كاتب الموضوع :
لورانا
المنتدى :
الاقتراحات والطلبات والمواضيع الجانبية
السلام يا بنات احلام اشكر الزميله لورنا على هذا الموضوع الي فتحته عشان يكون منفس لآراء البنات وعلى فكره لورنا اسمك على اسم روايه كلاسيكيه من الادب الامريكي اسمها لورنادون المهم بعد ماقريت جميع آراء البنات حبيت اشارك في الموضوع واقول اني كنت في بداياتي لقراءت الروايات كنت مدمنت عبير وبذات عبير الكلاسيكيه القديمه الي كاتباتها بريطانيات مكتوبه في السبعينات وانتشرت في العالم العربي في الثمانينات وبعدين انقطعت واعادت بصوره ثانيه بتسعينات باسم روايات عبير الجدديده وقلوب عبير بس ليست بجودت عبير القديمه لذا تركت القراءه ةالسنه هذي سجلت في منتداي الفالي ليلاس وبديت اقره عبير القديمه بس شفتها حلوه بس ماعادت توافق تطور هذا الزمن وروايات عبير الجديده ماحبها ويوم جربت وقريت احلام وكانت غجريه بلا مرفا عجبتني وبديت اقره احلام ورا احلام وتركت عبير لان احلام تناسب الزمن وبنفس الوقت رومانسيه اكثر وصرت مدمنة احلام المهم بالنسبه حقي الروايات تنقسم في حلاوتها الى قسمين الاول قسم مثير يخاطب حواس وغرائز البنت نحو اكتشاف الحب والحياة الزوجية الحميمه والاحظ ان معظم البات صوتوا لمثل هذا النوع من الروايات وهي الاكثر اثاره من بين الروايات وهي 1- سحن الماس 2- ايام في عذاب 3- بلا امس بلا غد 4- العسل المر 5- بقايا ليل 6-حب وخط احمر هذي الرويات تتاثيرين في قراتها تلقين روحك تقرين الصفحه وانتي متاثره مرتين وروايه نفسها تقرينها اكثر من مره . امابالنسبه للنوع الثاني ولي انا بعد احبه وايد هي الرويات التي فيها كوميديا رومانسيه البطل والبطله في مواقف واحداث مضحكه تلقين روحك تضحكين وتبتسمين لما تقرينه وهذا النوع صوتوا علبه بعض البنات بس القسم الاول اكثر من هذي الروايات 1- غجريه بلا مرفا 2- شمس الحب لا تحترق وهذي الروايتين من تاليف رينيه روزيل وهي بعد مالفه معارك الحب بس الروايتين القبل احلى 3- قمر الاحلام الضائعه 4- لا تبتسمي وهي روايه من مجموعه ثلاثيه لنفس الكاتبه الجزء الثاني هو ليل الغرباء والجزء الثالث لماذا تهربين بس الجزء الاول احلاهم 5- رواية مر من هنا روايه وايد حلوه و خفيفه 6- لن اكون لك وهكذا قول عن الروايات الافضل بس بالنسبه للروايات الاسوا انا عموما اقره الملغص وصار عندي خبر ايهي تعجبني وايهي لا وعموما روايات البطل يكون مدير والبطله سكرتيره ماحبها وماحب البطله متزوجه من قبل وعندها عيال من زوج ثاني غير البطل وماحب البطله تكون راعية علاقات قبل الزواج وعموما اقولكم يابنات الروايات هذي روايات رومانسيه خياليه ليست واقعيه الحياة موكلها واحد يحب وحده ويركض وراها طول عمره يدللها احنا نقره الروايات لتلطيف الواقع الحياة صعبه الزواج صعب الزوج صعب الاطفال صعبين بس بين هذي مشاكل نختار نحلم بالسعاده وعسى ماكون طولت عليكم ملاحظه الاخت مرجوحه ولكن مدمنه 12سنه فضحتي عمرك يعني كم عمرك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
14-06-07, 09:51 PM
جديد مواضيع قسم الاقتراحات والطلبات والمواضيع الجانبية
العرض العادي
