحطهن في سياره ابويه.
لطيفه:يالله بالستر.. ليش عاد؟
ناصر:ههههههههههههههه.. اونه مواعد الشيبه ونست الحرمه البرقع والعباه.. هههههههه
عبدالله:الله قدر انه اميه تطلع قبل ابويه .. وبغته يوصلها لين بدايه الحاره..
روضه:انزين ما استغربت انه عباتها ماشيء؟
ناصر:ههههه عندها مخزن عبااياا.هههههههه..
عبدالله:هههه المهم.. يوم توها بتركب.. ما اتشووف العباه والبرقع.. ولا من البهااسه معطره العبااه..
لطيفه وروضه:ههههههههههههه..
لطيفه:مستحييل هاي سواياك يا ناصر
ناصر:ههههه ايام الطيش.. الحين انا عاقل..
روضه:وانا اقول على منوه طالعه.. شيطانه.. خخ ثرني طالعه على نصوري.. ههه
عبدالله:ههههههههه على منوه؟
ناصر:روويض انا شوه قايل لج.اصطلبي..
لطيفه:هاي بنتك ياناصر
عبدالله:ههههههههههههه..
روضه:كمل عمي شوه صار بعدين.
ناصر:ههههههههههه شوه تبين بالفضايح..
عبدالله:ههههههه.. ركبت امايه وشافت العبااه.. وريحه العطر مب عطرها . والبرقع ..وحليله حياه ابويه بعده ما ركب.. ما درى الا والنعال تي عليه..والهده والحشره..
روضه:ههههههههه وحليله.. والعطر مال منوه؟
ناصر:ههه في سله عطور كانت محطووطه في الصاله..ماخليت عطر ماعطرته.. ههههههه..
عبدالله:ههههههه..حليله ابويه يحلف يمين ودين انه ماركب حد.. وانه ياي البيت وقت. وماعنده هاي السوالف.. بس ماطاعت اتصدق.
لطيفه:حليلك ياعمي. وبعدين..
عبدالله:نحن نزلنا على الصوت.. ومن شافني ابويه.. تحرا اني انا الي مسوي المقلب..ههه خذته عن ابوج.. لانه وقتها ابوج مسوي عمليه في ريله .. خذت السالفه انا.. اول ضربه يتني من ابويه..ومن التفت يتني من امايه..
لطيفه:يالله بالستر.. وانته كنت معرس.
ناصر:ههههههههههههه لا هاي السالفه قبل ما يعرس..هههههههه
عبدالله:علشان اعقل اوين.. يوزوني.
ناصر:هههههههههه خبرهم عن سالفه البيض..ههههه
عبدالله:هههههههه لا هاي عليك انته..
ناصر:هههههه اسميني ما انساها السالفه..هههههههههه كان وقتها منتشر فايرووس وماخلى ريال وحرمه كبير وصغير.. امايه عزمت تعطينا خيل علشان ما ايينا الفايرووس.. وقتها كنت في الاعداديه وانته توك في الثانويه.. وعاشه كانت توها في صف ثاني ثالث.. جذيه.. وحليلها اتصدق كل شيء.عطتنا امي فاطمه الخيل. غصبن عنا..ومن خذناه. يلسنا اندور شيء علشان يخوز الطعم.. الي ياكل تفاح والي ياكل سح..المهم يت عاشه اتدور شيء لانها اتحس انها بترجع.. كان في الثلاجه كوب.. فيه بيض..
روضه:بيض؟؟
لطيفه:ياالله تعينا.. وشوه سويتوا بها حليلها..
عبدالله:هههههههههههه..
ناصر:ههه ماشيء عطيتها اياه وقلت لها شربي هذا بيخوز عنج .. وصدقت حليلها. وشربته كله..
روضه:اااااااااااع.. ماحست بالطعم..
عبدالله:المصيبه مب جذيه.. المصيبه انها عندها حساسيه من البيض..
ناصر:نعم انه طرقع جسمها كله حب احمر.. ويالله سترك..
عبدالله: ربعت عند امايه اتصيح.جسمها كله يحكها..
ناصر:سرنا وياها المستشفى..وسو لها الفحص يتحرونه شيء خطير..
روضه:هههههه علشان ما اتخبر عليكم.
عبدالله:هههههههههههه هيه. مافينا على الضرب..
لطيفه:وخلاف شوه صار لها..
ناصر:ماشيء طلع عندها حساسيه من البيض. امايه تتحسب علشان اتخوز طعم الخيل.. كلت خبزه فيها بيض..مادرت بالمصيبه انه شربناها عصير البيض.
روضه:لاعت جبدي.. عصير بييض عاااااااااد.. واااااااع..
عبدالله:ابوج المتبييهس مب انا..
روضه:هههههههههه فديته..
يلسوا يسوولفون لين الساعه 11 وبعدها رد عبدالله بيته..طاح الحطب بينه وبين اخوه ناصر. فعلا هاي المره..وصار كل يوم لازم يمر عليهم.. لمدت شهر كامل. يا يتريق عندهم او يتغدى عندهم او يتعشى عندهم.. ومرات كان يبات ويسير ويا ابوها المزرعه او الشركه.. وبدت العائله تتقرب من بعض.. وبدت الزيارات بينهم. مريفه وعمتها وميره كانن ايين.. ومرات تيي وياهم عاشه. ومهره ماكانت تيي لين ياها عمها ناصر لين البيت ويابها وياه.. والحين بدت توصل ويا اهلها عادي.. بس احمد الي عليه خطوط حمراا. هوه وحرمته..دخلت روضه شهرها ومابقى لها الا ايام معدودات على الربى.. حاولت ميره اكثرمن مره اتعدل العلاقه بين احمد وروضه بس روضه ماطاعت.. ويوم استفسرت عن موضوع الصوره روضه زاادت زعل اكثر عن قبل. بس خبرت ميره بكل شيء.. وعرفت انه الاستاذ يوسف كان يساعد ابوها. ويوم زقرها هذاك اليوم كان يقولها انه لقى الريال. والباقي احمد يعرفه..اليوم عرس العنود. وروضه لابسه وجاهزه وتتريا ميره ومهره ايين علشان اتسير وياهن.. امها وعمتها مريفه وفاطمه سارن قبل..اتقوت العلاقه بينهن لانه في مره كانوا مسوين عزيمه وحضرت ام العنود.. فتعرفن عليها.. وعزمتهن على العرس..وصلت سياره ويوم نزل الي يسووق روضه ماطلعت له..نزل احمد ودق الباب.. اتغشت روضه وطلعت,,
روضه:نعم..
احمد:وعليكم السلام والرحمه.
روضه:خير ليش ياي..
احمد:قالوا لي في عرس وتبين حد يوصلج..
روضه:بيين خواتك وبسير وياهن..
احمد:خواتي مابيسسرن وانتي تعالي وركبي.
روضه:ليش ما بيسيرن؟
احمد:بس جذيه. شوه لهن من الحايه سايرات عرس.. لانه يقربون لهن ولا انهن معرسات.. مافي سيره.. يالله تعالي بوصلج..
روضه:خلااص مابسير.. مع السلامه.
احمد:وليش عاااااااد..
روضه:لسببين.. اول سبب لاني شفتك.. والسبب الثاني لانهن مابيسيرن.
احمد:رووضه بس عاد..
روضه:لو سمحت.. سكر الباب وراك..
احمد:بتسيرين غصبن عنج.
روضه:اتخسيي.. وسارت وسكرت الباب في وييهه..
تم يدق الباب احمد دقه مره بيده ومره بريله. يلس حول ربع ساعه يدقه.. ولا فتحت له الباب.. عصب وركب سيارته وسار.. من طلع دقت روضه حق الدريول وركبت وسارت العرس..اتصلت بميره ومهره.والي اكدن لها كلام احمد. ماخلاهن يسيرن.. لانه عيب.. عصبت منه اكثر روضه. طلعت العنود ملكه جمال.. وحصه كانت حلوه بعد.
حصه:ازيك ياقميل.
روضه:انتي بعدج مع لسانج المحيوس هذا.
حصه:ههههه وانا اعمل اييه اصلي بحب اتكلم كده.. الا ما اوقلتي لي.. هوه المعاد اييمته..
روضه:معاد شوه؟
حصه:اييهيي.. معاد الوضع ياختي. ياااااااختيي تف تف تف..
روضه:هههههههههه يا الصعيديه.امم قريبا ان شاء الله..
حصه:وزي ما التوليك ازا كانت بت. سميها عليه..
روضه:هههههه لا حبيبتي. اسفه. اذا بنت فهي لطيفه.. واذا ولد ناصر
حصه:اووف. طيب.. مافيش مجال تييقي بت تانيه.
روضه:لاا مافي مجال..وحتى ولو فيه. مافيه على اسم حصه. وحده ومكفتني وزياده.. و يالله سيري شوفي الناس احسن لج. وعدلي لسانج.
حصه:انتي لييه بتعاملييني كده.. دنتي كسرتي ألبي.. ياختيي.. اييهييه..
مريفه وفاطمه ولطيفه يالسات ويتسمعن ويضحكن على كلام حصه.. الحبيبه ناسيه انه في حد يسمع.
روضه رفعت راسها وانتبهت لهن:خخخخ
مريفه:هههههههه الله يهدييكن..
لطيفه:هيه دووم تتكلم جذيه..
روضه:هههههه هييه..
بعد مادخل المعرس ويلس وياها وبعده مشاها. على الكوشه وطلعوا.. يت حصه عند روضه
حصه:لحقي عليي.
روضه:خيير شوه بلاج؟
حصه:خخخ اتخطبت..
روضه:هههه ماشاء الله.. بالبركه.
حصه:لااااااااا.. مااباااا. الي خطبتني مصريه.
مريفه ولطيفه:هههههههههههههههه
حصه انتبهت للوضع الي هيه فيه.. كانت القاعه تقريبا فاضيه.. وهن الي واقفات على طرف يترين السياير ايينهن.
روضه:ههههههههههه تستاهلين.. منه المال ومنك العياال ياختي..
حصه:اييييه شوه.. عيال.. يخسي ها الي ناقص آخذ لي مصري. وااع واااع. بيصبحني بالفول والملوخيه كل يوم.. لاااااا. ما اتخيل. ولا الفراخ والبط.. لااااااا. ولا المحشي..بموووت..
روضه ولطيفه وفاطمه ومريفه:ههههههههههههههههه..
مريفه:يبتيها لعمرج..
حصه:والي قاهرني امي قالت بنشوف. وبنرد عليكم.
روضه:ههههههههههههههه. لاا السالفه جد..
حصه:ايييه بصيييح..
مريفه:امج ما قدرت اتردها جدام الحرمات.. بس ان شاء الله يوم بترد البيت بتتصل بها ولا باجر.
حصه:وليش السالفه فيها لين باجر. بموت..
لطيفه:هههههههه. حليلهم المصريين حلووين.
حصه:ماااااااااابااااااااا اصووم وافطر على بصل. ماابااااااا.
فاطمه:هههههههههههههههههه اسميه الا بيزرع لج بصل قد شعر راسج.
حصه:لاا بموت.. قلبي الصغير لا يتحمل.. روضه . زخييني.
روضه:هه.. ااااه..
حصه:روضه شوه بلاج.
لطيفه:رواضي شوه فيج بنتي..
مريفه:فيج ويع؟
فاطمه :لحقن عليها..لا اتطييييح
روضه:لا مافيني شيْ.. بس دارت بي الدنيا بس.. هذوه الدرويل ياا خلونا انسير.. يالله حصه اشوفج على خير.
حصه:ان شاء الله.. بس طمنيني عليج.
روضه:اوكي .. يالله مع السلامه.. وسلمي على امج وباركي لها ماحصلتها.
حصه:ان شاء الله. يبلغ.
طلعن وسارت كل وحده بيتها.. وروضه وامها.. سارن البيت ومنه كل وحده سارت حجرتها.. تبى ترقد.. بعد ما اتطمنت على بنتها..
لطيفه:اكييد مافيج ويع يابنتي؟
روضه:هييه امايه.. صدقيني. مافيني شيء. بس ارهاق.. ولاني معصبه على احمد..
لطيفه:يابنتي. هذا ريلج..
روضه:الي بتطلق منه.. قريب..
لطيفه:روضه.. ما بتنسين هذا الموضوع... كلهم سامحتييهم وقبلتي فيهم. الا هوه.. يابنتي مب زين. لا تنسين انه ولد عمج قبل مايكون ريلج ووابو الي في بطنج..
روضه:مهما كان.. عمري مابنسى الي سواه فيني.. امايه دخييلج ممكن انسكر ها الموضوع.. ابغي ارتاح..سوري فديتج. بس هذا الموضوع ينرفزني.. وايد..
لطيفه:ااااه.. الي اتشوفينه يابنتي. يالله تصبحين على خير..
روضه:وانته من اهله امايه..
رقدن والصبح ياهن عمها عبدالله واتريق وياهم..
عبدالله:روضه..
روضه:لبيه ياعمي.
عبدالله:لبيتي حايه.. انتي رضيتي عني صح..
روضه وهيه تبلع ريجها لانها حاسه انه السالفه فيها احمد:هييه ياعمي..
عبدالله:عيل ما بترديني لو طلبت منج اتردين بيتج وبيت ولدج الي في بطنج يابنتي.. ولا عندك مانع يا خويه.
ناصر:والله القرار الاول والاخير لها يا عبدالله.. انا ما اقدر اجبرها على شيء.. هاي حياتها..
عبدالله:شو قرارج يابنتي..
روضه:بس...انته عارف ليش انا ييت عند اهليه.
عبدالله:علشان احمد ونوف صح..
روضه نزلت راسها: هيه..
عبدالله:شوفي احمد ونوف ما اييون بيتنا الا قليل.. وانا اكييد ان دروا انج رديتي بيتج.. ما بييون.. او ما بتي البيت.. امبونها هب من كثر يياتها صوبنا..
لطيفه:روضه.. الحرمه مالها بيت غير بيت ريلها.. من بعد بيت ابوها يابنتي.. وخصوصا الي معرسه..
روضه:يعني تروغيني يا امايه..
ناصر:يابنتي محد يروغج.. امج قصدها انا نحن ما بندوم لج.. طول العمر.. وبيت ريلج آمن لج.. من هنيه.. ووقت ما تبين تيينا . عمج بييبج. تراه كل يوم عندنا..زوالينا اختربت من كثر ما ايي ويسسير علينا..
عبدالله اتحنحن:خلاص بييب لكم غيرهن..
ناصر:ههههههه ماقال ما بييكم .. غثيث..
عبدالله:افا.. يعني ماتباني اييك.. نصووور..
ناصر:محشوووم يا الغالي.. والبيت بيتك..
روضه:هييه ماعليه. هوه يقولك نصوور اتقوله الغالي.. وانا اقولك نصوري تهزبني.. خلاص يا عمي انا برد بيتي.. مالي قعده اهنيه.. حقي مهضووم..
عبدالله:هههههههههه...
ناصر:ماعليه.. يا الهرمه.. الحين انتي حقج مهضوم.. الا تغدين لبوه اذا حد داس على طرف منج.. على العموم اذا بتسيرين بيت عمج بتوسعين البيت علينا.. بنكون رواحنا.. وبنرتاح من العذول.. رفعت الجلسه..
روضه:تسمع يا عمي.. الحين انا عذوول.. افاا.. منوه قال يا حضره القاضي انه الجلسه رفعت.. في طعن بالحكم وفي استأناف.. آسفه يا حضره القاضي.. ولكن لي انا المدعوه روضه ناصر. احمل جواز سفر مصدق من اماراه ابوظبي.. واحمل الجنسيه الاماراتيه الحبيبه. بأن لي حق الحلول مكان ابني القادم قريبا بأذن الله.. الحق في المطالبه.. بالجزء المخصص لي في البيت.. وبناءا على ذلك. لا يجوز لكم منعي من البقاء. ورفعت الجلسه..
لطيفه: كل يوم يا بواحمد.. يوم يتناقشون.. احس عمري مش في بيت احس اني في محكمه.. هذا يصدر قرار.. وهاي تطعن فيه.. والعكس ... لين اطفر منهم واخليهم..
عبدالله:هههههههه علاقتكم ببعض اخويه اكثر ما اتقول ابويه.. الله يخليها لكم.. ياغير انا طرحت اطروحتي. وياريت لو تعطيني ردج عليها.. في القريب العاجل.
روضه:لك ذلك يا سيدي القاضي.سندرس الطلب.. ونرد عليكم في اقرب وقت...
عبدالله:ههههههه. زين عيل.. انا بترخص..
ناصر:وين تو الناس.
عبدالله:وين تو الناس انتوا خربتوني.امبوني من قبل 8 انا في المكتب. والحين من بعد 9اكون هناك..يتوهقون لين ايي..
روضه:هههه
ناصر:عيل خلنا نطلع رباعه.. انا بعد مواعد ريال يايب لي مشرووع.. بنا ويبا ياخذ رايي فيه..
عبدالله:زين عيل.. يالله توكلنا عيل..
ناصر:يالله.. يمكن اتأخر على الغدا.. لا تتريني.
لطيفه:اول مره انته اتسويها.. تراك كل يوم تتأخر عنه..
ناصر:ههههههههههههه. محد يقدر يغلبهن ها الحريم..
عبدالله:هههه وانته صادق.
روضه:احم.. احم.. منوه الي بيوصلني الجامعه..
لطيفه:وين تبين اتداومين انتي .. وانتي يالله يالله اتشلين عمرج..يلسي اليوم
روضه:شوفو الي اتخربني. وباجر يوم بينزل معدليه.. يلسوا حاسبوني ليش نزل وشو السبب..
ناصر:هههههه. تعالي بنفرج في دربنا..
روضه شهقت:بتفروني مره وحده. خلاص عمي. ماله داعي ندرس الطلب. موافقين على المشروع.. سيده
عبدالله:هههههههههه.. زين عيل رتبي اغراضج وبيي الدريول وبيشلهن, وانتي انا بييج ..
لطيفه:مايصير جذيه يا بو احمد.. مابقى لها شيء على الربى. خلها على الاقل لين اتقوم بالسلامه وخلاف.. بتيكم.. شوه قلتي يابنتي.
روضه:امييييييه.. من الحين حسيت بخوف الولاده.. خلاص يا عمي خلني اهنيه.. وبعدها يصير خيير.بس حاليا خلوني انسى.الموضوع..
لطيفه:الله يقومج بالسلامه يابنتي..
ناصر وعبدالله:آميين..
عبدالله:الي اتشوفينه يابنتي.. خلاص عيل خلينا انوصلج الجامعه دامها في الدرب.
روضه:ان شاء الله بييب بس....ااااااااااااااه..
لطيفه:شوه فيج روضه.
روضه:ااااااااااااه.. بطني. ااااااااااااااااه..
لطيفه:هذا الي كنت خايفه منه. ناصر شغل السياره.. شكلها بتربي الحين.
روضه:اااااااااااه امااايه يعور. ااااااااه بموت.. ااااااااااااااااااه.
لطيفه:باسم الله عليج. تعالي انسير.السياره
عبدالله:تعالي بنمسكج اشوي شوي..
روضه:اااااااااه ياعمي.
عبدالله:فدييتج اشوي اشوي.
روضه:امااااااااايه بمووت... حرام عليج. قلتي لي الويع مب قوي اااااااااااااااه..
لطيفه:يابنتي يختلف من وحده لوحده.. يالله يا ناصر.. وين السياره.
عبدالله:مسكي بنتج بسير اشوفه وينه..
لطيفه:سير دخييلك هووه فيه القلب.اخاف شيء ياه.
عبدالله:يالله سترك.. البنت هنيه بتربي. والابوو. الله يعيين..
سار عبدالله ولقى ناصر يحاول يشغل السياره بس ماقدر. نزله وركب مكانه وشغلها يلس ناصر مكان المعاون. ويو عندهم. وصلوا روضه المستشفى. وهيه اتباغم من الويع.. كان الضغط على ظهرها قوي.. من وصلوها المستشفى. قالوا عندها ولاده بس عليها خطر لانه البيبي يظغط على الظهر..دخلوها غرفه العمليات بسرعه. طلع الدكتور بعد ربع ساعه.. يخيرهم بين الطفل او الام..
ناصر انهار مغمي عليه.. ولطيفه طاحت على ريولها.عبدالله اختار روضه. والعيال لاحقين عليهم ان شاء الله..رجع الدكتور داخل.. علشان يطلعون الياهل عن الام وينقذونها.. اسعفوا ناصر الي يته جلطه بسيطه. بس مش مأثره لانهم تلاحقوه بسرعه.. روضه تمت في العمليات 4 ساعات. اتصل عبدالله بأهله. كلهم.. ماعدا احمد.. نساه.. اتصلت به امه يا بسرعه المستشفى.. ولقاهم واقفين عند باب غرفه العمليات.
احمد:هاه شوه الوضغ الحين..
عبدالله:ما ندري. بس الياهل ماله امل يعييش.
احمد:ليش؟
عبدالله :خيرونا بينه وبين امه..
احمد:روضه؟؟
عبدالله:هييه.
احمد:والحين شوه صار؟
مريفه:ماندري يابويه. الحين هيه داخل من 4 ساعات. ولين الحين محد طلع..
اتساند احمد على الايدار.. يعني مابغدي ابوو.. خسر البطاقه الي كانت بترد روضه له.. روضه بدون الياهل مابترد بيتها نش وسار المسيد ويلس يصلي ويدعي.. انهم يقومون بالسلامه.. لقى مصحف ويلس يقرا فيه. خلص البقره.. وتوه كان بيبدى في ال عمران.ياه اتصال من ميره.
احمد:هااه ميره..
ميره وهيه اتصيح.:كلهم بخيير يا احمد. كلهم بخيير..
احمد من فرحته فر التلفون وسجد شكر لربه..ونش وسار صوبهم.لوى على ابوه وامه.. ولوى على ميره ومهره.واشوي وطلعوا روضه من العمليات.. وبعدها طلعوا البيبي.. كان ولد. على سلامته. والكل كان فرحان به...ناصر نش. بس بعده تعبان من بشرووه بالخبر اقترح عليهم يسمونه سعيد..تمت روضه تحت الملاحظه 12ساعه. يوم نشت. شافت عمرها في حجره وفيها وايرات وليتات..التفتت لقت امها يالسه على الكرسي . عدالها..
روضه:اما..يه.
لطيفه:عوونج يالغاليه عوونج.. الحمد لله على السلامه ياام اسعيد..
روضه:ليش سعييد انا ماقلت ابا اسميه ناصر.. لييييش.؟؟
لطيفه:ههه الي سماه سعيد ابوج يابنتي.. وعلى الفرحه الي يابها من بعد ماكان بيموت..
روضه شهقت:ليش اماايه. شوه فيه ولديه.؟
لطيفه:هه اتطمني يابنتي. ولدج الحين بخير. بس بيخلوونه عندهم اشوي. لانه كان تعبان.. لانج ما تسمعين الكلام.. لا تنسدحين ولا ترتاحين دووم كااضه عمرج.مافي راحه. تعبت الصبي.. بس الحمد لله بقدره قادر الحين بخير وسهاله.. حتى انهم خيرونا بينه وبينج.
روضه:وشوه اخترتوا؟
لطيفه:اممم اخترناه هوه خصوصا من عرفنا انه ولد. هههه لانج عذوول.
روضه وفي عينها دمعه:امااااااااايه. انا مش عذوول..
لطيفه لوت على بنتها:انتي احلى واغلى واجمل واحسن عذووول في الكون كله يابنتي. حبيبتي
روضه:فديتج لا خليت منج. يا الغاليه.الا ابويه وين؟
لطيفه:فديتج ابوج بخير.. بس تعب اشوي والحين احسن.
روضه بغت اتنش: شوه ياه يا امايه.؟ لايكون قلبه..
لطيفه ردتها مكانها :اشوي تعبت يوم يانا الدكتور وقال لنا انج والصبي في خطر.. تدرين قلب ابوج ما يتحمل.بس الحمد لله الحين بخير.. حتى انه هووه الي قال سموه سعيد ولا تسمونه ناصر.. ان شاء الله الصبي الثاني سميه ناصر.
روضه فرت اللحاف:وين بسير له وينه امايه.. واي ولد ثاني وانتي عارفه الوضع زين..
لطيفه ردتها لفراشها:عيني خير وين اتسيرين له. وانتي توج طالعه من عمليه. ابوج بخير وتوني راده من عنده.. عمج وفريجه يالسين برا.. وييون يتطمنون عليج.. بدخلهم. بس ياويلج ان نشيتي تسمعين ولا لاا.
روضه:هوووه هنيه؟
لطيفه:كان اهنيه. من دخلتي العمليات ووهو اهنيه.. توه روح.عند ابوج.
روضه:مااابااه اييني اهنيه. امايه دخييلج والله ان ياا لاقوم من الشبريه واطلع براا.
لطيفه:روضه عن اليهاله.. وانا اقول بنتي عاقل. ثرج بعدج ياهل.
روضه:اماايه انا قلت لج.. ان دخل احمد انا بطلع. مابا اشوفه.. احترموا قراري عاد.
لطيفه اتنهدت:ان شاء الله.. شو بسوي لج عنيييده. وراسج يابس.
روضه:على منوه ياترا انا طالعه..
لطيفه:على ابووج.. يالله بسير ازقرهم. مثل ماقلت لج لا تتحركين الدكتور موصي على جذيه.. عمليتج توها مخلصه واليرح بعده يديد..
روضه:ان شاءالله..
طلعت لطيفه ولقتهم كلهم يالسين براا.. خبرتهم انه روضه نشت. دخلوا كلهم برا. وهيه تمت تتريا احمد. ومن يا خبرته انه روضه نشت.
احمد:الحمدلله على سلامتها عموه..
لطيفه:الله يسلمك يا بو سعيد..
احمد:عيل بدخل اسلم عليها.
لطيفه:احمد. يابويه اسمح لي.. ياغير روضه موصيه انك..
احمد:ما ادخل.. عمتيه بنتج ياهل..وماعليه منها.
لطيفه:احمد فديتك.. الدكتور مانع عنها الحركه.. وهيه حالفه ان دخلت انته بتنش وبتطلع.. بنتي واعرفها زين..والله لاتسويها..الجرح بعده يديد.. وعادي يفتح من يديد.. دخييلك احمد اصبر عليها اشوي.. ترا الي سويته في حقها مب شوي..
احمد:بس..هيه اتعرف من البدايه كل شيء.
لطيفه:هيه بس ماتقبلت ها الشيء. ويكون في علمك هيه لين الحين تبى الطلاق. انا تعبت وياها.. وابوها مثل.. بس هيه معزره. من تربي بتطلب الطلاق..
احمد: وانا قايل لابويه. حتى من قبل ما اعرس بنوف. طلاقي من روضه مابيتم. لو تنطبق السما على الارض.
لطيفه:الله يهدييكم.. ويصلح شانكم..
احمد:آميين.. عيل يوم انها بخير. وما تباني ادخل.. سلمي عليها عموه. وباركي لها.
لطيفه:ان شاء الله..يابويه عطها وقت. وخلها يمكن يوم بتشوف ولدك اترد عن قرارها.. كانت دووم تتناقش مع ابوها.. عن موضوع الحرمان.. حتى من قبل ما تعرس.. كانت اتقول مهما كان السبب بينها وبين ريلها.. ما بتعيش عيالها مشتتين.. خلها اشوي وربك . ان شاء الله بيدبر الامور.
احمد:ان شاء الله.. يالله سمحي لي الحين.
لطيفه:الله يحفظك..
طلع احمد. مقهور... مايعرف وين يسير ..بس قبل مايطلع سار حضانه الاطفال وشاف ولده وصوره وطلع.. تم يحوط في الشوارع لين الساعه 12وبعدها رد البيت.. واتسبح لقى نوف يالسه اتطالع التلفزيون. يلس عدالها.. وتم يسولف وياها..بعدها ساروا ورقدوا.. بس ماياب لها سالفه سعيد.. ابد..مافيه على الصدعه فليل..يعرف انها بتفتح وياه محاضره. كيف وليش وعشان شوه.. وطى راسه ورقد.. والصباح رباح.. ومثل ماتوقع. من درت نوف احشترت.
نوف:انته كيييف اتسير لها..وانته اتعرف انها ماتباك.. بس علشان اتهيينك يعني..
احمد:شوفي.. هذي حرمتيه مثل ما انتي حرمتيه.. وفوق هذا هيه بنت عمي.
نوف بسخريه:عمك.. مب هوه خريج السجون.. ولد الحرام.
احمد:قضيه السجن طلع براءه منها.. اما انه ولد حرام هذا الشيء مب بكيفه..
نوف:والله وانهم غسلوا مخك يا احمد.تغيرت ماكنت جذيه..
احمد:محد يتم على حاله يانوف..اانا بسير الدوام.. مابتسيرين الجامعه اليوم شوه؟؟
نوف:هييه بسير.. اقول احمد.. من يومين حاسه بملل.. خاطر اسير دبي..
احمد:تراج من فتره سايره دبي مع خواتج..
نوف:احمـــــــد.. شوفيها يعني لو غيرت جوو.. بعد جوو الجامعه الكئيب. بليييز..
احمد:نوف. تعرفين اني ما اقدر اسير.. عندي شغل لين قمه راسي.. ما اقدر هذا الاسبوع.. بنشوف الاسبوع الياي..
نوف:وانا شوه بيصبرني لين الاسبوع الياي.خواتي بيسيرون اليوم..ابغي اسير وياهم..
احمد اتنهد: انزين برايج..
نوف:امم بيباتون..
احمد:مبييت لاااااا.. الشهر الماضي سرتي وبتي وياهن..
نوف:احمد.. بليييز.. بنلعب العيال.. طوول اليوم.. وبنبات في فندق وبنرجع باجر.. فدييتك. لا تردني..
احمد:اهون عليج اتخليني ابات بروحي.
نوف بدلع:بس يوم واحد حياتي.. مابطول.. اوعدك..
(وعطته بوسه على خدوده وعلى عيونه)
احمد:ااه.. خلاص ماعليه.. بس يوم واحد.. بنصبر..
نوف:ههههه فديتك..يالله الحين ممكن توصلني الجامعه..
احمد:حاضرين..
طلعت نوف من الجامعه الساعه 4وركبت مع فهد. وسارت دبي وياه..وباتوا هناك.. وردوا بالباجر الساعه 12 ووصلها بيت اهلها.. علشان احمد ايها في بيت اهلها ويرجعها..وبالمره ها الوقت البيت فاضي ومحد فيه.. دخلت نوف وسارت سيده الحجره ورقدت. نشت دقت على احمد.. يا وشلها.. بيت اهلها فاضي.. كله شباب وكلهم براا..او رقوود. لين الظهر. واحياانا العصر.. وامها من النوع الي ما اييلس في البيت ابد. كل مره في بيت حد.. غداها وعشاها دوم عند اليران..قليل ما يشوفونها يالسه وياهم في نفس الطاوله.. وابوها بعد لاهي بسفراته ومشاويره..دوم في بوظبي..وما ايي الا ويك اند..واغلبيه خوانها بعد في بوظبي.فالبيت فالتوه..خواتها من نفس الطينه.. كل مره عند حد..حفله بنات.شرب ما شرب..على خفيف. ولاعزايم.بناتيه.. وبويات.. خوات نوف.. انحراف على اشوي. يعني شله بويات. وكل وحده عندها حبيبه.. اما نوف فهي انحراف كلي.اي ريال يعيبها.. لازم تستهدفه لين تيب راسه..وجمالها واايد مساعدنها.. حتى جسمها الي تحاول لين الحين اتماطل ويا احمد يأجلون موضوع الحمل. لانه تعرف انه بيخرب جسمها..وصل احمد البيت ومالقى حد اتصل بنوف.. قالت له يقرب في الميلس الحين بتييه.. وطبعا مالحقت تشتري شيء لانه يومهم كله قضوه في الفندق.. يت عند احمد وسارت وياه البيت.
احمد:الا ماشوف اشتريتي شيئ؟
نوف:قلت لك سيرتنا حق العيال بس.
نوف عندها اخت وحده معرسه وعندها عيال واخوها غانم الي معرس بس عنده بنت وولد..
احمد:عيل ماسمعت حشره العيال البيت. كان هادي.
نوف :تلاقاهم في حجرهم.. بعد التعب الي تعبوه البارحه.. المهم قولي شوه سويت يوم كنت انا برا البيت؟
احمد ابتسم:شوه سويت بعد.. ماشيء على حطه ايدج.. يالس .
نوف:يعني تبى اتفهمني انك ماسرت المستشفى؟
احمد:اممم مابجذب عليج.. هيه سرت.. وقبل لا تتكلمين ماسرت عند روضه.. شفت ولديه الي بعده في الحضانه وييت البيت..
نوف ببرود:شو سميتوه؟
احمد ابتسم:سعودي... سعيد بن احمد بن عبدالله.. فدييته لو اتشوفينه يانوف يجنن.. عمري ماتوقعت اني بحب ياهل. قد ما حبيت ولديه.
نوف:لا والله.
احمد:هييه.والله.. اقول حبيبي شوفي كم لنا الحين من عرسنا.. بسج عاد خلينا نييب لنا صغيروون.. باجر يوم بيترخصون صعب اسير اشوفه. خلي يكون عندنا واحد في البيت.. واباها بنوته حلوه مثلج.
احمد يوم يكون مع نوف.. يغدي تييس.. مايحس بعمره هدفه بس يرضيها..بس يوم يكون مع الغير. فهوه شخصيه ثانيه..
نوف:احمد اعتقد تناقشنا في هذا الموضوع لين اتخرج مابغي ياهل يغثني.. خلني اركز على الدراسه.. باجر ان يبت ياهل انا بيلس ادرس ولا برضع.. ولا ابدل له.. وبعدين كيف تباني اسير الجامعه وهوه بيكون في البيت..
احمد:حبيبي هذي مقدور عليها. بتخلينه عند امي ولا امج. عادي لين تردين من الجامعه.
نوف:لا حبيبي ماابغي شيء يربطني. ممكن نأجل هذا الموضوع سنتين.. على الاقل بكون وقتها تخرجت وبفضى له. 24 ساعه.
احمد:نوووفي.. سنتين وااايد..
نوف:لا مش وايد. وبالعكس بيكبر ولدك سعيد وقتها تروم تلعب وياه واتشله.. وبعدين بييك ولدي ولا بنتي. انته الحين خلك وياه ...
احمد:مابتخليني اتقرب منه..
نوف:حبيبي مش كيفيها.. وبعدين هذا ولدك. حتى اتروم تاخذه منها.مش كيفها تمنعك عنه..
احمد:لاااا شوه اخذه منها.. بتموت روضه.. بس ماعليه .. بشوف من تطلع من المستشفى كيف بيكون الوضع..هيه قالت لابويه انها مابتحرمني منه. ااااااااه. فديته..
نوف:بتموت روضه. وشوه بيقتلها.. تراك وايد مسوي لها سالفه.. وااااعوووه..
احمد:نوف.. لو سمحتي.. يالله وصلنا البيت.. نزلي انتي ابويه يباني اييه البيت..
نوف:وليش انزل خلني اسير وياك. على الاقل ببارك لهم.
احمد:ليش ماقلتي من قبل.. ماعليه يالله.
ساروا بيت عبدالله ولقوهم يالسين في الصاله.
عبدالله:حيالله نوف.. الي ماانشوفها غير في الشهر مره.
نوف:ههههههه الله يحييك عمي. تعرف انته امور الجامعه والامتحانات.. وولدك ماخذين وقتي.
مريفه:حيياج يابنتي قربي.
نوف:الله يحييج عموه..مبروك الريال عليكم..
عبدالله:فدييته الله يبارك في حياتج.. عقبالكم.
احمد:آمين يابويه.. اشحالج يدووه..
فاطمه:ياحيك يوم تذكرتني.. الا بتخبرك انته متى بتغدي ريال.؟
احمد:افا.. وانا شوه الحين.؟
فاطمه:ريييييل.. ولا في ريال مودر حرمته في المستشفى وحتى وصله ماوصلها..
احمد:والله يايدوه.. انا يوم وصلت لين الباب.. قالوا لي هيه ماتبى اتشوف ويهي. وحلفت انها ان دخلت بتنش من الشبريه وبتطلع. ولا بتحفل العمليه ولا غيرها..بس ما تبى اتكون وياي في حجره وحده.. وبعدين الزم ما على الريال كرامته مابسووم ويهي عليها وهيه ماتباني.
نوف:والله مب غصب.. تنجلع..
مريفه:نووف..
نوف:شوه ما تسمعين الي اتقوله يدوه فاطمه.. تحمد ربها رويض يوم انه احمد ياها..
عبدالله : احمد تعال الميلس اباك .
احمد:ان شاء الله بويه.
مريفه:تعالي قربي نوف.
نوف:مشكوره عموه..
عبدالله :تعال ايلس.. واسمع الي بقوله لك.
احمد:آمر .
عبدالله:شوف روضه بترد البيت اهنيه.
احمد استاانس:قول والله..
عبدالله:شووه وليش احلف بعد.. اسمعني..هيه ما بتمنعك من ولدك.. ياغير ماتبى اتشوفك اهنيه. ويعني مثل ما كنتوا قبل تباك اترد واتسويه مره ثانيه.. يعني هيه بتم في قسمها.. وانته لا تيه.
احمد:واذا بغيت اشوف سعيد.. بعد مايصير يابويه.؟
عبدالله:ماعليه اذا بغيت اتشوفه هيه بتدخل الحجره وبتكون وياك وحده من البنات علشان اذا صاح اتشله عند امه.. يابويه خلها تيي واتربي الولد اهنيه وتنسى موضوع الطلاق..
احمد:شكلك وايد تعلقت بها يابويه..
عبدالله:تبا الصراحه هيه والله.. حسيت اني ظلمتها وظلمت ابوها وايد.. والحين تعلقت بسعيد واايد.. فديتها اليوم يابوه عندنا.. صغيرووني. ذكرني فيك.
احمد:آآآآآآآآه يابويه. خاطري اشله واحضنه.
عبدالله:بتشله ان شاء الله..بس يبالك وقت..خلها لين تهدى نفسها اشوي..
احمد:ماعليه.
عبدالله:في شيء ثاني..بعد..
احمد:آمر.
عبدالله:ابغييك اتسافر سفره..
احمد:سفره! وين؟
عبدالله:امريكا.. في اجتماع هناك وابغييك تحضره. يعني شغله اسبوعين ولا شهر بس.. في هاي الفتره بتكون روضه استقرت اهنيه. وهدت نفسها اشوي.
احمد:ان .. شاء الله متى تباني اسافر؟
عبدالله:يعني خلاص ها اليومين. اذا تقدر..
احمد:ونوف؟
عبدالله:نوف خلها في بيت اهلها.. ولا في بيتها شوه عليها.. ان شاء الله الا فتره وياي بالسلامه..
احمد:اممم ماعليه بشوف.. برتب الامور وياها.. خلاص عيل..
عبدالله:زين عيل.. انا بسير صوبهم..
احمد:الله يحفظك..
طلع عبدالله واحمد ونوف يلسوا لين بعد الغدا وبعدها روحوا بيتهم..
احمد:اقول نوف..
نوف:هلا حبيبي..
احمد:انا بسافر بعد يومين.. امريكا.
نوف:الله بسير وياك..
احمد:وين اتسيرين وياي.. انا ساير شغل.. وبعدين توج اتقولين لابويه مضغوطه بالدراسه وماعندج وقت حتى انج تيين واتسلمين عليهم.. وبعدين شغلت اسبوع اسبوعين وياي.. مابطول ان شاء الله.. بخليج في بيت اهلج لين ارد ان شاء الله.
نوف:احمد. ابا اسير ويااك.
احمد:لااااا. وبعدين بكون مع وفد. مش روحي..
نوف:اوووف.. عيل يوم الشغله الا اسبوع او اسبوعين. اسير بيت اهليه ليش. بيلس في البيت.. وبعدين شوه عليه. الخدامات موجودات عندي..بس مابطلع من بيتي.
احمد:بس بتميين روحج؟
نوف:شوه عليه.. عادي. بالعكس.. عندي متيرم بعد اسبوعين.
احمد:هههه عيل كنتي تبين اتسيرين وياي..
نوف بوزت:توني تذكرته.. ماعليه. بس لازم تيب لي هدااياا مش هديه وحده..
احمد:هههههههه ان شاء الله من عيوني..
نوف:تسلم عيونك .. حمووودي.. بشتااق لك..
احمد:وانا بعد ياعمري..
وفعلا بعد يومين احمد سافر. وروضه طلعت من المستشفى وسارت بيت اهلها بس فتره لين تتأقلم على البيبي وبسبب جرح العمليه تبا امها عندها.... وطول هاي الفتره عمتها وعمها ويدتها فاطمه الي طلبت منها تزقرها يدوه مثل البنات..كل يوم عندها. من الصبح لين العشى.الكل تعلق بسعيد.. يلست روضه عند امها اسبوع.. وبعدها ردت بيتها.. وعلى هاي الفرحه سوو لها عزيمه.. وقسمو لحم.. لانه سعيد كمل اسبوع..يتهم نوف مره وحده بس..وسوت مشكله
نوف ببرود:الحمد لله على السلامه ..
روضه بأبرد :الله يسلمج.. الامبرووك.. سمعت انج حامل.
نوف بفزع:شووه.. لا ان شاء الله..
مريفه:وليش لا ان شاء الله نوف.. بالعكس ان شاء الله انشوف عيالج.
نوف:عموه بعده وقت.. وبعدين انا وحبيبي احمد متفقيين انه بعد ما اخلص من الجامعه نسافر مرررره ثانيه شهر عسل. وبعدها بنييب العيال..
روضه :هه..
فاطمه:شهر عسل شوه بعد. تراكم يلستوا شهر هناك. اشعنه هاي اللعبه بعد.
نوف:والله الواحد يحب يجدد يدوه.. بالعكس مافيها شيء..وبعدين يوم انا عندنا القدره ليش لاا.. ماعندنا حد يغثنا.. رويحاتنا وخفااف..
مريفه:الله يكتب الي فيه الخير يابنتي.. روضه اميه تراج مارضعيته سعيد.
روضه:دخييلج اماايه تعبت نفسيا.. توه رقد. البارحه طوول الليل يصييح..
مريفه:يابنتي مب زين بيسرقه يوع الاربعين.. المفرووض على الساعه ترضعينه دامه راقد... ويوم هوه واعي كل ربع ساعه اييوع..
روضه:اسمييني كدييت عيل.. تعبت..
نوف:الي يبا الدح.
روضه:ماقلت شيء انا.. وبعدين مش انا الي ادور المدحه طال عمرج.
نوف:شو قصدج.. يعني انا ادور المدحه.. هه
مريفه: بس عاد.. نوف.. روضه يامي شو بلاكن..
نوف:شو دراني بها عمووه.. شكلها مغتاضه مني.
روضه:على شوه ياحسره؟
نوف:شوفي انا لين الحين محترمتنج علشانهن.
روضه:ياحرام طلعي الي في خاطرج اخاف بس تنفقع مرارتج بس..
مريفه: اسمع حد يهههود.. بسير اشوف منوه.. يمكن ابوج ياروضه.
روضه:فديييت طاريه..
فاطمه:ههه اشعليك يا ناصر لاقي تفدي من بعييد.
روضه:يعلني افدااه. يوم اني ما اتفداه بتفدا منوه؟
فاطمه:احمد..ههه
روضه:بيبطي.
نوف:ههه معذر حبيبتي مايبا منج شيء.. مكفتنه الحمد لله.
روضه:تهني فيه..
فاطمه:وبعدين ويااكن.. ..هاااه مريفه.
مريفه:تعالي عمتيه يارنا ياي يسلم عليج..
فاطمه: منوه؟
مريفه:عتييج.
فاطمه:هيييه يالله الحين يايتنه.
مريفه:سيري له بسير اشوف القهوه.. الخدامه طمه عندي..
روضه:تبين اساعدج امايه.
مريفه:لا فدييتج. انتي يلسي عند ولدج. ووعيه بسه رقاد.
روضه:ههههههه ان شاء الله من عيوني.
نوف:بسير اشوف البنات.
روضه:الله يحفظج.
طلعت مريفه وفاطمه.التفت نوف صوب روضه: الا ماقلت لج.. ماخبرووج انه احمد من بيي من السفر بيطلقج.. يعني الا قيس ييتي اهنيه.
روضه:شوه؟
نوف:هه شوه شوه؟ مب انتي الي طالبه الطلاق.. البارحه يكملني فدييييت جبده.. ويقولي حلم بكابوس.. يشوفج هداده عليه. ههه وتطلبين الطلاق.. قال امره من ايي بيعطيج طلاقج..
روضه:كثر الله خيره.. اصلا هذا الي انا اباه.. مشكوره على البشاره. الحين ممكن تنجلعين ابغي ارضع ولدييييه..
نوف:ههه رضعيه.. وهيه على فكره. بسس حبيت اقولج. علشان ما تنصدمين بعدين.. ولدج بخليه عندج لين تكملين الرضاعه. وبعدها بيشله.
روضه:اتخسين انتي وهو اتشلون ولديه مني. واطلعي برااااااا يالله.
نوف:ههههه هدي نفسج.. بس انا حبيت اعطيج علم بس.. علشان الصدمه مب زينه .. للي عندهم تخلف.. اقصد انهيار .. هههه باي يا.. حلوه.. وااع ما ادري احمد كييف قدر ..
روضه بعصبيه:اطلعي برااااا.. يالله بسرعه..براااااا.
نوف:هههههههه.. موتي قهر احمد وولدج بيكونون لي اناااااا. وكوني متأكده حتى الييه صوبج مابخليه يوصلج.. ومن يكبر بخليه حتى يكرهج مثل مايكرهج ابووه..
روضه مسكت ايد نوف ودزتها صوب الباب ومن طلعتها برااا سكرت الباب في ويها..نوف تمت تضحك واتصلت بالدريول وسارت البيت. هزاع واصل من يومين. اتصل بها بس كان تلفونها مسكر. ومن وصلت البيت شيكت على التلفون لقت رقم هزاع. دقت عليه سيده.
هزاع:هلاا والله بحبي .. اشحالج.
نوف:زعلانه منك. كل هذا قطيعه ياخالد..
هزاع:فدييتج شوه اسوي. اول امس واصل وطول اليوم رقااد. وامس من الصبح الاهل متجمعين ومسوين غدا وعشى.. والعرب طرووق.. المهم انتي اخبارج ياالله اشكثر متوله عليج.
نوف:عيل شوه رايك تييني البيت.
هزاع:شووه..؟ ينيتي انتي شوه؟
نوف:ههههههههه لا حبيبي انا ماينييت.. احمد مسافر امريكا. وبيطول ومثل ماقلت لك انا في البيت بروحي..تعال وبنسهر لين الصبح.
هزاع:امممممم.. اوكي. بس الخدامه شوه الراي وياها.
نوف:حبيبي الخدامات يرقدن من بعد 10 ع الساعه 10 ونص تعال. ونسهر فوق على كيف كيفنا. شوه قلت.
هزاع:امممممم صار.. خلاص يعني الليله صباحي.
نوف:هههه اكييد ياعمري..
هزاع:خلاص عيل انتي بس عطيني العنوان وفالج طيب..
نوف:هههه اوكي. فدييتك.
وفعلا من يومها كان كل ليله يسهر عندها هزاع.. من الساعه 10لين الساعه 12بما انه محد ينش الصبح علشان الريوق الخدامات مستغلات الوضع ويرقدن لين 9..ومرات 10.. نوف اتطلع هزاع مرات من الباب الوراني.. والخدامات يكونن في المطبخ..تمو على هذي الحاله عشر ايام..ومرات تيب فهد الظهر ويتم وياها لين المغرب. واحيانا العصر..علشان ما تيب الشبهات لنفسها.. كانت تقضي نهايه الاسبوع في بيت اهلها علشان اتسكتهم.. لانه ابوها ماعيبه انه اتم روحها في البيت ويا الخدامات.. كانت تتريا يوم السبت على نار.. علشان تبدى سهراتها مع فهد وهزاع..وبيت عمها ما كانت تييه من يوم السالفه الي صارت لانها خبرت مهره انه روضه راغتها.. من البيت. وصارت مشكله بين روضه ومهره على السالفه هاي. ومن يومها ما يتكلمن مع بعض.. سعودي كمل شهر الحين.و.نص واحمد بعده مااياا. صارت مشاكل في الشركه الي هناك.. فاظطر انه يتم اهناك فتره لين تنحل المشكله.. مرت الايام على نفس الوتيره روضه مع ولدها والجامعه. ونوف مع شلتها. احيانا في البيت واحيانا في دبي.مرت الايام وكمل سعيد شهرين.وثلاثه...وبدى يغاغي.والكل تعلقه وايد خصوصا العيوز فاطمه.. من ينشون واتداوم روضه عنه وهيه عنده.. لين ترد روضه عليه.انتهت مشكله احمد واخيرا وقدر يحجز على الرده. حب يسوي مفاجأه..لاهله.. يالله اشكثر متشوق على ولده.. خصوصا انه ميره ما اتقصر كانت اتطرش له صوره كل يوم..ومرات اتطرش له فيديو عنه.. حس انه قلبه بيطلع من مكانه.. متوله عليه.. وصلت طيارته الظهر وسيده سار بيت اهله من المطار.. خاطره يجحل عينه بشوفه ولده.. من وصل دق على قسم روضه.. فتحت له روضه.وهيه شاله سعيد ماعرفت منوه تحرته عمها.. كان يحب يوم ايي يستقبله سعيد عند الباب. من فتحت وشافت احمد. بهتت مكانها.. لانها بدوون شيله..وفاله الشعر. احمد من شاف سعيد ماحس بعمره الا وشله عنها ويلس يبووسه. كان ملبس كندور عربيه وفيها طربوشه.. وفيه دهن عوود كموودي.يلس يبوسه ويلوى عليه يلس على الكرسي من دوون حتى ما يسلم.. يوم حس انه شبع رفع راسه.. انتبه للحركه الي سواها.. شاف روضه. يالله كيف حس انه قلبه بيطلع من مكاانه. وده يلوى عليها.. يالله شكل شعرها كان روعه.. اول مره يشوفه احمد جذيه.
احمد:السمو..حه.. ادري. انج طلبتي اني. ما ادخل.. بس . والله متولهه عليكم. اقصد على سعيد..
روضه انتبهت على نفسها ردت ببرود:من حقك هذا ولدك.. ممكن لو سمحت اتشله البيت اهناك عمي يبا يشوفه بالكندوره..
احمد: هه ان شاء الله الحين بوديه. فدييت الرياييل انا.. محلات الكندوره عليك. بابا.. يالله اووويه. خلنا انسير عند يدك. ويدووتك..ويدووتك فاطمه بعد. اووبه..فديتك انا.. محلااات ريحتك..الا انتي . مابتيين.
روضه:لاا.. خل ميره تيبه اذا صاح..و.. الحمد لله على السلامه.
احمد ابتسم: الله يسلمج.. الا.. (هز راسه) انسي خلاص..
روضه ماردت عليه عطته ظهرها وسارت الحجره. وهوه طول ماهيه تمشي صوب الحجره ماقدر ينزل عينه عنها.. كان شعرها قصه ثانيه.. سرح فيها. عودها حلوو.لو انها قصيره . توصل لين صدره بس..هيه روحها ياهل.. التفت على ولده الي كان يطالعه. ويتبسم.. باسه على خده وشله صوب اهله.. من دخل عليهم الكل لوى عليه وعلى ولده الي شالنه. يلس وياهم لين الساعه 9.ونص. وبعدها سرا لبيته بعد ما شبع بوس لولده. وعده انه اييهم كل يوم علشان ايلس وياه.. .نوف ماكانت في البيت.. فتوقع انها في بيت اهلها. قال بيخليها اليوم وبيسير لها باجر..سار الحجره وانسدح على الشبريه. ما اتصل بها. الساعه 11 انتبه على صوت ضحك ياي تحت كان بعده بملابسه.. مافج اي شيء.. حتى بجواتيه.. نش عن الشبريه الي اصلا كانت مرتبه اتقرب من الدري... وانصدم بالمشهد الي قدامه.. ها الريال مب غريب عنه.. يعرفه.. بس وين ..اتذكره. هزااااع.. شوه يايبنه اهنيه.. وكيف يدخل البيت. وفي هاي الساعه.. لين الحين مب مستوعب اي شيء.. دخل هزاع الحمام الي في الصاله. يت نوف الي كانت لابسه عباه شكلهم يايين من براا.. فجت العباه. وكانت لابسه فستان قصيير.!!. وفاله الشعر.. طلع هزاع من الحمام ربعت نوف ولوت عليه. وباسته. احمد حس انه عالمه كله ينهار. معقووله..الي يصير جدامي.. اتساند على الباب.. وهم بعدهم في احضان بعض..يوم خازت الدوره الي فيه.. طلع لهم.هزاع اول واحد انتبه له.. فخاز عنها بسرعه.. نوف ما انتبهت لاحمد.
نوف:شوه فييك.. حبيبي. ههه ولا تبانا انسير الشبريه من الحين..
هزاع: نو..ف..
نوف:هااه.(يوم التفتت في جهه الي يطالع لها هزاع تبريدت مكانها) احمـد.
احمدبعصبيه :هييه احمد يا نووف.. احمد.. من متى .. من متى وانتوا على ها الحاله. من متى..
نوف:احمد.
احمد بعصبيه: جب انتي.. انتي حسابج بعدين.وانته هزااع.. معقووله قلت عليك البنات.. مالقييت الا حرمتيه.
هزاع:بصراحه هييه.
نوف:منوه هزاع.. هذا خالد.
احمد:جــــــــــب انتي.. هه وجاذب عليج بعد.. لا يا الخبله هذا هزاع. هذا هزاااع الي طعني في ظهريه في وقت كنت اتوقعه هوه واخووه سعيد اقرب شخصين لي في الغربه.. ياحقيير كيف اتجرأت وسويتها كيييف..وفي بيتي بعد.
هزاع خاف ورد خطوه وراا..مسك ايد نوف وربعوا صوب السياره نوف من الخوف ركبت بسرعه وقفلت الباب. احمد ياا صوبها يبا يطلعها بس هزاع حرك السياره فضربت ايد احمد المرايه الجانبيه..طلعوا من البيت واحمد ركب سيارته وراغهم.. هزاع كان مرتبك. وفوق هذا كان شارب اشوي.. يعني فيه نسبه سكر.على سكيك الحاره قدر انه يطلع السياره بعد كم دعمه على الرصيف. بس ما اسعفه الحظ في الدوار.. تييه سياره من جهه اليسار وتضرب فيه.. احمد لانه ايده كانت اتعوره فكان مساير.. بس وقف يوم شاف الحادث الي جدامه..تم واقف ماقدر انه يتحرك.. ماحس بالدنيا الا وهيه اتدور وبدى يدخل في ظلام.. انغمى عليه في السياره..يوم انتبه لقى عمره في المستشفى.بما انه نوف طلعت من دون شنطه ماعرفوا عنها اي شيء.. نش احمد واتخبر عنها.. يبى يشوف اذا ماتت او لاا. لقاها في العنايه.. اتصل بخوانها غانم وفهد.. يو بسرعه..
غانم:الحمد لله على السلامه. من السفر ومن الحادث.. ياريال شوه بلاك..
فهد:حد ايي من السفر تعبان ويسوي سواتك..ياخي العمر عندكم بتحوطون بعدين.. اكيد هاي من تعزيرات نوف. يوم تعزر على الشيء لازم. تحصله.
احمد:فهد انا ياي من السفر الظهر..الساعه 3.وسرت سيده بيت اهليه اسلم على اهليه واشوف ولديه.. من طاح ماشفته الا مره وحده.. يلست عندهم لين العشى. سرت البيت نوف ماكانت موجوده.. عندك فكره وين كانت.؟
غانم:عندنا في البيت!!
فهد:لاااا نوف ماشفتها اليوم. انا يالس في البيت ولا طلعت الا قبل صلاه العشى بربع ساعه.. حتى امايه اتقولي ايلس الحين بيأذن.
غانم:عيل عند وحده من ربيعاتها... ماعليه الحين.. المهم هيه وين وشوه حالتها..
احمد:اختك بعدها حيه.. اذا كان هذا سؤالك..
فهد:بس..
احمد التفت على فهد:بس الي وياها ماات..
غانم بعصبيه :منوه الي ويااها..
اشر له احمد على جثه :هذا الي كان وياها..
فهد اتقرب من الجثه ورفع الغطا عنها.. كان ريال طوييل.. والضربه يته في الراس.. بس ملامح ويهه مثل ماهي..عصب ورد عند احمد.
فهد:انته شوه قصدك؟
غانم:هد اشوي فهد وخلنا نفهم الموضوع.
احمد:اذا انا مش فاهم الموضوع.. كيف تباني افهمكم.. انا وصلت البيت الساعه 10وما حصلت نوف.. قلت بطيب نيه يمكن عندكم في البيت لانها قالت لي مره انها في الويك اند اتسير عندكم واتبات..فقلت برايها الليله وباجر الصبح بييبها.. غفت عيني يمكن ساعه او اكثر.. نشيت على صوت ضحك.
فهد:احمد انته شوه اتقوول..
احمد:اقول الي صار يا فهد.. نزلت اشوي ولقيتهم مع بعض.. من شافوني شردو. نوف ركبت يوم بغيت انزلها. حرك هزاع السياره حتى انه المرايه ضربت ايدي.. وانكسرت..لحقتهم لين الدوار. بس قبل ما اوصل الدورا لقيتهم مسوين الحادث. السياره الي يت كانت صوب هزاع..
غانم:يعني تبى اتفهمنا انه نوف. وهذا.. كانوا..
احمد:انا كملت ثلاث شهور برا البلاد غانم.. ونوف اتعرف ها الريال من يوم كنا في لندن. هناك تلاقينا ويااه.. بس كيف ومتى تعرفوا على بعض مااادري.
فهد:مستحييل .. نوووف يطلع منها كل هذا.. نووف..
احمد:هذا الي صاير. والحين انتوا شهوود.. نوف طالق بالثلاثه.. وروقتها جانها حيه بتوصلها.. ياغير مابا اشوف رقعت ويها.. ولا والله بزواالها..ونفاد لو انسجن..
غانم:احمد صل على النبي وعين خير.
احمد:اعيين خير. ليش السالفه فيها خير .. حرمتيه يايبه ريال غريب في بيتي.. كانت سهرانه وياه.. واتكشفت له.. سير شوف شوه لابسه له. وبعدين تعال قولي. اعين خير ولا لاا..
فهد:انزين.. شوه بنسوي الحين..؟
غانم:ان طلع الكلام صدق.. مابتعيش دقيقه وحده.. محد بيفججها من ايدي.
احمد:كيفكم وياها.. ياغير انا خلاص طابت النفس..
طلع وخلاهم واقفين منصدميين مايعرفون شوه يسوون... اتصل غانم بأبوه الي من عرف السالفه دخل عليها العنايه وذبحها من الضرب لين استدعوا الممرضات الشرطه وشلوه القسم.. وهيه منعوا عنها الزياره. بسبب الي ياها..رجع احمد البيت.وبات في بيته بعد مافرش له فراش . في الحجره الثانيه.. وباليوم الثاني سار بيت ابوه وخبرهم بالي صار.. امه حلفت عليه انه مايسير بيته وبيده المكسوره... بس لانه روضه موجوده ماحب يزعجها.. روضه من سمعت الي صار.. يته الصاله..
روضه:هذا البيت بيتك يابو سعيد.. ومابكون حرمه ريال.. اذا كنت السبب في طلوعك منه.
احمد:اصيله يابنت عمي.
مهره:وشوه بيسوون في نوف؟
عبدالله:قلعه تقلعها ..ان شاء الله.. مابا اسمع طاريها هنيه في البيت.. احمد من اليوم اتسير المحكمه واتطلقها..
احمد:انا فريت الطلاق عليها جدام خوانها..ياغير بسير اصدقه في المحكمه..
روضه حست براحه ماتعرف شوه سببها..
روضه:عيل خذني وياك.. علشان تطلقني انا بعد.
الكل انصدم..احمد نزل راسه..
عبدالله:ليش يابنتي.. السبب الي خلاج تزعلين منه . بيخلص منه اليوم ان شاء الله.. عيني خير يابنتي وفكري بولدج..
روضه:عمي.. انته اتعرف من البدايه..اني بتطلق منه من اربي.. وهذوه ولديه الحمد لله بخير.. وماعليه شر.. وكل واحد بيشوف دربه.. انا سعيد مابحرمكم منه.. ياغير انا واحمد مالنا ربعه مع بعض.. مهما كانت نوف السبب او لاا.. من البدايه كان زواجنا بسسب الوصيه..
مريفه:احمد قول شيء يابويه..؟
احمد نزل راسه:شوه تبيني اقول يا امايه.. خلاص مافي فايده.. كنت اتوقع الفتره الماضيه الي سافرت فيها.. قلت يمكن تهدى وتغير رايها.. بس الظاهر انه زادت اصرار على الطلاق.. ما اقدر اخليها في ذمتيه وهيه ما تباني.. آآآآآه.. مثل ماتبين يابنت عمي.. لو اني قايل لامج لو تنطبق السما على الارض طلاق مابطلقج.. ياغير ما بقدر اجبرج على عيشه ماتبينها.. كوني جاهزه بعد نص ساعه. وبنسير.. ميره ولامهره وحده منكم تيي رباط ايدي تبطل ابغي وحده تعدل زين..
ميره:اناا بيي..
احمد:مهره شوفي دوايه بتلقينه في السياره اظن. هاتي لي بروفين..
عبدالله:آجل الموضوع لين باجر علشان ايدك. ماعليه..
احمد:مافي فايده يابويه.. اليوم ولا باجر. نفس الشيء.. تقدرين تلمين اغراضج اذا تبين اتسيرين بيت اهلج.
فاطمه:روضه دخييلج لا تسوينها.
مريفه:احمد...
احمد:ساعه تكفييج لين تخلصين.؟
روضه:ه..ييه..
احمد:خلاص عيل. باخذ لي غفوه بس..امايه يوم تخلص خلي حد يوعيني.
روضه:شوف.. اذا انته تعباان..
احمد:عاادي. مافيني شر.. كسر بسيط بس..بنخلص من المحكمه وبوصلج بيت اهلج وبسير المستشفى.. بيحطون جبس.
ميره:بسير وياكم.
احمد:لااا . محد بيسير..
فاطمه:وشوه عن سعيد..
روضه:بيكون عندي..
مريفه:يابنتي بتسيرين المحكمه مب زين ولدج عندج.
احمد:اماااايه خليها على راحتها.. مابترتاح بدون ولدها..
عبدالله:خلاص آخر قرار هذا يا احمد.
احمد:هاي حياتنا يابويه.. مابجبر انسان يعيش ويايه اذا هوه مايبى..
مريفه:بس انته توك طالع من صدمه .. وفوق هذا ياي من السفر.. والحين تبا اتطلق حريمك كلهن.. رووضه راده الشان فيج..دخييلج..
روضه نزلت راسها ماقدرت اتقول شيء..مريفه يوم شافت روضه جيه. حطت شيلتها على ويها وسارت فوق.. وفاطمه بعد سارت حجرتها.. ميره ومهره طلعن من الصاله.
عبدالله:بعد فكري يابنتي..ولا تهدمين حياتج.. ولا نتسين انه عندج ولد.. الي بتسوينه ولدج بينحرم من اهله.
روضه:مابحرمه منكم.
عبدالله:متى بتيبينه.. كم يوم في الاسبوع.. وباجر يوم بيكبر.. مابيتعقد انتي في صوب وابوه في صوب.. باجر انتي بتعرسين.. وبتشوفين حياتج. هوه وين بيكون.. بتخلين الريال الغريب يربيه.. محد بيرضى بها الشيء.. ونفس الشيء عند احمد. لو عرس . مابياخذه منج وبيخلي حرمته تتفرس فيه.
روضه:شوه دراك انته ياعمي..
احمد:مستحييل احطي ولديه في هذا الموقف.. لو اموت.. وفوق هذا بعد التجربه الي مريت فيها.. ما اظن اني بفكر بالعرس مره ثانيه ابد.
عبدالله:شوه هاي الرمسه بعد يا احمد..
احمد:خلاص يابويه.. كنتوا تبوني اعرس علشان اييب عيال.. وهذوه سعيد فديته موجود. خلاص.. مافي شيء ثاني يستاهل.. ابويه.. افكر اكمل دراستيه.. باخذ الدكتوراه..
عبدالله:احمد..
احمد:انا اتخذت قراري وخلاص.. آآآآه مهره وين البروفين..
روضه طلعت من الصاله صوب قسمها.. وبدت اترتب اغراضها.بس وقفت اشوي وراحت صوب المرايه . اتفكر بكلام نوف. انه احمد مفكر بالطلاق.. بس هو قال لامها انه لو تنطبق السما على الارض مابيطلقها.. وولدها ما بيخليه يعيش مع حرمه ثانيه. بمعنى انه مابيشله عنها..معقوله كلام نوف.. كله جذب. اكيد جذب.. وحده خاينه ريلها ويايبه لها ريال في البيت.. ما بتقول كلام صدق.. كانت بتسير تسأل احمد.. يوم التفتت لقته واقف عند الباب.. وشكله تعباان من الخاطر.
احمد:آسف بس ماحصلت مهره بروفين...عندج اي دوا مسكن.احس انه ايدي بتنقطع من كثر الويع..
هزت راسها وسارت صوب الدرج وطلعت بروفين.ويابت له كوب الماي وعطته اياه..
احمد:آسف.. بس حبيت ايلس مع سعيد لأخر مره.رواحنا..
روضه:احمد.. انته قلت لنوف انك ناوي اتطلقني.. من بعد ماشفت الحلم..؟
احمد:الحلم؟؟ اي حلم..؟
روضه:انته ماحلمت اني معصبه عليك واطلب الطلاق منك.؟
احمد بسخريه لنفسه:انا ماشفتج في الحلم .. انا شفتج في الواقع.. بس لاا ماكلمتها عنج وعن الطلاق. بس اظن انه مهره هيه الي قالت لها انج تطلبين الطلاق من بعد ما تيبين سعيد.. آآآآآآآآآآآه.. خلاص عيل. مشكوره على الدواا..
روضه:ولا قلت لها انك من تطلقني بتشل سعيد عني.
احمد:اظن توج سمعتي كلامي يوم قلت انه مستحيييييييييييييل.. فهمي مستحييييييييييييل في يوم افرقج عن ولدج.. مهما كبر الياهل بيظل احتياجه لامه. اكثر.. (اتنهد) هذا انا وريال يوم اغييب عن البيت اشتاق لامايه فوق ما تتصورين..
روضه:واناا؟؟
احمد:انتي شوه؟
روضه:ما اشتقت لي؟؟
احمد:روضه دخييلج. لا تلعبين فيني وتعذبيني .. الي فيني مكفييني..
روضه:جاوبني يا احمد..
احمد:شوه تبيني اقول. اني اشتاق لج. او اني افكر فييج..هييييه..وبزيدج من الشعر بيت.. حتى ونا في شهر العسل.. كنتي انتي الي ساكنه بالي..افكر فيج اكثر ما كنت افكر. بن.وف.. بس شوه الفايده..احتمال اليوم آخر يوم اتكونين فيه في ذمتيه..
روضه:اها..
احمد:ممكن اشوف سعيد. ولا في مشكله.؟
روضه:لاا عادي.. بييبه لك
سارت روضه ويابت سعيد له.. كان يالس على الكرسي. عطته اياه.. وسارت الحجره..رجعت كل شيء لمكانه. ولبست عباتها وسارت عندهم. احمد من شافها بعباتها وشنطه سعيد.. نش.. وعطها اياه..
احمد:بترياج في السياره.. لا تنسين تيبين اوراقج وجوازج وياج.
روضه:اممم عندي في الشنطه.
احمد:زين. بشغل السياره.
روضه:اوكي..
ركب احمد وعينه على البيت.. ومن طلعت شغل السياره لها.. حطت اغراض سعيد ورا..وركبت هيه عداله.
احمد:واغراضج وين؟
روضه:امم خبرت امايه تتصل بالدريول ايي ويشل الاغراض..
احمد:اها. يالله عي..ل..
طلعوا من البيت وروضه مستانسه..
روضه:ممكن اول اتروح المستشفى..
احمد:ليش؟
روضه:احمد انته تعبان من ايدك.. نص ساعه او ساعه ما بتأثر المحكمه ما بتطيير..
احمد:اوكي.
ساروا المستشفى. ودخلوا سيده الطواري.. بما انه في احمد كسر.. فما طولوا.. خلصوا الاجراءات بسرعه وجبسو ايده. وعطوه ادويه.. كان سعيد متملل.. وبدى يصييح..دخلته روضه غرفه فاضيه وبدلت له ملابسه.. وسارت عند احمد.. ركبوا السياره وساروا المحكمه.وقفوا عند الباب.وبند احمد السياره.
احمد:ياريت لو خليته عند امايه.. شوفي كيف تلعوزنا يوم نزلتيه المستشفى.والحين المحكمه..بعد..
روضه:ومنوه قال اني بنزل.. المحكمه. انته خلص الاجارات وتعال..
احمد: روضه هذا طلاق. يعني لازم يكون حضورج .. كيف تبيني اخلص الاجراءات بروحي..
روضه:وليش لازم حضوري .. تباني اشهد. ما اظن انه يقبلون بشهاده الحرمه.
احمد:روضه تبيين تينيني شوه؟
روضه:احمد.. روح خلص موضوعك مع نوف. وتعال..
احمد:وموضوعج انتي..
روضه:اي موضوع؟
احمد :الله يصبرني عليج.. ماتبين الطلاق شوه؟
روضه:لااا ماابا الطلاق.. بس اذا انته ما تباني. الحين بنزل. لحظه
احمد رد وركب مره ثانيه ونسى ايده:شوه قلتي.. ماتبين الطلاق.. ؟؟ مش انتي كنتي تبين الطلاق.؟
روضه:امممممم. كنت. بس مثل ما تعرف انه الحرمه في الموقف الواحد عادي تغير رايها. ف . بصراحه انا فكرت بسعيد. حرام يتم مشتت بينا.
احمد:روضه اذا كان السبب سعيد بس. فأنا افضل انج تنزلين وتخلينا نخلص..
روضه:ليش؟
احمد:يعني ما تعرفين ليش.. مابقدر اخليج في ذمتيه ونا وانتي كل واحد منا في قاره..حتى لو كنا في نفس البيت.. ما بقدر..
روضه:امممم انزين في مجال تنتقل عندي في القسم.. الغرفه الثانيه فاضيه
احمد:رووضه.. شوه ناويه عليه انتي.
روضه:شوه تباني اسوي. انا اقولك تعال نرجع مع بعض وانته اتقولي قاره ماقاره.. اووف. تدري خلااص الي تباه بنزل وكل واحد يشوف دربه.
توها تفتح الباب مادرت الا بأحمد اييرها من ايدها..واتسكر الباب.
احمد:عيدي الي قلتيه.روضه.
روضه:شوف احمد. انا راضيه انا نرجع لبعض.. وحتى ماعندي مانع نييب عيال. غير سعودي.. بس من الحين اقولك.. ان فكرت تعرس عليه مره ثانيه من الحين قول.. عشان ما اعيش حرقه القلب مره ثانيه..
احمد:هههههه فديتج في حياتي كلها بطولها وعرضها مابفكر في حرمه غيرج.. انتي وسعيد تكوفوني حاليا..
روضه:حاليا؟؟
احمد:هههههه لين تيبين لي البنووته ..
روضه:لا والله... يعني الحين بتمشي امورك ويانا لين اييب البنوته.
احمد:هههههه وبعدين انتي مع ولدج ونا مع بنتي..
روضه:بتشكل جبهه شوه؟
احمد:ههههههه هييه.. يقولج البنت بنت ابوها والولد ولد امه.. الحين سعيد انا بيلس اربيه واوديه ويايه.. وفي الاخير بيقول الخير لامي. والشقى لابويه. اما البنت من يوم يومها وهيه بنت ابوها.. خيرها كله لابوها.
روضه:لا والله.. جذيه يعني..
احمد:هههههه هييه جذيه يعني..
روضه:ماعليه. بطول لين احمل. لين يكمل سعيد 4 سنين مابحمل وبنشوف. يا احمد. انته ولا انا وولدك.
احمد:ههههههه بنشووف.
روضه:هههه يالله سير خلص امورك الحين..
احمد:لازم اليوم.. عادي مثل ماقال ابويه بنخليه باجر..
روضه:هههههههه لاا خلص اليوم..وبسرعه. ابااك.. لي بروحي.
احمد:ياااااااوييلي.. دقايق . الله يستر اي دقاييق. الا اخاف اطول عليكم.. شوه رايج اودييج البيت وبعدها ايي واخلص الاجراءات.. دخييلج روضه.
روضه استحت:اوكي. بس في نهايه هذا اليوم ابغي الموضوع خالص.
احمد:اكييد.
روضه:رفعت الجلسه..
احمد:هههههههههههه..
ساروا البيت وحطوا سعيد في سريره وعاشوا احلى لحظات حياتهم.. وسعيد يشوف امه وابوه ومش فاهم الوضع..قبل الصلاه الظهر احمد رجع المحكمه وخلص موضوع نوف.. يوم اثبتت الدلائل عليها.. بالخيانه عن طريق تلفونها ومسجاتها. وعطاه ورقتها. وصلها احمد لين بيتها وعطى الورقه لحرمه خاله الي كانت يالسه في الحوي اتصيح. بنتها وفضيحتهم بين العرب..ورجع عند روضه الي كانت اتسبح سعيد.. يلس وياها يسبحونه ويلعبون وياه. لين رقد. دق احمد لميره ومهره وقالهم انه سعيد عندهم.. وشل روضه وطلعوا يتمشون.. مرت الايام والسنين .. وكبر سعودي واليوم كمل سنتين.. وباجر عرس مهره وميره.. مهره بياخذها فهد ولد خالها.. وميره بياخذها حمد اخو العنود. من بعد ماصار الحادث لابو روضه وحمد الي يابه البيت.. اعتدل. وبعد ما الكل عرف ببراءه ناصر من القضيه بدوا الناس يتقربون منه. وحمد واايد ساعدهم في ها الشيء.. كان يعطي ناصر المشاريع وناصر يسوويها وبدى يشتهر.. وغدا الطلب عليه كبيير..
ميره:اييه اخاف يكون مثل ماهوه ويسوي فيه مثل ماكان يسوي فيج.. كل ولا الغياض انا ما احبه
روضه:هههههههه لا اتطمني. على ضمان العنود. اتقول انه اتغير 180 درجه.. وصار شخص ثاني . وبعدين ياحلوه عرسج باجر. الحين طلع ها الخوف..
مهره:روضه شوه رايج في الشيخ سعيد..
روضه:فدييييته شيخ الريايل كلهم.. واااافديته محلااتك.شوه هذا بابا.
سعيد:اموووه.. اتطني ..
روضه:عموه عطتك.. عادي أكل اشوي
سعيد:لاا.باباه قال لاا بس انا..
روضه:ابوك بخييل.. انزين بس شويه..
كانت مهره ملبستنه لبس البحاره وفي ايده حلاوه
روضه:حلو اللبس عليك. حبيبي.
ميره:هييه يناسبه ولدج اللون الازق.. هاتي بنوته وبنلبسها اللون الوردي.
مهره:ههههه.. هيه مشاء الله ولدج ابيض.. علشان جيه يناسبه الالوان الغامجه. اكثر من الفواتح..
روضه:انا جذيه.. الفاتح ابد ما يناسبني.. وولديه طالع مثلي..
احمد:منوه يقول.. بكيفج هوه طالع مثلج.. لا حبيبتي ولديه طالع مثلي. بس انلعب باللون اشوي وياه اكثر.
روضه:لا والله.. تباه انته يشبهك.. ياغير تحلم.. بشهاده الكل سعيد يشبهني انا..
احمد:ااييها..يقصون عليج بس.. انزين يا حلوات. انتتن باجر بتنجلعن. بيخلى البيت لنا نحن. يااي محلات الهدووء. بس في مشكله وحده.
ميره:شوه هيه.
احمد:انتن من تعرسن بتسافرن.. وسعيد محد بيسده يوم بنسافر انا وروضه.. العام تعبنا وياه.. والي قبله بعد اكثر. السنه ريال فديته.. شوه رايكن تتسلون وياه.. ويوم بتسافرون شلوه وياكم..
روضه:ههههههههه هيه بكون ممنونه لكم.
مهره:لا والله.. حبايبي انتوا ولدكم وانتوا سدووه..ما اتخيل لاااااااااا..
احمد:اسمييج مافيج خير.. انته عمته بلاش..
مهره:عمته ولا غيره. انا آسفه.
ميره:وانا بعد آسفه.. الا مهرووه ماخبرتج اشتريت شيء البارحه ماراويتج اياه. تعالي براويج..
احمد:انزين نفعن الحين. وخلنه عندكم.
روضه:احمد.. حرام عليك. شوف كيف يطالعك. تعال بابا ادري ابوك شري. تعال..
احمد:الحين انا شري.. وابغي ايلس وياج. هووه يغار عليج. اتخيلن بس من امسك ايدها طالعن شوه يسوي.
مسك ايد روضه. وسعيد يوم شاف ابوه يمسكها ربع صوبه وخوز ايد ابوه عن روضه.
احمد:يا الهرم انا ابووك..
روضه لوت على ولدها:فديييت الي يغار على امه انا.
ميره:هههههه يعرف انك شري. ههههههههههه
احمد:انا شري روضه.
روضه استحت:امم مادري مرات تكون نحييس.. مش شري.
احمد:حطي عينج في عيني. وقولي ها الكلام.
روضه:احمد. ايييه..
مهره وميره استحن وطلعن براا.
روضه:زين جذيه.. شوف شوه بيفكرن لحين؟
احمد:يفكرن بالي يبنه.. ههههههههه
روضه:احمد.
احمد:عيون احمد.. روح احمد انتي. فدييييييييييتج..آمري واتدللي.
روضه:عندي بشاره لك..
احمد :شوه هيه..
كانوا سادحين سعيد على الفراش ماله. واحمد منسدح على طرف ومتساند على ايده.. وروضه مجابلتنه من الجهه الثانيه وسعيد منسدح بينهم..
روضه:اممم انا..
احمد رفع راسه عن ولده:انتي شوه؟
روضه:احمد انته ماكنت تبى بنووته..
احمد بلع ريجه:هييه..
روضه:ان شاء الله هاي المره بنووته..
احمد:روضه. انتي اتعرفين انه.
روضه:وكلت امري لربي. يااحمد.وانا تخطيط الشهر الخطر
روضه حاولت تحمل من قبل من توصل للشهر الثاني يطيح الياهل..بسبب الي صار لها يوم حملت بسعيد.. وويع ظهرها.. والحين هيه في الشهر الرابع علشان جيه هيه مرتاحه نفسيا. بحسب كلام الدكتوره من تتخطى الشهر الرابع معناته في امل..ماحبت اتخبر احمد.. لانه ييلس يحاتيها من بدايه حملها لين ماتطرح. اوقات كان ينش فليل يشوفها اذا كان شيء يعورها او لا..
احمد:يعني في امل. انه يكون عندي بنووته حلوه.
روضه:ههه ويمكن يكون عندنا ولد ثاني..
احمد:لاااا.. يكفيني ها الزطي.. ابا بنووته..
روضه:كل شيء عند ربك حلوو. ياحلوو..
احمد:انا حلووو(وكان يلعب بحياته))
روضه:اممم مب احلى من ولديه حبيبي سعييد..صح سعوودي انته احلى عن بابا..
سعيد:ثح..
روضه:حياتي انته.
احمد:لا والله. الحين انته احلى عني. بنشوف تعال اهنيه.
ويلسوا يلعبون مع بعض. لين آذن المغرب عليهم.. سار احمد يصلي ورجع شل روضه وسعيد وساروا يتحوطون اشوي.
روضه:مب جنه باجر عرس خواتك..
احمد:ههههه يقولون..الا صدق.. سولي الدوام.. تلفون.. اتحدد السفر..
روضه:والله؟؟
احمد:هييه.. الااسبوع الياي.. روضه..
روضه:ياعيون روضه..
احمد: بتخلين الجامعه وبتين عندي.. سنه وحده بس..
روضه:احمد.. تعرف انه باقي لي سنه واخلص..
احمد:انزين شوه راييج اتكملينها اهناك.. مشاء الله عليج انتي شاطره في الانجليزي... دخيلج روضه..
روضه:وان ماقبلوني. شوه بسوي بضيع عليه سنه.. ولا تنسى انه بيكون عندنا بيبي.
احمد:لا تحبطييني روييض..
روضه:هههههههه من زمان مازقرتني بروويض.. ههههه
احمد:هههههه فديتج.. والله من غلاج..
روضه:شوف احمد.. انا افضل انك انته اتسير واتخلص. وانا بخلص اهنيه.. ويوم بتي بتي بشهادتك.. ونا بحصل شهادتيه وبيكون عندنا البنوته.
احمد:قولي والله.. انتي حامل ببنت..
روضه:هييه انا ماخبرتك انه في بطني لطافي..
احمد:شوه لطافي.. لااا ابا اسمها هند..
روضه:اممم هند.. شوه عليه.. حبيبي احمد يبا اسم بنته هند.. خلاص. سعيد وهند.. باقي حمد وريم.. هههههههه..
احمد:منوه هذيلا؟
روضه:هذيلا الي درسناهم في صف اول.
احمد:انا احييد واحد لابس نظاره اظن اسمه راشد..؟
روضه:لاااا اسمه سعييد.. لا تخرب علينا..
احمد:هههههه بكييفكم هووه..ريم تلبس حذاء هند.. حذاء هند. كبيير..هههه والله انا كنا بقر.. ماشيء سالفه..
روضه:هههههههههه.. يالله الحمد لله.. المهم تعلمنا ودرسنا. احسن عن غيرنا..
احمد:هيه والله . الحمد لك يارب. والشكر لك.
روضه:شوه مابتنزل ؟
احمد:لاا عايبتني اليلسه وياج.. ان دخلنا داخل بينش سعود وبيخرب الجو علينا.. السياره فيها سحر.. من يركبها يرقد..
روضه:ههههههههه.. فديته..
احمد:وانا؟؟
روضه:مايحتاي انته الغالي.الاول والتالي..
احمد:خرااطه.. يالله نزلي انتي وولدج.. بس حاسبي على بنتي..
روضه:من الحيين يا احمد..من الحين.
احمد:ههههههههه فديتج انتي وياها. وسعوود فوقكم كم ام اسعيد عندي انا.فديتكم.
توهم بيدخلون داخل.. احمد شاف حد واقف عدال الباب.. اتقرب منه.. ماحس الا بوحده ماسكه سلاح.. ومصوبتنه صوب روضه.. روضه خافت وحضنت سعيد لصدرها..
احمد:نووف.نزلي السلاح احسن لج..
نوف:مااااااااباا .. انا بنتقم منها.. هيه السبب.. هييه الي دمرت حياتي.. هيه السبب..
احمد:محد دمر حياتج غير نفسج.. انتي الي دمرتيها.. وشوفي شوه سويتي بأهلج..وبنفسج..
نوف:هاي العقرب الي دخلتها بيتك يا احمد.. لازم تموت.. مثل مامات الي طرشتوه صوبي..
احمد:منوه الي مطرش صوبج..؟
نوف:هزاع... (اشرت صوب روضه) لا تخليها اتقص عليك.. هيه الي طرشته صوبي.
احمد:نوف بلا ينان.. روضه من وين اتعرف هزاع.. ولا تنسين انا تلاقينا وياه في لندن.. وروضه كانت اهنيه..
نوف:هييه بس شوه يابه لنا في الحديقه هذيج الساعه.. هييه مطرشتنه ..
احمد:نووف. بس عاااااااااد..
نوف:تبى الدليل.. اتخبرها منوه فهد.
احمد:اي فهد؟
نوف:فهد ولد ..
روضه شهقت..
نوف:شفت من شهقتها يعني هيه اتعرفه.. فهد هوه طرش هزاع لي... علشان تتكتشف الموضوع واتطلقني واتم هيه بس حرمتك.. ليش ما طلقتها انته ماقلت انها بعد ما تربي بتتطلق..
احمد:مش انا الي قلت.. اظن انه مهره يوم قالت لج الموضوع.. خبرتج انه هذا طلب روضه.. مش طلبي..
نوف:بس انته ما انكرته. وفكرت انك راضي..
احمد:انا ماناقشتج في حياتي.. المهم منوه فهد هذا.. ومن وين يعرف هزاع
نوف:يعرفون بعض.. انا قالي فهد. كل شي.. قالي علشان يدمر حياتي وايخليك اتطلقني واهليه يذبحوني.. طرش هزاع لي في لندن..
روضه:فهد مستحييل يسوي ها الشيء.. مستحييل..
نوف: شفت قلت لك هيه اتعرفه... الا هيه الي مطرشتنه..
التفتت احمد صوب روضه:منوه فهد..ياروضه..
روضه وهيه لاويه على سعيد: فهد.. يكون. اخو ربيعتيه العنود... بس انتي شوه دراج به؟؟
احمد:جاوبي يانوف..
نوف:مالكم خص. بس المهم انه هووه الي طرش لي هزاع. واعترف لي انه علشان.. هاي الحيوانه سواا جيه.. الحين انا بنتقم منج..على كل الي ياني بسبتج..
احمد:نووف اعقلي.. عندها الولد..
نوف:ههههههه... وهذا احسن.. علشان اضرب عصفورين بحجر واحد.. هم الي دمروا حياتي. تتحسب اني كنت راضيه يوم حملت هاي الخايسه.. لاااااا. ماكنت راضيه.. بس غصبن عني سكت.. ولا يوم يابت لك الولد.. تخبلت كل يوم والثاني اتسير المستشفى..علشان اتشوفه واتشوفها.. ياغير بحرق لك قلبك مثل ماحرقتوا لي حياتي. وادمركم.. وانتي.. بتموووتين مع هزاع.. يا الخااايسه.
اتحرك احمد بسرعه بس نوف من خوفها نقعت بسرعه.. طلعت الطلقه مع صريخ روضه.. طلعوا سكان البيت.احمد مسك نوف.. وخذ السلاح من ايدها ودزها على الايدار.. روضه كانت ماسكه سعيد الي كان يصيح.. من صوت الطلقه ومن صرخه امه. ربعت ميره وشلت سعيد عن امه.. شافت الدم على قميصه..
ميره:روضه الدم من سعيد ولا منج..
روضه:آآآه لامني.. اناا..
ربع عبدالله ومسك روضه..
مريفه:حد يتصل بالاسعاف.. بسرعه.. مهره دقي لهم..
نوف كانت واقفه اتشوف الوضع.. وخلاف انفجرت ضحك.. احمد سار صوب روضه وشلها..
احمد:خلو سعيد عندكم.. بوصل روضه المستشفى.. ان شاء الله الياهل ماييه شيء.
مريفه:ياهل..؟
مهره:روضه حامل..؟
روضه:اااه .. احمد يعورني كتفي.
احمد:يالله حبييي الحين بنسير المستشفى.. فديتج. ابويه بخلي الموضوع عليك..
عبدالله:ماعليك.. انا بتصرف.. الحين بتصل بعيسى هاي البنت ينت..
احمد:زين يالله عيل..
شل روضه وساروا المستشفى.. وطبعا بما انه في رصاصه في كتفها.. لازم الشرطه تحقيق..
عبدالله اتصل بعيسى الي يا وشل بنته. وسلمها للشرطه بيده.. نوف ينت خلاص..لا الضرب نفع معاها ولا الحبس نفع معاها..
رقدوا روضه في المستشفى. يومين.. وبجذيه راح عليها العرس ولا حضرته..
روضه:مااابااااااا.. لاحضرت العرس ولا شفت العرايس.. لييش..؟
احمد:والله يقولون انج يتج رصاصه اخترقت العظم.. وين تبين تجضرين العرس.يمدحونه المستشفى..
روضه:مش انته الي مخلين هاي الابره في ايدك. ولازم تكون راقد على الشبريه طول اليوم..
احمد:ماعليه. روضه ممكن نتكلم في موضوع تجاهلناه اكثر عن الازم..
روضه:تقصد موضوع فهد..
احمد:هييه.. شوه علاقتج به. وشوه السالفه كااااامله وكوني واثقه مابيتغير اي شيء بينا.
روضه:احمد انته شوه اتقول.. مافي شيء بيني وبينه. كل الي بينا.. انا من يوم كنا صغار.. كنا نلعب مع بعض.. حتى انه في يوم من الايام فكر انه يخطبني.. بس انه رفضت.. وحمد اخوه رفض..
احمد:تقصدين حمد ريل ميره؟
روضه:هييه..
احمد:وحمد ليش..كان رافض.
روضه:حمد هذا كان ابغض انسان شفته في حياتي.. لو كان مصرح لي ارتكب جريمه في حق حد.. كنت ما بتردد فيه.
احمد:والخيبه ليش..؟ شوه سواا.
روضه:ههه شو سوا.. قول شوه الي ماسواه. اتحيد انته يوم كنت تتكلم على ابويه.. هوه كان اكثر عنك.. ماكان يضيع فرصه الا يعق نغزات عن ابويه.. ويسبه قدامي.. وانا ماكنت اسكت عنه في يوم من الايام صفعته ..
احمد مد ايده على خده وين صفعه روضه:شكلنا في قواسم مشتركه بينا حتى بالعقاب...
روضه:هههه .. انته بربك عنه.. تصور هوه كان السبب في الانهيار العصبي في اول مره ياني فيه..
احمد:كيف كان السبب..
روضه: بس توعدني ها الكلام من تطلع من هنيه تنسى كل شيء..
احمد:اوعدج.
روضه:اممم كنت في بدايه الاعداديه..كانت عندي وحده في المدرسه اسمها شرينه. المهم علاقتيه معاها ماكنت هذاك الزود.. تقدر اتقول سطحيه. المهم في يوم من الايام اتاخر ابويه عليه.. لانه كان مصدع وياي من الدوام وقت.. فسار البيت.. المهم امايه يوم ايي ابويه تعبان تنسى الدنياا ومافيها. حتى بنتها..
احمد:هههههههه.. ياربي يا الحب.
روضه:فديتهم.. المهم. شرون كانت براا .........................
وخبرته بالسالفه كامله.. وشوه صار بعد الخطوبه وشوه سوا حمد فيها وشوه صار بين فهد حمد بعد السالفه.. الين سالفه انه ياب ابوها من الشغل وفيه اصابه المسمار في ريله..
احمد:بعتقادج شوه الي غيره جيه؟؟
روضه:والله ما ادري.. فجأه حتى اني سألت العنود عن الموضوع.. روحها استغربت انه حمد يطلع منه هذا..
احمد:انزين فهد ليش يسوي جذيه عيل..
روضه نزلت راسها:شوف انا اعرف انه فهد يحبني.. بس عمري ماشجعته على هذا الحب.. وحتى انه كان محترم.. كنت من ايي بيتهم وهوه يعرف اني موجوده كان يطرش لنا عصير من الكفتريا الي احبه. ويطرشه عند الخدامه.. كان جداا محترم عمره ما تخطى الحدود. واذا في خاطره شيء كان يصافي العنود في كل شيء.. هيه كاتمه اسراره.. شوف احمد.. اذكر مره كنا في الجامعه.. وكانت نوف يالسه على الكراسي.. اشرت لها العنود وقالت هاي لها علاقه مع فهد اخوها. المهم كانن هنتين الي يالسات ماعرفت منو الي تقصدها العنود.. بس من طرت نوف الموضوع عرفت انه العنود تقصدها هييه.ولا اهتميت بالموضوع.. وانا اكثر منك مستغربه انه فهد يطلع عنه كل هذا.
احمد:تعرفين.. انا مستكه بعد العرس ميره ومهره.. وهوه اعترف لي بكل شيء.. قبل لا اخطبج انا. هوه يعرف العنود..ومثل ماقالت نوف. فعلا فهد هووه الي طرش هزاع لها.. بس كان الي يباه منه انه يلفت انتباها. وانا اشوفهم. ويصير شرخ بينا.. بس الي صار انه العلاقه تمت بينهم من يوم كنا هناك لين يوم الحادث.
روضه:معقووله؟
احمد:هييه.. اتخيلي المره الي شفتهم في البيت مع بعض ماكانت اول مره.. من سافرت كانت تستقبله وتستقبل فهد في البيت.
روضه حطت ايديها على ويها:يالله.. عفوك.
احمد اتنهد: شفتي ..
روضه:وفهد كييف سمح لنفسه انه ينزل لها المستوى.
احمد:حبيبتي . نوف الي عرضت عمرها عليه.. وهو ريال عازب حب يلعب. تعرفين انه هزاع لين يوم الحادث وهو جاذب عليها. قالها انه اسمه خالد.. يعني كانوا يعرفون انها راعيه شباب... بس الي صدمني انها كانت لها علاقات مع شباب غير.. من دون ما اعرف..
روضه:ياربي..سترك. الله يهديها..
احمد:خليها تتعفن الحين في السجن..بس الي كان هدف فهد اني اكشفها على حقيقتها .. واريحج انتي..
روضه:بس عمري ماطلبت منه او من غيره المساعده.
احمد:كان يعرف عن موضوع الوصيه.. وعرف اني خذتج علشانها ..ويوم عرف اني باخذ نوف..مابغى اعذبج بها.. علشان جيه طرش لها هزاع.. وعطاه صورتها..
روضه:ايوا..انزين شوه ليش سوا ليش جذيه من الاساس..
احمد:مثل ماقالت نوف.. فهد .. يحبج.. على فكره ضربته
روضه شهقت:شووه. سويت.. ينييت.. انته؟
احمد:عيل يقولي والله انه يحب حرمتيه. ان شاء الله تبيني اصفق له..
روضه:انزين انا ماشجعته..
احمد ووهوه رافع حياته:ادري. ويكون في معلومج.لو هوه ماقالي انج عمرج ما عطيتيه ويه.. ولا انتي في بيت اهلج..
روضه:لا والله..
احمد:هيه والله.. الريال مايرضى انه يعيش مع وحده.. وعندها ماضي او حتى لو تجربه وحده مع غيره..
روضه:لا والله. حتى المطلقه او الارمله؟
احمد مد بوزه:هذيلا موضوعهم مختلف.. المهم.. يالله مش بسج دلع.. الرصاصه وطلعوها من يومين.. وبنووتتيه الحلوه بخير.. مش بسج يلسه في المستشفى..
روضه:ياسلام.. لانك تطمن على بنتك.. الحين لازم اطلع من المستشفى.. لاني اتدلع. ضربتني رصااصه تعرف شوه يعني رصااصه..
احمد:هههههههه هييه اعرف .. والله اعرف.. بس والله اتولهت على حسكم في القسم.. وسعودي يدورج..
روضه:فديييته..
احمد: هيييه هووه تتفدينه وانا لاا..
روضه:انته الاساس.. وبعدين.. وحده بوحده.. توك اتقول بنتك الحلوه.. وماقلت اني حلوه..
احمد:هه بس انتي مش حلوه مثلي.. انا غير..
روضه:لاوالله.. شو قصدك يعني.. انا مش حلوه..
احمد:امممم.. شكلا .. يعني اممم كيف اقولج.. نقدر انقول مقبووله.. بس قلبا وقالبا. ما انوجد في حد.. مثله...
روضه:احم.. يالله بتغاضى عن الجمال الخارجي.. وبتكفي بالجمال الداخلي.. المهم.. صدق صدق. ابا اطلع. مليت من المستشفى..
احمد:ههههههههه ياربي وليش ملييتي.. تراني مرتاح في البيت بروحي انا وسعيد.
روضه:طاااعوا.. مش توك اتقول اني اتدلع ومابغيت اطلع. صدق انك منافق..
احمد:هههههه الا اني اعشقج.. واعشق جمالج.. الكيوتي. هذا..
روضه:انا كيووت؟
احمد:الي يشوفج ياروضه. مايقول هذي ام لطفلين...
روضه:لاني بعدني صغيره. توني ام 22 سنه..
احمد:فدييييت حرمتيه الصغروونه.. يالله زهبي عمرج الدكتور رخصج خلاص..
روضه:والله..ييييس..واخيرا..
احمد:ههههههههه.. بس نترياهم اييبون ورقه العذر علشان الجامعه. هيه صح شوه عزمتي.
روضه:مثل ما قلت لك احمد.. سير انته. وهات الشهاده. وانا هنيه بخلص وان شاء الله بييب شهاده القانون..وبتكونون.. هنوده عندنا..
احمد:يعني هذا آخر قرار عندج.. ما بتسيرين وياي..
روضه:لااا.. حبيبي انته سير واكيد وقت الاجازاه بتي عندنا.. وبنترياك على احر من الجمر..
احمد:روضه..
روضه:ادري شوه بتقول.. بس تأكد عمره التاريخ مابيعيد نفسه ويااي.. اتطمن.. وانا ما بطلع من بيتي.. الا بعلم امايه مريفه او عمي عبدالله. واكثر مشاويري بتكون بيت اهليه.. وتقدر تتصل بهم كل وقت..اذا مالقيتني.
اتقرب احمد منها ومسك ايديها وباسهن:فدييتج عمري مابشك فيج..انتي قلبي وعمري كله ياروضه.. في حياتي كلها ما تصورت اني في يوم من الايام بقولج جذيه.. يا غير والله ياروضه من شفتج اول مره .. معني كنت متحسب اني اكرهج.. لانج السبب..
روضه:اني حرمتك من نوف..
احمد:هييه.. بس سبحان الله.. الواحد مايعرف خيرته وين.. ومتى.. لازم الواحد يصبر وبينال الي يباه.. الحين ولا بعدين.. اتصدقين. كنت دووم متحسب اني بكون اتعس واحد في الكون.. لين اخذ نوف.. وقتها بشعر بالسعاده.. بس عمري ماحسيت بالسعاده الا ونا وياج..يوم اكون مع نوف.. كنت حاس بنقص. شيء لازم اشوفه. او اييه .. بس ماكنت اعرف شوه هوه.. لين التقيت بالبنوته رواضي. وقتها بس عرفت انه انتي الي ناقصتني.. معني احيانا اكون مع نوف.. بس انتي الي تشغلين بالي. ترومين اتقولين مثل الي يتوغل في الشيء.. انتي توغلتي في فكري وكياني.. مره اتصلت بج.. كنت يالس ملان.. طلعت للبلكونه وسرحت افكر.. ماحسيت بعمري الا ووانا اتصل فيج..وانتي اتعرفين بالي صار.. بس روضه والله ماكان قصدي اقول الي قلته.
روضه: حرقتني كلمتك.. يوم قلت اني اخسي اذا بتكون مثل ابويه.
احمد:لي الشرف ان كنت مثل عمي ياروضه.. لي الشرف.. صدق وامانه وطيبه..شوه بنحصل نحن في هاي الدنيا. ماشيء.. غير العمل الصالح.. يالله الحين بسج .. خلينا انسير البيت.. والله البيت متوله عليج.
روضه:هههههه البيت متوله عليه..؟؟
احمد:هههههه هيه متوله عليج.. كل البيبان والدرايش واليدران. يصيحون بأسمج.
روضه:ههههههه هذا مش بيت عادي هذا بيت الجن.. يوم انهن يصييحين.. يبني.
احمد:ههههههه باسم الله..
اشوي ودخلت عليهم النيرس وعطتهم ورقه الاذن.. وفجت الابره عن روضه.. وطلعوا اخيرا من المستشفى.. مرت الايام وروضه في الجامعه. واحمد مع تجهيزات السفر..ومن خلص سافر. امريكا . وبتكون مدت غيابه سنه. مرت الايام والشهور. وهم كل شوقهم يزيد اكثر. بس بسبب المعوقات الموجوده في حياتهم كانوا ما يتأخرون وايد.. روضه بحملها واحمد مع دراسته.. روضه الحين في آخر فتره حملها.. واحمد في منتصف دراسته.. واخيرا يابت روضه بنوتتها. قبل ما اييها الويع كانت تتكلم ويا احمد..
احمد:يالله ياروضه اشكثر متوله عليكم.. اشحاله سعودي كبر..
روضه:فدييتك.. هييه غداا ريال لو اخبرك عن سوالفه اليوم . بتضحك عليه.
احمد:ليش شو سوا..
روضه:يتنا ميره اليوم.. وكانوا يالسين في الصاله.. وميره بالعاده يوم تييه تعطيه حلاوه. بس هاي المره نست.. مادرينا الا وهوه ساحب الشنطه وشلها وجبها في الحوي يدور الحلاوه الي فيها..
احمد:ههههههههه.. فديته..وحصل شيء؟
روضه:ههه لاا.. لقى روجها والبودره. يانا مخيس ويهه وايديه من الروج.. والبودره يايبنها مكسوره مرايتها..والعطر انكسرت غطاته.. وفديته يوم ماحصل الحلاوه يا وعطاها الشنطه فاضيه وماد بوزه زعلان اونه.
احمد:ههههههههه.. فدييته.. تستاهل محد قالها ماتعطييه.
روضه:حبيبي مابا اعوده على الحلاوه.. احمد ولدك غداا شري.. عطوني اليي اباه ولا بخرب الدنيا..ااه..
احمد:ما ادري العناد من وين يابه. بس اظن انه من امه.
روضه:الحين انا العنيده.. وانته شوه؟
احمد:وحليلي اانا المساالم. تعال ايي رووح اسير.. طيب وحليلي,
روضه:آآآآآآآآآه
احمد حس بخوف:شوه فيج روضه؟
روضه:شكل بنتك تبا تيي اليوم.. آآه..
احمد:انزين خبري امايه اتسير وياج.. ياربي. والله لو انا عندج بوصلج
روضه:فديتك ادري انك ما...........تقصر.. اااه بخليك حبيبي.. بشوف امايه.. آآآآآآآآآآآآه..
احمد:يالله حبيبي شوفيها. وطمنووني. تراني بترياا روضه لو كان عندنا آخر الليل.. تسمعين..
روضه:ان شاء الله....... ااه برايك الحين.
احمد:انا بكلم امايه. انتي لبسي عباتج.
روضه:ماعليه.. يالله..
احمد:اوكي باي..
وفعلا ماطولت بالكثير ساعتين وشرفت الانسه هند بنت احمد.. بصياح شل المستشفى شل. واحمد كان يحاتي. كل نص ساعه يتصل.. لين بشرووه بهند..كلم روضه بعد ماربت وارتاحت.. وخلاف سكر عنها.. بعد ما اتطمن عليها وعلى البنوته.. واكييد طرشوا له صورتها مع امها.. ين احمد.. ينط ويحت يبى يرد البلاد.. بس مايقدر يرد الا في الشهر الياي..
احمد:آآآه جوو.. واخيرا هاانت ماباقي شي وارد البلاد..الا ايام بسيطه. ياريتها تعدي بسرعه.. ياني متوله على حرمتيه وعيالي..
جو ابتسم:هه اوكي.. سنشتاق لك..يارجل..
احمد:هههه بس اسبوعين وبرد.. ههههه مابتلحق تشتاق..
جو.:ولووو..لو يوم واحد.. سنشتاق لك..
احمد:فييك الخير.. الا شوه اتسوي.. اشوفك مندمج..
جو::هااه. لا ابدا لا افعل اي شيء. انها ملاحظات احب انه اسجلها قبل ان انساها..
احمد:اها. زين عيل الحين وصلت الساعه 5 اانا بروح الشقه الحين..
جو مسك التلفون:اوكي.. اعتني بنفسك. احمد.
احمد:ان شاء الله.. ياالله مع السلامه..
جو: مع السلامه..
من طلع احمد..وجو بسرعه طرش المسج.ومن وصل احمد لين سيارته.. مادرا الا بواحد يوقف سياره عداله.. وينزل منها ويضرب احمد على راسه ويسحبه في السياره..احمد حاس بالدنيا ظلام.. وآخره كلمه نطقها. كانت روضه.. شلوه لمنطقه مهجوره. وصادروا تلفونه وبوكه ومفاتيحه.. وساروا شقته وصادروا كل شيء عنده.ماخلو اي شيء..كان غايب عن الوعي ثلاث ايام.. هم يوم شافوا انه ما انتبه يومين خافوا انه يكون ميت.. خلوه وطلعوا من البيت.. وبما انها منطقه مهجوره ومحد ايها الا قليل. بيحصلون الجثه بعد ايام.مسحو كل البصمات وشردو.. سحبوا كل الفلوس الي كانن في حسابه وكل حساباته في امريكا.. البنك بلغ الموضوع الشرطه.. وبدوا يدورون عنه. لقو الشقه مهجوره وفاضيه من كل شيء..بس مافي اي بصمات ولا كسر.بس لقو جواز السفر.. طايح تحت الطاوله..لقو فيه بصمات احمد. وشخص ثاني.بس غير معروف.. عرفوا انه ماطلع من امريكا.. بعد ما اتأكدو من السفاره انه ماياهم اي بلاغ عن فقدان الجواز.. او طلب بدل فاقد...وبجذيه بدت التحريات للبحث عنه.. وعند الجيران والي في الشارع.. والي في الشغل وياه. وقفوا عند آخر شخص كان معاه قبل ما يختفي. كان جو.. الي قال انه طلع من يومين.. الساعه 5 العصر رايح الشقه.. وكان آخر يوم يداوم فيه لانه كانت اجازه ويك اند.. ويوم الاثنين سفره للامارات.. فعشان جذيه ما اتصل به. يتخبر عنه.. بحسب رايه انه ها اليومين بيقضيهن في السوق علشان يشتري هدايا لاهله. وعياله.. احمد نش في اليوم الثالث. مايعرف وين هووه.. وشوه الي يابه اهنيه. والمصيبه الاكبر.مايعرف منو هووه..وليش ها الدم في راسه.. كان الوقت غرووب.. حاول يقوم من الشبريه حس بتنمل في جسمه ومب قادر ينش.. بس بعد محاولات فاشله. اخيرا قدر انه يقوم.. بس وقف على ريوله. حس بوهن فيهن.. رجع يلس بدا يفركهن لين يرد الدم فيهن عادي.. وبعدها رجع يحاول يقوم.. حس بدووخه وصدااع قوي.. سحب عمره سحاب لين الباب.. مايعرف وين بيوصله ها الباب.. بس هوه محتااج يسير الحمام حاليا.. لقى اول باب يودي للممر.. رجع سكره وسار الباب الثاني.. لقاه حمام.. بس كلمه وصخ شوي عليه..حاول يفتح الماي.. في البدايه مانزل شي.. بس بعد اشوي. نزل ماي وصخ لونه احمر.. ماقدر يتغسل به..سكره وطلع من الحمام.. مشى لين الباب الثاني وطلع في الممر.. حاول يزقر حر.. بس ماطلع صوت منه.. رجع حس بدووخه اتساند على اليدار لين خازت الدوخه منه.. وكمل دربه.. البيت عباره عن طابق واحد بس صغير.. فيه غرفتين وصاله وحمامين وصخين.. حمام في الغرفه الي كان فيها. والحمام الثاني في الصاله.. الغرفه الثانيه كان فيها دراجه ناريه شكلها خربانه.. وفيها كراتين كبيره فيها كتب..ومجلات قديمه..ومكتب صغير على الطرف..اتقرب من الدريشه شافها مطله على نهر.طلع من الغرفه وسار صوب الباب وهو يحسب نفسه بصعوبه.. طلع براا وسار صوب النهر. وغسل ويه وجسمه ورجع داخل.. الجو بدا يبرد.. وهوه يوعان.. دخل داخل يدور اكل. ماحصل شيء الا بيتزا معفنه من ثلاث ايام محطوطه فوق الطاوله.. شلها وفرها في االزباله.. دور شيء في الثلاجه مالقى شيء.. وفي الادراج بعد ماحصل شيء بس لقى شمعه.. كانت اشعه الشمس خفيفه ف منوره البيت اشوي.. شغل الشمعه ويلس على الكرسي وحاط راسه على الطاوله.. اتلمس شعره حس بنغزه ويع في راسه.. شكلها كدمه حاول يتذكر كيف صارت ماقدر..نش ورجع الشبريه.. وحاول انه يرقد مره ثانيه.. حاول بس ماقدر تم تقريبا ساعه وبعدها نش.. رجع المطبخ وطلع البيتزا وبند الشمعه وكلها.. من اليوع..من خلص اكل رجع الشبريه. ورقد..نش الصبح وطلع برا.. صداعه بيذبحه من الويع.. اول ماطلع ما تحمل اشعه الشمس.. وجع دخل.. من حس انه تعود عليها رجع طلع مره ثانيه..سار اتسبح في النهر.. وشرب ماي.. مشى حول البيت. لقاه بيت مهجور ومافي عداله اي بيت.. قريب..شاف جدامه غابه. لقى سجين في المطبخ شكلها مالت صيد.. شلها وسار الغابه.. مشى حول الساعتين وماحصل اي شيء ينكل.. اتقدم اشوي.لقى شير توت. يلس ياكل منها لين شبع.. خاس قميصه منه..لقى كيسه وصخه.. طلع الي فيها وحط فيها توت.. ورجع الكوخ.. تم على ها الحال يومين. ياكل توت.. ومن يخلص ايسير وايب له.. صداعه بدى يخف اشوي..الحين عادي يطلع برا من دووون ما يتعبن عيونه من اشعه الشمس..وهو راد من الغابه.. سمع صوت عيال يلعبون كوره. تبع الصوت لقاهم فوق التله الثانيه مجموعه من اليهال الفقارا يلعبون بكوره جدييمه.شافهم رواحهم.. اتقرب منهم علشان يعرف منهم هووه وين.من شافوه ياي صوبهم يترابعون وهم خايفين. لانه شكله فعلا يخوف.. احمد يوم سافر كان شال اللحيه.. فا الحين بدت تطلع وشعره من اسبوع ماعرف المشط دربه.. وقميصه خايس دم وتوت.معنه كان يغسله ويرجع يلبسه مره ثانيه الا انه ماطاع يخوز عنه.. والكدمه الي في ويهه توها بدت تتفتح..زقر عليهم يبى يكلمهم محد وقف له.. في البدايه كلمهم بالعربي..ويوم سمعهم يقولون انه مجرم رجع وكلمهم بالانجليزي. بس بعد محد وقف لهم.. كانوا يقولون انه مجرم والكيس الي في ايده دم ضحيه..من ضحاياه..اشوي واييون مجموعه من الريايل..الي في ايده منشار والي في ايده معول والي في ايده سجين والي سلاح..كان احمد توه واصل الكوخ.. ويسمعهم وراه..يوم التفت شافهم يايين صوبه يبون يضربونه.. خاف وربع الكوخ.. وسكر الباب..تمو يفرن الباب والدرايش بحصى..ويكسرونهن. بس مافتح لهم.لين سمع واحد يكلمهم ويحاول يهديهم وقفوا فر.. زقر على احمد.. وقاله انه في امان ويقدر يطلع.. احمد بدا يفج الباب..
بدى يكلمه بالانجليزي:انا القس ديريك هل من الممكن ان اعرف من انت؟
احمد هز راسه:لا اعرف من انا..او كيف وصلت الى هنا.. كل الذي اعرفه اني استيقظت منذ يومين.. وانا في هذا المكان بإصابه في راسي.. والدماء على وجهي وجبهتي.
دريك :الا يوجد لديك اي اوراق؟
احمد :ابدا .. لم اعثر على اي شيء..
ديريك:اذا ماذا كنت تفعل خلال اليومين الماضيين لك هنا؟؟
احمد:كنت اجلس في الكوخ لاني في البدايه لم استطيع مغادره الفراش. وما ان استطعت.. حتى خرجت لاتمشى في الغابه وابحث لي عن اكل آكله لأسد جوعي..
ديريك:وماذا وجدت؟
احمد:مجرد توت بري. وانا آكله منذ يومين.. وما ان ينتهي الذي احضره معي. حتى اعود لاملأ الكيس مره اخرى..
ديريك:الا يوجد لديك ايه ملابس؟
احمد هز راسه:لاا.. استقيظت وانا في هذه الهيئه.
ديريك:اريأتم لاشيء يدعو الى الخوف.. تعالي معي يابني. سأخذك الى الكنيسه
واجد لك بعد الملابس الاائقه وبعض الطعام الشهي..وو سأرسل في طلب الطبيب ليعاينك.
احمد:ولكن؟
ديريك:لا. لن اقبل بالرفض.
احمد:وماذا لو كنت حقا كما قالوا عني.. اني مجرم.؟
ديريك:كل شخص يحتاج للمساعده يابني. حتى المجرمون... يحتاجون لمن يصفح عنهم ويعطيهم فرصه اخرى. تعالي معي. هيا.
وفعلا سار وياه احمد.. وعطاه ثياب واكل وياه الدكتور وودوه المستشفى وصور راسه وعرفوا انه يعاني من فقدان الذاكره بسبب الضربه الي يته على راسه.سببت له ارتجاج في المخ..رجع الكنيسه.ورجع حس بنفس الشعور الي حسه اول مره يوم دخلها.. حس بضييق.. صدره بيسكر عليه. مثل المخنوق.يبى يطلع منها.. سار وقعد على الكرسي.. لانه في واحد دخل يبى يصلي..يلس يشوفه احمد كيف يصلي. ولانه الكاهن قاله راقب الناس اهنيه كيف اتسوي..يمكن قلبك ينهدى ووينصلح واتسوي مثلهم.. كان كل ما ايي حد ويصلي كان احمد يقول بينه وبين نفسه هذا غلط.. بس ها الشعور كيف ايييه وليش ماكان يعرف.دخل واحد ثاني بعد ماطلع الاولي.. وسار وسوا نفس القبلي.. بس بعد ماخلص والتفت يبى يطلع اتصنم مكانه. يوم شاف احمد.. رجع خطوه وراا.. كان خايف.
جو.: ما...اذاماا ذا تفعل هنا؟؟
احمد:امم.. اولا مرحبا. وثانيا كيف الحال.. وممم وماذا افعل هنا.. بصراحه لا اعرف. فقط قال لي الاب مريان ان اراقب الناس كيف يصلون..
جو: ولكنك لست مسيحي؟
احمد انتبه للكلام:اانت تعرفني؟
جو:ماذا؟
احمد:اانته تعرف من انا.. ارجوك اخبرني من اكون. وماذا افعل هنا؟؟
جو:وكييف..!! لا تعرف من تكون؟
احمد هز راسه:في الواقع استيقظت ذات يوم في مكان مهجور.. لاااعرف من انا.. ومااذا كنت افعل. ما الذي احضرني الى ذاك الكوخ المهجور.
جو حس برتياح ابتسم:اها.. اجل انا اعرفك.. فأنت كنت تعمل في مزرعتنا..وقدر هربت فجأه..
احمد:احقا؟
جو:نعم.. فوالدي كان شخصيا قاسيا.. لايهم المهم الان اني وجدتك اخيرا.
احمد:لماذا؟
جو:لانك بحسب الذي اعرفه لا عائله لك.. ولا مال لديك..
احمد:اها.. بمذا كنت اسمى؟
جو:كنت ؟ اااه اتقصد اسمك؟
احمد:اجل؟ ماهوه اسمي؟
جو:ااااه. اسمك هوو..دانييل.. وانته لبناني الاصل..
احمد:داانييل؟
جو:ههه اجل.. هيا بنا ياصديقي.. دعنا نعود للمزرعه ف الابقار مشتاقه لك.
احمد:ولكنك تقول اني هربت من..
جو:ههه لا عليك.. فلقد توفي والدي منذ ايام. لاعليك وانا لوحدي في المزرعه ولا احد لدي سواك الان. وجابرييل..
احمد:جابرييل؟؟من هوه؟
جو:انه المسؤل عن العمال في المزرعه .. هيا بنا..
احمد:انتظر.. انته قلت بأني لست مسيحي.. اذا ماذا اكون؟ لمن انتمي؟
جو:امم انته من دون اي ديانه. اقصد انك ملحد..
احمد:اتقصد اني خلقت عبثاً؟
جو:لااا ولكنك شيوعي... فل نترك هذا الحديث وتعال معي.
اتقدم ومسك احمد من ايده يبى يطلعه.احمد خوز ايده عنه..
احمد:انتظر.. لا اتستطيع ان اذهب هكذا.. لا يجوز.
جو:ولماذا. كنا معا يا اح.. اقصد يا ميشيل..
احمد عقد حياته:الم تقل بأنه اسمي هو دانييل؟
جو ارتبك:.ااجل.. ولكن اسم والدك هو ميشيل... ونحن معتودون على مناداه الشخص بأسم عائلته.. وليس بأسمه.. اذن هل نذهب الان ام لاا.
احمد:ااه .. لا اعرف.. سأتحدث مع الاب..مريان..
جو:كما تريد. ولكني سأغادر البلده الليله.. فأنا حاليا اقيم مع خالتي وغدا سأكون في المزرعه..
احمد:اها.. اذن سأخبرك بقراري غدا..
جو:اخشى ان يكون الوقت متأخرا.. فأنا سأسافر في القطار.. والقطار يتحرك في تمام الساعه 7 اذا شأت يمكنك ملاقاتي في المحطه..
احمد نزل راسه:ولكني لا اعرف اين هيه المحطه.. اسمع لماذا لا نلتقي في الشارع ومنه سنذهب الى المحطه ..
جو:اممم لابأس ولكن لا تتأخر..
احمد:اعدك. فأنا استيقظ مبكرا..
جو:هه اجل اذكر ذلك تماما.. اذا مارايك ان نلتقي عندالساعه 6صباحا امام الساحه الكبيره. هل تعرفها؟
احمد:اجل.. ذهبت اليها لوحدي منذ يومين.. فأنا هنا منذ اسبوع
جو:اذن اتفقنا.. الى اللقاء..
احمد:الى اللقاء..
طلع جو. واتصل بربعه. الي خبرووه انهم خلوه في الكوخ يوم ما نش. واتوقعوا انه بيموت.. بس بما انه فقد الذاكره وما يعرفهم.. والحين بيسير المزرعه.. محد بيدوره اهناك.. نيويورك بكبرها اتدوره.. لين وواشنطن بعد..بس مزرعه في تيكساس. في منطقه نائيه.. محد بيخطر على باله انه يدوره فيها..وفعلا.. من اصبح الصبح. طلع احمد يتريا جو في وسط الساحه.. ومن وصل سار وياه المحطه...وصلوا المزرعه واحمد حاس باحساس غريب.. حاس انه عمره ماشاف ها المناظر.. كانت كل زياراته لامريكا. المناطق الاساسيه.. نيويورك.. واشنطن.. بوسطن. نيوجرسي..شيكاغو.. كاليفورنيا... نيومكسيكو.. ميامي..لوس انجليس بس عمره مادخل في الارياف.. البعيده والنائيه.وصلوا ودخلوا البيت الي كان فاضي.. الا من وحده كانت تشتغل.. من السود. وميتتينه. اسمها مارتا.. هيه وريلها يشتغلون في المزرعه.. ريلها يشتغل مع الخيول برا. ويهتم بالمزرعه من البنيان والتعديل.. وهيه تطبخ واتنظف في البيت..وجابريل المسؤول الحالي عن المزرعه.. جربرييل كان شخص ضخم وعصبي..بس الحين غدا.. كبير في السن اشوي.. بس بعده على شكله وعصبيته.. طول عمره جوو كان يخاف منه ويكرهه.. ومن وصلوا سار جو عنده وخبره بكل شيء.. وقاله انه احمد اصلا كان مروج مخدرات. بس الحين هو فاقد الذاكره..بس قبل لا يفقدها كان تايب..من المخدرات.. بس فهمه كيف يتعامل معاه..زين.. والمفروض يعامله معامله قاسيه اشوي. وفعلا من اليوم الثاني استلمه جابرييل. وعلمه كيف يرعى في المرعى على الخيل. وكيف يوشم البقر.. وكيف ينظف اسطبل الخيول.. مرت الايام واحمد على هاي الحال .. ينش الفير. ويبدى اشغاله الشاقه.. واذا تقاعس عن الشغل. كان السوط وراه..ينضرب به.. في البلاد عبدالله كان مشتطط
روضه:عمي مستحيل الي اتقوله..
عبدالله بعصبيه:لا مش مستحيل.. يقولج ياي البنك وسحب كل فلووسه وطس.. حتى الشقه الي كان فيها خلاها..ولا حد يعرف وين هووه. بس صفر البنك من الفلووس. هذا مش ولديه الي ربيته. هذا ابلييس.
روضه وهيه اتصيح مع بنتها وولدها :لا ياعمي . لا اتقوول جذيه احمد مش جذيه دخييلك ياعمي. خل اي حد يدوره.. او بسير انا.... الحين كمل الشهر. لا حد كلمه ولا حد شافه.. مستحييل احمد يصبر عنا جذيه. عمي قلبي ناغزني احمد فيه شيء.. وبس مابيسرق الفلووس وبيشرد. وبعدين عمره ما نقصه شيء. ليش بيسوي جذيه الحين. ممكن اتفهمني. انته قد حرمته من شيء؟
عبدالله هز راسه:لاا حشى..من يوم كمل عشر سنين وانا عادنه ريال مب فرخ. والي يباه لقاه..
روضه:شفت. يعني الحين معقوله بيسوي شيء يسود ويهك.. عمي دخييلك خلهم بعدهم يدوروونه دخييلك ياعمي. ولا انا بسير.
عبدالله بعصبيه:وين بتدورينه. جاني ماخليت وكاله سريه اتدوره ماحصلووه مايعرفون وين طس. جانه حي ولا ميت الله العالم به(طاحت دمعه)
اشوي وصاح تلفونه..
عبدالله:هذا الرقم من امريكا.. صه سكتن..
عبدالله:يس..
التحري جورج: نعم سيد عبدالله. انا المتحري جورج.
عبدالله:اهلا حضره المتحري.. هل وجدتم شيء؟
جورج:نعم.. ابنك كان في المصرف قبل الاختفاء بيوم واحد..ولكن حصل عطل في الجهاز. ولم يتم التعرف كم المبلغ الذي قام السيد احمد بسحبه..
عبدالله:اتقصد انه.. قام بسحب كل المال في ذلك اليوم؟
جورج:لا اعرف ياسيدي. ولكن تم التلاعب بالحاسب الالي في المصرف.. وللأن لا احد يعرف كيف تم ذلك. ولكن كل السجلات في ذلك اليوم واليوم الذي يليه قد مسحت..
عبدالله:وكيف ذلك. اوليس لديهم نسخ احتياطيه؟
جورج:كلا ياسيدي..للاسف.. ولكن يوجد صوره للسيد احمد وهو يقوم بسحب المال
عبدالله :يالهي.. كيف ذلك.. كيف يفعل ذلك.. مالذي اصابه..
جورج:لا اعرف ياسيدي..
عبدالله:اسمعني جيدا ياجورج. اوريد ان تجدووه.. ولا تتوقفوا عن العثور عليه.. حتى لو اقتضى الامر سنوات. هل كلامي واضح.
جورج:نعم ياسيدي. وسأوافيك بكل التطورات.
عبدالله:شكرا لك..
روضه:هاا ياعمي شوه قالك؟
عبدالله:ماحصلوه.. بس لقو صوره له وهو يسحب الفلوس.. شفتي ياروضه ريلج..شو سوا.
روضه:مستحيل ياعمي. عمري مابصدق انه احمد بهاي النذاله. مستحيل..
عبدالله:سيري رقدي الحين. الوقت متأخر.. بس لاتخبرين الحرمات بشيء.
روضه:لين متى ياعمي.. الحين فوق الشهر ولا حد يدري عنه شيء. وكم خبيينا عليهن. آخرتهن بيدرن.
عبدالله اتنهد:الله كريم يابنتي.. يالله الساعه الحين 2 سيري رقدي ورقدي عيالج.
روضه:من وين بييني الرقاد ياعمي. وريلي ما اعرف ارضه من سماه..
مرت الايام والشهورصعبه عليهم.. على روضه وعيالها.. وعلى عمها واهله.. وعلى احمد والعذاب الي يتعذبه في مزرعه جو.. وقسوه جابرييل.. في يوم من الايام. وصلهم حصان بري.. وكان صعب.. مارضى اي حد يركبه.. حتى جابرييل. الي قطع جسمه من الضرب.. ومع هذا الحصان ماخلاه يركبه.. احمد اتقرب منه وحاول انه يكسبه. بس مافي اي فايده.. في يوم من الايام وكالعاده بعد ماخلص احمد كل شغلته.. سار للحضيره الي فيها الحصان.. وياب معاه جزر وتفاح.. للحصان.. بدى الحصان يرضخ اشوي لاحمد. واتقرب منه وبدا ياكل.. بس من حاول احمد انه يركبه كان يضربه براسه ويبتعد عن احمد.. مره بعد مره بعد مره. لين تعب الحصان وبدى يرضخ.. حاول اول مره احمد يركبه بس ماخلاه. بس كل مايركبه كان يطرحه من على ظهره.. في المره العاشره تعب الحصان خلاص.. ومن تعبته ماقدر يطرح احمد من على ظهره.. كان احمد تعبان ومع هذا كان فرحان لانه اخيرا. قدر يتحكم بالخيل..مرت الايام واحمد كل يوم من يلقى فرصه ركب على الخيل.. كان جابرييل يشووفه ومقهور منه.. كيف قدر انه يروض الخيل. معنه في حياته ماكد سواها.. في يوم من الايام الفير نش جابرييل وسار للاصطبل الي فيه الخيل.. وضربه ضرب . وخلاه.. وعطاه كميه كبيره من الشوكولاه.. الخيل يتغير مزاجه اذا اكل كميه كبيره من الشوكولاه لانه فيها نسبه كبيره من الكافيين..على الضحى احمد كالعاده سار للخيل. بس من تقرب منه. حس انه الخيل معصب.. ومضرووب.. بقسوه..اتقرب منه وبدى يتحسس جسمه.. طلعه براا وحط عليه السرج بس شوي شوي. ومن ركب عليه ومن توثق احمد بدى يمشيه.. الخيل لمح جابرييل برا. وفي ايده السوط. خاف. ويبدى يرفع قوايمه يبى يطرح احمد.. بس احمد كان متوثق.. مادرى الا بالخيل يربع ويحوم السور ويطلع برا.. وسار في الغابه.. احمد حاول انه يتحكم به وحاول انه يكلمه علشان يهديه . بس مافي اي امل.. وصلوا لجرف.. وآخر شيء احمد شافه انه يهوي من فوق الجرف. وكان يشوف اطراف الجرف من الجنبيين.وكان تحته الشير............................
مرت الايام واحمد مارجع المزرعه وبدوا يدورون عنه بس ماحصلوه.. والخيل لقوه ميت فوق الجرف..لانه وهو يربع قبل مايوصل الجرف.. دخلت حطبه في بطنه..وطاح وفر احمد من فوقه..بعد مامرت ثلاث ايام وقفوا البحث عن احمد..فريق التحري كان شاك بجو.. وبدوا يتحرون عنه وراقبوا تلفوناته. على مدى الاسابيع.. واخيرا وصلوا لطرف الخيط..يوم سمعوه يتكلم عن احمد مع مجموعه كانوا شابكين الخط مع بعض.. وبعد التحريات اكتشفوا انه في حد منهم كان يشتغل في البنك .. وبعد ماسحب احمد الفلوس قدم استقالته.. ومنه هووه وصلوا لشكهم في جو.. لانه له صله فيه. ويقرب له.. وفعلا مع تكمله التحريات والضغوطان اعترفوا انه هم الي سرقوا الفلوس بعد ماسرقوا بطاقه احمد وبوكه. واحمد لانه فاتح اكثر من حساب. كان مسجل كل الحسابات بنفس الرقم.. او الرقم معكوس..في البدايه قالوا انهم داهمو غرفته وسرقوا كل شيء.. بس بعد ماضغطوا عليهم. خصوصا انه الشقه مافيها اي كسر او تحطيم. اعترفوا بكل شيء. وخبرو على جو.. ومنها تحركت كل القوات للبحث عن جو واحمد..وصلوا المزرعه والقوا القبض على جو.. وجابريل..الي اعترفوا انه احمد كان عندهم من اربع شهور ..بس مايعرفون وينه الحين...وآخره مره شافوه فيها كان من اسبوعين.. يوم شرد بالخيل الي لقوه ميت بعد ماشرد بثلاث ايام.شطبوا الغابه كلها بس مالقوه.. وكانت المهمه الاصعب انهم يخبروون ابوه . احتماليه انه ولده مات .. يوم طاح من فوق الجرف. او انه الحيوانات المفترسه في الغابه كلته.. لانه في الغابه ضباع وذئاب..
عبدالله من سمع بالموضوع طاح مغمي عليه.. شلت التلفون مهره ومن سمعت بالي صار.. تمت اتصارخ واتصيح. انهارت.. احمد طلع بريء عن كل الاتهامات الي توجهت به.. بس وينه الحين.. روضه من درت عن الموضوع. سكتت وماقدت تتكلم بأي شيء. بس طاحت دمعه من عينها. حظنت بنتها ومسكت ايد ولدها وسارت القسم وقفلت على عمرها.. مريفه انهارت وسارت الحجره اتصييح.. وميره كانت اتصيح عدال مهره وهن يحاول يتصلن بالاسعاف. لانه ابوهن طاح.. كان ناصر ولطيفه توهم واصلين عندهم. وماكان عندهم خبر بأي شيء.عن سالفه احمد.. على اعتقادهم انه بعد ماخلص. وبيي مره وحده بعد ماياخذ الدكتوراه..دخلوا البيت وشافوا المنظر جدامهم.. اتلاحق اخوه وشله ووداه المستشفى ولطيفه تمت ويا مريفه والبنات. تسمع منهن السالفه وهن منهارات ويصيحن.نشت وسارت صوب قسم روضه.. توها بتدق الباب. فتحت روضه الباب وهيه شاله شنطه في ايدها وهند في الايد الثانيه وسعيد يمشي وراها..
لطيفه:وين سايره يابنتي..؟
روضه:بسير له يا امايه.. مابتم اهنيه.. بسير امريكا.. احمد ما..مات. احساسي من البدايه كان يقولي احمد مستحيل يسوي شيء جذيه. وصدق احساسي.. الحين نفس الشيء. احساسي يقولي احمد عاايش ويترياانا يا امايه..(بدت اتصييح) يتري..اانا انا وعيااله.. يا اماايه. بسير له. الحين.
لطيفه لوت على بنتها:وين بتسيرين يابنتي. عيني خير.. فديييتج..
روضه خازت عنها:لا يا اماايه بسير ادوره . مستحييل يموت. مستحيييييييييل.. وعدني انه اييي ويشووف بنته.. امااايه كاان بس بعد يومين بيي.. بس يوميين. الحين مر اكثر عن شهريين يا اماايه.. بسير ادوره وبييبه..
مريفه:آآآآآآآآآآآآآآآآآه ياولديه وييينك .. وييينك يابعد جبد امك ويييينك.. دخييلكم هااتوه . دخيييلكم هااتووه.آآآآآآآآآآآآآآآآآآه يا احمد. جذيه اتسوي في امك يا احمد ويييييييينك(كانت اتصييح واتصارخ)
مهره :امااايه..هدي نفسج..
مريفه مسكتها من كتوفها وهزتها وبصوت عالي:اهدي نفسي واخووووج مييت.
روضه بصوت عالي:لاااااااااا. احمد مامات احمد عااااااااااايش. مااامات.
مريفه:وييييينه . قولي لي وييينه.
لطيفه:اتحسبي لربج يامريفه. وصلوا على النبي ان شاء الله مثل ماطلع في البدايه انه بخير.. وماسوا الي صار. ان شاء الله الحين بيكون بعد مثل..
فاطمه:احمد عااايش وبخيير.. قلبي يقولي جذيه... ولديه مب ضعييف.. الحين بيدخل عليكم. وبيقولكم انه كان يسوولف,(وصدت ويها ومسحت دموعها)
عبدالله يته جلطه خفيفه بس اثرت على ريله.. ومريفه ياها انهيار واترقدت في المستشفى يومين وطلعت وحبست عمرها في الحجره لا تاكل ولا ترقد لاويه على صوره احمد واتصيح.. فاطمه اليده مااتخوز عن سيادتها اتصلي وتقرا قرأن واتصيح. والبنات ماقدرن يسيرن بيت رياالهن تمن مع امهن..
حمد:لين متى بتمين على ها الوضع ميره؟.
ميره:ما ادري يا حمد.. وربي ما ادري.. بس انته شايف انه الوقت مناسب اني اخلي امايه في ها الوضع.. دخييلك افهمني.. اخويه ما اعرف اذا كان عايش ولا لا..
حمد:هيه بس الحين كمل فوق الشهرين ولين الحين ماياكم خبر عنه..
ميره:احمد عايش. مستحييل يموت..
حمد:الله يهديج بس. منوه بيتم عايش في الدنيا.. كلنا بنموت. فديتج.. بس عاد. يلستج عند امج لابتقدم ولا بتأخر.. انتي شايفه حالتج كيف.
ميره:حمد الله يخلييك. خلني اهنيه مااريد ارد البيت الحين.
حمد:وانا شوه اسوي.. يعني. لين متى بتم جذيه ميره.. الحين صارلج فوق الثلاث شهورعند اهلج.. والبيت ماييتيه.. وكل ما ابغي اشوفج انا لازم اييج. شوفي بس عاد. وكل شيء له حده.
ميره وهيه اتصيح:حرام عليك. امايه وابويه لين الحين تعبانين. وخصوصا من طلع ابويه من المستشفى. مايقدر يمشي زين على ريله.. حرام عليك حمد.. خلني اشوي.
حمد:لين متى يعني.. يوم يومين..
ميره عضت على شفايفها:لاا.. يعني.. اسبوع..
حمد:عندج لين باجر. واذا ماكنتي في البيت.. لاتردين امره فاهمه ولا لاا.
ميره:حمد..
حمد:اهلج مب رواحهم.. روضه وعيالها عندهم.. وفوق هذا عمتج وبناتها وخوالج مب مخلينهم..وعمج وحرمته دووم عندكم. بس عاد..
ميره:ادري.. بس.
حمد:الي عندي قلته يا ميره.. وغيره ماعندي ولا تنسين انج حامل ومب زين ها الجو الي انتي فيه.
ميره:لا والله. يعني تباني اطلع من هنيه ووتوقع اني بنسى المصيبه الي نحن فيها.. خاف الله ياحمد.
حمد:انا خايف ربي ياميره ياغير انتي زويدتيها تراج..قلت لج باجر الجمعه ان ماكنتي في البيت لا تردين امره. ويالله مع السلامه.
وسكر في ويها تمت ميره اتصيح. وطلعت من الحجره وشافت روضه واقفه عند باب الصاله..
روضه:شوه فيج؟
ميره هزت راسها:حمد. معصب.. ويباني ارد البيت. تخيلي قالي ان ماكنت في البيت باجر. مابرد امره مره ثانيه..
روضه:وهو معاه حق. انتي من صارت .....المهم .. ماسرتي بيتج. وريلج له حق عليج.. حرام ياميره سيري له وطيبي خاطر..ه.. لاتخسرينه. يكفي الي. خسرته(وحطت ايدها على ويها ويلست اتصيح)
سارت لها ميره ولوت عليها ويلسن يصيحن على عتبه الباب..ماحسن بالي دخل البيت ووقف يطالعهن وهن يصيحن.. متلاويات ويصيحن. قلبه عوره عليهن. اتقرب منهن ويلس عدالهن ولوى عليهن من ورى..
روضه من حست انه في حد مسكها من ورى رفعت راسها وميره كانت رافعه راسها وفاجه ثمها.
من خاز عنهن مادرى الا بروضه في حضنه وهيه اتصييح بصوت عالي..ميره وقفت عدال راسه ولوت عليه من ورا. كان احمد يالسه على ركبه.. وروضه في حضنه.. وميره ماسكه في ظهره من ورى. على صوت الصايح طلعت مريفه ومهره. وفاطمه من الصاله الداخليه. ويوم شافن الوضع جدامهن مريفه طاحت من طولها يوم شافت احمد .. وفاطمه طاحت على ركبها تكبر وتهلل وتحمد الله.. ومهره ربعت صوب اخوها ولوت عليهم وهيه اتصيح.
احمد:دخييلكم والله بختنق.. بس..
نشت مريفه وسارت صوبه.. وهن من شافن امهن يت.. خازن عنه.. نش واقف ونشش روضه وياه.. مريفه اتقربت منه وبدت تتلمس ويه وصدره وجسمه. احمد اتقرب منها ودفن ويه في رقبتها. صدت صوبه مريفه وهيه اتحب راسه وخده. رفع راسه ويلس يحبها ويحب ايدها والدموع في عيونه.. ماشافهم من سنه. ست شهور كان يدرس. وست شهور عذاب, وضرب وتغربييل..كان مشتاق لهم.. وشوقه لهم هوه الي خلاه يصبر ويتحمل كل هاي المده وخصوصا من بدت ذاكرته ترجع له. من بعد ماطاح من فوق الجرف.. على الشير.. والخبطات الي على الراس.والظهر. من خازت امه عنه التفت صوب يدته الي كانت يالسه على ربكها وهيه اتصيح وترفع ايدينها للسما وتدعي.. اتقرب منها ولوى عليها.. يلس يحبها على راسها وكتوفها وايدها.. وهيه لاويه عليه واتصيح.. دخل عيلهم سعيد الي كمل الحين 3سنين وهنود خته كملت 7 شهور.. والي كانت راقده ولا تدري بالدنيا الي صارت..احمد التفت صوب الباب وشافه. نش عن يدته وربع صوب ولده ولوى عليه وشله فوق وهو يصييح. ويحبه. سعيد خاف وتم يصيح مش فاهم شيء. ماشاف ابوه من سنه. ونساه.. معنهم كانوا يكلمونه من اللاب توب وكان يشوفه في الكيمره.. بس من ست شهور ماشافه ولا كلمه في اللاب..فنساه..اتقربت روضه منهم وشلت ولدها وهيه حاطه راسها على كتف احمد وهيه بعد اتصيح..
احمد:فدييتج. والله تولهت عليج..
روضه وهيه اتصيح:مب كثري يا الغثييث جذيه اتسوي فينا. حرام عليك.
احمد من قالت جذيه لوى عليها بقوه وسعيد حرصان على امه.. فكان يدز ابوه..
مريفه وبناتها وفاطمه كانن يشوفونه وكأنهن في حلم.. مب مصدقات انه موجود وعايش.. اتقربت منه مريفه ولوت عليه من ورى احمد من حس بالويه.. رد صوبها ولوى عليها..
مريفه:فدييييت ريحتك يالغالي..آآآآآآه يااحمد.. فديييتك..
احمد وعيونه فيهن دموع:سامحييني يالغاليه.. والله ماقدرت اكلمكم ولا اقولكم اي شيء والله ماقدرت.
رد يلوي عليها. خواته بعدهن مش مصدقات اتقربن منه ولون عليه..
احمد:ههههه اييه الحامل منكن الي في بطنها رفسني.
ميره:ههههههه تستاهل على الي سويته فينا. وفي ابوك.
احمد:ابويه ويين. ؟؟
مريفه مسحت دموعها:ابوك من سمع بالي صار طاح علينا ويته جلطه خفيفه. بس اثرت على ريله والحين يعري..يوم يمشي.
احمد:فدييته ويين هووه؟
مريفه :في الحجره . تعالي يانور عيني تعال..
وانعاد السيناريو مع الابو. عبدالله من شاف احمد فوقه لوى عليه ويلس يصييح. ولده من ست شهور ماكلمه وكل الي يسمعه عنه انه ميت.. وكلته الحيوانات. ومابقى منه شي. بعد ماكمل نص ساعه وهم يتأملونه..
عبدالله:الحين بتقولي شوه الي صار من البدايه لين النهايه تسمع ولا لاا.
مريفه:خله يرتاح ياعبدالله الحمد لله رد لنا سالم غانم.
عبدالله:مابيهدالي بال لين اعرف.. شوه الي صار لك. وقطعنتا ست شهور يا احمد.
احمد اتنهد:شوه اقولك يابويه. كل الي صار كان من تحت راس واحد حمار. اسمه جوزيف.كان يدرس ويايه ويشتغل في الشركه عندنا..
عبدالله:وشوه سوا؟؟
احمد:من تأكد اني بسافر خلاص.. يتصل بربعه الي اتلقوني عند سيارتيه ولا دريت الا بسياره وقفت عدالي ونزلوا منها اربعه.. وواحد منهم ضربني على راسي والباقيه ضربوني ضرب. ومادريت بعمري الا وانا في حجره مظلمه في منطقه نائيه..
مريفه:يااويلي علييك.. حسبي الله عليهم الخياس.يعلهم مايعينون خير.
عبدالله:وخلاف؟
احمد:نشيت ما اعرف وين انا. وليش انا هنيه..ومن متى اانا هنيه.والمصيبه الكبيره ماكنت اعرف منوه انا..
ميره ومهره شهقن..
روضه:وبعدين. شوه سويت؟
احمد طالع روضه:ابد يلست ادور شيء آكله.. ماحصلت شيء. الا بيتزا خايسه لقيتها فوق الطاوله.. طلعت برا لقيت بحيره تغسلت فيها وشربت ماي. يلست يومين اسير الغابه ادور لي اكل آكله ومالقيت الا توت.. اترس لي كيسه واشلها ويايه للكوخ وآكله طول اليوم.. والبحيره اشرب منها الماي واتسبح فيها.
عبدالله:ومعقوله محد كان في المنطقه؟
احمد:لاا.. كانت مهجوره.. في يوم من الايام ونا ياي من الغابه اسمع صوت عيال اتقربت منهم ابا اعرف وين انا. من شافوني شردوا لانه كان شكلي يخوف... قميصي فيه دىم وتوت. وشعري من اسبوع محد سحاه.ولحيته طولت.وعين زرقا وعين حمرا.. من الكدمات
ميره:ياربي
مريفه:حسبي الله عليهم..
احمد:من ترابعواا. رديت البيت. ومن وصلت سمعت صوت عالي طلعت من البيت لقيت رياايل واييدين واقفين ويعاقطون البيت بحصى.. بصراحه كنت خايف. لانهم الي ماسك سجين والي ماسك ساطور والي ماسك منشار والي.. والي.
مريفه:ياحسره قلبي عليك..
روضه اتقربت منه وحطت ايدها على كتفه. ويوم حس بها حطى ايده فوق ايدها..
احمد:اتقرب واحد يسمونه القس.مال الكنيسه.. ويلس يكلمني. ومن فهمته شوه صار فيني. قالي انته في امان وتعالي عندي وانا بساعدك.
روضه:وسرت وياه.
مهره:شهقت.. ماخفت منه؟
احمد مد بوزه:اممممم بصراحه لاا..
فاطمه:وخلاف شوه سويت؟
احمد:ممم. طلعت وسرت وياه الكنيسه عطاني ثياب واكل ووصلني المستشفى وصورو راسي. واتأكد الدكتور انه ياني ارتجاج في الدماغ وعندي فقدان الذاكره. بس قال انها مؤقت.
مهره:وكيف رجعت لك الذاكره.؟
احمد:ههه هاي سالفه ثانيه.
عبدالله:شوه هيه..
احمد:اممم. السالفه طولي بعمرك.. اثره الخايس جوو. طلع وخذ له اجازه اظن. ما ادري به. المهم انه القس كان يباني ادخل في المسيحيه.. خلاني ايلس في الكنيسه واشوف الناس كيف اتصلي وشوه اتسوي..
روضه:ياربي..لايكون؟؟
احمد:هههه لا والله. علشان تعرفون انه الدين حق.. قلبي الحمد لله كان رادع لدينهم.. من دخلت الكنيسه حسيت اني في مكان غلط.. كانوا ايون ويصلون ويتباركون ومن يطلعون شربوا الخمر..لا حبيت صلاتهم ولا مشروبهم.. من شربته رجعت كل الي في معدتيه. ومن عدها ماشربته.يلست عندهم اسبوع تقريبا.. وفي يوم من الايام دخل واحد يبى يصلي.. وشافني واتبريد مكانه..
روضه:وانته ماعرفته؟
احمد:لاا. ذاكرتيه كانت ممسوحه على الأخر..
عبدالله:وبعدين؟
احمد:من شافني رجع خطوه ورا. وقالي انته شوه اتسوي اهنيه..انا من حسيت انه يعرفني اتقربت منه.. حسيت به خايف. بس انا كنت غبي. لاني ابغي اعرف منوه انا.. قلت له اني فاقد الذاكره ولا اعرف من انا وشوه اسوي اهنيه..المهم حسيت به اتطمن. ويلس يجذب عليه. قالي انه اسمي هو دانييل. واسم ابويه ميشيل. وانا من اصل لبناني ومالي اي ديانه واني وشيوعي.. والجذبه العوده. قالي اني اصلا كنت اشتغل في مزرعه ابوه.. واني شردت من عنده.. وشكله صار لي حادث.
روضه:الحقيير.
احمد:قالي يباني ارجع عنده. ولانه ابوه مات فما في اي مشكله.. انا صدقت كلامه. وفكرت بأني اذا فعلا كلامه صحيح واني اذا كنت هناك اكيد بترجع لي الذاكره. واذا رجعت عادي اطلع من هناك مثل ماطلعت اول مره.. المهم سرت وياه.. وياليتني ماسرت..
عبدالله:ليش شوا سوا؟
احمد:قول شوه الي ماسواه..اربع شهور يابويه مخلني اشتغل عندهم من 6 الصبح لين 6 المغرب.. انا الا انظف اهنيه واوشم هنيه وارعى هنيه واغسل هنيه واصلح السياج هنيه.. والم البقر والخيول هنيه. واذا ماسويت شيء. رئيس العمال الحيوان ماسك لي سوط وين يعورك ..
عبدالله:حسبي الله عليه.
مريفه:يعل ايده القطع.. الحمار.
روضه:فدييتك.. ليش ماشردت عنهم يوم هم جذيه يسوون فيك.
احمد:ماقدرت اشرد حاط لي كلاب. اتراقبني وفي عمال يشتغلون.. ان التفتو وماشافوني قامت قيامتيه..
عبدالله:بس قالوا انك شردت؟؟
احمد:انا ماشردت بكيفي.يابو خيل بري. ومش مروض. كاانوا يبون يروضونه وبعدها يبيعونه غالي.. المهم كل الي حاولوا يروضونه ماقدروا عليه. حطيته في راسي ويلست كل يوم من اخلص شغلي اسير له. ياما فرني من فوقه وياما رمحني. عشر اياام وانا احاول اروضه لين قدرت. اخيرا.. تميت يومين وياه عادي. المهم الخايس جابرييل ماعيبه اني انا الي روضت الخيل. ياه الفير وشلخه تشلييخ واظن انه عطاه شيء لانه ماكان طبيعي يوم سرت له الصبح ابغي امشيه اشوي. كان ثاير. خصوصا من شاف جابرييل والعصى في ايده.. مادريت الا والسور ورانا وهوه يربع بلا احساس. لاتمت شيره ولا غصن ما ضربنا.. المهم شكله خشبه ظربته في بطنه. وقف قبل الجرف بشوي. بس انا هوييت تحت..
مريفه حطت ايدها على قلبها:ياوييلي..
روضه شهقت :شو ياك؟
ميره ومهره مسكن ايدين بعض.. :وشو صار.
عبدالله:.............. كان عالي؟؟
احمد:هييه بس الله رحمني بالشير كان طوال.. كنت اتخبط فيهن لين هويت تحت.. مانشيت الا وانا في خيمه وريحه دخون غريبه فيها. كان فيه كسور في الضلوع وفي ريلي اليمين وفي ايدي. وكتفي الايسر
مريفه:ياحسره قلبي عليك.
احمد:تمييت عندهم حول الشهرين ما اقدر اتحرك.. وهييه كان فيه خشبه داخله في ظهريه ماقدروا يطلعونها لانها انكسرت.. وصلواني المسشتفى ويلست اهناك اسبوع.. وبعدها ذاكرتيه ماردت كلها..كنت في ولايه تكساس واعرف ريال اهناك. يلست وياه فتره وكنت بعدني اتعالج في المستشفى.. يلست عنده حول الثلاث اسابيع.. وقتها كنا في البحر.. يوم شفت بنت صغير وعندها اخو..البنت كان عمرها بين الخمس سنين او السبع سنين.. واخوها عمره سنتين او اقل. توه يتكلم.. سمعتها اتقول له انه ابوها احلى منه.. ويوم سمعت ها الكلام. حسيت شيء مر في ذاكرتيه. بس ماعرفت شوه هووه.. اشوي اشوي تذكرت اشياء بسيطه.. قبل السفر(رفع عينه على روضه الي كانن دموعها ينزل. تذكرت السالفه قبل مايسافر يوم كانت تغايضه واتقوله انه سعيد احلى منه)..اذكر اني وروضه نتغايض. واتقولي انه سعيد احلى مني. وقتها بدت مره وحده ذاكرتيه ترجع لي. حسيت بصداع ولا وعيت الا في المستشفى. وربيعي واقف على راسي..بعد ماطلعت سرت السفاره الي في واشنطن وياااااااااااااااو يامااصعبها يوم تطلع من تكساس واتسير لين واشنطن بالسياره..كملنا يوم كامل وكم ساعه..متواصل.
فاطمه :ليش ماسرتوا بالطياره..
احمد:فديتج يدوه ماعندي اي اوراق ثبوتيه.. لاجواز ولا بطايق.. ابد.. حافي منتف..
روضه: عادي عطوك الجواز؟
احمد:هييه. يوم وصلت عندهم وعرفوا منو انا.. قالوا لي انهم جلبو الدنيا يدوروني.وبأمانه ماقصرو الشباب. والله انهم مخاوين شما. امره خلصوني في نفس اليوم.. ولاخلوني اسير عنهم لين ركبت الطياره بعد ماعرفوا كل سالفتيه.
عبدالله:الحمد لله على السلامه يابويه.. الحمد لله..
مريفه:تستاهل في رجعتك عزييمه عووده يااحمد..
احمد:هههههه امايه الله يهدييج لو ياييب الدكتوراه بعد؟
عبدالله:طبها الشهاده الحين. ولا لك رده امره.
احمد:ابويه انته تدري انه مابقى لي شيء.. بحاول اتلاحق الي فاتني..
روضه:منوه الي بيخلييك اصلا اتسافر روحك. اذا خلاك عمي ريلي على ريلك.
احمد:منوه الي قال مابا اسير يوم عزمت عليج.. اابا اكمل دراستيه وبربي ببنتك.. يعني منج مش مني.
روضه:لا والله. محد قالك تختار وقت غير مناسب.
احمد:لاوالله يعني انا السبب الحين..
روضه:اكيييد.. ولا شوه رايك ياعمي.
عبدالله:ما ادري بكم.. بس اذا مثل ماقالت روضه انا ماعندي مانع.. بس بشرط مش امريكا..
احمد:وين عيل؟
عبدالله:بريطانيا.. فرنسا.. امريكا مالك رجعه لها..
احمد:ابووويه. انته اتعرف انه امريكا شهادتها قويه..
عبدالله بعصبيه:احمد.. قلت لك رده لامريكا للدراسه ماشي.. وكلمتيه مابثنيها.
احمد هز راسه واتنهد:ان شاء الله.
مريفه:يابويه من خوفنا عليك.. ترا الي يانا مب هين..ارحمنا اشوي.
احمد نش وحب راس امه:ان شاء الله يا الغاليه.. ترخصولي الحين. تعباان بسير اريح..
مريفه:مرخووص يالغالي. سير ارقد..
عبدالله:روضه بتم اهنيه.
احمد فج عيونه:لييش؟؟
عبدالله ابتسم:ما اتقوول تعبان وتبا ترقد.
روضه استحت ونزلت راسها
احمد:هييه بس من سنه ماشفتها ولا سولفت وياها. خلها ترمسني لين ارقد.
روضه:لا والله شو قالوا لك.. بندول ولا بروفين.. ارمس وياك لين ترقد عني.
عبدالله:شفت عاد.. روضه اتم. لين ترقد.
روضه:ان شاء الله ياعمي. خلاف بيقولي انتي السبب ماخلتيني ارقد.
احمد:خخخ لا مابقوول.. انتي تعالي بس.
روضه:ايييييه.. احمد.عمي شوف ولدك.
مريفه:هههه الله يهدييج ياروضه.. سيروو سيرو ابوك يغايضك يا احمد..
عبدالله:سيرو وهالله هالله بعماركم.
احمد:هههههههه ان شاء الله لاتوصي حريص.
روضه استحت قرصته على كتفه..
احمد:ههههه صبري لين نوصل القسم.
روضه استحت وضربته على كتفه وشلت ولدها وطلعت..
عبدالله:احمد اصطلب يالله.
احمد:ههههههههه.. يالله مع السلامه.
مريفه وفاطمه:هههه مع السلامه يا الغالي..
ميره:عيل يوم انه الحمد لله يا بالسلامه انا من باجر بسير البيت..
عبدالله:وليش من باجر.. سيري اليوم.. يابنتي زوديتها تراج. ريلج كل مره بييج اهنيه. عيب يابنتي..
ميره:ان شاء الله ابويه..
لطيفه:هالله هالله بعمرج..وانتي يا المهره. شوه فهد. وينه؟
مهره:ف..هد مسافر يدووه.. ومن بيرد انا بسير البييت.
عبدالله:متى سافر؟
مهره نزلت عينها:من يومين .. قالي بسافر كم يوم وبرد.
مريفه:هييه الله يرده بالسلامه..
مهره:آميين.. يالله ميروه. خليني اساعدج انتي يالله يالله اتشلين عمرج.
ميره:هيه والله تعباانه..خلاص شكلي ها الايام بربي خلااص.
مريفه:الله يقومج بالسلامه يابنتي.
ميره:آمين يالغاليه. يالله مهره.
مهره:يالله..
طلعن وسارن قسمهن
ميره:لين متى يعني بتخبيين عليهم..آخرتهم بيدرون..
مهره:ماعليه. خلينا الحين جذيه..
ميره:شوه ياه اكييد تخبل. ولا في حد يسوي سواته. ما ظنيت انه فهد بيسوي جذيه.
مهره:الله كريم.. يالله وين شنطتج؟
ميره:والله ما ادري..اظن انها في الكبت الي هناك..
مهره:اوكي.
روضه:تعرف انك سخييف.
احمد:هههههههههههه الحين انا متوله على حرمتيه ماشفتها من سنه. اتقولين عني سخييف..مقبووله منج.. ام عيالي ما اروم اقول شيء. الا تعالي صدق ويينها هنووده الحلوه..
روضه:راقده. في سريرها.. بشوفها اذا وعت او لاا.
احمد مسكها من ايدها يوم كانت بتخطف:لاا برايها دامها راقده... عندي شيء اهم.. خلاف بتفيق لها . بقضي يومي كله ويااها.
روضه :اييه احمد.. انته ناسي انه عندنا حرس.
احمد طالع سعيد الي كان واقف عدال الباب وعينه عليهم.. فاج ثمه ويطالعهم.
احمد:ههههههه فديته الحارس انا.. تعال بابا... انا باباه..
سعيد:لاا..
احمد عقد حياته:شوه لا.؟
سعيد سار صوب الاب توب واشر عليه:هنيه باباه.
روضه:هههههههههه
احمد:حبيبي انا طلعت من هنيه وييتك..
سعيد تم يشوف احمد. ويشوف اللاب توب..يلس يفكر كيف طلع.. كانت الشاشه مفتوحه. اتقرب من اللاب وتم يدقه..
احمد:شوه فيك بابا..
سعيد:كيف ييت..
احمد:هههههه بالطياره حبيبي.. طلعت من هنيه
سعيد:انا وماماه شفنا حلاوه دااخل.خلها تطلع بعد..
روضه:هههههههه فهم الحين كيف طلعت من اللآب توب. وماطلعت الحلويات الي شافهن فيه.
احمد:حبيبي انا غير والحلاوه غير. شوف باجر بييب لك الحلاوه الي تباها.. اوكي..
سعيد:حط صبعه في ثمه .. دلاله على العصبيه,,
سعيد:لااااا.. انا بسير عند باباه ناصر عنده حلاوه..
احمد:وابوج معلمنه على الحلاوه..
روضه:ههههه اصلا مايشاوروني. من انسير عندهم ويشوف ابويه.. سار وياه لين السياره وساروا الجمعيه ويابو خريطه لاخلو حلويات ولا بسكويت الا ويابه..
احمد:وياكلهن كلهن؟
روضه:هههه لا.. ياكل طشوونه والباقي يوزعه على اليران. اييون عيال ييرانا. ويعطيهم. مايخلي حد حتى الخدامات يعطيهن..يقولي ابويه كل سيره لازم تطلع الفاتوره فوق 300درهم.. بس حلويات وعصياير وبسكوت وكييك..
احمد:فدييته.. امبونه كريم حبيبي. انزين حبيبي. شوه رايك اتسير عند عموه ميره ومهره طشونه..
روضه احمر ويها..وابتسمت..
سعيد:ماماه ما تخليني. ااتقولي دووم عيييب.
احمد:لا ماعليك هاي المره عادي صح ماماه..
روضه:ههههههه صح حبيبي..بس هاي المره..
سعيد:اوكي.. يالله وديني عندها..
روضه:ان شاء الله..
توها بتوديه صاحت هند..
احمد تنهد تنهيييده حسره.. :ياربي. مالي فكه اليوم.. سيري عند بنتج وانا بوصله عند مهره.. بلا شغله يالسه. وهذيج بتنبط اذا ياها اي شيء..
روضه:ههههه حرام عليك.. الله يقومها بالسلامه يارب.
احمد:ههه آميين.. يالله رقديها ولا دبريها تفهمين ولا لا..
روضه:هههههههه ان شاء الله.ولدك يتريا..
احمد:يالله. تعال سعودي.
سعيد:زين..
احمد:قول ان شاء الله مش انزين..
سعيد:ان شاء الله.. انته شوه اسمك..
احمد:ياربي.. انا باباه حبيبي شوه فيك.
سعيد اتافف :بابا دااخل هناك.. انته مش باباه..
احمد:لا والله. عيل اتريا ابوك الي هناك. يوم بييك..تفل في ويهي.
روضه:احمد شوه هاي التعلوومه بعد.. لاتقولها بابا. عيب.
سعيد:شفت ماماه اتقول عيب.
احمد اتنهدت:ان شاء الله. انته وماماتك الي حارمتني لين الحين
روضه استحت وربعت الحجره لانه هند بدت اتصيح وايد..
طلع هوه وولده وسار سيده لقسم البنات دخل الصاله وماحصلهن اتقرب من الباب الي كان مفتوح اشوي وتوه بيدق الباب.. سمع كلامهن.ووقف.
ميره:بس هذا مش حل يامهره. هذا اسمه هرووب..
مهره:دخييلج ميره شوه تبيني اسوي..ماكان عندي حد يرده عني.. ابويه من صارت سالفه احمد.. وهو طايح.. واحمد الحمد لله توه رد بالسلامه بعد ما توقعنا من ست شهور انه ميت.شوه تبيني اسوي..
ميره:ولو. كان المفروض تتكلمين ماتتحملين كلامه الجارح. والمصيبه الي يسويها..
مهره اتنهدت:فهد ماكان جذيه ياميره. كان شخص ثاني.. من صارت سالفه نوف. والشباب كانوا يعايرونه بأخته.. قام يشك بكل شيء. في البدايه كان عادي. بس مع الوقت لاحظت عليه من يصيح تلفوني لازم يشوف الرقم.. واكثر من مره شفته يفتح تلفوني ويشيك على المحادثات والصور..حتى الارقام.. واي رقم يشك فيه يسيفه في تلفونه.. اتخيلي سوا مشكله لربيعتيه يوم اتصل بها.. هيه متعوده انه اي رقم غريب ما ترد عليه لو شوه ماصار. وهو يوم ماردت تم يتصل بها ليل نهار من رقم غريب.. حتى انها مره كلمتني عنه قالت انها اييها رقم غريب بس ماحبت اترد.. تتريا ريلها ايي في الويك اند اذا تم يتصل .. وتم يتصل بها.. يوم الخميس رد ريلها وكانوا يالسين مع بعض..يسولفون المهم فتحت معاه الموضوع وخبرته..وتوها بتعطيه الرقم علشان يتصل به.. اتصل بها فهد. رد ريلها عليه وسأله ليش ها الازعاج من اسبوع وكل ساعه يتصل.. طاح في الريال يسبه ويلعنه. ومن سكر مادريت الا بطراق وتكفييخ لين طحت
ميره:ياربي.. ريلج مريض نفسي.
مهره:مرات اقول ما الوومه الي سوته نوف وخواتها مب هين.. بس مش كل البنات جذيه. الي صار لهن. من الجو الي عايشين فيه.. عموه دوم براا البيت.. وخالي عيسى في بوظبي.. وفهد وخوانه الي في بوظبي والي في دبي.والي بعده يدرس في العين ما اييون الا ويك اند.منوه الي بيردعهن وبينصحهن.. محد صارت السالفه فالتوه..علشان جذيه ما الومه
احمد:بس انه يمد ايده عليج بعد هاي مب عدله.
ميره ومهره شهقن
ميره:احمد..
احمد:ومن متى هو يضربج..
مهره نزلت راسها: مادري..
احمد:لا تدرين.. من متى يامهره؟؟
مهره:من بعد ماربت روضه بهند.. كنت عندها في المستشفى بايته. ومن يومها وهو يراقب مكالماتي وتلفوني.حتى اني علشانه مش حاطه رقم سري لتلفوني .. بس مب حلوه يفتش في التلفون غصبن عني طلعت عن وايد قروبات ربيعاتي لانهن يطرشن صورهن ولا مكياجهن ولا حناهن.. ولا ملابسهن وتسريحاتهن.. ماحبيت انه يشوف ها الاشياء.. ومن ايي من الدوام تلفوني ما ادله وين ولا اهتم. كم كانت تتصل بي امايه وما ارد عليها وميره وروضه وغيرهن تلفوني عنده. ومع هذا..
احمد:يمد ايده..ماعليه انا بتفاهم وياه..
مهره:لاا يا احمد دخييلك مابا ادخل في مشكله ثانيه ويااه.. الحين هو ساير العمره ان شاء الله يرد بنفسيه ثانيه..
احمد:ان شاء الله.. بس ان سوا شيء وماعرفت انج خبرتييني ماتلومين الا نفسج.
مهره:اوعدك ياخويه.. اوعدك.بس دخييلك لا تكلمه ولا تحسسه انك تعرف عن الموضوع.. دخييلك يا احمد.. فهد صار مريض نفسي والسبه الشله الي وياه.
احمد:ماعليه..بس مثل ماقلت لج.
مهره:ان شاء الله .
ميره:والحلو ليش اهنيه.
احمد ابتسم:خخ يقول انه يبا عماته. ولان ماماه ما تخليه ايي.. فتوسطنا له وسمحت له هاي المره بس.
مهره:ههههههه خلاص ماعليه.. تعال حبيبي.
سعيد:عاادي احمد..
احمد:منوه احمد؟
سعيد ابتسم وبانن ضروسه:انته هههه.. بعد منوه؟
احمد:يا.ابن ال.. انا باباه. كم مر بقولك..مصمم اني مش ابوه والي في اللاب توب هو ابوه.
مهره وميره:ههههههههه..
ميره:من كثر ماكان يشوفك في الشاشه اترسخ في فكره انك في اللاب وبس.. مش في الواقع...
احمد:لا والله.. لين متى يعني. ولا بعد يسميني احمد..اييه ان قلت احمد ياويلك. هذا الي ناقص بعد..
سعيد:اووف..
احمد:ياحبيبي!! اوف بعد. مب منك من امك, انا الحين براويها. خلنه عندكن.
ميره:ياويلج ياروضه.. هههههههههه.
مهره:الله يكون في العون.هههههههه. احمد هالله هالله فيها.
احمد:انجبن انتن بعد. اصطلبن .. مش لانكن معرسات صار الموضوع عادي.. يالله. مناك.
ميره:هههههه ماتبا كورسات.. خصوصا انك غايب حول السنه. وكنت فاقد الذاكره. يعني... . يعني عادي نعطي توجيهات ببلاش.
احمد:لا حبوبه مشكوره. خخخ الذاكره تمسح كل شيء. الا ها الشيء خخ هاي غريزه والغريزه ما تنمسح جان تبن انا بعلمكن كيف
ميره ومهره احمر ويهن..
ميره:احمد حرام روضه تترياك.
احمد حط ايده على قلبه:فديتها.. يالله انتن مناك. وخلن ها الملسون عندكن.
مهره:هه ان شاء الله بس انته توكل.. والله ويهي عورني
احمد:محد قالج اترزين ويهج.. اوين بيعلمني .. هع.يالله ..
طلع عنهن وهن يضحكن عليه.. وفي نفس الوقت كانن مستحيات.
سعيد:عمووه ابا حلاوه.. هذا احمد قالي بييب لي باجر.. انا ابا اليوم..
ميره:حبيبي هذا احمد.. يكون بابا. اذا تبا حلاوه قوله باباه ابا حلاوه الحين وبيوديك وين تبا. بس ان قلت له احمد مابييب لك ولا بيوصلك اوكي.
سعيد:عادي بسير عند باباه ناصر.. هوه بيوديني. مابا من عند احمد.
مهره:ههههههه مافي امل.
رجع احمد عند روضه ولا طلعوا لين المغرب.. كانوا مسوين له عزيمه وعازمين كل الاهل..طلعوا ويلسو وياهم.. ومن خلصوا عشى اترخص احمد. لانه بعده بتوقيت امريكا.. فحاس بالنعاس. ويوم دخل عند روضه مارقد الا ساعه وحده بس..دخل القسم لقى هنوده محطوطه في الصاله وعندها سعيد والخدامه حاطين طيور الجنه. واشوي كراميش. شل هند عنها و سعيد مابغى يخلي القناه .. هيه سارت وسكر الباب علشان مايطلع سعيد.. يلس يلعب هند على الكراسي لين رقدت ورقد هوه وياها. كان حاطنها على صدره وراسها على كتفه..ياهم سعيد وخش بينهم وبين الكرسي ورقد وياهم. يت روضه الساعه 11 ولقتهم رقود على الكرسي. مسكت الكيمره ويلست اتصورهم في هاي الوضعيه.. اتقربت منهم وشلت هند عن ابوها.. ولا حس احمد من التعب. وبعدها شلت سعيد.. ودخلته الغرفه.. كانت بترجع اتوعي احمد.. بس خلته لين تبدل ملابسها وتمسح المكياج الي في ويها. خذت لها شاور بسرعه وطلعت. سارت صوبه لقته واقف عدال الباب. يتأملها..
احمد:اتعرفين انج حلم للرجل الشرقي والغربي..
روضه ابتسمت ويت صوبه وحطت راسها على صدره .. احمد لوى عليها وباسها على راسها..
احمد:اعشقج..عشقن لايعد ولا يحصى..
روضه:تعشقني وتنساني ست شهور يا احمد.
احمد باس خشمها:والله مب بكيفي.. بس من قالت البنت الكلام اتقولين فتحتي بييب ماي فجأه اندفع كل شيء في ويهي مره وحده. جنه حد كان مسكر الستاره وفجأه فتحها وبان كل المستور..
روضه:الحمد لله. مابا اتخيل لو ما قالت البنوته الكلام. كنت بتم اهناك طول عمرك..
احمد:مستحيل ياقلبي.. لازم بيي وقت ترجع فيه ذاكرتيه بس الحمد لله رجعت ورجعت لكم..وانا الحين في احضان الي طوول عمري كنت ادورها..
روضه:متأكد؟ طول عمرك كنت اتدورها. يعني نوف ماكانت ملكه حياتك.
احمد:ولا واحد بالميه. نوف كانت واقع او حلم انا كبرته او كبرت وانا عليه..مثل الي كان مكتوب لك. ولازم اتسويه الحين او بعدين بس في الاخير بتسويه..تعرفين من متى انا محيرنها؟
روضه: اممم لاا.
احمد:اممم من ايام الابتدائي.. كنت اظن في صف سادس وهيه بعدها يمكن وهيه يمكن في الكي جي.
روضه:اووف.. من يومها..
احمد قرصها في خشمها:الحين عرفت سعود من وين ياب كله اووف. اذا الام اتقولها. كييف مابيقولها هوه.
روضه:ههههههههههه فديتك. اووفي انا.. القصد منها التعجب.. وليس الجحود.. ياقلبي.
احمد بنعومه:منوه..؟
روضه بنبره حالمه:ياقلبي.. وعمري انته.
احمد:فدييتج.. تعالي .انسير.
روضه:وين.
احمد :ههههههههه المريخ.. (شلها وساروا الشبريه)
احمد ماقدر يرقد لانه يفكر بالي صار لمهره.. معقوله فهد يشك بمهره. بس .. الي صار مش هين. ولين الحين الناس تتكلم. بس المفروض انه مايسوي الي سواه ويا مهره. مهره عاااااااااد. الي تخاف من ظلها.. لازم يوقفه عند حده.. اذا ماقدر يتحكم بنفسه مهره مابتم عنده دقيقه وحده..بس هو وعدها انه مايكلمه وهيه بتقول له اذا صار اي شيء.. حس بروضه تتنهد.. اتقرب منها ولوى عليها ورقد... نش الصبح. وشل وياه ميره بيخطفها لبيت ريلها.. ولانه هوه قالها ان ماردت البيت اليوم مابترجع مره ثانيه.. واحمد مايلوم حمد. لانه مرت اكثر من ثلاث شهور وهيه في بيت اهلها. وفوق هذا الحبيبه حامل ووموصله. دخل وياها وسلم على حمد واخوانه. ويلسوا يسولفون وياه.. وبدى التحقيق كيف ومتى وشو وليش صار الي صار له.. طلع من عندهم. الساعه 12 ونص.. صلى في المسيد وسار الشركه عند ابوه.. يلس لين العصر وبعدها ردوا البيت.. الغدا كان على سلامه احمد. في الشركه كانوا مسوين بوفيه لسلامته.. واجتمعوا كل رياييل العائله.. بدون فهد الي كان بعده في العمره بس باجر بيي.اتقرب منه ولد خاله غانم..
غانم:الحمد لله على السلامه..الشاهد الله انا كلنا فزعنا امريكا اندورك.. ولا لقينا اي شعره توصلنا لك.. وبصراحه لين آخر يوم لنا اهناك كان عندي امل انا بنحصلك..(ومسح دمعه من عينه) الحمد لله انك بخيير.
احمد لوى على غانم:الله يسلمك ياغانم. والحمد لله عدت السالفه على خير..
وصدقني لو اني مافقدت ذاكرتيه من ثالث يوم بتلقاني في السفاره. ياغير ماعرفت منوه انا.. اربع شهور.ولو ما الخيل الي فرني من فوقه ما اظن انه ذاكرتيه بترجع لي..
غانم:الحمد لله.. ياريال..
احمد:الا بسألك غانم.. فهد اخوك وين؟؟
غانم ارتبك:ااه.. فهد في العمره.. سار ويا الشباب.. البارحه اكلمه وخبرته انك ييت.. ما اتصدق كييف كان مستانس.. ويقولك ان شاء الله.. الاسبوع الياي السفره على حسابك.
احمد:ههههه. لا ياريال. انا هاي الفتره ما افكر اطير لاي مكان. خلوني في البلاد احسن لي. وبعدين اهليه ماشبعت منهم صار لي سنه برا... بيلس وياهم وبشبع منهم.
غانم رفع حياته:اهلك. تقصد العيال والحرمه.. ولا ابوك وامك ويدتك.
احمد:يقولك يازينك وانته ساكت.. وبعدين تراهم هذيلا اهليه.. اكيد الافضليه لعيالي. خخ لا تخبر ابويه. هه
غانم:هههههههههههههه..عنا الله تك.. اتبدي عيالك على ابوك.. وييينه الحين بخبره..
احمد:هههههه ياحيوان... لا والله فديتهم كلهم غاليين. ياالله يا غانم ماتتصور كييف كنت متولهه عليهم..14 ساعه الي في الجو. جنهن سنه.ماطاعن يخطفن بسرعه..
غانم:هه اكييد ياريال.. يالله الحمد لله على السلامه. وان شاء الله ما تتكرر لا لك ولا لغيرك.حرقه الفواد تراها مب هينه..
احمد:الحمد لله على كل حال,, والله يسلمك ويسلم كل مسلم.. خخخ شوف ابويه.. يبى يروغهم ومتوهق. مايعرف كيف..
غانم:ههههه ياريال ولده ياي من السفر.. لو انه ماياب الدكتوراه.. بس على الاقل ياي من محنه. المفرووض يكون بشووش طووول الوقت وينسى الشغل اشوي.. طالع طالع... كيف يشوفنا.. جنه يقول انته السبب الي خلاني اخر شغلي .. ههههه
احمد:ههههههههههه. لا حرام عليك. خلنا انسير صوبه
غانم:يالله تعال..
من خلصوا الغدا..رجعوا لشغلهم .. وعلى العصر عبدالله واحمد ترخصو وسارو البيت احمد كان تعبان لين الحين ساعه البيولوجيه توقيت امريكا. وفوق هذا انه مب راقد زين البارحه.. كان يفكر بمهره وفهد.. مارقد الا حول الساعتين تقريبا.. وصل البيت ماحصل روضه. ولا عيالها.. سار الحجره سيده وفج كنتدورته ورقد.. روضه سألت عمها عنه.. قال لها انهم يايين رباعه.. طلعت تبى تيب تلفونها من القسم. لقت سيارته برا.. رجعت شلت هند لانها مابترجع لهم الحين.. وخلت سعيد الي كان يلعب مع عمها بالمكعبات.. سارت القسم وحطت هند في سرير الشبك مال الالعاب.. وسارت الحجره. لقيت الليت مسكر والستاره مبنده والمكييف بااااااااارد.. والكندوره مفرووره تحت. والبوك والسويج والسفره الي طايح تحت والي على الطاوله... واحمد راقد على الشبريه.. اتقربت صوبه. وباسته على راسه. انتبهه احمد.
احمد بصوت ناعس:هلا..
روضه بصوت حنون:اهلين ياعمري.. شوه فيك.؟
احمد قربها منه ولوى عليها:مافيني شيء. تعباان بس.
روضه باسته على خشمه:من شوه الحلو تعباان؟
احمد: امممممم.. اذا بتعطيني بوسه ثانيه بقولج..
روضه:هههههه يالعيار.. اندووك(اموواح)) على خده.. يالله قولي شوه فيك.
احمد:بطمع تراني. ههههه..
روضه:حماااااادي.. وبعدين يعني.شوه فيك. شيء يعورك؟
احمد نش اشوي واتساند على ذراع وحده وعادل ويها:بسألج روضه.. مالاحظتي شيء على مهره؟
روضه عقدت حياتها:مثل شوه يعني؟
احمد:امم اي شيء؟؟ وليش لين الحين ماحملت وكملت تقريبا فوق السنه من عرسوا؟وميره حامل؟؟ وهن كل شيء يصير لهن رباعه ..شوه السالفه.
روضه نزلت راسها:ياريت لو تسأل مهره عن ها الشيء؟
احمد بصوت عصبي اشوي:ليش؟؟
روضه:ياعمري. هذا الموضوع موضوع خاص.. ماحبيت اتدخل فيه.. بس سمعت امك تسألها وهيه اتقول انه مب وقته.
احمد:لا والله متى وقته يعني.؟ بعد ما تعيز؟؟
روضه:ما ادري بها.. علشان جذيه قلت لك انك احسن تسألها.؟
احمد:روضه بسألج وجاوبيني بصراحه.. انتي اتعرفين شيء عن علاقه فهد ومهره؟؟
روضه بلعت ريجها:شوه تقصد؟
احمد:روضه لو سمحتي لا تخبيين عليه.. تراني دريت بالسالفه..
روضه:عيل يوم دريت بالسالفه ليش تسأل..
احمد:من متى وهوه يضربها؟
روضه :امممممم من فتره. بعد شهر العسل تقريبا.. اكثر من مره يوم كنت اكلمها كنت اسمع نصخ حد غريب عدالها. واكثر المكالمات يوم اتصل بها كانت اول شيء اتكون سبيكر وبعدين تحط عام.
احمد:وليش عاد؟شوه لاقي عليها؟
روضه:يعني انته ما اتعرف.. احمد ..فهد فيه مرض نفسي. الي صار مع خواته مب هين. والفضيحه الي طلعت تراها كبيره. ولين اليوم والناس تتكلم عنهم.. والي سمعته منها. انه كل خواته الحين يتعاملن بنفس الطريقه.طلعاتهن وسيراتهن كلهن بأمر ولازم موافقه او مرافقه من خوانهن..وحتى امهن ماتطلع من البيت. ولا تستقبل حد.. والبنات مايطلعن الا للدوام واذا بغن السوق واحد منهم هوه يوصلهن..
احمد:هييه بس.. مهره غير..
روضه:تعال فهم عاد..الحين هووه يشوف اي تصرف من مهره يثير الشك.
احمد:لا والله.. مهره ماعندها حركات خواته الضايعات.
روضه:حبيبي.. لاتلومه. وبعدين يباله وقت علشان يقدر يثق بالي حواليه. يااحمد..
احمد:لا والله. علشان يثق بها.. يضربها.. لا ابويه ولا انا في حياتهن مدينا ايدينا عليهين. ايي هذا الحين ويضربها. بس والله.. ان مد ايده عليها. لاطلقها منه.. مهره مب ناقصه مريض نفسي يضربها لانه متأثر بسلوك خواته..
روضه اتنهدت:حتى لو كانت حامل منه؟
احمد:تعرفين روضه.. اشك انها بتحمل منه.. لانه عادي باجر يتهمها انه مش منه.. والله لاذبحه..
روضه لوت على احمد:هد نفسك حبيبي.. ان شاء الله مابيصير الا كل خير.
احمد:آمين..يالله خليني اقوم اتسبح.. كم الساعه الحين؟
روضه:بعده ما آذن المغرب.. انا لوعرفت انك هنيه جان ييتك. وماخليتك ترقد العصر.
احمد:ههه الحمد لله انج ماكنتي .. والله تعباان حاس بخموول في جسمي. بشكل غير طبيعي..والبارحه مارقدت عدل..
روضه:فدييتك.. يالله قوم اتروش.. وتعال بنووتك حطيتها في منز الالعاب..
احمد:فدييتها.. وفديت من يابها..
روضه استحت:ههه لازم تتفداها قبلي يعني..
احمد:ياربي يا الغياره. حتى اتغارين من بنتج.؟
روضه:انته ما اتعرف انه البنت عديله امها
احمد:ههههههههه.. هنوود عاد.. امممم حرام عليج.
روضه:لا مب حرام.. باجر بتشوفها بتغار من كل شيء. ليش خذتي لج وماخذذتي لي.. وليش يبتي ومايبتي لي.. يعني. ويعني.
احمد:ههههه يفداها.. الي بتييبينه لج هاتي لها..اي شيء ولا تخلين شيء ابد..
روضه رفعت حياتها:خخ حتى قمصان النوم.. القصار والشفافات..
احمد اتحنحن :ااااه.. اييه عيب .. شوه هذا بعد. انا ما اعرفه..
روضه:ههههههههههههه.. ليش عيب.. هههه وبعدين يعني تباني اصدق انك ما اتعرف شوه هذا.. ههههه
احمد:ههههههه.. يالله قومي عني.. خليني اسبح روويض.
روضه:ههههه. يالله قوم . بسير عندها. تباني اطلع لك كندوره من اليداد؟
احمد:هييه..خخخ اي يداد.. كملن سنه,خخ بسير افصل غيرهن.
روضه:حبيبي اي شيء ماكد لبسته هوه يديد. وليش ها اللعب زينات ومافيهن شيء..
احمد:لا حبيبتي.. وسعن عليه. واحسهن قصار اشوي..
روضه:لا مب قصار الا قول انته عندك كم فلس وتبا اتخلصهن.. عطني اياهن بتشري ملابس لي. وبفصل عبايا..
احمد: وااااااااع. ياكثر مشترا الحرمات.. الا عبايا.. وكنادير. ونعول وشنط. وجواتي ومكياج.. وعطور. كل ست شهور مكياج وعطور وعبايا.. ويقولون ليش المطر ما اييني.. والفلوس بسرعه يعبرن.. طبعا بيعبرن..
روضه:هههههههه... انزين يعني انتوا ماتلعبون بالفلوس.. كل يوم تلفون يديد.. وكل سنه سياره يديده. وقيمه السياره ماتنزل عن 200 الف.. واكثر.. وفوق هذا تبيعون القديمه بخساره.
احمد مد بوزه:المهم.. على الاقل السياره تنفع.. اووه.. ماعلينا..خلينا عن هذا الموضوع.. خوزي عني خليني اسبح(نش ودفرها على خفيف وسار الحمام)
روضه:هههههههه.. ماعليه..
سارت روضه عند بنتها ولقتها راقده على دبوبها الكبير .. شلتها وحطتها في سريرها.. وطلعت لاحمد ملابسه وسارت تيب سعيد. لقته يشوف التفلزيون وفيه رقاد.. مابغت ترقده وقت. شلته وسارت وياه برا. يتمشون علشان يخوز الكسل عنه.. خلص احمد ولبس ملابسه وطلع لقاهم برا. سار صوبهم ويلس يلعب مع ولده لين آذن المغرب..
مر اليوم بدون اي احداث. لين الساعه 4 الفير. صاح التلفون عند مريفه.
مريفه:الو. مييره شوه بلاج؟
ميره:ااااماااااايه تعباانه.. تعالي بسرعه نحن برا.
مريفه:يالله دقيقه بييب عباتي وبييج.
ميره:امايه فديتج بسرعه. لا تتأخرين.. ولا تراني بربي في السياره.
حمد برووع:لاااااااااا. دخيلج.
ميره:انته هذا الي هامنك سيارتك..ومب هامنك انا وبنتك..
حمد:ههههه اكيد ياعمري. بس والله السياره يديده..
ميره وفي عيونها دموووع :حمـــــــد..!!
حمد:هههههههه تفداج ياقلبي تفدااج. بس قومي انتي بالسلامه.. الا شوه قالت امج؟
ميره وهيه تتنفس بقوه لانه الويع خلاص على نهايته:ق..الت الحين. بتي,آآآآآه.. يعووور
حمد مسك ايدها. :فدييتج..
ميره:كله منك.. انته الي تبا تيب العيال..آآآآآآآآآه..
حمد:هههههههههه ياربي.
من يت مريفه بسرعه سارووا المستشفى.. وماكملت ميره ربع ساعه الا وهيه يابت التوم الحلويين
مريفه:ماقلتي لي انج فيج توم.
حمد:عمتيه المفروض انا الي اعرف قبل.. وماخبرتني..
ميره:ههههه ماقلت لكم حبيت اسويها مفاجأه لكم.وانته يا العيار اونك ماتعرف اني فيني توأم.
حمد:لاا.. انتي قلتي بنت..؟
ميره:لا والله.
حمد:هييه. عمتيه قالت لي فيني بنت..
ميره:وولد..
مريفه:ههههه يتربون في عزكم ان شاء الله ومبروكين يارب.. وعقبال المهر. ان شاء الله.
ميره نزلت راسها:آميين.
مريفه:اووه نسيت ابشر ابووج. واخووج.
سوت لهم وبشترهم. والساعه8 الكل متجمع عندها,,احمد وروضه وعبدالله وناصر ولطيفه وفاطمه والعنود وريلها خالد. وامها وابوها.. كلهم كانوا مستانسين ب خالد وخلود..كانوا متشابهين في كل شيء..وكتكاكيت.
مهره وصلت مع فهد على الساعه 12.
فهد:الحمد لله على السلامه بوشهاب..
احمد:الله يسلمك فهد. وعمره مقبووله ان شاء لله.
فهد:تقبل الله منا ومنك.. اتصلت بك البارحه مارديت عليه؟
احمد:تلفوني في السياره نسيته.. ومن وطيت راسي على المخده مادريت بالدنيا..
فهد:هههه تعوييض ياريال..
احمد:ههههه الحمد لله على كل حال.
فهد:مبروك اليهال عليكم. وتستحق سلامه امهم.
احمد:الله يبارك في حياتك.. وعقباكم يارب.
فهد نزل راسه:آميين.. الا وين عمي ببارك له.
احمد:ابويه توه هنيه.. يالله اسمحلي بعد بسير ابارك للمربي.
فهد:ههههه
احمد سار الحجره وهود. ومن دخل.
احمد:السلام عليكم..
الكل:وعليكم السلام والرحمه.
شمه ام حمد:مبرووك ماياكم يابوسعيد.
احمد:الله يبارك في حياتج ام حمد.. ومبرووك الصغاريه عليكم. وتستحقون سلامتهم
ميره:وانا مايستحقون سلامتيه؟
احمد:هههههه وانتي دووم ناشبه. تري لين اييج نصيبج..
ميره:ههههههه شو اسوي طبعي هذا.
احمد:ماشبعتي من القرص الني..خخخ
ميره:شو انسوي. عاد..
اتقرب منها ولوى عليها وحبها على راسها..
احمد:الحمد لله على السلامه.
ميره:الله يسلمك يالغالي..
احمد:منوه يشبهني فيهم.
ميره:وليش يشبهونك. المفروض يشبهوني انا او ابوهم.
احمد:عيل من الحين اقولكم. عيالكم مش حلوين اذا ماكانوا يشبهوني.
شمه:امبوونك ماتخرب بوسعيد. ياغير الحين الصغاريه ما تعرف على منوه طالعين.. من يكبروون تعرف لهم.
احمد:لاا خلاص. ماباهم يشبهوني. باجر ناس بيستغلون الوضع.. تعال شلهم وودهم وهات لهم لانهم يشبهونك.
الكل:ههههههههههههه
العنود مسكت ايد روضه: ايييه. والله طلع حبووب ريلج ينكت.
روضه :وانتي شوه رايج.. وبعدين شوه هاي حبوب؟
العنود:هههههه ياربي على الي يغاارون وين روضه الجديمه. الي ماتباه.
روضه:منوه هيه هاي .. انا ما اعرفها..
العنود:ههههههههههه. مكر..
روضه:ههه انتي اخبارج. واخبار بنوووتج الحلوه.
العنود:اكييد الحلوه دامها مسمايه عليج.. يسرج حالها البزاا كل ما اييه ويزييييد. ومحد مخرربنها غير ابوها..تعزر عليه يوصلها الجمعيه عز الظهر والله لو هوه تعبان بيوصلها.
روضه:حبيبتي.. فديتها كل شيء يهون علشانها.
العنود:هييه خربوها لي. مكفني ابوها..
روضه:هههههههههه..فديتها.. والي البيبي اخباره.
العنود:آآه لا تتخبرين. والله متعبني. فوق ما تتخيلين ومايحلى له الرفيس الا في آخر الليل.
روضه:ههههههههه الله يكون في العون.. يالله هانت. شهر بالكثير وخلاص.
العنود:الله كريم.. الا ماخبرتج حصوه ربت امس.
روضه:والله. مبرووك تستاهلون سلامتها.. شوه يابت؟
العنود:ولد. وماشاء الله عليه. من طاح صياااااح درجه اولى.
روضه:هههههههه حبيبي.وشوه سموه؟
العنود:والله لين الحين يتشاورون. بس اعتقد انه بيسمونه فارس.
روضه:حلوو الاسم كان في خاطري.. ان شاء الله الولد الياي.
العنود:ههه ان شاء الله..
احمد:يالله اسمحولي الحين. بتمن اهنيه ولا بتسيرن؟
مريفه:لا انا بتم.. بس يدتك تعبت شلها وياك.
احمد:ان شاء الله. وانتي ام سعيد.. بتمين اهنيه.
روضه:لو اني يايبه هنود بقولك هيه بيلس.. بس فديهم في البيت.
احمد:هييه الا عشان عيالج بتردين البيت مب عشان ريلج
روضه:هههههه ريلي بوطيني في البيت وبيسيرعني. ومابيجابلوني غير عيالي فديتهم.
احمد:ههه ماعليه.. يالله عيل. فمان الله.
روضه:مع السلامه
العنود:هههههههههه مع السلامه. بعدج ملسونه.
روضه:هههههه ولو..
العنود:خخخ
سلموا على الكل وساروا البيت. مرت الايام وطلعت ميره من المستشفى ويت عندهم لانه تبى حد يساعدها على عيالها. وعمتها شمه لانها دوم مشغوله ماتقدر تيلس في البيت. ف بتم ميره عند اهلها فتره الاربعين لين يكبرون عيالها زين وتقدر تتحكم بهم.. وكان حمد ايها يوم يتوله عليهم..والبيت بما انه محد فيه غير روضه الي في قسمها الي برا.. فكان ماخذ راحته.ايي وقت ما يبا ويسير وقت مايبى..مرت الايام وياهم لين خلصت ميره الاربعين. ومابقالها الا ايام واتسير بيت ريلها.
كانوا كلهم يالسين في الصاله. عند ميره وعيالها
عبدالله:الا المهر متى بتيبون عيال انتوا بعد.
مهره شحب ويها:والله . ياابويه كله عند امر ربي.
عبدالله:ونعم بالله بس ماتعالجتوا ماسرتوا المستشفى.؟
مهره:هييه. وقالوا كل شيء طبيعي.
عبدالله:هيييه. الحمد لله..
مريفه:ماتبين تاكلين لج شيء مهره. تراج من يتي ماذقتي شيء.
مهره:مااريد امايه. لاني ماكله قبل ما اييكم.عمتيه مسويه قهوه وريوق حق غانم في الدوام. وخلو لنا في البيت وكلت منه.
عبدالله:هييه. وانتي ميره متى بتسيرين بيتج.
ميره:افا يا ابويه ملييت مني.
عبدالله:لا حشى ياغير ترا عيالج ماذاه وحشره.
ميره:افااااا. خلاص يابويه من باجر انا برجع البيت.
عبدالله:هههههههههههه. زين.ههههه لو اني تحريتج بتقولين اليوم.ههههههه
مريفه:ماعلييج منه. عيار. من ينش الصبح ويلس متملل في الصاله وكل ساعه يتخبرني هزرج ميره وعيالها نشوا ولا بعدهم.
عبدالله:متى هوه. الا انتي حنييتي على العيال.
مريفه:لا حشى الا انته مستقطع على عيالهم.. وقبلهم عيال روضه.
روضه:وانا اشهد.. سعيد من اطلعه الصبح ما اشوفه لين آذان الظهر.
عبدالله:خلييه بيطلع ريااااال.. مثل يده وابوه..
روضه:اكييد..
مهره:ههههه واتقول تبى الفكه من الحشره يا بويه..
ميره:تدروون عندي احساس انه ابويه كل يوم بيينا. يوم انروح من هنيه.
عبدالله:شو بييبني عندكم .. حشره انتي وعيالج..
مريفه:لا لا. الا جذيه السالفه.. وما اظن انه بيينا على الغدا ولا العشى.
عبدالله:بعد لازم بسير عند بنتي. مافيها شيء..
ميره:مرحبابك يا الغالي في اي وقت..
عبدالله:هييه هاي البنت الزينه.. مب مثل بعض الناس..
روضه:ههههههههههه. منووه تقصد يا عمي..
عبدالله رفع وحده من حياته:كل واحد يعرف عمره..
روضه:هههههههه والله ماقلت لك شيء.. انته الي روحت روحك..
عبدالله :يوم اني واقف عند الباب حول الساعه شوه تبيني اسوي.
روضه شقهت:ســــــاعه.. حرام عليك ياعمي. والله خمس دقايق.. حطيتها في سريرها وييت افتح الباب. ولقيتك مروح.
عبدالله:هييه الا خمس دقايق. الا عيزت سلختني الشمس.. وراسي عورني.
مريفه:هههه ماعليج منه.. الحين ما تبيون تاكلون شيء..هاي القهوه حق منوه مسوايه. لا انته ولا بناتك ذقتوا شيء.
ميره:حمد الحين بيي امايه.
مريفه:الحين بيي..
ميره:هييه توه مطرش لي مسج يقولي اشوي وبيوصل.
عبدالله:والله انكم خقاقين.. واصل لين البيت وبيطرش لها تراني يااي. ولا تراني مروح.. والله مكر.
مهره:ههههههه. هذا التطور يا بويه.
عبدالله:مالت من تطور.. انتي فهييدان يسوي وياج جذيه.
مهره نزلت راسها وروضه وميره تمن يطالعنها:ان..ا . لاا هههههه فهد ماعنده هاي الحركات. هههه (كانت تضحك بتصنع علشان ابوها مايحس بشيء)
احمد:السلام عليكم.
الكل:وعليكم السلام والرحمه.
دخل احمد وكان شال سعيد على كتوفه. وكل العاده قرطاسه الجمعيه في ايده. متروووسه.نزله عدال امه
احمد:اندووووج ولدج. حشى عبر الي في الجمعيه كله. ماخلى لا بسكوت ولا حلاوه ولا بيض. ولا سقم الا بغاه. وان قلت له لاا.. فج ثمه وصاح. تعالوا سكتووه عاد..
روضه:ههههههه. فديييت سعودي انا.
احمد:هيييه ضحكي محد مخرب سعوود غيرج.. صدق من قال من يخرب الولد امه..
روضه:احم احم..
عبدالله:اتحنحني لين باجر.. صدق محد مخربنه غيرج وغير ابوج
روضه رفعت وحده من حياتها:عمي. حط عينك في عيني وعييد الكلام.
عبدالله:شوه بعد احط عيني في عينج هاااج هااا شوفي(فج عيونه بيإديه على وسعهن) شوه تبين اتشوفين عيوني . ادري انهن احلى عن عيون ريلج.
احمد:ههههه لا والله. انا احتج.
عبدالله:ماعليه منكم.. ولا شوه الراي يا ام احمد
مريفه:اكيييد. ماعندي شك.. اصلا بوشهاب طالع الا عليك.
احمد:ويييه ويييه.. قالوا لهم من يشهد لكم. قالوا ابونا.. خخخخ
مريفه:عنا الله تك يا الهرم.. عندك شك بأبوك بعد.
احمد:لا حشى. ابويه على عيني وراسي.. بس اسمحولي انا جمالي مايبته من بويه. انا جمالي. الغاوي يايبنه من حيات يدي. محمد..
عبدالله:مريفه عطيني كرتون الكلينكس الي عدالج.
مهره وميره وروضه يسمعون النقاش وهن فاطسات من الضحك. وسعيد طلع الي في القرطاسه وجبها على الارض. ويلس يفج الحلاوه ياكل منها اشوي ويعقها..
روضه:هيييييييييي.. سعييد بابا شوه هذا. ممنوع تاكل الحلاوه جذيه.
سعيد:ماااابااا. هذا مالي هذا احمد يابلي اياه.
احمد يأشر على عمره :هذا احمد؟؟ الهرم انا ابووك.
سعيد هز راسه:لاا.. بابا احمد داخل التلفزيون الصغيروني.
روضه:هههههه ولديه بعده مصر. انه احمد في اللاب توب. ههه مب را ضي
يقتنع انه ابوه رد.
عبدالله:هييه يا سعيد. هذا الا احمد.. ههه وانته صادق ..
سعيد نزل راسه على طرف: الا احمد؟ هههههه هيييه.. صح.
احمد:ايييه .. سعوود.. هذا الي ناقص.. ابويه الله يهدييك والله لا ياخذها. باجر بيفضحني وبيرمس عند الريايل.
عبدالله:هههههه. تستاهل. عيل اتقول انه جمالك على جمال يدك.. تستاهل .زيده يا سعيد. وهاي مش امك. هاي الا رويض.
روضه:هههههه. عمي الله يخلييك والله لياخذ برمستك.. من ايام ابويه ناصر يوم كنا عندهم.قال له انته ريال وما ترقد تحت, خل هن يرقدن تحت وانته ارقد على الشبريه.. مادريت به الا وهو يسحب خته من فوق الشبريه يبى يعقها تحت.. دخييلكم ترا ولديه يصدق..
لطيفه داخله عليهم كانت في حجرتها وسمعت الرمسه:واخيبتيه وانتي وين عنه؟
التلفتوا لها. وسلموا عليها..
روضه:ههه انا عندها..بس كنا يالسين تحت في الغرفه وهند على الشبريه. وهو فيه رقاد. وحاطتنه على ريولي. مادريت به الا وهو ناش وساحب اخته.
احمد:ههه وعمي شوه سوا؟
روضه:فديته تلوم.. بس ما يتوب.. نصحه قال له الشبريه حقك وحق اختك. وامك وابوك تحت يرقدون
احمد:بتبطي يا ولد رويض ترقدني تحت.. لاعقك انته وامك برا. مش تحت..
مريفه:ههه وحليلهم وين بتخليهم.
روضه:ياربي. عندي ريل قاسي.. بيفرني برا...
احمد:الصاله كبيره والغرفه الثانيه فاضيه مافيها شيء. دام السالفه انه الشيخ سعود يباني ارقد تحت.
لطيفه:ههه فدييته من حقه.. وشوه عليكم انتوا مسودين الوييه..انته وروضه. رقدوا تحت وخلوهم هم فوق.
روضه:هههه.. ترا السالفه كبرت.. يدووه. سعيد من النوع الي يتجلب وايد.. عادي تلقين راسه عند ريولج. ورويوله على ويهج..
احمد:ههه يحووووس على الشبريه.. ههه ويختمها بالطيحه تحت. ما نتبه على صوت الارتطام.. يوم يصقع تحت.. طاااااااااااخ..
مهره:ههههه حياتي. فدييتك يضحكون عليك..
سعيد:بلااايهم مابعطييهم حلاوه.. تبين عموه؟؟
مهره:هييه عموه ابا.
سعيد:اندووج علشان يووم اتسووين بيبي يغدي حلوو مثلي. صح هذا احمد.
احمد طالع مهره الي نزلت راسها وهيه بعدها ماده ايدها له.. حط سعيد الكتكات في ايدها بس مهره ما مسكته. نشت وفي نفس الوقت هود حمد عليهم نشت روضه وياها وسارن الغرفه.. دخل حمد وسلم على الموجودين ويلسو يسولفون.
مهره:تعباانه ياروضه والله تعباانه..لين متى بتحمل.. وحتى سعيد.
روضه:مهره فديتج.. سعيد مش قاصد.
مهره اتنهدت:ادري فديته مش قاصد.. بس لين متى بتحمل.
روضه مسكت كتف مهره:انزين يوم رد من العمره ما حسيتيه تغير؟
مهره عقدت حياتها:ماادري شوه اقولج ياروضه.. مرات احسه بدى يثق فيني.. ومراات احسه بيين من الشك.. تخيلي مره دخلت اسبح.. وكنت اكلم ميره في االتلفون.. ودخلت الحمام.. ماقدرت اطلعه حطيته على الطاوله ودخلت الشاور يا فهد ويلس في الغرفه.يوم طلعت طلعت التلفون ويايه.. يوم شافه سوا لي قضيه.. ليش مدخله التلفون وياايه. منوه كنت ارمس.. وليش في الحمام. وسين وجيم وماطاع يقتنع اني كنت اكلم ميره من نص ساعه. واتزاعلنا بس في اليوم الثاني ياني ولا جنه صاير شيء. حاولت افتح الموضوع وياه.. نش عني وسار عند خوانه وطلعوا بالسياره. صرت اكره اكون وياه يا روضه.. كل ما ايلس ويااه. يتم يطالعني جنه يتريا الزله عليه.. ومن يومين يا واحد يبى يخطب حسنه.. تخيلي بعدهم ما تخبرووا عن الريال. قال لهم انهم موافقيين. وطلب انهم يملكون بسرعه.. اهل الريال خافواا وبالباجر اتصلت امه وتعذرته اونه الولد بعده بيدرس..
روضه:ياربي.. يبى الفكه..
مهره:هييه. بس مش عارف شوه يسوي.
روضه:انزين خالج ماقاله شيء؟
مهره:هه ليش حد يقدر يقوله شيء.. حتى خالي. ماقدر يقوله شيء. كل ما يتكلم عن انه ابوهم. يقوله واضح حرصك علي عيالك.. والدليل ضياع بناتك.خالي فديته مايقدر يقول شيءو يهز كتوفه ويقولهم كيفكم.. ويطلع. تخيلي مرات ياخذ اسبوعين ما انشوفه فيهن.. ومرات عادي يكمل الشهر..
روضه:ياربي.. معقوله..؟
مهره:هه عادي ما استغرب ان عرفت في يوم من الايام انه خالي معرس في بوظبي.
روضه: لااا مستحييل؟؟
مهره:حبيبتي ريال يداوم في بوظبي. وما ايي الا بعد اسبوعين او اكثر. معناتها انه يالس بروحه.. ما اظن.. وحتى قبل سالفه نوف كان نفس الشيء
روضه: والله ما ادري شوه اقولج. بس كل شيء جايز... والله يستر.
مهره:ههه . شوه علينا.. (صاح تلفون مهره وكان فهد.. طلعت عنها روضه علشان يتكلمون براحه بس رجعت بعد اشوي لانه مهره كانت اتصيح)
روضه:باسم الله. شوه صاير؟
مهره:آآه ياروضه. والله تعبت. وكرهته خلاص.. فهد هذا انسان مريض نفسي.
روضه:ليش شوه قالج..
مهره:تخيلي الحين يقولي زهبي اغراضج.. وكوني براا.. بييج وبشلج. ومايبى يدخل البيت.
روضه:كيف بتطلعين وريل ميره برا؟
مهره:ماادري قالي دبري عمرج وخمس دقايق بلقاج برا. وياويلي ان يا ولا لقاني. تعبت خلاص.
روضه:ماعليج منه.. بخلي احمد اييبه داخل لين يطلعون اغراضج..
مهره:لااا. مافيه اخافه يعصب مافيه والله.
روضه:مهره فديتج مايصير.. بخلي احمد من ايي هوه يطلع براا اونه يتكلم في التلفون ومن يشوفه بيعزمه يقرب. ماعليج انتي.
مهره اتنهدت:الي اتشوفينه..
روضه:تمام عيل.. صبري اشوي بطرش لاحمد مسج. وفعلا من وصل فهد برا. اتصلت به علشان يطلع مثل ما اتفقوا طلع احمد براا يكلم روضه الي شرحت له الوضع..والتفت صوب الباب وشاف فهد..
احمد:تمام عيل بكلمكم بعديين. يالله مع السلامه..
روضه:لا تخلييه يشك فييك.. عادي يبهدلها.
احمد:والله ياوييله.. ان فكر بس..
روضه:ههه فديت ريلي انا.. ياخي والله احبك.
احمد:ههههه. اصطلبوا.. عاد.. يالله. مع السلامه.. مرحبا فهد .
فهد نزل من السياره:المرحب ولا هان. احمد اشحالك.
احمد:الحمد لله يسرك الحال. اقرب.
فهد:قريب والله مستعيل. الا المهر وين..
احمد:مهره داخل الحين بتطلع ياغير حمد بن .. هنيه ياي يشل فرييجه بعد. وماقدرت تطلع اقرب داخل فنيان قهوه.
فهد:والله مستعيل..
احمد:ياريال فنيان مابيضر. لين يحملوون الاغراض تعرف انته اغراض الحرمات وااايد.. ستين شنطه.هاي وهيه ماعندها عيال.. واذا عندها عيال تلقى الشنط طروووووووق.. مايخلصن شنطه ورا شنطه..الا حق الحليب.والي حق اللبس. والي حق الحفاضات والي حق الالعاب والي والي.. تدخل الحجره عليهن تلقاها كلها شنط من اولها لين آخرها. واتقولك مش وايد.. اشياء بسيطه وضروريه.. بس
فهد:هههه. ياريال اتعرفهن انته الحريم.
احمد:ههه اكيد؟ تعال اقرب..
فهد:مشكور.
وفعلا دخل فهد والخدامات كانن يحطن اغراض مهره في السياره ومن روح حمد وعياله وميره. ترخصوا هم وطلعوا.
احمد:شوه فيج؟
روضه:والله افكر في مهره..حبيبي لازم يتعالج فهد.
احمد:حبيبتي علاجه بس هذا.. ان فكر بس ان يلمس شعره من راس مهره.( وكان ماد اييده معناتها بطراق)
روضه:الضرب مش حل يا احمد..
احمد:مرات يكون هوه الحل الوحيد..
روضه:الله يهدييه..
احمد:آمين.. يالله انتي ما تبين السوق ولا هونتي خلاص..
روضه:هيييه ابغييه. وايد اغراض ناقصه في القسم ولعيالك.
احمد:يالله عيل.. عندج خمس دقايق.
روضه :واذا ماخلصت في خمس دقايق ياويلي هههه
احمد:محشومه يا الغاليه. عندج الوقت كله. بس يقولج لو كان حبيبك عسل لا تلحسه كله
روضه:هههههه فدييت حبيبي انا.. العسل.
احمد:ايييه اصطلبي هذا اذا كنتي تبين اتسيرين السوق.. ولا ترا انا السوق الي افكر فيه. موجود قريب من هنيه؟
روضه عقدت حياتها:اي سوق قريب من هنيه؟؟ ما احيد انه فيه سوق تشتري من الملابس قريب من هنيه.
احمد ابتسم:ههه لا انا سوقي مش تشتري منه الملابس. خخ هوه نوعه كيف تتخلص من الملابس.
روضه احمر وييها واستحت وربعت بسرعه تخلص وهيه رابعه تسمع ضحكت احمد.. العاليه.. هههه كان يضحك من خاااطره. خطفت امه وسمعته يضحك.. تفدته في خاطرها. وتمنت انه بناتها وريالهن يكونون جذيه مستانسين مثل احمد وروضه.. من خذته وتعدلت العلاقه بينهن الضحكه مافارقت محياه..من قبلها كان دووم محتشر ومعصب.روضه غيرته وغيرت كل الي في البيت.. سارت حجرتها وصلت ركعتين شكر.في ها الوقت عند مهره وفهد كانوا ساكتين لين وصلوا البيت ونزلت اغراضها ولا كلمها فهد.
مهره:فهد. ممكن اعرف ليش ساكت.
فهد كان يشوف جدام وهو ماسك السكان بقوه.: اذا خلصتوا ممكن تنزلين ابا اسير الشباب يتريوني.
مهره:فهد هاي مش حاله. من يومين ماشفتك. وفي الاخير يوم نشوف بعض تنزلني البيت واتسير عني. جان خليتني عند اهليه يوم هاي السالفه.
فهد كان راص على ضورسه:داام النفس طيبه خليني اللتعن مهرووه..
مهره عصبت ونزلت من دون مااتقوله شيء. هوه عصب منها وحرك السياره بسرعه..ولا انتبه للسياره الي كانت وراه توها ياايه خبط فيها وضرب راسه السكان وغاب عن الوعي.. مهره يوم سمعت صوت الدعمه ترجع برا واتشوف فهد طايح على السكان وايده فيها دم.. والريال الي وراه كان نازل لانه الضربه يت على سيارته من ورا صوب التاير الوراني.نزل وحاول ينزل فهد من السياره بغم على مهره انها اتبلغ الشرطه والاسعاف. مهره ارتبكت وعينها على فهد الي يوم حركه الريال طاح راسه على ورا. وبان الدم الي على وييه..وماكانت متغشيه..
مهره:لا تقوولي انه مااات. دخيييلك(كانت اتصييح والجحال نازل على خدها)
:لا بعده عايش بس تنفسه صعب شكله ضرب السكان بصدره.. بسرعه اتصلي بالاسعاف..
مهره:ان .. شاء الله.
مهره ماعرفت كم رقم الاسعاف. دقت على اول رقم عندها كان رقم احمد الي كانوا توهم واصلين المول والحين بينزلون من السياره.
احمد:خير اللهم اجعله خير.. هاي مهره الي داقه.
روضه:رد عليها بسرعه يمكن شيء صار لها؟
احمد ياويله ان سوا بها شيء: الووو مهره شوه سواالج؟
مهره وهيه اتصييح. :الحقني يا احمد.. فهد . فهد دعم.. والدم يطلع من كل مكاان الحقني ياخويه.
احمد:دعم؟؟ شوه دعم. وكيف ويين.؟
مهره:الحين.. هنييه.
احمد:انتي شيء ياج..؟
مهره وهيه تتنافض:لاا.. نزلني وسار. بس ضرب في سياره ورااه. احمد دخييلك ما اعرف شوه اسوي.. اخاافه يموت.
احمد:هدي نفسج فدييتج انتي وين الحين؟
مهره:نحن. هنييه جدام البيت. بسرعه يا احمد.. اتصل بالاسعاف. ما اعرف رقم حد.. بسرعه ياخويه.
احمد:يالله الحين يايين..
الريال يوم شافها تتنافض اتصل بالاسعاف الي شلو فهد المستشفى ومهره ركبت وياهم وكانت ماسكه ايد فهد والريال لحقهم في سياره الشرطه.. لين يتطمنون على فهد مايقدرون يسوون وياه اي شي.. ولانه على كلامه وتفحص الحادث اتبين انه فهد هوه الغلطان.. لانه كان واقف جدام البيت ويوسف كان خاطف في الشارع وبما انه فهد حرك السياره فجأه وبسرعه يوسف ماقدر يتجنب الحادث.فيت الضربه وراا. وصلوا الطواري ولقوا مهره في حاله انهيار تام.. يت روضه عندها ولوت عليها كانت مهره ترتجف من الخوف واتصيح.
روضه:بس فدييتج ان شاء الله مابيكون فيه اي شيء..
مهره :وين مافيه شيء ياروضه وراسه كله دم.. آه ياروضه اخاف انه يمووت.. بموووووووت.
روضه:باسم الله عليج وعليه. هدي نفسج..
احمد:ويينه الحين؟
مهره اشرت على الشرطه والريال الي كانوا واقفين عند باب العنايه. :هنااك..
سار احمد صوبهم وعرف الريال:يوسف؟
يوسف التلفت على احمد وانصدم:احمد؟؟
الشرطي:انتوا اتعرفون بعض؟
يوسف:هييه بو سالم.
احمد:انته الي دعمت فهد؟
يوسف اتنهد:تقدر اتقول انا الي فهد دعمني.. مش العكس. كنت خاطف. ومادريت الا به مريوس وخبط فيني..
احمد:اها... الحمد لله على السلامه.. الا شوه حاله الحين؟
يوسف:والله توهم دخلوه غرفه العمليات ونتريا عاد.
احمد:الدكتور ماقالكم شيء؟
يوسف:يقول ضربه في الراس. لانه ضرب الجامه الجداميه والصوره بينت انه عنده كم كسر في الضلوع وشرخ في عضم الراس. شكله من قوه الدعمه خبط صدره في السكان.
احمد:ياربي...
يوسف:يقرب لك الريال؟
احمد:هيييه.. ولد خالي.
بوسالم:الله يشفيه يارب.. عاد بغيينا نحقق معاه.. بس الظاهر انه العمليه بتطول..تعال وياي يوسف بنسجل اقوالك لين يقوم بالسلامه فهد وبنقارن الاجابات معاه..
يوسف:ان شاء الله بوسالم..ما اتشوفون شر يابو..
احمد:سعيد..
يوسف ابتسم:يابو سعيد.
احمد:الشر ما اييك الغالي
يوسف:ههه يالله اسمحلنا عاد.. وان شاء الله بيي بتطمن عليه. واي شيء تراني حاضر..
احمد:ما اتقصر ياخويه.. وان شاء الله نتلاقى..
يوسف:على خير.. يالله اسمحلي
احمد:ربي يحفظك.. السلامه وياك
طلعوا من المستشفى من دون مايلتفتون صوب روضه ومهره.. يوسف كان قلبه يعوره.. عرف انه الي واقفه عدال الحرمه الي كانت اتصيح روضه.. يوسف كان يعشق روضه.. ويوم سمع بالموضوع من ابوها خطبها منه.. وكان يتريا الفتره الي من تربي روضه بيطلقها احمد. وبياخذها يوسف بسرعه.. ولانه كان بعد في حد خاطبنها قبله. بس للاسف روضه ما تطلقت من احمد..اتراضوا ويابت منه بنت بعد.. لمحها مره واققه بها براا كانت توها يايه من البيت وسعيد ولدها يمشيء وراها..كانت يايه عند ابوها. وقتها كانت منهاره لانه احمد من سافر محد سمع عنه شيئ بعد ماكمل ست شهور هناك وكان بيي زياره شهر. بس مايا وانقطعت اخباره..حتى ما تحمد لله بالسلامه..كان تفكيره كله في روضه. وقبلها شاف سعيد ولدها مع يده ناصر في الجمعيه.. كان احلى ولد شافه في حياته. وقتها كان عمره 2بس كان يتكلم كلام مفهووم.. وكان يتشرط على يده انه ياخذ له كل الحلويات الي في الجمعيه..على مزاجه. وبيوزعهم على عيال الحاره الي عندهم.. وقتها انجذب له يوسف ويلس يسولف وياه.. وكان كل مره يكون فيها ناصر وسعيد في الجمعيه اييهم يوسف وايلس وياهم. بس روضه ما كان عندها اي خبر بالموضوع. لانه ابوها يدري ان هيه عرفت يمكن ما تسمح له انه يشل ولدها وياه...حاول اكثر عن مره يوسف يقاوم مشاعره صوبها بس ماقدر.. والحين مرت اكثر عن اربع سنين ولين الحين متعلق بها. ويتمنى لو اييه يوم ويسمع بطلاقها من احمد. بس شكل ها اليوم مابيي.. من بعد ماسمع من ابوها انه اتحبه ومتعلقه فيه.. في لحظه كان بيحقق امنيته. يوم غاب احمد في امريكا ست شهور محد عرف او يعرف عنه اي شيء. بينه وبين نفسه كان مستانس.. بس يوم شافها مره يايه بيت ابوها وهيه اتصيح وطريقه لوايها لابوها حطمت قلبه عليها.. عرف انه خسر روضه حتى قبل لا يكسبها..سار مع الظابط للقسم وادلى بالموضوع ووقع وطلع لين يصحى فهد ويتكلم.. مر يومين من بعد عمليه فهد ولين الحين مش قادر يتكلم زين. لانه الكسر كان مضاعف. وفي وسط الصدر اتكسرن اكثر عن ضلع.. فكان التنفس صعب عليه ولازم يحط كمامه الاكسجين. بعد يومين بدا اشوي يقدر يتكلم بس على خفيف.. وفعلا من ياه الظابط واستجوبه قال نفس كلام يوسف بالظبط. كان مستعيل فما شاف الشارع من وراه. وريوس بسيرعه ودعم بيوسف..كمل في المستشفى عشر ايام.. وكانت مهره كل يوم وياه. من بعد ما يسيرون خوانه وربعه من عنده كانت ترجع وتيلس وياه.. ومع هذا كان الشك بيذبحه.. وماقدر يتحمل فطلب منها انها ما تيه المستشفى.
مهره:انزين ليشش؟
فهد:مهرووه سمعتي الي قلته.. من اليوم ورايح ماباج تين اهنيه. القسم كله رياييل. وين تبيين.. وبعدين الشباب بيلسون عندي وحد من خواني بيبات عندي.
مهره:بـــس,
فهد بعصبيه:من دوون بس.. وخلاص.. كلمه قلتها ما بثنيها. من اليوم ورايح مابا اشوفج اهنيه.
مهره:ان شاء الله.. الحين بسوي للدريول بخليه اييني.
فهد صد عنها صوب الثاني ورقد.هيه حست بقهر ونزلن دموعها بس مسحتهن وسارت اتجهز اغراضها ومن وصل الدريول والخدامه سارت البيت.. الكل استغرب ييتها بس محد علق.لين كملت يومين.
غانم:اقول مهره غريبه ماييتي فهد من يومين. خير صار شيء بينكم؟
مهره :يعني انته ماتعرف اخوك. ما ادري لين متى بيتم يعاملني جذيه. داايما نظره الشك في عيينه. ان غبت عنه دقيقه ياه ابلييس وترس راسه..
غانم اتنهد:الله يعيينج.. شوه بتسووين يا مهره.. الله يهديييه.
مهره بحسره:بسس لين متى يا غانم بصبر عليه.. قولي لين متى. الاهانات واهااني والضرب وضربني.. والسب وسبني. والتلفون يته فتره كان يشله عني..والله انه يوم يتصلون اهليه اقولهم انه مفضي.. ما اقدر اقولهم انه فهد حارمني منه.. والله لو درى احمد ولا ابويه بالي يسوويه كان صار موضوع ثاني..
غانم:ادري والله ادري.. وخصوصا احمد .. عادي يعلق رقبت فهد على الباب.
مهره:بس لانه ريلي وولد خالي. وانا واحبه. لو مش احبه والله ماصبرت عليه. بس قولي ياغانم لين متى. انا اتعاقب بذنب غيري لين متى. وعلشان شووه؟
حسنه:انزين خبري اهلج وليش صابره. ورجاءا لا اتفجيين غيضيج فينا..
غانم:انجبي انتي. لج لسان ترمسين بعد.
حسنه:انا ماسويت شيء.. على الاقل احسن عن بعض الناس.
عليا:شوه قصدج؟؟
حسنه تمت اتشوف ظفورها:والله كل واحد ادرى بنفسه.
عليا:خليني ساكته احسن لااطلع بلاويج.
غانم:بلاوي شوه بعد؟؟
حسنه:هه مب احسن عني. الي عليج عليه.
غانم بعصبيه:بترمسن ولا لاا.. العقال تراه زاهب. بلاوي شوه؟
عليا:قدييم والله قدييم.. وانته اتعرفه يا غانم.
غانم:شوه هوو الي اعرفه؟
عليا:عن. الزقاره
حسنه:والخمر.
غانم:نعـــــــــــم؟
عليا بخوف: والله قديييم. ومره وحده بس جربته.. وبعدها رجعت كل الي في بطني. وبالغلط.
غانم عصب:وومن وين يبتنه.. وكييف شربتيه؟
عليا التفت صوب حسنه: حقييره.. شوف. انا بقولك. كنا في الكليه.. وسرقته وحده من عند الاستاذه. وحطته في الكولا مالي. يعني حركات بنات. بس من شربته ربعت الحمام سيده ورجعته.
غانم بعده معصب:وكيييف تسرقه.. واصلا ليش الكليه تسمح بها الشيء؟
عليا:كان يوم مفتووح. وكل شيء فري..
غانم:وربيعتج ليش حطته لج؟
عليا:ماا ادري. كنت متضاربه وياها..
غانم:بعد البنات مب هييناات. ان عرفت انج وياها ما اتلومين الا عمرج. بعد خمر ها الي ناقص..
عليا:والله بالغلط..ومره وحده بس..
غانم:وانتي حسنه.. شوه ميوده بعد.
حسنه:انا ماعندي شيء..
عليا:لاااا عندها.. وخصوصا آخر الليل..
غانم:شوه آخر اللييل بعد؟
حسنه:اختك تحب اتسوي مشاكل بس. ماعندي شيء..
غانم:رمسي حسنووه شوه آخر الليل..
حسنه:وش دراني بها.. انا. ماعندي شيء..
مهره:تراج اتقولين الي عليها عليج..
حسنه:ياريت لو تكرمينا بسكوتج يكون احسن.
غانم:جب .. ورمسي شوه آخر الليل.. وهاي آخر مره اسأل..
عليا: ارمس . ولا بتتكلمين.
حسنه:شووه عاد.. انا ماعندي شيء. آخر الليل اكلم حصوه ربيعتيه.
عليا:حصوه.. حسنه؟؟
حسنه:هيييه حصه..
غانم:عليا.. انتي رمسي.. شوه اتسوي آخر الليل..
عليا:هييه صح اتكلم حصه..آخر الليل.. بس الي يصير شيء ثاني.
غانم:مثل شوه؟
حسنه:ممكن تنجبييين..
عليا:لييش.. تراج اتقولين ماعندج شيء.
حسنه:هييه ما عندي شيء اسويه غلط. وما اظن انه غلط. بعد..
عليا:لااااا. غلط. انتي اتعرفين انه غلط.. وكل الي صار لنا.. ومع هذا بعدج.
غانم عصب خلااص وبدا يفج عقاله: بترمسن ولا بالعقال عليييكن.. شوه السالفه.
مهره خافت:غانم هد نفسك.. ومش جذيه.
غانم:خليينهن يرمسن.. شوه آخر الليل حسنووه..منوه ترمسين.. ريااااااااااال.؟
حسنه نزلت عينها:لااا.
غانم:علييا؟؟
عليا:لا مش ريال.
غانم:عيل منوه؟
حسنه:قلت لك.. حصه..
غانم بصوت عالي:منوه حصه؟
عليا:.......... حصه..
غانم:قسم بالله ان ماتكلمتن الحين .
عليا:حصه.. الي عند نوف. في السجن.
غانم ومهره اتصنمو في مكانهم..
غانم:شوووووه..
وسار صوب حسنه وعطاها طرااق.
غانم:انا مب قايل خلاص تقطعن علاقتكن بها.. ليش ترمسينها بعد.
حسنه وهيه اتصييح:لانها اختنا.. ومهما سوت. بتظل
غانم:جب ولا كلمه.. ماعندنا خت اسمها نوف تفهمين ولا لااااا. ان يبتي طاريها والله لاتلحقينها. تسمعين ولا لاااا.
عليا:بتدخل اختك السجن يا غانم.
غانم التفت صوبها:امبوونا مفضوحين بسبت هذيج الخايسه.. وما اعتقد انه بيصير شيء ان تبعتها هاي..
حسنه وهيه اتصييح: حرام عليكم الواحد ما يغلط يعني.
مهره:بس غلطتها خلتكم تدفعون الثمن غالي..
التفت لها حسنه:هذا وانتي كنتي اقرب وحده لها..جذيه اتقولين..
مهره:وعلشانها كانت اقرب انسانه لي.. جذيه اقول عنها.. بسببها حياتي الحين جحيم... بسبها اخوج يشك فيني في الطالعه والنازله. بسببها حياتي مب مستقره حالي حالي غيري.. بسببها (نزلت راسها) بسببها اغبط توأميه.. وبنت عمي على حياتهن الهاديه والحلوه.. مش من حقي يكون عندي حياه مستقره وهاديه. مش من حقي يكون عندي عيال...
عليا:انتي تقدرين تظبطين حياتج.. الحرمه الذكيه تقدر اتخلي ريلها ما يشوف غيرها.. وهذا الشيء انتي مسوتنه. فهد مايصبر عنج. ويكون في معلومج كل الي يسويه لج. تراه من حبه وغيرته عليج.
مهره بصوت مصدووم:حب.. وغييره..ياعليا اخوج يعاملني ببرود.. عمر الي يحب مايجافي الي يحبه ويحسسه بالذنب ابد..
غانم:حسنه وعليا.. سيرن حجركن..بتفاهم وياكن بعديين.. وانتي ياحسنه ان سمعت انج كلمتيها. والله في سماه ما اتلومين الا عمرج.. فاهمه ولا لاا.
حسنه:بس ياغانم..
غانم:جب ولا كلمه. مابا اسمع شيء. كلمه ما بتتكرر مره ثانيه وبعدها لاتلومين الا نفسج..
سارن حجرهن.. ومهره تمت يالسه. التفت غانم صوبها. شافها منهاره. شوه الي سويته في عمرك وفيها يافهد.. الله يهدييك..
غانم:شوفي يا مهره.. اعرف انه فهد مريض نفسي. ولا تلومينه. فهد كان اقرب واحد لخواته. وانصدم منهن..انه هذا الي يطلع منهن.. وخصوصا هييه. لانها كانت ربيعتج..كان اغلب وقته يقضيه وياها.. لانها تسولف وياه عنج..
مهره استحت ونزلت راسها.
غانم:فعشان جيه يوم انفضحنا.. انهار وانتي روحج سمعتي عنه..والي صار له.. فهد قضى في المستشفى اسبوعين من دون ماحد يدري.
مهره:شوووه؟؟ متى وكيف . ووشو كان فيه؟
غانم:كان فيه انهيار.. وماقدر يتحمل الوضع.. لاتنسين انه بعد فضيحه نوف.. طلعن بلاوي حسنه وعليا..تخيلي وضعنا نحن الشباب.. وين نطلع اتصير مناوشات بينا وبين الشباب. وفهد ما تحمل. كم مره اتضارب مع شباب بسبه الي صار.. وكم مره مسكته الشرطه . بس محد يدري.خصوصا يوم يعرفون شوه سبب الضرابه..دفع كفاله وانتهى الموضوع.. صرنا مانحب نطلع من البيت. والله في بوظبي من الدوام لين البيت ومن البيت لين الدوام.. ماقدرنا نطلع علشان ما اتصير مشاكل..
مهره:هيه بس..ليش يشك فيني انا.. معني عمري ما خبيت عليه شيء من خذني.. كنت صريحه معاه.تلفوناتي عنده ولابي عنده.. والاي باد عنده.. والجلكسي نوت عنده.. يعني مافي اي شيء ميود عنه.. يعني لو انا مسويه شيء.. مابنكشف بعد كل الي يسويه.. ومع هذا بعده يشك فيني.. انا تعبت ياغانم. واخوك ماله حق.. مهما صار..
غانم اتنهد:والله ما الومج..بس شوه انسوي... اتحمليه اشوي.
مهره:لين متى بتحمل يا غانم لين متى .. اهليه ما اشوفهم دايما لاني مانعني اسير لهم مع الدريول.. وهوه دوم مشغول في الدوام.. والكل احسه شاك في الموضوع.. لين متى بخبي عنهم.. الحين مكملين سنه وشيء. والكل يسألني . ليش ما يبت عيال..وتوأميه عندها عيال..
غانم:انزين ما اتكلمتي وياه في هذا الموضوع؟
مهره :هه اكييد.. ونفس الجمله يقولها لي. انسي العيال الحين.مش وقته. ما ادري بصراحه متى وقته بيكون عند اخوك.. يمكن يوم يدخل في 50بيقولي هذا وقته.
غانم:لا ااا شوه 50 الله يهدييج.. ان شاء الله خير.. انتي خليه عليه وانا بشوف الموضوع وياه.
مهره بخوف:لاااااااا.. دخييلك لا تفتح هذا الموضوع وياه دخييلك ياغانم.. يكفي الي ياني منه.. مابا اييني زيااده..
غانم:بس..
مهره:لاا دخييلك
غانم:شوفي يا مهره انا اقرب واحد لفهد.. واكييد بكلمه بس بطريقه غير مباشره.
مهره:لاا دخييلك. هو يعرف اني ابغي عيال وكييف ازن عليه .. واكييد بيعرف اني تكلمت وياك في هذا الموضوع.. الله يخلييك غانم لا تكلمه فيه.
غانم اتنهد:الي اتشوفينه. ماعليه.. انزين ممكن اعرف الحين انتي ليش ما اتسيرين له المستشفى؟
مهره:هه لانه مايباني اييه اهناك.. القسم فيه ريااييل..وفوق هذا الي يعالجونه رياييل. مايباني اكون اهناك ابد.خلااص انا تعبت نفسيا.. بيلس في البيت. لين ربك يفرجها.
غانم:ااه..آمين يارب.. يالله عيل انا بترخص الحين. بسير له وبشوفه..
مهره:مثل ماقلت لك غانم دخييلك.
غانم:لا ماعليج انتي.. مابييب له اي طاري. يالله توصيني على شيء؟
مهره:سلامتك.. وسلم عليه.. يمكن ..
غانم ابتسم:ههه يشتاق يعني؟
مهره استحت وسارت قسمها مرت الايام ولين الحين الوضع كان عادي
طلع فهد من المستشفى.. والريايل كانوا ايوونه في البيت. وماكانت مهره اتشوفه الا المسى.. لانه من العصر لين فليل وقت متأخر يكون مع الشباب في الميلس.. ومن الصبح لين الظهر راقد..ينش يتغدى. وايلس مع اهله لين العصر. وطبعا يووم يكون مع اهله وجودها والعدم وااحد.مايلتفت لها ابد..يوسف طلع من القضيه بعد ما تكلم فهد وشرح لهم الحادث.. وبدى يوسف يتعرف على فهد وصاروا ربع.. فهد مع الشباب يكون مافي احلى عنه. سوالف وضحك.. ومن يدخل البيت ويشوف خواته وحرمته يتغير.ويتعكر مزاجه.. اكثر من مره لاحظ عليه يوسف يوم يكون فهد يالس وياهم يسولف ويضحك. ومن اييه اتصال ينعفس ويهه. في البدايه شك انه يتعاطى شيء. وبعدين يوم فكر بها.. شك انه يعرف وحده وهيه مسببه له مشاكل.
يوسف :اقول فهد..
فهد: هلا..
يوسف: فيك شيء؟
فهد:لاا. ليش؟
يوسف:ياخي. مساعه مافي احلى منك. والحين من ياك ها الاتصال انجلب حالك.. ياخي رب ماشر. ترانا انعيين وانعاون..
فهد:ههه فيك الخير والله.. لا والله ابد. مافي اي شيء. هذيلا الاهل. تعرف انته عاد. لازم ينكدون عليك حياتك.
يوسف:هههه ياريال حرام عليك.. هذيلا الخير والبركه.
فهد:هه هييه صح. دخييلك يوسف غير الموضوع. مافيه عليها ولا سخافتها.
يوسف عقد حياته بس ماعرف من الي يقصدها.. ااتنهد والتفت على الي يساره ويلس يسولف وياه بعد ما نش عنه فهد وسار صوب القروب الي يلعب ورقه..
مرت الايام وبال يوسف مشغول .. بس كان يتجاهل الموضوع ويتناساه... طلع من الدوام واتصل بفهد يبى يشوفه وين. لقاه يالس في البيت. وكالعاده الشباب بييون عنده. استغرب انه كل ما ايلس في البيت يكون عند الشباب معنه يوسف يروح عنهم وقت متأخر الا انه يعرف انه فهد يتم يالس في الميلس مع الشباب. في واحد من الربع تعرف عليه يوسف كان يتم مع فهد في الميلس لين يأذن الفير وبعدين يسيرون المسيد يصلون الصبح وبعدها يسير بيته. لكونه عزابي وماعليه اي مسؤليه.. بس فهد شوه وضعه مع حرمته..متى ييلس وياها. اذا كان النهار وقته في دوامه الي يخلص على الساعه 4 ومن بعد المغرب ايون الشباب ويتجمعون عنده..متى يعطيها حقها.. وهيه راضيه بها العيشه.. معقوله مالها اي شور في الموضوع؟ يلس يتذكر ملامحها كانت جميله وهاديه.ومن النوع الي يجذب.. معقوله فهد يكون عايفنها. او هيه الي عايفتنه. لااا. لحظه يلس يتذكر شكلها يوم صار الحادث.. كيف اتجمدت مكانها من خوفها على فهد.. حتى انه ماقدرت ترفع عينها عنه. كانت خايفه عليه من الموت.. معقوله تحبه لدرجه انه تخليه يسهر مع ربعه لين آذان الفير.. لحظه لحظه.. معقوله هييه الي كانت تتصل به كل ربع ساعه وفهد يسكر في ويها.. وبعد ما تتصل اكثر عن عشر مرات يشل التلفون ويطلع برا ويهازبها لانه صوته احيانا يعلى ويقدرون يسمعون الصوت العالي بس مش مفهوم شوه الي كان يقوله. بس كان يبين انه يهازب وحده على الازعاج..معقوله اتكون حرمته.وهيه بنفس الوقت بنت عمته..وبنت عم .. اتنهد مايبى يذكر اسمها لانه بمجرد ما يتذكرها يحس قلبه بيطلع من مكانه..يالله شوه ها العذاب الي يتعذبه بسبتها..وصل لبيت فهد هود ودخل ولقى غانم يالس.
يوسف:لااا.. غريبه انك يالس اليوم اهنيه.
غانم:ههههه لا والله يعني حرام ايلس في بيتنا..
يوسف:خخ ياريال ما احييدك تنش ها الوقت.. كل ما ايي يقولون انك راقد.لو معرس بنقول ياغير انته عزابي حالك حالي..
غانم:ياخير شو انسوي. مالقينا بنت الحلال..
يوسف:اها.. على كلام الوالده.. البني يا ولديه مكوداات ياغير متى بتحس بهن انته بس.
غانم:ههههههههههه. وهيه صادقه.
يوسف:اقول جب انزين..خلوني على هوايه مابا اعرس الحين.. بعدني ما بلغت.
غانم:هههههه وين مابلغت ياريال طالع الشعر الابيض الي في راسك ولحيتك واتقولي مابلغت.. وبعدين انته في مكان استراتيجي تقدر اتشوف البنات طوول النهار.. خخخ
يوسف:يا ..خلني ساكت احسن..وبعدين يا الشيخ غانم البنات الي اشوفهن كل يوم مثل ما اتقول.. اكثرهن الي مخطوبه والي مملوج عليها والي معرسه بعيالها.. والي والي. شو اباهن. وبعدين ممنوع يتزوج الاستاذ من طالبته.
غانم:وهم شوه بيعرفهم انك تدرسها. خلها تغير مساقها وبجذيه بتقدر تاخذها.
يوسف:هههههه محلاتي هيه متخصصه وماباقى لها شيء اسير اقولها غيري مساقج.. خخخ
غانم:عيل اترياها لين تتخرج.
يوسف:اقوول شوه رايك تغير ها الموضوع. امايه مكفيه وبزياده بعد.فكني الله يخلييك.
غانم:هههه انزين شوه رايك انا ايوزك.
يوسف رفع راسه صوبه وطالعه ببرود.. يوسف يعرف بموضوع خواته بس ماحب يفتح الموضوع وياه..
يوسف:ههه مشكور.. مابا اعرس الحين.. انا بعدني في مرحله المراهقه يوم ببلغ الوالده مابتقصر. الحين مسويه لي قائمه اسامي. البنات.. لامخليه من العايله وبرا العايله. انا في راسي حاليا مشروع. ومب متفيق لموضوع العرس. ومن اخلص المشروع. يصير خير.
غانم:هههه مشروع شوه؟
يوسف:خخخ مشروع خاص..يباله تفريغ ل 24ساعه متواصل. واذا عرست بترتبط بأشياء بتشغلني عنه.
غانم:ههه مب هين يا يوسف.. الله يوفقك.. بس اذا بغيت الاستقرار ترا بنت الحلال جاهزه.
يوسف:ههه ان شاء الله( وفي خاطره يقول في احلامك ياغانم آخذ من خواتك) الا وين فهد مب من العاده مايكون اهنيه؟
غانم:تو ياي ويبى يتسبح وبيي.. اصلا انته ياي وقت.
يوسف:توه ياي.. من وين؟
غانم:فهد يسير الصاله الساعه 5 والحين ايي..دخل قبلك بعشر دقايق قال ما بيتأخر
يوسف:اها..(ياحلاوه.. حتى الساعتين الي يكون فيهن فاضي شغلهن عن حرمته)ياحييه والله.. لايكون الضربه مأثره عليه؟
غانم:لا الحمد لله. انته اتعرف الكسر في الضلوع ما يتأخرن. والحمد لله الحين احسن .
يوسف:الحمد لله..
اشوي ودخل عليهم فهد ويلسو يسولفون لين يو باقي الشباب العايله. الي تعرف عليهم يوسف..حتى عيال عمه احمد تعرف عليهم يوسف.. وصار ربيعهم..على كثر يايات يوسف عندهم الا انه احمد ما كان ايهم الا فتره بسيطه.. لانه يكون مشغول بأهله وبعياله.. لين يوم من الايام يا يوسف وكان احمد يالس وعنده يالس سعيد. من سلم يوسف وشاف سعيد حس بخوف مايعرف ليش.. معقوله سعيد بيتكلم عن زيارات يوسف ليده ناصر.. ولا تقلاقيه وياهم في الجمعيه.. سار ويلس بعيد اشوي. كان سعيد يالس عدال ابوه.. عداله يالس محمد ولد عمه احمد يلعب وياه.ويغايضه بالحلاوه الي عنده
سعيد:اقوولك هاتها هذا يابلي ايااها
محمد:هههه منوه هذا..
سعيد:هذا الا احمد. هوه الي يابها لي.
احمد التلفت صوبه:سعوود انا ماقلت لك انا باباه. شوه هذا الا احمد. عيب يابابا.
الكل انفجروا ضحك عليهم.
محمد:الحييين . هاي النفخه والتعنطيييزه مالتك وفي الاخير الا احمد.. هههههههههههههههههههههههه
احمد:انجب انزين.. محد بييب اجلي غير هذا الولد.. سعيد منوه انا..
سعيد اتنهد:اااه ماماه اتقول انته باباه.. بس انا اعرف وين مكان باباه
احمد:يابابا عيييب.. الله يهدييك...
غانم:هههه وين ابوك سعيد عيل؟
احمد:غنووم .. احترم عمرك.
غانم:ههههه وانا قلت شيء. ههههه
احمد:ولد خالي واعرفك زين.. سعيد قوم خلنا انسير.
سعيد:مااابا.. انته قلت بنيلس عند الرياييل لين المغرب..وبعدين بنسير الجمعيه.
احمد:اللهم طولج يارووح..
غانم:هههههه شوه تبى الجمعيه.. تراه عندك هاي الخريطه وفيها حلاوه. انته اتعرف انه الحلاوه مب زينه..
سعيد مد بوزه:مب حقي.. اوووف.. اييه احمد قول حق.. هذا..(التفت على يوسف ويوم عرفه ربع صوبه ومسك ايده) انته ودني الجمعيه . عمي.. اوسف..
احمد عقد حياته:شوه دراك فيه.. وبعدين عييب يا سعيد..
يوسف:هههه فديتك. حاضرين..اتلاقيت وياه مرتين يوم كان عند يده ناصر مره كنت في الشيشه ومره كنت في الجمعيه..
احمد:اها.. زين والله.. يالله تعال سعيد بنسير البيت.
سعيد مسك ايد يوسف:مااابا.حنوده بتشل حلاوتيه.
محمد:حنوده؟؟ منوه؟
احمد اتنهد:هند خته.. لا مابتشل حلاوتك.. وبعدين هنود الحين راقده.
سعيد:لااا مب راقده واعيه.. ماااباا
احمد:تعال الحين بنكلم ماماه وبنخليها ترقدها.. يالله خل الريال يابابا عيب..
سعيد:اااوو.. ماااباا عمي اوسف. قول حقه مابا اسير البيت.. حنوده بتشل حلاوتيه.
يوسف:ههه ماعليه حبيبي انته اخوها عطها طشونه.. حليها.
سعيد هز راسه:لااا.. هاي مافيها رووس
محمد:شوه يعني مافيها روس؟؟
يوسف طالع احمد يبى يفهم المعنى: ماعندي فكره.
احمد:هههه قصده مافيها ضروس.. الحروف بعضها مأكول عنده.
يوسف:ههههههههه .. خلاص عيل انته بس عطها من دون ما تفجها يوم بتخليها انته خذها وكله عنها. اوكي..
سعيد:اممممم. اوكي.. بس انته بتودييني الجمعيه.
يوسف:هههه باباتك بيوصك.. صح احمد.
احمد:هيييه صح.. يالله تعال. وصدقني اول مره وأخر مره اييبك
يوسف:ههههههههه..
محمد:ههههه تسمعه شوه يقولك.
سعيد كان لاهي يشل اغراضه الي كانن عدال محمد :شوه؟
احمد:محمد دخييلك فكنا.
محمد:ههههههه.. فدييتك يالله مع السلامه. وخله اييبك باجر وانا بودييك الجمعيه.
احمد:اقووول يازينك وانته ساكت بس..
سعيد:انزين.. يالله احمد.
احمد:نعم؟
سعيد ابتسم وباانن ضروسه :باباه احمد..
محمد:ههههههههه يخرب بيت الخوف شوه يسوي.
احمد:هه هيه والله. يالله فمان الله. بوصله لامه وانا بسير الحلاق. بتيني اهناك محمد؟
محمد:ان شاء الله. انا موعديه عنده الساعه 8.
احمد:خلاص عيل نتلاقى.. يالله فمان الله.
الكل:مع السلامه..
اتنهد يوسف انه السالفه مرت على خير.بس الخوف انه سعيد يقوله انه كان اييهم البيت دايما يوم كانوا اهناك.. الله يستر بس.. نظرات احمد له يوم ياه سعيد وقاله عمي اوسف خوفت يوسف. وحتى بعد ماشرح له كيف تلاقى وياه.. قسوه نظراته ما خفت.. الوضع ماكان مطمن ابد.. استسمح منهم وطلع .. لازم ينهي الوضع الحين قبل لا يتفاقم اكثر عن جذيه.
وصل الحلاق قبل احمد بربع ساعه ويلس يترياه في السياره لين وصل احمد.. الي استغرب من يوسف يوم شاف السياره واقفه.. سار وركب عداله بعد ما اتصل بالهندي وقاله انه في 2 قبله بيحلقهم وبيبدى فيه.
احمد ببرود:ممكن اعرف كيف الصدفه صارت انك تلاقيت ويا سعيد مرتين؟
يوسف:يعني قصدك اني كنت متعمد.
احمد:تقدر تفهمني انته عيل؟ شوه يابك في المنطقه في نفس الوقت. انا الي اعرفه انك استاذ في الجامعه ومن منطقه...... شوه يابك لمنطقه....... هاي..
يوسف:بصراحه انا كنت ايي عمك ناصر من بعد ماعرست انته وخذت روضه.. وقبل لا تتكلم. لاتنسى انا الي ساعتهم ولقيت لهم الريال الي كان متسبب لعمك
احمد:انزين؟
يوسف:ماياك من الله شين.ياغير بصراحه انا اعد عمك ناصر بمكانه الوالد..حسيت به عطوف وتقدر اتقول محبه من اول مره. وخصوصا بعد ما عرفت بالسالفته من خالي بو سلطان. اتقربت منه وبغيت اتعرف عليه بس في البدايه شكيت فيه واعتقدت انه كلام خالي عنه مبالغه. يعني معقوله في انسان طيب لها الدرجه الياهل يقدر يقص عليه.حتى يوم عرفت روضه اول مره درستها فيه. وعرفت انها بنته. ما قدرت استصيغها خصوصا انها من النوع الي واثق من نفسه وايد. كنت اعاملها بحتقار لاني كنت ادينها بجريمه ابوها ولاني مش مصدق انه بريء. لين تجرأت وطلبت رقمه منها. يومها حطت عينها في عيني وقالت لي بغرورو قبل ما اعطيك الرقم بسأل ابويه قبل. اذا وافق بعطيك اياه واذ رفض فأنا آسفه. ما بجذب عليك كرهتها هذيج اللحظه. بس بعدين يوم تجرأت وتعرفت على عمك حسيت بغمامه سوده خازت عن عيني. ومن يومها وانا ضيف عندهم.واذا ما ييتهم استهم عمك واتصل فيني... صرت آخذ رايه في اموري. وجذيه يعني.. في يوم الي تلاقيت وياهم في الجمعيه كنت اصلا ياي الجمعيه ابغي اشتري مياره لهم سمعت عمتيه لطيفه اتقول انه في نواقص في البيت ماكانت اتعرف اني كنت موجود.. فصارت عاد.. وتلاقيت وياهم هناك. وبعدها بكم يوم كنت ياي عندهم وسرت الشيشه اعبي بتروول لقفتهم سايرين صوب الجمعيه لحقتهم ويلست وياهم لين خلصوا وبعدها ردينا البيت عندهم. تعشيت وسريت البيت.
احمد:وروضه؟
يوسف:ان قلت لك اني ماكد شفتها من ييتهم بتصدقني. غير مره وحده نعم كنت توني بدخل حارتهم وصلت هيه وكانت منهاره تلاقت مع ابوها عند الباب وتلاوت وياه وطاحت على ركبها اتصيح..
احمد من دون مايحس:فديتها..
يوسف سمع الكلمه حس مثل السكين دخلت في صدره: روحت ويتهم بالباجر وخبرووني انك مفقود مايعرفون وين انته واذا كنت حي او لا..وغير ها المره ماكد شفتها..مرات ايي والقى سعيد عندهم. مخلتنه وهيه في الجامعه..
احمد:وانته ليش مش مداوم؟
يوسف:انا يخلص دوامي الساعه12 لانه عندي دوام المسى.. فكل كلاساتي الصبح..تبدى من 8وتنتهي 11 ونص.. فكنت اخطف عليهم ومرات اتغدى عندهم واسير البيت وعلى المغرب اسير للدوام.
احمد:اها.. علشان جذيه سعيد يزقرك عمي.
يوسف:هه اوسف..
احمد:هههه..ياكل نص الحروف بس يوم يبى اييبهن عادي.
يوسف:ههههه هيه .. امممم احمد.. بغييتك في موضوع ثاني.. بس لاتفهمني غلط.. وصدقني لو قلت لي لا تتدخل والله ما اتدخل ولا بتشوفني.. بس الواحد مايقدر يسكت عن الغلط؟؟
احمد:شو السالفه .. والله زيغتني.
يوسف:شوف انا مش فاهم الموضوع صح.. بس لكوني انا خريج علوم انسانيه يعني تقدر اتقول انا افهم الناس.. اكثر عن غيري لكوني تخصصت بها المجال. النفسي..
احمد:ياريال شوه السالفه؟
يوسف اتنهد:سالفه فهد ولد خالك..
احمد عقد حياته:شوه بلاه؟
يوسف:شوف احمد. انا من فتره ايي بيتهم. امم يعني من بعد الحادث.. من بعد المغرب. مثل ما تعرف يتجمعون الشباب في بيت خالك ..
احمد اتساند على الكرسي على طرف وجابل يوسف:انزين..
يوسف:اممم اول فتره كانت يياتي قليله.. يعني من بعد المغرب لين الساعه 9 او 10وبعدها اسير البيت.. وفهد والباقي يكملون السهر .. واحد يقولي انه يسهرون لين يأذن الفير..
احمد:انزين؟
يوسف:هذا الشيء قبل ما يرجع دوامه.. يعني كان في اجازه. بس من بعد الاجازه نفس الشيء بس بزياده.
احمد:ممكن تدخل الموضوع دايركت..
يوسف:اممم. شوف انا بقولك كل شيء مره وحده وانته قرر بنفسك.. ومثل ماقلت لك اذا مابغييتني اتدخل بطلع من السالفه كلها ومابرجع.
احمد:اها..
يوسف:اول فتره مثل ماقلت لك ما كنت اطول وياهم.. بس بعد مارجع فهد الدوام صرت اسهر وايلس وياهم لين 11وبعدها اسير البيت.. المهم.. فهد رجع الدوام.. ويخلص دوامه ع الساعه 4 ونص.. ونتجمع عنده بعد صلاه المغرب.. هذا كان في البدايه اعتقادي للموضوع.. انه ماايلس ويا اهله الا وقت العصر. يعني بعد ما يرد من الدوام..
احمد:انزين.
يوسف:واكثر من مره يتغير مزاجه مره يكون مستاانس ومره يجلب معصب .. ومايتغير مزاجه الا من بعد ما ايي اتصال من شخص ملحااح.. يعني يتصل به اكثر من مره ورا بعض.. في البدايه فكرت انه سبب تغيير مزاجه انه يتعاطى شيء.. بس يوم ركزت اكثر وتعمقت في الموضوع. استبعدت موضوع الشرب.. لانه في لحظه يكون مستانس ويسولف وبعد الاتصال ينجلب ويتغير شكله ومزاجه.. في مره من المرات كنا نلعب كيرم. وكان الجو غياض وضحك.. لين فجأه ياه اتصال. كان يتجاهله ويكسر في ويه المتصل.. بس كان المتصل يرجع يتصل مره ثانيه وثالثه ورابعه وفهد نفس الشيء من اييه الاتصال يسكر تقريبا فوق العشر مرات وفهد كل مااييه الاتصال يسكر. لين طفر وطلع عنا برا وكنا نسمعه هداد. بس الكلام مب مفهوم بس الي كان واضح انه كان يتهاد مع الي متصل به.. بعدها رجع وكمل لعب من دوم اي تبرير او كلام في الموضوع خليته لين خلصنا لعب..وشفت الشباب الي انشغل بلعب الورقه والي يطالع التلفزيون والي يطالع تلفونه. المهم تقربت من فهد وسألته. بكوني ممكن اكون محلل نفسي..حاولت افهم سبب تغير مزاجه في البدايه اعتقد انه في بنت كان على علاقه فيها ومسبب له مشاكل.. نحن نقدر نحل ها الموضوع. المهم سألته .
احمد:شوه قال لك؟
يوسف:الي قاله لي تقدر اتقول انه صعقني..
احمد:كيف يعني؟
يوسف:قالي انه مافي شيء.. مهم وانه وحده من فريجه.. ومافيه على سخافتها..ومبالغاتها..
احمد عصب:كييف يعني؟
يوسف:في البدايه قلت يمكن وحده من خواته.. واتمنى انك ماتفهمني غلط.. الكل يعرف بالي صار لبنات خالك.. ومايخفى على حد..
احمد نزل راسه ولا قال شيء..
يوسف فهم عليه:المهم.. قلت يمكن وحده منهن.. تبى شيء منه تعرف انته البنات ومتطلباتهن..
احمد:وبعدين؟
يوسف:الي شفته بعدها استبعدت ها الشيء.. لانه لو ختيه انا مسوده ويهي.. مستحييل تتصل بي لو شوه ماكان ها الكثر. اصلا ما بتملك اي جرأه.
احمد:يعني تقصد انها..
يوسف:هيييه.. حرمته.. المهم. سكت عنه.ولا ناقشته لانه مافتح لي الموضوع.. ونا ما اقدر اتكلم في موضوع معاه اذا هوه مابادر بها الشيء.بس هنيه الوضع اختلف.
احمد:كيف يعني.
يوسف:احمد الي اكتشفته انه مايقضى مع اهله.. اي وقت.من يرجع من الدوام. لبس وطلع الجيم. واي قبل المغرب بشوي يتسبح ويتريا الشباب في الميلس. لين الفير.الي يسويه فهد اسمه هرووب. واستغلال في نفس الوقت
احمد:كيف يعني.
يوسف:هروب من واقعه مايبى يتحمل مسؤليه بيت وعيال.. واستغلال انه كل اوامره مطاعه وعنده الي بينفذها من دون اي مقابل..تحت بند الزواج.
لانه هوه قوام على المرأه . فمالها اي حقوق غير الي هووه يعطيها اياه برضاه..فهمت عليه.
احمد:شوه اتعرف انته عن فهد ومهره.. بصراحه.
يوسف:تبى الصراحه.
احمد:اكيييد ولا ماسألتك.
يوسف:انهم يحبون بعض.. بس كل واحد بطريقته الخاصه..فهد يحب مهره بس مايباها تطلع عن المحيط الي راسمه هوه لها.. وهيه بالمقابل اتحبه وخايفه انها تخسره بسبب مرضه النفسي..
احمد:اي مرض نفسي؟
يوسف:احمد اانا قلت لك درست في مساق يفهم الانسان ونفسيته من دوم مايتكلم الشخص المريض. الي عرفته انه فهد تعقد من الي صار لخواته وبدى يخاف على حرمته اتظل وتتبع نفس الطريق وفي الاخير تنحرف..
احمد:مستحييل..مهره اتسويها.
يوسف:لا مش مستحيل.. صدقني ما بستغرب انها في يوم من الايام بتصير. علشان اتفك القيود الي مكبلنها فهد فيها. اي انسان خايف من شيء.وبيحرص علىيه علشان ما يصير الشيء الي هوه خايف منه.. وبمجرد يصير يخليه.. لانه الفكره الي في راسه متخوفه من هاي الشيء الفضيع.. الي متصورنه في مخه.. فمجرد ما يصير. معناته خلاص الشخص مايلزمه فيتخلى عنها.. بس لانه مهره تحب فهد. فهيه خايفه انها اتسوي الي هوه يخاف منه.. وعادي تلقاها معطيتنه كل الاشياء الخاصه فيها. علشان يرتاح.. ومع هذا بيتم يخاف. ها الانسان اذا ما تعالج عمره مابيقدر يعيش حياه طبيعيه حتى لو كنت كاشف كل اوراقك له.. بيظل يتريا اللحظه الي بترتكب فيها الهفوه الي هوه خايف منها.. يعني تقدر تقول انه بيشجع الطرف الثاني انه يرتكب هاي الجنحه علشان يرتاح هوه لانه عقله مسيطر عليه فكره اذا الشخص الثاني ما ارتكب هاي الجنحه فهو انسان غير طبيعي.. لين يركتبها هنيه بيرتاح وبوقن انه هووه كان صح من البدايه.. معنه كان على غلط..وعادي تلقاه ممكن انه يتمادى ويغلط عليها كبدايه بالكلام. وممكن يتمادى اكثر ويمد ايده.. ووووو.. كل هاي العوارض معروفه عند الي يعانون من مرض نفسي مزمن..وعادي ممكن يصير عنده انهيار..يدفعه انه يرتكب اكثر من جذيه.
احمد:مثل شوه يعني؟
يوسف:مااا ادري. يعني.. ممكن انه يتهور.. ويرتكب اكبر من الضرب.
احمد بخوف:يقتل؟
يوسف:ممكن مش كل الحلاات توصل لها النقطه.. ممكن اتسبب لها عاهه. وممكن يقدر يسطر على نفسه ويتوجه لدرب ثاني مثل ما صار له. يوم الحادث.. عق ضيقته وكبته في السياره لانه رويس بسرعه من دون ما ينتبه لاي شيء وراه.. عادي كان بإمكان اي شخص يمر في هذيج اللحظه مشي او على سيكل.. او مثل حالتيه في سياره ومع هذا ماقدرت اتخطاه.. فصار الحادث.
احمد:يعني تبا اتفهمني انه فهد.. ممكن يكون خطر على مهره اذا ما تعالج.
يوسف:للاسف هييه.. انسان يتغير مزاجه من الراحه للغضب وبعدها للضحك في نفس الوقت.. هذا انسان غير طبيعي..
احمد:يعني ما اتصير .
يوسف:شوف يا احمد.انته حاليا معصب.. او خلنا انقول انته مستانس.. يتك رساله وكدرت مزاجك او اتصال.. عكر لك مزاجك..بتقدر تتناساه وتمشي الموضوع ولا جنه صاير شيء.. من دون ما تسرح علشان اتفكر في الموضوع طووول السهره. مستحيييل, انا يلست اراقب ردت فعله. بمجرد ما رجع لنا.. رجع يسولف ولا جنه كان صوته عالي ومعصب ..رجع يسولف ويغايض ويضحك. بشكل غريب.حتى انه طول في السهر هذيج الليله.. ريال يخبرني انه من بعد ما صلوا الفير ركب سيارته وسار دبي.
احمد:نعم.؟
يوسف:شفت..
احمد:والحل؟
يوسف:ما ادري.. بس فهد لازم يتعالج. ولا بتكون النتايج صعبه..
احمد:والله ما ادري بس بصراحه خوفتني على ختيه..
يوسف:مثل ما قلت لك.. انا متخصص في علم النفس وفاهم الي يصير.. انته شوف ايلس وياه .. وخل اختك اتكون حاضره.
احمد:بشوف.. اووه هذا خلص حلاقه. والحين دوري..
يوسف:خلاص عيل. نعيما مقدما.. ويالله انسلم عليك..
احمد:الله ينعم عليك دنيا وأخره.. ومشكور يايوسف
يوسف:العفو يابو سعيد..
احمد:الله يحفظك..
طلع عنه واحمد سار يتحلق.. ومن خلص ياه ولد خالته محمد.. ومن خلص حلاقه طلعوا يتحوطون في المول.. واشتروا هدايا لسعيد وهند..ورد احمد البيت وباله مشغول على مهره.. اتصل بها بس ماردت عليه.. ومن وصل البيت خلا روضه تتصل بها بعد ما ردت عليها..
روضه:يمكن اتكون مشغوله..
احمد:بالي مب متطمن ياروضه.. حاس بأحساس غريب.
روضه:باسم الله عليك.. شو ها الرمسه الله يهديك.. ان شاء الله مافيها الا العافيه..
احمد اتنهد:ان شاء الله.. بس رجعي اتصلي بها.. ولا تراني والله بسير لها البيت.
روضه:ان شاء الله. الحين برجع اتصل بها..
وقبل ما تتصل روضه بها.. اتصلت بها مهره الي قالت لها انها كانت تتسبح والتلفون كان في الجرج.. عطت التلفون احمد يلس يسولف وياها..تقريبا نص ساعه.. ومن سكر عنها . سار يرقد.. حتى العشى ما تعشى ماكان له خاطر..روضه سارت اترقد عيالها في الحجره الثانيه.. وبعدها طلعت ويلست مع عمتها ويدتها.. لين الساعه 10 وبعدها سارت قسمها.. ماطاع ايها الرقاد.. يلست اتشوف لها فلم لين الساعه 1 ونص وبعدها سارت ترقد..نش احمد الصبح وسار الدوام..وروضه اصبحت مع عيالها. ولين الحين اتفكر انها تفتح لها مكتب محاماه. بس عندها مسؤليه عيالها وما تقدر تخليهم في البيت.. وخصوصا انه هند توها تمشي. يعني يبالها واحد يتم معاها. ولا بتعفس الدنيا..وسعيد مب احسن عنها. مخربنه يده عبدالله ويده ناصر. الا مره الدكان ومره الجمعيه. ومره العزبه ومره المزرعه.. مااتشوفه مرات الا آخر النهار..وصل احمد يوعان وكانت اتجهز له الغدا في المطبخ دخل عليها من دون مااتحس. وقف وراها ولوى عليها من ورا..
روضه:باسم الله زيغتني ..
احمد:ههههههه.. الحين ريلج ياينج يبى بوسه وانتي اتزيغين.. حشى.
روضه:الله يهدييك على جذيه عاد.. ماحسيت الا بواحد يمسكني على غفله.
احمد مد بوزه:اها.
روضه:يعني لو انا الحين يتك على غفله مابتخاف ؟
احمد: وليش اخاف وانا اعرف انج انتي الي بتييني. مافي سكن في البيت غيرج..
روضه مدت بوزها وعقدت حياتها:مافي شوه في البيت احمد؟؟
احمد باسها على خدها وربع الحجره.. هيه ربعت وراه وفي ايدها ملاس العيش..وتصرخ به تباه يوقف.. ربع الحجره ووقف ورا الباب من دخلت بغم في ويها وربع الحمام وقفل الباب يتسبح.
روضه: اميييييييييييييييييه.. احمــــــــــــــــد.. بتخبرك كم ياهل عندي في البيييت.. ماعليه. يعني مابتطلع..هين..
احمد:ماااابااااا اطلع. بتم اهنيه وبستمتع بالماي الحااار..
روضه ابتسمت يوم شافت السخان مسكر.. معناته ماعنده ماي حار:اها.. حمــــــــــــــــام الهنا ياقلبي..ههههه
احمد:شوه معناات هاي الضحكه؟
روضه:هههههه.. بتعرف قريب..
احمد:اها..انزين ترا انا يوعان.. ممكن تحطين لي الغدا...
روضه:فالك طيب.. الحين بحطه لك..
احمد:فدييييت حرمتيه الحلوه..
روضه:ههه يالله بسير احط لك الغدا لا تتأخر..
(وهيه عاضه على شفايفها على شان ما تضحك)
شغل احمد الماي.. ويلس يتريا الماي الحار..الماي بااااااارد.. خاف انه يطلع ويلقى السخان مسكر. وروضه واقفه عدال الباب..
احمد:رووضه..(مافي اجابه) روووضه.. حبيبي انتي في الحجره((بعد مافي اي اجابه))اتقرب من الباب يبى يسمع اي صوت.. مافي اي صوت غير صوت التلفزيون. حاول يبطل الباب من دون اي صوت.. لف عليه الفوطه.. وتوه بيطلع براا.. مادرى الا بسيعيد يرشه بماي بارد وروضه واقفه وراه. وهيه تضحك.. احمد من حس بالماي الباااارد انتفض وتنصم مكانه .. وماقدر يتحرك..روضه شلت سعيد وربعت الصاله يوم انتبه احمد ربع وراهم .. يوم دخل الصاله شاف روضه ماسكه سعيد ووقفت على طرف اتشوف جدامها.. واحمد ربع وراهم وهو محتشر وماسكه الفوطه علشان ما اتطيح. وراسه تحت يظبط الفوطه. ومعصب.. وينتفض.. شاف روضه واقفه من وصل عدالها استغرب وقفتها.. رفع راسه صوبها وشاف وين تطالع ومن تبع نظرتها انصدم من الي جدامه.. كان ابوه وعمه ناصر وامه وعمته لطيفه ويدته فاطمه الكل كانوا واقفين عدال الباب والكل ساكت ومنصدم من الي يشوفونه جدامهم.. احمد اتقفط وربع الحجره بسرعه..روضه ماعرفت شوه اتقول بس اللهم نزلت سعيد الي ربع الحجره الثانيه يشوف التلفزيون.. ولين الحين الوضع سكوووووووون.. ومن وصل احمد الحجره وسكر الباب بقوه.. انفجر البيت من الضحك..ابوه من صوب وعمه من صوب والحرمات من صوب. روضه استحت وابتسمت.. خصوصا انها بدون شيله ورابطه الشعر بربطه ومفتوح من تحت..
روضه:مرح..با..
عبدالله:هههههه.. ثرها هاي علومكم..
روضه ابتسمت واستحت منه ونزلت راسها.. بس سارت صوب اهلها اتسلم عليهم..ابوها لوى عليها وهو يضحك.. كان الوضع محرج. وويها احمر.. اتقربت من امها ولوت عليها .. وحطت راسها على رقبه امها..
لطيفه:هههه.. فديت الي يستحون..
مريفه:ههه تغديتوا ياروضه.
روضه:لاا. بعدني.. الحين كنت بحط الغدا..(التفت على اهلها) تغديتوا؟
ناصر :لاوالله بعدنا.. سرنا السوق وتونا واصلين البيت.لقينا الكهربه مبنده.. وكنت ارمس عمج ويوم درا حلف علينا نقيل عندكم لين ترجع الكهربه.
روضه:هييه.. وصدقه عمي.. وين بتيلسون بلا كهربه. مرحباابكم.. يالله دقايق وبحط الغدا. لين يتسبح احمد..
فاطمه:ههه ما اظني ريلج بياخذ دقايق.
روضه:يدوووه..
مريفه:سيري له وجهزي له اغراضه.. وانا بشوف الغدا.. وقولي له لا يتأخر..اهلج تراهم يوعانين.
روضه:ان شاء الله عموه..
سارت روضه ودقت على احمد الباب .. الي كان معصب. حتى انه ماشغل السخان..
روضه:هه احمد.. خلص بسرعه لانه ابويه وامايه بيتغدون ويانا.. ويتريونك.
احمد ببرود:انزيين.. حطي لي ثياب لو سمحتي.
روضه ماسكه عمرها:ان شاء الله..
احمد كاان معصب.. ومع انه الماي باااارد. واطرافه اتجمدن. الا انه حاس انه جسمه حاار من القفطه. ماقدروا اييون الا هاي اللحظه يعني.. اااااااااااااااااااااه..
روضه:احمد فيك شيء.
احمد بصوت عالي:لاااااااااا.
روضه :هه اوكي. ملابسك هنيه مع الفوطه.. وانا بسير اجهز الغدا مع عموه.. لا تتأخر.
احمد:انزيييييييين..
جهزت الغدا وحطت هند في سريرها لانها رقدت على ريول امها.. ورجعت لقت احمد يتسفر..
روضه:فديتك.. يالله حبيبي الكل يتريا..
احمد:ان شاء الله..بس والله ان ضحك حد ياويله..
روضه:ههه الله يعين بس..
احمد:لا تضحكين..
روضه حطت ايدها على ثمها..وهزت راسها..فيها ضحكه بس ماسكه عمرها.
خلص احمد وطلعوا رباعه.
احمد:السلام عليكم.
الكل:وعليكم السلام..
ناصر:اشحالك يا احمد..
احمد:بخير ربي يسلمك ياعمي.. قربواا. على الغدا.
عبدالله:ياحييك يوم قلت.. عمك ماطاع يتقرب لين هه تي انته.
رد احمد ببرود:ونا ييت الحين.. قرب عمي فديتك..
مريفه:روضه تعالي اتغدي وياهم الا ابوج وامج مافيها شيء..
روضه:ان شاء الله عموه.. قربي امايه..
لطيفه:لاا خلوو الريااييل قبل وبعدين..
احمد:لا ياعمتيه قربي اهنيه..
عبدالله:قربي يا ام روضه.. وانا بسير الميلس بشوف الاخبار.. حسبي الله على بشار يعله مايعين خير. في الي سواه في شعبه.
ناصر:آمين.. مايروومون يرشونه بطلقه في راسه ويفكونا منه..
احمد:ههه هييه رغيييد هو في الشارع يرشونه بطلقه.. هه الله يهديك ياعمي..هذا مايطلع الا من بعد ما يتأكد انه اماان ومحد يشوفه. الدنيا مب فوضى..
لطيفه:حسبي الله عليه.. الله الي قادر عليه.. وبييه ان شاء الله اجله قريب.
مريفه:آميين يا وخيييه وحليلهم لاتم ياهل ولا شيبه ما ذبحهم.
احمد :احم احم..
ناصر:فيك شيء يا احمد.. روضه شوفي ريلج.
روضه:هه تبا ماي احمد..
احمد:لاا. بس شرقت بحبه عيش. والحين خطفت.. الا ابويه بتخبرك.
عبدالله:آمر بو شهاب..
احمد:مابتيسر العرس..
عبدالله:اي عرس؟
احمد:عرس هل قطر..
عبدالله:ماشاء الله.. متى ؟
احمد:الاسبوع الياي.. مابتخاوينا ياعمي..
ناصر: والله ما ادري .. عرس منوه هوه؟
عبدالله:عرس قوم ...... وولدهم ماعندهم غيره.. بنحضر العرس وبالباجر رادين ان شاء الله..
ناصر:والله يا ولديه .. ماعندي مانع جان بترخصني ام روضه..
لطيفه:من متى تاخذ شوري يا يابوروضه في مشاريعك.. ما احييدك.
روضه:ههه امايه الله يهدييج بعد انتي..كل ما بيقول لج فتحي له مناحه.
لطيفه:روويض شوه هاي الرمسه..
روضه:هههههه.. مب صح يا بويه..
ناصر:هه الا صحيين..
لطيفه:هييه توالفتوا عليه انتوا.. الا اقول ما بتتغدون انتوا شوه؟ مساعه اتقول انك يوعان وحاشر الدنيا..
احمد:هههه اقرب ياعمي.. روضه غرفي لاهلج الغدا,,
روضه:ان شاء الله..
مريفه: انا بسير عند عبدالله.. بالعافيه عليكم..
احمد :الله يعااافيج يا الغاليه..
خلصوا غداا.. الحرمات سارن الصاله يسولفن.. والرياييل يلسواا في الميلس جلسه نقاش وتحاور على السفره. وغيرها. لين اذن العصر وساروا يصلون. رجعوا وشربوا قهوه وساروا كل واحد بيته.. روضه كانت اترتب القسم..دخل احمد ولقاها لاهيه.. سار وراها ولوى عليها وشلها وحطها على الشبريه.
روضه:انته ما بتخليي ها الينان..
احمد:كيييييييييفي حرمتيه ومالج خص فيني.. اسوي الي اسويه فييج. كييفي..حلالي..ماحد يرووم يتكلم.
روضه:هههه ما اتقوول الا ياهل .. صدق من قال كل ما كبر الريال يغدي ياهل.
احمد مد بوزه:منووه الياهل .. يا الحلوه؟؟
روضه بصوووت ناعم:انته ياحلو.
احمد:انزيين برااويج شوه بيسوي فييج ها الياهل..
روضه بخوف:احمد عين خير ولدك اهنيه.
احمد:مالي خص.. الياهل بيغدي ريال الحين.
روضه وهيه اتدزه عنها :احمد اعقل..
احمد:مااباااااااا..
روضه:اح.............م...............د..
............................................................ .
سعيد:مااامااااااااااه.. وين انتي؟؟
ربع احمد وسكر الباب بسرعه.. لانه الباب كان مفتووح اشوي.
روضه:ههههههههههههههههههه. شفت يناانك الحين..
احمد كان متساند على الباب. وحاط ايده على صدره.
احمد :خخ اتخيلي دخل علينا.
روضه:بيتعقد فدييته. خلني اسير له اخاف يصييح وتسمعه امك. يكفي الفضيحه القبليه. مافيني على وحده ثانيه.
احمد :بس انا ماشبعت..
روضه:احمد اصطلب.. عاد. خوز عن الباب..
احمد رفع حياته..: واذا ما خزت شوه بتسوين؟؟
روضه: احمد..
وشوي يندق الباب وسعيد يصيح :ماماااه. ابااااااااااج..
روضه:احمد فدييتك خلني اسير له..
احمد: مااااااابااااا. شوه ها الحاله يعني.
روضه باسته على خده:يالله عاد حبيبي.. خلني اسير.
احمد مد بوزه على طرف:علشان البوسه بس. ولا بدونها لا تحلمين..
روضه:هههههه انزين ماعليه.. يالله. قبل لا يزقر القوات المساعده..
احمد:خخ وهم زاهبين . بس صيح فيهم وتلقينهم من كبيرهم لين صغيرهم اهنيه.
روضه:ههه هيه والله..
فج احمد الباب ولقت سعيد يتكلم في التلفون.. اتقربت منه تبى اتعرف سعيد منوه يكلم.
سعيد:مااااباا.. انتي قلتي بتيين عندنا وما ييتي. ليش؟
............................
سعيد:ماابا احمد ما بيخليني بقوولي عيييب.. لا تروووح.. انزين انتي تعالي عندنا..
..................................................
سعيد:هييه انا حبييبج. صح.. بس.
..................................................
سعيد:عندي ماماه الحين.. عمووه تعرفين انه كانت داخل الغرفه وسكرووا الباب بسرعه.
روضه:سعيد عطني التلفون..
سعيد:لااااا.. ماباا. هيه ماقالت تبااج ماااريد..عمووه انتي صح ما تبيين ماماه. قولي صح.
مهره:ههههههههههههه صح حبيبي صح..
شلت التلفون روضه عن سعيد. وبنفس اللحظه سمعت صوت عالي.
فهد:منووه هذا حبيبي. الي ترمسينه..
مهره: فهد.. هذا..
فهد: هييه فهد يا الحقيره.. يا الزبااله .. هذا الي كنت متوقعنه منج. يا الحثاااله.. بروايج .. هين..
مهره:فهد انته فاهم غلط.. هذا..
فهد:جب ولا كلمه.. الحين براوييج شغلج. سكت عنج واايد.. مره عند غانم. والحين عند هذا.
مهره:غا..نم.. انته فاهم شوه قاعد اتقوول..
فهد:فااهم يا حقييره.. برواايج..
ضربها بطرااق. وبعدها طراق. وتم يضربها ويطلع كل الي في خاطره. من القهر.. الي فيه من فعايل خواته.. كله طلعه في مهره.. روضه كانت تسمع الكلام وتصنمت مكانها.. يوم سمعت الطراق.. تربع صوب احمد اتدق الباب.. بسرعه.. احمد ربع صوب الباب يبى يفهم شوه ها الدق.. شاف روضه اتصييح..
احمد:رووضه شوه فييج؟
روضه اتأشر صوب التلفون وهيه اتصييح..
احمد:روضه ...(مسكها من كتوفها ويلس يهزها) شو صاير..
روضه:فه..د.. الحق.. على مهره.. فهد .. يضربها.
من قالت فهد يضربها اتصندم مكانه
احمد بعصبيه:انتي شوه قاعده اتقوولين روضه
روضه:الحق عليها قبل لا يذبحها..
من قالت جذيه اتذكر كلام يوسف.. عن تفكير فهد ومرضه.. ربع الحجره ولبس كندوروته وشل سويجه وطلع.. حتى ما عقم كندورته.. شغل السياره وطلع بها بسرعه وصل بيت خاله بوقت قياسي. قسم مهره براا يعني ماله داعي يدش البيت. الي فيه بنات. سيده سار القسم. ودق الباب. كان يسمع صوت مهره وهيه تصرخ من الويع والضرب.. وصوت فهد الي كان يهاد ويضربها..ماقدر يفتح الباب.. سار صوب الدريشه وكسرها بسويجه ودخل الزجاج يرح ايده بس ما اهتم.. بالدم.. ربع الحجره ولقى مهره طايحه بدمانها وفهد يضربها بالعصى.. المكسوره.. ربع سيده صوب فهد ودفره عن مهره وطاح فيه ضرب. وتكفييخ..مهره انغمى عليها من كثر الضرب.. التفت عليها احمد. وتحسب انها مااتت. ضرب فهد بأقوى ما عنده وخلاه وربع صوب اخته.. حاول يشلها بس ماقدر..ربع صوب الباب الي كان يندق.. وفتحه ولقى غانم واقف
غانم:شو مستوي يا احمد؟؟
احمد بعصبيه:هاا الحيووان ضارب مهره. والله في سماه يا غانم ان ماتت مهره والله.. اني اذبحه..والله..
غانم:استهدي خير يا احمد.. وعين من الله خير.
احمد:اي خيير.. قوم الله يخلييك بوديها المستشفى..
دخل وشل مهره ووصلها المستشفى. يوم دخلوها واتطمن انها بعدها حيه. اتصل بروضه وقالها تيب امه وتيب له ملابس لانه ملابسه كلها دم. ومطرووره.. وتيب لمهره ثياب.
طلع انه مهره عندها كسر في ايدها وكسر ضلعين .. وشرخ في الفك السفلي.لانه كان يجوتها على ويها وبطنها.. ولانها كانت حامل في بدايه شهورها.. الجنين طاح..تمت مهره في المستشفى اسبوعين. وبعدها طلعت بيت اهلها.. فهد كان في السجن.. وبعدها وصلوه المسشتفى الطب النفسي. لانه نفسيته جدا تعباانه..احمد على طلب مهره كان مصر انه فهد يطلق مهره. وفعلا بعد فتره وافق فهد انه يطلقها.. والحين صار لمهره حول الشهر في بيت اهلها. وهيه ما تتكلم ولا تشارك في الكلام..حابسه عمرها في حجرتها واي حد يكلمها تنهار واتصيح..روضه حاولت اتطلعها من جوها الكئيب بس ماقدرت.. كانوا يالسين في الصاله
احمد:شوه بتسوون معاها. الحين كلمت شهر.. وبعدين يعني.
عبدالله:وشو بإدينا انسوي..بغيناها تطلع براا ماطاعت.. حتى انه قلنا بنسفرها.. ماطاعت
احمد:اانا بكلمها.. تعالي روضه.
روضه:ان شاء الله..
دق احمد الباب عليها لقاها يالسه على الشبريه. تقرى قرآن.. لانه بعده الكسر في الضلوع يعورها ما تروم تيلس تحت زين..
احمد:ممكن نتكلم وياج اشوي.
مهره هزت راسها..
دخلوا ويلسوا عدالها.
روضه:مهره .. لين متى بتمين حابسه عمرج اهنيه.. الي اتسويه مب زين حبيبتي.
احمد:روضه كلامها صح يا مهره. شوه تبيينه والله لاسويه لج. بس ترجعين مثل ما كنتي يا مهره..
مهره:ارجع مثل ما كنت يا احمد.. مش صعب الي تطلبه ياخويه.
روضه:شوفي مهره نعرف الي مريتي فيه مب هين. بس اذا استسلمتي ما بتقدرين اتعيشين.. وبصراحه فهد مايستاهل الي اتسوينه في عمرج.. انسي الي سواه. وابدي صفحه يديده جنه ما مر في حياتج شخص اسمه فهد..
مهره حطت ايديها على اذنيها.. :دخييلج روضه مابا اسمع اسمه. مااابا..
احمد:عيل طلعي من ها الجو.. اذا تمييتي هنيه بيتم فهد في كل مكان.. مثل ماقالت روضه ابدي صفحه يدييده. ونحن مستعدين نساعدج فيها.. خلينا نساافر وانعق الماضي ورانا.. واوعدج بيتغير كل شيء.بس انتي وافقي.
روضه:يالله مهره.. وافقي وخلينا انخسر اخوج فلووس.. يمدحونها سويسرا ها الوقت.. يالله.
احمد:وانتي وين تبيين بعد. ناشبه لي في كل مكان.. اظن اني قلت اني بسفر ختيه ماقلت اني بسفرج ويانا.
روضه:حبيبي ريلي على ريلك. وين اتشبر تراني ظلك.
احمد:عزنه ما عينا خير.. يوم انج ظلي.
مهره ابتسمت:ههه . لا عاد يا احمد.. كل ولا ام سعيد.
روضه لوت على مهره:فدييتج انا.. ادري انه محد يعرف قدري في البيت غيرج.. ها شوه قلتي.. بنساافر.
مهره تنهدت: ما ادري.. خلوني افكر
احمد:ماعليه.. عندج نص ساعه. وبعدها برجع وباخذ الجواب منج.
مهره فجت عيونها:نص ساعه؟
روضه ابتسمت:ههههه هذا اخوج.. كله حار بحار.
احمد :احم احم. يالله تعالي انتي خليها تفكر.
سحب روضه من ايدها ووصلها لين الباب.
احمد:يالله نص ساعه وبكون اهنيه باخذ الجواب
مهره:هه ان شاء الله..
روضه:يالله عيل برووح ارتب الشنطه.
احمد مسك روضه من شعرها: انا ما قلت انتي مابترووحين.. يالله سيري جهزي شنطتيه.
روضه مسكت ايد احمد الثانيه وعضتها:مااابا.. سير رتب شنطتك بروحك..بسير ارتب شنطتيه وشنطه بنتي..
احمد:و بنتج وين تبا بعد.. وان شاء الله بتشلين الفص سعود بعد..
روضه:اممم فديته لو اني ابا اشله. بس ادري انه ابويه مابيخليني اشله..
احمد:لا والله.!!
روضه:هييه.. وبجذيه بخليه عند اهليه.. وبشل هنادي بس.. شو رايج مهره؟
مهره هزت راسها. وهيه تتبسم..
احمد:اها.. لاحول. شوه بنسوي.. يالله عيل.. بعد نص ساعه. بييج..
مهره:ههه ليش؟؟ ما خذتوا الموافقه الجبريه تراك؟ انته وحرمك المصون.؟
احمد:خخ انتي شوه تبيينها هاي. على العموم. مجبوور..ناخذ منج الموافقه بالسلم مش بالاكراه.. علشان ما ايقول لنا ابوج اجبرتوا بنتي وفوق هذا قبل لا تنطر لنا ختج تبى اتسير هيه وعيالها.. يكفي الشيوخ هنود عندج..
مهره:فديتها.. ماعليه.. الي اتشوفه يا احمد..
طلع عنها وسار الصاله.. وخبر اهله انها وافقت اتسافر.. وفعلا اتحدد كل شيء وباقي على السفر الا كم ساعه. الكل كان متجمع في الصاله..
فاطمه:هالله هالله بعماركم.. وطمنونا يوم توصلون..
احمد: ان شاء الله يا الغاليه..يالله لازم نطلع الحين.. ورانا درب..
عبدالله:الساعه كم الطياره؟
احمد:الساعه 6 . بس لازم انكون في المطار قبلها بساعتين على الاقل..
عبدالله:الله يوفقكم.. واتردون بالسلامه.. الا روضه ولدج وينه؟
روضه:في بيت اهليه عمي. وصله ابوه مساعه..فديته الامور طيبه.. اوين سيرو وهاتو لي حلاويات وااايد..
فاطمه :فديته..
مريفه: امبوونه متعلق بيده.. ويدته.. بنسير له يوم بنتولهه عليه.. ولا ادريبه. هووه ما بييي اهنيه..
احمد:ههه شيخ ولديه ونا ما ادري.. ها الفص.. وبطران..
روضه: احم احم.. احمد حبيبي. مش توك اتقول بنتأخر وحاشر الدنيا..
ميره:هههه انتي ما تعرفينه ريلج..
روضه:هيييه. يوم السالفه فيها سعودي فديته. دووم يقرضه. ولا جنه ولده.
احمد:انتي ما اتشوفينه.. بطراان.. يوم خطفنا على الشيشه بطل الباب ونزل.. والله ابا السوبر ماركت.. يوم هزبته وقلت له ماشيء.. عصب ويلس ورا.. ومن وصلنا بيت عمي. نزل وربع صوب عمي يواشيه عليه.. اونه اهزبه هذا الاحمد.. ماخلاني انزل السوبر ماركت. وابوج فاطس ضحك..وعنده يوسف ..
روضه:يوسف؟
احمد:هييه يوسف. الي كان يدرسج في الجامعه..
روضه:اها..
مهره:وليش الاستاذ يوسف عند ابوج روضه؟
روضه:ما ادري .. بس من زمان وهوه ايي عند ابويه.. واكثر من مره يوم ايي عندهم القاه موجود..بس حليله من نوصل يرووح هوه.. شكله يستحي.
احمد رفع حياته .. :يالله عيل انسلم عليكم..هبابنا نوصل..
عبدالله:بالسلامه يارب.. وطمنونا عليكم.. المهر.. فديتج طمنيني عليج.
مهره: ان شااء الله يا الغالي..
روضه:بسير اييب شنطه هنود الصغيره..
احمد ببرود:بسرعه..
روضه التفف عليه وعقد حياتها.: ان شاء الله..
ركبوا السياره وساروا المطار واحمد تصرفاته كانت غريبه. حتى مهره حست انه احمد اتغير..التفتت على روضه الي هزت راسها بمعني ما اعرف شوه فيه.
روضه:احمد.. ممكن نخطف على السوبر ماركت الي في الشيشه نبى شيء ناكله لين نوصل.انا ومهره يوعانات.
احمد:مش مهم.. بتاكلن في المطار.
روضه:بس..
احمد بعصبيه :قلت بتاكلن في المطار.. وخلاص عاد..
مهره:خلاص روضه.. عطيني هنود.بخليها عندي..
روضه:بتنام... ماقدرت اتنام في البيت.. احمد ممكن تخفف على المكيف.. وايد بارد.
احمد بعصبيه سكر المكيف كامل..
مهره:احمد فيك شيء؟
احمد رفع عينه على المرايه وشاف مهره وابتسم لها..: لا مافي شيء. بس لانه انا بعد بردت. فسكرت المكيف..
مهره:اها..
احمد:تبون المكيف.
مهره طالعت روضه الي كانت اتشوف الدريشه وساكته.. وفي ذبانها هند راقده..:
مهره:ل.لاا. عادي.
كملو الدرب وهم ساكتين ولا واحد تكلم. علشان ما يوعون هند..وصلوا المطار ودخلوا شنطهم.. واحمد كان مبين عليه انه معصب او شيء شاغل باله.اتقربت مهره من روضه.
مهره:اقوول ... شو فيه ريلج؟؟ باين عليه معصب..
روضه هزت كتوفها:مادري علمي علمج.. من ركبنا وهوه بهاي الحاله.. ما ادري شوه ياه؟؟ معنه من قبل ما انسير كان عادي يسولف ..
مهره :شوفي انا احساسي يقول انه اتغير من بعد ما تكلمتي عن الاستاذ يوسف.. حسيت به عصب وتغير ويهه..
روضه عقدت حياتها: والاستاذ يوسف شوه فيه؟؟ انا ما احيد اني قلت شيء عنه.. بس انه من نيي بيت ابويه ويكون موجود يروح.. بس.. عيل لو قلت انه مرات يسير ويا ابويه الجمعيه ويشلون سعيد شو بيسوي..
مهره:هزرج انه يغار منه؟
روضه فجت عيونها:يغار؟؟ منووه؟ احمد يغار من يوسف...؟ ليش..
مهره:ما ادري يمكن لانه ايي بيتكم وايد.
روضه:اخوج اكبر عن جذيه يا مهره. وبعدين ليش يغار.. شوه بيني وبين يوسف. ابد ولا ااا شيء حتى اللهم بس السلام يوم ايي بيت ابويه يكون موجود. وصارت بس مره وحده يوم غاب اخوج ست شهور محد عرف عنه شيء.. ومن اسلم ادخل وهو يروح. ومرات يكون اصلا في السياره ومروح حتى السلام ما اسلم عليه..
مهره:والله ما ادري.. بس سكري المووضوع هذوه ياا .. لا تسويلنا وياه سالفه.. وتخترب السيره.. اونها فتره نقاهه حقي.. هههههههه..
روضه:هههه تخبري اخوج ..هه
احمد.. : يالله تعالن بنسير الكوفي.. بنشرب شيء قبل الطياره..
روضه ما تكلمت عدلت عربانه هند علشان اتدزها ياها احمد وشل العربانه عنها واتجدمهم.. مهره تمشي عداله وروضه وراهم..دخلو الكوفي وطلبوا كلهم الا روضه ماكانت مشتهيه شيء.. سوت حليب حق هند ويلست اتشربها..
مهره:انزين على الاقل خذي لج قهوه؟
روضه:ما با.. مشكوره فديتج..يالله ماما.. شربيها.. يالله هناادي.. الحلوه..
احمد وراص على ضروسه:قصري حسج. وين تتحسبين عمرج.. في بيتج..
مهره انصدمت من عصبيه احمد.. وورضه نزلت راسها لانه حست انه دموعها بينزلن.. بس ما علقت عطت هند حليبها من دون ما تتكلم..
مهره:احمد.. فيك شيء ؟
احمد كان يشرب الكوفي.. ويعابل تلفونه .. رفع راسه على مهره:لااا .. ليش؟
مهره:ما ادري احس انه في شيء مضايقنك.. خير يا خويه. شيء مستوي.
احمد وعينه على روضه :لااا.. سلامتج فديتج.. مافي شيء. بـــــــــــس مصدع..
شدد على كلمه بسسسس..علشان يحسس روضه انه معصب منها.. لانها يوم رفعت راسها طاحت عينها في عينه...
مهره:سلامتتك يا خويه.. عندي بندوول جان تبى.
احمد:زين عطيييني اربع حبات..
مهره فجت عيونها:اربع مره وحده؟؟ مب زين..
روضه تكلمت ببرود: زين قولي له.. دووم يوم راسه يعوره.. مرات ياخذ في الييوم اكثر عن ست حبات كل ساعتين ولا ساعه حبتين..والمفروض كل اربع ساعات حبتين..
احمد ببرود :والله ما احيد اني ماخذ دكتوره .. احيدج محاميه..
روضه:مايبالها شهاده دكتوراه علشان تعرف شوه الخطا والصح يا احمد..
مهره:روضه معاها حق يا خويه.. مب زين حتى لمعدتك.. اذكر مره فهد من ويع راسه خذ ثلاث حبات ومابات من ويع بطن.............. ه..
(نزلت راسها))
مدت ايدها روضه وحطتها على ايد مهره.
احمد:شوه اسوي من ويع الراس.. وروضه وعيالها حشره.. سعيد روحه حفله مع طيور الجنه.. وهنود اخس عنه.. من ابند التلفزيون ولا حتى اقصر اتصيييح.. كنت دوم اقول انه البنت احن على ابوها.. طلعت بلوووشي.. لاهوو يهتم ولا هييه.. وفوق هذا سعيد يقولي سكر الباب وما بتسمع..
مهره:ههههههههههههه.. فديته..
روضه ابتسمت لانها تذكرت الموقف..وقتها احمد ياي من الدوام ومصدع وهم حاطين طيور الجنه.. لانهم ما يتغدون من دون ما يشغلون هاي القناه.. دخل احمد وبدل ملابسه وياي يتغدى. قبل الغدا خذ له بندول.. وبعد ما تغدى بغى يرقد ما قدر. لانه سعيد رجع وعلى صوت القناه.. طلع احمد وبند التلفزيون. تمت اتصيح هند..وسعيد هداد..
احمد:انا قلت قصرووو.. ليش طولت على الصوت.. ابااااا ارقد..
سعيد حط ايديه على خواصره: ثكر الباب.. وارقد.. انا ابا اثووف طيور جنه.. ماماااااااااه. شوفي هذاا..
احمد:رووووووووووضه.. تعالي لعياالج. تراا والله لاضربه.
روضه كانت تغسل صحون الغدا.. يت وحلت الموضوع بينهم شلتهم ودخلتهم الحجره الثانيه وشغلت لهم. وبندت تلفزيون الصاله.. ولوت على احمد. ووصلته الشبريه.يلس محتتشر... ويحرك ايديه.. في الهوا.. ومادرا الا بالابجوره اتطيح.. روضه من الخوف. مادرت بعمرها الا في حضن احمد..
ابتسم احمد للذكرى.. ونش علشان يشوف اذا الطياره جاهزه او لاا.. لقى الكل يستعد.. رجع لهم وشل الاغراض الي عندهم وترولي هند وساروا. رجع الترولي للمطار وعطا هند لمهره وشل الشنطه الصغيره وسبقهن في الممر.. روضه حزت في خاطرها كيف يعطي هند لمهره. اتقربت منها وشلت هند عنها.. لانها تعرف انها بتصيح من يدخلون الطياره من الحشره والصوت.. وفعلا من ركبت الطياره حست هند بالازعاج وبدت اتصيح..احمد سحب مهره صوبه وخلا روضه وبنتها يقعدون صوب الدريشه لانه يبى يسولف وياها.. مهره فهمت عليه.. ويلست عداله. روضه حست بعمرها بتصييح.. نزلت راسها على بنتها ولوت عليها. اتنهدت مهره من الي اتشوفه. مش عارفه شوه بلاهم.. ما تذكر انه روضه سوت شيء يزعل احمد..بالعكس . حتى انها وهيه تطلع من حجرتها كانت اتسكر الستاره لمحت احمد وهو يغايض روضه وايير لها قصتها الي طالعه منها اشوي..معنه محد ريال غريب في البيت.. الا انه يحب يغايضها.وروضه كانت تضحك وتسحب عنه كابه.. واتحطها على راس سعيد.. وبعدها طلعت لهم لانه امها وابوها ويدتها وصلوا عندهم.. وكانت تسمع ابوها يضحك على سعيد.. يعني زعل احمد ما الا من بعد ما طرووا يوسف. معقوله يكون هوه السبب.. بس روضه ما قالت شيء.. ومن بدت اتطير الطياره مهره دايركت مسكت ايد احمد لانه عندها فوبيا من الطيران. ومن يوم هيه صغيره اتخاف المرتفعات..طول الرحله واحمد ومهره يسولفون ويضحكون وروضه مع بنتها الي كل اشوي واتصيح متضايقه.. خصوصا انها تحبي.. تبى تتحرك.. وكل ما يصيح ياهل في الطياره كانت اتصيح هيه بعد. لين بدى الهدووء يعم.. قدرت ترقد.. مهره بعد رقدت. احمد شغل التلفزيون ويلس يشوف فلم.. وروضه تمت اتشوفه وهيه اتعرف انه يشوفها من طرف عينه. بس سوا عمره ما يشوفها.. حطت هند عدالها وعدلت الكرسي ونامت.. هيه بعد.. وصلوا الساعه 6 المغرب. وكان الجو ممطر.. اشترى احمد مظله لكل واحد منهم.وركبوا تكسي وساروا الفندق.. ومن وصلوا الفندق. دخلوا جناحهم خلاهم احمد ونزل علشان يستأجر سياره. لانه السياره الي استأجرها صارت لها مشكله في المطار .. وخلاها وركب التكسي بعد ما بلغهم انه سيارتهم خربانه. لقى سياره صغيره فيها Navigator رد بعد ما اتصلت به مهره لانهم يوعانين.. رجع لهم وطلبوا عشى من المطعم الفندق. وتعشوا وريحوا. لانهم كانوا تعبانين من جد..دخلت مهره غرفتها لانها لين الحين متاثره بالضرب ومبين في جسمها الكدمات .. وتمت روضه مع احمد . وهند في الغرفه راقده..
روضه:ممكن اعرف شوه الي فيك؟
احمد ببرود:شوه فيني بعد. وبعدين عاد. مره انتي ومره مهره.. قلت لكم مافيني شيء.. مصدع وبس..
روضه:والي مصدع يشوف فلم في الطياره. ولا يرقد؟؟
احمد التفت لها: والله كييفي. اسوي الي اسويه. مش انتي بتحكيميين فيني. والله.. اقوولج شيء.. انا بطلع.
روضه فجت عيونها:وين بترووح؟
احمد:اوووووه. وبعديين يعني. ما احيد اني واحد من عيالج. فجي عني عااااااد.
روضه:واحد من عيالي؟؟ احمد شوه المشكله ابا افهم. انته انجلب حالك. من طلعنا من البيت.. شو الي صار.؟
احمد:ما انجلب حالي ولا شيء. وبعدين خلااص. فكييني من الحشره. كم مره بقولج مافيني شيء.
روضه: احمد انا حرمتك واعرفك زين اذا فيك شيء او لاا. ممكن اسألك سؤال؟
احمد: اااااااااف.. خير؟؟
روضه: الموضوع يخص يوسف؟
احمد:ياحلاااوه. الحين يوسف جذيه حااااااااف. والله زيين يا رووضه.. بيض الله ويهج..
روضه:عقدت حياتها.. : شوه السالفه. ترا والله مب فاهمه اي شيء.
احمد:انا بسألج ياروضه. وقولي لي كم مره في ذمتج وغلات عيالج كم مره اتقابلتي مع يوسف في بيت ابوج.
روضه من سمعت كلامه انصدمت صرخت بصوت عالي: شووه تتحسبني .. زبالتك الاوليه نووف. يكوون في علمك لا انته ولا عشره من اشكالك. بيدوووس على شرفيه وبيتهمني في عرضي. فااهم ولاا لااا. ولا وااااااحد.. انا مربااااااايه احسن تربيه. واشرف من الشرف.. انا الي انقد على عمري قبل ما ينتقدني الغير.. انزل شرفيه وشرف اهليه.. واتكون لي علاقه. مع ريال ما يحل لي.. مستحييل.. (( كانت تتكلم بعبره ودموعها ينزلن.. من خلصت كلام ربعت الحجره وقفلت الباب.. وهيه اتصييح.|)) احمد حس بفرااغ في داخله. ما قدر يتكلم ولا يقول اي شيء.. تم واقف خمس دقايق.. وبعدها حس على عمره واتقرب صوب الباب. سمعها اتصيح.. حاول انه يفج الباب. بس الباب كان بعييد عن اييده ماقدر يمدها اكثر.. لو بتفتح له الباب شوه بتقول له او هووه شو بيقول لها..ماعرف.. نزل على ركبه وحط ايديه على راسه.. حس بحد يتقرب منه ولمس كتفه. رفع راسه بسرعه لقى مهره واقفه عداله ودموعها ينزلن.. نششته ولوت عليه..
احمد خوزها عنه وطلع من الشقه.. مهره حاولت تمنعه بس ماخلاها.. رجعت عند باب روضه اتدق عليها.. على الاقل تاخذ عنها هند الي اتصييح.. بصوت عالي. بس مافي مجال.. لا روضه طاعت ترد عليها. ولا طاعت تفتح الباب.. اتنهدت ورجعت غرفتها.وصلت الساعه 2واحمد بعده ما رجع..رقدت هند, الي نشت تبى حليب. وفجت الباب. لانها عطشانه لقت الشقه مثل ماهيه الاغراض محطوطه على الطاوله..دخلتهن الغرفه.. وراحت تيب لها ماي. ورجعت تنام.. احمد يا بعدها بنص ساعه ورقد على الكرسي.. نشت مهره يوم سمعت صوت الباب.. وطلعت لقت احمد راقد.. يابت له غطا وغطته ودخلت اتنام.. الصبح محد نش وقت.. لانه الكل راقد متأخر. وفوق هذا تعب السفر. وفارق التوقيت..هند كل ما تنش تعطيها روضه حليب.. وترجع تنام.. المسكينه تعبت نفسيا... واذا بغت تلعب.. تعطيها العابها وهيه ترقد عنها.. يوم تنش تلقاها راقده عدالها.. لانه طبع هند. من تاكل او تشرب. وتكون شبعانه. تعطيها العابها واتخليها تلعب لين تتعب وتنام بروحها.. كل عيالها وقت النوم نفس الموال..من النوع الهادي.. مش الغثيث..نشت كانت الساعه بتوقيت الامارات. 4وبتوقيتهم كانت 2.. نشت وصلت الصبح والظهر.. وسارت اتشوف مهره. واتفاجأت بأحمد راقد على الكرسي. وشكله مب مرتاح برقدته.. سارت غرفه مهره ودقت عليها الباب. مهره كانت واعيه..وكانت تاخذ شاور. سمعت الدق. وفجت الباب.. دخلت روضه وما سكرت الباب.
مهره:صباح الخير ولا مسا الخير الحين
روضه هزت كتوفها:ما ادري.. بس انا يوعانه. شوه عنج؟
مهره هزت راسها بمعنى هييه.
روضه:زين عيل. ممكن اتروحين اتوعينه علشان ايب لنا اكل.
احمد :انا واعي.. . بسير الحين اييب اكل.. ولا تبن نتغدا براا..؟ هووه غدا ورويوق. شوه رايكم.؟
روضه ما التفت صوبه.. وكلمت مهره. :يوم بيي الاكل ممكن تخلينه لي في المطبخ. بسير اسبح هند..
احمد حس مثل حد ضربه على بطنه..عرف انه غلطان.. بس شوه يسوي من غيرته عليها وحبه لها غصبن عنه يسوي جذيه.. اتقربت روضه من الباب. تبى تطلع. بس احمد ما خاز كان مسكر الدرب عليها. وحاط ايديه على اطراف الباب. علشان ما اتمر.
روضه التفتت على مهره: ممكن اتقولين له يبعد عن الباب ..
احمد:ليش ما اتقولين لي انتي؟
روضه:ممكن اتقولين له يا مهره. هند بتصيح الحين.
احمد:مهره قولي لها .. ما بخوز لين تتكلم هيه وياايه..
مهره:هه تعرفون انتوا اتذكروني باليهال..تعرفون انا عايبني الماي. وما كان ودي اطلع.. شكلي لين تحلون هاي المعضله.. برجع اكمل حمامي. ههه..
احمد:لا تعبرين الماي.
مهره:ههههههه. غرفتيه وحمامي. والماي مااييي. اناا. ههه
احمد:انا مالي غرفه.. خلتني راقد على الكرسي. والله انه رقبتيه تعورني وفيني عصبه..
روضه استندت عل اليدار تترياه يخوز عن الباب..
مهره:انزين لين متى بتمون جذيه.. ممكن اكمل حمامي ولا لااااا؟
روضه: قولي له يخوز وبعدها كملي حمامج.
احمد:اقول مهره زين السبوح سيري سبحي مره ثانيه.. وخلينا اهنيه. وبنشوف شوه نهايه ها العناد..
روضه:خبر عمرك.
احمد:ههههه اووووهووو. واخيرا كلمتني.. ههههههه.
روضه:سخييف..
احمد:حتى انتي سخيفه..
روضه:لا والله. ما احيد اني سخيفه مثل بعض الناس.
احمد ابتسم:هه اها يعني انتي سخيفه بس مش مثل سخافتيه...او انتي سخيفه. بس مش مثل درجه سخافتيه. لاني غرت عليج. من يوسف. الا اني كنت احترق
روضه:ما اظن اني عطيتك اي سبب علشان تغار. او حتى اتفكر اني او ولو جزء من الثانيه اني بفكر بيوسف..
احمد:شوه اسوي. احبج واغار عليج. مش من يوسف بس.. الا من اي حد يكلمج. حتى ابويه وابوج. شوه اسوي. فيني مرض اسمه عشق روضه.
روضه عضت شفايفها علشان ما تضحك:اها.. عادي في دوا لها المرض
احمد:ومنوه قالج اني ابغي اتعالج منه. بالعكس هذا المرض هووه الي مخلني عايش لها اللحظه..
روضه:لاا.. صدق..!!
احمد:واكبر دليل انه لو ما لمست هذا المرض الحين.. بتييني نوبه قلبيه..
روضه اخرت وراا علشان ما اييها.بس انتبهت متأخر انه اليدار وراها.. احمد اتقرب منها وحط ايديه على الايدار وحبسها
احمد:انزين.. برأيج شوه انسب طريقه. ا افضل طريقه اتجنب فيها الازمه القلبيه.. في خيارين. اما بوسه على الخد. او بوسه على الراس.. والعيون. او على الشفايف. اختاري.
روضه:ولا وحده.. خوز عني.(حطت ايدها على صدره تبى ادزه)
احمد:واذا ما خزت.. شوه بتسوين؟
روضه:بصرخ.
احمد:هههههههههه.. ومنوه بييج.. هند ولا مهره.. الي انا متأكد منه انها لاصقه على باب الحمام. تبى تسمع شوه بنقول..
روضه:هذا غلط.. ممكن تخوز عني.
احمد:اها.. يعني قصدج مب زين نتكلم هنيه.. اوكي هند بعدها ماكلمت سنه يعني ما تفهم شوه بنسوي او شوه بنقول.. ماعندي مانع انسير الغرفه. عندي موضوع ثاني اهم.
روضه:انا ماباا. ماقلت لك .
احمد:مب مهم اتقولين حبيبي.. عيونج يقولن لي كلام.. ثاني.. ونا اسمع وانفذ للغه العيون فقط..ويالله هووباااا((شلها ))
روضه:احمد نزلني عن الينان. احمــــــــــــــــــــد..
وصل نص الدرب. يوم قالت نزلني. سوا عمره انه بيفرها.. هيه خافت فمسكت فيه..
احمد:هههههههه شفتي حتى لغه الجسد اتقول عكس الي تقوله شفايفج.. هههههه..
وصلها الغرفه وسكر الباب بريله.وتراااضوا
طلعت مهره من الحمام والابتسامه شاقه ويها.. خصوصا انها اتأكدت انهم تراضوا خلاص..والحين بتبدى صدق سفرتهم بتحلووو... وفعلا من يومها وهم كل يوم في مكان.. كانت خطتهم كل يومين في مدينه.. وصلوا لين المانيا.ورجعوا سويسرا.. كانوا مخططين يمروون بالعمره بعد ما يرجعون من اوروبا.. بس اتصلوا الدوام بأحمد.. فأضطرو انهم يرجعون البلاد.. بس وعدووا مهره انه يوصلونها العمره.. في الاجازه..كانوا في استقبالهم في المطار.. سعيد. ويده عبدالله ويده ناصر. ومن خلصوا السلامات. ركبوا سياراتهم ورجعوا البيت. روضه ومهره وهند رقدوا في السياره لانهم في الطياره ما قدرن يرقدن. لانه هند كانت شبعانه رقاد.. وماقدرت روضه ترقد عنها. معنها كانت تعبانه.. ومهره لانه عندها فوبيا من المرتفعات.. واحمد الي كان مهون عليها السفره. رقد عنها..لانه كان يسولف وياها اغلب الرحله. لين ياها رقاد وما حست بعمرها.. بس هاي المره من طارت الطياره احمد عدل الكرسي ورقد. بسرعه.. من التعب. خصوصا انه قبلها كان يسوق السياره بهم ولا خلوا مكان ما ساروو له.فكان تعبان.. ومن خلصوا الرحله.. ساروا المطار سيده..لانه طيارتهم كانت الفير..وصلوا البيت وبدت العزايم.. وسعيد ما طاع يفج امه وكل ما يشوفها يصييح ويذكرها ليش خلته وما شلته وياها.. وكل ما يشوف احمد يصييح.. لين وعده احمد انه يشله وياه بعد فتره ..مرت الايام وهدت الاوضاع.. ومهره كانت مقدمه على شغل.. وفعلا طلع لها.وبدت اتداوم. والحين كملت فوق الست شهور وهيه اتداوم.. ارتاحت نفسيا.. بس كانت كل ما ايها حد يتقدم لها. كانت ترفضه. من دوون اي سبب.. ما تبى اتعيد التجربه.. السابقه.. وفهد رجع من العلاج.. سافر برا يتعالج نفسيا.. بعد ما طلع من السجن ..ورجع لشغله.. بس الكل ماخذ منه موقف. لانهم عارفين شوه الي صار له.. في يوم من الايام ومهره راده من بيت ميره.. السياره وقفت عليهم في الشارع..
مهره:شوفي برهووم ليش وقفت؟
برهووم:ماافي مألوم ماما.. سياره يمكن خراب..
مهره:نعم؟؟ وليش عاد.. وشو فيها السياره؟؟
برهووم: انا كيف مألووم(وهو يهز راسه))
مهره:اوووووف. هذا وقته الحين.. انزين انزل وشوف شوه مشكله..
برهوم هز راسه ونزل.. يشوف شوه فيها السياره..مهره اتصلت بـأحمد بس ما رد عليها.. لانه كان في الاجتماع وما قدر يرد.. اتصلت به اكثر من مره.. وبعدها اتصلت بروضه الي طلعت في العياده وهيه بعد تتريا الدريول....
روضه:وشوه بتسوين الحين.؟
مهره:مااااادري.. والله شكلنا غلط.. بس الحمد لله انه موقف. على طرف الشارع مش في النص.. ولا بنرووح فيها.
روضه:بأسم الله عليج.. انزين وعمي وين ما شفته اليوم؟
مهره:ابويه الصبح سرح دبي.. يقول يبى يسير يسوي فحوصات عامه عند عياده سيلمان حبيب..ولين العصر ما بيي.. والحل الحين شوووووووه.. واحمد ما صار عندهم اجتماع الا اليوم....
روضه:ههه شفتي عاد.. معنه من شوي يقولي.. يمكن ما يحظر الاجتماع لانه عند شغل.. وربيعه بيحظر عنه.. بس ماادري شوه الي غير رايه.
مهره: وانا شوه اسوي الحين.. اووووووووف. بصيييييييح.. امايه وين؟؟
روضه:مادري بها.. يوم طلعت من البيت. كانت في حجرتها..والدريول ما عرف شوه فيها السياره؟
مهره:لاا .. فالح يهز لي راسه.. ومافي مألوم.. انا كيف في مألووم.. اووووووووف.. بصيييييييييييح..ياحلاوه هذا الي ناقص.. هذيه سياره وقفت عدالنا.. ياربي..
روضه:يمكن يبون يساعدوون. خلي الدريول يشوفهم.
مهره:هوه برا.. والحين سار...............له..
روضه عقدت حياتها:سار له؟ منوه هووه؟
مهره:رووضه.. هذا..
روضه: منو؟؟
مهره.:هذا..يو.. يوسف.
روضه:شوووووووه؟؟
مهره:طلع يوسف.. وحد راكب ويااه.. صغير..يمكن ولده؟؟
روضه:ما ادري به.. انزين الحين شوه؟
مهره:اييييييه.. يايين صوب السياره.. رووضه والله اخااااااف.
روضه:شوه يخوفج.. انتي في السياره. وماعليج. بيشوفون شوه المشكله وان شاء الله. يطلع شيئ بسيط..
مهره:ان شاء الله..
السياره ماكانت مخفي قوي.. والشمس ضاربه على السياره فكان مبين اكثر.. يوسف عرف انه حرمه في السياره. توقع انها روضه. لانه هذا دريولهم. شافه اكثر من مره يوم كان اييب روضه بيت اهلها..بعد ماشرح له الدريول شووه الي صار . اتقرب يوسف وشاف السياره. فج البونيت. يوم فحصها شاف انه ناقصه السياره ماي.
يوسف:مافي اي مشكله.. بس تبى السياره ماي.. عندك ماي في السياره؟
برهووم: فييه الحين انا يجييب في عند ماما محره..
يوسف عقد حياته:ماما شوه؟
برهوم:ماما محره.. بنت مال بابا ابدوالله..(البنغاليين صعبه اشوي عندهم مخارج الحروف..
(مهره محره. عبدالله.. ابدوله... خارج النص)
يوسف:مهره.. ايوواا.. انزين ماعليه هههههه هات ماي من عندها.انا عندي ماي بس ما بيكفي. كم في ماي انته جيب..
برهوم هز راسه ويا صوب دريشه مهره.. ودق عليها.
مهره نزلت الدريشه: شوه فيه؟
برهوم:هزا ريال يقول في مشكله يريد ماي..انتي جيب ماي.. سورعه..
مهره:شوه؟؟
برهووم:هزا اربابا يريد مااي.. ماي.. waterانتي فيييي جييب.
مهره :انا فاهمه شوه الماي.. يا الطمطمه.. بس ليش؟
يوسف كان يسمع الرمسه وفيه ضحكه.. التفت شاف ذياب يفج الباب يبى ينزل.. سار وهزبه وقفل الباب عليه..
يوسف:لا تنزل..
ذياب:بس ابا انزل.. تعبت.. شمس..
يوسف:قلت لك لا. يعني لااااا.
شل الماي من السياره وقفل عليه. وسار صوب دريشه مهره.. يبى يشرح لها.. شكل الدريول صدق طمطمه.وما يفهم,
يوسف:السلام عليكم.
مهره انصدمت:وع.ليكم السلام..
يوسف:اختي السياره ناقصنها ماي. انا الي عندي. ما يكفي.. والدريول قال انه في عندكم ماي.. اذا مافي لو بتتريوني بسير البقاله وبيييب ماي..
مهره:لاا.. اخوي. انا.. عندي ماي. بس ما ادري اذا.بيكفي او لا
يوسف:ماعليه لو بتسمحين تعطيينا اياه.
مهره:ان.. شاء الله. طلعت الماي وعطته الدريول.. الي عطاه ليوسف. وبسرعه حطه في السياره.. وبقدره قادر كفا الماي وزاد. عق الباقي في الزباله.. وقال للدريول يجرب الحين.. ويشغل السياره..وفعلا من اول مره اشتغلت السياره.. نزل يبى يتشكره. وما سوا لمهره سالفه .
برهووم: الحين في مزبوووط.. مشكور. ارباب.
يوسف:ههه زين. يالله.. توكل بس لا تسير بها بعيد. رجع البييت وشيك عليه. يمكن في تسريب. ولا شيء.
برهووم:مافي مشكله.. بس انا في رووخ اياده. ايجيب ماما روووده.. وبعدين انا في رجع بييت..
يوسف:اها.. ز..ين.. يالله عيل.. بس شوي شوي. اوكي
برهوم:ايييه.. زين ارباب. مشكوور..
يوسف: العفو..(اتنهد يوسف وسار صوب سيارته)
وطول الدرب يفكر بروضه.. لين متى انا بفكر فيها. بس عااد.. انتبه انه ذياب كان يرمسه.
يوسف:هااه؟ شوه قلت بابا..
ذياب:اوووه. انا كم مره بقووولك.. ابويه.. ابا اسير بيت خالي.
يوسف:لااااا.
ذياب:انزين لييش؟
يوسف:بس.. قلت لك لاا.. وما تناقش في الموضوع.
ذياب:انزين عطني سبب مقنع ليش ما تخليني اسير. بيت خالي. واشوف امايه..
يوسف:بس.. واظن انته عارف السبب ليش. فلا تحاول. وحتى لو هيه اتصلت فيك. وقالت لك تعال.. مافي سيره. فاهم ولا لااااا. وبعدين وين كلامك الاولي.. ماباها ولا اريد اسمع بأسمها. قدروا يقصوون عليك. بكلمتين..وخلاص سامحتها؟؟
ذياب نزل راسه ولا قدر يتكلم.. لانه فعلا من سنتين قال ها الكلام. بس هاي امه.. حتى لو انها تخلت عنه ووقعت تنازل عنه في المحكمه بتظل امه..
يوسف:انته منوه قالك انها هناك في بيت خالك..
ذياب :ردت اهناك.. خلاص..
يوسف عقد حياته:كيف يعني. خلاص؟؟
ذياب :طلقها..
يوسف ابتسم:ايواا..جذيه السالفه ..
ذياب:شوف انا قالي خالي.. الحين يوم هيه تطلقت تقدرون ترجعون لبعض صح ولا لاا.
يوسف التفت على ولده:بسألك ذياب انته كم عمرك؟
ذياب :عمري12ليش؟
يوسف:يعني انته مش ياهل.وفاهم الي يصيير.. كرامتك تسمح لك انك تسامحها وترجع لحياتك طبيعي..
ذياب: بس.. هاي.
يوسف:ادري انها امك. بس علشان الفلوس تخلت عنك.. وهيه الي سارت المحكمه ووقعت التنازل..
ذياب:بس انته الي قلت لها.
يوسف:انا قلت لها علشان تنسى الطلاق.. بس هيه اصرت عليه.. قلت لها تبين الطلاق. تتنازلين . قالت ماعندي مانع..بس المهم اتطلق.. الحين تباني اردها.. لا يابابا. مستحييل.. واذا تبى اتسير لها. فها الشيء يرجع لك انته.. بسمح لك بس بشرط..
ذياب:شوه؟
يوسف:اذا بتسير لها تنساني.
ذياب:لااااااا..
يوسف:عيل.. انساها.
ذياب:بعد لااا. ما اقدر.. انته تقدر تنساني؟؟
يوسف:مستحييل.. بس هيه لسنتين نستك ولا افتكرت فييك. حتى الاتصال ما اتصلت بك. معنك عندك تلفون.. ليش الحين بالذات تذكرتك وتبى اتشوفك.
ذياب نزل راسه:لانه ريلها ماخلاها تتصل.
يوسف:هههههه. لااا والله.. ههههه.. والله هاي نكته العام..باابا.. الي يبى الصلاه ما تفوته..وهيه لو صدق تبى اتكلمك. تقدر انها تكلمك بالسر. لا من درى ولا هم يحزنون.. لا تخليها اتقص عليك بكم كلمه.تعرف شيء.. اوكي.. سير لها.. وشوف شوه تبى منك.. في الاخير. انا متأكد انها بتقول لك شيء. توصله لي.. وساعتها بتعرف. انها ما تبى اترد الا لسبب..
ذياب:والي هوه؟
يوسف ابتسم:بتعرف. قريب..
ذياب:انزين..
يوسف:خلاص عيل.. سير لهم وشوف..
ذياب:تقدر اتوصلني ولا اخلي الدريول.
يوسف:بوصللك الحين.. ومن تخلص بخلي الدريول اييك.. اوكي.
ذياب:اوكي..
وصله بيت خاله.. الي ماكان بعيد عن بيتهم.. الا بعد شارعين. رئسيين..يوسف كان ماخذ بنت عم ابوه..وكان مجبر انه ياخذها.. لانه امها حرمه كبيره وابوه عزر عليه انه ياخذها كانوا صغار.. وكان طايش.. وما كان مهم عنده منوه الحرمه.. بس اللهم انه يكون عنده وحده التلبي له كل احتياجاته.. خصوصا انه ماعنده خوات.. وكانت امه هيه الي اترتب له اغراضه اذا بيسافر. او بيطلع مع ربعه. كل اموره عند امه. عمره مافكر انها حرمه كبيره وكل البيت على راسها. ابوه كان من النوع الشديد. كان كل شيء عنده ممنوع.. حتى الخدامه ممنوع. والطباخ ممنوع. حتى الدريول..ربته هو وخوانه الاربعه روحها..فبما انه اكبر واحد.. وافق انه يعرس. على اساس انها بتساعد امه.. وبترحمها وبتخفف المسؤليه عليها. وفعلا في البدايه كانت خوله. اتساعد امه اشوي. في شغل البيت.بس من يغيب ابووه. كانت ما تهتم. وبالعكس كانت امه ترتب من وراها. لانه كانت من النوع الي يعفس. الدنيا... خصوصا في المطبخ.. كانت من النوع اذا بتسوي. صنف اكل.. وااحد بس.. بتستخدم تقريبا اكثر عن حاجتها من الوعاييين..والمغارف.. ولا تغسل الي تستخدمه.. لين تي امه وتنظف المطبخ.. وايد صارت صدامات مع اخونه ومعاها. بسبب هذا الموضوع.. في النهايه تمت ما تدخل المطبخ ولا تساعد امه في اي شيء.. ومن حملت بذياب وعرف ابوه انها حامل بولد.. ابوه من النوع المحب انه يكون عنده اولاد.. بدوون اي بنت.فكبرت في عينه. يوم بشرته انها حامل بولد..زاد الشغل على امه.. ويوسف ماكان يدري بأي شيء. لانه كل وقته كان في الدراسه. في البلاد او برا البلاد.. وحتى بعد الدراسه. كان ياخذ دورات.. بس علشان ما يتم وياها.. وصل لمرحله انه ما يقدر ايلس وياها في مكان ويكونون هاديين. لازم مشاكل وهده.. وحتى يوم ربت.. ويابت ذياب... تمت تتهاد وياه ومشاكل علشان اييب لها خدامه.. لين رضخ وياب لها خدامه بس شرط انه الخدامه بتساعدها في الترتيب والتنظيف.. مش حق الولد.. كان تفكيره. انه يبى ولده يتربى مثل ما تربى هو وخوانه. على ايد امه. من دون تدخل اي حد ثاني..بس الي شافه كان العكس. كل ما ايي البيت. يلقى ذياب يا عند امه هووه.. او عند الخدامه.. وخوله. راقده.. او في بيت اليران..صارت اكثر من مشكله بسبه هذا الموضوع. حتى انه هدد انه يكنسل الخدامه.. في البدايه تغيرت وبدت تهتم بالولد.. بس يوم طلعت له سفره علشان يكمل دراسات عليا..ماجستير...قرر انه ياخذها ويااه. بدون الخدامه..سافرووا وتمو هناك سنتين..لين خذ الشهاده. في البدايه كان صعب اشوي. على الغربه والدراسه.. وبس بعدين تأقلموا عليها.. بدت تطلع ويا ذياب يوم يكون هوه في الجامعه. وبدت تتعرف على ناس من كل مكان. من الخليج وغيرهم.. في يوم من الايام رجع البيت وقت.. لقا عندها حريم. سلم ودخل الحجره.
خوله:خير شوه بلاك.. ياي وقت؟
يوسف:ممنوع ان رديت وقت يعني؟
خوله:لا.. بس مب من العاده؟
يوسف اتنهد:ان تأخرت ما عيبج وان ييت وقت بعد ما عيبج. ممكن اعرف شوه الي يعيبج.انتي.
خوله:اوووه. كييفك. انا بسير الصاله
يوسف:صبري.. منو هذيلا؟
خوله:هذيلا من قوم......... ساكنين في بوظبي.. يايبين ولدهم اهنيه.. حليه فيه السرطان في الدم..
يوسف:الله يشافييه يارب..وكيف تعرفتي عليهم ان شاء الله؟
خوله:ابد.. كنت اتمشى برا. ولقفتهم. ونا راده البيت..ساكنين في البنايه الي جدامنا..
يوسف:اها.. زين.. ذياب وين؟
خوله:راقد.. ماصدقت انه رقد.. الله يهديييه صار مزعج. عطوني الي اباه ولا بصييح.. اووف.
يوسف:هه.. لازم في ها السن جذي اليهال.. انزين انا برقد.. اشوي. يوم يروحن الحرمات وعيني..
خوله:ان شاء الله.
مرت الايام وعلاقتها وياهن كبرت.. حتى يوم ردوا البلاد تمت اتسير عليهن او تعزمهن في قسمها.. كان ابوه باني لهم قسم في نفس الحوي.. علشان تاخذ راحتها ..يوسف ما ارتاح لهم. واكثر عن مره قالها تقطع علاقتها وياهم. بس هيه ما رضت. خصوصا انهن ما يقصرن عليها بالهدايه. الغاليه.حقها وحق ذياب.تمت وياهن فتره طويييله.. استمرت لين كمل ذياب ست سنين.. وبعدين صارت مشكله بينهن وانقطعت العلاقه..محد عرف كيف وليش. بس يوم شافها فتره ما تطريهن ولا اتسييير عليهن سألها وقالت له انه الي بينها وبينهن اننتهى.. كيف وليش. قالت بس انتهى.. كانت امه اتصر عليه. انهن ايبون ياهل ثاني. بس هيه ماكان عايبنها.. وكانت اتصر عليهم انه ذياب يكفي.. وما تبي تيب ياهل ثاني وتتحمل مسؤليه ثانيه.. الحين ذياب ريال ويدبر اموره بروحه..كانت من النوع الكسول.. همها في عمرها وبس.رقاد وحواطه..الخدامه كانت اتساعد امه في شغل البيت اشوي. يوم ما يكون عندها شغل..بدا شغله في الجامعه بمشاكل من طرفها.. لانها اونها تغار عليه..من البنات.. وتمت زعلانه منه.. شهر. ما تتكلم وياه. تباه يفنش ويغير شغله. بس ما اهتم وكمل شغله عادي. خصوصا انه ابوها ماعلق على الموضوع.. يوم سارت واشتكت عنده..قالها الشغل مب عيب. والبنات الحين يشتغلن في كل مكان. فما فيها شيء ان اشتغل مع البنات او انه درس البنات.هزبها وخلاها ترجع البيت غصبن عنها..روحها من دوون ما اييبها يوسف. يوم رجع البيت لقاها يالسه في الصاله.وذياب يحل واجباته.. سلم ولا جنه صاير اي شيء. مب جنه هيه كانت في بيت اهلها من شهر.. كان عااااادي عنده.. لانه تعب من المشاكل.وخوانه كانو مأيدينه.. انه خلها اتسوي مشاكل وطلقها افتك.منها وشل ولدك.اصلا هيه ماتصلح انه اتربي ذياب..ومن ها الكلام.. واقتنع بها المنطق.. فحتى انه ما سار لها بيت اهلها يراضيها.. فبما انها رجعت بروحها ما حب يسوي مشاكل اكثر..استمرت الحياه على ها المنوال.. هوه يسير الجامعه يشتغل وهيه لاهيه بعمرها. وبربيعاتها.. يته مره تطلب منه فلوس. تبى تشتري فستان لعرس ربيعتها. وتبى منه يوصلها دبي..وعلى كثر الزن.. طاع.. ووصلها دبي.. ولا خلت محل ما دخلته الا علشان ما يفوتها شيء من الفساتين.. تعب يوسف وخلاها اتحوط بروحها وشل ذياب وساروا الالعاب يلعبه لين تخلص. كملت ساعتين ولا حصلت شيء. لين آخر شيء دخلت محل غااااالي وخذت لها فستان ب 7000 درهم ويتهم.. طلعوا من المول بعد ما تعشوا ورجعوا البيت لانه يوسف وذياب وراهم دوام.. في المعاريس.. اتلاقت وياهن مره ثانيه. وشكل الموضوع برد خلاص ورجعت علاقتهن مره ثانيه.. سهر وحفلات. وعزايم. مره عندهم ومره عندها.. كان كل ما يناقشها في هذا الموضوع ترجع وتفتح له الاسطوانه الجديمه انا ملانه وماعندي شغل ولا شيء. ابا ارفه عن نفسي. لدرجه انه خلاااص تعب من ها الموضوع. وخلاها على هواها.. ذياب كمل التسع سنين.. حس انها بدت تتغير.. اتدور اي سبب علشان اتسوي مشكله كبيره.. كان يتجاهل يوسف المشاكل ويتصرف ببرود خصوصا انه ذياب في سن حرج. وبدى تتغير نفسيته. كل ماايي البيت ويتجمعون مع بعض كانت اتصير مشكله وهده من اي سبب حتى لو كان تافهه.. من يبدى الصوت يعلى. كان يشرد حجرته ويقفل الباب. ويصيييح.. فتم يوسف يتجنب الاحتكاك وياها علشان ولده.. طلع من البيت في يوم من الايام وسار المسيد. لانه اذن. لقى ريال يالس ويقرا قرآن ويصييح..كان فيه فضول هذا الريال شافه اكثر من مره ونفس الحال. ايي قبل الصلاه ويطلع بعد الصلاه سيده.. كان فضول يوسف كل مره يزيد اكثر عن الي قبله..اتقرب منه ويلس عداله من شافه الريال كان بيقوم.. بس يوسف مسكه.
يوسف:هد نفسك.يا الوالد..
:شو .. تبى مني..
يوسف:ابد.. بس من كم يوم اشوفك بها الحاله.. خير يا الوالد.. رب ما شر..
:آآه يا ولديه.. هم كبيييير في قلبي..غلطت غلطه كبييره. والحين آخذ الجزاء.. فيني الخبيث.. وما بقى لي في الدينا شيء.. ياغير.. الي ابغيه شيء بيسسيط.. بس مستحييل اوصله..
يوسف:ليش يا الوالد مستحييل. بالعكس مافي شيء اسمه مستحييل.انته بس حاول توصل وان شاء الله ربك..
:ياولديه الي سويته كبييير... وربك غضبان عليه..
يوسف:بس ربك رحييم بعباده التوابين..واذا انته تايب ان شاء الله ربك يغفر لك.
:عيل وييينه الريال ليش لين الحين ما حصلته. من اكثر من عشر سنين وانا ادوره ولا حصلته. ما تقولي ويينه..
يوسف:اي ريال.. ياخالي شوه الموضوع؟
:ااااااااااه.. يا ولديه شو بقولك.. الموضوع جدييييم.بس الي بقدر اقولك اياه اني ظلمت ريال طيب.. واتبليت عليه.. وعقيته في السجن.. .(حط ايديه على راسه وتم يصييح) وفوق هذا كنت اعرف انه اهله راغوه من البيت وعقوه في الشارع.. وشفته يرقد على الرصيف. وفي المساجد وحتى اني طرشت له خرده عند واحد من العيال الي يلعبون في الشارع.. كنت مغتر بعمري.. وظالم.. عمري مافكرت اني ربي بيعاقبني على الي سويته في حقه.. الشاهد الله. اني كنت اشوف دمووعه وهو في المحكمه ييصييح انه بري.. وكنت اسمع دعاويه على الي كانوا السبب.. ياماسمعت عن دعوه المظلوم على الظالم بس عمري ما افتكرت فيها.. لين الله بلاني بها المرض.. وتقدر تقول اني صحيييت على عمري.. بس بعد شوه. دورت الريال.. كل الي حصلتهم ويعرفونه قالوا لي انهم ما يعرفون وين سار بعد ما طلع من السجن... بس واحد حصلته قالي انه سافر.. بس مايعرف وين.. الشاهد الله اني دورت عليه.. في كل مكان وطرشت ناس يدورونه بس ما حصلوه.. اتقول فص ملح وذاب. محد يعرف ارضه من سماه.. وانا بيني وبينك الدكاتره معطيني اقل من ست شهور.. وانا ما ابغي اموت قبل ما استسمح منه.. والله العظيم اني خليت كل شيء. بيتي وفلوسي حتى عيالي.. لي شهرين ما شفتهم..والحرمه مطلقه في بيت اهلها. خلاص ما ابغي شيء من الدنيا.. بس اني اشوف ناصر وابوس ريوله. جانه بيسامحني..
يوسف: ناصر؟؟
:هيه ناصر بن......
يوسف رفع حياته :انته متأكد.
رفع عينه :انته اتعرفه؟
يوسف:هااه.. ما ادري والله. بس.... اظن انه عندي وحده في الجامعه اسم ابوها ناصر بن ...... ما ادري اذا كان نفس الريال او لاا..
:الشيمه يا ولديه. راد الشان فيييك.. دخيييلك. تأكد.. اذا كان هووه او لاا دخيييلك.
يوسف:ان شاء الله يا الوالد ان شاء الله..
وكان هذا اليوم الي يسبق اليوم الي كلم فيه يوسف روضه لاول مره وطلب فيها رقم ابوها.. بس ما اتصل به لانه وقتها الريال ما يا المسيد..ويوم تخبر عنه قالوا له انه الريال تعب وصلوه المستشفى.. وبيسفروونه.. لانه واايد كان تعبان..اتقرب من ابو روضه بحكم انه خاله بو سلطان ..بس عمره ما قاله سالفه الريال. لانه كان مأثره به واايد.. ومن تنفتح السالفه ينقلب حال ناصر فيغير يوسف الموضوع.. وبعدها ما عاد وفتح الموضوع. خصوصا انه كان اكثر عن مره يسمعه وهو يدعي عليه. فماحب انه يفتح الجرووح مره ثانيه.. ودارت الايام وياه اتصال من ربيعه سالم الي يشتغل في المستشفى. يقوله انه في ريال يابوه من امريكا ولين الحين تعبااان. والظاهر انه بيموت .. هنيه مثل ما كان يبى. كان رافض انه يموت في الغربه.. يوم استفسر عنه يوسف. عطاه اسم الريال.. ومن تأكد انه نفس الريال حتى طلب روضه وخبرها عنه.. وبسرعه سارت له ووانتهى موضوعه وانسلت روحه بعد ما سامحه ناصر على الي سواه فيه..
في يوم من الايام رجع البيت وسمع صوت حشره وصياح.. دخل بسرعه ولقى خوله ماسكه العصى وتضرب ذياب.. .
يوسف بعصبيه:خوله.. شوه اتسوييين.. ينييتي..
خوله بخوف: هاا.. لاا.. ما.ينييت الا ولدك الحمااار..
يوسف:ولديه مش حمار وحسني الفاظج.. شوه مستوي.. ليش تضربيينه.
خوله: الهرم.. يالسه ارمس الحرمه وهو فوق راسي يحنن.. حشرني.. يبى فلوس.. يوم ما طعت اعطييه..سحب الواير من الفيشه.. وسكر في وييه الحرمه..
يوسف:وانتي ما اترومين اتردين على ولدج.. وبتخبرج كل يوم هاالتلفون.. دووم دووم. اذا مش الموبايل.. تلفون البيت.. او السهر لين الفير..
خوله:لاوالله.. شوه المطلوب عيل..اتم يالسه ومسكته ما اقدر..
يوسف:لا والله.. عيل يلسي بالساعات ويا الحرماات واهملي بيتج.. اصلا امبوونه البيت مهموول. ولا تهتمين فيه. ولا تدرين شوه ناقص ولا زايد..ماتدرين بالدنيا..
خوله:وشوه يخصني. انا انته متكفل بكل شيء..
يوسف: تعال ذياب.. نسير وياك.
خوله:لا والله. بكل بروود تقوله تعال..المفرووض تهزبه ولا تضربه على قله الادب.
يوسف:ولديه انا مربنه احسن تربيه.. وعمري ما بضربه. ولا بفكر اني اضربه.. والي سواه. احسن..
خوله:لا والله.. كبر راسه انته بعد.. مايكفي طوله لسانه. والحين انته بأفعالك.. بتخلييه يدمر..
يوسف:استريحي. عاد.. ولديه حشييم. لا طويل لسان ولا غيره. وهاي آخر مره تمديين ايدج عليه فاهمه ولا لاا..
خوله: لا والله.. هذا ولديه مثل ما هوه ولدك وبربيه مثل ما ابغي.
يوسف:اشوفج بس اتمديين ايدج عليه. ما بتلومين الا نفسج.
خوله:لا والله..
يوسف:قلت لج وانتي كيفج عاد.. تعال بابا خلنا انسير.
ذياب وعينه على امه:زين.. اهي اهي..(كان يصيح)
يوسف:افا الريال ما يصييح.
ذياب:بس يعور بابا.. الضرب يعور.
يوسف:آخر مره بتضربك حبيبي.. تعال خلنا انسير عند عمك منصور. تعال..يبى يسير البحر..
ذياب:عادي اسير وياه.
يوسف:هههههههههه يوم بتكبر حبيبي. مش الحين.
ذياب:متى بابا..
يوسف:امممممممم.. يوم تدخل الاعداديه..
ذياب:ووييييييييييييييل. بعييد..انا توني صف.ثالث..
يوسف:شفت بعدك صغير.. والبحر مابتقدر عليه الحين.. بعدين بتسير.
ذياب: زين..انته بتروح وياه صح.
يوسف:هييه حبيبي.. بس ان شاء الله ما بنبطي. يومين وبنرجع
ذياب:زين.
ساروا البحر.. وكملوا ثلاث ايام وبعدها ردوو. لقو البيت منجلب.. فوق حدر.. الكل محتشر..
يوسف:السلام عليكم..
الكل:وعليكم السلام..
ام يوسف:الحمد لله على السلامه يابويه.
يوسف اتقرب وباس راس امه:الله يسلمج يالغاليه..خير شو مستوي..
ام يوسف:الخير يا ولديه.. ياغير..
يوسف:ياغير شوه؟؟ شو مستوي.
ام يوسف:خوله.. خوله سارت بيت اهلها..
يوسف:وليش عاد؟
ام يوسف:زعلانه. وقالت لي اقولك انها تبا الطلاق.
يوسف عقد حياته:نعم؟؟
ام يوسف:هذا الي صار.. اقول لخوانك الحين. خلونا انسير ونفهم الموضوع وانراضيها..
علي وفاضل: اتخسي.
يوسف بصوت عالي:بااااااااااس..شوه هاي الرمسه بعد.. احترموا عماركم. امايه عني افداج.. لا اتسيرين ولا تشبرين بيتهم.. يوم هيه طلعت تبى اترد كيفها.. ماتبى اترد ولديه بشله عنها وطلاقها تباه بتحصله.. نحن مب يهال كل يوم والثاني زعلانه وتعالوا راضوني..
علي:اشكرك.. ياغير ولدك عندها وتقول انها بتخليه عندها..
يوسف: خلو الموضوع عندي.. ومالكم خص انتوا.. بس ابا افهم ليش سارت وشوه مستوي.؟
علي:ابد.. يالسين في الحوي. الا نسمع صوتها عالي.. تزاعج على الخدامه وعلى ذياب.. سارت لها امايه علشان اتشوف شوه صاير.. يتنا هداده... انتوا شو يخصكم فيني. ازاعج بكفيفي في بيتي وما ادري شوه.. واسوي الي اباه مالكم خص..
يوسف:ياسلام
فاضل:والله هذا الي استوى. ولا يوم قلت لها ليش تضربين ذياب. لانه يانا فديته وفيه ورمه في طرف راسه. زاعقت عليه وقالت لي مااالك خص يوم بتعرس وبتسوي عيال اتدخل فيهم. ولديه مالك خص فيه..
منصور اتنهد:بويه الحرمه هاي ينت.. مب صاحيه..
يوسف اتنهد:انا بسير لها وبشوف شوه الموضوع..
ام يوسف:والله لو درى ابوك بتصير سالفه.. تدري انه متعلق بذياب..
يوسف:ماعليه امايه بنحل الموضوع.. بسير قبل اتسبح واكل لي لقمه يووعااان.. ناس عازيمني على مطعم . ويوم حزت السالفه قالوا السموحه نسينا البوك..
منصور:هههههههههه. شوه اسوي والله نسيته.اهنيه..
يوسف:هيييه صدق. يالله عيل.
ام يوسف:الله يصلح لك امورك يابويه. ويسعدك.
يوسف ابتسم:آميين يا الغاليه..
وفعلا بعد ما تسبح سار لبيت عمه.. يبى يقابل حرمته.. في البدايه ماطاعت تيي.. وكانت اتطرش امها او خوانها يكلمونه .. لين يا ابوها.. وهد عليها.. وفي ها الوقت يوسف كان معصب.. منها خلااص..كان يالس في الميلس.. الي براا.. وكل ما يقولهم خلو ذياب ايي كانوا يقولون له انه يتسبح.. ومره يقولون له انه كان يلعب بالسوني.. وبعدها رقد..يعرف ولده مش من النوع الي يلعب وايد بالعبه وبعدها يرقد. حس انه في شيء في الموضوع.. لين يا عمه.وزقر خوله.. وطلب يوسف منه انه يخليهم ايبون ذياب لانه بعده ماشافه.ومن ياه ذياب ربع في حظن ابوه يصييح..
ذياب:بابا دخييلك مابا ايلس اهنييه. دخييلك ودني البيت.
يوسف:خلاص حبيبي خلااص.. بنسير البيت. بس اهدى اشوي.. خلني اشوف ويهك. شوه هذاا..
ذياب: هه.. هذا.. هذااا..انا..
يوسف:انته شوه؟
مصبح:يقولون انه يلعب بالسيكل وطاح فوق الرصيف..
يوسف:بالسيكل؟؟(وعينه على ولده الي كان منزل راسه)ذياب شوه هذا.. انا مب معلمنك الجذب.. لا تجذب عليه وقولي شوه هذا الي في ويهك..
ذياب طاحت دمعته: امايييه.
يوسف:شوه فيها امك.. هييه ضربتك صح..
ذياب:...............
يوسف:ذيااااااااااب.... ارمس ولا تخاف..
ذياب:هيييه هييه ضربتني.. بابا دخييلك مابا ايلس عندها دخييلك..
التفت يوسف على عمه:شفت ياعمي بصاير بنتك..
مصبح:مستحييل بنتي اتسوي جذيه اكيييد في سبب..
يوسف:لا ياعمي.. من ثلاث ايام ضاربتنه بالعصى.. واليوم مصفعتنه. تصفييع.
مصبح:خلها تي وبنفهم الموضوع. الحين.. سالم ويينها خلها تي بسرعه.
سالم بخوف: ان . شاء الله بويه.
بعد اشوي دخلت وهيه موخيه. خوله:السلام.. عليكم.
مصبح:انتي الي ضاربه ولدج خوله..
خوله رفعت راسها من الخوف::هااه.. هييه.. لاا..
مصبح بعصبيه:كييف هيه ولاا.. ضربتيه ولا لااا.؟
خوله:هيييه.. ولديه مش متربي..يابويه.. لا يسمع الرمسه. ولا شيء.وفوق هذا يراددني في الرمسه ويطول لسانه.. كنت مشغوله وياااني يزن على راسي. عطني التلفون بكلم باباه..
يوسف:جان عطييتيه.. يكلمني وشوه فيها؟
خوله:وين يكلمك وانته هايت في البحر..محد يدري عنك..
يوسف:منوه قالج. عاد. وبعدين التلفونات عندنا وماسرنا بعيييد. والارسال يمسك. وفوق هذا عندي الثريا.. يعني مافي اي عذر..
خوله: ......................
يوسف:انا قايل لج من قبل ياويلج ان مدييتي ايدج عليه.. ويكون في علمج ولديه مرباي احسن تربيه.. وجدام عمي الرمسه..
خوله:تسمعه يابويه..جدامك يهييني.
مصبح:ماقال شيء غلط.. انا اعرفه ذياب.. حشيم وريال ورزين. غير عن الفروخ الي في سنه. ياغير يابنتي كبري عقلج. وعن تصريفات اليهال هذي.
يوسف:ياعمي بنتك طالبه الطلاق..
مصبح بعصبيه: ابداا. ماعندي بنات يتطلقن. امره.. شلها يا يوسف امره من دوون قشارها.. بييها خلاف. اما طلاق ماشيء منه.. واحترمي عمرج وبس عاد..الي سبقنج ما سونها بتسوينها انتي.. امممف.. يالله..
خوله:بس يابويه.
مصبح بعصبيه:جب ولا كلمه.. شوه مقصر في حقج جانه متحملنج وساكت عنج وعن تصرفاتج كل هاي السنين. وفوق هذا مب باذره الا ها الولد.. وفوق هذا تبين الطلاق. كد ضربج قد سوا لج شيء..
خوله:لااا.. بس.
مصبح:جب ولا كلمه عيل. ويالله جدامي يالله سيري ويا ريلج.. وياويلج ان سمعت عنج مثل هاي الرمسه. وان ضربتي ذياب ما اتلومين الا عمرج. مني مش من يوسف.
خوله: ان شاء الله..
وفعلا ردت بس مهاانه برمسه ابوها.. يوسف ماكلمها. وطول الدرب يسولف ويا ذياب.. وهيه ساكته. ومن وصلوا البيت ربع ذياب عند يده ويدته وهيه سارت قسمها وسكرت الباب بقوه..كانوا يالسين في الحوي. حتى السلام ما سلمت عليهم.
سعيد ابو يوسف:السلام ببلاش. شوه بلاها حرمتك يوسف؟
يوسف:السلام عليكم.. والله يابويه شو دراني بها..
علي:الا بطره فيها.
سعيد:بسس علي. شوه هاي الرمسه بعد.
علي :ما اتشوفها.. داخله علينا جنا يهوود ما اتسلم علينا.
يوسف:وانته شوه تباها سلمت ولا لاا. خلها عنك.
سعيد:ذياب حبيبي شوه فيه ويهك؟ شوه ضاربنك؟
ذياب شاف ابوه:.....
يوسف:ضاربتنه امه بويه.
سعيد:الله يكسر ايدها وليش تضربك. مسوده الويه
يوسف حك راسه.. يعرف انه ابوه مايرضى على ذياب..:ذياب حبيبي سير المسبح الحين بييك..
ذياب:ان شاء الله. باباه..
مرت الايام والشهور. والاجواء كانت هاديه.. كانت فتره امتحانات. على البنات.ويوسف كان مضغووط.. في البيت وفي الدوام.. خصوصا انه مسك الجامعتين يوم بنات ويوم شباب.. وفوق هذا خوله ومشاويرها الي مايخلصن. ويوم يقول لها ما اقدر.. تزعل وتاخذ بالايام ما تكلمه وتهمل كل واجباته.. فيضطر انه يسايرها علشان ما تتعطل امور حياته. حتى اوقات انها تهمل ذياب. لو مش الخدامه جان مات من اليوع..في يوم من الايام كانوا سهرانين.. ورايقين..يوسف حس بنعاس واستأذن سار يرقد.. وخلا تلفونه في الصاله. نساه..
اشوي تسمع نغمه مسج في التلفون. بما انه يوسف من النوع الواثق ماكان يحط قفل لتلفونه.. فمسكت التلفون وتمت اتشوف القروبات الي عنده والصور.. ماخلت شيء. كله كان سوالف مع شباب واجانب..ومدرسين ومدرسات. اكثر المحادثات الي بينه وبين الاساتذه الحرمات. كانن عن الدراسه.. مافي شيء خاص. الا في شييء غريب. شافت دي بي. بنوته. حلوه.. خذت البن كود مالها وضافتها عندها. حاولت اتكلمها من تلفون يوسف بس البنت ماردت عليها.. خذفت المحادثه ووطت التلفون وسارت الحجره.. نش الصبح يوسف وداوم. بما انه تلفونه البارحه ما حطه في الجرج.. يوم نش الصبح. لقاه مفضي ومبند.. شله وحطه في مكتبه يجرج.. وكمل يومه.. هيه من نشت. شافت انها انقبلت في الاضافه. وبدت تتكلم.. في البدايه كان الكلام منوه وكيف يبتي البن كود. بس لين الحين ما تأكدت انها بنت ولا ولد. خلتها لانه عمتها كانت تباها.. لانه في حرمات ين.. وسارت لهن ونست الموضوع .. بعدها بنص ساعه. ياها اتصال ودخلت داخل تتكلم.. وكانن هن. يلست اتسولف وياهن فوق الساعه. ونست الحرمات الي في الصاله.طلعت وهيه لابسه عباتها.. سلمت على الحرمات وركبت السياره الي يت وسارت.. ويوم اتذكرت طرشت مسج ليوسف اتقوله انها سارت دبي ويا الشله.. وذياب يالس يلعب باللعبه والخدامه كانت اتنظف عداله...خلص محاضراته يوسف ويلس على المكتب يشوف التلفون.. لقى فيه حد رامس..
ياه فضول مايعرف هاي البنت.. بس متسغرب كيف يابت البن كود.. ويذكر انه مره وحده كلمها يوم سألها من وين يبتي البن.. قالت انه هوه الي عطاها اياه. وهو مش من ها النوع.. عمره ما رقم بنت.. من بعد ماعرس.. حس بالمسؤليه.. تجاه حرمته..فما فكر انه يخونها. او يضرها بها الاسلوب..رجع ضغط عليها يسألها من وين تمت تتهرب. حذفها ولا كلمها مره ثانيه. بس استغرب انها موجوده ولا مطرشه شيء.. دخل عليها
السلام عليكم..
:وعليكم السلاام يا هلاااا.. سوري لاني ماشفته
يوسف:نعم.. ماشفتي شوه؟
:المحادثه الا من شوي..
يوسف:اي محادثه.؟
:باسم الله عليك.. تراك كملتني البارحه. بس كنت نايمه ما سمعت الفون.
يوسف:انتي غلطانه انا ماكلمتج البارحه. اصلا انا حاذفنج من فتره .. كيف رجعتي؟
:ههههههههههه يا الشرير.. ليش عاااااااد.. حرام عليك يوووسف. والله حرام..
يوسف:انا حرام عليه؟؟ وليش عاد؟
:لانك قاسي..
يوسف:شوفي يابنت الناس.. انا لا اعرفج. وما اريد اعرفج.. ممكن ما ترجعين اتضيفيني. خلاص عااد. استحي على ويهج
:افاااااا.. وليش عاد.. عادي.. شوف انا اعرف كل شيء عنك.. انك معرس وعندك ولد حبووب..وماعندك غيره.. الا ممكن اسأل ليش.. ماشاء الله ولدك ريال..ليش ماعندكم غيره..وانته بعدك صغير وسيم. ليش ما تيبون غيره.. ولا عندكم مشكله في العيال؟
يوسف:منوه انتي؟؟ وكيف تعرفين كل هذا. سمعييني زين. هاي اخر مره اشوفج اهنيه . يالله .
حذفها.. وفر التلفون على المكتب مر اليوم بطوله من دون ما يشوف التلفون. ورجع البيت ومالقى خوله فيه.. يوم سأل امه. قالت له انها طلعت الضحى يتها سياره وركبت وسارت وياهن.. من دون ما اتقول وين..
يوسف:لا والله.. وهيه كيف تطلع من دون ما اتشاور. شوه الدنيا فوضى..
ام يوسف:والله مادري بها ياولديه.. ما قالت لك شيء هيه شوه؟
يوسف بعصبيه :لاااااااا.. ماطرت شيء. هيين بتشوف..
ام يوسف:شوفها يا ولديه.. يمكن عندها سبب
يوسف: ان شاء الله.. الا وين ذياب..
ام يوسف:في البيت.. يلعب باللعبه.. بغيته ايي ويتغدى ماطاع يترياكم..
يوسف:ماعليه الحين بس ببدل ملابسيه. وبزقره.. برايج امايه فديتج سيري ريحي عمرج ..
ام يوسف:ان شاء الله ياولديه..
سار وغير ملابسه. وتغدى ويا ذياب.. ولا اتصل بخوله. الي لقى الرساله في التلفون.. بس ما رد عليها..من خلص غدا.. سار يرقد.. ونش العصر وسار يصلي وشل وياه ذياب.. طلعوا من المسيد.. وسارو عند خوانه في العزبه .. ردوا البيت المغرب..ولقى البيت مقلوب فوق حدر.. وخوله معصبه. دخل عليها الحجره. ولقى جدام باب الصاله هديه.. مكسره ووباقه ورد متحطمه معقوقه على طرف.. دخل الحجره يبى يعرف شوه الي مستوي.. لقاها تمشي في الحجره من العصبيه..
يوسف:السلام عليكم..ييتي. الحمد لله على السلامه.. تو الناس.. بتخبرج كيف تطلعين من دون ما تشاورين.. ويا منوه؟؟
خلوله: خلك مني الحين.. وقولي منوه هاي.. ومن متى لك علاقه ويااها..الحين بتقولي...
يوسف عقد حياته:نعم. منوه هي؟اي هيه الي تتكلمين عنها..
خوله بعصبيه:هاي الي مطرشه لك الهدااايااااا.. باي حق اتطرش لك. ممكن اتقولي. منوه هااي. ولييييييييش اتطرش لك..
يوسف:عن منوه تتكلمين واي هدايا مطرشه لي..
خوله:يوسف لا تيلس اتسوي عمرك ماتدري.. اا نا ادري بكل شيء.. وخلاص لين اهنيه وتعبت.. مابا اعييش وياك ابد.. انته خووان. خلك وياهن ونا بطلع من حياتك.
يوسف:يابنت الحلال صلي على النبي. وعيني خير.. انا لاخنتج ولا هم يحزنون. ومالي علاقه بأي وحده.. لو انج ما تستاهلين الواحد يخلص لج.. ياغير الحمد لله واثق من عمري.. اني من خذتج لاكلمت بنت ولا غازلت وحده. وبعدين اظن اني مب ياهل حق هاي التصرفات.. وعيب عيلج.. اعقلي ولدج في الصاله.
خوله:خله يسمع فسق ابووه.. يخووني مع وحده حقييره. ولا مطرشه لك لعيد ميلادك هدايا. باي حق. ممكن تفهمني.. شوف. يكون في علمك انا اعرف كل شيء. اعرف انك تكلمها من ورايه. شفت بن كودها في تلفوونك.. وانا متأكده انه هيه الي خلتك تطلع من يومين بسرعه فليل..تتحراني مااعرفك.. وحتى انه اسمها روضه.. انته يا ..... حتى في النوم تهاذي بأسمها واتقول انك ما اتخوني.. خلاص مالي قعده في البيت. ذيااااااب. يالله بنسير..
يوسف بعصبيه:ذياب مابيطلع من البيت.. وانتى احترمي عمرج وكبري عقلج.وعن هاي الحركات..
خوله:ماابكبر عقلي. واقوولك طلقني مابااك. طلقني. سير لرووضه وغيرها. زوول. ذياب يالله جدامي..
يوسف مسك ايد ذياب :ذياب ما بيطلع من البيت. ولا انتي فاهمه ولا لا.
خوله:لا بنطلع.. اقوولك طلقني. ماباك..ط ل ق ني.. ماابااااك مابا العيشه وياك ياخي فكني
يوسف:انزين. تبين الطلاق.. ذياب تتنازلين عنه.
خوله:انزين. ماعندي مانع. بس طلقني.
يوسف فج عيونه:شووه.. عادي عندج تتنازلين عن ولدج.؟
خوله:طبعا.. عادي.. دامه السبب الي بيخليك تطلقني هيييه مستعده اسير وياك المحكمه واتنازل.. بس اتطلقني..
يوسف:خلاص عيل. جهزي عمرج الحين بنسير..
خوله:ماشي محاكم تفتح الحين.
يوسف:خلاص عيل من باجر الصبح كوني جاهزه.. هذا اذا بعدج تبين الطلاق..
خوله:طبعا..
يوسف: زين.
مسك ايد ذياب وطلعوا براا..وفعلا.. من اصبح الصبح سرحوا المحكمه.. وتم الطلاق.. والتنازل..وبعده العده بفتره بسيطه.. سمع انها عرست بريال اصغر عنها بكم سنه.. بس عنده خير..ما اهتم..بس حس انه ذياب تأثر. بها..مهما كان فهاي امه.. بس كل ما زادت المده كل مايزيد كرهه لامه. لانها لا تسأل عنه لا شافته.. والحين كملت ثلاث اسنين.. ورجعت بيت اهلها. والحين حنت لولدها.. من وصله بيت خاله وين تعيش امه حاليا. سار البيت هووه.. وفكره بالحرمه الي في السياره.. عرفها من نبرت صوتها هاي خت احمد الي طلقها ولد خالها فهد...والي صارت له مواقف وياها. جنه القدر يبى يلعب لعبته وياها.. في البدايه يوم حادث..فهد.. والحين السالفه الي صارت اليوم..بها الوقت صاح تلفون مهره. وكان احمد الي متصل.
مهره:اهلين احمد..
احمد:هلا. شوه بلاج شوه مستوي..؟
مهره:فديتك ماشي.. بس لانه السياره وقفت في الشارع ماعرفت شوه اسوي.. والديول طمه ما يعرف كوعه من بوعه..
احمد:والحين وين انتوا.؟
مهره:لا خلاص الحين سايرين صوب روضه في العياده.. يانا ريال وشاف السياره وقال للدريول انها مافيها ماي مادري شوه.. صبه لها ماي واشتغلت..
احمد:والدريول كيف ما يشيك على السياره قبل. حمااار شوه؟
مهره :شوه دراني به. انته اتعرف انه طمه.. خلاص الحين وصلنا عند روضه.. وهذيه هههههههههههههه.. لو اتشوفها يا احمد.. شاله هند في ايد وشاله شنطتها وشنطه هند في الايد الثانيه.. واتحاسب لا اتطيح عنها الغشوه ههه
احمد:ياحماره بدال ما اتساعدينها تضحكين عليها.. ماعليه.
مهره:هههههههه. شوه اسوي يعني. هههههههه محد قالها ماتيب الخدامه.. وعليكم السلام.(كانت روضه اتسلم بعد ماركبت)
روضه:اااااااااااااااه.. تعبااااانه ومصدعه. والله حرااااام.
مهره:هههه بدت . هههههههههه
احمد:اقووووول جنج تتكلمين عن حرمي المصون.
مهره:ههههههههه شو انسوي.
روضه:منوه اترمسين.؟
مهره:وهل يخفى القمر. اكييد خيييووو الحلوو.
احمد:احم احم.. عطيني اياها.. بس..
مهره:ايووا.. يوم انك تباها ليش ما تتصل بها.. يعني لازم تخسرني انا.
احمد:اولا يا أنسه مهره انا الي متصل.. ف الخساره بتكون عليه مش علييج. بعدين بيني وبينج. علشان ما اطول وياها.. خخخ علشان خلاف اتقولين لها يالله بسكم ابا التلفون اوكي.
روضه:زين يا احمد. زين. بن عروه بيكلمك عيل.
احمد:ههههههههههههه. اووهوو. وانتي ليش حاطه سبيكر.. اييييييه. خرابه البيووت. اييه روضه حبيبي ماعلييج منها.الا اقص عليها بس.
مهره:هههههههههههه كيفكم عاد.. اندووج.
روضه:الحين هيه خرابه البيوت هين يا احمد. ولا اكلمك..
احمد:افا يا رواضي.. اهوون عليج.. ورفجه عليج الحين ايييج واشلج ونطلع.
روضه:ماااابا زعلانه.
احمد:فدييتج والله.. يالله انا واصل قريب انتوا وين الحين..
روضه: احم....تونا ظاهرين من العياده. والشارع زحمه..
احمد:وقفوا على طرف انا قريب .
روضه:انزين. برهوم وقف هنيه الحين احمد بيي..
برهووم وهو يهز راسه :لاا مداام منيه في مشكل. ممنووع وقف. خلي قداام في شيشه وقف. زين.
روضه:سمعته..
احمد:هههههههه انزين ماعليه تريوني في الشيشه.. انا ياي.
روضه:اوكي. اندووج مهره تلفونج يمكن تبيينه ضروري
احمد:هههههههههههههه.. فدييييت الزعلانين انا. لو مش مهره جان بيصير شيء ثاني.
روضه:احمد عن الينان..
احمد:ههههههههه.. ترا اقولج لومش هيه.
مهره:خخخ عادي انا لا اسمع لا ارى ولا اتكلم. خخ
احمد:لا والله. الرمسه الماصخه لو من بعد كيلو بتطييح في اذنج. وين انتي عدالها. لا حبيبيتي انا وحرمتيه لنا تصريفه ثانيه.
مهره:اها.. زين عيل..الله يخليكم لبعض..
احمد وروضه:آمييين..
وصل احمد لهم.. وركبت روضه وبنتها عنده ..وولدها كالعاده عند يدته ويده اهل روضه ومهره سارت البيت..
احمد:برهووم وصل السياره الكراج وخلهم يفحصونها
برهوم:زييين بابا..
وصل مهره ونزلت وسارت ولقت امها كانت يالسه تتقوى وابوها كان يالس يقرا جريده..
مهره:السلام عليكم..
الكل:وعليكم السلام والرحمه..
عبدالله:وينج لين الحين يا مهره..
مهره: ابوويه وينك انته عني.. هذا الدريول بييبلي جلطه في يوم من الايام..
عبدالله:عسى ما شر.. شو مستوي..؟
فاطمه:شو الي صار يا مهره؟؟
مهره: ااااه.. سرت عند ميره بعد دوامي لين تخلص روضه من العياده. عند هند تطعيم.. يوم خلصت سوت لي تلفون علشان نيبها ونحن في الشارع. مادريت الا بالسياره اتوقف علينا.. بس الله رحمنا انا كنا ماخذين الشارع من الطرف..
عبدالله:وليش وقفت شوه فيها السياره؟؟
مهره: في البدايه نزل حضرت جنابه برووهووم.. ورجع لي يهز راسه يقولي مافي مألوم..
مريفه:ياويلي عليج.. انزين جان اتصلتي..
مهره:اتصلت بأحمد.. واتصلت بالبيت واتصلت بتلفونج.. محد رد.. والله اني بغييت اصييح..
عبدالله:وخلاف كيف. سويتوا؟
مهره(نزلت عينها): اممم ...وقف مخاوي شما.. وشاف السياره. وقال للدريول انه ناقصنها ماي.. صب لها ماي واشتغلت.والله يوم سمعت انه السياره اشتغلت.. اني ارتحت..
عبدالله:الحمد لله.. وهو اشحقه ما يشيك عليها. حمار ما يعرف..
مهره:هذا الي قاله احمد.. وقاله يوصلها الكراج.. علشان يسون لها تشييك كامل..
مريفه: واحمد وين حصلتيه؟
مهره:يانا وشل فريجه وسار. يتغدون برا..
عبدالله:اشحقه ما اتصلتي بي؟؟
مهره:ابويه انته ساير دبي. شو دراني انك وصلت.. انته قلت لين العصر ما بتيي..
عبدالله:اييييييها. يينااهم الصبح.. قبل العرب.. وخلصنا ويينا.
مهره:منوه سار وياك..
عبدالله:اانا وعمج ناصر..
مهره:ماشاء الله عليكم.. ووشو الفحوصات؟
عبدالله:قالو تعالوا الاسبوع الياي. بيطلعن كل شيء.عوذ بالله من الزحمه الي استوت. اتقولون فاجينهم في زرب.. ماتم لا كبير ولا صغير.. حشى.
مهره:هههههههههه.. تراه مركز يا بويه.. وفيه كل شيء..
عبدالله:نعم.. انه فيه كل شيء..
مهره:يالله ان شاء الله تطلع الفحوصات كلها زينه..
عبدالله:ان شاء الله..
مريفه:يالله عيل قوموا بتتغدوون.. يالسين نترياكم امبونا.. ماهنالنا الاكل وانتوا محد..
مهره:والله يا امايه لو اقووولج اشكثر اني يووعاااااااااااااانه.. لو جدامي ذبيحه عادي آكلها كلها الحين.
عبدالله:مجيييييييييج.. يالله قومي.. يا ام الذبيحه. واتغسلي وعقي عباتج وتعالي. وهاتي لي وياج الغرشه السوده.. بسس بارده مابااها حاره..
مريفه:يالله بالستر اي غرشه الي تباها. بعد..............
مهره:ههههههههههههههههههه امايه ابويه يبى كوكاكولا.. هههههههههه ان شاء الله يا ابو احمد.. الحين بييبها لك..
مريفه:وانته شو تباها هاي الا شكر وغازات.. طبها عنك.. هااتي له.. هذا الصغيروني.. فيتاميسي.
مهره:ههههههههههههههههههه. امايه اسمه فيتامين سي.او ارونامين سي. هههههههههه وكلهن فيهن شكر وغازات..
مريفه:ماعليه. ياغير غرشتيه صغيروونه..
عبدالله:مابااااااااااااه.. هذا الا عصير بوعيون مشخطه ابا غرشتيه السوده. ماعليج من امج وهاتي لي.. بعد كوب فيه ثلج. وهاتي حق اميه ..اكتيفيا..
مهره:اي طلبات ثانيه بعد. طال عمرك..
عبدالله:اممممممممم حاليا لااا. اتوكلي. وسوي الي طلبته. واذا بغينا شيء بنبلغج.
مهره:ههههههههههه. ان شاء الله طال عمرك.. انا بتوكل الحين.. واترويوني لين ابدل واصلي وبعدييين بييب لكم طلباتكم.
مريفه:بسرعه قومي.. لاتي الحين يدتج وتحتشر عليج.
مهره:لاااااااااااا دخييلكم. يالله انا سرت خلاااص.
عبدالله:هههههههههههه يا الخواافه. امف علييج.
مهره:ابويه مب انته الي بتنسلخ بالهزاااب.. خخخ من يومين هازبتني .لاني بسسس. آخرت صلاتي قبل الاقامه. بخمس دقايق. هزبتني يوم قلت لها بعده ماقام الصلاه.. فتحت لي موضوع. اويين الحرمه ما تتريا الاقامه.. والاقامه للرياايل علشان يصلون جماااعه.. اشوي وبتفرني بالعصى..
عبدالله ومريفه:ههههههههههههههههههههه.
مريفه:بسرعه سيري تراها ياايه.
مهره:يااربااااااااااه.. الرحمه.. انااااااااا روحت..
عبدالله:ههههههههههه الحمد لله ردت مهره الالوليه..
مريفه:الحمد لله .. يوم اني شفتها وهيه تضحك ولا الي يشوف حالتها هذيج الايام.. مابيقول انه هاي وهذيج نفس البنت.. الحمد لله على كل حال.
عبدالله اتنهد:الحمد لله.
فاطمه:وين العرب. اشوف محد ياااااااااا..
عبدالله:قربي اميه.. مهره الحين بتيي.. توها وصلت بتصلي وبنتغدا يمييع
فاطمه:وروضه وعيالها وين.. واحمد وين؟
مريفه:احمد شل فريجه وبيتغدون براا..وسعيدان عن يدته لطيفه
فاطمه:يوم الغديات مسوايه اهنيه من كل نوع.. يتغدون براا ليش بعد.. اسميهم عليهم علووم غير شكل .
عبدالله:ههههههههه برايهم يالغاليه يوم انهم يبون يغيرون جو. خليهم.. يوم انهم بخير وسهاله..
مريفه:هيه والله..الي مروو فيه ترا مب هين.
فاطمه:الحمد لله.. وينها مهرووه
مريفه:الحين بتيي..خلونا انسير عند الطاوله لين تيي.
يت مهره وانهزبت لانها تأخرت.. بس من حطت الاكتيفيا جدام يدتها سكتت فاطمه . وبدو الغدا. ومن خلصوا.. كل واحد دخل قسمه يبى يريح.
مهره دخلت حجرتها وفكرها سرح في يوسف..وفكرت به شكله جميل.. ومن كلام عمها ناصر عنه. عرفت انه ريال ونعم.. بس ماتعرف اي شيء عن حياته العائليه. بس يوم شافت ولده في السياره حست بغصه ما تعرف شوه سببها.. يمكن لانها مايابت عيال.. كان حلمها يكون عندها ولد ولا بنت.. تدلعهم وتلعب وياهم. تحسفت على البيبي الي طاح ما انكتب له عمر يعيش.. والي غمضها اكثر . انه اكثر الي في الدوام. معرسات وعندهن عيال.. يوم تسمعهن يتكلمن عن عيالهن تيها غصه في قلبها. عشان جيه. اتسير عند ختها ميره يوم تعرف انه محد ريلها عندها. او عند عيال روضه واحمد.. بس مع هذا اتحس انه في شيء ناقص.. اتنهدت وسارت صوب لابتوبها وبدت تكتب .. ماحست بعمرها الا انه آذن العصر قامت صلت ورجعت للاب.. يتها امها الساعه 5 يلست وياها يشوفن التلفزيون.. ويسولفن.لانه ها الوقت محد يكون في البيت. ابوها من بعد صلاه العصر يطلع وما يرد الا من بعد صلاه العشى ويدتها فاطمه اتصلي العصر واتسير المزرعه ومرات اتسير العزبه.واترد بعد المغرب..يتهن روضه وعيالها ويلسو يسولفون لين آذن المغرب.. وسارت روضه اتوعي احمد . للصلاه.. وسعيد سار وياها.. اونه يوعي ابووه.. من دخل القسم سار صوب التلفزيون وحط قناه طيور الجنه وطوووووووول على التلفزيون. بأعلى حد.. نش احمد بخوف..روضه مالحقت اتقصر على التلفزيون الا من بعد ما نش احمد..
روضه:لاااااااااااا شوه هذا. عييييب بابا
سعيد:ليش.. انا اباااااااا اشوووف التلفذيوون.
احمد بصوت عالي:والي يشووف التلفذيووووووووووون يطوووووووول على الصوت جذيه.. انتي متأكده انه ولدج يسمع عادي..شكله يبى حد يفحص له السمع له. حرااااااااااااااااام عليييكم.
روضه:هههههههه وشو اسوي به.. يغايضك. سعودي حبيي.. عيب قول لبابا آسف.
سعيد نزل عينه:بتوديني اصلي معاك..
احمد مد بوزه:بشرط مافي دكان بعد الصلاه.
سعيد:لييييييييييييييييييييش.. انا عطشااااااااااان
التفت احمد صوب روضه:عطي ولدج ماااااااااااي..
سعيد:مابا ماي.. ابا عثيييير..
احمد ببرود:مافي عثييير. ليش اتطول على الصوت. وبعدييين انته ريااال ليش اتشوف هاي القناه. هاي حق البنات.. كل الي يغني فيها بناااااااااات. عييب ياباااباا..
سعيد:لاااااا مش عيييب. وبعديين فييييي اولااااااااد.. يغنوون. اثمهم عثومي وولييد واياد وجاااد..ا نته ماااتعرفهم..
احمد:شو اسمهم..
سعيد كان يقول الاسامي بلكنه سوريه... عصوومي.. وولييييد..
سعيد:اوووووووووه..تبى اتثووف تعال بخبرك.
احمد:لاا ماابا اثوووف.. الا ابويه وين؟
روضه كانت فاطسه ضحك عليهم.. يوم اتشوفهم اتحس انهم كلهم يهااال..
روضه:عمي طلع من بعد صلاه العصر اتقولي عمتيه.. ولين الحين ماااياا.. يالله حبيبي الحين بيقيم الصلاه..
احمد:يالله الحين بتمسح.. اذا تبى اتسير ويااايه. يالله سير اتمسح وبنصلي في المسيد.
روضه:لاااااا احمد دخييلك خله اخاف يطلع عنكم وانتوا اتصلوون.
سعيد:لاااااااااااا بروووح.. صح بااابااااااااااه
احمد:الحين باااباااااااااااه. والله انك عيااار. ماعليه شر.. بخليه ايلس عدالي. ريال الحين. صح..
سعيد:ثحح
احمد:هه شفتي.. يقول ثححح.
روضه:ااااه منكم.. ماعليه. بس حبييبي ايلس عداال باباه وما تتحرك انزين.
سعيد:انذيين. بس بتوثلني البقاله.
احمد:نوووووووووووووووب
سعيد:شو يعني نووووب. ماماه؟
روضه:يعني لاااا حبيبي.
سعيد بدى يصييح:لييييييش؟؟ انااا ابااااااااااا بقاااله..
احمد:وانا ماااباااااااااا بقااله.
سعيد:ماحبك.
احمد:هه كييفك. انا بشل هنود السوبر ماركت وانتته تم هنيه.
روضه لوت على سعيد وباسته:احمد لا تغايضه الله يخلييك. تعال حبيبي انسير عند عمووه مهره عندها حلاوه لك.يالله احمد الحين بيقييم.
احمد:انزين مافي شيء حقي.
روضه استحت:احمد.. عيييب..
احمد مد بوزه:كله حقهم ونا مالي شيء. ااااااااااح.. هذا الي اييب عياال. تلتهي الحرمه عنا وتهتم بالعيال بسسس... علشان جيه الريايل يعرسون على الحرمات..ام العيال.
روضه رفعت وحده من حياتها:انزين محد منعك عرس.. وخلها كل يوم اتجابلك..
احمد ابتسم واتقرب منها ومسكها من خصرها:حد عنده قمر ويدور على النجووم.. انتي عندي الدنيا ومافيها.
روضه:اها.. اتحسب بعد.
احمد:هههه لا تتحسبيين تأكدي بسس.مالك بديييل ابد..
روضه:الله يعيينا عليكم بسس. لا يعيبكم العجب ولا الصيام في رجب.وهذووه قام الصلاه عنك.
احمد:هههههههههههههه (باسها على خدها وربع يتمسح ولبس كندورته وسار المسيد بسرعه. فاتته ركعتين.. لانه مطوعهم من النوع الي يطول في القرايه..طلع من المسيد وخطف على البقاله وياب لسعيد وهند الي يحبونه ورد البيت.مايهون عليه سعيد شيء يتم في خاطره وما اييبه له. يبى سعيد يتعلق به قد مامتعلق بيده ناصر.. بس لين الحين مش متقبلنه في حياته. وكله غياض في غياض. وخصوصا من ضربه احمد مره بسبه التلفزيون..وطيور الجنه. حتى انه مره لغى القناه.. وبعدين رجع وطلعها مره ثانيه لانه الشيخه هند بعد اتحب القناه..ماتتغدى او تتعشى الا جدام التلفزيون..مرت الاحداث بشكل طبيعي وبدون اي احداث مهمه.. لين عيد ميلاد هند..والي اصرت روضه اتسوي لها حفله..كملت سنه. وكالعاده سعيد محتشر ليش هيه مسوين لها حفله وهو لااااااا.. كانت خطه روضه اتسوي حفله حقهم كلهم رباعه.سعيد كمل الثلاث اسنين يوم ازمه مهره مع فهد.. فما قدروو يسوون له حفله.. معنه في هدايا له. بس مش مقتنع انه الحلفه له بعد.. وطووول الحفله كان يصييح.. ياه ابوه وحاول يقنعه بس مافي فايده.. لين ياه يده ناصر وكانت المفاجأه انه الي يا وياه يوسف. وولده ذياب. ويايبين هديه لسعيد وهند.. احمد يوم شاف يوسف انصدم. بس مابان عليه اي شيء.سلم على يوسف وولده وعطو سعيد الهدايا الي بقدرت قادر بدى يضحك ويلعب.. بعد ماشاف يده ناصر.روضه والحرمات يوم وصل يوسف وولده دخلن داخل.. دخلو الرياييل الميلس وشربو قهوه. وبعدها روح يوسف وولده بعد الحلفه وبعد مارقدو العيال احمد وروضه كانوا في الصاله يالسين.. ومهره وميره يالسات وياهم. دخلت ميره اترقد توأمها. مهره يلست اشوي وبعدها سارت حجرتها..
احمد:اول مره اعرف انه يوسف عنده ولد.. عمره ما طراه.. وماشاء الله وولده ريال..
روضه مدت بوزها: ولا ابويه طراه بعد.
مهره:كان وياه في السياره يوم وقفت سيارتنا في الشارع.. تحسبته ولد حد من اهله.
احمد رفع حياته:وانتي شو يخصج فيه.
مهره:انا مالي خص فيه بس لانه لفت انتباهي يوم هزبه وخلاه يسكر الباب الظاهر انه كان ناوي ينزل من السياره.. والسياره ماعليها مخفي.
احمد:اهاااااااااااااا.. انزين آنسه مهره.. انتي مطوله يالسه اهنيه..؟
مهره عقدت حياتها وروضه ويها حرقها:شو قصدك؟
مهره اتحسبت قصده انه انتي مطوله لين الحين ما عرستي وكل الي ايونج ترفضينهم. بس روضه فهمت شوه قصده الطفس..
روضه:حبيبتي . مهره انتي ما تعرفين غلاسه اخووج.. تعالي اشوي بعطييج شيء؟
احمد مد بوزه :الحين انا الي غلس. ماعليه روويض خليها مهره اتسير البيت وحسابج عسيير.
مهره الحين استوعبت الي يصير. واحمرر ويها ولا قالت شيء..لحقت روضه الحجره . خذت من عندها اغراض مهره يوم اتمكيجت عندها وطلعت حتى من دوون ما تتكلم. وطلعت من قسمهم وويها احمر..طلعت روضه ولقت احمد واقف عند بااب القسم يقفله من بعد ماطلعت مهره. ومن شاف روضه ربع وراها. وسكرووا الباب الحجره وراهم..
يوسف وصل ولده البيت ورد عند ناصر.. لانه طلبه عنده يبا يتكلم وياه في موضوع ومن وصل ذياب رد له بسرعه.. دخل لاقى ابو روضه يالس في الميلس.
يوسف:آمر ياعمي عسى خير..
ناصر:الخير بويهك.. يوسف. انا الله ما رزقني بولد وانته اعدك مثل ولديه. وامون عليك. صح ولا لاا.
يوسف:اتمون ياعمي..وأمر رب ماشر.
ناصر اتنهد:شوف يايوسف. قبل ما ادخل في الموضوع الي بغيتك فيه. بس بغيت اتأكد من بعد ما تطلقت ام ذياب انته شوه ناوي.؟
يوسف عقد حياته:ناوي؟ ابد ياعمي مب ناوي على شيء. اذا تعتقد اني لازم اردها فأسمحلي ها الشيء مستحييل. حتى لو ذياب يبى ها الشيء. ما بردها.. ماصدقت اني طلقتها. وين ارجع ابتلي فيها مره ثانيه..
ناصر:زين جذيه انته ريحتني.. الي ابا اقوله.. انه.. ولدك الحين ريال. وانته مش من كبرك. ماتبالك حرمه.. ماتبى عيال.. يونسونك..
يوسف ابتسم:هه ليش تبى اتيوزني ياعمي؟؟
ناصر:تبى الصراحه ودي اشوفك معرس ومرتاح وبعيالك. بدال ها الهياته من الجامعه لين الشباب. ولين عندي..
يوسف:ههه افاا. الحين انا هياات.. (نزل راسه واتنهد)) تبى الصراحه مره وحده فكرت بعد ما طلقت خوله.. وحتى قلبل لا اطلقها اني آخذ عليها حرمه ثانيه تهتم فيني.. ياغير الله ما كتب نصييب.. بصراحه كنت ابغي بنتك روضه وييت طلبتها منك.. يوم صارت سالفتها مع ولد عمها ويتكم زعلانه تبى الطلاق.. وقتها عزمت اني آخذها من تطلق .. ياغير ما صار كتبه.
ناصر:هذا الشيء قسمه ونصيب. روضه اتسيرت امورها وانحلت ويا ريلها و الله يسعدهم..
يوسف:آميين. انزين ماعليه بنسايرك.. منو البنت الي تباني آخذها واتعقلني وتخليني ما اهييت.
ناصر سوى عمره اونه معصب:انته ما تخلي سوالفك؟.. انا اتكلم جد.والحرمه موجوده وما بتحصل الي احسن عنها حتى بنتي روضه. اصلا لو خذت روضه بتييننك. ياغير الي في راسي وحده ثانيه
يوسف اعتدل في يلسته وتكلم بجديه :انته عن منوه تتكلم؟
ناصر نزل راسه اشوي: امم الي اتكلم عنها مهره بنت اخويه عبدالله. اظن انك عارف سالفتها يا ولد خالها زين.واتعرف اشكثر اتعذبت وياه.. مهره يا يوسف مابتحصل مثلها لو لفيت الدنيا كلها.
يوسف سرح اشوي يتذكر ملامح مهره يوم شافها في حادثه مع فهد..واتذكر صوتها يوم كلمته يوم سيارتها وقفت في الشارع
ناصر:هاا يوسف شوه قلت.
يوسف حك لحيته:عطني وقت افكر. وارد عليك.
ناصر:يعني مبدأيا ماعندك مانع انك تعرس مره ثانيه؟
يوسف:لااا ماعندي مانع.. بس خلني آشاور ذياب قبل انته اتعرف انه الحين ريال مب ياهل ما يفطن الي يصير حواليه.
ناصر:ماشاء الله على ولدك.. عقله اكبر من سنه.شوفه ورد عليه..
يوسف:يصير خير يا عمي. يالله ارخصلي الحين بسسير البيت وعدته اني ما اتأخر عنه.
ناصر:مرخوووص يا الغالي. والله يا يوسف لو مش غلاتك ما قلت لك عن مهره ولا تدخلت في حياتك. ياغير اني عادنك ولديه .
يوسف:الشاهد الله اني اعدك مثل ابويه ياعمي. ولا تحاتي. ان شاء الله يومين وارد عليك.
ناصر:خلاص توكل على الله. بترياك..
طلع يوسف من عنده وباله مشغوول يفكر.. الحين شو الي بيصير.. هل بيقدر انه ياخذ خت احمد. وروضه شو وضعه معاها.. هل بيقدر انه ينسى حبه لها.. آآآآآآآآآآآآآه ياروضه شو سويتي فينيي. في حياتي ما افتكرت في بنت.. ولا اهتمييت فيهن الا انتي من يوم ماشفتج دخلتي مزاجي..وحتى في نومي آهاذيبج. هل مهره بتقدر اتنسيني حبج..سار البيت ولقى ذياب حاط له عشى ويشوف التلفزيون.. سار يابه له صحن ويلس عداله يتعشى وياه ويلس يسولف وياه ويضحكون مع بعض... من خلصوا اكل سار ذياب حجرته يبى يرقد وراه باجر مدرسه يوسف ماقدر انه يكلمه الحين.. لانه يعرف ولده اذا كلمه الحين مابيرقد من التفكير. خلااها لين باجر بعد الظهر هو الوقت المناسب..سار يرقد لانه كان فيه بدايه صداع. وباله مشغول بالموضوع.. نش وصلى صلاه استخاره وبعدها رقد..نش الصبح على دقت امه الباب اتوعيه. للصلاه امه لين الحين ماخذه مسؤليته معنه ريال وعنده ولد بس لين الحين تهتم فيهم.. وفي خوانه حتى الي عرسوا . اتي واتوعيهم للصلاه وولدوامات.بدا اليوم مثل كل يوم. حشره وسوالف ومغايض على الريوق وبعدها كل واحد يسير لدوامه.. وهو يشوفهم متجمعين على الطاوله. كل واحد من خوانه وعنده حرمته وعيالهم. وامه وابوه يالسين على راس الطاوله.الي كانت تتألف من ست كراسي. الحين صارت فوق العشر كراسي.. العايله كبرت بسرعه..نش يوسف وسار وياه ذياب بيوصله المدرسه بس قبل ما ينزل ذياب لوى على ابوه وحبه على راسه ونزل.. لانه يوسف متعود على حراكات ذياب .ما سوى شيء الا انه مثل كل مره يوم يلوى عليه ذياب يلوى على ولده بالقوو لين يصرخ ذياب من الويع الدلع. ومن ينزله يسير هو الجامعه. خلصن الدومات وبدوا كل واحد يرجع لبيته.. سار يوسف وياب ذياب من المدرسه بس مالقاه فيها.. يوم استفسر عنه اكتشف انه في ريال وحرمه يوو وشلوه من المدرسه وذياب طلع وياهم عادي..تهاد ويا الاداره كيف سمحتو له انه يطلع ومنوه هذيلا الي شلووه وبأي حق يشلونه.. فما عرفوا شو يقولون له الاانه الي يو يشلونه اهله.. وامه الي كانت موجوده..عصب يوسف وسار بيت اهل خوله يبى يرد ذياب..دق الباب بس ماطاع حد يفتح له الباب.. تم يدق لين طلعت له الخدامه
ميري:نعم ؟
يوسف:وين .. ذياب؟
ميري:مافي حد منيه ؟
يوسف:وين خوله ؟
ميري هزت كتوفها:مدام خوله مافي منيه ؟.
يوسف: وين سارت
ميري:مافي معلوم بابا... باي.
يوسف:صبري... وين بابا مصبح؟
ميري:انا مافي شوف اليوم.... هو بدري يطلع بعد مايرجع..
من قالت له جذيه سكرت الباب. في ويهه. يوسف عصب وركب سيارته وسار البيت.. دخل ولقى امه وحريم خوانه يالسات في الصاله.. سلم ودخل قسمه بسرعه. لحقته امه
عشبه:وين ذياب يا يوسف؟؟ ليش ما يبته من المدرسه؟
يوسف كان معصب ومش عارف شوسوي: ماا اعرف يا امايه مااا اعرف.. سرت المدرسه وماطلع لي. دخلت الاداره اتخبر عنه. قالو لي يت حرمه وعندها ريال وقالوا لهم انهم اهله. وذياب سار وياهم.
عشبه:يالله بالستر. منووه الي شلووه؟
يوسف:مااا ادري امايه والله مادري.. سرت بيت خالي مصبح ويلست ادق الباب. ومحد طاع يفتح لي لين فتحت لي آخر شيء الخدامه وقالت لي محد في البيت.وذياب مايا اهنيه. اماااايه بيين ولديه وييينه.. منووو شله. وليش اذا كانت امه الي شلته لييش شلته يوم هييه موقعه تنازل عنه.. لييييشش؟؟
عشبه:انته هد نفسك يا بوويه وان شاء الله بتنحل الامور. بس لازم تتأكد اذا كان صح الولد عند امه او لاا..
يوسف:والله ياوييلها ان طلعت هييه الي شلته والله ياوييلها.
عشبه:الله يستر. الا منو الريال الي عندها ماقالو لك؟
يوسف:لاا ما يعرفوونه. بس قالوا الحرمه الي يت هيه امه..
عشبه :عيل اتصل بخوانها يمكن واحد منهم هو الي ياا وشله
يوسف:المشكله الارقام ماعندي كلهن في تلفوني الثاني. طاح عني امس في الجامعه وانكسر.بس بتخبر خواني يمكن حد منهم عنده رقم واحد من عيال عمي.مصبح.
عشبه :هييه زين. فاضل هنيه ومنصور بعده ماياا دوامه يخلص على الخمس.. وعلي قالت لي وضحى انه بيتأخر عنده اجتماع. وما تعرف متى بيي البيت.
يوسف:ماعليه.. بشوفه فاضل وينه الحين؟
عشبه:توه وصل قبلك وسار حجرته.
يوسف :خلاص عيل انا بتسبح وبكلمه
عشبه :الي تشوفه يا يوسف..
بس يوسف ماقدر يسوي شيء حاس قلبه بيطلع من مكانه مايعرف ولده وييين. شل التلفون واتصل على فاضل اخوه.
فاضل:هلاا والله بو ذياب.
يوسف:بالمهلي. فاضل فديتك بغيت اتخبرك عندك رقم سالم ولد عمي مصبح. او حد من اخوانه. ضروري ياخويه ابغيه.
فاضل:ااه اظن اني عندي رقم سهيل بس سهيل في بوظبي. الحين.خير شيء مستوي؟
يوسف:بقولك خلاف عطني الرقم او اتصل به واطلب لي رقم سالم. مش هو يداوم اهنيه في العين؟
فاضل:هيييه؟ سهيل وعبدالله في بوظبي. وخليفه في الغربيه. سالم وعبدالله في العين. ياخويه شو مستوي .؟
يوسف:مااشيء قلت لك بقولك خلاف.. اتصل بسهيل الحين خله يعطيك رقم عبدالله ورقم سالم. ضروري اباهن.
فاضل :ان شاء الله. الحين بكلمه. دقايق وبرد عليك.
يوسف:اترياك. ياخويه.
وفعلا اتصل فاضل بسهيل وطلب رقم خوانه سالم وعبدالله.. وسار عند يوسف الي كان يمشيء في القسم وهو متوتر على الاخر.دخل عليه فاضل
فاضل:خييير يايوسف..
يوسف:يبت الارقام او لاا.
فاضل مد له الورقه الي فيها الارقام:هييه وهذيلا ارقام عبدالله وسالم. وكل واحد عنده رقمين.
يوسف:زيين عطني اياهن.
مسك الورقه وبدى يتصل.بسالم ومن رد عليه.
سالم:الوو.
يوسف:مرحبا سالم اشحالك.
سالم:هلاا يوسف اشحالك.
يوسف:بخيير ربي يسلمك.. سالم راد الشان فييييك قولي ذياب انته الي شليته من المدرسه ولا لااااااااااا
سالم:ذياااب؟؟؟ لاااا ليش شو مستوي؟
يوسف:يت حرمه وعندها ريال وشلو ذياب من المدرسه اليوم. والاداره الزفت مامنعتهم يشلونه من دون ما يعرفون منو هم. بس الي قالوه انه الحرمه اتكون امه.. بس الريال مايعرفونه منوه هوو.. اذا مش انته منوه هزرك.. عبدالله خوك؟
سالم:والله يا يوسف ماعندي فكره.. وفرضا يت خوله وشلت ذياب من المدرسه ووصلته البيت وين المشكله.
يوسف:ساالم.ختك مايابته البيت.. وانا سرت بيتكم الخدامه قالت لي محد ياا البيت.. وبعديين هيييه بأي حق تيي وتشله. ختك موقعه تنازل عن ذياب. مالها اي حق اتشله.. واذا مارد ولديه خلال ساعتين اسمحلي انا بدخل الشرطه في الموضوع. كله ولا ولديه.
سالم:يوسف عين خيير. شوه شرطه ماشرطه.. انته عطني خمس دقايق بشوف خوله وبرد عليك.
يوسف:ماعليه اتريااك.
سكر عنه وفر التلفون من الغيض. وفاضل فاج ثمه من الصدمه.
فاضل:هييه ليش اتشله.. تراك وصلته لها من يومين. ورد ولدك من عندها ماطاع يرمس شوه صار له هناك..
يوسف:اكيييد غسلت له مخه .. والله لو هييه صدق الي شلته ما بتلوم الا عمرها.. الحقييره.. مالها حققق هذا ولديه. انااااااااااااااااا.
فاضل يلس عدال اخوه ومس كتفه يوسف:هد نفسك وان شاء الله ما بيصير الا كل خير. شوه قالك سالم.
يوسف:قال بتصلبها وبيشوف شوه الي صاير اذا فعلا هييه الي شلته او لاا..
ترووا خمس دقايق وفوقهن بعد خمس. وصلت لعشرين دقيقه وسالم بعده ما اتصل.. رجع اتصل به يوسف بس سالم مارد عليهم.. اتصل بعبدالله طلع تلفونه مبند. وتلفونه الثاني يصيييح ومحد يرد عليه.. رجع اتصل بسالم بعد مارد عليه.
يوسف:اناااااااااااابييين وييييين ولدييه وييييييييييييييييييينه. وهذا الحمار ليش ما يرد على التلفون..
فها الوقت عند روضه واحمد. كانوا طالعين دبي. وقبل دخلت دبي كان الشارع مسكر. الي يوصل لشارع الامارات..تكون الضباب والشارع ما يبين زين.. هاي الظاهره انتشرت من فتره. يتشكل الضباب العصر على مناطق متفرقه في الدوله.
روضه:الله يستر من ها الضباب.. شكل الشارع يخوف.
احمد:آميين. الظاهر في حادث اهنيه شكله كبيير.. الله يستر مايكون فيه اصابات بليغه
روضه:او وفيات.
احمد:الله يستر.
يوسف بعده كان يحاول يوصل لسالم الي بعده مايرد على التىلفون. فر يوسف التلفون
يوسف بعصبيه:وبعدييييييييييييييييين يعنيي لين متى بتريااااااااااا الحين بطلع بدووره. وييين بيكوون.
فاضل:هد نفسك يا يوسف وييين بتدوره.. انته ما تعرفه ويين هوو
يوسف:شوه اهد نفسي ساعتين وانا اتريا حد يرد عليه فاضل وخلاااااااص ما اقدر. قلبي ناغزني على ولديه.. ويييينك يا ذيااب ويينك..ليش سرت وياااهم..
علي:انته اتعرف انه متعلق بأمه على كثر ماياه منها.. ولين يومين وهو يصيحها..
يوسف:بس هيييه تبرت منه يا علي تبرت منه.. (حط ايديه على راسه من الهم)
منصور :عين خير تصبر. خلنا انرد انسير بيتهم يمكن الحين حد ياا.
يوسف:يالله.. بس انته سووق احس اني ما اقدر اسووق..
طلعوا كلهم براا لقو سالم واقف عدال السياره مايقدر يوقف عدل.ربع يوسف عنده ومسكه من كندورته
يوسف:وييييين ذياب يا سالم وييين ولديه؟
سالم كان ماسك عمره بس فيه عبره:يو...سف..
يوسف:وين ذياب يا سالم ويين.
علي:ارمس شو مستوي سالم
سالم:خول..ه.. هييه. الي شلت ذياب ..من المدرسه..
فاضل:والريال الي عندها منوه؟
سالم:عب.دالله خويه..
يوسف:وينهم الحين. بسير اييب ولديه من عندهم.. ويييينهم.
اهنيه سالم ماقدر يمسك عمره انهار يصييييح.
يوسف اتبريد مكانه. حس بقطع ثلج تخطف على ظهره..
منصور نشش سالم:سالم الله يخليك قول شوه مستوي.
يوسف:ذيااب.. شوه يااااه يا سالم. انا قلبي قارصني . (مسك كتوف سالم ونششه ويلس يهزه) ولديه شوووووو فييييه.
سالم:والله.. ما ادري.. كيف حاله الحين.. بسس
من قال جذيه يوسف دزه:شو ه ياااه..
فاضل:ارمس يا سااااااااالم.
سالم مسح دموعه واتساند على السياره من بعد مادزه يوسف طاح على الارض:عبدالله وخوله.. شلووه دبي..وصلنا اتصال من ربع ساعه.. انه فيه حاادث.. والحادث كبير. الضابط الي كلمنا.. قال..
منصور:شووو قال؟
فاضل:ارمس عااااااااااااد..
سالم:قال.. انه في اصاابات متفاوته بين. الخطيره والحرجه. والمعتدله.. بس لين الحين مافي.. وفياات.
يوسف انهار على ركبه ربع له اخوه علي ومسكه قبل لا يطييح على الارض..
علي:وين متسوي الحادث عندي شباب هناك.
سالم:دخلت دبي. شارع الامارات..يقولون السبب الضباب كان وااايد ونازل في المنطقه هناك.. وايد حوادث صارت اهناك
يوسف بصوت متكسر:وذياب.. شوه حاله.
سالم:والله ما اعرف بس الي قالوه انهم وصلوهم بطياره لين مستشفى راشد.
علي:خلونا انسير الحين.
منصور:يوسف.. اتروم السير.
يوسف:حاول تمنعني يا منصور..
منصور:الله يهدييك مب قصدي.. بس شكلك ياخويه تعبان. وان شاء الله ذياب مافيه الا كل عافيه.
يوسف:الله يسمع منك.. خلونا انسير..
وفعلا من دون ما يخبرون حد ساروا دبي الي كانت بعدها زحمه والضباب بدى ينزل لين تحت. والرؤيه بتدت تتحسن.. وصلوا مستشفى راشد بعدالعشى بربع ساعه.. صلو المغرب.والعشى في مسيد في الشيشه وكملوا لين المستشفى.. دخلوا الطواري الي لقوها زحمه ووايد حالات كانت متواجده تتريا يدخلونها وتتفاوت بين البسيطه والبليغه.يوسف ماقدر يمشي. يلسوه خوانه على كرسي ومنصور سار يتخبر عن حاله ذياب الي من وصل المستشفى دخلوه العمليات بسرعه لخطوره اصابته.. لانه كان يالس في النص.. وطلع من السياره من جدام. ومش عارفين حالته لين الحين.. والحرمه والريال تتفاوت حالتهم بين البليغه والمتوسطه لانه عبدالله كان رابط الحزام وخوله لين الحين مايعرفون حالتها..في التصوير بعدها.رجع منصور عند يوسف الي كان شكله منهار.. وماعرف شوه بيقوله.
من شاف يوسف منصور ياي صوبه نش له:هاااه شوه قالو لك. ولديه بخيير صح.. منصور واللي يخلي لك عيالك. خبرني عن ولديه. بشرني عنه. قولي انه الي سواه اليوم الصبح ماكان الوداااااااع. دخييلك ياخويه. خبرني انه ولديه بيعييش. حتى لو كان فييه اعاااقه مايهمني. بس ولديه يكون بخييير..
كان يتكلم ودموعه ينزلن. وكل الي كان في غرفه الطواري كان يسمعونه وفيهم عبره.. منصور ماقدر يتحمل حظن اخووه ولوى عليه..
منصور:ربك رحييم بعباده يا يووسف.. وولدك لين الحين محد يعرف حالته. حاليا موجود في العمليات.. وان شاء الله بيغدي بخيير انته خل ايمانك بربك قوي. ياخويه.
يوسف:والنعم بالله. الا ماقالو لك لين متى بيتم في العمليات..
منصور هز راسه:لاا ماقالو لي..
يوسف:شوه ياه. شو استوى.
منصور:مايعرفون.. تعال انته ارتاح اهنيه.. وان شاء الله من يعرفون شيء بيخبروونا. تعال..
مسكوه خوانه ويلسوه على الكرسي ويلسوا عداله.كملوا حول الثلاث ساعات يالسين ولين الحين مافي اي خبر عن ذياب. عمه مصبح وعياله كلهم موجودين عند عبدالله. الي طلع عنده بس كسور في الورك. والقدم.. وخوله دخلت غيبوبه وفيها نزيف داخلي لانها ضربت الدريشه..ومايعرفون عن حالتها لين الحين اي شيء.. وذياب لين الحين يحاولون الدكاتره يرقعون الي فيه من عظام مكسروه وتشققات وزجاج بعد ماخلصوا الجزئيه الثالثه من العمليه نزل ضغط دم ذياب وماقدروا يسيطرون عليه.. حاولوا بالصعقه الكهربائيه بس مافي اي فايده الكسور والجروح كلها كانت في الصدر.. وعضلت القلب بدت تضعف. لين وقفت نهائيا.. مااااااااااااااات ذيااااب.. في عمر لم يتجاوز الثانيه عشره من عمره.الكل كان في صدمه.. حتى الطاقم الطبي.. كيف بيبلغون اهله بالي صار.. طلع اكبر الدكاتره والي كانت شغلته جراحه القلب والشريان.. ولقى اهل الطفل يالسين عدال باب العمليه..انتبه له فاضل وسار عنده
فاضل:هاا يا دكتور بشر. شوه حال ذياب..
دكتور محمد:الطفل اسمه ذياب.؟
فاضل:هيييه يادكتور. بشرني عنه.
د:محمد:ممكن اسألك انته شو تقرب له.
فاضل:انا عمه..
د.محمد:وابوه وين.. لايكون ابوه هوه الي كان معاه في الحادث؟؟
فاضل:لاا ..(اشر على يوسف)هذاك هوو ابوه .. والي كان وياه في الحادث يكون خاله وامه.. الا شوه حاله. نجحت العمليه؟ وذياب بخير؟
د.محمد وعينه على يوسف الي كان شكله تعبان من الخاطر:للاسف ابلغك انا ماقدرنا انسوي اي شيء. حالته كانت خطيره جداا. وماكان فيه اي امل انه ينجوو بس نحن بعد حااولنا واستجاب لنا في اول ساعتين بس من نص ساعه صادفتنا مشاكل في عضله القلب.. هذا غير المعضله الكبيره انه الرئتين كانن متدمرات بالكامل. والكبد متأثر.. بس الي صار عضله القلب ماقدرت اتقاوم اكثر.. ووقفت عن الاشتغال.. واانا آسف اني ابلغك بها الخبر.. نحن خسرنا المريض..
كان فاضل يسمع ها الكلام وهو متيبس. مش عارف شو يسوي..
فاضل:يعني.. تبى اتقولي انه.. ذ ي..اب م..ات..
د.محمد:للاسف .. نع.م..
فاضل بصووت عالي:انته جذااااااااااااااب.. مستحيييل.. الي اتقووله.
د.محمد:ياريت لو كنت فعلا اني جذااب بس للاسف ..مات الطفل
ها الوقت منصور تقرب..منهم .. من سمع ها الكلام التلفت على يوسف الي كان واقف وراه. وسمع انه ولده ماااااااااااااااات.. ذياب ماااااااااااااات. انهار مغمي عليه ماحس بعمره الا وطاح على الارض وتلاحقوا عليه خوانه والي كان موجود في الطواري ودخلوه داخل. قاسوا له الظغط الي كان مرتفع بشكل كبير.... مرت الليله ويوسف بعده في المستشفى. مرقد. نش الفير. وطلب يشوف ولده لأخر مره.. محد قدر يمنعه.. دخل عليه وكانوا حاطينه في ثلاجه الاموات.. اتقرب منه يوسف وفج الغطا عنه ويلس يحبه ويصييح.. هذا مش ولديه الي جدامي هذا واحد ثاني.. يلس يباغم وهو لاوي على ذياب لين طلعوه من الغرفه وردوا ذياب داخل الثلاجه. انتشر الخبر والصلاه بتكون بعد صلاه العصر.في مسجد............ حضروا الصلاه عدد كبير من الريياييل..صلوا عليه وبعدها ودوه المقبره وبدى العزا.. الكل حضر ناصر وعبدالله واحمد وخاله عيسى والشباب حتى فهد يااا العزا.. تمو مع يوسف طول الثلاث ايام ماخلوه فيهن.. حتى بعد العزا كانوا ويااه.. عزموا يسيرون وياه العمره وفعلا الكل عزم يسير احمد وعلي وغانم وفهد وحمد وفاضل ومنصور وعيال خاله سلطان وراشد.كانوا كلهن فوق 15 ريال حجزو لهم في ابراج مكه.. يوسف كان في عالم ثاني. كانوا يصلون في الحرم ويطلعون الا يوسف كان اييلس يقرا لين فرض الصلاه الثانيه.. كان ييلس وياه احمد وفاضل ومنصور. وعلي خوان يوسف. والبقيه الي يسير يريح والي يسير ايب اكل.. لين صلاه العشى مايطلع يوسف. بس كان يطلعونه علشان ياكل له لقمه ويرد الحرم.. تمو هناك اسبوع وبعدها ردوا البلاد. تحسنت اشوي نفسيه يوسف. بس بعده متأثر بفقدان وحييده. عمره ماعامله على انه ياهل. كان يعامله على انه متساوي وياه.. وكان يتشيره في وايد امور بسيطه يقدر يفهمها عقله الصغير..مرن3 شهور على وفاه ذياب وبدى يوسف تقريبا يرجع لحياته القلبيه.. في يوم من الايام وهو راد من الجامعه. اتذكر كيف وقف وياه عمه ناصر من يوم توفى ذياب لين آخر الايام.. وحس انه قصر وياه وايد..حس انه محتاج يشوفه يلس وياه.. وفعلا اتصل به وعرف انه في البيت وقاله انه يبى يمره.. وصل يوسف على آذان المغرب.. دخلوا المسيد رباعه وصلوا وردوا البيت يلسوا في الميلس. ويوسف ساكت مش عارف شو بيقول.. بس انه كان يبى ايي عند عمه ناصر..اليلسه وياه اتريح..
ناصر:شو حالك يا يوسف.. الحين..
اتنهد يوسف:الحمد لله ياعمي.. امشيه حالي.. واخواني مش مقصرين
ناصر:الحمد لله.. يابويه هذي قسمه ومحد يقدر يعترض على امر الله..
يوسف:والنعم بالله..
ناصر:شوف يا يوسف.. لو انه انته بتشوف انه هاالشيء مش وقته.. بس احس انه هذا احسن وقت لك.. علشان تنسى وترتاح. وان شاء الله بعوضك ربك بعواض حسن..
يوسف:شو تقصد ياعمي.
ناصر اتنهد:الي اقصده يايوسف. انك تعرس..
يوسف:عمي.
ناصر:اسمعني.. ولا تقاطعني.. انته ما ييتني الا انك محتاج لحد.. يابويه لين متى بتم جذيه. انته تتحسب الي اتسويه بعمرك بيرد لك ذياب حي.
يوسف نزل راسه وطاحت دمعه من عينه
اتقرب منه ناصر ومسكه من كتفه..
ناصر:خذ مهره وهاتوا عيال بدال الواحد عشره.. هيه اتحب اليهال.. محد ساد عيال روضه بنتي قدها.. حتى توأم ختها هيه الي اتسدهم. اكثر حتى عن امهم.. مرات اتسير لين بيت ميره.. ومرات ميره تيبهم عندها اذا
بغت تطلع مع ريلها . انته ياولديه تبالك حرمه تهتم فيك وفي عيالك.. والله الشاهد انك ما بتحصل حد مثل مهره. ادب واخلاق وجمال.. وطييبه..بتحطك على راسها. ولا بتسمع صوتها يعلى عليك..وفوق هذا بتحط اهلك في عيونها.
ابتسم يوسف:عمي انته متخصص في العقارات ولا الاعلانات.
ضربه ناصر على كتفه: مب منك من الي يبالك الراحه.. اقول يالله قوم منيه.. وسير هات دله القهوه من المطبخ العيوز محد اليوم يالله نشش..
يوسف:هههههه وينها اليوم..
ناصر:سارت بيت اهلها. اخوها مسوي عمليه وسارت اتسلم عليه
يوسف:وليش ما سرت انته.
ناصر:مافيه عليهم.. سلمت عليه واتحمد لله بالسلامه وروحت..الناس الي فيهم خقه امره ما اداني ايلس وياهم.
يوسف:ههههههههههههههه ياربي ياالتواضع..
ناصر:اقول مابتيب القهوه ولا انا اسير اييبها.
يوسف:هه لا ايلس مافيه خلاف اتطيح واييك شيء.. وااشتبك مع عيوزك واروح فيها. الله ما بتخليني اشبر باب البيت.. يالله بقوم اييب لك القهوه.. والله حاله..ياي ايلس وياه ويخلني اشتغل..
ناصر:يوسف انته اتكلمني؟
يوسف:هه هاا ه لاا اقول بس الله يعطيك الصحه والعافيه بسس.
ناصر:هيييه زيين.. وياك يارب..(واتساند على الكرسي زين يتريا يوسف اييب القهوه.من المطبخ)
من ياه يوسف واتقهوى وياه تمو ساكتين حول عشر دقايق محد يتكلم.كل واحد سارح بفكره
ناصر:هاا يايوسف شو قلت.
يوسف:والله ماعندي.. مشكله بسسس.. هذا مش وقته ياعمي.. يعني ذياب توه مكمل3 شهور. وتباني اعرس سيده.. هذا ولديه ياعمي.. ولديه..
ناصر:وانا ماقلت لك املج وعرس الحين.. ياغير انته املج عليها علشان ما اتروح عنك.. وخلها تزدهب لين الوقت الي تباه. وخلاف عرسوا. يمكن فتره الملجه بتكلمها ويمكن تتقربون من بعض اكثر. واتجدم العرس. هاه شوه قلت..
يوسف اتنهد:والله مااعرف..
ناصر:يوسف.. اتوكل على ربك.. ولاتغدي نحييس.
يوسف:ههه والنعم بالله.. خلاص الي تامر به طويل العمر..
ناصر:عيل انقول مبرووك.. وصدقني يا ولديه مابتندم. انته تعذبت وايد. وهيه اتعذبت وايد.
يوسف:الله كريم...
ناصر:خلاص انا بكلم ابوها الليله وبرد عليك خبر.. وانته كلم اهلك..
يوسف:يصير خير.. يالله اسمحلي الحين.. واعد الوالده اوصلها السوق
ناصر:ربي يحفظك..
يوسف:فمان الله.
ومن طلع يوسف من عنده اتصل بأخوه عبدالله الي كان اصلا يااي عنده..ودخل سيده الميلس.وماتريا ناصر. وسيده فاتحه في الموضوع.
عبدالله:بس يا ناصر.. كيف بيعرس وولده توه متوفى.
ناصر:مابيعرسون الحين. بس بيملج. وخلاف العرس.. انته تعرف الحرمات شغلتهن طوييله. يبالهن ست شهور علشان يخلصن اشغالهن.. وهاي الفتره بتكون زينه ليوسف ومهره.. علشان يتقبلون بعض..
عبدالله:والله ياخويه .الريال معرووف .. وما يتعوض. . ياغير خلني اشاور البنت وارد عليك خبر..
ناصر:خلاص عيل انته شاورها وقولها انه ما بتحصل احسن عنه..وانه شاء الله بتعوضه عن الي راح عنه.. وهو بيعوضها عن الي ياها.
عبدالله:ان شاء الله..الا ام الصبي شوه حالها الحين..؟
ناصر:لين الحين في غيبوبه..وهذا الي فاكنها من يوسف.. كان ناوي يذبحها على الي سوته.
عبدالله:حسبي الله ونعم الوكيل.. بس تراها امه
ناصر:عبدالله هيه متنازله عن الصبي. وماتباه.. ها الحنان الي طاح عليها فجأه تيي واتشله من المدرسه قبل ما يخلص الدوام.. وقبل لا يدري ابوه. واتسير به دبي.. ياغير هذا مكتوب. ومالي اعتراض على حكمه..
عبدالله:ونعم بالله.. زين عيل انا بسير البيت.. الحين وبشوف المهر شو بتقول. والله يكتب الي فيه الخير.
ناصر:آميين.. ترا الريال ما يتعوض بو احمد.. والله لو عندي بنت غير روضه مافرطت فيه..حتى يوم صارت السالفه الاوليه.. عزمت من تحصل روضه طلاقها ايوزها يوسف.. ياغير الحمد لله على كل حال.
عبدالله:ههه وروضه بتحصل احسن عن احمد الحين.. ما اظن.. لو جدامها عشره مثل يوسف.
ناصر:اوووووووووه. روضه خلاااص الحين.. لو حصلانه وتعباانه قولها احمد يااا.. بتلقاها غدت بخيير.. ومافيها شر
عبدالله:ههههههههههههههه الله يحفظهم.. ويخليهم لبعض.. يالله عيل انا بترخص.
ناصر:ربي يحفظك ياخويه.
عبدالله:اجمعين. فمان الله.
ناصر:فمان الكريم..
سار عبدالله بيته ولقاهم كلهم متجمعين في الصاله يشوفون فلم اجنبي.ومندمجين.. دخل وسلم. الكل رد السلام
احمد :وعليكم السلام والرحمه.. مرحباا يالغالي. وين كنت ؟
عبدالله:كنت عند عمك ناصر..
روضه:فديييته
احمد مد بوزه:اشمعنا هوو تتفديينه وانا يوم انطرى جدامج ما تتفدييني..
روضه ابتسمت:والله يا زوجي العزيز انته تتكلم عن الغالي..لازم يكون له مكانه كبيره. خصوصا هو الاساس.. لوجودي.
احمد:ايواا.. وانا وين موقعيه في الاعراب.
روضه:هههههههههههه اذا ابويه مبتدا انته خبر.. شفت انته سيييده بعده
احمد:تسمعها يا بويه.. كلهكم شهوود. الحين اناااااااااااا مش مهم عندها.
مريفه:يابويه انته غالي عندها ياغير غلات الابو غير.. الحين ابوك مش اغلى عن عيالك.
احمد:طبعا.. يوم السالفه فيها سعوود.. وهنوود.. اكييد الا اغلى ونص.
روضه رفعت حياتها:نعم.. طويل العمر. شو فيهم سعوود وهنوود.
احمد:سلامتج. ياغير كلهم عياال امهم.. ومالي انا اي شيء. حتى هند يوم بتشوف ابويه. بتربع صوبه. ومن اتشوفني. اذا يايه في نفس دربي. بتغير دربها ولا بترد من وين يت.. بس مابتي عندي.. يالله شدي حيلج وهاتي لي وحده. من تربين بخليها عندي علشان تتعلقني.. يوم يبتني سعيد.وهند كنت في امريكا.
عبدالله:الله لا عااد ها الطاري. امره لا ترمس فيه..
فاطمه:هيه والله يوم الله ردك لنا بسلامه..
احمد:احم شفتي الي يحبووني.. مش مثل بعض الناس.
روضه:هههههههه انزين انا ماقلت اني ما احبك..
احمد:لااااااااا. ماعليه من ها الكلام.. عليك بالاوليه لو عليها نتف اللحى.. وانتي قلتي اتحبين ابوج اكثر.
عبدالله :والله انكم يهااال.. الا احمد بغيتك في موضوع خاص.
روضه شهقت:لا يكون بتخليه يسافر ياعمي. ترا من الحين اقولك ريلي على ريله.
احمد:لاا حول يا العذوول.
عبدالله:ههههههههههه لا اتطمني بيتم في البلاد. مابيشبر مكان.
احمد:ولو فيها سفره شو عليه..
روضه:احمد حبيبي شو رايك بعد ما تخلص كلام مع عمي.. ترقد في حجرتك الي فووق..
احمد:لااااااااااااااا. خلااص والله خلاص اسولف اناا. وين بسافر عنج انا مالي غناه عنج.
مهره:هههههههههههههههههههههه يابت راسه.
احمد:جب انتي.. انا وروضه نعرف بعض زين.. صح رواضي
فاطمه:هههههههههههههههههههه..
مريفه وعبدالله يشوفونهم ويضحكون عليهم. كل يوم مغايض بينهم. من كثر مايحبون بعض.. عبدالله التفت على مهره الي كانت ماسكه هند بنت احمد وتضحك عليهم.. نش عبدالله وسار الحجره.. ونش بعده احمد ولحقه.
احمد:آمر يابويه شو مستوي.عسى ماشر.
عبدالله:كل خير.ياغير الموضوع يخص مهره.
احمدعقد حياته.:مهره.؟؟ شو فيها مهره.
عبدالله:عمك ناصر كلمني اليوم. وقالي في ريال متقدم لها.. وعمك مايبانا انفرط فيه.
احمد:عمي ناصر؟ منوه الريال هذا وكيف يعرف مهره.؟
عبدالله:الريال انته اتعرفه زين يا احمد..
احمد:منووه؟
عبدالله:يوسف..
احمد فج عيونه:هااااااااااااه.. انتته تتكلم عن جد؟؟
عبدالله:لا عن مزح .. من متى انا امزح وياك في هذا المواضيع يا احمد..شوه قلت.
احمد:محشوم.. ياغير والله اني اتفاجأت بس.
عبدالله:انته شو رايك بالريال؟
احمد:الريال ونعم وماعليه رمسه.. ولو تعرف شو سوا بموضوع مهره.
عبدالله:شو سوا.
احمد:ترا ترابع ويا فهد.. وعرف عوقه وياني وخبرني او نبهني عن مرض فهد النفسي. وممكن شو بيسوى لمهره. اذا فقد السيطره على نفسه.. وفعلا يوم سمع مهره اتكلم سعيد ولديه ين يناانه يتحرها تكلم من وراه
عبدالله:يخسي الا هوو بنتي يطلع منها العيب.. ياغير ما علينا الحين من الماضي.. الحين شوه رايك
احمد:انا ماعندي مانع.. بس كيف بيعرس وولده ماكمل.
عبدالله:هاي سنه الحياه ياولديه.. وبعدين هم مابيعرسون سيده بيملج وبعد ست ولا سبع شهور بيكون العرس.. هوو بيتخطى حزنه على ولده.. ويمكن الله يعوضه بعيال من مهره..
احمد:ان شاء الله.. خلاص اتوكلوا على الله. ونا من جهتيه ماعندي اي مانع.الريال ونعم فيه.. ومابتلقى مهره احسن عنه..
عبدالله :خلاص عيل.. طرش لي مهره ابغي اكلمها.
احمد:ان شاء الله. بس مش احسن اتكلمها امايه يمكن تستحي.
عبدالله:مهره مش بكر علشان تستحي.. انا مابجبرها انا بكلمها وبس. ورايها بتعطيني اياه خلاف من امها..
احمد:خلاص عيل.. يالله بسير ازقرها لك.
عبدالله:زين..
طلع احمد ولقاهم بعدهم في الصاله.
احمد:مهرروه.. ابويه يباج اشوي.
مريفه:فييه شيء ابوك.
احمد:لااا امايه بس يبى مهره في موضوع خاص اشوي.
مريفه:خير رب ماشر..
احمد:بيخبركم ابويه شو صار.. بس انه ريال متقدم لها وبيشاورها((طبعا تكلم بعد ماسارت مهره عند ابوها))
مريفه:الله يكتب الي فيه الخير.
فاطمه:الخوف ترده مثل الي قبله.
احمد:ان شاء الله ماترده.. هذا ريال زين.. يالله رويض خلينا انسير. تعباان.
روضه:يالله حتى هند رقدت .. يالله سعودي.
سعيد:زييين.. ماماه.. بتعطيني حلاوه.
روضه:حلاوه فلييل.. لااا حبيبي. باجر ان شاء الله بعطييك.. الحين نووم.
سعيد:لييييييش.
احمد: اقوول سعييدان. يالله جدامي مافيه على البزا اناا
سعيد وفي عيوونه دمووع:ماااابااااااااااك.
روضه اتنهدت كل يوم نفس الموال الا اذا رقد في الصاله :اندوك شل بنتك وانا بييبه.
احمد: ان صاحت بردهاا عندج.
روضه:لا حول يعني لا هذا ولا هذا بتساعدني.. عيل انته ابوهم بلووشي.
احمد:كله ولا راحتيه.
روضه:الله يعيني عليك. شلها مابتصح اصلا فيها رقااد ..الظهر الشيخ سعيد ماخلاها ترقد.. والحين بترقد عادي.
شل بنته وسار قسمهم وحطها في سريرها وفعلا رقدت من دون اي صياح.. روضه شلت سعيد وحطته في سريره الي اصلا كان في رقاد بس مقاوم.. بعد ما شرب كوب الحليب ورقد سيده..
دقت الباب مهره ودخلت عند ابوها لقته يالس على الكرسي... اتقربت منه ويلست عداله..
مهره:آمر يا الغالي قالو لي بغيتيني.. رب ما شر..
عبدالله اتنهد:لا كل خير يابنتي..بس بغيت رايج في موضوع..
مهره هزت راسها: رايي؟؟ في شوه؟
عبدالله:امممممم.. بصراحه.. في ريال يايني من طرف عمج ناصر.. وعمج ناصر.وايد يمدح فيه..وقال انج ما بتلقين احسن عنه.. حتى احمد اخوج قال نفس الكلام... وابغيج اتفكرين روحج.. ومحد بيضغط عليج..لا كبير ولا صغير. انتي مش صغيره.. وباسم الله عليج. عاقل..واتعرفين الصح من الغلط..
مهره:ممكن اعرف منو الريال يابويه.. لانه اذا كان يقرب. لي.
عبدالله:لاااااااا.. الريال مالنا اي قرابه ويااه.. الريال مثل ما قلت لج. ياي من طرف عمج ناصر.. والريال انتي اتعرفنيه.. او سمعتي عنه.
مهره عقدت حياتها:منو؟
عبدالله:الريال يكون يوسف.. بو حياه الصبي. الي شلته امه من المدرسه وسو الحادث ومات..
مهره شقهت.. عبدالله التلف صوبها:شو بلاج؟
مهره نزلت راسها:لاا.. ابد.. بس..
عبدالله:بس شوه؟ شيء سامعه عن الريال؟
مهره هزت راسها:لاااااااااااا. ابويه.. بس هذا الريال وحياه ولده... هم الي ساعدوني يوم وقفت السياره في الشارع.. تحيد يوم اتسير انته وعمي ناصر دبي. اتسون فحوصات.
عبدالله اعتدل في يلسته:هييه احييد.
مهره:هوو نفس الريال الي ساعدني.
عبدالله:وانتي كيف اتعرفينه؟
مهره:تراه يدرس في الجامعه.. واشوفه تقريبا كنت كل يوم..بصراحه غمضي الصبي يوم مات..
عبدالله:الله يرحمه.. هذا يومه يابنتي.. وانتي اذا صار لكم نصيب مع بعض.. ان شاء الله بتعوضينه. كان متعلق بالصبي واايد..
مهره استحت ونزلت راسها..
عبدالله:مهره مثل ما قلت لج.. محد بيجبرج على شيء.. ولا تخلين سالفه فهد. اتأثر على تفكيرج.. وقرارج.. انتي فكري واستخيري.وردي لي خبر.. تراا الريال يبا يملج بسرعه.. والعرس بيخليه بعد فتره لين تهدى الاوضاع ويتقبل موت ولده. يعني يمكن بعد خمس ست شهور جيه..
بس يبى يملج علشان يظمن له حرمه.. وعمج حلف انه لو عنده بنت غير روضه انه مافرط فيه.. ومن اليوم يا بنتي ابغيج اتفكرين وخذي الوقت الي تبينه ماشيء عيله...وردي عليه خبر. ولا خبري امج بقرارج. ولا حد بينقاشج بأي شيء..
مهره:ان شاء الله.. تسمحلي الحين.
عبدالله:مرخوصه يابنتي.. وخلي امج تيني.
مهره:ان شاء الله الغالي..
طلعت مهره وخبرت امها انه ابوها يباها. وسارت حجرتها.. ويلست اتصيييح..معقووله هذا تفسير حلمي.. معقوووله يكون يوسف من نصيبي. اااه. شو اسوي..لازم اكلم حد.. ومنوه بيفهمني غير.. توميييه. اتصلت بميره.. ويلست اتسولف وياها..
مهره:ميييره بقولج لج شيء..
ميره:آمري.. تراج تخوفييني.. فيج شيء مضايقنج
مهره:والله ما اعرف شوه اقولج.. تحيدين يوم خبرتج بالحلم الي حلمته من شهرين.
ميره:حلم.. حلم.. لايكون حلم البنت الصغيره.. الي تلبسج الماس.
مهره:هيييه. تعرفين شوه صار اليوم؟
ميره:شووه؟
مهره:ميييره تحيدين الدكتور يوسف.. ااستاذ الجامعه.
ميره:هييه شوه فيه .. مش هوو الي توفى ولده.؟
مهره:هيييه. هوو.
ميره:انزين .. شو بلااه؟
مهره:مييرووووووووووووه. يوسف يبى يتزوجني..
ميره:هاااااااااااااااه؟؟
مهره:وويعه.. ما تسمعيين.
ميره:صبري شوي.. ممكن تفهيمني كل شيء... بس لحظه بخلي العيال عند ابوهم .. ويت..
وصلت عيالها عند حمد.. وردت عند مهره.
ميره:يالله خبريني من البدايه ليين النهاييه.. وياوييلج ان نسيتي شيء.
مهره:ههههههههههه مافي لابدايه ولا نهايه.. الموضوع ومافيه انه كلم عمي ناصر وقاله يبى يعرس.. وعمج رشحني له.. هذي كل السالفه..
ميره:وعمج ناصر. كيف تعرف عليه.. هييييه الحين تذكرت السالفه الجديمه.
مهره:علييج نوور.. ترا يوسف يقرب للريال الي شغل عمي عنده من البدايه.
ميره:اهاااااااااا.. الحين فهمت. انزين.. ياحلوه.. والسؤال الي يبى اجابه .. انتي شو رايج.
مهره وفيها عبره:والله يا ميره ما اعرف.. اخااااااااااااف وااايد..وانتي اكثر وحده تعرف بالي احس به.. علشان جذيه اتصلت بج..
ميره:مهرووه حبيبيتي.. شوفي الي صار خلي ورا ظهرج ولا جنه صار .. وابدى حياه يديده. صح الي مريتي فيه مب هين.. بس انتي قدها وقدوود.. لا تخلين غلطه وحده اتدمر كل حياتج.. شوفي انتي خسرتي ثلاث اسنين من عمرج مع فهد.. كان يضربج ويعتدي عليج.. ومع هذا ما خبرتي حد لين الحين.. بسس يمكن يوسف يكون عكس فهد بميه مره.. انتي تبين حد يعوض عن الي راح.. وهو اكييد يبى حد يعوضه عن فقدانه لولده..
مهره:بسس..
ميره:لا بس ولا شياته.. شوفي. انتي استخيري ربج.. وشوفي شوه بتحسين.. واكيد اهلج ما بيقصرون وياج.. وانا ادري قرارج انتي محد بيعترض عليه..
مهره:ادري.. بس فرضا طلع مثل فهد.. و اخس..
ميره:مهره.. كل شيء حطيه بشروطه.. من تملجون يكون كل شيء مسجل في الوثيقه..اذا بس مد ايده او حاول. بتكون نتايجه وخيمه لا تتوقعين انه حد بيسكت له.. ودام عمج ناصر هو الي رشحه فكوني متطمنه ميه بالميه منه.. وعمج اكيد يبى مصلحتج..
مهره:ادري..
ميره:شوفي.. انتي استخيري الله.. وخلي الامور تمشيء على هوها.. ان صار لكم نصيب.. وقت الملجه قعدوا مع بعض واتفقوا على كل شيء.. اذا حسيتي عنده قبول كان بها.. وان حسيتي انه اعترض وسوا مشاكل. تراكم على بر.. وعفا الله عما سلف.. بس لا تضييعين عمرج جذيه.. كم واحد الحين ياج وخطبج ورديتهم. ولا حد تكلم وياج ونصحج غيري صح ولا لاا.
مهره:صح.
ميره:ولانهم ماكلموج مب معناته انتي ما تهميينهم .. بس من خوفهم عليج. وعلى نفسيتج. وهذا نفس الشيء. محد بيجبرج على شيء.. انتي قرري. وشوفي شو تبين.
مهره:مييره ما بخبي عليج.. انا حاسه انه ها الانسان بيكون سعادتيه.. بس بنفس الوقت خايفه.. منه..خايفه احط لي احلام واماني.. وانصدم بالواقع
ميره:مثل ما قلت لج يلسي وياه وحطي النقاط على الحروف من البدايه. وبعدها شوفي.. لا تستعيلين.
مهره:الله كريم.. بقوم اصلي المغرب الحين.. وبعدها بصلي الاستخاره.
ميره.:زين الله يوفقج. بس ياريت لو تقرير بسرعه .. ويوم العرس بلقى فستان بمقاسي..
مهره:لييش مابتلقين فستان بمقاسج؟ ان شاء الله.. من يمسعج يقول جازورا من كبرج.
ميره:هييه حبيبتي. الي ايده في النار غير عن الي ايده في الماي.. انا حااااااااامل يا حبيبتي.. ولا تذكريني خليني ناسيه. بصييح.
مهره:حاااااااااااااااامل.. مبرووك.. بس حرام علييج كم عمر عيالج..
ميره:جب.. لو عندج ريل مثل ريلي.. هذيج الساعه تكلمي.. يباني كل سنه احمل.. بمووووووووووت.
مهره:ههههههههههههه الله يعييينج.. بس حراام.. فديتهم ما كملو الاربع شهور.
ميره:يوم بربي بيكلمون السنه وشوي.. يالله الحمد لله على كل شيء.. شوفي وخبريني شو بيصير وياج.. بس رجاءا لاحد يدري عن الحمل.. خصوصا يدوه فاطمه.. عادي احصل محاضره محترمه على الحمل وعيالي صغار.
مهره:هههههههههههه دوااج.. يالله عيل مشكوره ميرووه.
ميره:العفوو حبيبتي. ولو انتي نص الثاني.
حمد:لا والله.. هيه نصج الثاني. ونا شووه ان شاء الله.
ميره:ههههههههههه وااااااااااااااايه فديييت ويهك. انته عمري كله حبيبي..
مهره:هههههههههه عيااره. يالله باي..بخليج مع ريلج.
ميره:ههه باي حبيبيتي..
مهره:هه باي..
حمد:انزين الشيخه ميره.. وشو بعد
ميره:ههههههههههههه ابد حبيبي.. حموودي.. بدى الوحام عندي. وخاطري انسير البحر
حمد رفع وحده من حياته:نعم.. البحر؟ الحينن؟
ميره:ههه لاا بس عادي انسير ونبات في دبي.. والمسى نطلع البحر.
حمد:امممممممممم.. انزين يالله.. انا خاطري بعد نطلع.. وكنت ابا اسألج بس خفت اتقولين تبين اتسيرين بيت اهلج.
ميره:هههههههههههه لا لاا. دام السالفه فيها طلعه دبي.. برايهم اهليه الله يحفظهم.. بكون مع ريلي حبيبي..
حمد:يا العياره.. توج اتقولين لمهرووه انها نصج الثاني..
ميره:فديت الي يغارون انا.. حبيبي قصدي بنصي الثاني انها توأميه فقط.. وانما انت روحي كلها.
حمد:يا عياره الحريم.. يالله اتزهبي باجر من الصبح بنطلع ان شاء الله
ميره تربع وتلوي على حمد: هييييييييييييييييييه.. فدييييتك ياربي..لا توصي حريص من الفير بتلقاني جاهزه.
حمد:بنشوووف.. يالله بسير المسيد وبرجع ايلس ويا الاهل.. لين تصلين ووتجهزين.. تعالي ويلسي عندنا..
ميره:ان شاء الله حبيبي..
روضه:اقول احمد.. انته شو رايك؟
احمد:وليش تتخبرين عن راي؟؟
روضه:رجاءا لا تبدى بأسطوانك الجديمه.. وافهم انته الي في عيني بسس. ولا واحد ثاني بيدخل قلبي..
احمد:انزين ماعلينا..تبين راي من اي ناحيه؟
روضه:من ناحيه الموضوع كامل.. يعني انته مرتاح منه.. وانه بيقدر يسعدها.؟ وهيه بتقدر تسعده وبتعوضه عن ولده؟
احمد اتنهد:والله ياروضه. ماا اعرف.. ها الشيء رب العالمين يعرفه. بس من ناحيه الريال.. بأمانه.. انا الريال مرتاح له.. واحسه بيسعد مهره ان عرفت كيف تكسبه..
روضه:الله يتكتب الي فيه الخير..
احمد:آمين..
روضه:خاطري اشوفها مستانسه في بيتها وبين عيالها.. تعرف انها وااايد تحب اليهال.. وسعوود من طاح وهيه ترعاه اكثر عني..
احمد:من يومها مهره غير عن تويمتها.. دووم متعلقه باليهال.. كانت ههههه يوم كنا صغار.. كنت اظن توني في تاسع.. كانن هن اظن في رابع او ثالث..المهم شلنا ابويه وسافرنا لندن دخلنا الهايد بارك.. ويلسنا نتحوط لين تعبت يدوه فاطمه ويلسنا على الكراسي.. واحيدهن عدالي.. يوم التفت اطالع شو يسون. ماحصلت الشيخه مهره.. واحتشر ابويه.. واتفرقنا اندورها
روضه:هههههههههه ياربي.. وخلاف وين حصلتوها؟
احمد:هههه كانت عند عايله افريقيه.. تاكل ويا العيال كيك وتشرب وياهم عصير..ههه اسميه ابويه كيف احتشر.. وهد.. بس منوه تكلمين.. ولا همها.. طلعنا من الحديقه وردينا الفندق.. وبعد يومين نسى ابويه السالفه وردينا طلعنا.. كانت مأدبه.. وتسمع الكلام. لين سرنا المطعم نتغدى..تقريبا كملنا نص ساعه ميره بغت الحمام تغسل ايدها ماادري شو انجب عليها.. المهم سارت هيه وامايه وسارت وياهم مهره. اوين علشان اتم وياهم. يوم ردوا ردت امايه وميره.
روضه:ياربي. ومهره وين؟؟
احمد:ههههههههههههه.. ماحصلناها في الحمامات ولا في المطعم.. يلسنا اندور ولا لقيناها.. لين ياني بواب المطعم وقالي انه في بنت صغيره طلعت برا.. ربعت برا ادورها لقيتها ماسكه ايد بنت صغيره اتصييح اتدور امها.. والله اني من الزيغه صفعتها طرااق.. حتى الشرطي ياني هداد ليش اضرب البنت الصغيره.. تلاحقنا ابويه وسوا الموضوع وياهم.
روضه:حبيبتي.. شو سويتو بها.
احمد:ماشيء مسكها ابويه وردينا الشقه.. وهزبها هزاااب..وعاقبها ما تطلع من الحجره. طوول اليوم.
روضه:حراااااااااااام.. ياهل. حليلها.
احمد:وين ياهل.. الا شر..
روضه:بس ليش طلعت ويا البنت برا؟
احمد:اوين تبا اتسير مركز الشرطه اتودي البنت عندهم علشان ايدورون اهلها.
روضه:حبيبتي.. واهل البنت وين كانو؟
احمد:هههههههههه جالبين المطعم يدورون البنت.. وحضرت جناب الشيخه مهره اتدور اهل البنت براا.
روضه:ههههههههههه.. حليلها..حنون من يوم يومها ثرها.ههههههههههه
احمد:داخلتنا في مشاكل. الها اول مالي آخر.. يابنت الحلال.. انزين يابنت ناصر.. اخبارج بعد..
روضه:اخباري اتسر حالك.. اقول حبيي.. شو رايك بعد ما ترد من الصلاه. تاخذني في جوله حول المنطقه.. خاطري اطلع.. لو في السياره.
احمد:اممممممم تبين تحضرين فلم..
روضه:اممم جذيه بنتأخر على العيال..
احمد:مابنسير بعيد. يا روتانا او الفوعه.
روضه:اممممم خلاص عيل. زين.. بخلي الخدامه تيلس هنيه. لو اني اعرف انه عيالي ما يقومون فليل. الا انه بخليها احتياط..
احمد:زين ماعليه.. يالله عيل خليني اسير اصلي. وبعدها نطلع.
روضه:اوكي حبيبي. ربي يحفظك..
احمد:ويحفظج يالغاليه..
وفعلا تم الامر.. ووافقت مهره على يوسف. الي يأ هو واهله.. وخطبو مهره رسمي.. والملجه اتحدد بعد شهرين.. والعرس بيكون بعد اربع شهور وهيه المده الي حددتها مهره لين تخلص زهاب العرس..
مهره:اييييييه والله فيني خفووز..غير طبيعي.
ميره:طبعا حبيبتي.. ماشيء باقي وبيدخل عليج ريلج.. يوسف..حبيبووو.
مهره تقرص ميره:اييييه انجبي لحد يسمعج.
ميره:يعني الحين محد يعرف انج اتحبينه غيري. ياااهووو..
مهره:لا والله ان شاء الله تبيني اسير اخبر العالم.. تعالوا سمعو.. ولا تبين انزل بيان في الجريده.. صدق انج مرات تغدين غبيه.. وسخييفه.
ميره:هههههههههههههه يعني كل هاي المده والمواقف الي اتصير.. محد عرف انج تحبينه. هههه حتى روضه؟
مهره:ليش شو مواقف صارت.. ماصار شيء.
ميره وترفع حياتها:حطي عينج في عيني. اممم اولا يوم دعم فهد.. وثانيا في المستشفى.وثالثا.. يوم وقفت السياره.. ورابعا.
مهره:انجبي.. بس عاااااااااد.. اوووف.. وين روضه..
ميره:هههههههههه اوكي..
مهره:مش حلو لون الفستان عليج.. مبين انج متيينه.
ميره:ااااااااح.. كله من هاي الكوره .. تخيلي يكونون توأم بعد. بمووت.
مهره:هههه .. ماصورتي.
ميره:لاااااا.. اخاف اصور ويطلع توم.. بنجلط.
مهره:كم لج الحين..
ميره:توني مخلصه الثالث. امشي في الرابع.. والله يستر..والي يشوفني يقول في الخامس ولا السادس.. اااوف..
مهره:قولي الحمد لله على كل حال.. المفرووض انا اتوتر مش انتي..
ميره:الا بسألج مهرووه.. هوه ماعنده خوات؟
مهره:لاا.. عنده خوان. وكلهم معرسين..
ميره:عيل ليش محد يا منهم لين الحين؟
مهره:ماادري.. بهم..
ميره:الملجه بس رياييل. ولا مع حريم.؟
مهره:لا. مع بعض اظن. ما ادري بأبوج..
ميره:بسير اشوف امايه.. عندها العلوم كلها..
مهره:انزين سيري.. بسس صبري احس الرموش تحركت من مكانها صح؟
ميره:هههه لا ماتحركت مثبته عدل. خخخ اسميه بينغش في عيونج.. هاالكبر.. خخ ومناك الا رموش وجحال..
مهره:في كل الحالات ما اخرب فديتج. يالله سيري طالعي امايه.
ميره:ههههه خقاقه وحده..
طلعت ميره وتمت مهره روحها... اتفكر بعد هاي الليله بكون حرمه يوسف جدام الله وخلقه.. خطر فهد في بالها.. وتذكرت ملجتها من فهد.. كيف كان حنون في هذيج الفتره.. يوسف بيكون مثله.. وبعدين بيجلب ويهه الطبيعي..ياما سمعت عنه انه انسان عصبي في الجامعه.. معنه ماكد درسها.. بس حاسه بخوف..دخلت عليها روضه وعندها اربع حريم..
روضه:مرحباا. بالعرووس.. هذيلا حريم حميانج..
موزه:ماشاء الله عليج يا مهره.. قمر .. ياحظ يوسف فيج.. والله يبارك لكم. ويسعدكم.. انا موزه حرمه منصور اخو يوسف الثاني..وهذي شمسه حرمه فاضل.. الثالث.. وهاي هند حرمه علي..آخر العنقود. عمتيه حرمه كبيره ومايابت غير اربعه.. كان خاطرها في بنت.. بس الله ماعطاها.. ههه والله عوضها بثلاث بنات الحين.. ومن بعد الليله ببنت رابعه.
روضه:الله يتمم على خير..
الكل :آمين.
مهره استحت ونزلت راسها.. كانت خايفه انه محد يعبر لها وايي.. حست بشعور روضه يوم عرسها من احمد.. ولا وحده من اهله سار العرس.. الحين عرفت شعور النبذ كييف.. بس الحمد لله. سارت الامور على خير.يلسن يسولفن مع روضه ومهره. لين حزت العشى.. طلعن يتعشن دخل ابوها عليها. وعنده وواالمطوع.الي كان واقف ورا الباب . ويوسف واحمد اخوها.واقفين عنده... والباقي يتعشون برا.. بعد ما ملج عليهم المليج.. روح يتعشى دخل احمد ويوسف وابو يوسف وابوها .يلسو عندها وباركولها وباركو ليوسف..... دخل عليهم عمها ناصر وبارك لها وسحب اخوه عبدالله واحمد وابو يوسف.. وتمو رواحهم.
يوسف كان واقف عدال الكرسي ومنزل راسه:مبرووك.
مهره مستحيه:الله يبارك في حياتك.... مبرو..وك.
يوسف:الله ..يبارك في حياتج.. م..هره..
مهره:لبيه.
يوسف:بكون معاج صريح.. بس ممكن تيلسين. علشان ايلس انا بعد.. ريولي تعبن من الوقفه.
مهره عقت عمرها ويلست من المستحى..:آسفه..
يوسف:ههه لا عادي.. امم جذيه زين.. (اتنهد) شوفي مهره.. نحن مش صغار.. ونا ابا اكون صريح معاج من البدايه.. انا ما فكرت بالعرس مره ثانيه الا علشان ايب عيال.. اظن انج تعرفين انه كان عندي ولد. ماكمل 6 شهور من دفنته ..
مهره:الله يرحمه.
يوسف:آمييين.. يارب.. مهره الي ابغيج تفهميينه. انا ابغي عياال. مش واحد واثنينه.. عادي يوصلون عشره.. ابغي البيت فيه عيال.
مهره هزت راسها..
يوسف:بسس..
مهره:بسس..؟
يوسف:ما اقدر .. والله ما اقدر..
مهره فجت عيونها:ماتقدر شوه؟
يوسف:مهره.. انا طالع من تجربه مريره.. كانت عندي حرمه. بعد حرام اقول عنها حرمه.. هاي مب آدميه... سببت لي برووود. غير طبيعي للحريم بشكل عااااااااااام.. مهره انتي فاهمه عليه.
مهره:هييه.. وشو المطلوب مني. تبا عيال.. ومع هذا ماتباني.. شو الي تباه بالظبط؟
يوسف:لاااااااا انتي مافهمتي عليه.. الي ابغييه . وقت حتى يوم تين في بيتي. لا تتوقعين يصير شيء بينا.. لين.((واتنهد)). الله يفرجها.
مهره:مافهمت.
يوسف:يعني.. من ليله عرسنا.. بنكون في غرف منفصله.. لين نقدر نتواصل مع بعض.. فهمتي عليه.. مهره. صدقيني مابقدر اقرب منج بسرعه.. خلود دمرت شيء فيني.. تجاه اي حرمه ماعدا امي..والله العظيم اني لا كلمت بنت ولا طلعت مع بنت يوم كانت في ذمتيه. وهذا الي بيصير وياج.. عندي مصداقيه. ووفاء للزوجه.. واعتقد اني مابطلب الكثير لو لقيت نفس المعامله من جهتج..
مهره:طبعا من دوون حتى ما تقول..
يوسف:شوفي مهره.. انا ادري انه خلود ماخانتني.. بس كانت تتصرف بتكلف.. فوق الحد.. والقروب الي صادقته هن السبب.. كنت اشوفها مره في اليومين او الثلاثه ايام.. ماصار عندي اي اهتمام صوبها.. ولا اتريا الاهتمام من صوبها. عشت وياها في بيت واحد بس لا تفكير ولا جسد كنا فيه مع بعض.. عشان جيه ماكنت احس بها. وكانت دايما تتهمني بالبروود.. والعصبيه..ماابغي ها الشيء يصير بينا..
مهره هزت راسها
يوسف:مهره ادري انه مريتي بظروف صعبه.. وصدقيني اني بحاول اسعدج.. فوق ما تتصورين.. بس الي ابغيه منج انج بس تصبرين عليه.
مهره:ان شاء الله خذ الوقت الي تباه.. ماعندي مانع.. بس عندي شرط.
يوسف:الي تبينه. انا حاضر.
مهره:انته اتقول انك ما تبى تقرب مني لين تقدر تتقبلني في حياتك صح.
يوسف:هييه..
مهره:انزين .. انا بعد ابا مثل هاي الفتره.. لاني مريت بظروف انته ماتعرف شو صار لي فيها. ومحد يدري فيها. الا ختيه التوأم وماكنت بخبرها بس لانها كانت حاسه اني تعباانه.. لانه هيه بعد تتعب. من تعبيه. ونا اتعب من تعبها..
يوسف:شو هيه الظروف؟
مهره:افضل انها اتكون خاصه فيني.. حاليا.. وياريت انك ما تظغط عليه.
يوسف:مثل ما تبين.. خلاص. مثل ماقلت لج الي تبينه بسويه.. شغلج مابتدخل فيه.. واهلج مثل. بس الي ابغيه منج اهليه اتحطينهم فوق راسج مهره..
مهره:اهلك اهلي.. لا توصي عليهم.. اتلاقيت مع امك وحريم خوانك.. وكلهن حبوبات.. وامك جنه.. لاتخاف من هاي النقطه..
يوسف:اتعرفين والله انج ريحتيني.. حسيت براحه الحين
مهره:ان شاء الله دووم..
يوسف:اجمعين.. شيء تبين قبل لا اطلع.
مهره:سلامتك..
يوسف:الله يسلمج.. يالله فمان الله.
مهره:الله وياك..
طلع عنها وتمت روحها اتفكر.. لين يتها روضه ويايبه وياها صحن فيه محشي..
روضه:اندووج كلي هذا كلمه لذييذ اشويه عليه..
مهره:مالي نفس. للأكل..
روضه:اونه.. خلاص طلع ريلج انسدت نفسج عن الاكل.. شبعتي من شوفته..
مهره:رووييض والله مالي مزاج..الحين.. حاسه اني مخنووقه.
روضه وطت الصحن:لييش مهره.. قالج شيء ضايقج.؟؟
مهره:يوسف دمرته حرمته فوق ما تتصورين.. نفسيا وجسديا..
روضه:كيف دمرته؟
مهره:ما ادري كيف اشرح لج.. بس تقدرين اتقولين انه حاليا مايقدر يتقرب من اي حرمه. لانه خايف يكون الوضع نفسه مثل وضعه مع خلود.
روضه:يستهبل هذا.. مهره.. اوكي الريال مر في محنه صعبه.. بس بحسب الي اعرفه انه مطلق خلود من اكثر من خمس سنين.. اي ازمه الي خلته يمر فيها. خمس سنين كفيله انها اتنسي الانسان اي شيء.. بس ها الشيء هوه متخوف منه.. لانه بيدخل مرحله يديده في حياته.. حاله حالج. انتي بعد.. يعني بذمتج انتي مش متخوفه من الايام اليايه. من اللحظه الي بيتكونين وياه في مكان واحد رواحكم..
مهره:طبعا..
روضه:ما بتفكرين انه ممكن يكون نفس اللحظه الي جمعتج مع فهد..
مهره نزلت راسها..
روضه:شفتي.. هذا الي حس فيه يوسف.الحين.. مهره انتي وهو يبالكم وقت لين تتجاوزون المحنه الي صارت لكم في تجربتكم السابقه.. وحلو منه انه تكلم وياج من البدايه.. ماخلاج لين تدخلين بيته وبعدين صارحج بمخاوفه.. تجاه العرس.. والمسؤليه..مهره.. يوسف حاليا يفتقد ولده اكثر ما يفكر بزوجه وعيال..انتي حاولي اتشافينه من الي هوو فيه.. وصدقيني بترتاحين.. يلست مع هند حرمه علي .. والله لو تسمعين كيف كانت تتكلم عن يوسف وولده. قلبج بيعورج عليه.. يقولج عمرها ماحست انه الي بين يوسف ووذياب علاقه ابو وولده.. بالعكس كانت علاقتهم اخويه اكثر ماتكون ابويه..ويوم مات. اتقولج كم مره طاح عليهم مغمي عليه من حزنه على ولده.. حتى الاكل ماكان ياكل. بالايام.. واذا كل.. ترا اكل ما يسد عصفور..ولين الحين معلق صوره في حجرته.. يعني لين يومج متأثر بغياب ولده.. ويوم فتح لهم موضوع العرس. الكل أيده ووقف وياه. حتى قبل مايعرفون منو الي يباها.اهله خايفين عليه..عشان جيه كلمني هند وموزه وشمسه كلمني عشان افهمج الوضع.. مهره يوسف يحتاج وحده توقف وياه.. اتحمليه مهما صار وياج.. يمكن يتحسس بموضوع ذياب وبيعصب.. بس ترا على كلامهم انه مايقصد اي شيء.. واذا صار وعلى صوته او احتشر. تقول شمسه مايكمل ساعتين الا يا واعتذر اذا كان غلطان.. فهمتي ليش قالج جذيه..
مهره:روضه انا ما الوومه.. انا حاسه فيه.. وادري انه صعب انك تفقد انسان عزيز عليك. فما بالج بولد. بس انا بعد عندي مخاوف.. ومحد بيكون وياي..
روضه:الكل بيكون وياج.. واولهم سعوودي.
مهره:هههه فديته..شيخ الرياييل هذا.
روضه:ههه لا يسمعج..وبيتخقق..مهره.. الله يسعدج.. ويعوضج بالي يسعدج وينسيج الماضي..
مهره:آمييين.. ان شاء الله يكون يوسف مثل احمد رومانسي.
روضه:هههه لا حبيبتي. في هاي اسمحييلي.. محد مثل شوقي.. احمد حبيبي مافي مثله حد..
ميره:ولا حمد فديته حد مثله..
هند:هههه ايواا. كل وحده تمدح ريلها.. قريبا يا مهره بنسمعج تمدحيين يوسف.. وبذكرج.
مهره:والله استحي
موزه :ههههههههههههههه ياربي.. اقولكم ترا حتى منصور رومانسي.. بسس للاسف بالاتجاه الثاني..
روضه:هه كيف بعد الاتجاه الثاني..
هند:خخخ كل ما تي هبه رومانسيه شلني البحر.. ولازم نركب سفينه ولا يخت.. وانا وحده حطوني عند البحر بتيني دوخه.. وين ادخل فيه.. اتم يالسه في الحجره ما اقدر اطلع.. خخخ
شمسه:هههههههههههه مشكله الي يعشقون البحر.. على فكره حتى علي ويوسف.. يحبون البحر... بس يوسف على خفيف.. مب لين ذاك الزود..
هند:الحمد لله. لا فديته علووه.. مرات اتهب في راسه طلعت البحر. وعادي ماعندي مشكله اركب وياه في السفينه.. واصيد السمج.. بس المشكله ريحت البحر. خااايسه مرات..
روضه:هههههههههه.. الحمد لله عندي ريل ماله في ها السوالف.. اذا سرنا البحر.. حدنا يلسه على الشاطيء..ولا المولات.. والفنادق..اما دخلت البحر.. لا بعييد.
تمن يسولفن وياها ودخلن ربيعات روضه . العنود خت حمد... وحصه وشله الجامعه.. يلسن عندها لين الساعه 11. وبعدها الكل سرى بيته.. مرت الليله على خير. وبعدها بيومين طرش يوسف فلوس مهره.. علشان تزهب. وطبعا من اليوم الثاني بدت الطلعات. كانت من ترد من الدوام العصر.. تبدل وترجع تطلع هيه وروضه وميره. يسيرن يتشرن. مرات عمتهن عاشه وبناتها بس بنات خالها عيسى طرشن لها مسجات يباركن لها..بالملجه ولانهن بعده الحضر موجود عليهن.. ماقدرن ايين.. ولو ايين مالهن ويهه..بعد الي صار. مرت الايام على مهره ويوسف. وكل واحد لاهي. بحاله في الدنيا. يوسف قرر يخلي التدريس نهائيا وعزم انه يشتغل في شركه ابوه وبو سلطان.وكان آخر يوم له في الجامعه يصادف آخر خميس قبل اسبوع العرس..ودع الجامعه وسوا له تكريم من الجامعتين.. وبيبدى دوامه الرسمي في الشركه الشهر الياي بعد شهر العسل.. بس كان يسير الشركه ها الاسبوع علشان يتعرف على سير الشغل.. وكيف اجراءاته..مهره كانت في آخر مراحل التجهيزات .. ولين الحين ما تعرف اذا انهم بيسافرون او لاا.. مره كانت يالسه مع روضه وفتحت لها الموضوع.
مهره:اقووول روضه..انتي اتكلمين موزه ولا هند؟
روضه:لاا. بس عندي في البي بي. ليش.؟
مهره:يوم انهن عندج ليش ما تكلمينهن؟
روضه:مافي شيء بس اطرش ويطرشن لي برودكستات.. فقط.. ليش؟
مهره:انزين ممكن اطلب منج خدمه؟
روضه:آمري.. شو في خاطرج.
مهره:ابغي تسألينهن اذا .. يوسف قالهم اذا بنسافر او لاا.. لانه لين الحين ماجهزت
روضه:اها.. انزين شو رايج اخلي احمد يتخبره..
مهره:لااااااااا.. دخييلج والله استحي.. قلت يمكن هن سألنه وقالهن شيء
روضه:امممممم.. اوكي بشوف.. حصه لانها طابقت شمسه.. وبخليها تسألها بس بدون ما تحسسها بشيء.
مهره:اوكي .. مشكوره,
روضه:العفوو. بس غريبه انه ماكلمج لين الحين.. وانتي حرمته.. تعرفين من ملج عليج. نادر ايي بيت ابويه الحين..حتى ابويه استغرب منه.. يوم سأله قال انه انشغل بالجامعه.. لانه بيخليها خلاص.. وبيبدى يشتغل في الشركه.
مهره:والله؟؟ توني اعرف انه بيخلي الجامعه..
روضه:هذا لانكم ما تتكلمون في التلفون.. يالله هانت ان شاء الله من بعد العرس ما بيكون بينكم اي اسرار.. خخخ
مهره:مااسخفكن مرات انتي ومييرووه.
روضه:ههههههههه حليلج يامييره تعرفين لين الحين تعاني من الوحام والحين دخلت السابع ههههه.
مهره:هييه قالت لي.
روضه:بسألج مهره.مرات انتن تحسن بتعب بعض.. يوم تمرض انتي بعد تتعبين.. الحين يوم هيه فيها الوحام.. ما تحسين بأي شيء؟
مهره:لاا طبعا.. لانه السبب الي مسبب لها الوحام مش موجود فيه. ياذكيه..
روضه:ههههههههههههه شو دراني بعالم التوأم انا..
مهره:هههه خليته عالم.. مره وحده.. يالله ان شاء الله تشدين حيلج وتحملين بتوأم انتي بعد.. وبعدين بتعرفين كيف عالم التوأم ..
روضه نزلت راسها.. الله كريم.
مهره فجت عيونها:اييييه روويض لايكوون..
روضه:هيييه من يومين خلصت الثالث.. واحمد اخوج لين الحين ما يعرف. ان شاء الله اليوم بخبره..
مهره:ماشاء الله مبرووووك.. بسس..
روضه:انا موكله امري لربي. ان كمل ف الحمد لله. وان طاح . بعد الحمد لله..عشان جيه خليته لين كملت الثلاث شهور.. واليوم بخبره.. خوف الحامل في اول شهور لها.. ونا خبرتني الدكتوره اذا كملت الثلاث شهور وماصار اي مضاعفات.. ان شاء الله مابيكون في تسقيط.. وان شاء الله يكمل.
مهره:ان شاء الله..وسباله من اربع شهور الحين ترابعين ويايه ما خفتي انه يطييح..
روضه:قلت لج.. بعد ما طرحت فوق الاربع مرات.. وكلت امري لربي.. والحمد لله لين الحين مافي اي شيء غير طبيعي.. يالله غيري الموضوع اخاف حد يدخل علينا ويسمع.
مهره:هههههههههههه. اوكي..
روضه:انزين شو خلصتي الحين وشو باقي لج؟
مهره:ماشيء.. بس باقي ااكد على الباقه.. وآخر بروفه للفستان باجر.. وخلاص.
روضه:يالله زين. بسير وياج..
مهره:تحلميين.. بعد الي عرفته.. ماشيء سيره..
روضه:ايييييييييييه. عاد عن المصاخه.. ابا .
مهره:ونا مااابا .
احمد:شو ماتبيين.
مهره:هااه..
روضه: مهره ما تعرف اذا انهم بيسافرون شهر عسل او لا..قلت لها بسألك وانته بتسأل الريال علشان تعرف اذا اتجهز شنطه للسفر او لاا
احمد:لااا لابسأله ولا شيئ اذا كان مرتب للسفر بيخبرها روحه عنده رقمها..
روضه: اها..
احمد:انا يوعان.. ممكن اتسوين لي شيء آكله ولا اطلب لي من براا..؟
روضه عقدت حياتها:ومن متى بتاكل من برا يا احمد.. الحين بسير اسوي لك شيء تاكله. ما بتأخر..
احمد:انزين.. انا بسير القسم.. هاتيه لي هناك..
روضه ببرود:ان شاء الله..
طلعت روضه معصبه من بروده احمد.. شو يا الحين..
مهره:احمد .. فيك شيء؟
احمد حط ايده في شعره:لاا ليش؟
مهره:ما ادري حسيت بك فيك شيء..؟
احمد:هه لا ابد.. بس تقدرين تقولين تعودنا عليج.. الحين مب متخيل انه ولا وحده منكن هنيه..
مهره:هههههههه فدييتك. وين بنسير ترانا موجدات.. وروضه وعيالك تراهم موجودين,,
احمد:فديتهم. الا انتي ختيه .. والاخت غير..
مهره نشت ولوت على اخوها:ربي لا يحرمني منك يا الغالي.
احمد حبها على راسها:ولا منج.. وما اوصيج مهره اي شيء يضايقج ترااج مش رووحج.. رفعي التلفون بتلقيني عندج..
مهره:ما اتقصر يالغالي.. ادري. والله ادري..وان شاء الله ما يصير الا كل خير.
احمد:ان شاء الله.. يالله بسير القسم يوعان حدي.. بتريا الشيوخ تيبلي اكل.وفي الاخير بتيب لي اندومي.
مهره:ههههههههه ما اتطيييع انته.. روضه ما تحب الاندومي..
احمد:سعييد يمووت عليها. ما اداني ريحتها.. وهو يتلذذ فيها..
مهره:ههه تبى عندي كيك وكوك في الثلاجه.. تبى تصبيره لين تيب روضه الاكل.
احمد:زين عطيني كوك..
سارت ويابت له الكوكاكولا.. وعطته حبه سنكرس وياه.. شله وسار قسمه..روضه في ها الوقت خلصت تجهيز الباستا وحطتها في صح ووصلتها القسم. لقت احمد يطالع التلفزيون وهند حاطنها على بطنه حطت له الاكل على الطاوله الي عداله ويت شلت بنتها وحطتها في قفص الالعاب..الي في حجرتهم.. ويلست اترتب الغرفه.. كل احمد وشرب الكولا.. ومن خلص شل الصينيه وحطها في المطبخ وسار الغرفه.. لقاها منسدحه على الشبريه. وحاطه ذراعها على ويها.. يا احمد وانسدح عدالها..
احمد:ممكن اعرف بالظبط شوه هو الي تبينه ومهره ماتباه.. ومن دون جذب.لو سمحتي روضه..؟
رفعت روضه ذراعها ويلست اتشوف احمد: اي جذب. ترانا قلنا لك.
احمد:روضه انا اشتغل في الشرطه.. اعرف لغه الجسد زين.. يوم بيجذب الواحد.. بيطالع يسار.. ومهره ماعرفت شوه اتقول.. من طالعت يسار عرفت انها بتجذب. بس انتي تكلمتي قبل.. وهيه سايرتج.. الحين اباج اتقولين لي شو السالفه كامله..ومن دوون جذب. ولا ترا الليله مابتعدي على خير.
روضه رفعت حياتها:وليش ما بتعدي على خير ان شاء الله. شو ناوي اتسوي احمد.. تضربني.. مثلا.؟
احمد:مافي شيء مستبعد.. بس انا حلفت اني ما امد ايدي عليج يا روضه.. فياريت لو تقولين لي شو الموضوع.
روضه:مثل ماقلت لك مافي موضوع.. كانت تبى اتعرف اذا تبى اتجهز للسفر . وقلت لها اني بكلمك.. ورفضت.. وبعدين قلت لها اني بخبر ربيعتيه حصه.. لانها تكلم شمسه حرمه فاضل اخو يوسف. وبتسألها اذا هو قالهم شيء عن الموضوع.. بس هذا كل الموضوع.
احمد:عيل ليش قالت لج ماتبااا وانتي قلتي تبيين.. شوه هوو الي تبينه وهيه ماتبااه.. روضه لا تينيني. وتاخذيني على قد عقلي.. وقولي لي السالفه تخص يوسف.. صححح.
روضه اتنهدت:ايوااا. ردينا للطير يلي. لين متى احمد بتم جذيه.. لين متى؟اشمعنا يوسف يعني؟ ترا حتى حمد كان عندنا .. اكثر عن يوسف.. حمد اعرفه من يوم انا ياهل.. وكنت ابات عندهم واسير عندهم.. يلستيه وياهم اكثر ما يلست في بيتنا.. اشمعنا ماغرت من حمد. واتغار الا بتيييين من يوسف. الي في حياتي ماصار شيء بيني وبينه.. والكلام الي امبينا.. كان في الجامعه والدراسه.. وأخرتها يوم خبرني عن الريال الي بسبته ابويه انسجن.. وفوق هذا لين اليوم مب واثق فيه؟؟ كيف متحمل العيشه ويايه احمد عيل.. كل هاي السنين.. ممكن اتقولي؟
احمد:انا ماشكيت فيج..
روضه:ههههههههه ماشكيت فيه.. وكلامك هذا شوه معنااته. احمد. تعرف شيي انا تعبت من غيرتك هااي. تعبت.. بسير بيت اهليه لين العشى.. بتوصلني . ولا اخلي الدريول اييني.
احمد:روضه يلسي بنتكلم..
روضه:احمد رجاء ما ابغي اقول كلام نندم عليه . ياريت لو تقرر الحين انته بتوصلني ولا اسير ويا الدريول.
احمد:خلي الدريول يوصلج عيل.. يوم ما تبين ترمسين.. ولا تردين بعد جان ما بغيتي.
روضه:ان شاء الله.. يابوسعيد..
اتصلت ببروهوم يجهز السياره.. ودخلت حجره العيال وجهزت اغراض سعيد وهند..وهيه اتصيح.احمد شل سويجه وطلع.. ردت الحجره وجهزت اغراض حقها.. وسارت بيت اهلها..يلست عندهم ليله وبالباجر ردت.. تمت تتعامل مع احمد ببرود.. ومع اهله جنه ماشيء بينهم علشان محد يحس.. وصل يوم العرس.. والكل كان متوتر..روضه بحملها من صوب. واحمد من صوب.. ومهره في العرس والي بعد العرس.. ويوسف حاس انه في جنازه مش عرسه.. يتريا اليوم يعدي على خير.ومن وصل نهايته يا القاعه ويلس مع مهره اشوي. وشلها وساروا البيت يتصورون وبتبدل مهره ملابسها.
مهره:روضه ممكن اشوي..
كانت روضه بتطلع بعد ماخلصت ترتيب الفستان.
روضه:ان شاء الله..
ميره:وانا ما تبيني؟
مهره:ههههههههه لا حاليا ابغي روضه في موضوع خاص..
ميره:ماعليه خيرها في غيرها.. بتييني بعديين.
روضه:هههههههههه يابنت الحلال.. خليتها مأساه.
ميره:ههه تراني توأمها.خخخ
مهره:ههههههههههه لا مالي غني عنج. حبيبتي.
ميره:هيييه جذيه. اباج. يالله بخليكم. دقايق. لانه شكله ريلج مستعيل.
مهره:ان شاء الله.
من طلعت ميره التلفت مهره على روضه:شو السالفه؟
روضه:اي سالفه؟
مهره:بينج وبين احمد. لاتقولين ماشيء. اصلا الاعمى يشوف انه مافي شيء بينكم.. روضه لا توتيريني. وخبريني شو مستوي؟
روضه:هههههههه وشوه مستوي.مافي شيء سلامتج. انا فيني هرمونات الحمل. واخوج متضايق في شغله.. وهنود من ضروسها.. وسعيد بزى.. وكل شيء فوق راسي..خخ افكر من باجر بغير جو وبسير بيت اهليه كم يوم. خلي اخوج يتوله علينا اشوي..بدال الاسطوانه اليوميه وقت الظهر.. سكتي بنتج.. شوفي ولدج.. وين الريمونت.. وين البطاريه. وين جهاز المكيف. اااااااااااااااح.. كل يوم نفس الاسطوانه مايهدى البيت الا اذا ها الثلاثه رقوود,,
مهره:هههههههههههه فديتهم. وعقبال مايصيرون اربعه.
روضه:الله كريم.. يالله خلصي الحين انتي ريلج اكيد يترياج.. والله يسعدج يا مهره.
مهره:آميين ياروضه..
طلعت عنها بعد ماسلمت عليها.. وسارت قسمها وبدلت ملابسها وتسبحت ورقدت..احمد كان في الصاله يطالع التلفزيون يوم شافها تأخرت مايت الصاله عنده معنها من فتره طلعت من الحمام.. لقاها راقده.. تحراها تتعدل له.. انصدم يوم لقاها راقده.. شل مخدته وبطانيه وسار الصاله وفرش له فوق الكرسي ورقد.. نشت روضه الفير ومالقته لا هو ولا مخدته ولقت باب الكبت مفتوح.. يوم خذ بطانيه.. نشت.. طلعت اتشوفه في الصاله. ماحصلته بعده مارد من المسيد..رجعت وصلت الفير ورقدت.. الساعه 9 نشت على صوت سعيد وابوه الي كانوا في الصاله..تغسلت وطلعت عندهم سعيد من شافها ربع صوبها
سعيد:ماماه قولي لباباه ينام داخل ابا اشوف تنكي ونكي..
روضه:بس حبيبي انته ماتريقت .. تعال ببدل ملابسك وبتتريق وبعدها انا بحط لك تنكي ونكي(التيليتابيز)
سعيد:بتحطين لي كورن فليكث..
روضه:من عيوني حبيبي.
احمد ماتكلم سوى عمره راقد.. وهيه حتى ما التفتت عليه. شلت سعيد وسارت صوب المطبخ وحطت له ريوقه. وسوت شاي وقهوه وجهزت ريوق لاحمد.الي نش بعد ماسارت المطبخ. وخذ له شاور.. وطلع وسار عند يدته لقاها تتريق. وتشرب قهوه.
احمد:السلام عليكم.
فاطمه:وعليكم السلام والرحمه. اششوفك ناش وقت اليوم.. مب من عوايدك يا احمد..
احمد:هههههه ابد. شبعت رقاد.. وسعيد حشرنا. يبى يشغل التلفزيون من الصبح.
فاطمه:وروضه وين؟
احمد:شلته اتريقه..واتبدل له ملابسه.. الله يهدييه حشره الصبح.
فاطمه:هذيلا الصغاريه ماتحيديون عماركم كيف كنتوا مغثه وازعااج. عانوا الحين..
احمد:هههههههههههه يدووه على زمانا ماشيء المغريات كلها.. التلفزيون وقناواته الي ماتخلص.. والالعاب ... حليلنا على ايامنا رواحنا انسوي لنا العاب..
فاطمه:ومع هذا كنتوا مغثه... البركه فيكم. وفي عيالكم..
احمد:أمييين... الا امي وين عنج.. مانشت شوه؟
فاطمه:امك وين تباها تي اليوم؟ والبارحه موادعه بنتها. الله يعينها. ترا فرقى البنت مب هين..
احمد:فدييتها.. وين بتسير عنها.. بتلقونها على اليومين ناطه عندكم..
فاطمه:الله يسعدها ويهينها..ونشوف بذرتها.
احمد:آمييين.. ابويه بعد مانش..
فاطمه:لاا ابوك سرح من نص ساعه.. يقول يبى يشوف شيء في المزرعه.. مادري به بيبات ومكاين.. ما ادري شوه فيها
احمد:هيييه.. انزين بسير اشوف امايه عيل.. اكيد بلقاها واعيه.
فاطمه:زين يابويه. سير لها.
احمد:يالله عيل..
وفعلا لقاها يالسه في حجره مهره .. يالسه على شبريتها.. وماسكه دبوب مهره الاحمر..
احمد:افاا يا ام احمد.. شو يالسه اتسوين اهنيه.
مريفه مسحت دمعتها:تعودت اوعيها يوم الجمعه ها الوقت يا احمد. من الحين تولهت عليها.. وين باجر. الله يعيني.
احمد لوى على امه وحب راسها:افاا وين بتسير هيه.. ترا الا في بيت ريلها.. وماعليه صبري عليها كم يوم بتلقينها ناطه عندج.. مهرووه ملقوفه وتعرفينها.
مريفه:الله يسعدها يارب.. ويعوضها عواااض حسن
احمد:آميين.. يالله قومي. ابا اتريق ويااكم. هناك سعوود وامه حشره..شارد عنهم.
مريفه:فديييت حشرتهم.. والله يا احمد يوم يسيرون عنك بتمم تتصدد. اتدور االا حسهم.. ماعليه..
احمد:ههههههههههههه وين بيسيرون. اخرتهم بيردوون.. يالله قومي الحين ترااني يوعان وعادي اكلج..
مريفه:ههه لا تاكلني. ولا شياته. تعال انا بأكلك من ايديه. تعال. اكيد يدتك يالسه تحت تتريق..
احمد:هييه يلست عندها اشوي وشربت فينال قهوه وييتج. ماهنالي آكل وانتي محد.
مريفه تقرصه على كتفه:انا الي محد ولا روضه محد..
احمد:هههههه انتي وهيه واحد.خخخ
مريفه:والله انك عيار. يالله تعال ننزل..
احمد:زين..
نزلوا تحت لقوا روضه وعيالها تحت ويايبه روضه ريوقها وياها.. يلسوا وتريقوو. ويسولفون.. لين الساعه 11.. يا عبدالله ودخل ياخذ له غفوه اشوي.. يلس احمد ويا يدته وامه. وروضه سارت مع سعيد القسم.
احمد:اقوول امايه ويدووه . شو رايكم بالعمره.؟
مريفه:ياالله والله انها حلوه..منوه بيسير؟
احمد:انا. ابغي اوصلكم شو الراي؟
فاطمه:انا ماعندي مانع...
مريفه:ولا انا.. بس روضه. وعيالك؟
احمد:انا روضه بعدني ماقلت لها. يوم بتي بنشاورها.. شوفو الي يعيبكم وبنسير وبنتم لين يوم الجمعه.. بنصلي وبنيي.. شوه الراي.
فاطمه:سيده مكه؟
احمد:تبين المدينه قبل؟ حاضرين..
فاطمه:هييه من زماان ماسرت المدينه..
احمد:خلاص عيل اربع ايام في المدينه.. ويومين في مكه ورادين شو الراي ام احمد.
مريفه:انا ماعندي مانع.. ابوك ماخبرته.؟
احمد:ابويه مابيخالف.. خص سيره العمره.. بنسير وبنغير جوو وبتتغير النفسيه وبنرد..
مريفه:الي اتشوفه يابويه. ماعندي مانع..
احمد:خلاص عيل. عطوني جوازاتكم وخلوا كل شيء عليه... بحجز وبرتب للسكن.. وبنتوكل.
مريفه:كله عليك.. مايصير يابويه؟
احمد:لاا يا امايه يصير ونص. بالعكس انا ابا ها الشيء. والحمد لله ماشيء قاصر. والفلوس موجوده..انتي بس هاتي جوازج وجواز ابويه ونا برتب الامور..
مريفه:ان شاء الله..
من نش عبدالله وخبروه اتشجع على السيره حتى انه عزم اخوه ناصر.. بس اعتذر لانه عنده شغل ضروري.. مابيقدر ايسير وياهم..وروضه بعد اعتذرت لانه بنتها هند فيها تسنين. ومتعباتنها حمى واسهال.. مابتقدر اتشلها ولا اتخليها.. فقررت انها اتسير بيت اهلها لين ايون من السفر.. احمد ماخالف عنده.. حجز لاهله واتحدد السفر بعد باجر.. ومن وصل يوم السفر وصل روضه وعيالها عند اهلها ورجع وشل اهله المطار.. في يوم من الايام دخلت لطيفه على روضه لقتها ترجع..
لطيفه:انتي متأكده انج مافيج شيء..
يت روضه ويلست عدال امها بعد ما تغسلت.: امايه يعني الحين ماتعرفين اعراض الحمل...
لطيفه:اعرفها.. االا بغيتج تيين وتخبريني انتي..
روضه:اااه يا امايه تعبت نفسيا. تذكرين وحامي بسعييد.. هذا اخسس..
لطيفه:روضه لا تغيرين الموضوع.تعرفين اني ما اطري موضوع الحمل
روضه اتنهدت:اي موضوع.. مافي شيء.. قلت لج مافيني شيء غير الحمل والوحام..
لطيفه:يعني ما بتقولين. شوه الي مضايقنج.
روضه:فديتج مافي شيء.. مثل ماقلت لج تعبانه من الوحام.. وهنود متعباتنها ضروسها.وسعيد يصيح عمته مهره..
لطيفه:وروضه شو الي مضايقنها..
روضه:روضه متضايقه من كل شيء..
لطيفه:وها كل شيء.. احمد له علاقه فيه؟
روضه نزلت عينها:امااايه.
لطيفه:يابنتي ان ماشكيتي لي حق منوه بتشكين؟
روضه وفيها عبره:امايه لين اليوم احمد يشك بي مع يوسف... لين اليوم يغار منه.. معنه عمري ما حسسته بأي شيء..
لطيفه:عيل كيف بنا ها الشكك؟
روضه:تذكرين الصوره الي وصلته .. يوم كنت مع يوسف في مكتبه.. مااذكر الي صار. وليش ابتسمت هذيج اللحظه ويوسف كان يبتسم بعد.. المهم لين اليوم واحمد يحترق بسبتها.. كل ما يا موضوع يوسف احمد ينجلب حاله..لين متى بتم ابري عمري جدامه.. لين متى بيتم بيشك فيني.. هذوه الحين عرس وخذ مهره. كل مابيي البيت عندنا بيتم احمد متنكد.. اتعرفين من قبل العرس بأسبوع مارقد في الحجره عندي.. يفرش له على الكرسي في الصاله ويرقد.. وجدام اهله نحن حلوين.. وبينا كل واحد في جهه.
لطيفه:الله يهديكم.. انزين يعرف انج حامل؟
روضه:لااا. لين الحين مايعرف.ماصارت فرصه اخبره..
لطيفه:الله يهدييج. جان خبرتيه يمكن يهدى؟
روضه:الحين بيهدى وباجر يوم بيون مهره ويوسف بيرجع يعصب.. شوه الفايده...
لطيفه:عيل على شوه ناويه؟
روضه:ااذا بيتم الحال جذيه امايه .. كل واحد يشوف طريقه احسن.. مابتم اتحمل غيرته ونغزاته كل مره ينطرى فيها يوسف..خصوصا الحين صار من العايله. حاله حال حمد ريل ميره.
لطيفه:موضوع الطلاق انسيه.. محد بيوافق عليه. ماتطلقتي وانتي بدون عيال.. الحين وتحت ثنينه والثالث ياي في الدرب تبين الطلاق.. ماشيء طلاق.. تبين رضايه عليج شلي الطلاق من راسج.
روضه:يمكن الطلاق مش في راسي انا بس يا امايه.. يمكن في راس احمد بعد ها الفكره..
لطيفه:الله يهدييكم..والله يعيني عليكم.
روضه:آمييين هههههه
يوسف ومهره كانوا رادين من القاعه.. وساروا بيتهم اليديد على طول.. من بعد طلاق يوسف وخلود. عطا قسمه لمنصور وموزه. وهو وذياب سكنو قسم منصور.بس من توفى ذياب وقرر انه يعرس.. دور له بيت قريب من بيت اهله واشتراه..
يوسف:مبرووك..هذا بيكون بيتج اليديد..
مهره:الله يبارك في حياتك.. توقعت انا بنسكن عند اهلك.
يوسف:لاا.مابغيت اسكن اهناك.. اصلا البيت مش كبير.. وكل الاقسام الي فيه اتوزعت على خواني.. ومابقى الا الميالس.. وبعدين احسن لوضعنا الحالي. انا نكون رواحنا.. لين نطرد الشياطين الي فينا..
مهره:ههه زين.. انا تعبانه. ممكن اعرف وين غرفتيه.
يوسف:هييه. تعالي.
ساروا فوق.. البيت عباره عن اربع غرف فوق. وثلاث غرف تحت مع صالتين وغرفه تلفزيون. وميالس..فوق الاربع غرف مقسمه في غرفتين بينهن صاله.. والغرف الثانيه على الطرفين.. كل غرفه فيها حمام..دخلها يوسف القسم الرئيسي الي فيه الغرفتين.
يوسف:شوفي هذي غرفتج... وهاي غرفتيه. الغرفه الي برا خليتها وحده مكتب.. والغرفه الاخيره.. للمستقبل.. وكلهن كبار.. نقدر في المستقبل انه نستغلهن. اذا الله اراد ويبنا عيال..
مهره:اها.. ان شاء الله..
يوسف:حطيت اغراضج في الغرفه. وان شاء الله تعيبج.
مهره:مشكور... تصبح على خير.
يوسف:العفو.. وانتي بخير..
هذي كانت حياتهم. طول ها الشهر. كانوا يطلعون ويحوطون ويتغدون ويتعشون برا. ومرات مهره تطبخ في البيت.. ومرات يطلعون يتغدون عند اهل يوسف.. ومهره معنها كانت خجوله بس دخلت في اجواءهم عادي وبدت اتسولف وتضحك وياهم عادي.. يوسف كان يراقبها ويبتسم. لانه يعرف من يوصلون البيت كل واحد بيرجع لواقعه. هو في مكتبه وهيه في غرفتها.. باجر بييون اهلها من السعوديه وطلبت منه انه يوصلها لانه تبى اتسوي لهم فواله.. نش الصبح وسار وياها الجمعيه واشتروا الاغراض الناقصه ومن خلصت الفواله وصلها بيت اهلها.. ومن وصلوا الكل تجمع عندهم وبدت العزايم والعشيات.. ثلاث ايام.. ردت روضه البيت بس تم الحال مثل ماكان.. عند الاهل سوالف وضحك.. وبينها وبين احمد.. بروود.. روضه توحمت على احمد. صارت ما اتداني اتشوفه.او تسمع عنه.. دخلت القسم تبا الحمام.. وشافها احمد تربع.. سار وراها.. بس سكرت الباب قبل لا يدخل.. تم واقف في الصاله مش عارف شوه فيها. ومن طلعت له انصدم من شكلها.. كانن عيونها حمر.. وشكلها تعبانه. من رد من السفر كان يشوف شكلها التعبان.. بس توقع انه العيال متعبينها.. لانه لين الحين هند تعبانه من ضروسها. امس وصلها المستشفى ورقدوها ساعتين لانه الاسهال زاد مب طايع يوقف.
احمد:روضه شوه فيج.. ولا تقولين لي انج تعبانه من هند..شو مستوي ؟ من يت من السفر وانتي تعبانه. وفوق هذا تتجنبيني. شو بلاج؟
روضه:احمد ممكن تطلع وتخليني. الله يخلييك.. مب متحمله. دخييلك.
احمد انصدم:انتي شو اتقوولين.؟
روضه ردت خطوه ورا لانه حست بمعدتها تجلب:احمد.دخييلك مابا اشوف ويهك او اسمع صوتك.. دخييلك افهمني.. مااا اقدر.
احمد اتصنم مكانه هيه عطته مجفاها وسكرت باب الغرفه وربعت الحمام. عصب احمد وطلع. دعم امه الي كانت يايه عند روضه اتشوفها ليش قامت بسرعه.
مريفه:باسم الله.. فديتك شيء ياك.
احمد:انا الي دعمتج. امايه شيء يعورج؟
مريفه:لا فديتك. الا احمد وين روضه شو ياها شفتها تربع رب ماشر هند شيء ياها؟
احمد:لا امايه هند بخير الحين.. وروضه مافيها شيء.؟
مريفه:وينها هييه؟
احمد: ... دخلت داخل الحجره.. اما..يه.
مريفه:احمد شو مستوي؟
احمد:ما ادري والله ما ادري. بسس.. روضه مب متحمله اتشوفني.
مريفه:يالله بالستر شوه بعد ها الرمسه؟
احمد:هذا الي قالته الحين. من ييلنا من السفر وهيه تتجنبي.صح انه كانت في مشكله بسيطه بينا.. بس والله ما تستاهل الي اتسويه الحين..
مريفه:ماعليه. خل روضه عليه.. انابشوف شوه مستوي. سير ليوسف ترا يالس ويا ابوك وعمك ناصر رواحهم.
احمد:ان شاء الله.
سارت مريفه ودقت الباب على روضه.
مريفه:روضه يابنتي ممكن تفتحين الباب.
ربعت روضه وفجت الباب وعينها اتدور احمد.
مريفه:احمد سار الميلس عند ابوه.. شو مستوي يابنتي.. شو صاير بينكم؟
روضه:ما..شيء عموه. بسس..
مريفه:روضه انا حاسه انج متغيره من قبل سيرتنا للعمره.. شو صاير بينج وبين احمد؟
روضه:ماشيء عمووه.. بس اني..
مريفه:بس انج شووه.. احييدج عاقل يابنتي. في حرمه اتقول لريلها مب متحمله اشوفك.. عيب يابنتي.
روضه وفيها عبره:والله ياعمووه مش مني.. من الي في بطني.. من اشوف احمد. او اسمع صوتك احس روحي بتطلع وارجع سيده.
مريفه:انتي حامل؟
روضه:هيه عموه وشكلي توحمت على ولدج.. والله ياعموه مب هاين عليه وبس والله تعبت. من يومين يالس عندي بس والله ما اقدر. من اشوفه او اشم ريحته احس روحي بتطلع..
مريفه:الله يعيينك يا احمد.. وشو بتسوين الحين.
روضه:ما اعرف.. بس ..
مريفه:بس شوه؟
روضه:عمووه احمد لين الحين مايعرف اني حامل.ماقدرت اني اقوله.
مريفه:ليش يابنتي؟
روضه:ماحبيت اقوله لين يثبت الحمل. انتي اتعرفين اني قبل ما اوصل الثالث يطيح الياهل.. الحين قريب في نص الرابع.. اسبوعين وبخلص الرابع..يوم سافرتو كنت توني في الرابع..وانا اصلا ماعرفت بالحمل الا في نص الثالث. وخفت اقوله ويطيح الياهل.. انتي ماتعرفين اشكثر احمد يتعب يوم يطيح الياهل.. حتى انه يتعب اكثر عني. خاطره يكون عنده يهال وايد.. بس شو اسوي..
مريفه:ماعليه. انا مابقوله عن حملج.. بس والله يابنتي لو اتشوفين شكله الحين كيف.. قلبج بيعورج عليه.
روضه:والله ادري. بس والله ما اقدر على عمري. من اشوفه برجع سيده.
مريفه:شو بتسوين؟
روضه:اتريا العرب يخفون عنكم وبسير بيت اهليه لين يخف الوحام. هاالمره تعب اكثر عن حملي بسعيد وهند..
مريفه:الله يقومج بالسلامه.. انزين شوه رايج تكلمينه في التلفون.. لا اتشوفينه.. رمسيه وفهميه شو الي فيج ترا الريال عقله طار.
روضه:ان شاء الله. الحين بتصل به.. مشكوره عموه.
مريفه:فديتج ماسويت شيء. مابتين هناك. مهره الحين بتسير بيتها.
روضه:ان شاء الله.. بس برتب شكلي.. وبيي.
مريفه:كلمي احمد اول.
روضه:ان شاء الله..
مريفه:يالله عيل. انا بسبقج.. والله يعينك يا احمد على عيالك.. واحد البزا مفتتنه.. والبنت طايحه مريضه. وها الياهل مايبا يشوف ابوه الله يعينك ياولديه.
روضه:ههههههه الا الله يعيني على عيالكم.
مريفه:فدييتهم.. ههههه
طلعت مريفه وروضه مسكت التلفون واتصلت بأحمد.. الي من شاف الرقم حطه سايلنت.. اونه معصب.
رجعت روضه وطرشت له مسج رد عليه ضروري.. اذا تبى اتعرف شو فيه. ومن قرا المسج طلع برا واتصل بها.
احمد:شو فييج..
روضه:احمد.. اتحيد حالتيه بهند.. يوم كنت حامل..كيف كنت مااحب اشوف الخدامه
احمد:هيييه شوه فيها..
روضه:واظن سمعت بوحامي بسعييد كيف كان قوي.
احمد:هييييه روضه.. شوه بلاج؟
روضه:ااااااااااااح. شو بلاايه بعد.. اناا حامل.. وتوحمت عليييييييييييييك.. ما احب اشوفك او اشم ريحتك.. شو اسوي.
احمد:هااه.. انتي حامل..؟
روضه:هييه يا احمد. وقبل لا تقول كيف ومتى..انا حامل من ثلاث شهور ونص..وماعرفت بالحمل الا من اسبوعين وشوي..ومابغيت اخبرك عن الحمل لين اتأكد انه ثبت.. لاني يوم اشوف حالتك يوم يطيح الياهل قلبي يعورني. عليك.. فهمت الحين.
احمد:ومتى كنتي ناويه تخبريني.. عنه
روضه:تبى الصراحه.
احمد:اكيييد..
روضه:في نفس الليله الي دخلت علينا فيها انته يوم كنت عند مهره قبل عرسها بأسبوع.. وهذا كان الموضوع الي بسبته قالت لي مااتباني اسير وياهم دبي. يوم عرفت اني حامل .. كان عندها بروفه لقياس الفستان. قلت لها ابغي اسير قالت لي مع سجلاتج السابقه مع الحمال.. انسي اتسيرين ويايه وتمشين وتعذبين الياهل. بغيت اسوي لك مفاجأه واقولك في نفس الليله.. كنت ناويه ليله حمرا.. بس انته خربتها عليه. بشكك الي مايخلص.
احمد:هههههههههههههههه.. يعني اخيرا تكلمتي.. يا الهبله.
روضه:هبله؟
احمد:هييه هبله.. شو اقولج بعد.. على فكره حبيبي انا اعرف انج حامل مش غبي. وبعدين انا كنت واقف عند الباب من طرت مهره عالم التوأم.. وما انكر اني انصدمت يوم قلتي الله كريم ونزلتي راسج من المستحى..هههههه
روضه:يا حمااار ليش ماقلت لي انك كنت تعرف؟
احمد:ههههههههههههه. بغيتج تعترفين بروحج.. وبعدين انا ماشكيت فيج بس حبيت اشوف انفجارج ههه والله لو تشوفين شكلج كييف كنت اتطالعين الابجوره. والله في لحظه خفت تكسرينها على راسي..
روضه:والله بتكون شوي في حقك..
احمد:ههههههههههههههههه.. حرام عليج.تريتج تيني ليله السفر.. ابد. مقسى قلبج يارويض.. خليتج على هواج. معني محترق لج.. بس قلت بشوف لين متى بتصبر.. واول يوم من الزعل طلعت عنج علشان ما اتسوين لي ريوق وتعبين عمرج.. اتفأجأت انج يايتنه وياج عند يدوه فاطمه. والله كنت ناوي اكسر الصحن على راسج شاله صينيه الريوق روحج..يا الهبله.
روضه وهيه اتصييح:حراام عليك.. والله بليس لعب في راسي.. حتى اني فكرت بالطلاق. لاني تعبت صدق صدق تعبت من شكك من يوسف.
احمد:تحلموووووووووووووووون.. تحلمووووووووووووون..حبيبي انسي شيء اسمه طلااق. اصلا شو طلاق ما اعرف شوه هذا.
روضه:والله انك حيوااااان.. وتبى ضرب
احمد:هههههههه في وحده اتقول لريلها حيوان. في كلمات ثانيه تعطي معنى احلى.
روضه:انااااااا حامل ومعصبه.
احمد:ايي ابوسج..
روضه:ياوييلك ان قربت.. احمد دخييلك.. والله تعبت من كثر ما رجعت. احس روحي بتطلع.
احمد:والحل.. والله اني متوله عليج.. حرام بس وحده.
روضه:بتتحمل الي بييك.
احمد:اااااااااااع. لااااااااا.. خلاص هونت. ولين متى ان شاء الله بيتم الحال جذيه.
روضه:ادعي ربك انه بس من اطلع من الرابع يخلص الوحام.
احمد:متى تخلصين الرابع؟
روضه:بعد اسبوعين.
احمد شهق:اسبوعين يالظالمه.. حرااااااااام عليج وااااااااااااااايد؟
روضه:اهون عليك اتعب من الترجيييع.
احمد:لا والله ياعمري والله ماتهونين عليه. والحل شوه؟
روضه:فكرت..
احمد:الله يعيني من تفكيرج. بشو فكرتي؟
روضه:احم.. فكرت اسير بيت اهليه اسبو.
احمد:لااااااااااااااااا.. ماشيء اسبوعين..
روضه:احمد.. فديتك بس لين اخلص الرابع. وبعدها برجع. تراك صبرت عني اسبوع في السعوديه حتى اتصال ما اتصلت.
احمد:كنت ابغيج انتي تتصلين.. بس مافي اي احساس.
روضه:ههه حرام عليك.. كنت معصبه منك..
احمد:انزين .. وشو البديل؟ غير بيت اهلج؟
روضه:امممممممم يا انته تسكن في حجرتك الي فوق.. لين اخلص ها الاسبوعين. او اتم هنيه وانا اسير بيت اهليه اسبوعين.
احمد:ااااااااااح. وفي الحالتين مابقدر اشوفج. وان شفتيني بترجعين.. خلاص يا بنت الحلال كله ولا الاكل الي في معدتج.. عشان عين تكرم الف عين.. خلاص سيري بيت اهلج.. والله يعيني على فراقج اسبوعين.. ياالظالمه.
روضه:هههههههههههههه. ياربي.. منك..
احمد:عندج اسبوعين روضه. خف ماخف الوحام.. مب مشكلتيه. تردين البيت فاهمه ولا لاااا.
روضه:ههههههههه ان شاء الله.. فديتك عيل قول لابويه اني بسير وياه..
احمد:ان شاء الله..
سكر عنها وسار المليس لقاهم وقوف. ويوسف بيطلع ومهره واقفه عند الباب.. يت سلمت عليه وروحت ويا يوسف..الي من طلعت ابتسم لها.. وهيه ابتسمت له.. احمد من شافهم جيه ارتاح واتطمن على مهره ..سار عند عمه وخبره انه يتريا روضه بتسير وياه.
ناصر:ليش بتسير ويايه الا من يومين ردت؟
احمد:والله ياعمي بنتك طايح فيها الدلع.بنتك حامل. ومالقت تتوحم الا فيه.. من تشوفني تقول اتشوف ابلييس. تربع الحمام واتعق كل الي في معدتها. بصراحه خفت عليها.. خلها عندكم لين يخلص ها الوحام.. وبعدين بردها. بوحامها ولا غير وحامها
ناصر:ههههههههههههه.. ماتنلام تتوحم عليك يا احمد.
احمد:عميي..
عبدالله:هههههههههههههههههه من كثر ما تغايضها في عيالها توحمت عليك.
احمد:ابوويه. انته بعد؟
عبدالله:ههه ثرها ماسارت بعيد عن امك. امك يوم حامل بالتوأم. ما اتداني ريحتيه.. لازم قبل ما ادخل البيت اتسبح.. حاطين لي ثياب في الميلس.اتسبح وبعدين ادش البيت.
احمد:حشى حكم هذا مب وحام.. ويقولون تراه الا وهم تعيشه الحرمه.
ناصر:الله يعينهن.. حليلهم بس علينهن يوم يتحملن الياهل في بطنونهن 9 شهور..خلهن يوم انهم يتوحمهن. يالله عيل بترياها لين تخلص..
احمد:عيل انا بسير.. مافيه من تطلع واتشوفني اترجع الحين بعد. توها رجعت وعقت الي في معدتها واخاف خلاف شيئ ايها.
عبدالله:لا لا صدق.. خلاص انته توكل دور لك مكان لين تسري ويا ابوها.
احمد:تتشمت في ولدك ابويه.. ماعليه.
عبدالله:هههههههههههههه.لا حشى ياغير من خوفي عليها.. مابتاها تعق الولد.
احمد:لا بإسم الله عليها..
ناصر:هه الله يرزقكم بالذريه الصالحه.
احمد:آميين..
سارت روضه بيت اهلها.. وكلمت اسبوعين وفي اليوم الاخير.. ياها احمد وشلها..تعمد ايها المسى يوم عرف انه عياله رقود..ركبت في السياره وركب عدالها.
احمد:علوومج الشيخه روضه؟
روضه:الحمد لله احمد. يسرك الحال..
احمد:وعلووم الوحام؟
روضه:هههه الحمد لله لين الحين الامور كلها تمام..
احمد:يعني الحين ماااشي. تمارين لين الحمام؟
روضه:هههههه.. من وصلت بيت اهله اتقول جذابه اني حامل. الحمد لله لالوعه ولا ترجييع.. شوف اذا وصلت البيت ونفس الحاله..ترا الحين اقولك برجع بيت اهليه.
احمد:لا والله.. جنه عيبج الحال؟
روضه:فديتك احمد.. شوف ابويه شو قال.. قال اذا ماراح الوحام.. بيخلينا نسكن في الميالس.. وبابهن براا. وفوق هذا محد اهنيه غيره وغير امي.. شو رايك؟؟
احمد:لااااا. عندنا بييت اشكبره.. علشان ها الفصعووون بتخلينا نخلي بيتنا. ماابااااا..
روضه:احمــــــــــــــــــــد....
احمد:عيووووووووووونه.. وروحه.. انتي تدرين اشكثر متوله علييج..
روضه استحت ونزلت راسها:حتى اناا.. وربي متولهه. بسس..
احمد:بس شوو؟
روضه:اخااف.. من اوصل البيت..
احمد:لا ان شاء الله مابيصيير شيء.. وانتي الاربع شهور خلصتيهن. والحمد لله لين الحين مايتج لوعه مني. صح ولا لاا.
روضه:هيييه. بس اخاف من ريحه البيت.
احمد:لا اتطمني .. غيرت رييحت البيت... خليت امايه تشتري عود متنوع والبيت كله ريحته عوود.وكل يوم بيتدخن بعوود. وكل مره بعود غير.. كله ولا تيج اللوعه من ريحت البيت..
روضه:الله كريم.. وان شاء الله مثل ما تقول..
وصلوا البيت ومن دخلت روضه جلبت معدتها وربعت الحمام.. احمد من شاف الوضع اتنهد واتساند على الباب لين تخلص هيه من الترجييع..خلصت روضه عق كل الي في معدتها وسارت صوب الشبريه وانسدحت. لانه بعد كل دوره ترجييع تيها دووخه..حطت الخدامه العيال في سريرهم وسارت ترقد. اتهز راسها من ترجيع روضه.اتقرب منها احمد..
احمد:تبيني ارقد في الصاله؟
روضه هزت راسها. لانه نفس الاعراض ردت مره ثانيه..اتنهد احمد وشل مخده واللحاف وسار يرقد في الصاله. روضه ما غيرت مكانها بس لفت عليها البطانيه ورقدت مكانها من التعب.نشت الفير وسارت اتوعي احمد.. من بعييد ماقدرت تتقرب منه.. من انتبه ونش. سارت هيه الحجره اتصلي.. بعد مارجعت الماي الي شربته قبل ما توعي احمد..اتنهدت ورجعت ترقد.
رد احمد من الصلاه وسار حجرته الاوليه في بيت اهله.. ورقد على الشبريه.. قامت امه الصبح وسمعت صوت المكيف شغال في حجره احمد. فجت الباب.. لقت احمد راقد اهناك.. ابتسمت لانها عرفت انه وحام روضه بعده ماراح.. قلبها عورها عليهم. طلعت وسكرت الباب وراها.. وخلته راقد..نزلت تحت لقت فاطمه يالسه تشرب قهوه..
فاطمه:هاي السفره مالت منوه؟؟
مريفه:اكيييد مالت احمد..لقيته راقد فوق
فاطمه:اشله راقد اهنيه مب راقد عن حرمته.. مايابها البارحه؟
مريفه:يابها.. بس شكله الوحام ماخاز عنها.. شكله رحمها ويا يرقد اهنيه
فاطمه:اسميه مايرزا عليهم ها الياهل. معذبنهم جذيه.
مريفه:ههه هم يبونه يا عمتيه. ولازم يتحملون.
فاطمه:اسمييه جيل ها الايام. طايح في دلع.. ماعندنا ها المنكر في ايامنا.. وابوويه انا. الحرمه تتوحم على ريلها. مكررر.ماقالت له ماتباه يوم يسوونه.. الحين يوم انه استوى قالت ماتبااه.
مريفه:ههههههههههههه عمتيه الله يهدييج. دخييلج لا حد يسمعج.
فاطمه:خليهم يسمعوون ماقلت شيء جذب اناا.
مريفه:الله يهدييج.
عبدالله:آميين.. السلام عليكم.. شو عندكم.؟
فاطمه:شو عندنا بعد منكر ولدك وحرمته.
مريفه:عمتييه.
عبدالله:اش منكره بعد؟
مريفه:احمد راقد هنيه في حجرته.
فاطمه:ههه اسميها قويه رويض.. راغته هههههههههه
عبدالله:ههههههههههه وليش عاد شو مسوي؟
مريفه:لا راغته ولا شياته.. بعدها ويا الوحام.. وشكله ماهانت عليه يشوفها ترجع. يا ورقد اهنيه..
عبدالله:ههههههههه.. تراه قال لين تكمل الاربع شهور يخوز عنها الوحام.
مريفه:شكله الوحام لين تربي.. الله يعين احمد .
فاطمه:هههههههههه آميين.. بنشووف احمدوووه كم بيصبر.
عبدالله:الي يبى الدح لا يقوول آح يا امايه..
مريفه:هيه والله.
احمد:هذا الحش كله فيه.وانا اقوول ليش اذني تعورني..
مريفه:مرحباا بك يابويه.
عبدالله:ههههههههه راغووك احمد..
احمد مد بوزه:محد راغني يابويه.. يافرحتك حق الشماته..
فاطمه:عيل اشله راقد اهنيه؟
احمد:ردت اترجع ما بغيييت ايلس.. انا اتعب يوم اشوفها جذيه.. برايها من الليله برقد اهنيه لين الله يفرجها.
عبدالله:ههههههههههه لاجيئ..
احمد:اماااااااايه ما اتسمعين شيء.
مريفه:شو بقول لابوك.. انته اتعرفه..تعالوا الريوق جاهز..
احمد:هيه والله اني يوعاان..
عبدالله:هههههههههه لازم تكون يوعان من اسبوعين.. ما ذقت الاكل ههههههههههههه
احمد:ابوووووووووووويه..
عبدالله:هههههههههههههههههههههه...
مريفه وفاطمه استحن.. لانه عبدالله مصخها..على ولده..
فاطمه:عبدالله شو هاي المصاخه بعد...
عبدالله:ههههههههههه.. انزيين يا احمد لين متى بتم اهنيه.. بعدها روضه وراها خمس شهور.
احمد:مادري يابويه.. ما ادري..
مريفه:خل ولدك في حاله. وقوم اتريق.. من الصبح انته ماكلت شيء.
عبدالله:هههههههه ان شاء الله. يالله قوموو..
سارووا وتريقوو وبعدها طلعوا كلن بمشواره.. عبدالله سار الشركه.. واحمد سار الدوام.. وفاطمه سارت مركز تحفيظ القرآن.. ومريفه سارت بيت عاشه.. يبن يسير يسلمن على حرمه مسويه عمليه. قلب..نشت روضه ع الساعه 11 وماحصلت حد في البيت.. عيالها يالسين عند التلفزيون اتصلت بأحمد لقته في الدوام.. بس قالها عن خطته.. بيتم وياها طول اليوم بعيد لبعييد.. ووقت الرقاد بيرقد في حجرته الجديمه.لين تربي..
يوسف كان راقد.. واليوم اول يوم له في الدوام. ولين الحين ماطلع من غرفته.. وصلت الساعه 9 ولين الحين مانش.. نشت هيه من 7 وسوت الريوق..ويلست تترياه ينزل. يوم وصلت الساعه 9 وشي خافت لايكون فيه شيء.. سارت لين غرفته. ودقت الباب من خذها ماكد دخلت حجرته. رجعت ودقت بس مارد عليها. اتشجعت وفجت الباب. لقته مفتوح دخلت وسارت لين الشبريه.. لقته راقد. بس طريقه تنفسه سريعه. وويه احمر.. اتقربت اكثر ومدت ايدها وحطتها على يبهته.خدووده كانن حمر. تحسست ويهه.لقته محمووم.. ربعت تيب فوطه من كبتها وحطت عليها ماي بارد. عصرتها ويت حطتها على راسه.. من حس بالماي البارد فج عيونه. ومد اييده بيخوزها عنه .يلست عداله ومسكت ايده.
مهره:لاا خلها... انته محمووم.. وشكل حرارتك مرتفعه وااايد..
يوسف:ما..فيني.. شيء . بس ارهاق على . ويع راس. وبيخوز.. لاتعبين عمرج.
مهره:ممكن ما تتكلم.. بروح اييب لك دووا.. لاتخوز الفوطه عن راسك فاهم ولا لاا..
يوسف ابتسم:ان شاء الله.. دكتوره.. من عيوني.
مهره ابتسمت واستحت:هه زين.. مابتأخر. دقايق وبرجع..
طلعت وسارت حجرتها اتدور بندوول او بروفين . حصلت بروفين قوتهن 500.. شلت حبه .. بس قبل لا تعطيه الدوا لازم ياكل شيء. مب زين البروفين على معده فاضيه.. واتحيد انه حتى العشى ماطاع يتعشى زين. كل لقمتين من الباستا.. وسار يرقد. لانه وراه اول يوم دوام.. فخلته على راحته..سارت المطبخ وسوت له عصيده من الشوفان..الدافي.. وحطته في صينيه ووصلتها له..يوسف من شافها يايه صوبه وعندها الصينيه رفع جسمه واتساند على السرير حطت الصينيه في حضنه..
مهره:حاول تاكل قبل لا تاخذ الدوا.. مب زين تاخذه على معده فاضيه.
يوسف:ههه اليوم تعطين اوامر. تنفعين اتصيرين دكتوره متسطله..كنت اتحسب بس انا المتسلط..
مهره:هه من عاشر قوما.. صار منهم..
يوسف:هييه اربعين يوم.. من عرسنا تونا مكملين الشهر..
مهره:مايحتاي العشر الايام.. هذيلا يايات فريي.. الاساس الشهر الحين.
يوسف:هههههههه.. زين ماعليه.. يالله بأسم الله.
تمت عنده لين كل كل الي في الصحن.. وبعدها عطته البروفين ومن خلص شلت الصينيه عنه. ورجعت حطت الفوطه المبلووله على راسه
مهره:ارجع نام الحين.. مافي طلعه من البيت. لين تتحسن.. والعصر ان شاء الله بترووح العياده.
يوسف:ههههههه.. انا ماقلت انج متسلطه.. انزين تمي عندي لين ارقد. ما احس انه فيني رقاد. يلسي سولفي عندي لين ارقد. ممكن. ولا اني اضايقج.
مهره اتنهدت:لاا ابد.. بس ياريت ما تستنتج الاشياء من كيفك..
يوسف:هههه حاظرين.. للطيبين.
مهره:انا طيبه؟
يوسف:وشو توصفين نفسج. حاليا؟
مهره:مالها دخل الطيبه.. انته مسؤليته يوسف لكونك زوجي. ومن حق الزوجه على الزوج الاهتمام فيه.. مالها دخل الطيبه في السالفه..
يوسف:رد مقنع..انزين شوه بعد.
مهره:ابد..
ويلسوو يسولفون لين خلاص اتمكن الرقاد من يوسف. ومن رقد بندت الليت.. وطلعت بعد ماشلت صينيه الاكل ونزلت تحت..كانت الساعه 11.. دخلت المطبخ وبدت اتسوي الغدا..خلصت على 12 ونص.. وسارت تتسبح.. ومن خلصت صلت الظهر. وسارت اتشوف يوسف. لقته توه ناش..
مهره:شوه اتحس الحين؟
حط ايده على يبهته:الحمد لله احس.. راحت الدوخه عني.. بس فيه ثقل في راسي..
مهره:لانك محموم.. خذ لك شاور. وصل الظهر . بتقدر تنزل تحت ولا ايب غداك اهنيه؟
يوسف:والله مب مشتهي آكل.
مهره:يوسف انته مريض. ولازم تتغذى صح.. مابتريا لين العصر.. ومن تخلص غدا بنسير العياده.
يوسف:بنسسير؟؟
مهره:هييه بنسير.. ريلي على ريلك مابخلييك روحك..
يوسف:ياويلي. اخاف اتعود على ها الدلع.
مهره:وشو عليه.. تعود وين المشكله تراني موجوده وين بسير يعني..الا اذا كنت ماتباني فهذا شيء ثاني..
يوسف:لاااااا.. اباااااااااااج.. لا تروحين مكان..
وهو يقول ها الكلام اتقرب منها ومسك ايدها وقربهن صوب شفايفه وباسهن..مهره حست الدنيا تحتها اتذوب..ماعرفت شو اتقول..يوسف يوم شافها جذيه نزل يديها ومسك كتوفها وقربها منه.. ولوى عليها..مهره لااراديا حطت راسها على صدره..العاري..كان جسمه مسخن.. ودقات قلبه سريعه. قامت عنه بسرعه
مهره:انته بعدك محمووم.. يوسف الله يخليك خذ لك شاور بتنزل حراتك وبعدها بنسير العياده دخييلك.
يوسف اتنهد:من عيوني.. مهره.. من عيوني..
مهره:تسلم عيونك. روح الحمام. بجهز لك اغراضك..
يوسف:ان شاء الله..
لين الحين ومهره اتحس بجسمها كله يرجف.. عمرها ماحست بها الشعور مع فهد.. كان دايما قاسي. يوم يباهاعمره ماحسسها انها انثى بس مع يوسف حست بشعور غريب...جهزت له اغراضه وحطتهن له على الكرسي. ونزلت اتجهز له الاكل. كمل نص ساعه ويوسف مانزل..خافت عليه وربعت فوق.. كان يحاول يلبس الفانيله.. بس مب قادر يتوازن.. رجعت حرارته ترتفع.. كان بيطح على الارض بس لحقت عليه ومسكته قبل لا يطيح ويلسته على الكرسي..
مهره:شو فييك يوسف..
يوسف:ماا.. ادري مهره.. والله ماادري بس حاس الدنيا اتدوور مش قادر اوقف على ريولي. (بدى يرتجف)
مسكت عنه الفانيله ولبسته اياها.. وربعت ويابت له الكندوره..
مهره:اترياني الحين بيي.
يوسف:وين.. بتروحين؟
مهره:بلبس عباتي وبخلي دريول اهلي اييني لازم اتروح المستشفى
يوسف:مهره انا مافيني شي.. الا حمى.
مهره:لاااااااا. مابرتاح لين اتطمن عليك يوسف.. دخييلك..
يوسف اتنهد:خلاص سوي الي تبيينه..
مهره:مابتأخر.
سارت حجرتها واتصلت على دريول اهلها.. لانها ماعندها حد يوصلها وايبها . ويوسف قالها انه هو الي بيوصلها لدوامها خصوصا انه في نفس خط الشركه..ومن وصل الدريول .. ركبت عدال يوسف ورا. وسارو المستشفى. ومن دخلو داخل انهار يوسف عند الباب.. يو الممرضين وشلوه وحطوه على السرير.. ودخلوه سيده. حتى من دون فتح ملف ولا بطاقه..قالو لها انهم بيدخلونه وهيه اتسير اتسجل ملفه.خلصت ودخلت عنده. كانوا شالينه للتصوير..ومن خلصوا تصوير. شلو منه دم بيسوون له فحص..يبون يعرفون ليش انهار مغمي عليه.كلمو مهره وقالت لهم الي صار له وشوه عطته..بعد الفحوصات اكتشفوا انه البروفين هو الي سبب له هيجان دقات القلب...لانه قوي وجسم يوسف ما استحمله..خلوا عندهم هذيج الليله.. وتمت مهره عنده لين وصلوا اخوانه واهله..
موزه:تستحقين سلامته.. شو ياه.
مهره:ابد.. اليوم الصبح كانت فيه حراره.. حتى انه كان يبا يدوام اليوم.. تريق وعطيته مسكن لانه فيه ويع راس وحمى. ورجع رقد.. نش الظهر وخذ له شاور. وبعدها انهار.. يبته المسشتفى من دخلنا الباب طاح مغمي عليه.
منصور:جان اتصلتي بنا.. نحن بنييه.
مهره:ما اتقصر بو محمد.. اصلا ماخلاني في البدايه الا اني يوم شفت حالته جذيه ماعرفت شو اسوي الا اني اتصل بالدريول ونيبه المستشفى
علي:من يوم يومه مايداني المستشفى
فاضل:يالله الحمد لله على سلامته. وان شاء الله بيرخصونه باجر الصبح.. نحن بنتم عنده.. سيرين البيت انتن..
عشبه:انا بيلس عنده.
منصور:امايه فديت روحج انتي شفتيه يوسف بخير.. ومافيه الا العافيه.. بس حب يتدلع على مهره..
مهره استحت
هند:حرام عليك.. شوفو كيف غدا ويها..ههه
فاضل:امايه كلنا اهنيه انتي سيري البيت. وباجر الصبح بنييبه عندج البيت.وخلو مهره عندكم.
عشبه:الي اتشوفونه.. بس تيبونه البيت عندي.
منصور:هههههههه اصلا من يدري انه مهره عندج روحه بييي.. البيت.
مهره ماقدرت اتقول شيء.. ويها غدا احمر..
موزه:منصور مب جنك زودتها اشوي.. ارحم الحرمه حرام عليكم.
كلهم ضحكوو عليها. هيه مستحيه..سارو كلهم البيت وتم عند يوسف فاضل ومنصور.. وعلي..ابوهم كان معزوم ومادرى بالي صار ومن وصل البيت لقى مهره والحرمات يالسات في الصاله.
سيف(ابو يوسف):السلام عليكم. اشوف مهره اهنيه.. شيء مستوي؟
موزه:لا عمي.. بس يوسف تعب اشوي حمى ورقدوه في المستشفى وباجر الصبح بيطلعونه.. الشباب بيتمون عنده لين باجر وبيبونه البيت.
سيف:تستحقين سلامته يامهره.
مهره:الله يسلمك ياعمي.. وتستحق سلامته.
سيف:الله يسلمج.. الا عمتكن وين.؟
هند:توها دخلت ترتاح.. فديتها وايد تمت تحاتي يوسف.
سيف:من يوم يومها وهيه اتحاتي يوسف.. يالله عيل انا بسير اريح.. وبتصل بتطمن على يوسف.. تصبحن على خير.
الكل:وانته من اهله.
هند:انزين مهره وين بترقدين؟
مهره:ما اعرف..
موزه:كل حجرنا فاضيه لانه كلهم عنده.. اختاري وين تبين وحياج
مهره:ما ابا اعبل عليكن.. اي مكان عادي..
في الاخير رسى الاختيار عند هند لانه ماعندها عيال..وقسمها كبير اشوي..يلسن يسولفن لين الساعه 12.. وبعدها سارن يرقدن.. مهره ماياها رقاد.. كان بالها مشغول بيوسف.. ومن اصبح الصبح نشت قبل الصلاه بشوي.. وعت هند. وقامن يصلن..ومن خلصت هند صلاه..
مهره:هند ممكن تتصلين بعلي..
هند:ليش؟
مهره:ابغي اتطمن على يوسف.. تلفونه نساه في البيت..
هند:هههه ياويلي. يالحب. ان شاء الله من عيوني.. الحين بتصل عليه..
واشوي وتتصل هند بعلي الي كان يصلي في المسيد.
علي:اهلين هندوووه.بالعاده انا اوعييج للصلاه..
هند:لا والله يا العيار.ما ادري منو يوعيييك كل ربع ساعه..
علي:هههههههههه.. اخبارج..
هند:طيبه.. علي حبييبي.. انته وين الحين؟
علي:راد من المسيد ليش؟
هند:متى بيرخصون يوسف؟
علي:لين ايي الدكتور وبيرخصه.. ليش السؤال؟
هند:مهره باتت عندي ولو اقوالك انها رقدت البارحه بقولك جذبت..ماطاع ايها رقاد.. اتحاتي اخوك.
مهره ماحست بعمرها الا وهيه تقرص هند على ايدها. لين بغمت هند من ويعت القرصه.
هند:اااااااااااااااااااااااااي.. عورتيني..
علي:هههههههههههه تستاهلين.. يالله بدخل داخل وبتصل وبخليه يكلمها.. احيده واعي.. وازيدج من الشعر بيت تراه حتى هو مارقد زين..يحاتيها
هند:ههههههههههههه حليلهم.. يالله عيل بنترياك.
علي:يالله عيل فمان الله..
هند:هه الله وياك حبيبي.
هند:خلاص الحين بيدخل المستشفى وبيتصل بنا.. وبخيلي يوسف يكلمج ارتحتي الحين..
مهره:سخييفه..
هند:هههههههههههه. الحين هذا يزاي..هههههههههه
مهره:لا والله..
هند:ههه انزين اندوج التلفون انا بسير اكمل رقادي كلمي ريلج وتعالي رقدي..
مهره ماردت عليها شلت التلفون ويلست في الصاله تتريا الاتصال.. وفعلا بعد 12 دقيقه اتصل بها يوسف
يوسف:صباح الخير..
مهره:صباح النور..اشحالك.. يوسف.
يوسف:بخير ربي يسلمج. انتي اشحالج مهره.
مهره:الحمد لله. لو اني حاسه بغربه اهنيه..
يوسف:ههههههههههه ليش حد ضايقج بشيء؟
مهره:لا والله كلهن حبوبات.. بس حاسه اني ..
يوسف:فاهم عليج. حبيبي. والله فاهم.. وانا بعد ماهنالي اليلسه اهنيه من دون ماتكونين موجوده.. بس وعد اني ما افترق عنج.. بس خلي الدكتور ايي وبتلقيني عندج..وبنرد بيتنا..
مهره:بس يمكن بعدك تعباان؟
يوسف:تعبيه مرده بعدي عنج مهره. انتي دواي.
مهره:يووووسف..
يوسف:عيوونه.. وقلبه.
مهره:والله..
يوسف:هههه والله شوه؟
مهره:انا الي قلته لي.
يوسف:انج قلبي وعيوني..
مهره:هيييه.
يوسف:هيييه.
مهره:............
يوسف:مهره..
مهره:هلا..
يوسف:الفتره الماضيه ما كفت..
مهره:ماكفت شوه؟
يوسف:طرد الشياطين؟
مهره:...اااه.
يوسف:شو يعني ااه.
مهره:ما .. ادري..
يوسف:مهره مشتاق اكون معاج.. ابغي انرد البيت. بس.. مش مثل ماكنا.. ابغي انرد ..مثل ما الحال الطبيعي يكون..
مهره:بسس.
يوسف:مهره خلاص ما اقدر اتحمل اكثر عن جذيه..ابغيي اعيش حياتي بشكل طبيعي وياج..وبصراحه ابغي عيال..
مهره:يوسف..
يوسف:عيونه..
مهره:بسس. انا خايفه.
يوسف:لا تخافين.. صدقيني مابضايقج او بأذيج..مهره انا .. من كم يوم مش عارف لعمري. اكره وقت عندي.. وقت الليل. لاني اكون فيه روحي. وما تكونين عندي..
مهره:يوسف.
يوسف:شوفي الليله بخلييج اتفكرين.. وباجر. بنكون مع بعض..شو قلتي.
مهره:ااممم..
يوسف:مهره؟
مهره:الي تباه.. بس ممكن اقولك شيء قبل..
يوسف:شو؟
مهره:لاا مش الحين.. بس ان رضيت بي بعد ما تسمعه مني.. بيكون الي تباه.. سواء الليله او باجر.
يوسف:قولي والله.
مهره:والله.
يوسف:خلاص ماعليه.. من الليله.
مهره:.......... اسمع الي عندي قبل..
يوسف:مابيتغير شيء. ابغيج في كل الحالات.
مهره:يووسف..والله استحي.
يوسف:ياويلي.. وانا شوه متعذب..
مهره:بأسم الله عليك..
يوسف:ياويلي.. مهره عادي ايي الحين.
مهره:ههههههه. الحين عااد..
يوسف:هييه عادي انا بخير. والحمى خازت.. اصلا لو مش دواج انا ماييت المسشتفى.
مهره:لا والله..
يوسف:هييه والله.. انا اهبل. اعرف انه البروفين مايناسبني .. بس من شفتج ماعرفت كوعي من بوعي.. بهدلتيني.
مهره:ههههههههههه . لا والله..وانته شوه سويت فيني..في حياتي ماحاتيت حد قدك. حتى الرقاد ماقدرت ارقد..البارحه الكل يسولف ويضحك وانا يالسه وياهن ومش وياهن.
يوسف:فدييتج..
مهره:احم..
يوسف:ههههههههه. ياربي...يالله حبيبي. هذيلا بو الرصييد تراهم مشكله..اسمع التلفون يصاوي.. شكله خلص الرصيد.. رقدي حبيبي. وان شاء الله ع الساعه 10 انا عندج..
مهره:ان شاء الله. بترياك.
يوسف:لاا رقدي الحين.. توها الساعه 6 وانا برقد زين الحين
مهره:ههه ان شاء الله.يالله عيل.
يوسف:مع السلامه..
مهره:مع السلامه.
سكر يوسف ومهره اتنهدت وسارت ترقد. وفعلا من حطت راسها على المخده رقدت سيده.. الساعه 10 انتبهت وسارت تغسلت بسرعه ونزلت. لقت الحرمات يالسات برا.. سارت ويلست وياهن وقعدن يسولفن لين الساعه11 وفجأه دخلن سياير البيت.. وفي وحده من السياير كان يوسف يالس فيها..هوو الي كان يسووق.. متوله على مهره ومافيه على ملاغه علي.. يعرف انه بيسااير الا عشان يرفع ضغطه.. فنزله على طرف الشارع وركب بداله...خطف على رادار وصوره بالعمد.. علشان غياض علي. الي من سكت طوول الدرب. الا عشان ما يسرع على الرادار الثاني.. لين وصلوا البيت وخلاف احتشر.. يلس يخبر ابوه.. وابوه فاطس ضحك عليه.
علي:هييه اضحك.. لو حد غير يوسف.. جان احتشرت.
سيف:وانته ما تعرف انه تعبان ويبا يرد البيت. اتساير لييش؟
علي:بعد خايف عليه..علشان لا يتعور.
يوسف:والله ما احيد اني مكسور ومجبس علشان اتعور على قولتك.. الا انها بهااااسه منك..يسووق 20 لو مركب حرمتك الحامل عندك ماسقت بها 20
هند:احم.. احم.. لو انه مرات ينسى اني حامل. وعادي فوق 80 على المطبه. والحمد لله على كل حال.
يوسف:شفتووو.. وشهد شاهد من اهله.
منصور:ههههههههههه.. يعني ياعلي انته مارمت تحط راسك الا براس يوسف.
علي مد بووزه: يالله ادفع المخالفه الحين.. الحين بييني مسج..
يوسف:يوم بييك خيير..يالله قوم وصلنا البيت.
غبيشه:وين تبون. يلسوا بتتغدون عندنا. والعصر سيروو بيتكم. مهره بنتي..
مهره:صدقها عمووه يوسف.. انته توك ياي من المستشفى ريح والعصر بنسير..
يوسف:ااااااه. خلاص الي تبونه.
فاضل:اوب اوب.. يوسف ما اعترض. وااو.
يوسف:ابويه عطني كرتون الكلينكس الي عدالك فديتك. عيالك تراهم بهسيين.. من البارحه مستلمييني. ياخي مابا منكم معرووف.. خلااص.. حشى.. ماصارت.
سيف:ههههههههههه... من غلاتك عندهم.
يوسف:ماعليه ماقلنا شيء. بس من البارحه وتعليقاتهم.. خلاص عااد.
سيف:فاضل وعلي اصطلبواا..
فاضل:هههه انزين انا ماقلت شيء. الا من قالت حرمته خلنا نيلس قالها امره الي تبيينه.
يوسف:اولا امايه الي رمست قبل وبعدين تكلمت مهره.. بعدين فيني ويع راس.. علي ماباه يوديني البيت. لانه بيسووق بي 10 وانته طالعه غلاستك من الحين.. بعد مافيه اسير وياك.. شكلي بخلي الدريول ايب السياره وانا بسير بروحي. العصر..
فاضل:اهااااااا.. زين ماعليه. الا قول من البخل.. الا عشان ما تقهوينا عندك في البيت.
يوسف:شو تباني اقهوييك بعد. حرمتيه هنيه وماشيء اغراض في البيت. حتى انه العشا بنتعشا براا ماشيء شيء في الثلاجه.. صح مهره
(وغمز لها)
مهره:هههه صح.
غبيشه:وايه بالستر.. مااحيدك بخييل يايوسف.
يوسف:هههههههههه. فديتج مب بخل.. الا بس عشان مايزعجونا عيالج وحريمهم.. وعيالهم.. خليهم هنيه احسن..الا ابغي اريح في غرفه فاضيه ولا انسير بيتنا احسن.
غبيشه:يالله بالستر.. هيه موجوده الغرفه.. غرفتك الاوليه. رتبتها لكم.. بغيت مهره ترقد فيها.. بس حريم خوانك بغنها عندهن.
يوسف:لايكون غثوج مع عيالهن. تراهم شر.
موزه:مب جنك بديت تغلط يوسف..
يوسف:للاسف اني مارسبتج عندي موزه.. ما دري ليش عطيتج Bالمفروض اعطيج Dعلى لسانج هذا..
موزه:D عااد. توقعتك بتقول F حرام عليك.. كنت شاده حيلي.. وكنت اغلس استاذ عندنا.
يوسف:ههههههههههه.. لاا.. يالله تبين ترجعين.. وفالج طيب. بصفهن لجF موزه:لا مشكور. الحمد لله تخرجت جيد جدا..
يوسف:خخخخ
مهره:ما كنت اعرف انه درسج؟
موزه:كنت في دفعه روضه بنت عمج. وشلتها..بس ما احتكيت وياهن
مهره:اهاا..
يوسف:يالله مهره نسير الحجره.
علي:شو تباها.. تراك تقول تبى ترتاح. خلها عندنا.. بنجذب عليها اشوي.. وبنطلع فضايحك
يوسف:يازينك وانته ساكت.. تعالي مهره..
مهره ابتسمت وقامت مع يوسف.. وسارت وياه الغرفه..من دخل وسكر الباب وراهم.. التفت على مهره ولوى عليها.. وباسها.. مهره ذابت بين يديه..وماحست بعمرها الا وهيه وياه على الشبريه.. ومن انتبهت بغمت ونشت بسرعه عنه.. بعد ما دزته بأقوى ماعندها..يوسف انصدم من ردت فعلها..
يوسف:مهره.. شوه بلاج.
مهره كانت ترتجف.. وطاحت على ركبها اتصييح..ياها يوسف ومسكها من كتوفها ونششها ويلسها على الكرسي ويلس عدالها.يوسف حس انه شيء صار لها يوم كانت مع فهد..
اتقرب منها اكثر وسألها بكل هدووء:مهره شوه سوا بج فهد؟
من قال فهد. انتفضت مهره وتمت ترتجف.. اتقرب منها يوسف ولوى عليها وهيه يالسه على الكرسي.. وحطى راسها على صدره..
يوسف:مهره مهما الي سواه فهد كوني متأكده اني مابسويه.. مهره انا احبج.
مهره دزته عنها.. وحطت ايديها على اذنيها وتمت تحرك راسها بمعنى لاا.
يوسف:مهره..
توه بيتقرب منها. بعدت عنه. شحب ويها..
مهره حطت ايديها جدامها: لا لاا تتقرب. دخييلك. خلني. ماباااااااك تمسكني. دخييلك.
يوسف:خلاص الي يرحيج. ممكن تهديين الحين..مابتقرب... بس اهدي. تعالي ويلسي على الكرسي..
سار هو ويلس على الشبريه.. يوم شافته يلس سارت ويلست على الكرسي ورفعت ريولها وظمت جسمها وحطت راسها على ركبها.. وكانت ترتجف. تمت على ها الحاله لين خازت النفضه.. وشافت يوسف منسدح على الشبريه وشكله تعبان.
مهره:ت..بى ايب لك شيء.
يوسف:لاا.. مشكوره.. ابغي انام.
مهره:اهاا..
يلست وياه نص ساعه ساكته.. هو انسدح على الشبريه ورقد. ومن حست به رقد طلعت عنه وسارت الصاله الي كانت فيها عمتها وعمها بسس يلست وياهم لين آذن الظهر.
عشبه:سيري وعي يوسف للصلاه يابنتي.
مهره:ان.. شاء الله عموه..
اتنهدت وسارت اتوعي يوسف.. دقت باب الغرفه ودخلت.. كان راقد. ماقدرت تتقرب اكثر.. يلست على الكرسي الي عدال الشبريه وتمت تزقره.. لين فتح عيونه.
مهره:اتقولك عمووه الحين بيقيم الصلاه..
يوسف:ماعليه.. الحين بقووم.. ممكن تيبين لي كوب ماي.
مهره هزت راسها وطلعت تيب له كوب الماي.. عطته اياه وسار الحمام تمسح وطلع يصلي. رجعوا من الصلاه.. وتغدوو وبعدها ساروا بيتهم. وكالعاده. من وصلوا البيت سارت هيه حجرتها.. بعد مادخل يوسف حجرته وسكر الباب وراه..دور تلفونه واتصل بحمد.. ريل ختها ميره.
حمد:مرحبا الساع يوسف اشحالك..
يوسف:بخير ربي يسلمك اشحالك حمد..
حمد:الحمد لله.. يسرك الحال. سلامات قالو لي تعبت.
يوسف:الله يسلمك.. ماشيء تعب بسيط.. ان شاء الله ماكون غثيتك.
حمد:لا افا عليك.. مافي مغثه. ولا اي شيء..
يوسف:حمد. طالبنك.
حمد:آمر يوسف..
يوسف:ابغي اكلم حرمتك اشوي..
حمد:نعم؟
يوسف:ابغي اسألها عن مهره.. ملاحظ عليها تصرفات غريبه. وانا اعرف انها لين الحين متأثره بفهد. بس ابغي افهم شيء.. وبلقاه عند ميره.. توميتها.
حمد:لحظه اشوي
زقر حمد ميره وخبرها بالي صاير. ميره استحت اتكلم يوسف.. بس يوم قالها حمد عن كلام يوسف اتشجعت وشلت التلفون.
ميره:السلام عليكم.
يوسف:وعليكم السلام. كيف الحال ام خالد.
ميره:بخير ربي يسلمك.. شو فيها مهره..
يوسف:هذا الي ابغي اعرفه ميره.. مهره شوه فيها.. من شوه خايفه. شو سوا بها فهد.. خلاها تخاف اني اتقرب منها او حتى اني المسها..
ميره:هذا الي كنت خايفه منه..
يوسف:خايفه من شوه؟
ميره:يوسف مهره شو قالت لك ؟
يوسف:ماشيء. ماطاعت تتكلم.. ويوم حاولت اتفاهم وياها. انهارت اتصيح وترتجف.شو كان فهد يسوي بها؟
ميره:كل شيء. مضر..
يوسف:شووه؟
ميره:كان يعاملها كحيوان مش انسان... كل الي بيخطر على بالك كان يتبعه معاها. وكانت ساكته علشان ماتصير مشاكل.. فهد كان مريض نفسيا انته روحك اظن كنت اتشوفه. كان جدام الناس شي وورا الناس شيء ثاني.. كان يحط حرته من خواته في مهره..
يوسف:ولييش ماخبرت حد. احمد على الاقل.
ميره:احمد كان مسافر.. اتحيد يوم سافر امريكا. في هذيج الفتره ين فهد..
يوسف:لا حول ولا قوه الا بالله.. والحين الحل شوه؟
ميره:والله ما اعرف.. انا من يومين حاسه انه مهره فيها شيء.. سألتها قالت مافي شيء. بس كنت احس انها متضايقه.
يوسف:هيه تعبت اشوي وترقدت في المستشفى.. والحين ردينا البيت.
ميره:وهيه وين ؟
يوسف:كانت في بيت اهليه. البيت غريب عليها.. وماقدرت حتى ترقد.. الحين هيه في حجرتها.
ميره:حجرتها.. يعني سوت الي قلته لها؟
يوسف:يعني قالت لج؟
ميره:مهره توميتيه.. ولو ما بتكلم انا احس بها..وهيه يوم تتضايق ماتلجأ الا لي.. وانا مثلها..
يوسف:والحل شوه؟
ميره:مع الوقت بتتقبلك وبتعرف انك غير عن فهد.. بس انته اصبر عليها.. كانت بترفضك في لحظه يوم خطبتها ومحد كان بيتعترض على قرارها. خلو لها القرار الاول والاخير. بس قالت يمكن اتكون عكس فهد. فعشان جيه اصبر عليها لين تتقبل الواقع وصدقني هييه بتييك وبتقولك كل شيء.
يوسف:الله كريم. مشكوره يا ام خالد. ياريت ها الكلام يكون بينا. وهيه ماتعرف عنه اي شيء.
ميره:انا كنت بطلب منك هاالشيء. ان عرفت اني خبرتك. مابتسامحني.
يوسف:خلاص عيل. مشكوره. مره ثانيه .
ميره:العفو.. بسس يوسف بقولك شيء.
يوسف:آمري ام خالد؟
ميره:ترى مهره تحبك.. بس خايفه من الماضي.
يوسف اتنهد: الشاهد الله اني انا بعد احبها. ومالي غناه عنها.. على العموم مشكوره وبحاول وياها..
ميره:الله يسعدكم..
يوسف:آميين. يالله توصين على شيء؟
ميره:سلامتك..
يوسف:الله يسلمج.. يالله عيل مع السلامه. وسلمي على حمد.
ميره:مع السلامه.. يبلغ ان شاء الله.
حمد:معقوووله. الحقيير جذيه كان يسوي فيها؟
ميره:واكثر عن جذيه.. بس ماقدرت اقوول والله ماقدرت.
حمد:شوه كان يسوي.
ميره ودموعها يطيحن:كان يعتدي عليها في كل الاوقات.. حتى لو ظروفها ماتسمح.. له .. ماكان يهتم شو يسوي فيها.. كل ماكانت تحس بالويع كان يزيد.. في تعذيها.. مره تمت تنزف ووصلها المستشفى. خاص في دبي.. عشان محد يدري بها.. وحتى الدكتوره هزبته علي الي صار لها بسبته. ولا اهتم. ومن اليوم الثالث لها رجع مثل ماكان.. كل ما كانت تترجاه انه يوقف.. كان يعاند ويضربها. كان يستمتع يوم يشوفها اتصييح.
حمد: حقييييييييييييير..وانتي ليش ما تكلمتي..
ميره:اتكلم اخبر منوو؟ ابويه الي تعبان من غياب احمد.ولا امايه الي مستهمه على ولدها.. منوه اخبر.. وان درا انها خبرتني ذبحها.. لانه هددها محد له خص فيها.. اوين انتي حرمتيه واسوي فيج الي ابغيه.بالغلط احمد يوم رد من السفر.. سمعنا نتكلم انا وياها. كنت احاول اقنعها انه تتكلم خصوصا انه احمد رد.. بس ماطاعت.. سمعنا ودخل.وقالت له انه بس مره مد اييده. ماقدرت اتقوله بالفضاعه الي كان يسويه فيهاا.. بس وعدت احمد ان سوا بها اي شيء اتخبره.. وانته اتعرف شوه صار آخر شيء. بس لين الحين هيه متأثره بالي صار. من يتقرب منها يوسف حتى لو يسولف وياها تتكون في راسها صوره فهد.. وتخاف انه بأي لحظه بيضربها.. قالت لي والله ماودي ارده بس غصبن عني يصير لي جذيه.
حمد:الله يعيينك يا يوسف.. والله يعين مهره..
ميره:آمييين.. دخييلك حمد خل ها الموضوع بينا.. هيه حلفتني ما اخبر حد
حمد:ماعليه..بس مهره لازم تتعالج.
ميره:قلت لها.. بس هيه تخاف.
حمد:لازم يوسف يوديها عند دكتور ولا تراها بتين.
ميره:الله كريم..
طلع يوسف من حجرته.. ودق الباب على مهره..
مهره:اتفضل..
يوسف:مرحباا.. ممكن اتكلم وياج؟
مهره:طبعا... شو.. تبى ؟
يوسف اتقرب ويلس على الكرسي الي جدام المرايه.. ومسك المشط.. يلعب به في ايديه.
يوسف:ابغي.. نتصارح.. في كل شيء..
مهره:.. شو تقصد.. انا.
يوسف:انتي وعدتني. اتكونين لي.. الليله.. بعد ما اسمع الي عندج.. مهره ابغيج اتشيلين فكره اني اشبه فهد.. لو بنسبه 1% انا مش فهد المريض. انا عندي شهاده في علم النفس.. وافهم الي يصير لج.. واقدر اساعدج.. بس ابغي منج انتي اتساعديني.. بعد.
مهره:انا مش مريضه يوسف..
يوسف:انا ماقلت انج مريضه.. مهره انتي فيج خووف.. اني في يوم من الايام بمد ايدي على حرمه.. على كثر مساؤء خوله. في حياتي مامديت ايدي عليها.. اصلا الريال الي يضرب حرمه بغض النظر منوه هييه. مب رياال في نظريه.. لانه مايقدر يتجبر الا على الي اضعف منه.. مهره خوله كانت تطلع عن البيت بالساعات تطلع الصبح وما ترد الا آخر الليل.. ومرات تطلع المسى وماترد الا ويه الفير.. وبدون شوري... يوم تذكر انه عندها ريال اتطرش مسج تراني طلعت مع الشله. وسايرين دبي.. وولدك عند امك. ولا عند الخدامه.صارت مشاكل بينا.. ووصراخ.. وهده.. بس عمري ما فكرت اني امد ايدي عليها. او اذيها.. هيه نعم كنت اهجرها في المرقد. وبالايام ما المسها.. حتى المصروف مرات حرمته منها.. علشان تتأدب.. وكانت تحترم عمرها وتطلب.. بس فتره وترجع.. لعادتها الجديمه.. يعني بالله عليج.. لو ضربتها حد بيلومني.. لااا حتى ابوها مابيلومني.. بس عمري مافكرت اني امد ايدي.. مش جبن مني او خوف من العواقب.. بس عندي مبدأ وامشي عليه..الي ابغيه منج مهره اتشيلين فكره اني في لحظه من اللحظات ايدي تنمد عليج..
مهره:كيف عرفت اني... اخاف من الضرب..
يوسف:لانج يوم شفتيني اضمج فجأه صرخي وابتعدتي.. وطلبتي مني اني ما اللمسج.. مهره شوه كان فهد يسوي بج.. ليش ها الخوف فيج.
مهره نزلت راسها. ماقدرت تقول شيء.كانت تمسك فراش الشبريه واترص عليه.. اتقرب منها يوسف وقعد عدالها. ومسك ايدها ورفعها لين شفايفه. وباسها.. ومسد صبوعها وباس كل صبع بروحه.. وحط باطن ايدها على خده. مهره كانت منصدمه ومش عارفه شو اتسوي.. يوم شافها ماسوت شيء.. مد ايده الثانيه وحطها على كتفها وجذبها لصدره.. طاح راسها على صدره.. ولوى عليها باس راسها.. تمو على ها الحاله حول العشر دقايق.. كانت مهره ترتجف مش عارفه شو اتسوي.. كانت تسمع دقات قلبه المنتظمه.. وصوت تنفسه واتحس بنفسه على يبهتها..(جبينها)اتشجع يوسف واتمدد وياها على السرير وهو لاوي عليها.. غفت عيونهم وهم على ها الحال.. مهره راقده على صدره.. لين الفير..محد منهم تحرك.. انتبه يوسف وحركها علشان اتنام عدل على الشبريه وقام سار الحمام وتمسح وسار يصلي.. في المسيد.. رد من الصلاه لقاها واعيه. وكانت اتصلي..سار ويلس على الشبريه يترياها تخلص..ومن خلصت تمت يالسه مكانها. ماقدرت اتقوم.. اتقرب منها يوسف وشل عنها شيله الصلاه ووقفها ووصلها لين السرير. مددتها على السرير وغطاها. باس راسها وبند ليت الابجوره.. سار صوب الباب. ماكلمها.. توه بيسكر الباب وبيطلع..
مهره:يوسف..
رد لها:لبيه..
مهره:وين .. بتروح.؟
يوسف:انتي تعبانه مهره.. ارتاحي بنتكلم الصبح.
مهره هزت راسها ونزلت دموعها..ماهانت عليه رد عنها ولوى عليها
يوسف:لا تعذبيني مهره.. ما اقدر اساعدج اذا انتي ما بتساعديني..
مهره كانت اتصيح.. ومش قادره حتى تتكلم.. اتفاجأه يوسف يوم مدت ايديها ولفتهن على رقبته.. قربها اكثر منه واتمدد عدالها.. ورقدوا على ها الوضعيه.. انتبهت مهره الصبح.. كانت الساعه 11 ويوسف ماكان موجود.. لقت ورقه محطوطه عدالها ..
(حبيبي انا سرحت الدوام. لا تسوين غدا. بييب لنا من براا.. يوسف..)
ماحست بعمرها الا وهيه تبوس الرساله.. تمت اتشوف كلمه حبيبي.. قرت الرساله اكثر عن عشر مرات.. وكل ما تخلص كانت تبتسم.. وترجع اتبوس الورقه. سارت الحمام وخذت لها شاور. ورتبت الغرفه.. وسارت غرفه يوسف ورتبت الغرفه. وشلت الملابس الوسخه وغسلتهن. ونظفت البيت.. سوت لها كوب شاي.. وريوق خفيف.. علشان تتغدى من غدا يوسف.. وصل يوسف الساعه 1 ونص..ياب وياه غدا من مطعم المندى..ومن خلصوا غدا رتبو الطاوله رباعه. وسار يوسف عنها ياخذ له غفوه.. وطلب منها اتوعيه العصر.. بعد ماسار عنها يلست اتشوف التلفزيون بس حست بملل.. ماعرفت شو اتسوي. بندت التلفزيون. وسرحت بأفكارها.. ماحست بيوسف يوم رجع ووقف عند الباب يطالعها. يوم حست به.. لقته متساند على طرف الباب ويبتسم لها..
يوسف:هه وين وصلتي؟
مهره استحت :ابد.. الا هنيه.
يوسف:وين هنيه من نص ساعه انا واقف ولا حسيتي بي.
مهره :هيييييييييييييييييييه يا العيار.. وين نص ساعه..؟
يوسف:ههههههههههه.. ترا الثواني اتصير نص ساعه والدقايق اتصير بالساعات..
مهره:لا والله قانون منوه هذا؟
يوسف:قانون يوسف.. بطليموس..
مهره:ههههههههه لا والله.. منوه هذا بطليموس
يوسف:افا ماتعرفين من بطليموس. هذا العالم الفلكي. الي قسم اليوم لنظام 24 ساعه في اليوم.. افاااااااا. وانا اتحسب انج مثقفه.. طلعت خرطي..
مهره:ههه عداااااااااااال.. يا الخوارزمي.. اخاف اصدق بس.. انته مختصص في علم النفس.. شو دخل علم الفلك. في تخصصك.
يوسف:الواحد يعني ما يتثقف.. تحريني عياااز وكسوول مثلج.
مهره:هههههههه حرام علييك.. الا وين الي يبا يرقد.. توك اتقول تبى اتريح وتباني اوعيك العصر؟
ابتسم يوسف:تبين الصراحه.
مهره:هييه..
يوسف:عيبني الوضع الي رقدنا فيه اليوم الفير.. وماقدرت انام.. فممكن تشفقين عليه. واتخليني انام في حضنج.. بس بنام اوعدج..
مهره ويها غدا احمر:يووسف..
يوسف:عيونه وقلبه.. يوسف.
مهره:دخييلك.
يوسف :دخييلج انتي مهره. وعدتج مابسوي شيء. بس بنام.. والله مصدع. خاطري انام على صدرج.
مهره:حرام علييك.
يوسف:ليش حرام عليه.. انتي حرمتيه مهره.. وبعدين انا ماطلبت شيء مستحييل.. اذا ما تبين خلااص.. انسي.. اني طلبت منج شيء.. باااي.
طلع عنها وهو معصب.. بس طول الدرب وهو يهزب عمره.. ليش قالها جذيه. جان خلاها. وطلع من دوون ما يحسسها بالذنب. بس لين متى بيتم يتحمل..ها العذاب.. وصل لين الشبريه. وفج فانيلته.. وانسدح وحط المخده على ويهه.. ماقدر يرقد. عدل المخده وانسدح على طرف. اتفاجأ بعد عشر دقايق بمهره انسدحت عداله.. بس مالمسته.. تم ماسك عمره حتى انه بدون ما يحس.. كتم تنفسه..قاوم قاوم. يوم ماقدر. التفت صوبها كانت منسدحه عداله ومنزله راسها.. ومغمضه عيونها.. ابتسم واتقرب منها.. وحط ايده على خصرها وقربها منه اكثر.. حطت راسها على صدره وخلته لين رقد..ومن ثقل تنفسه عدلت نومته.. وغطته باللحاف.. وتمت اتشوفه ماحست بعمرها الا وهيه راقده.. وصلت الساعه 5 ومحد نش منهم. انتبه يوسف من رقاده. على صوت التلفون..لقى مهره راقده على صدره. مد ايده وخلى فونه على وضع صامت. ورد ولوى على مهره. انتبهت مهره ورفعت راسها..
يوسف:رجعي نامي..
مهره:بس الحين العصر. وماصلينا.
يوسف:ههه عندنا اجازه..
مهره حست ويها غداا احمر:يا المااصخ.. قوم عني.. بقوم اصلي.
يوسف:ههههههههههههههههههههههه... ماعندج اي حس بالرومانسيه.
مهره مسكت المخده وفرته بها. وطلعت من الحجره.. وتم يوسف يضحك عليها..ووعد نفسه ما بيصبر اكثر عن يومين..بس ها اليومين تحولن لاسبوعين..والوضع مثل ماهوو. كل ما يحس انها تتجاوب وياه وتنسى نفسها. ترجع تتذكر. وتبتعد عنه وهيه ترتجف..حس بالاحباط.. اتأخر في هذيج الليله وصل ع الساعه 1.. ولقاها راقده في سريره. بس يوم فكر . شاف انه مافي فايده.. يوم بيحس خلاص.. بترجع اتسكر في ويه وبتصده. خلاها راقده ودخل اتسبح ورجع ورقد عدالها بدوون حتى مايصكها..نشت مهره الفير ولقته راقد. وعته للصلاه.. ومن نش. سار المسيد. سارت وصلت ويلست تترياه يرد.. بس يوسف تأخر وما يا البيت الا من بعد الساعه 6 لانه طلع يمشي على الحاره.. رد واتسبح ونزل علشان بيتريق وبيطلع الدوام. مهره حست بالحرمان ومش عارفه شو السبب.. مرت الايام على ها المنوال. يوسف يتأخر في الرده المسى.. وينام سيده. وينش يصلي الصبح ويطلع يمشي ويرجع البيت يتسبح ويطلع الدوام.. مرات يتريق ومرات لاا.
مهره:مرحبا ميره. اشحالج.
ميره:الحمد لله يسرج الحاال. تعبااااااااانه..
مهره:سلامتج من شووه؟
ميره:من شوه بعد. تراني في شهريه. خلاص واحس اني في اي لحظه بربي..
مهره:الله يعينج, يالله الله يقومج بالسلامه.
ميره:الله يسلمج.. وانتي بشريني عنج.؟ مافي بيبي في الطريق.
مهره:هاه.. لااا..
ميره:مهره لايكون بعدكم...
مهره:ممكن تغيرين الموضوع..
ميره:لين متى. مهره الحين كملتوا شهرين.. من عرستو... وباجر الكل بيتخبر.. ليش لين الحين ماحملتي. شو بتقولين. يوسف مايبا عيال. ولا انتي مافيج عيال..؟
مهره:مييرووووه.
ميره:مهروووووووه. لين متى مهره تبينه يتحمل.
ميره:ليش ان شاء الله هوو اشتكى لج.
ميره:لاا ما اشتكى وما اظن انه من النوع الي يشتكي. بس مهره فكري فيها. ريال اتوفى ولده.. وعرس يبى عيال. وحرمته لين الحين ماتخليه يقرب منها.. لين متى تبينه يتحمل..الريال بيصبر شهر شهرين. وبعدين خلاص..
مهره:شو قصدج.؟
ميره اتنهدت:يعني بيدور غيرج. الريال له حاجات بعد يبى يشبعها. مهرووه حبيبتي. لاتضيعين يوسف من ايدج. فدييتج. انتي تحبيينه. وهو بعد يحبج. ولا مابيصبر على الحرمان لين ساعتج..
مهره:والله حاولت بس ماقدرت. وهو بعد ابتعد عني.
ميره:كيف ابتعد عنج؟
مهره:شو اقولج. ايي وقت متأخر من بعد الساعه 2 ويرقد سيده. وينش يصلي الفير. ويسير يمشي حول الساعه... ويرد البيت ياخذ له شاور وينزل يتريق ويطلع.. وويوصلني الدوم و ايي الساعه 2 الظهر. مرات ايي الساعه 4 العصر. لانه يتغدى ويا خوانه في الدوام.. ومرات يتأخر في الشغل. ايي الساعه 3 يكون تعبان. يرقد وينش العصر ومرات الساعه 5 ويرجع يطلع.. صرت مااشوفه. ومن بدا حاله جذيه انا قمت اسير بيت اهليه ومرات اسير بيت اهله. شو اسوي. تعبت.
ميره:لانه تعبت منج. من البدايه. انتي الي خليتيه جذيه. ماعليه حاولي تجذبينه لج.
مهره:وكييف؟
ميره:كيف بعد. اغرييه.
مهره:هااه. وكييف..؟
ميره:ياربي. كيف بعد الحرمه تغري ريلها.. لبسي قميص نوم قصير.. ولا ترقدين لين ايي.. ويوم ايي حسسيه انج.. وووو خلااص..
مهره :ايييه والله استحي.
ميره:حبوبه مافي بين الريال وحرمته مستحى.. اذا ماتبين تخسرينه سوي الي اقولج اياه..
مهره:بسس.
ميره:مهره.. بتتحملين يوم بييج باجر بيقولج انه بيعرس عليج. او يطلقج.
مهره:لاااااااا. بمووت.. مابقدر اعيش بدوونه.
ميره:عيل حاولي تكسبينه.
مهره:بحاول..
وفعلا من الساعه 12 شربت قهوه علشان ماترقد..وتسبحت وتعدلت . ودورت اقصر قميص نوم.. وشفاف ولبسته..ويلست اتعدل شعرها.. اترتبه. بما انه قصت شعرها وخلته قصير.لعبت بالفير وخلته كله فيرات.. طلع حلوو عليها تمكيجت مكياج هادي. ودخلنت الغرفه وعطرتها. وغيرت فراش الشبريه.. كانت شاريه فراش يديد من فتره وكانت ناويه تغيره الصبح. عزمت وغيرته الحين. ورجعت عطرته ورتبت المخاد. وسارت اتطالع التلفزيون لين ايي يوسف. بالعاده ما يتأخر من بعد الساعه 2 والحين الساعه وصلت 2 الا ربع.. باقي ربع ساعه وبيي يوسف. وفعلا ماكملت الربع ساعه سمعت صوت السياره..بندت الليلتات الغرفه. وخلت ليتات الابجوره شغاله بس. وسوت عمرها اونها اتشوف التلفزيون.. دخل يوسف وشم ريحه العود شاله البيت شل..سار لين فوق. وهو يتبع الريحه.. دخل الغرفه وانصدم من الملاك الي يالس على الكرسي.. بس اتذكر ردت فعلها يوم يلمسها.
ببرود:غريبه اليوم مب راقده؟
مهره انصدمت من برودته:ماياني رقاد. وقلت بترياك.
يوسف:وليش عاد؟
مهره:ابد. ليش ممنوع الحرمه تتريا ريلها.؟
يوسف:لااا .. بس الوقت متأخر وانتي وراج دوام.
مهره:عادي حتى انته وراك دوام..
يوسف:هييه بس. انا متعود.. اتعوذي من ابليس وسيري رقدي مهره.
مهره انصدمت وحست بويع في قلبها.. معقوله اكون خسرته خلاص. من دون ما تقوله اي شيء.. نشت وسارت صوب الباب..
يوسف:وين؟
مهره:تراك قلت اروح انام.. مافيني رقاد الحين.. بسير الغرفه الثانيه بشوف لي فلم لين اييني رقاد.. تصبح على خير. وآسفه على الازعاج..
طاحت دمعتها.. وطلعت بسرعه علشان ما يشوفها وهيه اتصيح.. وهيه طالعه الممر كان فيه اضاءه قويه.. فبان الي تحت لبسها كامل. ماقدر يوسف يتحمل.. قبل ما اتسكر الباب. ربع صوبها ولوى عليها.. عقت مهره راسها على صدره ويلست اتصييح.يوسف لوى عليها اكثر.. ورفعها وشلها لين الشبريه..
يوسف:سمعيني زين مهره. ولأخر مره.. بتحمل منج الصد. والحين قولي لي. تبيني لين الاخر. ولا يوم بنضييع بتصديني..
مهره هزت راسها ماقدرت تتكلم.. بس لوت عليه..
مددها يوسف على الشبريه ومسح عيونها من الدموع .
يوسف:عطيني بس خمس دقايق باخذ لي شاور وبييج.. اوكي.
مهره هزت راسها .. حبها يوسف على راسها. وسار الحمام خذ له شاور. ورجع.. كانت تترياه.. كان حاط بس فوطه على خصره. وشعره بعد خرسان ماي.. سكر باب الحجره بالمفتاح . وياها على الشبريه. وعاشوا احلى ليله في حياتهم. كلها..
سعييد:ماااااااااااااابااااااااا.. اسير البيت. ابا اسير الجمعيه الحين..
روضه:حبيبي مايصيير. الحين ابوك بيي.. يالله بابا.
سعيد:ماااااااااااباااااااا. انتي قلتي لي بنسير الجمعيه.ابا اشتري شريييط.
روضه:ماعليه بتسير مع باباه وبتشتري الي تبااه. يالله البس نعالك الحين. سعيد حبيبي ما ارووم انزل والبسك حبيبي
سعيد:لييش.؟
روضه اتننهدت: ظهري يعورني.
سعيد:البيبي يعورج؟
روضه ابتسمت:هييه حبيبي البيبي يعورني.شفت يوم ماتسمع الكلام حتى البيبي يزعل.
سعيد:خلييه ايي وبضربه.
روضه:ياويلي منك.. الله يعيني عليك.
لطيفه:هاا بنتي شو اتسوين.. احمد براا.
روضه:شو اسوي يا امايه.. ماطاع يلبس نعاله. اوين ودوني الجمعيه
لطيفه:تراك امس سرت الجمعيه..مع ابوك ناصر..
سعيد:ابا ارد الشريط مش حلوو.. اباا غيره.
لطيفه:لا والله. حبيبي سعيد. شوف ماماتك كيف تعباانه.. تباها تزعل منك.
سعيد:عادي. باباه احمد بيعطيها حلاوه بعدين مابتزعل.
روضه:ابوك ان تقرب اصلا ياويله. وين يعطيني حلاوه..
لطيفه:شو هاي الرمسه روضه.. لاترمسين جذيه قدامه. والله لاياخذ هاي الرمسه.ويشعاها. عندهم.
روضه:ههههههههههههههههه
لطيفه:هييه ضحكي. وباجر بتضربينه ..
لوت روضه على ولدها:فديييت الرياييل انا.. مابضربه. حبيبي هذاا.
سعيد: وباباه احمد.. بعد تحبينه..
روضه:هيه حبيبي.. احبك انته واحب باباه احمد.. واحب هند..
سعيد: والبيبي؟
روضه:ههه هيه بعد احبه.
لطيفه:مابتلخصين الليله.. من سعيد.. يالله ترا احمد يترياكم برا..
روضه:يالله الحين بيخلص لبس.. امايه ممكن توصلينه عند ابوه.. ظهري يعورني. وابغي انسدح اشوي.
لطيفه:ماتريحين عمرج..وماتخلين الخدامه تهتم بالعيال. كله تبين تسوينه انتي..
روضه:والله يا امايه هذيلا عيالي.. منو بيطالعهم احسن عني.. هيه تاخذ معاش.. وبعدين انا ما ارتاح اذا ما اشرفت على عيالي.. بنفسي.. احس باللوم اذا خليتهم وطلعت عنهم..
لطيفه:الله يهدييج..يالله خلصي لبس له. ابوه يترياه برا.
روضه:يالله خلصت.. هاي شنطته .. احمد يباه يبات عندهم الليله..
لطيفه:بتصبرين عنه؟
روضه:شو بسوي يا امايه.. برايه يوم انه عند ابوه.. سعيد مب مثل هند.. هند الحين تتعبل بكل شيء.. من يومين حصلتها فوق الطاوله.. ركبت من فوق الكر سي.. وسارت فوق الطاوله.. والله اني ماحسيت بعمري الا اني واقفه عندها واسحبها.. حسيت بظهريه بنفصل.. من النص.
لطيفه:الله يهدييج. يالله سعيد انسير لابوك.
سعيد:ان انزين..
روضه:حبيبي مايقولون انزين. يقولون ان شاء الله
سعيد:ان شاء الله..
سار سعيد عند ابوه.. ووصله المول.. اشترى الشريط الي يباه سعيد.. وساروا البيت..عند امه.
احمد:السلام عليكم..
مريفه:وعليكم السلام والرحمه.. هلا والله بالشيوخ اشوف الشيخ سعيد اهنيه.. عيل روضه وين؟
احمد:ماطاعت تيي.. ظهرها يعورها.. طرشت سعيد بس.
مريفه:اصبر عليها يابويه.. وهانت مابقى شيء.
احمد:وين مابقى شيء امايه.. بعدهن شهرين؟
مريفه:شهرين تباها تيلس مرتاحه.. ولا تباها كل نص ساعه تربع الحمام واتعق كل الي في بطنها.. ارحمها يابويه. اشوي.
احمد:الله كريم..
مريفه:حليلها تعقدت من الدخاتر. تمت اهنيه شهر.. كم مره وصلتها المستشفى وكم مره ركبوا لها المغذي.. اتحمل اشوي. وان شاء الله بتتساهل الامور.
احمد:الله يعييني على كل حمال.. جذيه بيصير.. خلاص مابا عيال منها يوم جذيه سالفتها ويا كل حمل.
مريفه:هههههههه..ماعليه بتنسوون . وبتيبون العيال ان شاء الله. ومش كل حمل مثل بعض. يمكن يكون حملها الياي اهون.
احمد:ما اظن يا امايه.. سعيد راواها نجوم الظهر.. وهند نجوم القايله.. وهذا المفعوص.. الله يعين بس..
لطيفه:ههههههههههههه. الله يعينكم..
احمد:ابويه وين؟
مريفه:سار بيت بو فاضل. ماادري شوه عندهم.. سواله تلفون وقاله تعال البيت.
احمد:اها.. ويدوه فاطمه وين؟
مريفه:ما ادري بها.. احيدها من العصر اهنيه.. ومن بعد الصلاه المغرب. ما ادري بها وين سارت محد في حجرتها..
احمد:اها.. عيل فديتج بخلي سعيد عندج.. بسير اتسبح.
مريفه:وينه هووه.. اصلا..
التفت احمد ماحصله. سار قسمهم لقاها مشغل اللعبه ويالس يلعب بالشريط.. ابتسم ويلس يبلعب وياه. يتهم مريفه بعد نص ساعه لقته يلعب مع ولده.
مريفه:وين الي يبى يتسبح؟
احمد:ههه هذا سعيد ماخلاني ..باباه الا تعلب ويايه..
مريفه:ههه الله يحفظكم.
احمد:آميين..
مريفه:يالله سعيد حبيبي.. بسك لعب.. الحين كلمتني امك. تعال بتتشعى.
سعيد:مابا عشا امايه.. ابا العب..
احمد:لا بابا بس لعب الحين. انا بتسبح ووبنتشعى وبعدين بنلعب اوكي.
سعيد:اوكي..
يوسف:اقول مهره..
مهره:عيونها..
يوسف ابتسم:فديت عيونها.. شو رايج بالسفر. خاطري اسافر وياج.
مهره:امممممممم.. فكره مش بطاله.. بس بيعطونا اجازه؟
يوسف:هههههههههههه انا دوامي هييه..
مهره:خخخ وانا ما اظن..
يوسف:هه حاولي. يمكن يشفقون عليج. توج عرووس. وتبين حد يسفرج.
مهره:لاوالله. حلوه هاي حد يسفرج. جني بنقاليه.
يوسف:ههههههههههههه.. كلهن يعرف عمره.
مهره مسكت المخده وفرتها على يوسف الي مسكها ورد فرها عليها..
مهره:لا والله.. عيل ما عندي تأشيره مابسافر.
يوسف:هههههههههه حبيبي عادي. نحن الاماراتيين. سمحو لنا الاتحاد الاوروبي. انا نسافر بدون تأشيره. عاد بلادج انتي ما ادري بهم.
مهره:لا والله..
يوسف:ههه هيه والله.. انزين حبيبي شو قلتي مابنطول شغله اسبوع بس.
مهره:بشوف المدير اذا بيعطيني اجازه. لانه من دوامت ماخذت اجازه.. وكنت اشتغل بدال البنات الي يطلعن اجازه. يوم اخلص شغلي.
يوسف:انزين عيل شوفيهم وردي عليه. باجر.. اذا موافقين من باجر بحجز وبنسير
مهره:حلوو..
يوسف:انا حلوو.. ادري اني حلوو.
مهره:ههه يا الغروور.
يوسف:احم.. اكيد.. لو انه مش غرور وانما هيه ثقه.
مهره:ثقه ولا ضمان.
يوسف:خخ لا ثقه. ضمان لكم انتو.
مهره:منو انتو؟؟
يوسف:هههههههه انتي وجاليتج ..
مهره ببردو:يوسف حبيبي بتسطلب ولا اسير ارقد عنك في الغرفه الثانيه.
يوسف:لااااا خلااص.. دام السالفه فيها رقاد في الغرفه الثانيه.. لا بسطلب.. على طاري الرقاد حبيبي. انا تراني نعست.. خصوصا بعد ها العشى الدسم.. شكلي بسوي ريجيم.. يقولون لي من عرست طلعت لك كرشه. تعرفين شو السبب.
مهره:هههههههههه.. اكييد. يوم انك كل يوم تيب غدا.. اكل بحري وربيان.. طبيعي تطلع لك كرووشه.. مب كرشه عوده..
يوسف:خخ اصلا هذي علامه الجوده. والاصل
مهره هزت راسها:نعم نعم. صحيح..اخاف اصدق بسس.
يوسف:ليش ان شاء الله . لايكون شاكه في اصلي ومصداقيتي..الوطنيه.
مهره:اوب اوب.. وطنيه.. لا حبيبي اسحب كلامي. انا اصدق كل كلامك. حتى لو قلت لي البحر اصفر. بصدق.. كله ولا مصداقيتك الوطنيه.
يوسف:احم.. هييه جذيه اباج. يالله يا حلوه. ابا ارقد.
مهره:انزين . نوم العوافي..
يوسف بصوت حزين:ما بترقديني؟
مهره:لاا لانه عندي غسيل. منوه بيغسل ها الصحون وبيرتب الاغراض.
يوسف:اووف. انزين يالله بساعدج. علشان تعرفين منو ريلج الحنون.
مهره:هههههههههه.. الا انه عيار..
يوسف:خخخخ الغايه تبرر الوسيله.
مهره:هههههههههههه.. يالله اندووك هذيلا وصلهم المطبخ. بييب الباقي. يا حلوو.
يوسف:مصيبه يوم تقص الحرمه على الريال.. وهو يعرف انها تقص عليه.. بس مايقدر يسوي شيء الا انه يرضيها.
مهره:ههههههههه.. عيل يوم جذيه السالفه.. اتقرب بحط هذيلا بعد. ووصلهم المطبخ..
يوسف مد شفايفه:اقول شو رايج بالمره.. انا اوصل كل شيء المطبخ. وانتي اتسيرين الغرفه وتترييني مب احسن..
مهره ببفرح:صدق.. بكووون ممنونه لك طوول العمر.
يوسف:ههه ياربي ماتصدق حد يقولها خلي كل شيء.. خلاص بس هاي المره.. انتي سيري الحجره. بوصلهن المطبخ وبغسلهن وبييبج. بس ياويلج ان رقدتي عني.
مهره:ههههههههه من عيوني.. بترياك..
يوسف:زين عيل.. يالله سيري. جدامي..
مهره:تامر امر..
يوسف وهيه تخطف جدامه اتنهد.. وابتسم وشل الصحون المطبخ. وبدا يغسلهم..
مهره سارت الحجره.. وخذت لها شاور بسرعه. ولبست قميص نوم وردي.. وحطت مكياج هادي.. وقعدت على الشبريه تتريا يوسف.. يوسف خلص غسيل الصحون. وسار الحجره الثانيه.. يتسبح بعد الصابون الي يا عليه من غسيل الصحون.. لانه فج الماي بالغلط بقوه. ووتخرس بالماي. وخرس ارض المطبخ.. بعد ماخلص غسيل الصحون نظف ارض المطبخ من الماي والصابون.. ووعد نفسه تكون هذي آخر مره يتبرع بغسيل الصحون.. بس لاجل عين تكرم الف عين..
مرت الايام ومابقى على ولاده ميره الا ايام.. اقصد دقاايق.. مهره ويوسف كانوا طالعين براا.. وهم رادين البيت دبي. علشان يجهزون للسفر.. ياها اتصال من روضه.
مهره:اهليين روضاني.. اشحالج..
روضه:الحمد لله. انتي وين.؟
مهره:يايه من دبي ليش؟
روضه:ههه يعني ماوصلج الخبر.
مهره:اي خبر؟؟ خوفتيني روضه؟
روضه:هههه ميرووه ربت ويابنت ولد..
مهره:لاااااا. صدق.. مبرووووك. الخايسه البارحه اكلمها ولا قالت فيها الويع.. متى ربت؟
روضه:توها من ربع ساعه.. ههههههه تحريت الخبر وصلج.. يوم شفت الهدووء عرفت انج ماتعرفين بعدج..
مهره:لا والله.. يعني الحين انا الازعاج..
يوسف:ياااااااااااااو.. فوق ما تتصورين..
مهره :لاوالله.. مشكور يا اخ يوسف.. هين..
يوسف:ههههههه كل شيء يهون الا الغرفه الثانيه..
روضه:احم احم.. انا على الخط..
مهره:ادري انج على الخط.. في اي مستشفى ربت؟؟
روضه:هههههه في مستشفىى.............. بتين؟
مهره:هييه بيي الحين.. واحتمال ابااات عندها بعد(وعينها على يوسف)
يوسف:ههههههههههههه.(يلس يغني ). يحلمووووووون.. يحلمووووووووون..الي فيك يفكرون .. ياخذونك مني.. ولا هم يقدروون.. والله لو يتجنوون..
روضه:اوب اوب.. ما ارووم على الحب. بسير اخلي اخووج يغني لي.. مالي خص..
مهره:ههههههههههه احم.. مشكله الي يغااروون.
روضه:عداااااااااال..
مهره:انزين يالله عيل سيري خلي احمد يغني لج. ههههههه بس روضه لو سمحتي.خليه بعيييد.. علشان النفسيه بس.
روضه:سبااااااااااله. اصلا الحمد لله خف الوحام.. خخخ الحين عادي يكمل تقريبا نص ساعه يالس عندي وما اييني اي لوعه جبد
مهره:ههههههه.. والنص ساعه شو اتسوي يارووضه. ههههههه خليها على الاقل 45 دقيقه..
روضه:عرستي وغيديتي طفسه.. يالله باي.. هذوه احمد حبيييبي على الخط. يالله باي.
مهره:ههههههههه باي..سلمي عليه.. وباركي له.
روضه:يوصل. يالله تييك كيير
مهره:اوكي. ثانكس.
يوسف:ليش بعييد علشان النفسيه.. خير شيء مستوي؟
مهره:هههههههه.. لا ابد.. اصلا احمد مييت قهر.. انه مايقدر ييلس مع روضه.. الحين تقول قدرو يتخطون النص ساعه.. بسس.. هههههههههه
يوسف عقد حياته:ليش عاد ها الحكم؟
مهره:ههه هذا حكم البيبي.. روضه توحمت على احمد.. ما اتداني اتشوفه حليله. الحين فوق الاربع شهور هيه في بيت اهلها كل ما يتوله على العيال يوصلهم وايلس وياهم اشوي.. وبعدها يرد البيت.. ههه
يوسف:الله يعيينه. وكيف مستحمل. كل هاي المده..
مهره:ههه مب بغى الدح ما يقول احح.. هم بغو العيال. وهذي النتيجه.
يوسف:اها. قصورج يوم بتحملين بتسوين بي جذيه.. والله لو شو ما يكون فيج.. مفارق مابفارقج..
مهره:هههههههه فديتك.. لا ان شاء الله مايكون جذيه.. بس حرام محد يتمنى للي في روضه يصير لاي كان. تخيل حاولت تيلس ويا احمد في القسم.. خلال اسبوع واحد ما ادري كم مره وصلها المستشفى يحطون لها مغذي. من كثر ما تعبت من الترجيع. لين خلاص ماقدر يستحمل. ووصلها بيت اهلها.
يوسف:ههههههه. الله يعيينه..
مهره:اميين.
يوسف:تبيني اخطفج المستشفى؟
مهره:يارييت.. بس ابغي آخذ لها صينينه حلاوه قبل..
يوسف:ماعليه.. يالله من وين تبين.
مهره:عادي اي مكان.
يوسف:ان شاء الله من عيوني.
خطفوا على محل الحلويات. وخذوا لهم اكبر صينيه حلاوه وساروا المستشفى.. دخلوا داخل. كان حمد واحمد يالسين برا. سار لهم يوسف ومهره بعد ماسلمت على احمد. وباركت لحمد. دخلت داخل..سولفوا ربع ساعه. وبعدين يوسف سار البيت واحمد شل امه ورد البيت.. وروضه سارت البيت مع ابوها وامها الي يو يسلمون.. مهره تمت مع ميره. لين الساعه 11 وبعدها ياها يوسف وردوا البيت..مرت الايام وطلعت ميره من المستشفى وسارت كالعاده بيت اهلها ويلست اسبوعين. مهره استسمحت منها لانه سفرهم بعد يومين.. سلمت على اهلها ليله السفر. وساروت ويا يوسف عشر ايام في اوروبا..بعد مارجعت يابت الهدايا للكل. كانت ميره بعدها في بيت اهلها. يلست عندهم يوم واحد يوسف ماخلاها تبات اكثر.. وبعدها رجعت بيتها وحمد يا وشل فريجه من بيت اهلهم. استمرت الايام والليالي على ها المنوال.. ومرت الشهور. واخيرا حانت لحظه ولاده روضه..في نفس الليله كانت روضه في عرس. ربيعتها ودقها الويع.. كانت متحمله وساكته. كل ماتيها الويعه تمسك الطاوله من الطرف.. ومن تروح عنها تيلس اتسولف وتضحك عادي لانه يالسه على الطاوله الرئيسيه.. في نص العرس. ماقدرت تتحمل. التفتت على امها وويها كان احمر..
روضه:امايه.
لطيفه:هااه يابنتي شو بلاج؟
روضه:اماايه. انا.
لطيفه:شيء يعورج روضه؟
روضه:هييه امايه شكلي بربي.. تعباانه..
لطيفه:بس بعدج مادخلتي التاسع. ..؟
روضه:لا دخلت اليوم.. امايه دخييلج خلاص ما اقدر. احس ظهريه بينكسر.
لطيفه:يالله الحين بتصل بأبوج.. وبخليه ايينا.. صبري فديتج.
روضه:ما اروم اصبر.. انا بطلع برا.
لطيفه:هييه زين المشي. يالله تعالي خلينا نطلع..
روضه:ماعليه.ااه..
لطيفه:فديتج.. يالله..
استسمحوو من اهله العروس والمعرس الي كانوا واقفين عند الباب. وطلعوا من دون مايبينون لهم اي شيء.. ومن وصل ناصر.. ساروا سيده المستشفى.. وناصر قبل لا اييهم اتصل بأحمد وابوه. وقالهم يسبقونهم للمستشفى.. وصلوا المستشفى رباعه.. روضه كانت تعبانه.. يت معاهم مريفه ويابت ملابس للروضه بدال الفستان الي لابستنه. ومن دخلو قسم الولاده بدلت روضه ملابسها وساعدتها امها.. وحطوها في السرير. كانت روضه اتصيح من الويع.. وويها كله دموع وجحال. شكلها كان يضحك.. بس محد كان عنده الجرأه انه يضحك. تمت روضه تقريبا اربع ساعات. وبعدها يابنت التوم ناصر وعبدالله.. ومحد قدر يناقش القرار لانها واحمد اتخذوه رواحهم من دون محد يدري انها فيها توأم وها الشيء الي كان مصبر احمد على فراق روضه.. تمت في المستشفى يومين.. وبعدها طلعت لبيت اهلها.. تبى ترتاح. كم يوم. وبعدها ردت بيتها.. بعد اسبوع سو عزيمه.. ووزعوا اللحم.. مرت الايام والكل عايش مع نفسه وعياله.. روضه سهر في الليل. ورقاد اشوي في النهار.. لانه عيالها النهاريين يكونون واعيين.. وعيالها الليلين يكون رقود.. والعكس صحيح في الليل.. كانت ترقد في الحجره الرئيسيه واحمد اضطر انه يرقد في الصاله. لين طفش وقرر يرقد في غرفته في بيت اهله.. لانه ماكان يقدر يرقد ابد. من يرقد واحد يصيح الثاني. واعصاب روضه كانت منهاره. هوو انتقل لغرفته في بيت اهله. وامها يت عندها.. تمت وياها لين كملوا الشهرين..وبعدين سارت لبيتها.. بدى رقاد التوأم ينتظم اشوي.. وقدر احمد يرجع لقسمه.. اخيرا ويحظى بنومه مريحه..لين الصبح.. مهره ها الاوقات تعيش في العسل.. لانها عرفت اخيرا انها حامل. ومحد يدري حتى يوسف..كانت مسويه له مفاجأه..سوت له عشى محترم وجهزت نفسها عدل.. بنفس الترتيب الي جهزته يوم سلمت عمرها من دون اي حواجز. دخل يوسف كالعاده الساعه 10وشم ريحه عود حلوه.. تبع الريحه لين فوق.. لقى الطاوله مرتبه مهره عليها الاكل والشموع..والاضاءه الخافته
يوسف:الله محلات الريحه..
مهره كانت واقفه عند باب الغرفه تترياه.. ايي..
يوسف:واااااااااو. شو هاا. احيد يوم لبستي ها اللبس. كانت ليله ولا في الاحلام.. الحين شو مناسبه ها اللبس. المعذب.
مهره ابتسمت:عندي مفاجأه لك.
يوسف:شو هيه؟
مهره:امممممممممم لا مش الحين بتعرفها.. اول شيء كل عام وانته بخير.
يوسف:وانتي بخير.. اوب اوب. تصدقين نسيت انه اليوم عيد ميلادي.
مهره:ههه بس انا مانسيت..
يوسف:فدييتج ياقلبي..
مهره:تعال جهزت لك العشى
يوسف:مابا العشى. ابا حرمتيه بس..
مهره:يوووووووووسف.. عاد مايصير روحي جهزته لك.
يوسف:خلاص ولا يصير خاطرج الا طيب..بس ابغي اعرف شوه الهديه فيني فضول.
مهره:ههههههههه. ياربي.. فديتك مايصير. (تقربت منه وباسته على شفايفه) يالله تعال نتعشى. ترا من جد انا يوعانه.
يوسف:وانا يوعان لج اكثر..
مهره:يووسف.. حبيبي. ترا والله استحي..
يوسف:ههههههههه الحين كم صار لنا من عرسنا مهره ولين الحين تستحين مني.
مهره:ههه هييه عادي وشو اسوي..
يوسف:فديتج.. يالله عيل خلينا نتعشى.. عيل.. تراني يووعااااااااااااان.
مهره:ههه فديتك. يالله.
تعشوا وخلصوا وخلوا الاكل في المطبخ التحضري.. يوسف ماتبرع انه يغسل الصحون. ومن يوم هذيج السالفه سار في اليوم الثاني واشترى غساله الصحون.. يظمنون النظافه وقصر الوقت في غسيل الصحون..ومن خصلوا ساروا غرفتهم
مدد يوسف مهره على السرير ويا وانسدح عدالها.
يوسف:انتي ارتاحي. وقولي لي وين هديتيه انا بييبها.
مهره:ههههههه. فديتك هديتيك موجوده حاليا. بس للاسف مابتقدر تفتحها حاليا..
يوسف عقد حياته:لييش؟
مهره:لانها مغلفه بتغلييف قوي.
يوسف:عادي احب القوي. بفجه.
مهره:ههههههههه لا حبيبي. ها التغليف مايفج الا من بعد سبع شهور..
يوسف فج ثمه يبى يستوعب الي تقوله مهره..
يوسف:مهر..ه قصدج انتي .. تقولين انج.
مهره:هييه حبيبي انا حامل.. وتوني مخلصه شهري الثاني.. اليوم تأكدت من الحمل. لو اني كنت شاكه من فتره خصوصا يوم تأخرت عندي الدوره اسبوعين.
يوسف:مهره.. فديتج. يعني. بيكون عندي ولد. اخيرا.
مهره وفي عيونها دموع:وبنسميه ذياب ياعمري..
يوسف وبدت دمعته تنزل:فدييتج ياقلبي. والله يا مهره انج غاليه.. غاليه عندي فوق ما تتصورين.
مهره:وانته بعد غالي عندي يا يوسف.. فوق ماتتصور.. في حياتي كلها ماتوقعت اني بحب انسان جذيه..
يوسف:فديتج.
لوى عليها.. وباسها.:اقولج عادي اتحسس هديته ولا ممنوع..
مهره:ههه عادي. بس بحرص..
يوسف:من عيوني.. ياقلبي.. من عيوني..
مرت الايام والشهور على حمل مهره لين اخيرا ربت مهره والمفاجأه بعد انها كانت حامل بتوأم.. ولد وبنت. الولد سموه ذياب على المرحوم. والبنت سموها ميره على تويمتها.خصوصا انه ميره ماخلتها من يوم ياها الويع لين ربت..رجعت البيت ويوسف طاير من الفرح.. الله عوضه بذياب ثاني واخته.. مرت السنين. والبيت عايش بفرحه. ويوسف طمع بيهال غير. وترجى مهره انه تيب لهم نونو بعد ماكملوا التوم سنه ونص.. وفعلا يابنت بنوته حلوه. سموها هيا..ومن طلعت من الاربعين.. حتى اكتشفت انها حامل.. ويابت ولد. سموه احمد.. الحين صار عندهم اربعه عيال خلال اربع سنين تقريبا.. مرت السنين والشهور وكبروا العيال. ودخلو المدارس.. والكل عايش بسعاده.. ولو مرات اتصادف حياتهم بعض المشاكل الي اتصير بين العيال والاباء.. واحيانا الامهات.. ولدج ضرب بنتي. وبنتج شلت لعبه بنتي.. بس كلها كانت تنتهي بسعاده..دايمه.. وانما احيانا اتصير مواقف محزنه. تفسد جو السعاده..ومن ظمن ها المواقف.. موقف موت ناصر ابو روضه.. الي واتته المنيه وهو في فرشه. راقد.. .. بس كان مستانس لانه شاف عيال روضه .واتطمن لحياتها
الحين عمر العيال ..
عيال روضه واحمد..سعيد كمل 16 وهند كملت 14 وناصر وعبدالله الحين كملو 10 .وحملت بولد بوحام بسيط تقريبا ويابت ولد سمته فارس وعمره2..عيال ميره وحمد..وخالد وخلود 12 وعبدالله اخوهم كمل.8 وربت بعده بسنتين ويابنت مهره. والحين عمرها 5..وعيال يوسف ومهره. ذياب وميره كملو 6 وحملت بعده بسنه ونص. ويايت هيا 4 .وبعدها سيده يابت احمد.3
توفت اليده فاطمه عن عمر يناهز.... وسوى العزا في بيت ولدها عبدالله.والتمت العايله كامله.. في بيت عبدالله..
بعد العزا بأيام كانوا الكل متجمع في الصاله الا سعيد ..
احمد:هند وين اخوج سعيد ؟؟
هند:كان في الغرفه..
احمد:شو يسوي؟
هند:ما ادري به يمكن يدرس لانه كان يشتغل على اللاب توب. بسير اشوفه
احمد:اوكي. اذا كان يدرس برايه خليه.
هند:ان شاء الله
سارت هند ولقت سعيد يالس في الحجره يشتغل على اللاب توب.
هند:سعيد شو اتسوي ابويه يتخبر عنك
سعيد:انزين الحين بيي..
هند:شو اتسوي؟
سعيد:ماشيء. كنت اكتب قصه حياتنا. من البدايه لين النهايه.
هند:قصه حياتنا؟
سعيد:هييه. من عرسوا امايه وابويه. وقبلها بعد. من يوم مارد يدي ناصر وعاش اهنيه.عند حياه يدوه فاطمه..
هند:انته كيف عرفت السالفه؟
سعيد:من حياه يدوه فاطمه.. هيه الي خبرتني بكل شيء.. من يوم مايا يدي ناصر.. عندهم لين آخر يوم تم اهنيه ..
هند:وبعدين شو صار.
سعيد:راغه يد ابويه احمد.
هند:راغه؟ لييش؟
سعيد:لانه اتهم بجريمه ماسواها. ودخل السجن بسبتها.. بس للاسف محد صدقه.. بس الحمد لله طلع الحق في النهايه.. وطلع يدي ناصر براءه.
هند:ابغي اقرى القصه عادي.
سعيد:هييه عادي.. كنت اصلا بطبعها وبخليها اهنيه.. مكتوب فيها كل شيء. حتى حطيت فيها الصور..
هند:صور؟
سعيد:ههه هييه صورهم كلهم. حتى يدي محمد لقيت له صوره. وحطيتها
هند:الله.. ابغي اشوفها.
سعيد:صبري خلصتها الحين.. اليوم فليل بطبعها وبغلفها تغليف زين وبحطها في الصاله.... وينهم؟
هند:كلهم في الصاله.. ليش؟
سعيد:تعالي. عندي ورقه ابغي اعطيها لابويه وامايه.
هند:ورقه شوه؟
سعيد:تعالي وبتعرفين..
سارت ويا سعيد الصاله وكانوا كلهم متجمعين.. عماته وامهاته. وحتى يدته لطيفه موجوده في البيت. انتقلت اهنيه بعد ما توفى ناصر. وعاشت في قسم البنات سابقا.. والبنات يوم ايين يباتن في قسم احمد.وكان هذا شور روضه.. علشان احمد مايلقى عذر ويخليهم ويرقد بعيد عنهم.. وفوق هذا كبروو قسمهم وشلوا الميالس الي كانن على طرف وضموهن لقسمهم.صار عندهم خمس غرف من بعد الغرفتين. دخل سعيد الصاله واتقرب من ابوه وامه وعطاهم ورقه.
احمد:شو هاي يا سعيد؟
سعيد:ابويه وامايه هاي الامانه الي عطتني اياها يدوه فاطمه.. وقالت يوم اموت اعطيكم اياها. وتبى الكل يسامحها.
احمد:امانه.؟؟ ومتى عطتك اياها؟
سعيد:عطتني اياها من سنه. وقالت لي ما اراويها لاي حد.. قالت لي اكتبها وخلتها عندها.. ومن سنه عطتني اياها. وقالت لي يودها لين اموت.
روضه وفيها دموع:ليش ماخبرتني عنها.
سعيد:هيه قالت لي لاتخبر حد..
مريفه:احمد شوف شو داخلها.
عبدالله اتأثر من الجلطه الي يته قبل. يوم ضاع احمد.. ويته مره ثانيه يوم انصدم بوفاه ناصر اخوه. ف الحين صعبه صارت الحركه عنده.. وحتى الرمسه..تم يشوف احمد. احمد رفع عينه صوب ابوه. ويوم هز عبدالله راسه. احمد فج الورقه.قرا الي فيها وتم ساكت.. ماقدر يقول اي شيء.
لطيفه:احمد شو بلاك. شو مكتوب.
احمد التفت على روضه: هذا اعتراف من يدوه.. تقول فيه. انه يدي تراجع عن حلفته اني آخذ روضه.. بس لانها كانت تبى لم العايله ماقالت شيء عن الموضوع.. كانت حاسه انه قرار يدي كان صح. لانه شاف روضه وحبها.وبغها تكون من نصيبي.. لانه بحسب قولها محد بيوز لي غير رو ضه.
كان عنده بعد نظر . وقالت لو انها قالت لي انه يدي قالها خلاص لحد يجبرني على اني آخذ روضه. ماباخذ روضه.. وهذا الي كان بيصير في الواقع. لو كنت اعرف انه يدي تراجع عن قراره ماكنت اتقدمت لج ياروضه. وكنت بعيش تعيس في حياتي. لين يومج هذا.
روضه ابتسمت معنه دموعها ينزلن:الحمد لله على كل حال يا احمد.. ولا انا بكون سعيده مع حد غيرك..
مريفه:الله يرحمها.
لطيفه:آمين.. عمره ناصر ماتكلم عنها الا كل خير..معنه مب ولدها.. وولد غير شرعي..بس اذكر انها مره كلمته. وقالت له انته مالك خص في الي صار.. ومن اليوم ورايح انته ولديه الثاني.. بس يوم صار الي صار.ماكان هام ناصر. من بعد ماطلع من السجن الا امه فاطمه.. قال كان خاطريه بس المحها لو مره وحده والوى عليها. واقول لها اني مظلووم.. بس ماصار نصيب.
مريفه:كلنا كنا مش مصدقين الي صار. يالطيفه. بس شو انقول الحمد لله طلع الحق في الاخير.
روضه:الحمد لله..
احمد:الحمد لله..
تمت..
25-07-14, 11:28 PM
ويبقى السؤال.. حصريا
رد: ويبقى السؤال.. حصريا
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
