كاتب الموضوع :
كَيــدْ
المنتدى :
الروايات المغلقة
رد: قيودٌ بلا أغلال عانقت القدر
فتاة طيبة , طعون , تحية طيبة .
بخصوص تعليقكم الأخير حبيت اضيف مشاركتي عليه , يعني رغم كل الصفات اللي ذميتوها في جهيان و رغم اني ما أبلعها حقيقة في الرواية مجملاً الا أني اشوف ان ناتج الظروف اللي مرت فيها كونت هالشخصية البغيضة , وما ما يحكم عليها بالشكل هذا لان هالظروف ربما دفنت شخصيتها الحقيقة , احنا نكلم عن بنت تعرضت لأعتداء و لم تشفى منه , تعرضت لكلام وطعن في شرفها و تشكيك من قريب لعائلتها - زوجة عمها - وعلى اساسها جُبرت على زواجها من فواز , و لما كانت تتوقع ان فواز بيظل صامد معها من البداية سافر عنها و خذلها , اعطاها احساس بالرفض , و أمها لو انها شخص سيء لكن هي ما لمست هالشيء وشافته بعينها , ولما نجي لأمها - اللي كانت تعني لها دنيا كاملة-ما اشوف ان تصرفها لأبوها يُصنف عقوق و / وش ينرجي منها , يعني حتى حقيقة امها من قبل ومن بعد هي ما تعرف عنها شيء , غير ان ابوها ما كان نفسه , وعاملها معاملة بتستنج منها ان السبب اللي صار لأمها هو اللي وراه !
الغلطة غلطة الكل انها صارت بالشكل هذا , فواز وخذلانه , ابوها و اختها في كذبهم و تغطية الحقيقة , زوجة عمها وبعد اللي سوته !
هذا شيء طبيعي جداً انها تعامل ابوها بالشكل الفظ هذا لانها تشوف اللي شافته بدون ما احد يصحح لها هالنظرة , طبيعي جداً تعامل فواز بهالبرود لانه بالاول و الاخير خذلها بالرفض اللي صار بعد ما سافر وخلاها تواجه هالافكار كلها , طبيعي تعامله بالشكل هذا وطريقة ارسلها لبيته كان بهالشكل الموجع اللي اعطاها احساس بالنبذ وانها عاله عليه وعلى غيره وكأن لا احد بيتحمل نفسيتها التعبانة بعد كل هذا , طبيعي جداً تعامل وزجة عمها بالهطريقة وهي اللي ما انتظرت تبرير للحالة اللي كانت فيها سابقاً , اللي ظنت وبعض الظن اثم , اللي ما تنفك تقارنها بأختها حتى شككتها بالشيء .. هاذي نتائج عاصفة هوجاء ما انفكت الا بأعطاب كثيرة فيها ..
أوافقك ان البداية بين فواز و جيهان هشه وبيجي يوم وبتطيح بس مو عشان شخصية جيهان وبس , انا اشوف ان فواز هو اللي بيكون السبب , وانا اشوف حب فواز صادق نابع من الطفولة خصوصاً انه هو اللي من قبل رفض الا يأخذها وهي ما تكن له مشاعر,يعني على الاقل هي ما تعترف بها لنفسها , واشوف انه زيادة الحب هاذي بديل طلب الغفران على الحطام الاول اللي سببه لشخصيتها .. ولما نجي لوصفك في كونها على اي اساس تتلقى هالحب وهي ما تصنف من الجميلات اصلاً , من مجرى الرواية غالباً وصف شخصتها كانت هي اللي تعلق عليه وكان نابع من شخصيتها المحطمة اللي تكسر كل شيء جواتها فهذا ما يعني انها بالفعل تصنف على هالاساس الا لما نقرأها بالفعل على لسان شخص اخر ..
- هذه مداخلتي البسيطة اللي حبيت اشارككم اياها , طاب يومكم يا جماعة .
|
23-09-15, 12:27 AM
جديد مواضيع قسم الروايات المغلقة
العرض العادي
