صباح الخير.. بكتب لك تعليق عالسريع..
يعني اذا لقيتي طلاسم مشيها😁


مساء النور يا هلا بالزين :$$

..
إلين..
"ولا ضيق إلا لابتعاد العبد عن ربه! تدرك ذلك فابتعادها عن الله يتضاعف، يتضاعف بدرجةٍ تجعل جحيم الحياةِ يُطبق على جسدها ويحرقها بنيرانٍ سوداءَ تتلذذ بالضعف.
قلّبتني الحياةُ على مشواةِ الخيبات ويا الله يا مُقلِب القلوب ثبّت قلبي على دينك! أُدركُ أنني في امتحانٍ منك، وأُدرك أنني أفشل فيه، أدركُ أنني ابتعدت عنك أميالًا وكلّ ميلٍ يزداد بهِ ضيقي أضعافًا، سامحني يا الله على كلّ صلاةٍ أخرتها وأنا أبكي تحت لحافي، سامحني يا الله على كل آيةٍ في كتابكِ لم أقرأها منذ استبد بي الحزن وكسر مجاديفي، سامحني على كل شيء! على كل شيءٍ يا الله وعلى كل الضعف والتقصير الذي سيرافقني في الأيام التالية."

طيب يا حلوة دامك عارفة وش دواك ليش ماتقومين تفزين على طولك وتصلين لك ركعتين ترتاحين فيها.. ماغير عويل عويل عويل صجيتينا ترا😼

- القول أسهل من الفعل للأسف وإلين أقرت بهالشيء في عبارة " وعلى الضغف والتقصير الذي سيرافقني في الأيام التالية " يعني ببساطة هي عارفة علتها وعارفة علاجها لكنها بعد عارفة إنها يتظل على تقصيرها وما انتفضت وتحركت الا الحين وتوها توها يعني بقي مشوار :(

،

ديما.. وه الحمدلله انو انقذتها ام سيف من البعو.. يا الله يارب انو ما يعرف الا لما تكمل 3 شهور عشان ينحرق.. بس تهقين دامها جابت طاري الدورة انو يشك فيها ويقعد يراقبها او يحسب لها كم شهر ما جاتها😧
عاد الرجال لا شغلوا عقولهم اعوذ بالله حتى ابليس يقعد متكي ويناظرهم بصدمة😏

- عاد ممكن الرجال مكّارين من هالناحيــة وممكن ينتبه بس ديما رقّعتها وقالت إن الدورة حاليًا ملخبطة ومعنى الكلام لها فترة ما جتها
المشكلة إذا ما دخل هالشيء راسه هنا اللهم يا كافي بس :((
،

أرجوان.. فقد الأم موجع.. فـ ما بالك لو كانت الأم مسببه لهم جرح قبل تتوفى..!

،

أسيل.. ياربي ياربي.. حتى لو ما سوت شيء بس اقرا حديثها مع نفسها اقعد اقول " نينينينيني" تعالي ببي اسمعك اياها😂😂
..

- ههههههههههههههههههه أنتِ كرهك لأسيل ! لا تعليييييييق!!


شيهان.. "شكرًا للرب ، لأنكِ ظهرتِ في حياتي الروتينية وطهرتِ مقلتي من دمعِ الفراغ."

جعلك اللي مانيب قايلة.. الحين من يوم ملكتوا وهي كل ماشافت فرصة جرحتك وانت الحين مفهي عندها.. مالت عليك اصلًا محد يعتمد عليك.. قلت بتأدبها عاللي قد سوّته فيك بس اشوفها لاعبة فيك لعب
ماهو بصاحي.. ما اقول الا مالت ثم مالت ثم مالت..
..
- هاااو خليه يعيش حياته على بالك حقود مثل بعض ناس -> اللبيب بالإشارة يفهم
طبعًا شاهين وضّح نظرته من هالناحيـة " الحياة تحتاج تنازلات في بعض المرات " لذلك يسامح أفضل له عشان تستمر الحيـاة اللي يبيها وتصير معيشتهم أحلى ظن ليه ما يعطي فرصة؟

"شاهين يُنزل ذراعهُ عن كتفيها ويهتف بابتسامةٍ لم يستطِع اسكانها : طيب ، عشان صوتك الحلو ذا بآكل "
وووووعع وين الحلاوة اللي بصوتها.. كنه صوت قرد🐒
- هههههههههههههههههههههههههههههه لا جد كرهك لها مو طبيعي

،

سلطان.. جاته لعنة ارض جو من حيث لا يحتسب.. مسكين توه صحى عاد عيونه منفخة من النوم😁

..

يا الله..! زواجهم باطل..! ماعنده حل الا انو يحبب الصلاة لقلبها.. يذكرها بعقاب ربي.. و عذاب القبر ويوم الحساب.. يعني بمعنى اصح " الترهيب" يخليها تخاف ربي قبل كل شيء..
- الإسلام فضّل الترغيب أكثر من الترهيب
وللحين ما عرفنا سلطان بيلجأ لأي طريقة عشان يدخلها في الإسلام بشكل يخليها تحب الصلاة وكل شيء متعلق فيه
وممكن يكون خربها على آخر شيء :(

،

جيهان.. البثرة حقتنا.. حليلها وهي مطيعة .. شكلها كذا 🙍.. بس ليش تخاف من ام فواز.. وعلى حسب كلامهم انها ظلمتهم وكلهم عارفين.. يعني عشانها ماتبي جيهان لفواز والا كيف..؟
- ما تخاف! بس هي ببساطة نقدر نقول حاقدة عليها بسبب اللي صار وما تبي تتواجه معها
وهي حكت عن هالشيء بشكل أكثر تفصيل " بدون أمها أو حتى أرجوان ما تقوى تتواجه معها "
..

فواز ..
"حتى في القعودِ تنكسرين فكيف إذا اكتشفتِ ما حدث وما صارَ من معمعةٍ خارج إرادتي وسيطرتي؟ تلّفنا عدم القدرةِ يا جيهان وتنزلق كلّ الخيارات من أيدينا فلا مجال إلا للـ " الرغم " رغمًا عنا، لم أسعى يومًا إلى غيرك، ولم أتمنى مرةً أن أصبح محاطًا بزوجتين، لكنّ المكتوب لنا كان خارج ما أتمنى وما لن يُرضيكِ ..."

كان تقدر ترفض يا حبة عيني جعل عينك الفقع.. للحين احس مافي شيء مقنع يخليك تتزوج .. بلا رغمًا عنك بلا هرج فاضي..
- هههههههههههههههههههههههه أعوذ بالله بس
الزبدة فيه ناس ما تكتشف خطأها إلا بعد حين ، ممكن يكون فيه أكثر من حل لكن الإنسان تغلبه نزعات التهور مرات أو نقول " الفزعة " -> وجعلنا من بين أيديهم سدًا ومن خلفهم سدًا فأغشيناهم فهم لا يبصرون

اللي ابي اعرفه.. الحين وش وضع جنان.. اللي متأكده منه فواز مارح يظلمها.. حتى لو ما يحبها بس انو يقدر ابوها واخوها.. وفوق كذا اخلاقه وخوفه من ربي رح تمنعه انو يظلمها.. تدرين.. جا ببالي انو جيهان اذا عرفت عن الزواج رح تهاجم جنان.. بما انو جيهان مجنونة وما تحسب تصرفاتها وخطواتها قبل ما تسويها..
-عاد هي صح جيهان مجنونة رسمي وجنان مسالمة الله يستر بس :(
بس على قولتك فواز مستحيل يظلم جنان ونشوف وش بيصير بوضعهم :/
،

اعتذر هنو على قصر تعليقي.. و ما وفيتك حقك.. بس الجايات افضل بإذن الله..
😻😊
- يا حلاوتك بس مافيه تقصير منك مبثرتني في أماكن كثيرة
^ أمزح أمزح لا تطنقرين :(


ياهلابـِك ()