صباح الخير هنو.. اشتقت لش واشتقت اعلق على
جمال حرفش..

..


"انتفَضَت وهي تُغلق بابَ الخزانة، التصقَ ظهرها بهِ وعيناها تتسعان بذعرٍ بينما اندفعَ الأدرينالين في أوردتها ليثبّط من هذا الذعر الذي لربما يفتكُ بها، وكان سيف أمامها صدرُه يرتفعُ بقهرٍ وينخفض بشدّةِ الإهانـة التي يشعر بها الآن! أمِن المُعقول أنها كذبت لتبتعد عنه؟ لهذا الحدِّ وصل الأمر بيننا يا ديما؟ لهذا الحدْ؟؟! لم يتخيّل أبدًا ولا في أسوأ إحتمالاتِ الحيـاةِ بينهما أن تفكّر ديما بهذهِ الصبيانِية والسطحية، أن تكذِب فقط لتبتعد عنه وتضربهُ بقبضةٍ ساخِنةٍ أصابته في رجولته"

ياربي انا ارقص والا ارقص.. واخيرًا انجرح سيف.. يعني مو فرحة انه يتألم بس عشان يحس شوي باللي تحسه ديم..

يختي والله ديما انظلمت حييييل مع سيف.. بس بدأت تاخذ حقها حتى لو ماكان بنيتها تكذب عليه.. كل شيء يجوز في الحب والحرب.. وانا صراحة اشوف اللي بينهم حرب ماهوب حب..
من حقها تحمي الجنين لا كان ابوه مايبيه من الأساس.. بس ترا ماني مقتنعة بأسباب سيف.. ليش مايبيها تحمل.. والله حرام.. يبي ياخذ بدون مايعطي.. أناني.. سادي، متغطرس.. يحتاج دق خشم..


..

أرجوان.. بعد قلبي هي.. احس محد لها.. يعني انها وحيدة.. ماعندها صداقات ولاشيء.. ماغير ربي بلاها بأخت بثرة..

..

جيهان.. حلو اعترفت انها مهما كان مارح تنفك عن ابوها.. رح يبقى فيها.. بقلبها ودمها وروحها.. بس لازم تعرف انو لا فات الفوت ما ينفع الصوت.. خوفي بس انه مايرد على فواز عشان صار له شيء ماهو بس مشغول..

..

"مرَّ نيسان، ورفضَ تمرير الفرحِ على شفاهي في صورةِ بسمةٍ عطرَة، مرَّ قبلهُ آذار لافظًا الشتاء، وحمّل نيسانُ الربيعَ على كتفيْه ورفض زرعهُ في عيناي، حتى الأشهر تقف ضدي! حتى الأيـامُ الراكضات أمامي تطوي الفرحَ وتُسكن دموعَ الشتاءِ في عيني، ابتدأ حُزننا في الشتاء، ومضى هذا الشتاءُ معنا أشهرًا مُتمثلًا في كلِّ الفُصول."


صراحة.. اوقات ما اعرف ابكي والا ابتسم من جمال حرفك.. ابدعتي ابدعتي ابدعتي.. اتعب وانا اقول ابدعتتتتتتتتتي..
تروق لي تشبيهاتك البلاغية.. تتفننين فيها.. كأنك تلاعبينها بين اصابعك.. تقدمين حرف وتأخرين الثاني.. وكل الحروف تغار
تبي هي اللي تنكتب.. حتى الأشياء اللي تحطين تشبيهاتك عليها تغار من بعضها.. ممممممم ماعاد عرفت وش اقول.. بس تعبك واضح جدًا.. اهنيك على ابداعك.. لا خليت..


..


زياد.. يختي ما بلعته.. خليه يقعد عند امه.. وسيف يعننه حنون.. يع مو لايق.. يا شين السرج على البقر بس.. و بثين عاد هي اردى منهم.. عايلة نكدية وكلها عاهات.. الله يخارجنا بس..

..


ماجد.. وش سالفته..! احس بموت من الفضول لو ما عرفت.. مايمديها نسوي تصويت ويجي البارت الجاي كله عنه.! نبي سالفته من طق طق لـ السلام عليكم.. كل بارت تزيد حيرتي عنه.. مابي اتوقع انه متعب ابدًا..

..


سلطان.. شو هاا.. جاني قرف وانا اتخيل شكل الدم والريحة😖
الله يسامحك قريت الموقف وانا آكل بغيت ارجع.. بس يمكن انه
من هذولاك اللي كارهين سلطان.. اللي اسمه ابراهيم والزفت اللي معه.. يعني يرسلون له تهديد صريح.. انو احنا نعرف بيتك ومثل ما قدرنا على كذا نقدر عاللي اكثر.. بس مين قصده لما جلس يقول معقولة انو هو.. يعني قصده عمه كالعاده والا هو عارف انو له اعداء غير عمه..!

..

أسيل.. زين مانكدت على شيهان حياته وحاولت تتقبله.. صراحة انا توقعت انها اقل شيء سنة كاملة بتعيشه بنكد لين يتعب وينتحر.. وتقوم تبكبك عليه مثل اخوه ويجي غيره ويتزوجها وتنكد عليه ويلاا-> محد يتمسخر

..


فواز.. دامك تخاف من فراقها ليش سويت انا الشهم وقمت تزوجت غيرها.. خلك قد افعالك.. على الطاري.. جنان مختفية.. لا يكون موتتيها بس😈

..

جيهان.. روقينا بس.. كني اشوف شياطينها شوي هاجده البارت ذا.. وما غثتنا بكلامها السم اللي يجيب الكآبه.. صدق صدق هنو فواز وش شاف فيها عشان يحبها.. ماغير اخلاق زفت ولسان ازفت.. وكآبه مزمنه للي يتعرفون عليها..!

..

تميم.. وع وع وع.. قلت لك من أول ظهور له ما حبيييييته.. لا هو ولا جده الخيبة ذي.. قد هو رجل في الدنيا ورجل في القبر وبدال ما يتوب لسى يسوي صفقات غير شرعية.. اي والله الخيبة صدق..

..

إلين.. واخيرًا.. مابغت تفكنا أم عويل ..-> واضح اني كنت متنكده منهم هي وجيهان ..!

..

أدهم.. الله يهديه ويصلح حاله.. بس ابي اعرف وش علاقته بمتعب.. وماجد.. وإلين..!


..

غادة.. تهورت.. وقلبي يقولي انو تهورها له عواقب كبيرة.. حتى لو مو الحين.. يمكن تكررها مره وثنتين وثلاث لين يطيح الفاس بالراس..

..


سيف.. مو من جده ذا.. يبي يرجع بثييين.. وديما طيب..! وش وضعها..! توه اللي يعترف انها زوجته.. وين كان اعترافه ذا وهو يعاملها زي الجواري.. حتى اسمها غيره بدون وجه حق.. انا اقول يستاهل كل اللي يصير فيه.. صحيح ما حبيت ديما وهي تدعي على زياد.. مهما كان هو طفل.. ماله ذنب ابد الا انه نتيجة لعلاقة فاشلة بين الأم والأب.. بس يستاهل سيف والله كل الجروح اللي بتجيه.. ضربتين عالراس توجع.. اولها لما كذبت عليه.. وثانيها لما اعترفت له بحملها.. صحيح حسيتها تهورت يوم قالت له .. بس ما ألومها.. من حر قلبها والله.. اتمنى بس سيف ما يكمل ساديته ويخليها تجهض ..

"أغمض عينيه بقوةٍ وهو يُخفضُ رأسهُ ويسند جبينه إلى يدهِ المرتعشةِ ارتعاشًا غيرَ ملحوظٍ ما إن نطقت ذلك الاسم الذي اقتربَ على نسيانه، ذلك الاسم الذي باتَ يكرهه منذ مدة، وبصوتٍ ميتٍ ذابلٍ كفصلٍ اختزل كل الفصول في حياتهما، كالخريفِ الذي ظلل كلماتها ونبراته : تبالغين ، بكل قسوة تبالغين!!"

حتى انا مع ديما.. اقرا وحواجبي بتوصل جبهتي من الإستغراب.. اجل تبالغين.. وقسوة.. وانت ايش بالله..! لا يكون الحنان يطفح منك بس..

..


"اتّسعت عيناه باستنكارٍ لآخر ما قالته وهو يستديرُ إليها لافظًا كل إدراك، مبتلعًا كل استيعابٍ ليبقى عدم الفهم في حنجرتهِ وصوته الذي اهتزَّ بفراغٍ هاتفًا وكأنه لا ينتظر صدمةً جديدةً منها بعد تلك : ولدِك!!!"


انتظر الصدمات يا عيني انتظر.. لسى مادريت انه امك راعية الفكرة.. ياه برد قلبي.. كذا كنه انغسل بثلج.. بس باقي لما تعرف جيهان بزواج فواز وقتها اقرا وانا مستمتعة-> فيس شرير..


..

وبس والله.. هذرت واجد ادري.. بس لي فتره ما علقت وطلعت اللي بخاطري كله..

..

تعبتي عالبارت.. ومقدرين تعبك والله.. واتمنى تعليقي البسيط ذا يسعدك زي ما تسعدينا..

..

حبي لك💕

أبدعتي وأجدتي


عن جد روووعة واخدني الوقت وما حسيت إلا بكلمات الختام تعلن عن انتهاء الفصل.




ديما أخيرا فجرت القنبلة ... واشك انها كانت واعية لحكيها عن ولدها .

سيف متناقض بصراحة حيرني فهمه .






غزل اظنها كذبت على سلطان وانه في حدا بس خافت تحكي.

سلطان شو رح يسوي ومين رح يتهم ؟!!

أظن عمه هو المتهم الرئيسي بالقصة.





أدهم ممكن نقول انه تاب واناب وعمل صالحا ليكفر ذنوبه.





جيهان هﻷ حنت ﻷبوها ولكن تستاهل ما اجالها أجل تكسر خاطره وبدها ياه يرجعلها عند اشارتها !!!

فواز بتمنى يكمل زواجه من جنان وخلي جيهان تموت بحرتها تستاهل أكثر الجاحدة لنعم ربها.





عن جد ما في عندي تعليق يليق بروعة ابداعك واستمتاعي بكل حرف من كتابتك ..

بتمنى لك التوفيق وأنك تختميها على خير.


تقبلي مروري وخالص ودي


○° الله أغفر لي ذنبي كله ، دقه وجله ، وأوله وآخره ، وعلانتيته وسره .°○

مساء الخير كتبت ردين وش طولها وطاارت المهم قناعتي انه لاداعي للمزايدات في الردود كتبت رد ووضحتي وجه نظرك (مشكوره طبعا)لكن مايهون علي زعلك ولا ودي تاخذين بخاطرك علي ادري مابتزعلين بس ليطمئن قلبي مشكلتي عزيزتي مو وصف المشاعر بل احب الاسباغ بوصفها التشبيهات الكثيره هي اللي احسها مبالغ فيها مجرد رأي مالي نيه اضايقك فيه صدقيني وانا ماعرفت الروايات النتيه الامن سنتين لميولي للرومانس العامي من واقع حياتنا انا قارئة كتب احب اتحسسها بيدي واطوي طرف الصفحه اللي وصلتها هذا اللي يرضيني ماراح اقول قارئه جيده لكن لاباس بي لذلك اشوف الجمال دائما في البساطه اتمنى من كل قلبي ان تصلي لحلمك انتي لست مشروع كاتبه انتي كاتبه فذه تقبلي مروري واعذري تطفلي 😘

ماشااء الله الباارت طويل قلت لاازم قبل لااقرااه
اشكرك عليه.